بنت الحارة🤍

البارت الرابع

فى المستشفى
يجلس الجميع على احر من الجمر ودهب بملكوت اخر تردد متسيبينيش انتى كمااان ونور تضمها وتبكى وكذلك أسماء تحاول أن تطمئنها استهدى بالله يا بنتى باذن الله خير كل هذه دموع تجرى صامته ويقف محمد مستندا إلى الحائط أمام غرفة الطبيب يتمزق قلبه لرؤيتها على هذه الحالة يارب يهتف هكذا بداخله حتى خرج الطبيب من داخل الغرفة
محمد:خير يا دكتور طمنا
الطبيب: الحمدلله احنا لحقناها فى آخر لحظة بس هتفضل فى العناية المركزة تحت الملاحظة لحد ما تعدى الساعات الجاية على خير
محمد: الحمدلله تسلم يا دكتور
الطبيب: العفو على ايه
ذهب محمد لوالدته ودهب
محمد: الحمدلله اطمنى يا آنسة دهب جدتك بخير
دهب: بجد بجد بقت كويسة أنا عايزة أشوفها
محمد: للاسف مينفعش هى فى العناية المركزة ومش هينفع حد يدخلها
دهب: يعنى ايه مش هينفع أنا لازم ادخلها
محمد: معلش دى تنبيهات الدكتور
دهب: أنا مش هقدر اروح واسيبها لوحدها هنا
اسماء: يا بنتى صدقينى كده هتتعبى وبعدين مش هتعرفى تقعدى معاها والحمد لله هى قامت بالسلامة يارب يتم شفاها على خير يارب قومى يا بنتى معايا
دهب: مش هقدر اسيبها مش هقدر
محمد: لو سمحتى روحوا دلوقتى وبكره من النجمه هنيجي نزورها
نور: ماما ممكن ابات مع دهب مش عايزة اسيبها لوحدها
اسماء: والله ولا أنا البت صعبانه عليا اوى لا اب وأم يا حبيبتي يا بنتى خلاص نبات معاها واخوكى يبات فى الشقة لوحده عشان متبقاش محرجة
وبعد محاولات كتير عرف محمد يقنع دهب انها تروح ووصلوا البيت
دهب: شكرا يا طنط وليك يا بشمهندس لولا وجودكم مش عارفة كان هيحصل ايه
محمد: العفو على ايه متقوليش كده احنا جيران والجيران لبعضها
اسماء: يلا يا بنتى خشى
دهب: انتم كمان هتفضلوا معايا مش عايزة اشغلكم
اسماء: ولا تعب ولا حاجة والله العظيم يعلم ربى يا بنتى انى حبيتك زى نور واكتر
نور: أنا بقا لية منافسين على المركز بقا
دهب: هههه ربنا يخليهالك وميحرمكيش منها
دخلت دهب إلى شقتها هى واسماء ونور إلى غرفتها وظلت اسماء ترتل سور القران وتمسح على رأسها بحنان إلى أن غفت
نور بخفوت: نامت
اسماء: اة يا عينى البت مكلبشة فيا زى الاطفال
نور: أنا هنام هنا على الكنبه
اسماء: ماشى
فى منزل محمد
استحم وبدل ملابسه وجلس يتصفح هاتفه بملل حتى رن
يونس: حبيب قلبي واحشنى
محمد: ازيك يا يونس
يونس: ايه ده مال صوتك في ايه
قص عليه محمد ما حدث
يونس: لا حول ولاقوة إلا بالله طب ودهب عامله ايه
محمد: أنا قولتلك اسمها ميجيش على لسانك ولا لا
يونس: خلاص ياعم متدقش المهم متنساش بكرا تيجي الشركة عشان الشغل
محمد: تمام لا اله الا الله
يونس: محمد رسول الله

محمد: ااااااه دماغى وجعانى وقلبى واجعنى عليكى يا حبيبتي مش عارف اطبطب عليكى ولا اداوى جرحك ربنا يطمن قلبك ويجمعنى بيكى يا حبيبتي ❤️
وتمر الايام ولا يحدث جديد سوا زيارات دهب لجدتها برفقة محمد وتوطد العلاقة بين دهب ونور وامها واستلام محمد لعمله مع يونس فى شركته
وفى يوم كانت دهب تزور جدتها كالمعتاد ولكن شعرت بأنها تتململ ببطء
دهب بدموع الفرح: تيته حبيبتي انتى صاحية بجد
فايزة: امم....
دهب: دكتور بسرعه
محمد: خير يا دهب
دهب بفرحة تيته اتحركت واتكلمت براحة
محمد بفرحة لسعادتها: بجد أنا هنده الدكتور حالا
وبالفعل أتى الطبيب وقاموا بعمل الفحوصات اللازمة لها وتم نقل فايزة إلى غرفة عادية
دهب: وحشتيني اوي اوي يا زوزو كده هنت عليكي
فايزة: اة يا بكاشة وانتى وحشتيني اوي
محمد: احم حمدالله على سلامه حضرتك
فايزة: الله يسلمك يا ابنى مش عارفه اشكرك ازاي دهب كانت بتحكيلى عنك كنت ببقى سمعاها
دهب بخفوت وخجل: ايه يا زوزه بأوحرج مش كده
محمد: احم على ايه بس احنا بقينا أهل واكتر عن اذنكم
دهب: ينفع كده يا زوزة تحرجينى مع الاخ
فايزة: هو اخ بردو😉
دهب: قصدك ايه
فايزة: لا ولا حاجة بكرا الايام تبين المهم أنا هخرج امتا
دهب: هسال الدكتور
محمد: لا متتعبيش نفسك أنا سألته وقال إن صحتك كويسة وتسمح بالخروج بس تواظبى على الدوا
فايزة: الحمدلله
وذهبوا جميعا من المستشفى
كان يونس فى طريقة لمنزل محمد وبعد فترة وصل ورن الجرس ففتحت نور قلبه ولكن سرعان ما تذكر أنها اخت صاحبه
يونس بحرج: احم محمد موجود
نور: لا ماما بس أبيه راح المستشفى مع دهب
اسماء من الداخل: مين يا نور
نور: ده أبيه يونس يا ماما
اسماء: اهلا يا يونس يا ابنى
يونس: اهلا بحضرتك معلش انا مضطر استأذن كنت مفكر محمد موجود
محمد من خلفه: بقى تيجى بيتى وعايز تمشى مكنش العشم
يونس: حبيبى وعم عيالى
اسماء: طمنى يا ابنى دهب عامله ايه
محمد: الحمدلله جدتها فاقت ولسة داخلين البيت
اسماء: بجد الحمدلله يارب والله ربنا يعلم البنت دى دخلت قلبى ازاى بس كده يا محمد متعزمهمش أخص عليك
محمد: ودى تفوتنى بردو يا امى
نور: بجد يا أبيه يعنى هى هتيجى هنا أنا حبيتها اوى
محمد داخل نفسه آاااه ومين يشوفها وميحبهاش تعالى يا يونس معايا عايزك وذهبوا للشرفه وكانت دهب فى البلكون تستنشق بعض الهواء ولكن عندما رأتهم دخلت
يونس: اللى واخد عقلك يتهنابه
محمد: لا ابدا اخبار الشغل ايه نسيبهم بقا يتكلموا
فى الدور الذى أسفل شقة دهب تعيش فتاه من نفس عمر دهب اسمها سميحة مبتحبش دهب لله فى لله
سميحة: شوف بنات اخر زمن نازلة معاه وطالعه معاه ومقضيلها مشاويرها بنات اخر زمن استر على ولايانا يارب
هند بتتكلمى على مين يا سميحة
(هند فتاه اكبر من سميحة بقليل طيبة القلب وحنونة )
سميحة: على قليلة الحياء اللى ساكنه فوق اللى ما تسمى دهب
هند: عيب كده يا سميحة دهب عمرها ما كانت قليلة الادب دهب طول عمرها متربيه وبنت اصول
سميحة بتهكم: مت ايه يا اختى وهى المتربية ولا بنت اصول تفضل مرافقة شاب عازب زى ضله فى كل حته
هند: ايه اللى بتقوليه ده انتى بتغلطى فى عرض البنت عيب يا سميحه احنا بنات مينفعش نغلط فى عرض بعض بالشكل ده والبنت كانت فى ظروف يعينى ما يعلم بيها الا ربنا عمرك ما فكرتى تطلعى تسألى عليها ولا تطمنى على الست الكبيرة هما كتر خيرهم الراجل وقف جنبها وبعدين يا ستى لو هما فى بينهم حاجة انتى مدخلة نفسك ليه واظن أن دهب كبيرة وعاقلة مش صغيرة انتى بس اللى بتحبى المشاكل أصفى للناس يا سميحة عن اذنك
سميحة: ودينى لافضحك فى الحارة يا دهب وابقى ورينى هتعرفى تدافعى عنها ازاى يا غندورة
ذهبت دهب وفايزة إلى منزل اسماء وتناولوا الغداء سويا ولاحظت اسماء نظرات محمد إلى دهب وبعد انتهاء اليوم عادت دهب وفايزة إلى منزلها ويونس كذلك
اسماء: الا قولى يا محمد
محمد:نعم يا ماما
اسماء بخبث: ايه رايك في دهب
محمد بتوتر: رأيي ازاى يعنى
اسماء: أصل بصراحة البت حلوة ومتربية ومؤدبة وتدخل القلب
محمد بتوهان: القلب بس ♥️
اسماء: انت بتحبها يا واد واوعى تكدب أنا بقولك اهو
محمد وقد أغلق الباب بصراحه يا ماما اة بحبها ومش من ساعة اللى حصل لجدتها أنا بحبها من زمان ♥️
اسماء بفرحة: يا حبيبي طب لية مقولتش
محمد: عايز أأمن ليها عيشة مرتاحة واكون قادر أسعدها عشان كده بحاول على قد ما اقدر اجتهد فى شغلى عشان أخطبها
اسماء: أنا فخورة بيك يا حبيبى ربنا يجعلها من نصيبك يارب ويوفقك ويريح قلبك
محمد وهو يقبل يدها ربنا يخليكي ليا يا حبيبتي أنا هنام عايزة حاجة
اسماء: لا يا حبيبي تصبح على خير
فى منزل دهب كانت تصلى ركعتين شكر لله على سلامه فايزة وعودتها لها وبعد انتهائها تذكرت موقف محمد معها واهتمامه بجدتها ونظراته لها عندما كانوا يتناولون الطعام شكلى هحبك ولا ايه يا اخ😂😂😂
دهب: وسعى يا زوزو بقا أنا هنام فحضنك عشان وحشااانااااااى
فايزة: تعالى يا قلب زوزو وقبلت جبينها ♥️

يتبع.........♥️
بقلمى يمنى محمد ♥️