Divorce {Jikook} MIZO✅

Part-18

Jimin's POV

Ka harh chuan nightstand-a Jeongguk note hnutchhiah chu ka hmu a,chutih rual chuan pawn lama nui uar uar thawm ka hre zui bawk a.

An chawhmeh lei anlo let leh der tawh a ni ngei ang.

Dar zat ka hriat duh vangin phone la tur chuan ka tho a,mahse ka taksa hnuailam rawn nat vang chuan zana thil thleng kha ka hrechhuak zawk mai.

Ka mutthilh san nghal daih hnua Jeongguk in engkim a tifai tih ka hriat chuan ka hmai a rawn sa chhuak nghal vek a,hmai phih turin khum atang chuan ka tho a.

Ka biang sen vek a reh hnu chuan chokaah chuan ka phei, Jungmin chuan minlo hmu nghal a.

"Mama,good morning! Enteh,papa hian nangmah ang chiahin artui a kang ve ania!"

"Good morning,naute. Ka hmu alawm,mahse enge i tih a? I pajama kha a huh vek ania,"chokaah chuan chutianga intih huh theihna engmah ka hmu silo a,min chhan hun chu ka nghak reng a.

"Jungmin hian papa hi salad a sil pui a,mahse tui hian huh huh min ti a. Chumi hnuah papa hian a ti fai a. Sandwich kan siam a,mama!"engmah thuploa sawi pah chuan a nui uar uar a,an tihfai tawh vangin thil thlen chhan chu tikhan ka hrethiam ta chiah a.

"Thiana,kan menu hi surprise tur a ni emaw ka tia?"Jeongguk in a tih chuan Jungmin chu phawk deuh hian a meng a,ka lam a rawn hawi vat a.

"Oh no! Mama, Jungmin thil sawi kha theihnghilh daih rawh,aw?"tia min zawh chuan ka lo nuih a, theihloh mah se ka lo bu tho a.

"Awle,naute. Tunah chuan naupang fel tih angin i kawr kha va thlak rawh le. I kawr awmna chu i hria tiraw?"choka chair sang deuha thu mek ka fapa bulah chuan ka kal phei a,kawr huha a awm reng chuan a damloh ka hlau a ni.

"Papa pawn inthlak turin min tia,mahse Jungmin hi a thatchhe lutuk a,mama,"kawr huha awm nuam a tih vangin a thlak theihloh nan a hmui a ti pawrh a,mahse tihdan tur tha tawk tak ka hria alawm.

"Damloh i duh ami, Jungminie? I duh chuan kan chawlh chhung zawng hian tuiah i cheng thei tawhlo anga, Ice-cream pawh i ei thei tawh dawnlo anga. A pawi dawn asin,a chhan chu nimin khan mama hian i ei chak tur ice-cream tui deuh tam deuh ka hmu a,"a thil duh deuh ka sawi chuan a beng a verh nghal hle a,ka chak tih ka hriat chuan nui lo turin ka insum a.

"Jungmin hi a kal nghal dawn,mama. Heta tang hian min dah thla rawh please. Chair hi a sang lutuk a,"A ban a rawn phar a,a pajama huh phelh chu a phur thar tawh kher mai.

"Naupang fel,i pajama kha thawmhnaw suktur dahnaah dah theihnghilh suh aw?"chhuat a rah veleh a ke te reuhte chuan hmanhmawh zetin choka atang chuan a tlan chhuak a.

"Awle!"

Phur deuha min chhanna ka hriat chuan ka nui hak a,ka hnung lama thil awm ka hriat chuan ka hawi let a.

"Enge i tih?"a awm chu ka hmaah tak a awm a,a kut la chhuaka ka kawnga a rawn kuah chuan Jeongguk chu ka lo nuih a.

Jeongguk chuan a kutzungpui chu hmang tangkaiin ka zâng ruh chu na lo te tein a zut chho a,a nuam mah mah.

"Ka massage che. Nizan khan ka ti na che em?"a ti muang fan raih a,ka hnung a hmeh pah chuan a awm min nghen tir a,ka lu ka lo thing a.

"Ka sil ringawt,"A awma ka bei vangin ka aw chu a thum det a,ka beng bula a awm vangin a thin phu ri chu ka hre thei.

"Nizan vang khan ka lawm e,"a awmah a tawng zawng chuan a rawn in nghawr a,a mita en tumin ka hawichhuak a.

"Ka thil sawi kha ka ti tak tak. Nizan khan min nam sawn la chu Jungmin hi hruaiin ka kalsan vang vang ang che,"ka tih chhuah chuan Jeongguk chuan nuih pahin ka khabe-ah a rawn dawm a,min rawn fawp zeuh a.