Jimin's POV
"Mama,office-ah kan kal thei angem? Minnie hian uncle Taetae a hmu duh ania,"naute chuan ka ruala office-a a kal theih nan a inla cute kual vak vak a,kal nuam a tih chhan pawh ka hria.
Milar ang maia office-a an cheibawl thin vang a ni.
A tawngtheih leh a nuih mawi em vangin hnathawk ho hian an ngaina em em vek a.
Chuan flying kiss vel zirtirtu pawh hi Seokjin a ni tih ka hria,'fan service pek te hi a pawimawh ania' tih leh engemawni thil tangkailo hi a zirtir teuh zel.
Jeongguk pawn a office-ah naute chu a hruai ve thin a, company-a thawk mi tam takin an hriat phah chhan pakhat a ni bawk.
"Mamaaa,Minie hi a kal ve thei angem,please?"
"Papa office-ah buaina i thlen tawhlo ang tih i tiam dawn em?"tia ka zawh chuan ka fapa chuan a kut zungte hi a rawn lek nghal va a.
"Minnie'n a tiam e,mama. Please?"Cute deuh hian a hmui a ti pawrh a,ka chunga a bawh vang chuan a khabe chu ka awmah a nghat a,zing kan tho chiah tih ka la sawilo tak.
Jeongguk hi a pa a ni tih a hre vek tawh a,mahse kan chen dunloh chhan min zawt ngailo.
Engtik niah emaw min la zawh ka rin vangin chhanna tur ka ngaihtuah thin a,mahse chhanna tur ka la ngaihtuah chhuak theilo.
"Awle,naute. Tha deuha i awm dawn phawt chuan mama hian a hruai ang che."
"Yeay! Inbual ang le,mama!"ka fapa chu tho vatin khumah chuan a zuang kual a,a phur lutuk chu ka nuih ringawt.
"I phur viau ami?"tho ve in ka zi uan uan a,zuang chunga khum tlang lam a pan vang chuan ka ngaih a thalo lek lek.
"Yes!"naute chu ala zuang vak vak a,ka awm nawmloh vang chuan tawp tir vat ka tum a.
"Fimkhur rawh, Jungmin."
A bana vawn tum chuan ka tho vat a,mahse khum tlang a rahsuala a tlak dawt chuan ka vuan hmanlo chiah chiah a ni e.
"Jungmin! Aw Lalpa leh,ka naute!"khum atang chuan chhuak sawk sawkin ka naute tap chu ka pawm nghal vat vat a.
"Mama,a na!!"a ban chu vuanin a aia ringin a tap a,ka hlauthawng lutuk chu ka mittui a rawn tling nghal pur thei.
Thla rei vaklo liamta khan Yoongi in atanga insawn chhuakin apartment dang kan luah a, tihdan tur engmah ka hre tawhlo.
"Ka naute,mama hi ka tihpalh. Ka tihpalh lutuk,naute. Lo tuar hram hram rawh, Hospital-ah kan kal dawn nia,"ka car chahbi leh wallet ka zawng vat vat a,a ban lo vung tan si lo thei ang berin Jungmin chu ka pawm a,car-ah a rang thei ang berin ka hruai bawk a.
Ka khalh paha ka kut khur chu thunun hram hram ka tum a,kan tlan chhung zawnga a tah leh a nat thu a sawi vangin ka mangang hman kher mai.
Tap suh, Jimin.
Jungmin hmaah hian tap suh.
Jungmin hian i chakna a mamawh a nia.
Tah insum deuha Hospital kan thlen chuan emergency area ah Jungmin chu ka pawm lut nghal a,nurse ka ko nghal vat bawk a.
Zingkar ala nih vangin inentir tur an la tam vaklo a,chuvang chuan hmanhmawhloin min ensak zung zung theih phah.
"Mama,Minnie a na,"a nat dan a thuk vakloh vangin an tih chhung zawng naute bula awm ve phalsak ka ni a, doctor chuan a ruh khi tlem awmin kar reilote nghah a ngaih tur thu min hrilh a.
"Ka hria lawm,ka naute. Ka tihpalh lutuk,Jungminie,"a chungchang ka hriat chuan ka thaw thei hramin ka hria, chutah chuan ka phone a ri reng tih ka hre chhuak chauh bawk.
"Tae?"Taehyung tawng lang lang ka hriat chuan sana ka en vat a.
Hna thawh hun a ni tep tawh a lo ni.
"Khawiah nge i awm? Jungmin ka ngai ania,"a tih chuan nurse in a kut a tuamsak mek Jungmin chu ka en a.
A kut tuam hma chu tihchet sak phal a nilo a,chumi ti tur chuan nurse a kal bawk a ni.
"Hospital-ah kan awm a."
"Tinge? Enge thleng?!"
"Zingah khum atang Jungmin a tla thla a,a ban ruh a khi sek a."
"Lo kal turin min duh em?"
"A ngailo,Tae. An tuam zawh veleh kan chhuak thei nghal dawn tho."
"Mamawh i neih chuan minlo hrilh rawh aw? Hobi hyung kan hrilh ange."
"Ka lawm e,Tae."
Phone ka dah hnu chuan Jungmin bulah chuan ka awm reng a.
An tuam zawh hnu chuan in register a ngaih thu leh ka kalsawn chhunga Jungmin alo awm tur thu nurse chuan min hrilh a.
A zarah payment vel ti turin counter lamah chuan thlamuang deuhin ka kal a,mahse Hospital-a rawn tlan ni awm tak Jeongguk nen chuan kan insu a.
Hoseok emaw Taehyung in an hrilh a ni ngei ang.
A hmel ka hmuh veleh chuan ka thawk a rawn sak nghal talh a, Jeongguk chu ka bula rawn kal nghal vatin min rawn kuah nghal a,chuveleh chuan ka lo insumna zawng zawng chu a kehchhe nghal vek a ni ber.
A awmah chuan ka hmai phumin ka tap hlawp hlawp a,ka tah ban hma chu Jeongguk chuan ka hnunga chulin min hnem reng a.
"Ka hmuh lai ngeiin a tla a. Tihtur pawh ka hrelo,mahse ka- ka naute hmaah ka tap thei silo a,"ka tah pah chuan ka rilru tawt lutuk chu ka sawi chhuak a, Jeongguk chuan a hma aia nghetin min kuah tha sauh bawk a.
"A pawilo. I ti tha lutuk,Jimin. Ka chhuang lutuk che."
"Ka khur char char a,kan chuan chhung zawng Jungmin kha a tap a, Jeongguk,"ka tih chhuah leh chuan Jeongguk chuan dim duha ka lu-a rawn fawpin a inla hrang a.
"Bill vel ka lo pe fel ang,aw? I insuma i mittui i hruk hul a ngai ania,Jimin. I tah leh chuan Jungmin in a hria ange,"Hallwaya thutthleng awlah chuan min thutthlak tir a,ka tap insum tum chuan ka lu ka lo bu a.
"In pahnihin thil in ei tawh em?"tia min zawh hnu chuan ka bula rawn thu thlain min kuah pahin a awmah min beitir a.
"Jungmin chuan nurse hnen atang pastries a ei tawh,"Jeongguk rawmawl ah chuan ka hnap ka hnit vak a,to mah se a pawi ka ti lo e a.
"Anihleh nang?"Jeongguk chuan min en tumin a thle bek a,ka hnar bula rawmawl la keng chung chuan ka lu ka lo thing a.
Ka mit sira ka mittui rawn hru faiin min nuih sek a,min khawihna avang chuan tah leh mai te hi ka duh.
"In ei tur ka va la lawk ang,hetah hian lo nghak rawh. Ka reilo ang."
"Kookie..."ka koh vangin a kal tum chu a ding chawt a,ka mit atanga mittui luang leh a hmuh chuan Jeongguk hmel chu a nur nang a.
"Hey,a tha vek ania,baby. I ti tha lutuk, accident te chu tu chungah pawh thleng thei reng ania. Tun tum chu Jungmin hi a tuartu a ni ve hlauh a nih hi."
"Jungmin lakah hian ka inthiamlo lutuk,"tia ka tah chhuah deuh chuan Jeongguk chuan min rawn kuah tha leh a.
"A tha alawm,a chak a. Nangmah ang chiahin. Atan inti chak rawh,aw? Tap suh,baby?"a kutin ka mittui a rawn hru hul leh a, Jeongguk min kohna chu ka hrelo der theilo,chuan tianga a awm hian min khawihlo ka ti theilo.
Min kalsan hma chuan a nui sek a,a sawi ang ngeiin eitur nen a rawn let leh a,chuan nilengin Jungmin nen kan bulah a awm reng a ni.
YOU ARE READING
Divorce {Jikook} MIZO✅
Фанфик"Inthen hi thleng turin i duh tak tak amaw?"room chhunga a rawn luh hnu chuan khum sirah chuan ka thu a,a nghawnga tie a awrh a tih thawl lai chu chu ka en reng a,nilenga hna a thawh hnu chuan a hah hmel angreng khawp mai. "Aw,"mut hran kan tih hnua...
