بنت الحارة🤍

part6

فى بيت محمد
محمد: صباح الفل يا ست الكل
اسماء: صباح الخير يا حبيبي
محمد: كنت عايز اتكلم معاكى
اسماء: استر يارب خير
محمد: لا خير إن شاء الله بصى بقا انا قررت اكمل نص دينى
اسماء بفرحة: لوولولولوولولولولوللى يا نهار ابيض الف مبروك يا حبيبي اخيرا هفرح بيك
محمد: استنى بس يا ماما مش لما نشوف هيوافقوا ولا لا
اسماء: وميوافقوش لية إن شاء الله هو انت شوية ولا ايه وبعدين يا ولا دى البت واقعة من الدور العاشر بس انت اللى مش واخد بالك
محمد: بجد وعرفتى منين بقى
اسماء: يا ولا ده أنا ماما البت تشوفك من هنا وتقلب طماطم من هنا ولما كنت بتقول انك مش جاى عشان يونس كانت متضايقه اوى فعشان كده فايزة أصرت انك تيجي
محمد: اة مش سهلة انتى بردو يا سمؤة شكلك هتبقى حماه صعبه براحة على البت دى يتيمه
اسماء: جرا اية يا واد هو أنا زومبى وبعدين البت دى دخلت قلبى لله فى لله كده بقت زى نور
محمد: ايوا بقا يا سمسم يا حلو انت خديلنا معاد بقا منهم عشان اتقدم بس متقوليش لنو...
نور: أنا هعمل نفسي مسمعتش حاجة
محمد: يخربيت سنينك انتى هنا من امتى
نور: من بااااادرى
محمد: حسك عينك تقولى لدهب على حاجة دلوقتى
نور: ماشى يا عم عشان ولادك ميقولوش عليا عمتو الحرباية
محمد: ولاد مين يا هبلة
نور: متاخدش فى بالك المهم حضن بقا يا عريس
محمد: تعالى يا اختى

فى بيت دهب
دهب: الله عليكي يا بت يا دهوبة شيف وربى شيف
فايزة: بتعملى اية يا حبيبتي
دهب: بعمل بسبوسة يا بسبوسة
فايزة بخبث : لمين يا حبيبتي
دهب بتوتر: ها ليا اصل نفسي راحتلها فى سرها كنت عايزة اوديلهم طبق يا خسارة
فايزة: اة قولتيلى طيب أنا داخلة اتفرج على التلفزيون ابقى هاتى حتتين معاكى
دهب: وبعدين يا زوزو السكر يا حبيبتي هجيبلك حتى صغيرة وارحوا قعدوا قدام التلفزيون
فايزة: الا صحيح مقولتلكيش يا حبيبتي مش انتى جايلك عريس
دهب: عريس اية بقى يا زوزو وجاى يطلبك منى ولا اية
فايزة: يا بنتى أنا بتكلم جد
دهب: ريحى نفسك يا زوزو أنا مش هتجوز
فايزة: طب اعرفى هو مين بس الاول
دهب وهى تهم بالنهوض: مش فارقه كتير
فايزة: خلاص براحتك بس تقريبا اللى كنتى بتفكرى فيه وانتى بتعملى البسبوسة
دهب: كحح احم قصدك مين
فايزة: انتى مش قولتى مش فارقه
دهب: انتى هتاخدى على كلام عيلة زيي ها مين يا زوزو بالله عليكى
فايزة: الباش مهندس يا آمنه
دهب: بطلى هزار يا زوزو بقا مين
فايزة: الباش مهندس يا دودو مش عارفه بردو
دهب بخجل: احم قصدك يعنى
فايزة: هههههه شوف البت قال مكسوفه
دهب: مخلاص يا زوزو بقا جاين امتى
فايزة: انا قولتلهم بكرا بعد العشاء إن شاء الله
ضمت دهب فايزة بسعادة غامرة
وجه وقت النوم
دهب وهى تقفز بسعادة على السرير: يس يس يس يس هيخطبنى ااااااه ياربى ده ايه ده يارب بكرا يجيي بسرعة

صباح اليوم التالي
عند يونس ومحمد كانوا بيتكلموا فى الشغل وخلصوا
محمد: طبعا انت معايا النهاردة
يونس: معاك فين
محمد: رايح أخطب النهاردة
يونس بفرحة: بجد الف مبروك يا حبيبي وعانقه بحب وانا اقول جاى ووشط هيفط منه الدم والضحكة من الودن دى لدى من ايه
محمد: آااااه انت بتقول فيها ده أنا ذات نفسي مش مصدق
يونس: الف الف مبروك يا حبيبي  بس بسرعه عشان عايز ابقى عمو بسرعة بقا اسمع انت تروح دلوقتى يلا
محمد: يا ابنى طب والشغل
يونس: ما يولع ام الشغل هو أنا اخويا هيخطب كل يوم يا جدع يلا بينا
كانت دهب بنجيب طلبات ناقصة من البيت وطالعة وطبعا كانت سميحة واقفة على الباب
سميحة: الا قوليلى يا دهب اخبارك ايه
دهب باقتضاب: كويسة
سميحة: ايه هو ده متردى زى الناس
دهب: ما انا رديت بس تقريبا كده بتفهمى بلغة البهايم
سميحة: ما تلمى نفسك يا بت اقفى عوج واتكلمى عدل ولا انت عشان يتيمة اهلك نسوا يربوكى وسايقة العوج
هند خرجت على صوتهم: جرا اية يا سميحة متتلمى احنا على السلم وقالت لدهب بحنان اطلعى يا حبيبتي شوفى طلباتك
سميحة: اة دلوقتى بقيتى انتى نبع الحنان
هند: عيب اللى بتعمليه ده يا سميحة وحطيها حلقة فودنك لو فكرتى بس مجرد تفكير انك تأذيها ولا تقربى منها بس هيكون حسابك معايا عسير
سميحة: لا خوفت ياما الحقونى على اخر الزمن تيجي واحدة زيك عانس تهددنى
هند بهدوء ظاهرى: طب اية رايك إن العانس دى احسن من اللى بيتها مفتوح سداح مداح الا هو آخر زبون كان اسمه مازن ولا ايمن ولا احمد اصل انتى الطلب عليكى اكتر من على بضايع العتبه
سميحة بتوتر: ايه .... ايه اللى انتى بتقوليه ده
هند: بقول الحقيقة قبل ما تتكلمى على بنات الناس شوفى نفسك الاول
سميحة: انتى عارفة انتى بتقولى ايه
هند بهدوء: عارفة ونص واعتقد انك خايفة على اللى فاضل من سمعتك فبهدوء كده ومن غير شوشرة تخشى شقتك واياكى تتعرضى لدهب ولا لغيرها
سميحة دخلت وهى حاطة ايدها على قلبها من الخوف: يخربيتك انتى عرفتى كده منين بس دى باين عليها متاكده وانا اللى افتكرتك غلبانه وفحالك صحيح ياما تحت السواهى دواهى ( ماتقولى لنفسك ياختى😂)