#بارت١٣
ﻓﻲ ﻗﻌﺮ ﺍﻟﺴﺠﻮﻥ ﻭﺟﺪﺗُﻨﻲ
.
.
ﺛﺎﻧﻲ ﻳﻮﻡ ﻛﻌﺪﺕ ﺍﻟﻔﺠﺮ ﺭﺣﺖ ﻏﺴﻠﺖ ﻭﺭﺟﻌﺖ ﻟﺒﺴﺖ
ﺍﻟﺰﻱ ﻭﻣﺎﺧﺬ ﺍﻟﻤﺸﻂ ﻭﺍﻣﺸﻲ ﻭﺍﺭﺗﺐ ﺷﻌﺮﻱ ﻭﻣﺮﻳﺖ
ﻣﻦ ﻳﻤﻬﻪ ﺟﺎﻧﺖ ﺍﻟﺒﺎﺏ ﻣﻔﺘﻮﺣﻪ ﻉ ﺍﻟﻨﺺ .. ﻓﺘﺤﺘﻬﻪ
ﻭﺩﺧﻠﺖ ...
ﺑﻌﺪﻫﻪ ﻧﺎﻳﻤﻪ ﻋﻠﻰ ﺍﻟﻘﻨﻔﻪ ﺑﺲ ﺍﻧﺘﺒﻬﺖ ﻋﻠﻴﻬﻪ ﻧﺎﺯﻋﻪ ﺍﻟﺠﺒﻪ
ﻭﺣﺎﻃﺘﻬﻪ ﻋﻠﻰ ﺟﻬﻪ ﺿﻠﻴﺖ ﻣﺮﻛﺰ ﺑﻴﻬﻪ ﻭﻫﻲ ﺗﺤﺮﻛﺖ
ﻭﺑﻴﻨﺖ ﺍﻳﺪﻫﻪ ﻭﺟﺘﻔﻬﻪ ﻣﻼﺑﺴﻪ ﺷﻲ ..
ﺣﺼﺮﺗﻨﻲ ﺍﻟﻀﺤﻜﻪ ﻭﻃﻠﻌﺖ ﺑﺴﺮﻋﻪ ﺍﺿﺤﻚ ﺑﺮﻩ
ﻣﺎﺩﺭﻱ ﻟﻴﺶ ﺍﺿﺤﻚ ﻋﻠﻴﻬﻪ ..
ﺍﺧﺬﺕ ﺍﻟﺴﻮﻳﺞ ﻭﻃﻠﻌﺖ ﻟﻠﺪﻭﺍﻡ ...
ﺟﻨﺖ ﺭﺍﺟﻊ ﻣﻦ ﻏﺮﻓﻪ ﺍﻟﺘﺤﻘﻴﻖ ﻭﺻﺎﺩﻓﻨﻲ ﺳﺠﺎﺩ ﻭﺍﻧﻲ
ﻣﻔﻮﺭ ﺍﻋﺼﺎﺏ ..
- ﻫﺎﺍﺍﺍ ﺧﻴﺮﻙ
- ﺳﻴﺪﻱ ﻣﺎﻛﻮ ﺷﻲ ﺑﺲ ﻏﺪﺍﻙ ﺑﺎﻟﻤﻜﺘﺐ ﻭﻛﻠﺖ ﺭﺍﺡ ﻳﺒﺮﺩ
- ﺍﻱ ﻳﻼﺍ ﺟﻴﺖ
ﺩﺧﻠﺖ ﻛﺒﻞ ﺍﺧﺬﺕ ﺍﻟﻤﻌﻘﻢ ﻭﺻﺮﺕ ﺍﻏﺴﻞ ﺍﻳﺪﻱ ﻭﻫﻲ
ﺍﺻﻼً ﺻﺎﻳﺮ ﺑﻴﻬﻪ ﺩﻡ ﻣﻦ ﺍﻟﻀﺮﺏ .. ﻏﺴﻠﺖ ﺣﻮﺍﻟﻲ
ﺍﺭﺑﻊ ﻣﺮﺍﺕ ﻭﻣﺮﺗﻴﻦ ﻋﻘﻤﺘﻬﻪ ...
ﻃﻠﻌﺖ ﻣﺴﺤﺖ ﻣﻼﺑﺴﻲ ﺷﻮﻳﻪ ﺑﺎﻟﻤﻲ ﻭﻧﻔﻀﺖ ﺍﻟﺒﻨﻄﺮﻭﻥ
ﻭﻋﺪﻟﺖ ﺷﻌﺮﻱ ﻭﺗﻌﻄﺮﺕ ﻭﺭﺣﺖ ﻛﻌﺪﺕ ﺑﻤﻜﺎﻧﻲ ..
ﺑﺎﻭﻋﺖ ﻉ ﺍﻻﻛﻞ ﻣﺴﺪﻭﺩﻩ ﻧﻔﺴﻲ ﻭﻫﻮ ﻣﺒﻴﻦ ﻣﻦ ﺷﻜﻠﻪ
ﻃﻌﻢ ﻣﺎﺑﻲ ..
- ﺳﺠﺎﺍﺍﺍﺩ
- ﻧﻌﻢ ﺳﻴﺪﻱ
- ﺗﻌﺎﻝ ﺍﺧﺬ ﺍﻻﻛﻞ ﺍﻛﻠﻮﻩ ﺍﻧﺘﻪ ﻭﺍﻟﻮﻟﺪ
- ﺑﺲ ﺳﻴﺪﻱ
- ﺷﺪﺩﺍﺍﺍﺍﺣﺠﻲ ﺍﺧﺬﻩ ﻭﺑﻼ ﺣﺠﻲ ﺯﺍﻳﺪ ﺍﻧﻲ ﺭﺍﺡ ﺍﻃﻠﻊ
ﻳﻼ ﺑﺎﻟﻌﺠﻞ ﺗﺤﺮﻙ
ﺍﺧﺬﻩ ﻭﻃﻠﻊ ﺍﻧﻲ ﺍﺗﺼﻠﺖ ﻋﻠﻰ ﺍﻟﻮﻟﺪ ﺍﻟﻲ ﺑﺎﻉ ﻏﺮﺍﺽ
ﺍﻟﺸﻘﻪ ﻭﻛﺘﻠﻪ ..
- ﺟﻴﺐ ﻭﻳﺎﻙ ﻧﺠﺎﺭ ﻟﻮ ﺷﻮ ﻣﻨﻮ ﻭﺗﻌﺎﻝ ﺻﻠﺤﻠﻲ ﺑﺎﺏ
ﺍﻟﻐﺮﻓﻪ ﻛﺴﺮﺗﻪ ﺍﻟﺒﺎﺭﺣﻪ
- ﻟﻴﺶ ﻳﻤﻌﻮﺩ ﻫﺴﻪ ﺣﺘﻰ ﺑﻴﺘﻚ ﺗﻜﺴﺮ ﺷﺒﻴﻚ ﻟﺨﺎﻃﺮ ﺍﻟﻠﻪ
- ﻫﺴﻪ ﺍﻧﺘﻪ ﺷﻤﺪﺭﻳﻚ ﺍﻧﻲ ﺷﻜﻮ ﻛﺴﺮﺗﻪ ﻭﻛﺎﻋﺪ ﺗﺤﺠﻲ
ﺟﻴﺒﻪ ﻭﺗﻌﺎﻝ ﺻﻠﺤﻮﻩ ﻳﻼ ﺍﻧﻲ ﺳﺎﺑﻘﻚ ﻟﻠﺸﻘﻪ ﻻ ﺗﺘﺎﺧﺮ
ﻗﻔﻠﺖ ﺍﻟﻤﻜﺘﺐ ﻭﻃﻠﻌﺖ .. ﻭﺻﻠﺖ ﺑﻌﺪ ﺳﺎﻋﻪ ﻣﻦ ﺍﻻﺯﺩﺣﺎﻡ
ﻓﺘﺤﺖ ﺍﻟﺒﺎﺏ ﻭﺍﺟﺘﻲ ﺗﻠﻜﺘﻨﻲ ..
- ﺍﻫﻼً ﺳﻴﺪﻱ ﺷﻠﻮﻧﻚ
- ﻫﻼ ﺑﻴﺞ ،، ﻫﺒﻪ ﺭﺍﺡ ﻳﺠﻮﻧﻲ ﺟﻤﺎﻋﻪ ﺍﻧﺘﻲ ﻻ ﺗﻄﻠﻌﻴﻦ
ﻫﻨﺎ ﻣﺎﺷﻲ
- ﻣﺎﺷﻲ ﺳﻴﺪﻱ ﺭﺍﺡ ﺍﺑﻘﻰ ﺑﺎﻟﻤﻄﺒﺦ ،، ﻫﺎ ﺻﺪﻙ ﺗﺮﻩ
ﺣﻀﺮﺕ ﺍﻟﻐﺪﻩ ﻭﺳﻮﻳﺖ ﺑﺮﻳﺎﻧﻲ ﺍﻟﻴﻮﻡ ﺑﺲ ﻣﺎﻟﻜﻴﺖ ﻟﺒﻦ
- ﺍﻱ ﺯﻳﻦ ﺗﺴﻮﻳﻦ ﺭﺍﺡ ﺍﻧﺰﻝ ﺍﺟﻴﺐ
ﻧﺰﻟﺖ ﺍﺷﺘﺮﻳﺖ ﻟﺒﻦ ﻭﺻﻤﻮﻥ ﻭﻋﺼﺎﻳﺮ ﻭﺭﺟﻌﺖ
ﺍﻧﻄﻴﺘﻬﻪ ﺍﻟﻐﺮﺍﺽ ﻭﺭﺍﺣﺖ ﻟﻠﻤﻄﺒﺦ ﺣﻀﺮﺕ ﺍﻟﺼﻴﻨﻴﻪ
ﻭﺍﺟﺘﻲ
ﺟﺎﻧﺖ ﻣﺸﻜﻠﺘﻬﻪ ﺑﻜﻠﺸﻲ ﻣﻦ ﻣﻘﺒﻼﺕ ﻭﻓﻮﺍﻛﻪ ﻭﺍﻟﺒﺮﻳﺎﻧﻲ
ﻣﺜﻞ ﻣﺎﺍﺣﺒﻪ ﺟﻮﺯﻱ ﻣﻮ ﺍﺻﻔﺮ ﻭﺍﻟﻠﺒﻦ ﻭﻛﻌﺪﻧﺎ ﻧﺎﻛﻞ
- ﻳﻌﻨﻲ ﺑﺎﻗﻴﻪ ﺗﻨﺘﻈﺮﻳﻨﻲ ﻉ ﺍﻟﻐﺪﺍ
- ﺍﻱ ﻣﻴﺼﻴﺮ ﺍﻛﻞ ﻗﺒﻠﻚ
- ﻟﻴﺶ ﻣﻴﺼﻴﺮ
- ﻻﻥ ﻻﺯﻡ ﺍﺑﻮ ﺍﻟﺒﻴﺖ ﻳﻜﻮﻥ ﻣﻮﺟﻮﺩ ﻭﻫﻮ ﺍﻭﻝ ﻣﻦ ﻳﺒﺪﺍ
ﺑﺎﻻﻛﻞ ﻭﻣﻦ ﺍﻻﺣﺘﺮﺍﻡ ﺍﻧﻲ ﺍﻧﺘﻈﺮﻙ
- ﻭﺷﻤﺪﺭﻳﺞ ﻳﺠﻮﺯ ﺍﺗﻐﺪﻩ ﺑﺎﻟﺪﻭﺍﻡ ﺗﻀﻠﻴﻦ ﺑﻼ ﺍﻛﻞ
- ﺍﻱ ﺍﺫﺍ ﺭﺟﻌﺖ ﻭﺗﻜﻠﻲ ﻣﺎﻛﻞ ﻋﻮﺩ ﺍﺭﻭﺡ ﺍﻛﻞ
- ﺍﺫﺍ ﻫﻴﺞ ﻟﻌﺪ ﺍﺧﺎﺑﺮﺝ ﺑﻌﺪ
- ﻣﺎﻋﻨﺪﻱ ﺗﻠﻔﻮﻥ
- ﺻﺪﻙ ﺗﺤﺠﻴﻦ
- ﺍﻱ ﻭﺍﻟﻠﻪ ﻣﺎﻋﻨﺪﻱ
ﺑﻬﺎﻻﺛﻨﺎﺀ ﺍﺟﺎﻧﻲ ﺍﺗﺼﺎﻝ ﻣﻦ ﺍﻟﻮﻟﺪ ﻭﻛﻠﻲ ﺍﻧﻪ ﻭﺻﻞ
- ﻫﺒﻪ ﺍﺧﺬﻱ ﺍﻟﺼﻴﻨﻴﻪ ﺍﻟﺠﻤﺎﻋﻪ ﻭﺻﻠﻮ ﻭﻣﺜﻞ ﻣﺎﻭﺻﻴﺘﺞ
ﻣﺎﺷﻲ
- ﺍﻱ ﺳﻴﺪﻱ
ﺍﺧﺬﺗﻬﻪ ﻭﺭﺍﺣﺖ ﻟﻠﻤﻄﺒﺦ ﺍﻧﻲ ﺭﺣﺖ ﺳﺪﻳﺖ ﺍﻟﺒﺎﺏ ﻭﺑﻌﺪﻫﻪ
ﺭﺣﺖ ﺗﻠﻜﻴﺘﻬﻢ ﻉ ﺍﻟﺪﺭﺝ ..
ﺿﻞ ﺍﻟﻨﺠﺎﺭ ﻳﻐﻴﺮ ﺍﻟﻜﻴﻠﻮﻥ ﻣﺎﻝ ﺍﻟﺒﺎﺏ ﻭﻳﺼﻠﺤﻪ ﻣﻦ ﺍﻟﺠﻬﻪ
ﺍﻟﺜﺎﻧﻴﻪ .. ﻭﺟﺎﻥ ﺻﺎﺣﺒﻲ ﻣﺄﻣﻮﻥ ﻳﻜﻮﻝ
- ﺍﻛﻠﻚ ﻣﺎﻋﻨﺪﻙ ﻛﻼﺹ ﻣﻲ ﺟﺎﻱ ﺷﺒﻴﻚ ﻣﺘﻌﺮﻑ ﺍﺿﻴﻒ
- ﺑﻴﺖ ﺭﺟﺎﻝ ﻋﺰﺍﺑﻲ ﻣﻨﻴﻠﻲ ﻫﺎﻟﺴﻮﺍﻟﻒ
- ﺍﻳﺒﺎﺍﺍﺍﻩ ﻋﺰﺍﺑﻲ ﺗﻤﺸﻴﻬﻪ ﻋﻠﻴﻨﻪ ﻳﺎﺑﻪ ﻣﻮ ﺭﻳﺤﻪ ﺍﻟﺒﺮﻳﺎﻧﻲ
ﻣﻌﺒﻴﻪ ﺍﻟﺸﻘﻪ
ﻛﺎﻟﻬﻪ ﻭﻋﻠﻪ ﺻﻮﺗﻪ ﻭﺿﺤﻚ .. ﺭﺣﺖ ﺟﺮﻳﺘﻪ ﻣﻦ ﻳﺎﺧﺘﻪ
ﻭﺍﺧﺬﺗﻪ ﻟﻠﻜﻠﻴﺪﻭﺭ ..
- ﻟﻚ ﺍﺫﺍ ﻣﺘﺴﺪ ﺣﻠﻜﻚ ﻫﺴﻪ ﻫﻨﺎ ﺍﺟﻨﺰﻙ ،، ﻟﻚ ﻣﺄﻣﻮﻥ
ﺳﺪ ﺍﻟﺴﺎﻟﻔﻪ ﻻ ﺗﺴﻮﻳﻠﻲ ﻣﺼﻴﺒﻪ
- ﻣﻨﻮ ﻫﻴﻪ ﺑﺲ ﻛﻠﻲ ﻣﻮ ﻫﺬﻳﺞ ﻃﺮﺩﺗﻬﻪ ﻫﺎﻱ ﺷﻨﻮ ﺟﺪﻳﺪﻩ
ﻟﻮ ﻣﻦ ﺍﻟﻘﺪﻳﻤﺎﺕ
- ﻣﺄﻣﻮﻭﻭﻭﻥ ﺧﺮﺏ ﺣﻀﻚ ﻟﻚ ﺑﺎﺑﻪ ﺍﺳﻜﺖ ﺻﻢ ﺣﻠﻜﻚ
- ﺧﺮﺭﺭﺭﺭﺏ ﻫﺎﻱ ﺍﻟﻨﺴﻮﺍﻥ ﻫﻴﺞ ﺗﺨﻮﻑ
- ﻻﺍﺍﺍﺍﻧﻌﻞ .. ﻻ ﺗﺨﻠﻴﻨﻲ ﺍﺳﺒﻚ ﻣﻮ ﺻﺎﺣﺒﻲ ﺍﻧﺘﻪ ﻳﻮﻝ
ﻫﺎﻱ ﺧﺪﺍﻣﻪ ﻫﻨﺎ ﻟﺘﻀﻞ ﺗﻤﺴﻠﺖ
- ﺍﻳﻴﻲ ﻭﺷﻜﻮ ﺧﺎﻳﻒ ﺗﺴﻤﻌﻨﻪ ﻟﻌﺪ
- ﻣﺎﺭﻳﺪ ﻫﻴﺒﺘﻲ ﺗﺮﻭﺡ ﻳﺎﻻﺛﻮﻝ
- ﻫﻬﻬﻬﻬﻬﺎﺍﺍﺍﺍﺍﺍﺍﻳﻴﻴﻴﻴﻴﻴﻲ ﺩﺷﻮﻓﻬﻪ ﺑﺎﻟﻠﻴﻞ ﻫﻢ ﺗﺒﻘﻰ
- ﺍﻧﺘﻪ ﺭﺩﺗﻬﻪ ﺑﻌﺪ
ﺣﻄﻴﺖ ﺭﺍﺳﻪ ﺟﻮﻩ ﺍﺑﻄﻲ ﻭﺿﻠﻴﺖ ﺍﺧﻨﻜﻪ ﻭﺟﺮﻳﺘﻪ
ﺑﺎﻟﺸﻘﻪ ﻛﻠﻬﻪ ﻭﻫﻮ ﻳﺼﻴﺢ ..
- ﻟﻚ ﻻ ﻳﻮﻝ ﻟﻚ ﺍﺧﺘﻨﻜﺖ ﺍﻟﺘﻮﺑﻪ ﺍﻟﺘﻮﺑﻪ ﺩﻋﻮﻓﻨﻲ ﺭﺣﻤﻪ
ﻟﻮﺍﻟﺪﻳﻚ
ﻋﻔﺘﻪ ﻭﺿﻞ ﻳﺎﺧﺬ ﻧﻔﺲ ﺳﺮﻳﻊ ﻭﻛﻌﺪ ﺑﺎﻟﻜﺎﻉ
- ﺷﺒﻴﻚ ﺍﻧﺘﻪ ﻣﺘﺘﺤﻤﻞ ﺷﻘﻪ ﻛﻠﺸﻲ ﻋﻨﺪﻙ ﻟﻮ ﻛﺎﺗﻞ ﻟﻮ ﻣﻜﺘﻮﻝ
- ﻫﺬﺍ ﻋﻤﺎﺩ ﻭﻫﺎﻱ ﺳﻮﺍﻟﻔﻪ ﺟﺪﻳﺪ ﻋﻠﻴﻚ ﻳﻌﻨﻲ
،، ﺩﻛﻮﻡ ﻛﻮﻡ ﺷﻮﻑ ﻫﺎﻟﺮﺟﺎﻝ ﺷﺴﻮﻩ ﻣﺎﺧﻠﺺ ﻋﺎﺩ
- ﺩﺟﻴﺒﻠﻲ ﻣﻲ ﻫﺴﻪ ﻣﺎﻋﻨﺪﻙ ﺑﻮﺭﻱ ﻫﻨﺎ ﺭﺣﻤﻪ ﻻﻫﻠﻚ
ﺭﻳﻜﻲ ﻧﺸﻒ
- ﺩﻳﻼ ﻻ ﺗﻠﺢ
ﺭﺣﺖ ﻟﻠﻤﻄﺒﺦ ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﻭﺳﺪﻳﺘﻪ
- ﻫﺎﺳﻴﺪﻱ ﻣﺤﺘﺎﺝ ﺷﻲ
- ﺍﻱ ﺣﻄﻴﻠﻲ ﻣﻲ ﻭ٣ ﺟﺎﻱ
- ﺍﻱ ﺍﻧﻲ ﻣﺨﺪﺭﺗﻪ ﺑﺲ ﺍﻧﺘﻈﺮﻙ ﺗﻜﻠﻲ ﺣﺘﻰ ﺍﺻﺐ
- ﺍﻱ ﻋﻔﻴﻪ ﻋﻠﻴﺞ
ﺻﺎﺭﺕ ﺗﺼﺐ ﺍﻟﺠﺎﻱ ﻭﺣﻄﺖ ﺑﻄﺎﻟﻪ ﻣﻲ ﺍﺧﺬﺕ ﺍﻟﺼﻴﻨﻴﻪ
- ﺍﻓﺘﺤﻲ ﺍﻟﺒﺎﺏ
ﻓﺘﺤﺘﻪ ﻭﻃﻠﻌﺖ ﻭﻫﻲ ﺭﺟﻌﺖ ﺳﺪﺗﻪ ﺻﺤﺘﻠﻪ ..
- ﺗﻌﺎﺍﺍﻝ ﻣﺄﻣﻮﻥ ،، ﻳﻼ ﺧﻮﻳﻪ ﺗﻌﺎﻝ ﺍﺷﺮﺑﻠﻚ ﺍﺳﺘﻜﺎﻥ ﺟﺎﻱ
- ﺍﻱ ﻭﺍﻟﻠﻪ ﻫﻼ ﺑﺎﻟﻴﻌﺮﻑ ﺍﻻﺻﻮﻝ ﺍﻟﻠﻪ ﺣﻴﻬﻢ
- ﻣﺄﻣﻮﻭﻭﻭﻥ ﻳﺎ ﺟﻠﺐ ﺻﻢ ﺣﻠﻚ
- ﺷﺒﻴﻚ ﺍﻧﺘﻪ ﻋﻠﻴﻪ ﺍﻟﻴﻮﻭﻭﻭﻡ ﺷﺒﻴﻴﻚ ﻫﺎﻱ ﻓﻮﻙ ﻣﻌﺎﻳﻒ
ﺷﻐﻠﻲ ﻭﺟﺎﻳﺒﻠﻚ ﻫﺎﻟﺮﺟﺎﻝ ﺍﻟﻔﻘﻴﺮ ﺗﺼﻴﺢ ﻋﻠﻴﻪ ﻣﻮﺻﺎﺣﻲ
- ﻧﻌﻤﻤﻤﻤﻢ
- ﺍﻧﻲ ﺍﻧﻲ ﺷﺒﻴﻚ ﺍﻧﻲ ﻣﻮ ﺍﻧﺘﻪ
ﺿﻠﻴﺖ ﺍﺿﺤﻚ ﻋﻠﻰ ﺳﻮﺍﻟﻔﻪ .. ﻣﺄﻣﻮﻥ ﺻﺎﺣﺒﻲ ﻣﻦ
ﺯﻣﺎﻥ ﻫﻮ ﺿﻌﻴﻒ ﻭﻃﻮﻟﻪ ﻭﺳﻂ ﻭﺷﻘﺎﻳﺠﻲ ﻭﺣﺎﻓﻆ
ﺍﻃﺒﺎﻋﻲ ﻫﻮ ﺍﻟﻮﺣﻴﺪ ﺍﻟﻲ ﺍﻣﻦ ﺑﻲ ﻋﻠﻰ ﻫﺎﻟﺸﻘﻪ ﻭﻳﻌﺮﻑ
ﺑﺴﻮﺍﻟﻒ ﺍﻟﻨﺴﻮﺍﻥ ﻫﻨﺎ ﻗﺒﻞ ﻭﻣﺮﺍﺕ ﻳﺴﺘﺨﺪﻣﻬﻪ ﻳﻌﻨﻲ
ﺳﻮﺍﻟﻔﻨﻪ ﺍﻟﻤﻜﺴﺮﻩ ﺳﻮﻩ ..
ﺑﻌﺪ ﻣﺎﻛﻤﻠﻮ ﺷﻐﻠﻬﻢ ﺭﺍﺣﻮ ﻭﺻﺤﺖ ﻋﻠﻰ ﻫﺒﻪ ..
- ﻫﺒﺒﺒﺒﻪ ﺗﻌﺎﻱ ﺍﺧﺬﻱ ﺍﻟﺼﻴﻨﻴﻪ
- ﺍﻱ ﺟﺎﻳﻪ
ﺍﺟﺘﻲ ﻭﺿﺎﻳﻘﻨﻲ ﻣﻨﻈﺮﻫﺎ ﺑﺎﻟﺠﺒﻪ .. ﺣﻴﻞ ﺩﺍﺍﻧﻐﺚ ﻣﻦ
ﺍﺷﻮﻓﻬﻪ ﺑﻴﻬﻪ ..
- ﻟﺸﻮﻛﺖ ﺣﺘﻀﻠﻴﻦ ﻻﺑﺴﻪ ﻫﺎﻟﺠﺒﻪ
- ﻫﺎ ﻣﺎﺩﺭﻱ
- ﺭﻭﺣﻲ ﻭﺩﻱ ﺍﻟﺼﻴﻨﻴﻪ ﻭﺗﻌﺎﻱ
- ﻣﺎﺷﻲ
ﻛﻌﺪﺕ ﻉ ﺍﻟﻘﻨﻔﻪ ﻭﺍﻟﻨﻴﻪ ﺑﺎﻟﺒﺎﻝ .. ﺍﺟﺘﻲ ﻭﻭﻛﻔﺖ ﻛﺪﺍﻣﻲ
- ﺍﻣﺸﻲ ﻧﻄﻠﻊ ﻭﺍﺷﺘﺮﻱ ﻣﻼﺑﺲ ﻭﻧﺰﻋﻴﻬﻪ
- ﻻ ﻻ ﻣﺎﺭﻳﺪ ﺍﻃﻠﻊ
- ﻟﻴﺶ ﻣﺘﻄﻠﻌﻴﻦ ﺷﺒﻴﺞ
- ﻣﺎﺭﻳﺪ ﻻ ﻋﻔﻴﻪ ﺧﻠﻴﻨﻲ ﻫﻴﺞ
- ﻫﺒﻪ ﺷﺒﻴﺞ ﺩﺍﻛﻠﺞ ﺍﺷﺘﺮﻳﻠﺞ ﻣﻼﺑﺲ ﺷﺒﻴﺞ ﺍﻧﺘﻲ
- ﺍﺩﺭﻱ ﻭﺍﻟﻠﻪ ﺑﺲ ﻣﺎﺣﺐ ﻫﺎﻻﻣﺎﻛﻦ ﺍﻟﻬﻮﺳﻪ
- ﺻﺪﻙ ﺗﺤﺠﻴﻦ ،، ﺗﻌﺎﻱ ﻛﻌﺪﻱ ﻓﻬﻤﻴﻨﻲ ﺷﻨﻮ ﺳﺎﻟﻔﺘﺞ
- ﺳﻴﺪﻱ ﻣﺎﺭﺗﺎﺡ ﺑﺎﻟﻤﺤﻼﺕ ﻭﺍﻟﻨﺎﺱ ﺍﻟﻬﻮﺍﻱ ﻭﺍﻟﻠﻪ ﺗﺘﺨﺮﺑﻂ
ﻭﺿﻌﻴﺘﻲ
- ﻫﺎﺍﺍﺍﺍﺍ ﻓﻬﻤﺘﺘﺘﺖ .. ﻫﺎﻱ ﻻﻥ ﻣﺘﻌﻮﺩﻩ ﻋﻠﻰ ﺍﻟﻮﺣﺪﻩ
ﻫﻴﺞ ﺩﺗﺼﻴﺮﻟﺞ ﺻﻌﺒﻪ
- ﻣﺎﺩﺭﻱ ﻭﺍﻟﻠﻪ ﻣﺎﺩﺭﻱ ﺑﺲ ﺍﺧﺘﻨﻚ ﻭﻣﺎﺗﺤﻤﻞ ﻋﻮﻓﻨﻲ ﻫﻴﺞ
ﻣﺮﺗﺎﺣﻪ
- ﺍﻣﻤﻤﻢ
ﺍﺟﺎﻧﻲ ﺍﺗﺼﺎﻝ ﻣﻦ ﺍﻟﺤﺎﺭﺱ ﺍﻟﻤﻜﻔﻠﻪ ﻉ ﺍﻟﺒﻴﺖ ..
- ﺳﻴﺪﻱ ﺍﻟﺠﻬﺎﻝ ﻳﻨﺘﻈﺮﻭﻥ ﺟﺒﺘﻬﻢ ﻫﺴﻪ
- ﻳﻼ ﺟﺎﻱ ﺟﺎﻱ
ﺳﺪﻳﺖ ﺍﻟﺨﻂ ﻭﻛﻤﺖ ..
- ﻣﺎﺭﺟﻊ ﺍﻟﻴﻮﻡ ﺍﺧﺬﻱ ﺭﺍﺣﺘﺞ ﻫﻨﺎ ﻣﺎﺷﻲ
- ﻣﺎﺷﻲ ﺳﻴﺪﻱ
ﻃﻠﻌﺖ ﻭﻗﻔﻠﺖ ﺍﻟﺒﺎﺏ ﻭﺍﺧﺬﺕ ﺳﻴﺎﺭﺗﻲ ﻭﺭﺣﺖ ﻟﻠﺒﻴﺖ
ﺍﻭﻝ ﻣﺎﺩﺧﻠﺖ ﺗﻠﻜﻮﻧﻲ ﺍﻟﺠﻬﺎﻝ ﻭﻟﻜﻴﺖ ﺍﺣﻤﺪ ﻛﺎﻋﺪ ﻭﻳﺎﻫﻢ
ﻳﻮﻛﻠﻬﻢ ﻣﻦ ﺷﺎﻓﻨﻲ ﻛﺎﻡ ﺭﺃﺳﺎً ..
- ﺍﻛﻌﺪ ﺍﻛﻌﺪ ﺍﺣﻤﺪ
ﻟﻚ ﺟﻬﻮﻭﺩ ﺑﺎﺑﻪ ﻣﺸﺘﺎﺍﺍﻗﻠﻚ ﻳﺎﻧﺬﻝ .. ﻭﻳﻦ ﺍﻟﺘﺤﻴﻪ ﺷﻮ
ﺷﻮﻓﻨﻲ
- ﺗﺤﻴﻪ ﺑﺎﺑﻪ .. ﻛﺎﻟﻬﺎ ﻭﺭﻓﻊ ﺍﻳﺪﻩ ﺑﺸﻜﻞ ﺗﺤﻴﻪ ﺿﺒﺎﻁ
ﻭﺍﻧﻲ ﻫﻢ ﺳﻮﻳﺖ ﻣﺜﻠﻪ ﻭﺑﻮﺳﺘﻪ ﻭﻫﺬﺍﻙ ﻣﺮﺗﻀﻰ ﺍﻟﻤﻠﻌﻮﻥ
ﻳﻀﺮﺏ ﺑﺮﺟﻠﻴﻪ ﻻﻥ ﺷﺎﻳﻞ ﺟﻬﺎﺩ .. ﻧﺰﻟﺘﻪ ﻭﺷﻠﺖ
ﺍﻟﺪﺑﺪﻭﺏ ﺍﻟﻤﺪﻧﻔﺶ ﻣﺮﺗﻀﻰ ﻭﺿﻠﻴﺖ ﺍﻋﻀﻌﺾ ﺑﺨﺪﻭﺩﻩ
ﻭﻫﻮ ﺧﺮﺑﺎﻥ ﺿﺤﻚ ...
ﻛﻌﺪﺕ ﻭﻳﺎﻫﻢ ﻭﺟﻨﺖ ﺟﺎﻳﺒﻠﻬﻢ ﻋﻼﻛﻪ ﺣﻠﻮﻳﺎﺕ ﻭﺿﻠﻴﻨﻪ
ﺍﻟﻠﻴﻞ ﻛﻠﻪ ﻣﺸﻐﻠﻴﻦ ﻓﻠﻢ ﺍﻟﻮﻟﺪ ﻣﺎﻝ ﺭﺃﺱ ﺍﻟﺴﻨﻪ ﺑﺎﻻﺑﺘﻮﺏ
ﻭﻧﻀﺤﻚ ﻋﻠﻴﻪ ..
ﻧﻮﻣﺘﻬﻢ ﺑﺼﻔﻲ ﻉ ﺍﻟﺴﺮﻳﺮ ﻭﻛﻞ ﻭﺍﺣﺪ ﻣﻦ ﺟﻬﻪ ﻭﺷﺒﻌﺖ
ﺩﻓﺮﺍﺕ ﻣﻨﻬﻢ .. ﻛﻌﺪﺕ ﺍﻟﻔﺠﺮ ﻣﺜﻞ ﻛﻞ ﻳﻮﻡ ..قصص عراقيه حقيقيه من واقعنا.روعه الطائي
ﻭﺩﺯﻳﺖ ﺭﺳﺎﻟﻪ ﻟﺴﺠﺎﺩ ﻳﻨﻄﻴﻬﻢ ﺧﺒﺮ ﺭﺍﺡ ﺍﺗﺄﺧﺮ ﺍﻟﻴﻮﻡ
ﻭﺭﺟﻌﺖ ﻛﻤﻠﺖ ﻧﻮﻣﺘﻲ ﺑﻴﻨﻬﻢ .. ﻫﺬﻭﻟﻪ ﺍﺷﺒﺎﻟﻲ ﻫﻤﻪ
ﺍﻟﻲ ﻳﺤﻠﻮﻥ ﺍﻟﺪﻧﻴﺎ ﺑﻌﻴﻨﻲ ..
ﺣﺴﻴﺖ ﻋﻠﻴﻬﻢ ﻳﻜﻤﺰﻭﻥ ﻓﻮﻛﺎﻳﻪ ﺍﻧﺪﺍﺭﻳﺖ ﻋﻠﻴﻬﻢ ﻭﺷﺒﻌﺘﻬﻢ
ﻋﺾ ﻭﺗﻜﺮﺹ .. ﻭﺍﺧﺬﺗﻬﻢ ﻭﻛﻤﻨﻪ ﺳﻮﻳﻨﻪ ﺭﻳﻮﻙ
ﻟﻜﻴﺖ ﺍﻟﻮﻟﺪ ﺟﺎﻳﺒﻴﻦ ﺻﻤﻮﻥ ﺣﺎﺭ ﻭﻛﻴﻤﺮ .. ﺣﻄﻴﺘﻬﻦ
ﻭﺳﻮﻳﺘﻠﻬﻢ ﺑﻴﺾ ﻭﺣﻠﻴﺐ ﻭﻛﻌﺪﻧﺎ ﻧﺎﻛﻞ
ﺑﻌﺪﻳﻦ ﺳﺒﺤﺘﻬﻢ ﻭﺍﺧﺬﺗﻬﻢ ﻟﺒﻴﺖ ﺍﻫﻠﻲ ..
ﺍﻣﻲ ﻛﻴﻔﺖ ﺑﺠﻴﺘﻬﻢ .. ﻫﻲ ﻋﺪﻫﻪ ﺭﻭﻣﺎﺗﻴﺰﻡ ﺑﺮﺟﻠﻬﻪ
ﻓﺼﺎﻳﺮﻩ ﺳﻤﻴﻨﻪ ﻭﻣﺘﻜﺪﺭ ﺗﻤﺸﻲ ﻓﻜﺎﻋﺪﻩ ﻋﻠﻰ ﻛﺮﺳﻲ ﻣﺘﺤﺮﻙ ..
ﺟﺎﻧﺖ ﻣﺪﺩﻩ ﺑﺎﻟﻜﺎﻉ ﻭﺍﺧﺬﺗﻬﻢ ﻟﺤﻀﻨﻬﻪ ﻭﺗﺸﻤﺸﻢ ﺑﻴﻬﻢ
ﻭﺍﻧﻲ ﺭﺣﺖ ﺑﻮﺳﺘﻬﻪ ﻭﻛﻌﺪﻧﺎ ﻳﻤﻬﻪ ..
ﻭﺍﺟﻮﻱ ﺟﻬﺎﻝ ﺣﺴﻦ ﻫﻢ ﺑﺮﺳﺘﻬﻢ ﻭﺍﻧﻄﻴﺖ ﻟﻜﻞ ﻭﺍﺣﺪ
ﺧﻤﺴﻪ ﻭﺭﺍﺣﻮ ﻳﻠﻌﺒﻮﻥ ﻛﻠﻬﻢ .. ﻭﺿﻠﻴﺖ ﻭﻳﻪ ﺍﻣﻲ ﻛﺎﻋﺪ
- ﺍﻛﻮﻝ ﻳﻤﻪ ﺷﻠﻮﻥ ﺑﻴﻚ ﻭﺑﻤﺮﻳﺘﻚ
- ﻋﻮﻓﻴﻬﻪ ﻳﻤﻪ ﻋﻮﻓﻴﻬﻪ ﻣﺘﺴﻮﻩ ﺗﺤﺠﻴﻦ ﺑﻴﻬﻪ
- ﺍﻱ ﻫﺴﻪ ﻏﻴﺮ ﻧﻌﺮﻑ ﺷﻤﺴﻮﻳﻪ ﻫﺎﻟﻤﻜﺮﻭﺩﻩ ﻭﺷﺎﻣﺮﻫﻪ
ﻫﺎﻟﺸﻤﺮﻩ
- ﻣﺎﻣﺴﻮﻳﻪ ﺷﻲ ﺍﻧﻲ ﻧﺎﻗﺺ ﻏﻴﺮﻩ ﻭﺍﺗﺒﻠﻰ ﻋﻠﻴﻬﻪ
ﻭﺍﻃﺮﺩﻫﻪ
- ﻻ ﻳﺎﻳﻤﻪ ﻫﺴﻪ ﺍﻧﻲ ﺣﺠﻴﺖ ﻋﻠﻴﻚ !! ﻓﻬﻤﻨﻲ ﺷﺒﻴﻬﻪ
ﻣﺮﻳﺘﻚ ﻟﻴﺶ ﻛﺎﻃﻊ ﺑﻴﻬﻪ ﻫﺎﻟﻜﻄﻌﻪ ﻻ ﺍﻧﺘﻪ ﺍﻟﻤﺮﺟﻌﻬﻪ
ﻭﻻ ﺍﻟﻤﻄﻠﻜﻬﻪ ﻋﺎﻳﻔﻬﻪ ﻣﻌﻠﻜﻪ ﺷﺘﺮﻳﺪ ﻣﻨﻬﻪ
- ﻋﻮﻓﻴﻨﻲ ﺍﻧﻲ ﺍﺗﺼﺮﻑ
ﺩﺯﻳﺖ ﻋﻠﻰ ﺍﻟﺴﺎﻳﻖ ﻭﺍﺧﺬ ﺍﻟﺠﻬﺎﻝ ﻻﻣﻬﻢ ﻭﺍﻧﻲ ﺍﺧﺬﺕ
ﺳﻴﺎﺭﺗﻲ ﻭﺭﺩﺕ ﺍﺭﻭﺡ ﻟﻠﺸﻘﻪ ﺍﺷﻮﻑ ﻫﺒﻪ ﻭﺍﺗﺬﻛﺮﺕ
ﻣﻼﺑﺴﻬﺎ ﻃﺒﻜﺖ ﻋﻠﻰ ﻣﺤﻞ ..
ﻭﺍﺷﺘﺮﻳﺘﻠﻬﻪ ﺑﺠﺎﻣﺘﻴﻦ ﺷﺘﻮﻳﻪ ﻭﻣﻼﺑﺲ ﺩﺍﺧﻠﻴﻪ ﻭﻓﺎﻧﻴﻼﺕ
ﻭﺑﻨﻄﺮﻭﻥ ﻭﺑﻠﻮﺯ ﻃﻠﻌﻪ ﻭﻛﻠﻬﻦ ﺍﺧﺬﺗﻬﻦ ﻗﻴﺎﺱ ﺳﻤﻮﻝ
ﻭﻣﺘﺎﻛﺪ ﻳﻄﻠﻌﻦ ﻋﻠﻰ ﻗﻴﺎﺳﻬﻪ ﻻﻥ ﻫﻲ ﻋﺼﻔﻮﺭ ﻣﻬﻠﻮﺱ
ﻭﺻﻠﺖ ﻟﻠﺸﻘﻪ ﻃﺒﻜﺖ ﺍﻟﺴﻴﺎﺭﻩ ﻭﺍﺧﺬﺕ ﺍﻟﻐﺮﺍﺽ ﻭﺻﻌﺪﺕ
ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﺑﺲ ﻫﻲ ﻣﺎﺟﺘﻲ ﺗﻠﻜﺘﻨﻲ ﻣﺜﻞ ﻛﻞ ﻣﺮﻩ
ﺣﻄﻴﺖ ﺍﻟﻐﺮﺍﺽ ﺑﺎﻟﻬﻮﻝ ﻭﺭﺣﺖ ﻟﻠﻤﻄﺒﺦ ﻣﺎﻛﻮ ﺭﺣﺖ ﻟﻠﻐﺮﻓﻪ ﻓﺘﺤﺖ ﺍﻟﺒﺎﺏ ﻭﻟﻜﻴﺘﻬﻪ ﻣﺘﻤﺪﺩﻩ ﻭﺻﺎﻓﻨﻪ
- ﻫﺒﺒﺒﻪ
ﺑﺎﻭﻋﺘﻠﻲ ﺭﺃﺳﺎً ﺣﻔﺰﺕ ﻣﻦ ﻣﻜﺎﻧﻬﻪ ﻭﻛﺎﻟﺖ ..
- ﻫﻼ ﺳﻴﺪﻱ ﺍﻧﻲ ﺑﺲ ﺷﻮﻳﻪ ﻳﻌﻨﻲ ﺗﻤﺪﺩﺕ ﻫﻨﺎ
- ﺷﺒﻴﺞ ﻣﺒﻴﻦ ﺗﻌﺒﺎﻧﻪ
- ﺷﻮﻳﻪ ﺩﺍﻳﺨﻪ
- ﺍﻛﻠﺘﻲ !!
- ﻻ ﻣﺎﻛﺪﺭﺕ ﺍﻛﻞ ﺩﺍﻳﺨﻪ
- ﺧﺎﻑ ﺑﺴﺒﺐ ﺍﻟﺴﻜﺮ ﻫﻴﺞ ﻣﺎﻋﻨﺪﺝ ﻋﻼﺝ ﻣﻮ
- ﺍﻱ ﻣﺎﻋﻨﺪﻱ ،، ﺍﻧﻲ ﺍﺳﻔﻪ ﺩﺧﻠﺖ ﻏﺮﻓﺘﻚ ﺭﺍﺡ ﺍﻃﻠﻊ
ﺍﺧﺬ ﺭﺍﺣﺘﻚ
- ﻻ ﻣﻮ ﻣﺸﻜﻠﻪ .. ﺗﻌﺎﻟﻲ ﺟﺒﺘﻠﺞ ﺷﻲ
- ﺷﻨﻮ ؟؟
- ﻫﺎﺝ ﺍﺧﺬﻱ ﻫﺎﻱ ﺍﻟﻤﻼﺑﺲ ﺍﻟﺞ ﺟﺮﺑﻴﻬﻦ ﻋﻠﻰ ﻗﻴﺎﺳﺞ
- ﺻﺪﺩﺩﻙ ﺍﻟﻲ !!
ﻛﺎﻟﺘﻬﻪ ﺑﻔﺮﺣﻪ ﻭﻣﺪﺕ ﺍﻳﺪﻫﻪ ﺗﻔﺘﺢ ﺍﻟﻌﻼﻛﻪ
- ﺍﺧﺬﻳﻬﻦ ﻭﺭﻭﺣﻲ ﻛﺪﺭﻳﻬﻦ ﺍﺣﺴﻦ
ﺍﺧﺬﺗﻬﻦ ﻭﺭﺍﺣﺖ ﻟﻠﻐﺮﻓﻪ ﺳﺪﺕ ﺍﻟﺒﺎﺏ ،، ﻭﺍﻧﻲ ﺭﺣﺖ
ﺍﻏﺴﻞ ﻭﺿﻠﻴﺖ ﺍﻋﺪﻝ ﺑﺸﻌﺮﻱ .. ﻭﺩﺍﺭﺟﻊ ﻫﻲ ﻓﺘﺤﺖ
ﺑﺎﺏ ﺍﻟﻐﺮﻓﻪ ﻭﻃﻠﻌﺖ ﻻﺑﺴﻪ ﺍﻟﺒﺠﺎﻣﻪ ﺍﻟﻮﺭﺩﻳﻪ ﻭﺍﺧﺘﻴﺎﺭﻱ
ﺻﺢ ﻣﻦ ﺍﺧﺬﺕ ﻗﻴﺎﺱ ﺍﻟﺴﻤﻮﻝ ..
ﺟﺎﻧﺖ ﻻﺑﺴﻪ ﺷﺎﻟﻬﺎ ﺍﻻﺳﻮﺩ ﻭﻳﺎﻫﻪ ﻭﻣﺪﻧﻜﻪ ﻭﻻﺯﻣﻪ
ﺍﺻﺎﺑﻊ ﺍﻳﺪﻳﻬﻪ ..
- ﻫﻴﺞ ﺍﺣﺴﻦ ﻣﺎﺭﻳﺪ ﺍﺭﻳﺪ ﺍﺷﻮﻑ ﺍﻟﺠﺒﻪ ﺑﻌﺪ ﻫﺬﻳﺞ ﻛﺮﻫﺘﻬﻪ
- ﻣﺎﺷﻲ
- ﺳﻮﻳﻠﻨﻪ ﻋﺸﻪ
- ﺳﻴﺪﻱ
- ﻫﺎ
- ﺷﻜﺮﺍً ﻻﻧﻚ ﻓﻜﺮﺕ ﺑﻴﻪ ﻭﺍﺷﺘﺮﻳﺘﻠﻲ ﻛﻞ ﻫﺬﺍ ﺷﻜﺮﺍً ﻣﻦ ﻛﻞ ﻛﻠﺒﻲ
- ﻋﻔﻮﺍً .. ﻛﻠﺘﻬﻪ ﻭﺍﺑﺘﺴﻤﺘﻠﻬﻪ ﻭﺩﺭﺕ ﻭﺟﻬﻲ ﻭﺭﺣﺖ
ﻟﻠﻐﺮﻓﻪ ﻧﺰﻋﺖ ﺍﻟﻘﻤﺼﻠﻪ ﻭﺍﻟﺒﻠﻮﺯ ﻭﺑﺎﻭﻋﺖ ﻟﻜﻴﺘﻬﻪ
ﻣﺒﻘﻴﻪ ﺍﻟﻤﻼﺑﺲ ﺑﺎﻟﻌﻼﻛﻪ ﻭﺣﺎﻃﺘﻬﻪ ﺑﺼﻒ ﺍﻟﻤﻴﺰ
ﻛﻤﻠﺖ ﻟﺒﺲ ﻭﻃﻠﻌﺖ ﻛﺘﻠﻬﻪ ..
- ﻫﺒﻪ ﻓﺮﻏﻴﻠﺞ ﺧﺎﻧﻪ ﺑﺎﻟﻜﻨﺘﻮﺭ ﻭﺭﺗﺒﻲ ﻣﻼﺑﺴﺞ ﺑﻴﻬﻦ
ﻻ ﺗﺒﻘﻴﻬﻦ ﻫﻴﺞ
- ﻣﺎﺷﻲ ﺳﻴﺪﻱ
- ﻭﻟﺘﻀﻠﻴﻦ ﺗﻜﻮﻟﻴﻦ ﺳﻴﺪﻱ
- ﻟﻌﺪ ﺷﻜﻮﻝ
- ﻫﻴﺞ ﻛﻠﺸﻲ ﻻ ﺗﻜﻮﻟﻴﻦ ﺑﺲ ﻋﻮﻓﻲ ﻫﺎﻟﻜﻠﻤﻪ
- ﻣﺎﺷﻲ ،، ﺑﺎﻟﻚ ﺷﻲ ﻟﻠﻌﺸﻪ ؟؟
- ﺍﻣﻤﻤﻢ ﺳﻮﻳﻠﻲ ﻓﻮﻝ ﻭﺍﺭﻳﺪ ﻃﺎﻭﻩ ﻃﻤﺎﻃﻪ ﻋﺮﺍﻗﻴﻪ ﻣﺄﺻﻠﻪ
- ﻫﻬﻬﻪ ﻣﺎﺷﻲ ﺑﺲ ﻫﻴﺞ
- ﺍﻱ ﺑﻌﺪ ﺍﻧﺘﻲ ﺍﺫﺍ ﺗﺮﻳﺪﻳﻦ ﺗﺴﻮﻳﻦ ﺷﻲ ﺛﺎﻧﻲ ﺑﻜﻴﻔﺞ
ﺭﺍﺣﺖ ﺗﺴﻮﻱ ﺍﻟﻌﺸﻪ ﻭﺍﻧﻲ ﻛﻌﺪﺕ ﺍﻛﻠﺐ ﺑﺎﻟﻔﻴﺲ
ﻭﺑﺮﻩ ﺷﻮﻳﻪ ﺟﺎﺑﺖ ﺍﻟﺼﻴﻨﻴﻪ ﻣﻦ ﺷﻔﺖ ﻃﺎﻭﻩ ﺍﻟﻄﻤﺎﻃﻪ
ﻭﺍﻟﺒﻴﺘﻨﺠﺎﻥ ﻭﺍﻟﻔﻮﻝ ﺍﻧﻔﺘﺤﺖ ﺷﻬﻴﺘﻲ ﻭﺷﻤﺮﺕ ﺍﻟﺘﻠﻔﻮﻥ
ﻛﻔﻴﺖ ﺍﻟﺮﺩﺍﻥ ﻭﻛﻌﺪﺕ ﻭﻫﻲ ﻣﺎﺍﺟﺘﻲ ..
- ﻫﺒﺒﺒﺒﺒﺒﺒﻪ ﻭﻳﻨﺞ ﺗﺮﻩ ﺟﻮﻋﺎﺍﻥ ﺗﻌﺎﺍﻱ
- ﻳﻼﺍ ﺍﺟﻴﺖ
ﺍﺟﺘﻲ ﻛﻌﺪﺕ ﺑﺲ ﻭﺟﻬﻪ ﺍﺻﻔﺮ .. ﻭﺗﺎﻛﻞ ﻗﻠﻴﻞ ﺿﻠﻴﺖ
ﺍﻟﺢ ﻋﻠﻴﻬﻪ ﺍﺣﺪ ﻣﺎﻣﺴﺤﻨﻪ ﺍﻟﺼﻴﻨﻴﻪ ﻣﺴﺢ ...
ﺭﺍﺣﺖ ﺗﺠﻴﺐ ﺍﻟﺠﺎﻱ ﻭﺍﺟﺘﻲ ﺷﺎﻳﻠﺘﻪ ﻭﺍﻳﺪﻫﻪ ﺗﺮﺟﻒ
ﺍﺧﺬﺕ ﺍﻟﺼﻴﻨﻴﻪ ﻣﻦ ﺍﻳﺪﻫﺎ ﻭﺑﺎﻭﻋﺘﻠﻬﻪ ﻭﻋﻘﺪﺕ ﺣﻮﺍﺟﺒﻲ
- ﻫﺒﻪ ﺷﺒﻴﺞ ﻭﺿﻌﺞ ﻣﻌﺎﺟﺒﻨﻲ
- ﻣﺎﺩﺭﻱ ﻣﺎﻋﺮﻑ ﺷﻨﻮ ﺍﻟﻲ ﺩﻳﺼﻴﺮ ﺑﺲ ﺟﺴﻤﻲ ﻛﻠﻪ
ﺩﻳﺮﺟﻒ
- ﺩﻛﻌﺪﻱ ﻛﻌﺪﻱ
ﻛﻌﺪﺕ ﻭﺭﺟﻌﺖ ﺭﺍﺳﻬﻪ ﻭﺧﻠﺖ ﺍﻳﺪﻫﻪ ﻋﻠﻰ ﺟﻬﻪ ..
ﻣﺪﻳﺖ ﺍﻳﺪﻱ ﻋﻠﻰ ﻛﺼﺘﻬﻪ ﻫﻲ ﺟﻔﻠﺖ ..
- ﺍﺷﻮ ﺟﺴﻤﺞ ﺣﺎﺭ ..
.
أنت تقرأ
في قعر السجون وجدتني (منقوله)
Short Storyمنقوله للكاتبه Adzzon zoka الناقله حكمت 𝙃𝙚𝙠𝙢𝙖𝙩_𝙈_𝙝🫀
