Jimin's POV
Doorbell ri ka hriat chuan zanriah eitur siama Mr. leh Mrs.Jeon te an buai vangin hawnsak turin ka kal a.
Living room-a amah chauha awmtir ka duhloh vangin Jungmin chu ka pawm bawk a,mahse monitor check loa pawm chunga kawngka ka hawng chu ka inchhir tan der.
"Jeongguk?"Jungmin chu ka pawm nghet nghal a,he alpha lak atanga venhim ngai tlata hriatna kan neih chu a.
Mahse a taksa ka mitin a hmuh chuan ka thinlung hi a na zawk mai.
A hah hmel takzet,a la tha tho a,mahse chi hrang hranga keh darh nimai awm tak a ni.
Alpha anga en dawn chuan a nilo emaw tih mai tur zawk a ni.
"Jimin..."a hma zawng aiin a aw chu a lawi a,ka ngaihtuahna leh rilru in min thunun lutuk loh nan ka ka chhung chu ka ha in ka seh ruh vak a.
"Tunge-oh Jeongguk duhtak?" Mrs.Jeon chu rawn chhuak vein a lamah chuan kan hawi rual thap a, Jeongguk en duh miah lotu ka pawm mek Jungmin chu ka en a.
Jungmin hian thil ei sual a nei em ni?
Hrehawm tih hmel deuh hian a rawn te a,nge ka rim vang zawk hian ni le aw?.
Nge alpha vang hian hrehawm a ti zawk?
Jeongguk bul velah chuan awm ti nuamlo deuh tur a rim tlem a hriat theih a,mahse Jungmin hi a affect pha ve vak dawn emawni? (Alpha/Beta/Omega ah chuan beta tihloh chuan rim {scent} an nei vek aw)
Jungmin lak atanga hawisawnin Jeongguk lam chu ka en leh a,ngainat hmel taka Jungmin a en reng ka hmuh chuan mak ka ti kher mai.
Eng thil nge ni ngai?
"Nakinah ka lo kal leh mai ang,"ka en reng tih a hriat chuan Jeongguk chuan a aw a thian kharh a, Jungmin te reng a enna atang chuan hawisawn vatin a inher nghal a.
"Khawiah nge i kal dawn?"tia ka zawh chuan a pen lai chu a ding chawt a,nui lui tih hriat deuha nuiin Jeongguk chuan ka lam a rawn hawi a.
Thil rapthlak tak tawng ang mai a ni.
"Inah,ka nu leh pa te nen hun hmang leh tawh rawh u. Sawilawk loa ka lo kal avangin ka tihpalh,"a tihsual ni miahloa ngaihdam a dil hnua Jungmin awmdan avang chuan mak ka ti kher mai.
Te bengchhengin Jeongguk en tumin hma lam hawi a tum a,kal phallo niawm taka a ban pahnih alpha lama a phar pah chuan ring mangkheng hian a te leh a.
Tiang hian tu chungah mah ala ti ngailo.
Chuan Jeongguk lam ka hawi chuan ka thil hmuh chu ka awihlo hial zawk.
Alo tap reng tawh a nih chu.
A tah chhuahloh nan a hmui chu a pet fan fan a,mahse a biangah chuan mittui hi a rawn luang zung zung a.
Heihi eng thil nge?
Engmah hrethiamlo mah ila,an awmdan ka hmuh chuan ka hnuk rawn ulhin ka mittui a rawn tling nghal pum a.
A tap ka hmuh hian thil hriat chhuah ka nei.
Jungmin hi a haw lo.
Chuan Jeongguk bula a awmdan ka hmuhin,Jungmin hian Jeongguk hi a pa a ni tih a hria tih ka hre bawk.
Muangchangin a pawm theih nan Jungmin chu Jeongguk bulah ka pawm hnai a,dim deuha naute alo lak chuan a kut khurh nasat zia pawh ka hmu thei.
Jungmin a pawm nghet ta tih chuan nghet taka kuahin a tap chhuak leh a.
Hetianga Jeongguk awm lai ka la hmuh ngailoh vangin keipawh ka mit atang mittui a rawn luang chhuak ve nghal a.
Tiang hian a tap thei tih pawh ka hrelo.
YOU ARE READING
Divorce {Jikook} MIZO✅
Фанфик"Inthen hi thleng turin i duh tak tak amaw?"room chhunga a rawn luh hnu chuan khum sirah chuan ka thu a,a nghawnga tie a awrh a tih thawl lai chu chu ka en reng a,nilenga hna a thawh hnu chuan a hah hmel angreng khawp mai. "Aw,"mut hran kan tih hnua...
