بنت الحارة🤍

part 7

داخل أحد الكافيهات
دهب: محمد احنا لازم نسيب بعض
محمد بصدمة: انتى قولتى اية
دهب بحزن داخلى: نسيب بعض
محمد: لية يا دهب أنا قصرت معاكى فى حاجة زعلتك دايقتك
دهب: اة على طول
محمد: على طول أنا عملتلك اية دايقك بس
دهب: بقالنا شهرين بحالهم مخطوبين بتعاملنى زى زى الترابيزة مبتاخدش بالك أنا بحب اية بكره ايه لابسة ده اول مرة ده جديد ده قديم حتى خروجاتنا مفيش مرة نخرج وتعاملنى برومانسية تحسسنى انك خطبنى عشان بتحبنى حتى لما روحت معاك انت ونور الفرح مش عايز نرقص سوا ولا نتصور سوا حتى تفاصيل شقتنا مش مهتم بيها كل اللى عليك ده بيتك اعملى اللى انتى عايزاه  ده انت مقولتليش بحبك لحد دلوقتى اكنك مجبور عليا واضح انى اتسرعت وقلعت دبلتها وحطتها على الترابيزة أنا مش هقدر اكمل هبقى ابعتلك حاجتك عن اذنك ومشيت على البيت بسرعة
محمد: ياااه شيفانى وحش اوي للدرجادى يا حبيبتي اة لو تعرفى بس أنا بحبك قد اية ومسك الدبلة بس انا عرفت هعمل اية وطلع تليفونه ورن على يونس
يونس: باشا قلبى واحشني والله
محمد: مش وقت هزارك البايخ ده اسمع اللى هقوله واعمله بالحرف
يونس: اوبا ده الموضوع كبير اوى قول يا معلم
محمد: بص.......
...........
وعند دهب طلبت اوبر وروحت
دهب: مكلفش خاطره حتى يجيي ورايا يصالحنى والله كنت هتراضى بأى حاجه يا خسارة حبى ليك
وبعدها وصلت وطلعت البيت وعيونها كلها دموع
سميحة: اية ده مالك
دهب: لو سمحتى ابعدى عن طريقى هو أنا نقصاكى
سميحة: احسن طول عمرى نفسى اشوفك مكسورة أما اخش اعمل طبخة حلوة بقا عشان الفرحة دى
دهب وهى لسة هتحط المفتاح فى الباب لقت اسماء خارجة
اسماء: دهب ازيك يا حبيبتي
دهب: الحمدلله
اسماء: مالك يا حبيبتي انتى كويسة اوعى يكون الواد زعلك اقطم رقبته
دهب: لا يا طنط عن اذنك بس عشان تعبانه وعايزة انام
اسماء باستغراب: اذنك معاكى يا حبيبتي هو الواد عملها اية يا خبر بفلوس بلاش أتدخل
دهب مجرد ما دخلت وجريت على الاوضة بسرعة واترمت على السرير وهى بتعيط
فايزة بقلق: مالك يا حبيبتي فى ايه
دهب: فسخت الخطوبة يا تيته
فايزة بصدمه: ايه لية يا بنتى حصل ايه
دهب حكتلها كل اللى حصل
فايزة: طب لية مدتلوش فرصة يدافع عن نفسه
دهب: أنا مش هدى فرص لحد أنا مش اقل من اى بنت فى الدنيا عشان اتجوز واحد مبيحبنيش
فايزة: هو اللى قالك كده
دهب: لا مقالش بس الحاجات دى بتتحس ده مش حب ده بالنسبة له كان مجرد جميل مش اكتر
فايزة: طب ممكن تهدى يا قلب تيته وتبطلى عياط بصراحة أنا حاسة انك فاهمة الموضوع غلط أنا مش بغلطك كل بنت محتاجه تسمع كلام حب بس هل ده لوحده كفايه طب انتى لما بتكونى معاه بتحسى انه  منتبه لكلامك حتى لو مش مهم مش عايز يوفرك عيشة كويسة مش عايز يحافظ عليكى مش بتحسي أنه متابع تفاصيلك حتى لو بيعمل أنه واخد باله منها لو مبتحسيش بده كله معاه يبقى هو ميستاهلكيش بس أنا رأى تقعدى معاه وتسمعيه يا حبيبتي وذهبت
دهب بتفكير هو فعلا بيعمل كده وبتحس وهى معاه أنها متطمنه ومبسوطة بس فى شعور تانى جواها مخليها رافضة وخلاص
جرس الباب رن
فايزة: اهلا يا ابنى اتفضل
محمد: يزيد فضلك
فايزة بعتاب: كده ترجعلى البنت ودموعها على خدها دى مش راضية تاكل ولا تشرب من ساعة ما جت يا قلبى عليها
محمد بحرج : والله يا تيته هى فهمتنى غلط أنا مكنش قصدى ازعلها والله وهى مشيت من غير ما تسمعنى أنا بحبها وعمرى ما ازعلها وحقك وحقها عليا ممكن تندهيها عشان اصالحها
دهب كانت هتفتح الباب لما الجرس رن بس لقت جدتها فتحت دخلت اوضتها بس سابت الباب موارب عشان تسمع
دهب فى سرها: يا ابن ال.... بقا بتحبنى ومش راضي تقول طيب أما خليتك تقول إن الله حق مبقاش أنا
فايزة: دهب حبيبتي محمد قاعد برة وعايز يتكلم معاكى
دهب بكبرياء: لا يا تيته أنا قولتله إن كل شئ قسمه ونصيب
فايزة: طب اسمعيه بس وبعدين قررى اللى انتى عايزاه
دهب: ابدا
فايزة: طيب اطلع أقوله خلاص معندناش بنات للجواز
دهب: احم خليها عليا أنا يا تيته أنا اللى هقوله
فايزة بتمثيل: انتى مش قولتى رايك وخلاص لا يمكن ترجعى فيه هقوله وما على الرسول إلا البلاغ
دهب: أنا بس عشان مش عايزة احرجك هشوفه عايز اية وطلعت
فايزة بضحك: هو ده اللى كله قسمه ونصيب وتعالى خد حاجتك اة يا سهنه انتى
فى الصالون
دهب بجمود: افندم عايز اية
محمد: اقعدى بس الاول
دهب: انت جاى عشان تاخد حاجتك مش كده تمام هجيبهملك
محمد بخبث: تمام بس تممى على  الشبكة كلها عشان أما أبيعها
دهب بصدمه: ايه
محمد بتمثيل : انتى مش بتقولى كل شئ قسمه ونصيب وتعالى خد حاجتك خلاص انا عايزها اهو على الأقل ابقى استفدت بحاجة
دهب اتعصبت وقامت ومحمد مسكها
دهب: سيبنى
محمد بضحك: استنى يا مجنونة
دهب: بقولك سيبنى أنا بكرهك روح شوف حياتك بعيد عنى
محمد: بتكرهينى
دهب: اة بكرهك
محمد: وانا كمان بموت فيكى
دهب بصدمه: انت ....انت قولت ايه
محمد: مقولتش
دهب: عااااا غلس وبارد
محمد: هههههه يا بت أهدى بس بقولك بموت فيكى وبحبك ومقدرش اعيش من غيرك
دهب: على فكرة يعنى الكلام ده مش هيغير حاجة أنا مش بحبك اصلا
محمد: طب عينك فى عينى كده
دهب: لا مش هبصلك
محمد: تبقى بتحبينى
دهب:سكتت ومردتش
محمد مسك ايديها وباسها حقك عليا ياروحي
دهب: متعملش كده تانى
محمد : تمام يا فندم وطلع دبلتها من جيبه تانى مرة دى متتقلعش هكسر دماغك
دهب: على فكرة أنا لسة زعلانه
جاب بوكس الورد والشوكولاتات طب وكده لسة زعلانه
دهب: لا كده ممكن افكر
محمد: تفكرى انا ماشي
دهب: لا لا خلاص انا مش زعلانه
محمد: يا ستى انا حاسس انك زعلانه لسة
دهب: لا خلاص والله هات بقا
محمد: معلش يا حبيبتي أنا همشي بقا
دهب بحزن: هتمشى
محمد: معلش يا حبيبتي عندى شغل ولازم ارجع أنا جيت عشان زعلك مش هين عندى وخفت اخسرك وتضيعى منى سلام يا قلبي
دهب: سلام لا اله الا الله
محمد: محمدا رسول الله
دهب  بعد ما قفلت الباب فضلت تتنطت زى الاطفال
فايزة: لا والله مش هو ده اللى هسيبه مش عايزاه لا مش بيحبنى
دهب: الله بقا ما أنا بحبه يا زوزو اعمل ايه
فايزة بسعادة: ربنا يهنيكى يا بنتى ويسعدك كمان وكمان
عند محمد وصل الشغل ودخل عند يونس المكتب
يونس: ها صافى يا لبن  اية اخبار خططى
محمد: حليب يا اشطا
يونس: شوفت مش قولتلك طلع العواطف المكبوته دى بتجيب من الاخر  مش تقولى بثبتلها حبى بالافعال بس الكلام له وقته بردك
محمد: ماشى يا خبره بس اليوم طلع جامد حتى امى لسة جيبالى خبر دلوقتي
يونس: عساه خيرا اخبرنى يا صديقي
محمد: هههههه ابدا يا سيدى نور جايلها عريس
يونس بصدمه:اية؟؟؟!!!!
يتبع❤️