Devil's GAME

Chapter 20

Natulala si Hurricane habang nakatingin sa lakas at bilis makipaglaban ni Primo. Madali nitong natatalo ang sumusugod na kalaban gamit lamang ang kamao nito.

Muntik pa siyang napasigaw ng biglang umatake ang kalaban sa likuran nito. Ngunit agad itong nahagip ng sipa ni Primo. May sabay-sabay namang aatake rito pero mabilis dinampot ni Primo ang baril sa sahig. Balewala nitong pinaputukan ang grupo ng kalaban. Hindi man lang ito kumurap habang ginagawa iyon.

"Hurricane! Manzo!"

Sabay silang lumingon ng marinig ang tumawag sa kanila. It's Onix na kinakawayan sila para makuha ang kanilang atensyon. Nakasakay ito sa isang yate kasama si Lassy, Orio at Ryz. May mahabang kable ang nagkokonekta sa yate at barko. Sa palagay niya iyon ang ginamit ng apat upang makatawid.

Muli niyang inalalayan si Manzo palapit sa gilid ng barko.

"Injured si Manzo! Tulungan nyo akong ilipat siya!" Sigaw niya sa mga ito.

"N-no, I can manage." Mahinang sabi ni Manzo.

"Are you sure?" Naninigurado niyang tanong.

"Y-yeah,"

Pinagmasdan naman niya ito. Duda siya na baka makabitaw ito habang na sa gitna ng kable patungo sa yate.

"Wait for me," Bilin niya rito bago umalis sa kanilang pwesto. May napansin siya na pwedeng panali sa dinaanan nila kanina. Babalikan lang niya iyon para itali kay Manzo at masiguro ang kaligtasan nito.

Patuloy pa rin sa pakikipaglaban si Primo ng lampasan niya. Hindi naman ito nag-abalang tingnan siya dahil abala ito sa kalaban.

Nang matagpuan ang panali, mabilis niya iyong kinuha at tumakbo pabalik. Ngayon nakatingin na sa kanya si Primo. Halata ang pagtataka nito sa kanyang bitbit pero hindi siya nag-abalang magpaliwanag. Abala siya sa dapat gawin at kailangan niyang kumilos ng mabilis.

"Come here," Nagmamadali niyang sabi kay Manzo.

Sinampay niya muna ang lubid sa kable bago pinulupot sa katawan ni Manzo.

"W-what are you doing?" Halata ang pagkailang nito sa kanyang ginagawa.

Isinuot niya kasi ang lubid sa pagitan ng balakang nito at tinali sa baywang.

"W-wait," Pigil nito sa kanyang kamay.

"Why?" Kunot noo niyang tanong.

Umiwas ito ng tingin sa kanya bago sumagot.

"Don't make it too tight," Tila nakikiusao nitong sabi. 

"Paano kung malaglag ka dahil sa maluwag na pagkakatali?" Tanong naman niya.

"I will hold the rope tight,"

"Injured ang balikat mo. May tama naman ang tagiliran mo. Hindi ka makakatagal sa paghawak sa lubid." Katwiran niya.

"You're hurting his future children." 

Tumingin si Hurricane kay Primo ng marinig ang sinabi nito. Papalapit ito sa kanilang pwesto. Bumalik naman ang tingin niya kay Manzo ng tumikhim ito. Nakaiwas ito ng tingin sa kanya pero halata niya ang bahagyang pamumula ng mukha nito.

"Okay," Sang-ayon niya kahit wala siyang ideya kung paano niya sinaktan ang magiging anak nito.

"Thank you," Parang nakahinga naman ito ng maluwag.

Masusi niyang sinuri kung maayos ba ang pagkakalagay niya ng tali rito.

"Manzo is coming!" Sigaw niya sa mga kasamang na sa yate. "Go," Marahan niyang sabi sa lalaki.