Envol 🦋 နိဂုံးကဗျာ

EP.🦋7🦋

""Envol 🦋 နိဂုံးကဗျာ""(BL)
🦋🦋🦋🦋🦋🦋🦋🦋🦋🦋

Ep..🦋7🦋

      ပန်းနုရောင် သတို့သမီးဝတ်စုံလေးနှင့်..အလှကြီးလှနေလေသည့် ပန်းအိနွယ်  ။ အမုန်းလှိုင်း ပန်းအိနွယ်ကို..ကြင်နာရောင်လွှမ်းနေသည့် မျက်ဝန်းများနှင့်ငေးစိုက်ကြည့်နေရင်း ပြုံးနေလေသည်။ ဒီနေ့က အမုန်းလှိုင်းနဲ့ ပန်းအိနွယ်တို့ရဲ့ မင်္ဂလာပွဲနေ့။
     ခန်းမတစ်ခုလုံးမှာလဲ.မင်္ဂလာပွဲလာ အသိမိတ်ဆွေ ..ဆွေမျိုးတွေနှင့် ပြည့်နှက်လို့နေပြီ..။ သတို့သားနှင့်သတို့သမီး ..လက်ချင်းယှက်လို့..ခန်းမထဲကို၀င်ရောက်လာသည်ကို အကုန်လုံးက ပြုံးပြီးကြည့်နေခဲ့ကြလေသည်။ ထိုအထဲတွင်..အမုန်းလှိုင်း၏မိခင် ဒေါ်ခက်လှိုင်း၏အပြုံးတွေက အတောက်ပဆုံးဘဲပေါ့..။

""ဒီမင်္ဂလာပွဲကို..ကျွန်တော်လုံး၀ကို ကန့်ကွက်ပါတယ်...""

ဟူသော  အသံကြီးက ရုတ်တရက်
ကျယ်လောင်စွာ  ထွက်ပေါ်လို့လာခဲ့လေသည်။ခန်းမထဲကလူတွေအားလုံးရဲ့ အကြည့်တွေက အသံလာဆီသို့ စုပုံလို့သွားခဲ့လေသည်။

     လူငယ်လေး၁ယောက်..ခန်းမထဲကို ၀င်ရောက်လာကာ.သတို့သမီး.ပန်းအိနွယ်အား လက်ညိုးထိုးရင်း..

""အဟက်...မင်းဒီလိုမျိုး ကိုယ့်ကို..သစ္စာဖောက်သွားတာ လုံး၀ကိုမယုံကြည်နိုင်ဘူးကွာ..""

ဟုဆိုလာလေသည်။ အမုန်းလှိုင်း ထိုသူကို မျက်မှောင်ကြုပ်ကြည့်လိုက်ပြီး.

""မင်းကဘယ်သူလဲ...ပန်း သူ့ကိုသိလား.."

""ဟင့်အင်း..လှိုင်း..ပန်း သူ့ကိုမသိဘူး...ရှင်ဘယ်သူလဲ..ကျွန်မတို့မင်္ဂလာပွဲမှာ ရှင်ဘာဖြစ်လို့ အခု လာပြီးရမ်းကားနေရတာလဲ.."
ပန်းအိနွယ်ထိုသို့ပြောလိုက်တော့..ထိုလူငယ်လေးက ဟားတိုက်ပြီးရယ်သည်။ ခန်းမထဲမှာရှိနေကြသည့် လူတွေအကုန်လုံးလဲ လှုပ်လှုပ်ရွရွဖြစ်နေကြလေသည်။

""မောင်ရင်.ထွက်သွားလိုက်တာ ကောင်းမယ်ထင်တယ်..သူများမင်္ဂလာပွဲမှာ အခုလိုမျိုးလာပြီး ရမ်းကားနေတာမကောင်းပါဘူး.."

ဆိုပြီး လူကြီး ၂ယောက် ၃ယောက်က ထလာကာ..ထိုလူငယ်လေးအား ဝိုင်းတားကြလေသည်။