Devil's GAME

Chapter 2

"We're on a ship?" Gulat na tanong ni Hurricane.

Hindi siya makapaniwala kaya muli siyang sumilip. 

Totoo ang nakikita niya.

Isang napakalaking barko ang sinakyan nila. Sa sobrang laki noon, hindi na niya nararamdaman ang paggalaw ng sasakyan. Pakiramdam niya'y isa siyang insekto sa laki nito. Bahagya lang niyang natatanaw ang alon sa gilid ng barko mula sa kinaroroonang upper deck. Kaya pala kalangitan lang ang nakikita niya sa paligid maging ang kasiyahan ng ibang kasamahan kanina, ito pala ang dahilan. 

"My God! I didn't expect this." muli niyang sabi.

Bumalik siya sa kumpulan ng mga kalahok habang na sa isip pa rin ang kinaroroonang lugar.

"Players..." Isang boses naman ng lalaki ang narinig nila sa speaker, "... This is Captain Jack, please go to your respective groups and proceed to your quarters. The quarter is located in the middle of this place, the round platform. Same colors in one group." Paliwanag nito.

Natuwa naman ang iba dahil kasama na nila ang kapareho ng kulay na papel.

Tiningnan naman ni Hurricane ang mga round platform pero wala roon ang kulay ng papel na nakuha niya.

"For those who got the rainbow colors, please remain in your place." Hindi umalis sa kanyang pwesto si Hurricane tulad ng instruction mula sa speaker.

"May rainbow color pala? Hindi ko nakita 'yon," Panghihinayang ng isa habang naglalakad patungo sa mga round platform sa gitna.

"Girl, na sa rainbow color ang ROOM mates pati si Casseus. Sayang hindi ko nakita ang rainbow papers,"

"Ang swerte naman ng kasama nilang girls, konti lang sila."

Hindi na pinansin ni Hurricane ang komento ng ibang kalahok. Wala rin siyang planong tingnan kung sino ang kanyang makakasama. Ang kailangan lang niya ay pansamantalang magtago kaya hindi ito dapat seryosohin. Simula pa lang, alam niyang pambatang laro ang mangyayari rito.

"Go to your quarters now!"

Pagkasabi n'on ng lalaki ay biglang bumaba ang platform pailalim ng deck. May mga nagtilian dahil sa hindi inaasahang paggalaw.

Biglang tumahimik ang paligid, pero ngayon mas ramdam ni Hurricane ang kakaibang atmosphere mula sa mga kasama. 

"Special players..."

'Special player?' sambit niya sa isip.

"... Because you are special, please come forward to the red wall."

Nakiramdam si Hurricane at hindi kumilos sa kanyang pwesto. Tumaas ang naramdaman niyang tensyon sa paligid.

Tumawa ang lalaking nagsasalita.

"Don't worry, it's just a simple identification record."

Sa sinabing iyon ng lalaki, may unang lumapit sa pulang pader hanggang sunod-sunod na silang nagtungo roon. Nakahilera sila habang nakaharap sa pader at walang nagtatangkang magtanong o kumilos. Pawang pakiramdam ang pinapairal ng lahat.

"Prepare yourselves," Ani ng lalaki. 

Lumabas ang isang light scanner mula sa pader at naglakbay sa kanilang katawan mula ibaba paitaas.

"Done." Muli nitong sabi, "Players... press the red button in front of you."

Hinanap ni Hurricane ang button sa harapan. Wala siyang nakita hanggang lumabas ang sinasabing button ng lalaki.