The Girl I Love The Most (JENLISA GirlxGirl) COMPLETED

Chapter 12

Jennie

Nagising ako dahil sa liwanag at sinag ng araw na nagmumula sa labas ng bintana na tumatama sa mukha ko.

Napasulyap ako sa orasan na nasa may bedside table ng kama. Alas otso na pala ng umaga.

Mukhang napasarap ang pagtulog ko at tinanghali na yata ako.

Wala na rin si Lisa sa aking tabi. Isang bakanteng space na lamang ang bumungad sa akin at ang tanging naiwan na lamang ay ang amoy ng shampoo nitong kumapit sa ginamit niyang unan.

Dahan-dahan na bumangon na rin ako.. Agad na nagtungo sa banyo para mag toothbrush at maghilamos. Kahit naman papaano eh may iilang personal na gamit ako rito sa bahay nila.

Pagkatapos ko ay humarap ako sa salamin para tignan ang aking mukha. Ngunit hindi pa man ako nakakatangal sa pananalamin nang biglang kumalam ang aking sikmura.

Malamang sa malamang eh magugutom na talaga ako dahil sa kagabi pa yata ako walang kain. Cookies lang naman kasi ang kinain ko kina Miyuki dahil nahihiya ako.

Nang masigurado kong okay na ako ay lumabas na ako ng kwarto at bumaba na. Baka kasi hinahanap na rin ako ng magulang ko, dahil hindi ako nakapagpaalam sa kanilang dito ako natulog kina Lisa.

Habang pababa ng hagdanan, agad na sumalubong naman sa akin ang mabangong pagkain na niluluto mula sa kusina.

Marahil dumating na ang mga magulang ni Lisa. Mapuntahan na nga sa kusina at nang mabati ko.

Pero saan naman kaya pumunta ang babaeng iyon? Hindi man lamang niya ako ginising. Nagtatampo na wika ko sa loob ko.

Ngunit pagdating ko sa kusina ay wala akong ibang nadatnang tao kung hindi si Lisa lamang.

Nakasuot ito ng apron habang pasayaw-sapayaw pang nagluluto at pinatutugtog ang mga kanta ni Avril Lavigne.

Naka tali ang maikli nitong buhok na animoy buntot ng kambing ang haba. Hahaha. Ang cute lang niyang tignan. With matching bags pa!

At ang hot din. Dagdag ng aking isipan.

"Ehem!" Napatikhim ako habang napapangiti na pinapanood siya sa kanyang ginagawa.

Agad naman na narinig nito ang boses ko kaya hininaan niya ang volume ng kanyang music mula sa kanyang cellphone.

"You're awake!" Energetic ang boses na wika nito. "Well, good morning!" Pagbati pa niya bago ako binigyan ng isang matamis at malawak na ngiti.

Humakbang ako palapit sa may center island.

"A-Ang aga mo naman yatang nagising?" Tanong ko rito. Napatango siya.

"Yup!" Sagot niya. "Dahil may pupuntahan tayo." Hinango na muna nito ang kanyang nilulutong hotdog.

Inilipat niya sa malinis na plato at inilapag iyon sa harap ko sa center island, bago ako muling tinignan sa aking mukha na ngayon ay nakakunot ang noo.

"Pupuntahan? At saan naman?" Tanong ko sa kanya na walang ideya.

She giggled.

"Do you still remember our favorite place when we were kids?" Tanong nito sa akin habang kumikinang ang mga mata.

Mas lalong napakunot ang aking noo at sandaling nag isip.

Wala naman kasi kaming ibang paboritog lugar noong mga bata pa kami kung hindi sa----

Mabilis na napatakip ako ng aking bibig dahil sa excitement na biglang naramdaman habang namimilog ang mga mata.

"What? D-Don't tell me we are going to your grandparents house?" Namumula ang mga pisngi ngunit hindi maitago ang saya sa aking mga mata.