بنت الحارة🤍

البارت الثاني

يوم روتينى جديد لدهب بعد ما نضفت الشقة وطبخت قعدت تستريح: اة يانى يا اما هو ده سن الشباب اومال سن اليأس عامل ازاى
رن جرس الباب
دهب: ايوا جاية اهو ياختااااااااى يالهوى يالهوى
نور: السلام عليكم
دهب: وعليكم السلام خير مين حضرتك
نور: أنا نور جارتك وعرفت انك بتعرفى تفصلى فساتين كويس اوى كنت عايزة اعمل عندك واحد
دهب: ياااة اخيرا العمارة دى بقا فيها روح كده ده أنا كنت قربت احس انها فى جنوب أفريقيا والله اتفضلى يا حبيبتي
نور: شكرا
دهب: تشربى ايه بقا
نور: لا متشكرة ليكى
دهب: عيب تبقى فى بيتى ومتشربيش حاجة ده النبى وصى على سابع جار
نور: عليه الصلاة والسلام ممكن شاى
دهب: حاضر من عينيا ثوانى وهجيلك
فايزة: مين يا دهب
دهب: دى نور جارتنا يا زوزو
فايزة: اهلا يا بنتى
نور: اهلا بحضرتك
و فضلوا يتكلموا لحد ما دهب جابت الشاى
دهب: اتفضلى يا نور
نور: ميرسي جدا ممكن ندخل فى الشغل
دهب: يا ستى خلينا نلقط نفسنا هو الفستان هيطير عشان اعرف ابستفهولك بروقان
نور: هههههههه انتى شكلك غلبواية اوى يادهب
دهب: ده أنا غلبانه ولية مكسورة الجناح هههههه
نور: هههههههه
دهب: حلو اوى يا مزة عايزة تعملى فستان اى خطوبة ولا سوارية ولا هاى سوارية ولا فرح
نور: ممكن نحذف اجابتين ههههه
دهب: يمكنك الاتصال بصديق هههه
نور: بصى هو أنا مش عارفة بس انا عايزة حاجة بسيطة وحلوة فنفس الوقت
دهب: فدماغك تصميم معين ولا عايزة كتالوج ولا اقولك اية رأيك افاجأك بتصميم حلو وبسيط وجامد فنفس الوقت
نور: تمام أنا واثقة انك هتعملى حاجة حلوة
دهب: مبحبش اتكلم عن نفسى كتير
نور: تبا لتواضعك
دهب: هههههههه تمام سيبيلى القماش بس اهم حاجه دلوقتى ناخد المقاسات
نور: تمام واخدت دهب المقاسات
دهب: كده تمام انتى عايزاه امتا
نور: الشهر الجاي باذن الله
دهب: تمام يا قمر
نور: طب والحساب
دهب: الحساب يوم الحساب
نور: لا بجد
دهب: أنا مباخدش غير بعد ما بخلص شغل فى الحاجة
نور: ماشى بس تعرفى شكلنا هنكون اصحاب اوى
دهب: إن شاء الله
نور: طب عنئذنك عشان أبيه هيقتلنى
دهب: ههههه فى حفظ الله نورتينى

فى بيت نور
نور: أنا جيت
محمد: نورتى البيت كنتى فين
نور: كنت عند الخياطة
محمد: ايه الدخلة السبعيناتى دى
نور: لا بجد كنت عند دهب
محمد باستغراب: دهب كنتى بتعملى ايه هناك
نور: هى بتعمل فساتين سهره فقولت افصل عندها بس بنت جميلة اوى يا أبيه
محمد بداخله: هى جميلة وبس
محمد: احم طيب يا حبيبتي خشى شوفى مذاكرتك
نور: طب ولية العكننة دى يا أبيه
محمد: كده طب مفيش مرواح للفرح
نور: خلاص وحياة عيالك يا شيخ
محمد: خدى يا نرجس المصاريف اهى يكش يطمر
نور: لا اطمن هيطمر إن شاء الله
اتصل محمد بيونس
يونس: لسة انت كنت فبالى حالا من مفيش
محمد: تصدق بالله انت معرفتك تجيب الضغط والسكر
يونس: اشكركم اشكركم
محمد: حد يقنعنى أن ده شخص عاقل
يونس: انت بتشتمنى يا محمد هى حصلت
محمد: ايه الأوفر ده
يونس: سورى اندمجت المهم اية الاخبار
محمد: أنا موافق يا يونس
يونس: وحياة امك يا جدعان حد يضربنى بالقلم
محمد: استنى بس انا بردو هشتغل زى زى اى موظف عندك
يونس: اللى تشوفه اهم حاجه انك تكون معايا هنتقابل بكرة الساعة 8
محمد: إن شاء الله سلام يا صاحبي
اسماء: انت وافقت اخيرا
محمد: اة يا امى بس انا هبنى نفسي بنفسى
اسماء: يارب يرزقك ويوقفلك ولاد الحلال يارب
محمد: يارب تعالى نشوف نرجس بتعمل ايه
اسماء: هههههههه
فى منزل دهب
دهب بتعب: اة يا عضمك يا رضا يا قطمة وسطى يانى اومال لو بدرس كمان وعهد الله أنا هدخل الجنة حدف من اللى بيحصل ده يكفنونى بعلم مصر بقا يلا كلوا يهون عشان العيشة اه يانى

والى اللقاء في بارت جديد♥️
يتبع..   
يمنى محمد♥️😘