Envol 🦋 နိဂုံးကဗျာ

🦋Ep.15🦋

""Envol 🦋 နိဂုံးကဗျာ""(BL)
🦋🦋🦋🦋🦋🦋🦋🦋🦋🦋

Ep..🦋15🦋

""ဖြေလေ..စောစေရာ..မင်းဘာဖြစ်လို့..ပြောင်းလဲသွားရတာလဲ..မင်း ဘာဖြစ်လို့..ငါ့ကို..မချစ်တော့တာလဲ..."""

ဆို့နစ်စွာ ဆိုလာသည့် အမုန်းစကားများကြောင့် မှိုင်းမှာ အံ့ဩလွန်းလို့ မျက်၀န်းများပင်ဝိုင်းစက်လို့ သွားခဲ့လေသည်။

""အမုန်းလှိုင်း..မင်း..""

ပိုင် ကြမ်းပြင်ပေါ်ကနေ ထလိုက်ပြီး..အမုန်းလှိုင်းအား..မှိုင်းနဲ့ဝေးရာဆီ တွန်းထုတ်ဖို့ရန်..ဟန်ပြင်လိုက်သည်။

""ပိုင်...""

သို့ပေမယ့်..မှိုင်းက တားမြစ်လိုက်တာမို့..ပိုင် ရပ်တန့်သွားသည်။

""ပိုင်....မင်း ခဏလောက်..ထွက်သွားပေးပါ့လား...""

""မှိုင်း..ငါ..""

""ပိုင်....""

ပိုင် အနေနဲ့ မှိုင်းကို အမုန်းလှိုင်းနဲ့အတူ..‌ထားခဲ့ရမှာကို စိတ်မချနိုင် ဖြစ်နေတာကြောင့်..အလောတကြီးနဲ့..မှိုင်းလို့ဘဲ ခေါ်မိသွားပြန်ခဲ့သည်။

""ဟော..အခုဘဲ..ကြည့်..သူက မင်းကို မှိုင်းလို့ထပ်ပြီး.ခေါ်ပြန်ပြီလေ...ဘာလဲမင်းတို့..နှစ်ယောက်တည်းဘဲ သိ
တဲ့ချစ်စနိုးအခေါ်ဝေါ်တွေများလား..""

အမုန်းလှိုင်းက ခနဲ့စွာဆိုသည်။

""ပိုင်..ကျေးဇူးပြုပြီး..ခဏလောက်ထွက်သွားပေးပါ..ငါအမုန်းလှိုင်းနဲ့..နှစ်ယောက်တည်း စကားပြောချင်လို့ပါ..""

မှိုင်းက..ထပ်မံ၍.တောင်းဆိုလိုက်တော့မှ..ပိုင်လဲ..မသွားချင်သွားချင်နဲ့.အခန်းထဲကနေ ထွက်သွားတော့သည်။

ထိုအခါကျမှ..မှိုင်း ပုခုံးတွေကို ဆုပ်ကိုင်ထားသည့် လက်တွေကို..အမုန်းလှိုင်း ပြန်ရုတ်သိမ်းလိုက်တော့သည်။

""ငါကိုအခုလို..ပြောင်းလဲသွားအောင်..လုပ်တဲ့သူက..မင်းဘဲလေ..အမုန်းလှိုင်း..""

*""ဘာ..ငါကြောင့်..မင်းကပြောင်းလဲသွားတာ ဟုတ်လား..""

""ဟုတ်တယ်..အမုန်းလှိုင်း..အရင်က..မင်းတစ်ယောက်တည်းကိုဘဲ..တမ်းတမ်းစွဲ ချစ်ခဲ့ပြီး.မင်းကို အရယူခဲ့တဲ့ ..စောစေရာကို..မင်းကိုယ်တိုင်ဘဲ..သတ်ပစ်ခဲ့တာလေ မဟုတ်ဘူးလား..""