بنت الحارة🤍

البارت الثالث

فى صباح يوم جديد فى بيت دهب
دهب: يا صباح النعناع يا منعنع يا زوزو يا حلو انت
فايزه: صباح الخير يا حبيبتي
دهب: يلا بقا عشان ناخد دوانا الحلو
فايزه: استنى يا دهب أنا عايزاكى
دهب: يا زوزه صدقينى أنا معايا شهادة معاملة اطفال لا أصلح للنقاشات الجدية
فايزة: يبت اسمعينى بس بصى أنا مش فاضلى فى العمر قد اللى راح
دهب: ايه يا زوزو البؤس ده طب ده أنا كنت بفكرلك فعريس لسة بيكون نفسة ٩٠ سنه
فايزة: يبت متوجعيش قلبى بصى هاتى الصندوق الخشب اللى فى الدولاب
دهب: ايوا بقى اطلعى باللى تحت البلاطة يا زوزو
فايزة: اخلصى بقا
دهب: حاضر
فايزة: افتحيه
دهب بدموع: دى صورة بابا وماما وانا كمان معاهم
فايزة: شوفى يا حبيبتي انتى عارفه انك اغلى حاجه عندى فى الدنيا وعايزة اطمن عليكى قبل ما اموت
دهب: بعد الشر متقوليش كده
فايزة: امك الله يرحمها وصيتنى عليكى قبل ما تموت كأنها كانت حاسة أنها هتسيبنى وتمشي عشان كده كتبتلى الورقة دى ووصيتنى مفتحهاش الا لما تكبرى
فتحت دهب الورقة

" دهب حبيبتي جايز لما تقرى الورقة دى اكون مش معاكى فى الدنيا بصى يا حبيبتي أنا عايزاكى قوية كده وجامدة وتحققى حلمك ومتخليش حاجة توقفك اوعى تتخلى عن أي لحظة حلوة فى حياتك اسعى ورا حلمك وابقى اكبر مهندسه وحبى واتجوزى وخلفى معلش يا حبيبتي انى ممكن مكنش معاكى واشاركك لحظات حياتك اللى اتمنتها من يوم ما اتولدتى بحبك اوي يا حبيبة ماما "

فايزة: عرفتى ليه كنت بكبر جواكى حلم الهندسة وزعلت لما سيبتى الكلية
دهب: عرفت
فايزة: كح كح كح
دهب بخضة تيتة مالك بس خدى اشربى
فايزة: كح كح كح اشهد كح أن لا إله إلا الله وإسكان جسدها فجأة
دهب: تيتة زوزو مالك يا حبيبتي ردى عليا لاااااااا متسيبينيش انتى كمااان أنا ماليش غيرك لا قومى قومى متسيبينيش وظلت تصرخ وتنوح حتى استمع لها محمد وهو يطلع على السلم خبط على الباب
محمد: آنسة دهب آنسة دهب افتحى ولكن لا حياة لمن تنادي
ظل يدفع الباب بجسده حتى فتحه هم إلى الداخل وتجمعت الجيران على صوت صراخ دهب ومن بينهم اسماء ونور
محمد آنسة دهب لو سمحتى ممكن توسعى عشان اشيلها
دهب تردد نفس الكلام لا مش هتسيبينى زيهم لا
تدخلت اسماء ونور وجذبوا جسد فايزة من دهب بعد معاناة وانطلقوا بها للمستشفى
فى المستشفى
يجلس الجميع على احر من الجمر ودهب بملكوت اخر تردد متسيبينيش انتى كمااان ونور تضمها وتبكى وكذلك أسماء تحاول أن تطمئنها استهدى بالله يا بنتى باذن الله خير كل هذه دموع تجرى صامته ويقف محمد مستندا إلى الحائط أمام غرفة الطبيب يتمزق قلبه لرؤيتها على هذه الحالة يارب يهتف هكذا بداخله حتى خرج الطبيب من داخل الغرفة
الطبيب:.....
يتبع....❤️
بقلمى يمنى محمد ♥️😘