كنت ولازلت لك 💜👑💜(بلهجة الجزائرية +18)

Part1🍁🌺🌈😂

هكدا ديما يصرالي هكدا تحشاتلو لي قرا ومالقاهاش واجدة...اااااياااااوايااا على زهري لحلوف
...:واش بيه زهرك
انا:معوج كثر على الطريق تاع الجامعة
...:قالك انا لي زهري يهبل هاو تقول راه شافني مرندفة مع جارو
بووووووووووومم حتى يلقاو البياري. هجمت عليهم
الام مربعة يديها وتخزر فيهم :مطولين الاعتكاف تاعكم فلبيت ولاتستاو لعرضة ...نوضو من تنوض حبة فرواسيكم انا:واش بيك نبعو (ماما)جاية محرشة هكدا
خويا :بالاك الشيخ عبد القادر ماخلالهاش الصرف باه تعمر الما 😂😂😂
ماما وهي تنحي البشماق وتشالي بيه :خلالي ذنوبكم
انا وبكل ثقة :خسارة عليك نبعو يقولك ربي اذا احب عبدا ابتلاه
خويا :😂😂😂😂😂😂
طاااااااخ واذا بماما ترمي البشماق علينا ستر ربي جا فلحيط ونضنا نجريو انا وخويا من السرير وهي تجري مورانا منيتها وتشالي فلفردة الثانية تاع البشماق :اقسم بالله ماكم هاربين نحكمكم نعاودلكم الترابي
انا:واش بيك نبعو هكدا مغششة مدرنالك والو😄😄😄😄
خويا :ايه ماما مدرنا والوا نتي جاية تتبلاي فينا
ماما وهي مغششة :مدارتو والوا تتمسخرو بجدي هنايا وتش داكم لطوموبيل تاع قدور تكسرولها لبابريز (طاقة ) واش لحقكم لجدها هااا فهموني
انا وليت نشوف مع خويا مرة ونشوف فنبعو مرة خلاف قربت شوية وهمستلو بشوي :نوري بانتلي لازم نهربو بجلودنا القضية حماضت
نوري : اوكي شاف نحسبو لثلاثة ونهربو بجلودنا
انا:اوك 👍👍
يما بدات تقرب بشوي وحنا نبعدو بشوي
نوري 1....2....3انجو بحياتكم
ونطلقو رجلينا جيهة الباب .بصح من عندمن محوسين نهربو مامبا كملنا نص الطريق فلجري حكمتنا من التريكوات تاعنا
يما:ليوم نوريكم نجوم الليل فظهر ياوجوه الميزيرية
طااااخ ضربة للترمتي طاخ ضربة لنوري طاخ ضربة فراسي دخت علابالكم
واخيرا هربنا كي طبطبت باب الدار للبيت تاعنا قفلت الباب وطحت عيانة
نوري :ستر ربي صونات الباب ..كون مت بين يديها وهي لاخبر
انا:ماتمسخرش انا حسيت عزرائيل يقولي هلاو بب
نوري :تحبي الصح حنا غالطين شوي
زربت دورت ليه حتى خلعتو :اك منيتك كون مانتا كون مصرا والوا
نوري بتغشاش :هو السبا واش داه يڨاريها ثم فبلاصتنا وين نلعبو
شفت معاه بشط عين :الطريق بسم باباك ول ...
نوري:لا باسمي 💪💪
تغششت ونضت ليه:نوض فز من قدامي لانكملك لي ماكملتوش الحاجة فيك
ناض خرج وانا قعدت مسطحة على السرير نشوف فلبلافون
انا دعاء عمري 18سنة نسكن فالجزائر اڨزاكت فميلة نقرا ثالثة ثانوي من المتفوقين فليسي .نوصفلكم روحي مع انو حاجة ماتتوصف ماشي لشدة جمالي😂😂😂😂😂 عينا بني غامق وبشرتي بيضة وفمي حمر شعري طويل وكحل مدايرة خمار
جمالي عادي مانيش نسحر ةمانيش باشعة .طايرة بزاف ونضحك كثر من لقياس وهذا الشي مدايرلي شوي مشاكل بصح اغلبية يحبوني 😂😂😂
نوري :هذا خويا الصغير اسمو الكامل قيس عبد النور انا مختاصرة اسمو 😂يقرا ثانية متوسط حتى هو عبقري وقاري بصح عاقل ومن تحت لتحت يخدم فيهم رادمين حتى هو عندو زين شرقي عينين كوحل وشعر كحل هو زين عليا 😂😂😂😂
وعندي ختي المازوزة روئ عمرها10سنين تقرا رابعة ابتدائي متوخرة بعام بسك دوبلات عام صرالها ظروف ختي هي الزوينة فينا بصح طوايشية وتقتلك بلقدر 😂😂😂وماقارياش خلاص
ماما احلام (اسم ليس على مسمى 😂):عمرها 45سنة مزالت شادة روحها وزينها باين عينيها ملونيني يسحرو حد مدا لونهم فلعايلة غير خويا لكبير مبعد ونحكيو عليه
عبد الهاني بابا ونور عيني اكثر شخص نحبو فدنيا هذي عمرو 54سنة ناس ملاح خلاص ويحبني بسك بنتو لكبيرة ويحامي عليا من نبعو 😂😂😂 مزا
ل شاد الزين حتى هو بوڨوص وخرجنا نشبهو ليه بصح فرطاس ويحط الكاسكيطة بزاف 😂😂

هذي بداية القصة القصة رايحا تكون طويلة احداث جديدة ومتجددة #بقلم همسة عشق