Jeongguk's POV
"Jeongguk,i dawhkana thil awm zawng zawng shredder-a ka dah hma hian haw vat vat rawh,"kuangkuah chunga ka hmaa ding at Hoseok chu ka en chho a.
A thin a rim a ni.
"Hyung,i haw hmasa thei ang,"ka tih zawh chuan laptop-ah thil ka type leh nghal mawlh mawlh a,ka dawhkan atanga ka laptop Hoseok in a rawn lak thut chuan ka phu zuk thei.
"Aih,i haw hma chu ka haw dawnlo. Chuan tunah hian i tih a ngai,a chhan chu darkar hnih hnuah Y/N nen date kan nei,"a ban lehlama a sana bun a en hnu chuan min rawn en leh a,ka tlawm e.
Hetianga a thutak hi
chuan hnial hnialin awmzia a neilo.
"Awle,nih chuan ka laptop kha minlo pe tawh la?Ka off hmain ka save vek a ngai ania,"ka dil hnuah Hoseok chuan a mit a chhing te te a,reivaklo hnuah a phal ta hram a.
"A tha,chuan i haw hunah thil ei theihnghilh suh. Ruhrel chauh i ni tawh ania,"Ka hmaah laptop chu a rawn dah thla a, Hoseok in min en reng tih ka hriat vangin ka thil tihlai ho chu ka save mawlh mawlh a.
"Chuan tha pawh,"a theihnghilh vangin ka ti chhuak sep a,min la rawn pen kawrh zui.
"Thau i mamawh belh,mawllian,"lungawilo deuhin Hoseok chuan a ka ang a,min penna a nat reuh em vangin ka lo si a.
"Ka ei ang,hyung. Lungngai suh,"ka chal chu ka tuai neuh neuh a,laptop ka off hnuah ka bag-a khungin chhuah nghal ka tum a,mahse min ti ding leh a.
"Kha chu hetah hnutchhiah rawh. Monday hma chu hna thawh tawh awihloh,"a rawn tih fak chuan ka meng phawk hru thei.
"Mahse naktuk Sunday a ni sia,"ina ka laptop hawnloh ka ngaihtuah chuan tlemin ka awm a nuamlo deuh,kan ram chhung niloa mi tur project ka ngaihtuah tan sia.
Naktukah minlo biak tum ta se?
"Ni chiah e. Chuvang chuan,hahchawl rawh. Kar tawp chu hahchawlh tur tihna, Jeongguk,"Hoseok chuan ka darah a rawn beng thek thek a,mahse a thil sawi chu ka pawmpui ve theilo.
"Mahse project-"
"Aih,"a rawn ti nghal a, reilote kan inmelh reng hnuah ka tlawm ta hram a.
"A tha e,"ka ti chhuak hak a,Hoseok chuan intithei deuha nui chungin ka chair atang min pawtchhuak a.
"Tunah chuan kal rawh,"Kawngka kan thlen thleng chuan ka hnung atang min nem det det a,pawna kan chhuah theih hma chiah chuan ka pheikhawk hmangin ka inti ding a.
"Ka jacket kan la tal ang,ka chahbi leh wallet a awm vek sia,"keiaia te alpha en tur chuan ka hawi let a,ka hnuaia ka en theih a nilo pawh a nilo,mahse ani hi ka mi ngaihsan tak a ni zawk a ni.
Ka hna tamtakah min pui nasa em em a, Namjoon ang chiahin min kaihruai a ni.
"Awle,"Hoseok chuan jacket ka lak theih nan a kut chu a la sawn a,mahse ka let leh hma minlo nghak ve thung a.
Amah ai hna min ban hma tir a tum nghet tlat a ni.
"Lalpa leh,hyung,"nui chungin ka ti chhuak a, Hoseok erawh chuan hawisawn miahloin thutak deuh hian min en reng a nih chu.
"Heihi ka tih a ngai alawm. I chhe tulh tulh, Jeongguk. I hria em?"Ka room kawngka ka kalh hnu chuan pawn lamah kan chhuak a,kan floor awmna darthlalang bul atangin pawn lam chu ka thlir chhuak a.
A thim vek tawh.
"Ka tha alawm,"ka tih chuan Hoseok thaw hak ri chu ka hrie thei.
"I tha lo. Min ring rawh,"ka aw nen inmil turin a rawn tichhuak a,kalo nuih a.
Engkim a hriat vek laia Hoseok hnena thil thup tum chu theihloh hulhual a ni.
"Ka ngai ringawt alawm. Ngai tur ka nilo tih ka hria,mahse enge ka tih theih chuan? Ka theihnghilh theihna awm chhun chu hnathawh chauh hi a ni sia,"Ka ti chhuak a, Hoseok chuan min hrethiam vek tawh a ni tih ka hria.
"Hna thawhloh thil dang ti mai rawh,"a tih chuan ka lo nui chhuak hak a.
"Chuvang chuan alawm ka work out thin. In ka thlen chuan ka hna thawh nasat lutuk vang leh hah vangin ka muhil nghal tawp zel,"min en reng tih ka hriat chuan a mitah ka en let ve a,a chal chuar ka hmuh chuan inthiamlo deuhin ka nui a.
"Chu chu a nilo, Jeongguk,"ngaihtuah hmel deuha a tih chuan ka thla a ti muang a ni.
"Ka hria lawm,mahse enge ka tih theih chuan hyung?"
"Ka hrelo,eisiam emaw thil dang tih zir la? Movie en te zir la?"a tih chuan ka biang chhunglam chu ka seh ngawt ngawt a.
"Chung chu a hmaa Jimin min tihtir tum vek alawm, hyung. Ka hna kaihhnawih loh thil hrim hrim chuan min hriatchhuah tir zel a. Work out pawh hian min hriatchhuah tir zel tho,ka rim a chhia a ti thin a,mahse mintih hahna chauh hian ka mut a ti chhuak thei sia,"Lift atanga
kan chhuah chuan ka thaw chhuak ham ham a,ka bula alpha kal ve lam ka hawi hma chuan ka pheikhawk lo tle sar chu ka en phawt a.
Ka thilsawi vang chuan Hoseok chu a dang der a,ka nui hul hak a.
"Hun a liam anga a tha mai ang,ka ring?"min ngaihtuah lutuk loh nan ka ti chhuak leh a,that hmel deuhin ka dar chu ka san ak a,mahse Hoseok lakah chuan awmzia a awm tehchiamlo.
"I mitin hmu ta la i that phah angem?"tia min rawn zawh thut chuan a awmzia ka hre lo kher mai.
"Huh?"min zawhna ka hriatthiam loh vanga ka zawh hnu chuan min zawh nawn leh hmaa Hoseok thawk la hak chu ka en reng a.
"I thinlunga hnawh tlat tu che kha Jimin leh Jungmin hmu thei ta la,a zia phah angem?"A tih chuan ngaihtuahin ka nui sek a,mahse ka theilo tih ka hriatchhuah veleh ka nui hmel chu a bo leh nghal a.
"Thil dang zawng aiin hmuh ka duh,mahse an in kawta va ding thutin min sawm lut turin Jimin ka beisei thei hleinem. Ka hriat dan chuan Taehyung bialpa bulah a cheng a,min ngaina vaklo in ka hria,"Seokjin te ina ka kal dawna beta nena kan intawh lai kha ka hrechhuak, Seokjin hnathawhpui a ni tih a sawi bak chu Yoongi khan min belo hrim hrim.
Jungmin chungchang a sawi tui lutuk na lamah Jimin nen an cheng dun tih Seokjin in a sawi chhuah palh khan ka hre chauh a ni.
"Yoongi chu tu chungah pawh a ngainatawmloh alawm,mahse hriatchian chuan a fel lutuk. Vawiin chu i nu leh pate inah haw la a that ka ring,"a tih chuan ka lo thlawp a.
"Nia,ka nu thil siam ei chuan ka harh phah ve maithei a ni,"Ka nu ka ngaihtuah chhuah chuan Jimin nen kan inthen vang khan tlemin a lungawilo a,mahse a hma angin min en hrang chuanglo.
'Ka fapa i ni alawm, Jeongguk. I pian hmaa ka puma ka pai leh i len thlenga ka enkawl seilen i ni a,thil thleng vang khan engvangin nge ka enhran ngawt ang che? A hma ang reng khan ka la hmangaih reng che ania,aw? I pa pawn.'
Mi zawng zawng tana lungawilohna thlentu mai nia ka inhriata ka tah haw khan he thu hi min hrilh a ni.
Ka nu leh pa hi ka tan chuan nu leh pa tha ber an ni.
"Chu chu ka sawi tum a nilo. Tunah hian i nu leh pate inah Jimin leh Jungmin an awm mek a. Jungmin an hmuh chak vang ania,"a tih chuan ka hrethiam nghallo a,mahse ka hriatthiam veleh Hoseok chu ka melh vat a.
"I chiang em,hyung? Anla awm dawn ami? A tlai tawh sia,"Hoseok chu ka zawt nghal vat vat a,ka phur lutuk a hmuh chuan min nuih ringawt.
"An la awm. Nichin lawk khan Taehyung in min rawn hrilh a,"a phone chu min hmuh tirin Taehyung chu a bialpa ina a awm mek thu leh Jimin te anla hawloh thu hi alo inziak a.
Kan inpuia Jimin ala awm tih Jimin in Taehyung a thawnna screenshot pawh min entir bawk a.
Jimin leh Jungmin te leh ka nu leh pa te hun hmang ho tur ka ngaihtuah chuan ka thin a rawn phu dut dut a,an la inbe reng tih ka hriat chuan min ti hlim a ni.
Mahse ka awm ve phalsak ka ni angem?
"Va in lan hi a tha dawn ami? Jimin hian lo duhlo ta se?"Kal thaa ka hriat lehloh vang chuan ka hnual rawih a,mahse Hoseok chuan min tih phur nan ka darah nghet cherh chawrh hian a rawn vuan a.
"Va hmu tawp rawh. Nakinah Jimin chuan min hau maithei a,mahse i mamawhin ka hria,"a tawp nan ka dar chu a hmet a,ka hnunga a ben thek hnu chuan a car lamah a kal a.
YOU ARE READING
Divorce {Jikook} MIZO✅
Fanfiction"Inthen hi thleng turin i duh tak tak amaw?"room chhunga a rawn luh hnu chuan khum sirah chuan ka thu a,a nghawnga tie a awrh a tih thawl lai chu chu ka en reng a,nilenga hna a thawh hnu chuan a hah hmel angreng khawp mai. "Aw,"mut hran kan tih hnua...
