The Girl I Love The Most (JENLISA GirlxGirl) COMPLETED

Chapter 41

Jennie

Dalawang buwan na ang nakalipas magmula nang maging official girlfriend ako ni Nami.

Naging smooth lang ang lahat sa amin, masaya, punong-puno ng excitement at adventure ang aming relasyon sa loob ng dalawang buwan.

Ipinakilala na rin ako nito sa kanyang Auntie at Uncle, which means mga magulang ni Miyuki.

Sa kanila rin ako nag-spend ng New Years Eve. Himala nga at pinayagan ako ng mga magulang ko, lalo na si mama na gustong-gusto si Nami para sa akin.

Yes, legal na rin kami sa aking mga magulang. Matagal na rin naman daw kasi nilang alam kung ano ang gusto ko, at iyon ay hindi lalaki kundi babae. Bagay na labis na ipinagpapasalamat ko sa Maykapal dahil ang buong akala ko ay hindi nila ako matatanggap sa kung sino ako.

Nami is planning to go to Japan with me upang makilala ako rin ang kanyang mga magulang, lalo't higit sa kanyang lola na pumanaw na.

Gosh! I couldn't me more excited to meet her parents, especially her Grandma. Lalo na at matutuklasan ko kung kanino ba siya nagmana, sinong kamukha niya at anong klase ng pamilya siya nagmula.

Hindi naman talaga mahirap mahalin si Nami. Everything about her is perfect! Wala ngang tapon dahil lahat halos nasa kanya na.

Pero hindi ko maintindihan ang sarili ko kung bakit ilang araw na rin yata na parang may hinahanap ako. May isang bagay na parang nawawala sa akin na hindi ko mawari kung ano.

Para bang may kulang.

Para bang may nawawalang isang bagay sa akin na kahit gaano pa kasaya ang relasyon na meron ako ngayon, eh 'yung nag-iisang bagay lamang na iyon ang makakabuo sa akin.

Kaya naman naisipan kong pumunta sa isang tahimik na lugar ngayon. Iyong wala akong ibang maririnig kundi huni ng mga ibon, pagaspas lamang ng mga dahon at walang ibang malalanghap kundi sariwang hangin.

I think this would be a perfect place for me para makapag-unwind at makapag-reflect sa mga bagay-bagay.

Masyadong stressful na rin kasi ang school ngayon dahil malapit na ang aming pagtatapos sa Senior High.

Gosh! Sobrang excited na ako sa susunod na yugto ng aking buhay.

Ang maging isang college student!

Pagdating ko sa lugar na sinadya ko pa talagang puntahan ay hindi ko mapigilan ang hindi kiligin.

Ang sarap kasi sa feeling na wala akong ibang natatanaw kundi ang nagbeberdihang mga punong kahoy sa paligid, simoy ng sariwang hangin, at ang pag-agos ng ilog na ngayon ay nasa akin ng harapan.

Pwede rin naman palang pumunta rito nang ako lang mag-isa. Aniya ko sa aking sarili.