Divorce {Jikook} MIZO✅

Part-2

Ni tam vaklo Jeongguk bula ka awm leh hnuah Jeon chhungkaw doctor chuan ka rai tih a puang ta a,dawtsawiloh chuan,a dawta lo thleng tur ka hriat vang chuan ka hlimna leh lungngaihna chu a inzat rengin ka hria.

Thla khat leh tlem hret chiah chu thu hriat nan chuan kan mamawh a,ka rai tih a chian rual rualin Jeongguk chuan a nu leh pate hnena min hruaiin kan inthen thu chu a tlangzarh nghal a.

Jeongguk nu leh pa te chu an dang chiang kher mai,mahse an fapain a thil duh a duh tawh chuan an ti tawp theilo tih an hria a,lo pawmsak mailoh chu tihtheih an neilo a ni.

Mrs.Jeon chuan nghet taka min kuahin an inchhungah chuan engtiklai pawha lawm ka nih reng tur thu min hrilh a,Mr.Jeon ve thung chuan a tupa chu vawikhat tal,thlalak chauh pawhin nise a hmuh ve duh thu a sawi bawk a.

A tawp thleng an pahnih hian ka chungah an tha em em a,mahse an fapa nen kan inkar a tawp tawh chuan nakinah ka hmu leh thei tawh kher angem tih erawh ka hrelo.

Jeongguk hnenah a fa hian tunge a pa diktak a hrelo ang ka lo ti tawh bawk nen.

News a hriat veleh Hoseok in minlo puih nghal avang chuan in atanga insuanchhuah chu a har lemlo.

Ka tan chuan unaupa ang a ni,ka nu leh pa te an awmloh pawha min enkawltu ber a ni.

Ka rai chhunga an bula cheng hrih turin ka nu te chuan min rawn sawm a,mahse hnarin Hoseok thian pakhat roomah chu ka awm sak a,a chhan pawh Busan-a kan company branch hnuaia transfer te zingah ka hming a chuan veloh vang a ni.

Min Yoongi chu ka awmna thara nuam ti taka ka awm theih nana min puitu niin a fel em em a,chutih chhung chuan thla thum pawh alo ral der mai.

"Jimin,vawiin chu sushi kan ei dawn ami niang? Sangha leh seafood dang i ei thei em?"Ka chenpuipa chu kawngka atanga rawn dak kerin ka phalna a lak hnu chuan a rawn lut a,dawhkana ka laptop dah ka enna atang chuan hawisawnin ka nui sek a.

Hoseok tihdan takin ka that hma chu in atanga hnathawh phalsak ka ni a,ka morning sickness leh ka rai vanga thildang zawng zawng nen,chuan kan company in tianga an employee rai te an hriatthiam vang hian ka lawm takzet.

Hoseok chuan Min Yoongi chu ka that leh thatloh endik turin min thlithlai tir reng a,hna ka kal duh vanga tha anga ka awm thin chu min simtir a tum a ni ber,a thian kawmngeih tak min ventir tlat zui aniah.

Min Yoongi chu mu mit nei ang mai a ni.

Ina ka che vel chu ngawi rengin chik zet hian min en reng thin a,a inthlahrunawm thei viau nain tianga min enkawla min ngaihtuahtu an awm hriat hian a nuam ve reng.

Bakah a thiltih chu a tha lam a ni tih ka hria, doctor a ni bawk a,a hna nen a inkaihhnawih miau a ni.

"Hyung,ka thil ei ang kher i ei a ngailo a nia,ka danglam tan bawk sia ka thil ei duh ho hi i ei ve duh kherlo ang,"Beta chu ka nuih sek a,Mahse Yoongi chuan engatan mah a ngailo ti niawm takin a dar chu a san ak a.

"Thil zawng zawng deuhthaw ka ei thei alawm,ka landan anglo tak hian eitur lamah ka khirhlo ania,"a tih chuan ka lo nui ker ker a,sana ka en chuan tawp a ngai tih ka hria.

Chhun thil ei alo hun der tawh.

"Tinge engtiklai pawh hian zawhte thinchhe deuh hi an em em reng le hyung,mahse nangmah ni ta ila chu ka ni ve tho anga. I mu ngai reng reng em?"ka tih chuan a lu a bu nghauh nghauh a.

"Ka mu tha lutuk,darkar nga vel a ni em aw?"a phone a en reng vang chuan eitur a chah tur a en a ni ngei ang,a bula kal hnaiin a phone chu ka va bih a.

"Sushi ei chu pawi ka ti miahlo,I sawi takah chuan wasabi ei ka chak tawp,"Paste hring ka mitthla pah chuan ka chil a rawn put thei,ka reaction a hmuh chuan Yoongi pawh chu a nui suk a.

Thla thum chhung leka tiang em ema Yoongi ka nel thei hi a mak zawk.

Mi tawng tlem tak a ni a,mi a be khat em em bawk a,chuvang chuan sual hmel angin a lang thin,mahse a chezia ka hmuh vang hian mi fel leh rilru tha tak a ni tih ka hre thei a ni.

Mipa tha tak a ni.

"Hna thawh tur ila ngah em?"ka laptop thlek zeuh pah chuan min rawn zawt a,ka lu ka lo thing vat a.

"Aih,vawiin chu ni chanve chauh ka la a. Ka in check-up hun a ni tih ka hre reng alawm,hyung. Min ringlo takzet a nih hi tiraw,huh?"ka hmui chu tihpawrh khumin ka kut ka kuangkuah than a, Yoongi chu nui chhuak hakin ka sam a rawn chul a.

"Engmah ka sawiloh kha. Thil ei zawh hnuah ka shift a nih tawh dawn vangin Hospital-ah ka kal dawn a,ka rualin i kal duh em?"A hospital thawhna hi ka rai hnua ka monthly checkup neihna hmun ve tho a ni.

Yoongi nen min inhmelhriattir laiin Hoseok in min kawhhmuh a,ka lo pawm nghal. Jeon company-a thawkten an pan thin a ni ve tho a,a pawina ka hrelo.

"Tehreng mai,haw lamah cab ka hmang mai ang a. Ka lawm lutuk,hyung."Yoongi chu ka nuih sen sen a,thil a order zawh chuan a phone chu a off a.

"A ho lutuk,kan kalna tur a inang tho alawm. Ka inbual dawn a,eitur lo thlen hunah ilo la thei angem?"A room lam a pan tawh a,mahse thil lo la tura min tih vang chuan a ding a,pha buai loin ka lu ka lo bu nghauh nghauh a.

"Tehreng mai. I inbual loh vang anih chiah hi thil engemawni rim ka hriat hyung!" Beta chu ka chhaih a,Yoongi a rawn hawia mak tih hmel deuha min rawn en chuan ka lo nuih vak vak a.

Lawmawm deuhin ka thusawi chu a duhlo kher mai.

"Hey,tukin zinga ka lo haw hma khan ka inbual aw,chuan ka mut hmain ka inbual bawk,"a ti chhuak a,ka room atanga ka chhuah hma chuan ka nui leh te te a.

"Ka ti mai mai a nih kha, hyung. Kal la va intifai rawh,night shift i nei bawk tiraw?"Ka room chu kharin living room lamah chuan ka phei a. Yoongi chuan zawi sapa"Aw" a tih pah chuan a thaw hak a,a room lamah chuan a phei hna hna a.

{Alpha/Beta/Omega}(ABO){Omegaverse}
Hengah hian tupawh,mipa emaw hmeichhia pawh Omega an nih chuan an rai thei vek a,Jimin pawh omega a nih vangin a rai thei a,mihring pangngai ang an nilo tih hriat reng tur aw.