بنت الحارة🤍

part 5❤️

رن جرس الباب
محمد:ايوا ثوانى وفتحه لتقع عيناة على روح قلبه
دهب بإبتسامة عذبة: ازيك يا باش مهندس
محمد: الحمدلله ازيك انتى وطنط فايزة
دهب: الحمدلله
اسماء من الداخل: مين يا محمد
محمد: دى دهب يا ماما
اسماء: اهلا يا حبيبتي عاملة اية اتفضلى كده يا محمد تسيبها على الباب
دهب: الحمدلله تمام أنا كنت جاية اعزم حضرتك على الغدا عندنا
اسماء: طيب يا حبيبتي وهاجى معاكى اساعدك
دهب: لا يا طنط متتعبيش نفسك وبمزاح وبعدين ده أنا الشيف دهب على سن ورمح
اسماء: هههههه دمك شربات يا دهب وبردو هاجى معاكى اقعد مع ستك بتفكرنى بامى الله يرحمها
دهب: الله يرحمها طب يلا بينا يا طنط
اسماء: اسبقى انتى يا حبيبتي وانا جاية
دهب: طب عن اذنك وذهبت
اسماء: يا واد اتقل شوية متبقاش واقع لشوشتك كده
محمد بحرج: احم هو باين عليا اوى كده
اسماء: دى واضحة زى الشمس وبمزاح هخطبهالك يا واد مش هتطير
محمد: ما خلاص يا حجة احرجتينى
اسماء: هههههه ماشى المهم هتنزل وترجع على هنا لما يجى وقت الغدا هبقى ارن عليك متجيش على هناك ها
محمد: خلاص يا امى عرفت
اسماء: يلا سلام
محمد: سلام
فى الكلية عند نور
كانت نور فى المحاضرة بجانب بعض الفتايات فهى ليس لها سوى معارف سطحية
كانت البنات بيتكلمو عن الدكتور وجماله
الدكتور: البنش الاخير كله بره
نور: يا دكتور بس ا...
الدكتور: انتى بتردى عليا كمان انتى هتشرفينى السنة الجاية وابقى قابلينى لو نجحتى فى مادتى
خرجت نور من الكلية وهى منهارة وحظها أن يونس كان من عادته أنه بيشوفها بس من غير ما تحس بيه لما شافها منهارة بالشكل ده راح عليها بسرعه
يونس: ايه ده نور (قال يعنى متفاجئ 😂😏)
نور: أبيه يونس انت بتعمل ايه هنا
يونس:ها كنت مع واحد صاحبى فى مشوار المهم انتى مالك واية الدموع دى كلها
نور وهى تمسح دموعها: مفيش
يونس: نور متكدبيش عليا وقوليلى اية اللى حصل
نور: حاضر وقالت كل اللى حصل
يونس: نهار أبوه اسود أما وريته
نور: لا لو سمحت أنا مش عايزة يحصل مشاكل
يونس: مشاكل اية طب خلية يستجرى يعمل حاجة كده ثانيه واحدة بس ودخل السوبرماركت وجاب عصير اشربي واهدى وتعالى اوصلك
نور: لا لا مش هينفع
يونس: نوووور مش بحب اكرر كلامى
نور خافت وعيطت اكتر
يونس: معلش أنا اسف اسف والله العظيم مكنش قصدى انى اخوفك تعالى اوصلك متخافيش
نور: ح...حا.اااضر
نور: بس أبية محمد هيزعقلى انى ركبت وبعدين الناس هتقول عليا ايه
يونس: خلاص هنزلك فى مكان قريب من البيت وهمشى ممكن تهدى
نور: حاضر
يونس: اسمه اية الدكتور ده
نور: اسمه .......
يونس: تمام متخافيش واطمنى مش هقول لمحمد حاجة يلا وصلنا
نور: شكرا على اللى عملته عن اذنك سلام
يونس: سلام ورجع للجامعة تانى ودخل عند العميد
العميد: مين حضرتك
يونس: يونس عز الدين المهدى مدير شركات المهدى جروب
العميد: أهلا وسهلا بحضرتك يا فندم
يونس: اهلا بيك أنا عايز الدكتور....... فورا هنا
العميد بتوتر من هيبة يونس: خير يا فندم هو حصل حاجه
يونس ابعتله وانت تعرف
رفع التليفون: ابعتيلى دكتور .. من مكتبه
السكرتيرة: تمام يا فندم
العميد: تشرب اية يا يونس بيه
يونس: قهوة سادة ها واخد بالك سادة
الدكتور وصل خير يا حضرة العميد فى حاجة
العميد: احب اعرفك بيونس بيه ابن عز الدين المهدى
الدكتور مد أيده اهلا وسهلا
يونس ضغط على أيده جامد
العميد: اهو الدكتور شرف خير يا يونس بيه
يونس: الاستاذ الدكتور المحترم أهان خطيبتى النهاردة قدام زمايلها فى المحاضرة ومش بس كده طردها وهددها كمان أنها تعيد من تانى
الدكتور: حضرتك تقصد مين الكلام ده محصلش
يونس بثقة: لا حصل ولا تحب ارفدك واقعدك جنب الست الوالدة تخرطلها الملوخيه
اتوتر الدكتور من هيئة يونس المرعبة وثقته: أنا آسف يا فندم مكنتش اعرف انها قريبه حضرتك
يونس: هى المشكلة أنها قريبة حضرتى وبس حضرتك اهانتها قدام زمايلها وشكلى هنفذ تهديدي
العميد: أهدى يا يونس بيه وان شاء الله المشكلة هتتحل
يونس: طبعا انت عارف انى ممكن اقفلك ام الجامعة دى صح الا بشرط واحد
العميد: ايه هو
يونس بكبرياء: تعتذر لنور قدام المدرج كله زى ما اهانتها
الدكتور: بس
يونس: خلاص براحتكم سلام
الدكتور: استنى بس هعتذرلها ومش هتعرضلها تانى ابدا
يونس: كده تعجبنى سلام يا حضرة العميد ومشى
العميد: الله يخربيتك يعنى ملقتش غير ده مخصوم منك اسبوع بحاله
عند محمد كان فى الشغل ومركز جدا محسش بالوقت وده كان بيخلى اغلب زمايلة يغيروا منه بسبب اجتهاده ونجاحه
دق باب المكتب
محمد: ادخل
يونس: حبيبي وعم عيالى
محمد: اية يا بنى فينك
يونس كنت بعمل كام مشوار كده المهم اخبار المشروع الاخير ايه
محمد: كله زى الفل والحسابات كلها تمام
محمد: يااااه ده الساعة خمسة ونص الوقت اخدنى اوى يلا أنا ماشى
يونس: استنى بس انا عازمك على الغدا
محمد: سبقك اللى عزمنى
يونس: الجو مش كده ايوا يا عم الله يسهلك
محمد: قل اعوذ برب الفلق
يونس: أنا مش بحسد أنا بنق بس طب ما تخدنى معاك ده أنا وحدانى وماليش حبيب ولا قريب ولا غريب
محمد: ههههههههه بس انا هتحرج من دهب استنى بس كده الو ايوا يا ماما
اسماء: اية يا محمد فينك
محمد: لسة مخلص شغل
اسماء: طب يا حبيبي تيجي بالسلامة
محمد بإحراج: احم ماما أنا مش هاجى
اسماء: لية يا محمد
محمد: اصل يونس معايا ومش هينفع عشان مدايقهمش
فايزة: فى اية يا اسماء
اسماء: محمد مش جاى
فايزة: لية بس كده
اسماء: اصل صاحبه معاه ومحرج منكم يعنى
فايزة: خليه يجي يا حبيبتى
اسماء: بس
فايزة: مبسش ولا حاجة اديهونى ايوا يا بشمهندس
محمد: ازي حضرتك
فايزة: الحمدلله تمام اسمع بقا تعالى انت وصاحبك أنا مش بحب اكرر كلامى انت فاهم انت غلاوتك من غلاوة دهب يا ابنى
محمد: حاضر يا طنط مع السلامه ابسط يا عم هتيجى معايا
يونس: لو مكنتش تمسك فيا بس
محمد: يلا يا آخرة صبرى
دهب كانت عاملة وليمة أسطورية وكانت رافضة أن اى حد يساعدها مكانتش حتى فاهمة هى بتعمله لية المرة دى بالذات بالحب والحماس ده عشانهم ولا عشانه هو بالذات هى متنكرش أنها بدأت أنها تتعلق بيه وتتعود على وجوده بس خايفة يكون بيعاملها زى ما بيعامل نور مجرد أنها زى أخته مش شايفها اكتر من كده فاقت على جرس الباب وراحت تفتح
دهب: اهلا اتفضل يا بشمهندس
يونس: احم اية الكسفة دى امشى طيب
دهب: لا اسفة مخدتش بالى اتفضل
محمد بهمس: لم الدور يا امور
يونس: خلاص يا غيور
نور باندفاع: حمدالله على السلامه يا أبيه ومخدتش بالها من يونس
محمد: الله يسلمك يا حبيبتي
يونس بصوت واطي من وراها: وانا مفيش حمدالله على السلامه
نور بتوتر: ازيك يا أبيه عن اذنكم
دهب: السفرة جهزت اتفضلوا
يونس: اااه ده أنا كلاب بطنى بتهوهو
الكل: هههههههههههه
اسماء: لا بس بجد برافو طلعتى ولا اجدعها شيف اصل دهب اللى عامله الاكل لوحدها
نور: اية يا ماما وانا
دهب: لا حرام السلطة بتاعت نور تحفة هههههه
نور: تسلمي يا دودو
محمد بإبتسامة حب: تسلم ايدك
دهب بخجل: بالهنا والشفا
كل ده تحت أنظار فايزة واسماء اللى مركزين اوى مع دهب ومحمد ونظراتهم لبعض مش مركزين مع نور اللى قاعدة متوترة بسبب وجود يونس وبتحاول تبان طبيعية
خلصوا الغدا وشربوا الشاى وقضوا سهرة كلها ضحك وهزار وكل واحد راح على بيته ونور عزمت دهب على فرح ابن خالتها ووافقت
دخلت دهب اوضتها بعد ما فايزة خدت الدوا ونامت شغلت الفون على اغنية بحلم بيك لعبد الحليم

Listen to Ba7lm Beek بحلم بيك ... عبدالحليم by Muath_4 on #SoundCloud
https://soundcloud.app.goo.gl/tptpA

لينك الأغنية
وطبعا كان محمد صاحى وسامع الأغنية وحس إن بدأ يكون فى بادرة أمل وخيط هيعرف بيه أن يفوز بقلبها

To be continued ❤️
By me Youmna Mohamed ❤️