فى يوم جديد فى العمارة عند محمد كان نازل وقابل سميحة
سميحة بمسكنة: ازيك يا باش مهندس
محمد: تمام عن إذنك
سميحة: استنى بس مش حابب تدوق الرز بلبن بتاعى ده بالمكسرات
محمد: لا شكراً
سميحة: استنى مالك حمقى لية كده هو انت ناوى الفرح على امتا
محمد: مالكيش فيه ممكن اعدى
سميحة لمحت دهب طالعه على السلم عملت أنها مغمى عليها واترمت على محمد (وهنا كان لازم نتدخل)
محمد بتوتر: حبيبتي أنا...... أنا
دهب بجمود: زى ما انت
محمد: حبيبتي هفهمك والله استنى الموضوع مش زى ما انتى فهماه
سميحة بمسكنة: تفهمها اية يا باش مهندس هو مش انت اللى اغويتنى وانا اقولك ده انا زي اختك
محمد بصدمة: اغويت مين يختى
سميحة: اة وانت تقول محدش هياخد باله أنا عينى عليكي من زمان بس اتدبست فى دهب عشان ادارى عليها وكلام كتير مش قادره أقوله و..... ملحقتش تكمل وكانت دهب مدياها من المنقى خيار
دهب: هو بردو اللى بيقولك يلا يا ولية يا عايبة ياللى مفيش دكر فبيتكم يلمك ولا يشكمك يلا يختى لمى تعابينك وعلى شقتك يا روح النونة
سميحة: طيب ممكن يا كابتن توصلنى اصلى لسة دايخة
دهب وهى ترفع شبشبها: لا يا حبيبتي انا عندى الحل اللى هيساعدك تجرى زى اجدعها رهوان فاسطبل على شقتك يا بت
طبعا الجرى نص الجدعنة اختفت سميحة فى ثانية الا ثانية وبعدها بصت دهب لمحمد ببرود شديد
(أنا فى المواقف اللى زى دى احب اسمع سامو زين جدا😂)
محمد: اية يا حبيبتي عاملة اية...... اة انتى كنتى فين صحيح سيبانى كل ده متكلمنيش يا هانم .... مالك يا حبيبتي بتبصيلى كده لية عيونى حلوة صح ....... فى اية طب أنا آسف والله حقك عليا..... فى اية يا بنتى هغرق البنطلون
دهب بمنتهى الهدوء: شيل الشنط دى
محمد: بس كده ده انتى لو طلبتى أشيل الهرم هشيله عشان عيونك
دهب: هشششششششش ورايا
محمد: حاضر
وطلعوا الحاجة لحد شقة دهب
دهب: شوف كده فى حاجة بره
محمد: لا مفيش كله تمام
دهب: لا اطلع بس كده اتاكد حاسة انى فى حاجة ناقصة
محمد: حاضر يا ستي
واول ما خرج راحت دهب رازعة الباب وراه
محمد: يكسفتك السودة يا حازم طب يا حبيبتي تصبحى على خير
دهب: ههههههههههه هموت ههههههههههه يخربيت كده
فايزة: خير ضحكينى معاكى
دهب: هقولك .....
فايزة بضحك: يخربيتك وبيت سنينك
عند محمد وصل الشغل ودخل مكتب يونس
محمد: الحقنى يا يونس
يونس: يا ساتر يارب اية خرموا الهرم
محمد: لا مش للدرجادى
يونس: اومال ايه المجارى طفحت فى الشركة
محمد: لا دهب قفشتنى وانا....
يونس: يا دينى على الضحك ههههههههههه
محمد: الحقنى دى ساكتة ومبتتكلمش
يونس: بص بصراحه احب ابشرك إن فى حته خابور عنب فى انتظارك ربنا ينجيك لما الست تفضل ساكتة اعرف أن إبليس نفسة ميعرفش هى بتفكر فى اية
محمد: الله يبشرك بالخير ياخويا وراح على شغله وبعد انتهاء اليوم
عند محمد دخل لقى دهب قاعدة مع أمه
محمد: الس.... السلام عليكم
الجميع: وعليكم السلام
دهب: عن إذنك يا ماما
اسماء: ماشى يا حبيبتى
محمد: ما تخليكى معايا شويه تعالى نتعشي سوا
دهب بهمس: بلاش أنا عشان أنا لو عشيت هيبقى العشاء الاخير زى فيلم موعد على العشاء كده
محمد بتوتر: طب يا حبيبتي خلى بالك من نفسك
دهب: شكرا سلام
اسماء بضحك مكتوم: احضرلك العشاء
محمد: هو انتى عاملة اية
اسماء بضحك: مسقعة
محمد: مش عايززز هنام خفيف حسبي الله ونعم الوكيل تصبحوا على خير
يونس: اية خرموا الهرم
محمد:
دى مكنتش مسقعة اللى ترعبك كده😂😂
أنت تقرأ
بنت الحارة🤍
Fantasyمفيش احلى من البساطة وانك باقل حاجة هتعيش مبسوط السعادة مش بالفلوس حارتنا الجميلة دى زى الجنينه وردتها بطلتنا وساقيها بطلنا يا ترى اية هى الحكاية؟❤️☺️
