Jeongguk's POV
"Papa!"Nursery kawta ka din lai chuan ka fapa kum thum mi chu ka lamah a rawn tlan nal nal a,rit ve tawh mahse zo deuh hian ka lo chawi lawp a.
"Hey,thiana. Vawiin school enge a an?"lift ah kan lut a, office atanga an nursery a inhnaih vangin ka hruai a,lift a hlauh vangin ka fapa chuan nghet deuhin ka ngawngah min kuah a.
Thla khat vel liamtaa lift kuaa a tlakhawlh tawh vang khan Jungmin hian lift hi a hlau tlat tawh a ni.
"A nuam lutuk! Vawiinah kan inah ilo riak dawn em,papa?"a ti a,a kum phulo hian a tawng thei a,nui chungin ka lu ka lo thing a.
"Ka tihpalh lutuk,mahse office-ah hnathawh tur ka la nei a,"ka tih chuan a tum a, mahse thil min zawh leh chuan a reh leh nghal.
"Ka lo kal ve thei angem?"hnial ti har deuh tur hian lawmawm deuhin a meng zeuh zeuh a,mahse ka nui ringawt a,ka fapa thang kamah ka awk teuh e.
"Office-ah maw?"Lift atanga chhuakin pawn lam kan thleng a, lift atanga kan chhuah takah chuan a hlauhawm tawhloa ngaiin Jungmin chu kea kal tumin ka pawmna atang chuan a tal chhuak a.
"Aw!"ka car awmna lam kan pan lai chuan ka kut chu nghet deuh hian a vuan a,a kut tereuhte ina ka kut a vuan ve tat chu hmuhnawm ka ti bang theilo.
"Mahse mama a awm dawnlo asin, Uncle Taetae leh Uncle Hobi te pawh,"ka tih chuan a hmel a siam chhia a,a lawmawm em vang chuan ka lo nuih a.
"Tinge?"
"Hnathawh hun a pel tawh alawm, Jungmin. Hnathawh zawh chuan an haw thin a,"thutna hnung lam chu hawngin naupang thutnaah chuan ka thuttir a,a seat belt chu ka hrentir nghal bawk a.
"Anih chuan tinge hna ila thawh dawn a?"ka hrentir zawha a dula ka dek chuan a nui uar uar a,mahse a hriat chak chu min zawt tho.
"A chhan chu anni ai hna thawh tur ka ngah a,chuvang chuan ka rei thin alawm,"driver seat-a kal vat pahin ka chhang nghal a,a dawta Jungmin thil sawi vang chuan ka nui chiang kher mai.
"Anih chuan ka pui ang che,papa!"phur deuh hian a ti chhuak a,min puih chak hmel deuh hian a meng bawk a.
"Tak tak maw?"ka seatbelt ka hren hnu chuan engine chu ti nungin ka jacket atang phone ka phawrh chhuak a.
Jungmin enkawltu a nih vangin Jimin hnena hrilh a ngai, nursery atanga Jungmin hruai tur khawpa min rinna hi hmang tangkaia tihchhiat ka duh hleklo.
"Aw!"
"Anih chuan papa bulah ila awm dawn tih mama hnena kan hrilh a ngai dawn ania,"tih pahin ka kuta phone chu ka hmuhtir a.
"Awle,anih leh Jungmin hian papa phone atang mama a be thei angem,please?"a kut pahnih chu dah dunin a rawn dawh a,ka phal nan a insiam cute bawk a.
"Kha le,thiana. Mama number chu i hria tiraw?"ka nuih sang a,a kut te hi ka seh chak lutuk,mahse insum hram hramin phone chu Jungmin ka pe a.
"Aw, Jungmin hian mama leh papa number a hre vek,"a number chu type in min hmuhtir a,a dik vek e,a fin em vang hian ka chhuang a ni.
"Tha lutuk, Jungmin,"number a tih dik vek vang chuan a biang chum deuhah chuan ka piai sak zeuh a,a beng bula phone a ken hnaih lai chuan ka en reng a.
Car nena a in connect reng vangin chutianga a ken kher pawh a ngai chuanglo,mahse a lawmawm em vang chuan engmah ka sawilo.
A lu ai pawhin phone a lian a lawm le.
Chuan a biang lehlama a ken zawng chuan a hmai a nek a,chu chuan a hmui a tihpawrh tir tarh a.
Ka fapa lawmawm dan tur chu in ngaihtuah thiam mai em?
Lalpa leh,ka thi dawnin ka hria.
"Mama!"
"Naute,papa bulah i awm ami?"speaker atang Jimin aw chuan a rawn ti a, Jungmin in a beng bula phone a la ken reng lai chuan ka nui sek a.
"Aw,mama. Jungmin hian papa hi a pui duh a, Jungmin hian papa hi a office-ah a zui thei angem?"ka fapa chu a hmaa Jimin awm niawm tak hian a inla cute a,a hmui pawrh ka va piai loh nan ka insum nasa kher mai.
"I duh maw?"omega aw chu a zaidam hle a,a tawng dan atang chuan a fapa a hmangaih hle tih a lang bawk.
"Hmm,papa hian hna thawh tur ka ngah atia, chuvang chuan mama leh Uncle Taetae leh Uncle Hobi te angin a haw hma ve thei lo a,"Jungmin chuan dang miahloin a ti chhuak a,hetianga a hmel a siam hi chuan engtinnge kan hnial phal tehlul ang ni.
Jimin hian hmu thei lo mah se Jungmin hmel awmdan tur a hria tih ka hria.
"A tha e,naute. Mama hian zanriah tur kalo keng ang,aw?"Jimin thil sawi vang chuan ka lo meng phawk a,vawiina ka hmuh leh theih dawn vang hian ka hlim a ni.
"Ice-cream ka ei thei angem,mama?"Jungmin chuan muangchang hian a ti chhuak a,a mama hian thil vawt ei vak a phallo tih a hria a,mahse a phal tak thut a rin vangin a dil chiang lutuk.
"Mama in i eitur a siamsak che ei zawh vek i intiam chuan a ni mai,"Jimin in a tih chuan Jungmin chu a then thu a,ka nuilo theilo.
Ka office-a Jungmin ka hruai thei tih ka hriat hnu chuan parking lot atang chuan tlanchhuakin ka office lamah ka inkhalh chhuak a.
"Ka tiam e,mama!"
"Awle,naute. Papa tibuailo in naupang fel tak ni ang che,aw?"omega chuan a ti chhuak leh a,mahse a aw a la nem tho.
"Awle,mama. Mama pawh mama fel tak ni ang che,"a mama thil sawi ang chuan ngaihtuah lem hleilo hian Jungmin chuan a ti ve a,Jimin nen chuan kan nui hawk hawk a,a tawngkam thiam lutuk hi a lawmawm a ni.
"Awle,naute. Ka hmangaih che."
"Keipawn ka hmangaih che,mama. Papa pawn a hmangaih che!"Jungmin chu intithei deuhin ka lam a rawn hawi a,engmah sawiloin ka lo nuih a.
A thil sawi kha a dik a,mahse Jungmin thil sawi ve mai mai rmaw tiin Jimin hian a hrelo der leh ngei ang.
"Mama hian ei rawng an bawl tawh ange,bye baby,"rin ang chiahin Jungmin thilsawi chu a hrelo der tak tak,lungawilo deuhin ka ner nung a,ka motor khalhah chuan rilru ka pe ta zawk a.
An inbe zo niawm tak a ni a, office pawh kan thleng tep tawh.
"Bye,mama!"Jimin in phone a dah hma chiahin Jungmin chuan a ti hman a,a mama duat tak a biak theih vanga hlim hmel deuh Jungmin chu ka nuih a.
A dulah phone chu a pawm bet a,car khalh laia lo tihbuai loh tur tih Jimin in a zirtir angin min tibuailo a,mahse ka hnung atang chuan min melh reng tih ka tukkhum za mer mer atang chuan ka hre thei.
Red light-a ka din chuan mitmeng de sar sar-a minlo en rengtu ka fapa lam chu ka hawi vat a.
"Enge ni ta, thiana?"
"Jungmin hian i phone ah games a khel thei angem,papa?"a rawn meng no tak tak chu ka thinlung hi a tek chuai chuaiin ka hria,mahse min nghawnglo ang deuhin ka aw chu ka thian kharh kharh a.
"Tehreng mai,thiana. Mahse office kan thlen hma chiah aw?"
"Awle! Ka lawm e,papa!"
"Min zawh hmasak vangin i fel lutuk, Jungminie. I ti tha e,"a high-five turin ka kut chu a lamah ka phar a,a rawn ben thek hnu chuan phone chu a ti eng nghal a.
Ama tan liau liaua games ka download sakah chuan hnehsawh deuh hian a lut a,a bak chu Jungmin nui ri ker ker leh speaker atanga a games khel riin a luah khat a ni.
YOU ARE READING
Divorce {Jikook} MIZO✅
Fanfiction"Inthen hi thleng turin i duh tak tak amaw?"room chhunga a rawn luh hnu chuan khum sirah chuan ka thu a,a nghawnga tie a awrh a tih thawl lai chu chu ka en reng a,nilenga hna a thawh hnu chuan a hah hmel angreng khawp mai. "Aw,"mut hran kan tih hnua...
