Divorce {Jikook} MIZO✅

Part-8

Jeongguk's POV

"Hey,ka kal a ngai. Engpawh ni se,nakinah min hrilh mai rawh!"Lift kawngka a inhawn chuan a phone-a thil type mawlh mawlh chungin Taehyung chu a lut a.

Lift-a a luh hnu chuan a bula ka din ve vangin  call a chhan lai chuan an thil sawi ka lo hre ve a,chumi hnu chuan dawhtheilo zetin a ke chu a per chhen a.

Rawn hawilet miahloin Taehyung chu a tlan chhuak a, Hospital-a ka zui ve theihloh vang chuan ka awm hi a rawn tawt up up mai.

An chhungte dang chu ni se, Taehyung chu ka zui nghal ngei ang,mahse tun tum chu a ni miau silo a.

Jimin in fa a nei dawn.

He khawvelah hian ka fa a rawn piang dawn a,mahse he naute bula awm ve hi ka phu silo.

Jimin chunga ka thiltih hnu phei kha chuan.

A gender an hriat veleh Jimin chuan a fa hming tur a phuah tawh tih Taehyung hnen atang ka hre bawk a.

Jungmin.

Park Jungmin.

Hming mawi tak a ni.

Ka car bulah chuan muangchangin ka kal a,driver seat-ah chuan thu thlain engmah tiloin engtia rei nge ka thut pawh ka hrelo,kum liamtaa ka mawlna ringawt chu ka ngaihtuah a ni.

Mi an hna an thawh thiam em vanga ka ngaihsanna vang mai mai a nih laiin engtinnge ka secretary kha ka duh tak tak emaw tia ka lo mawl em em theih?

A tawp tawh.

Ka secretary nena kan inkar kha thla khat chuang liamtaa khan a tawp vek tawh, company field day tuk chiah atang khan.

Kan let leh hma khan min biak a duh thu a sawi a,thudik min hrilh ta a ni.

"Tiang hi chuan ka chhunzawm reng theilo ang,Mr.Jeon. Min duh chhan hi min hmangaih vang a nilo tih chu nangpawn i hriatchian em kha. Ka hna ka thiam vang chauh a ni,min ring a,a changin keimahah i innghat bawk a. I hria a ni,tiraw?"tiin min zawt a,a thusawi chu ka pawmpui thlap.

Zana van thiang kak chu ka en chho a,thawk ka la hak a,aman a sawichhuak hmasa zawk hi lehlam takah chuan ka thawveng huai zawk.

"Anihchuan,heihi a tawpna maw?"Zan a thim vanga kan inhmu tha theihlo chu ka lawm letling zawk,ka thutna piah deuhah chuan a ding a,ka kut ka vawnna chu ka en thla a.

Ramdanga kan branch pakhatah hna thawh tur an rawn offer thu leh a pawm thu min hrilh a.

Jimin nen kan inthen hran a nih vang leh Jimin hmuh hrehawm a tih vangin kal tir turin min dil a,ka hmasialna vang leh ka duhamna avanga chelh ding tur ka nih theihloh zia hriain ka pawmsak a.

"Awle,diktaka ka lo awm loh vang leh tihdiktir che ka tumloh vang khan ka tihpalh lutuk. Ka rindan chuan,ka ngawih thin chhan kha chu ka boss i nih vang niin ka hria,Mr.Jeon. I thusawi hnial kalh leh min duh tih i sawia aih tia lo chhan che kha ka ngamlo a ni ber."

"Chutianga ka lo awmtir che avang chuan ka tihpalh takzet,"min lo hlau reng zawk a ni tih ka lo hriat thin loh vang chuan hrehawm ka ti hle a,pen hma pui ka tum apianga thuawih taka minlo chhawn thin chhan diktak ka hre tawh.

"Aih,Mr.Jeon. I pasal nena in inthen phah chhan ka nih vang khan keima thiamloh vek zawk a ni,"a ti chhuak a,a thil sawi vang chuan ka chil lem te hi a kha vekin ka hria.

He thil vang hian dem ka duh a,mahse a tirah keima thiamloh a ni miau si a.

Keima thiamloh a ni.

Keimah.

"Keima thiamloh alawm. In pahnih laka ka feelings pawh thliar hrang thiamlo ka ni a,"ka tih chuan a mitah ka en a,minlo en reng tawh,inthiamlohna leh khawngaih hmel taka min enna chu ka hmu tlang vek thei.