بارت١٥
ﻓﻲ ﻗﻌﺮ ﺍﻟﺴﺠﻮﻥ ﻭﺟﺪﺗُﻨﻲ
.
.
ﺭﺍﺣﺖ ﺟﺎﺑﺖ ﺻﻴﻨﻴﻪ ﻭﻣﺮﺗﺒﻪ ﺑﻴﻬﻪ ﺍﻟﻜﺮﺯﺍﺕ ﻭﻛﻼﺻﺎﺕ ﺍﻟﺒﻴﺒﺴﻲ
ﻭﺍﻟﺤﻠﻮﻳﺎﺕ ﻭﺍﺟﺘﻲ ﺣﻄﺘﻬﻪ ﻉ ﺍﻟﻄﺒﻠﻪ ﻭﻗﺒﻞ ﻣﺘﻜﻌﺪ ﻛﺘﻠﻬﻪ ..
- ﻫﺒﻪ ﺭﻭﺣﻲ ﺟﻴﺒﻲ ﺍﻟﻤﺨﺎﺩ ﻭﺗﻌﺎﻱ
- ﻟﻴﺶ !
- ﺩﺭﻭﺣﻲ ﻫﺴﻪ
ﻫﻲ ﺭﺍﺣﺖ ﻭﺍﻧﻲ ﻛﻤﺖ ﺩﻓﻌﺖ ﺍﻟﻄﺒﻠﻪ ﻋﻠﻰ ﺟﻬﻪ ﻭﻧﺰﻟﺖ ﺍﻟﺼﻴﻨﻴﻪ
ﺑﺎﻟﻜﺎﻉ ﻭﺍﺟﺘﻲ ﺟﺎﻳﺒﻪ ﺍﻟﻤﺨﺎﺩ .. ﺭﺟﻴﺘﻬﻦ ﻋﻠﻰ ﺍﻟﻘﻨﻔﻪ ﻭﻛﻌﺪﺕ ﺑﺎﻟﻜﺎﻉ
ﻭﻣﺪﺩﺕ ﺭﺟﻠﻲ ﻭﺟﺮﻳﺖ ﺍﻟﺼﻴﻨﻴﻪ ﻗﺮﻳﺐ ﻣﻨﻲ ..
- ﺗﻌﺎﻱ ﻛﻌﺪﻱ ﺷﻌﻨﺪﺝ ﻭﺍﻛﻔﻪ
- ﻫﺎﺍ ﻣﻮﻭ
- ﻫﺒﺒﻪ ﺩﺧﻴﻞ ﺍﻟﻠﻪ ﻛﺎﻓﻲ ﺗﻌﺎﻱ ﻛﻌﺪﻱ
ﺍﺟﺘﻲ ﻛﻌﺪﺕ ﺑﺲ ﻣﺎﺗﻤﺪﺩﺕ ﻋﻠﻰ ﻛﻌﺪﺗﻬﻪ ﺑﻘﺖ
- ﺍﻛﻠﻲ
- ﺍﻱ
- ﻫﺬﺍ ﺷﻨﻮ ﻗﺼﺘﻪ ﻣﻨﻮ ﺍﻟﺒﻄﻞ ﺷﻨﻮ ﺍﻟﻔﻠﻢ ﺍﺣﺠﻴﻠﻲ
ﺗﻮﻗﻌﺘﻬﻪ ﻣﺎ ﺭﺍﺡ ﺗﺴﻜﺖ ﻣﻦ ﺍﻟﺤﺠﻲ ﻣﺜﻞ ﻛﻞ ﻣﺮﻩ .. ﺑﺲ ﺍﻛﺘﻔﺖ
ﺑﻜﻢ ﻛﻠﻤﻪ ﻭﺿﺤﺘﻠﻲ ﺑﻴﻬﻪ ﺷﻨﻮ ﺍﻟﻔﻠﻢ ﻭﺳﻜﺘﺖ ..
ﺿﻠﻴﻨﻪ ﻧﺒﺎﻭﻉ ﻭﻫﻮ ﺻﺪﻙ ﺟﺎﻥ ﺭﻋﺐ ﻛﻞ ﺷﻮﻳﻪ ﺍﺑﺎﻭﻋﻠﻬﻪ
ﻻﺯﻣﻪ ﺑﺎﻳﺪﻫﻪ ﻧﺴﺘﻠﻪ ﻭﺻﺎﻓﻨﻪ ﻻ ﻫﻲ ﺍﻟﻤﺎﻛﻠﻪ ﻭﻻ ﺍﻟﺬﺍﺑﺘﻬﻪ
- ﻫﺒﻪ ﻣﺘﺎﻛﻠﻴﻦ ﺷﺒﻴﺞ
- ﻋﻔﻴﻪ ﻫﺴﻪ ﺍﻧﺘﻪ ﺷﻜﻮ ﻛﻞ ﺷﻮﻳﻪ ﻣﻜﻤﺰﻧﻲ
ﺑﺎﻭﻋﺘﻠﻬﻪ ﻭﺭﻓﻌﺖ ﺣﺎﺟﺒﻲ ﻫﻲ ﺭﺍﺳﺎً ﺷﻤﺮﺕ ﺍﻟﻨﺴﺘﻠﻪ ﺑﺎﻟﺼﻴﻨﻴﻪ
ﻭﺍﻧﻜﻠﺐ ﻭﺟﻬﻪ ﻭﻛﺎﻟﺖ ..
- ﺍﺍﺍﺳﻔﻪ ﻭﺍﻟﻠﻪ ﺍﻧﻲ ﺍﻋﺘﺬﺭ ﻣﺎﻗﺼﺪﻱ ﺷﻲ ﻭﺍﻟﻠﻪ ﻭﺍﻟﻠﻪ ﺑﺲ ﺩﺍﺧﺎﻑ
ﻭﺍﻟﻠﻪ ،، ﻋﻔﻴﻪ ﺳﻴﺪﻱ ﻣﻮ ﺗﻀﻮﺝ ﻣﻨﻲ ﻣﺎﻗﺼﺪﻱ ﺷﻲ ﻭﺍﻟﻠﻪ ﺍﻟﻌﻈﻴﻢ
- ﻟﺞ ﺍﻧﺘﻲ ﻭﺣﺪﺝ ﻓﻠﻢ ،، ﺿﺤﻜﺖ ﻭﻫﺰﻳﺖ ﺍﻳﺪﻱ ﻭﺭﺟﻌﺖ ﺍﺑﺎﻭﻉ
- ﻫﺴﻪ ﻣﺴﺎﻣﺤﻨﻲ !! ﻫﺎ ﻫﺎ ﻛﻮﻟﻲ ﻫﺎﺍ ﺳﻴﺪﻱ ﻣﺴﺎﻣﺤﻨﻲ ﻫﺎﺍ
- ﻟﺞ ﺑﺎﺍﺍﺍﺍﺑﻪ ﺧﻠﻲ ﻧﺸﻮﻑ ﻫﺎﻟﺼﺨﺎﻡ ﻣﺴﺎﻣﺤﺞ ﺍﻱ ﺍﻱ
- ﺍﻱ ﺯﻳﻦ ﻳﻼ ﻟﻌﺪ ﺧﻠﻲ ﻧﻜﻤﻞ ﺍﻟﻔﻠﻢ
ﺿﻠﻴﺖ ﺍﺿﺤﻚ ﺑﺪﻭﻥ ﺻﻮﺕ ﺑﺲ ﺑﻄﻨﻲ ﺗﺘﻬﺰﺯ ﻭﻫﻲ ﻓﺎﺗﺤﻪ ﺣﻠﻜﻬﻪ
ﺩﺗﺎﻛﻞ ﻭﺗﺒﺎﻭﻋﻠﻲ ﻭﺍﻧﻲ ﻃﻜﻴﺘﻬﻪ ﺑﻀﺤﻜﻪ ﺍﻋﻠﻰ
- ﺷﻨﻮ
- ﺍﺍﺍﺍﺥ ﻳﺎ ﻳﺎﺑﻮﻳﻪ ،،
- ﺷﻨﻮ ﺍﻧﻲ ﻣﺎﺷﻔﺖ ﻟﻘﻄﻪ ﺗﻀﺤﻚ
- ﻟﺞ ﻫﻮ ﺍﻧﺘﻲ ﺍﻟﻲ ﺗﻀﺤﻜﻴﻦ
- ﺍﻧﻲ !! ﺑﺲ ﺍﻧﻲ ﻣﺎﺳﻮﻳﺖ ﺷﻲ
- ﻫﺒﻪ ﺛﻮﻟﺞ ﻫﻮﺍﻱ ﻳﻀﺤﻜﻨﻲ ﻭﺍﻟﻠﻪ
- ﺍﻧﻲ ﺛﻮﻟﻪ
ﻫﺒﻪ ﻛﺎﻓﻲ ﻛﺎﻓﻲ ﺣﻠﻜﻲ ﺗﺸﻨﺠﺞ ﻣﻦ ﺍﻟﻀﺤﻚ ﻣﺎﻣﺘﻌﻮﺩ ﻫﻴﺞ
ﻛﺎﻓﻲ ﻟﺘﺤﺠﻴﻦ ﺷﻲ ﺍﺳﻜﺘﻲ
- ﻫﻮ ..
- ﺍﺷﺸﺸﺶ ﺍﺷﺸﺶ
ﻛﻠﺘﻬﻪ ﻭﺧﻠﻴﺖ ﺍﻳﺪﻱ ﻋﻠﻰ ﻭﺟﻬﻪ ﻗﺮﻳﺐ ﻣﻨﻬﺎ ﺑﺲ ﻣﺎﻃﺨﻴﺘﻬﻪ
ﻫﻲ ﺟﻤﺪﺕ ﺑﻤﻜﺎﻧﻬﻪ ﻭﺍﻧﻲ ﻣﺎﺩﺭﻱ ﺷﺠﺎﻧﻲ ﺭﺟﻌﺘﻠﻲ ﻫﺬﻳﺞ
ﺍﻟﺒﺮﻭﺩﻩ ﺳﺮﺕ ﺑﻜﻞ ﺟﺴﻤﻲ ..
ﺗﺮﺍﺟﻌﺖ ﻋﻠﻰ ﻛﻴﻒ ﻭﻛﻤﻠﺖ ﺍﻛﻞ ﺑﺎﻟﻜﺮﺯﺍﺕ ﻭﺍﻧﺪﻣﺠﺖ ﺑﺎﻟﻔﻠﻢ
ﻣﺎﺭﻳﺪ ﺍﺷﻐﻞ ﻓﻜﺮﻱ ﺑﻴﻬﻪ ..
ﻓﺘﺤﺖ ﻋﻴﻮﻧﻲ ﻟﻜﻴﺖ ﻧﻔﺴﻲ ﻧﺎﻳﻢ ﺑﻨﻔﺲ ﺍﻟﻤﻜﺎﻥ ﻭﻣﺘﻐﻄﻲ ﻭﺍﻟﻤﺪﻓﺌﻪ
ﻗﺮﻳﺒﻪ ﻋﻠﻴﻪ .. ﺭﻓﻌﺖ ﺭﺍﺳﻲ ﺍﺩﻭﺭ ﻋﻠﻰ ﻫﺒﻪ ..
ﻟﻜﻴﺘﻬﻪ ﻣﺎﻛﻮ ﻫﻨﺎ .. ﻛﻤﺖ ﺭﺣﺖ ﻏﺴﻠﺖ ﻭﺑﺎﻭﻋﺖ ﺑﺎﻟﻤﻄﺒﺦ ﻣﺎﻛﻮ
ﺭﺣﺖ ﻟﻠﻐﺮﻓﻪ ﻓﺘﺤﺖ ﺍﻟﺒﺎﺏ ﻟﻜﻴﺘﻬﻪ ﺗﺼﻠﻲ ..
ﻣﻨﻈﺮﻫﺎ ﻳﻘﺸﻌﺮﻟﻪ ﺍﻟﺒﺪﻥ .. ﺍﻟﻐﺮﻓﻪ ﺿﻠﻤﻪ ﻭﻫﺎﺩﺋﻪ ﻭﺑﺲ ﺿﻮﺍ
ﺍﻟﻲ ﺟﺎﻱ ﻣﻦ ﻓﺘﺤﺖ ﺍﻟﺒﺎﺏ ﻋﻠﻴﻬﻪ ﻭﻫﻲ ﻻﺑﺴﻪ ﺍﺳﻮﺩ .. ﻭﺍﻟﻀﻮﺍ
ﻣﺨﻠﻲ ﻣﺜﻞ ﺍﻟﻨﻮﺭ ﺑﺲ ﻋﻠﻰ ﻣﻜﺎﻧﻬﻪ ﻭﺍﻟﺒﺎﻗﻲ ﺍﻇﻠﻢ ..
ﺗﺼﻨﻤﺖ ﺑﻤﻜﺎﻧﻲ ﻣﺎﺩﺭﻱ ﺷﺠﺎﻧﻲ ﻫﻴﺞ ﻗﺎﺑﻞ ﺍﻭﻝ ﻣﺮﻩ ﺍﺷﻮﻑ
ﻭﺍﺣﺪ ﻳﺼﻠﻲ ﺑﺲ ﺷﻲ ﺧﻼﻧﻲ ﺍﺗﺠﻤﺪ ،، ﺿﻠﻴﺖ ﻋﻠﻰ ﻧﻔﺲ
ﻭﻛﻔﺘﻲ ﻟﺤﺪ ﻣﺎ ﺍﻧﺪﺍﺭﺕ ﻫﻲ ﻋﻠﻴﻪ ﻭﺍﺑﺘﺴﻤﺖ ..
- ﺻﺒﺎﺡ ﺍﻟﺨﻴﺮ
- ﺻﺒﺎﺡ ﺍﻟﺨﻴﺮ ،، ﻛﻠﺘﻬﺎ ﺑﺼﻮﺕ ﻫﺎﺩﻯﺀ ﺍﺣﺲ ﺍﻟﺴﺎﻧﻲ ﻣﺮﺑﻮﻁ
ﺷﺤﺠﻲ ﻭﺷﺮﺩﺕ ﻣﻨﻬﺎ ﻣﺎﺩﺭﻱ
ﻛﺎﻣﺖ ﻫﻲ ﻧﺰﻋﺖ ﺟﺒﺘﻬﻪ ﻭﺭﺍﺣﺖ ﺻﻔﻄﺘﻬﻪ ﻭﺣﻄﺘﻬﻪ ﺑﺎﻟﻜﻨﺘﻮﺭ
ﻭﺍﻧﻲ ﻭﺍﻛﻒ ﻭﺍﺑﺎﻭﻉ ﻟﺤﺮﻛﺘﻬﺎ ..
- ﺭﺍﺡ ﺍﺣﻀﺮ ﺍﻟﺮﻳﻮﻙ ﺳﻴﺪﻱ
- ﺍﻱ
ﻛﺎﻟﺘﻬﺎ ﻭﺭﺍﺣﺖ ﻭﺍﻧﻲ ﺭﺣﺖ ﻭﻛﻔﺖ ﻋﻠﻰ ﻧﻔﺲ ﺍﻟﻤﻜﺎﻥ ﺍﻟﻲ ﺟﺎﻧﺖ
ﺗﺼﻠﻲ ﻋﻠﻴﻪ ﻭﺻﺎﻓﻦ ﺍﺑﺎﻭﻉ ﻟﻨﻔﺴﻲ ﺑﺎﻟﻤﺮﺍﻳﻪ ..
ﺍﻧﻲ ﻣﻦ ﺷﻮﻛﺖ ﻣﺎﻣﺼﻠﻲ !! ﺣﺘﻰ ﻧﺎﺳﻲ ﺷﻠﻮﻥ ﺷﻌﻮﺭ ﻳﺼﻴﺮ
ﻣﻌﻘﻮﻝ ﻫﺎﻱ ﺍﺷﺎﺭﻩ ﺍﻟﻲ ؟؟
ﻟﻴﺶ ﻫﻲ ﻫﻠﻜﺪ ﻧﻘﻴﻪ ﻭﺍﺟﺘﻲ ﻳﻢ ﻭﺍﺣﺪ ﻣﺎﻳﻌﺮﻑ ﺍﺳﻢ ﺍﻟﻨﻘﺎﺀ
ﺍﻟﻨﻈﺎﻓﻪ ﻋﻨﺪﻱ ﺑﺲ ﺑﺎﻟﺠﺴﻢ ﻭﺍﻟﻠﺒﺲ ﺍﻣﺎ ﺍﻟﺮﻭﺡ ﻓﻬﻲ ﺳﻮﺩﻩ
ﻫﻮﺍﻱ ﺩﺍﺗﺄﺛﺮ ﺑﻤﻨﻈﺮﻫﺎ ﻫﻴﺞ ﻳﻤﻜﻦ ﺩﺍﺣﺲ ﺑﺎﻟﻨﻘﺺ ﺍﻭ ﺍﻟﺬﻧﺐ
ﻫﻮ ﺷﻲ ﻣﻦ ﻫﺬﻧﻲ
ﺍﻧﺪﺍﺭﻳﺖ ﻟﻜﻴﺘﻬﻪ ﻭﺍﻛﻔﻪ ﺑﺎﻟﺒﺎﺏ ﻭﺗﺒﺎﻭﻋﻠﻲ ..
- ﻫﺎﺍ ﻫﺒﻪ
- ﺳﻴﺪﻱ ﺩﺍﻛﻠﻚ ﺍﻟﺮﻳﻮﻙ ﻛﻤﻞ
- ﻳﻼﺍ ﺍﺟﻴﺖ
ﺭﺣﺖ ﻭﻳﺎﻫﻪ ﻟﻠﻬﻮﻝ ﻭﻟﻜﻴﺘﻬﻪ ﺣﺎﻃﻪ ﺻﻴﻨﻴﻪ ﻣﺸﻜﻠﻪ ﻭﺍﻟﺠﺎﻱ
ﻛﻌﺪﺕ ﺍﻛﻞ ﻭﺑﻌﺪﻫﻪ ﺍﻟﺼﺪﻣﻪ ﺑﻴﻪ ﺍﺣﺲ ﻋﻘﻠﻲ ﻓﺼﻞ ﺷﻮﻳﻪ
ﻓﻀﺠﺖ ﻭﻛﺘﻠﻬﻪ ..
- ﻫﺒﻪ ﺍﻧﺘﻲ ﺷﻤﻜﻌﺪﺝ ﻫﺴﻪ
- ﺍﻧﻲ ﺷﻔﺖ ﺣﻠﻢ ﻣﻮ ﺯﻳﻦ ﻭﻛﻌﺪﺕ ﻛﻠﺖ ﺧﻠﻲ ﺍﺻﻠﻲ ﺗﻬﺪﺀ ﺭﻭﺣﻲ
- ﻭﻗﺎﺑﻞ ﺍﻟﺼﻼﻩ ﺗﻬﺪﺀ !!
- ﺍﻱ ﻣﺎﻛﻮ ﺍﺣﺴﻦ ﻣﻨﻬﺎ ﻟﻠﺨﺎﻳﻒ ﻫﻲ ﻛﻞ ﺍﻟﺴﻜﻴﻨﻪ ﺑﻴﻬﻪ
ﺍﻱ ﻭﺷﺤﻠﻤﺘﻲ ﺍﺣﺠﻴﻠﻲ
- ﺳﻴﺪﻱ ﻫﺴﻪ ﺍﻧﻲ ﻣﺎﺭﻳﺪ ﺍﺯﻋﺠﻚ ﻣﻦ ﺍﻟﺼﺒﺢ ﺑﺴﻮﺍﻟﻒ ﻣﻮﺯﻳﻨﻪ
ﻣﻦ ﺗﺮﺟﻊ ﻣﻦ ﺍﻟﺸﻐﻞ ﺍﺣﺠﻴﻠﻚ ﻻﻥ ﺍﺩﺭﻱ ﺭﺍﺡ ﺗﺴﺄﻟﻨﻲ ﻭﻳﻄﻮﻝ
ﺍﻟﻜﻼﻡ ﻭﺗﻨﻔﺘﺢ ﻫﻮﺍﻱ ﻣﻮﺍﺿﻴﻊ
- ﺍﻱ ﺍﺣﺴﻦ ﺧﻠﻴﻬﻪ ﻣﻦ ﺍﺭﺟﻊ ﻻﻥ ﻫﻢ ﻋﻨﺪﻱ ﺣﺠﻲ ﻭﻳﺎﺝ
- ﻣﺎﺷﻲ ﺭﺍﺡ ﺍﺣﻀﺮﻟﻚ ﺍﻟﻤﻼﺑﺲ
ﺍﺷﺮﺗﻠﻬﻪ ﺗﺮﻭﺡ ﻭﺍﻧﻲ ﺩﺍﺍﻛﻞ ،، ﻛﻤﻠﺖ ﻭﺭﺣﺖ ﻏﺴﻠﺖ ﺭﺣﺖ
ﻟﻠﻐﺮﻓﻪ ﻭﻟﻜﻴﺘﻬﻪ ﻣﺤﻀﺮﺗﻬﻦ ﻭﻣﻌﻄﺮﺍﺕ ﻭﺍﻟﺤﺬﺍﺀ ﺩﺗﻤﺴﺤﻪ
ﻣﻦ ﺷﺎﻓﺘﻨﻲ ﺧﻠﺘﻪ ﺑﻤﻜﺎﻧﻪ ﻭﻛﺎﻟﺖ ..
- ﻣﺤﺘﺎﺝ ﺑﻌﺪ ﺷﻲ ﺳﻴﺪﻱ
- ﺍﻱ ،، ﻻﺗﻀﻠﻴﻦ ﺗﻜﻮﻟﻴﻦ ﺳﻴﺪﻱ ﺻﺮﻋﺘﻲ ﺭﺍﺳﻲ
- ﻣﻮ ﻣﺎﺗﺮﻫﻢ ﻳﻌﻨﻲ ﺷﻜﻮﻝ
- ﻛﻴﻔﺞ ﺑﺲ ﻫﻴﺞ ﺩﺗﺘﺤﺴﺴﻴﻨﻲ ﺍﻧﻲ ﺑﻌﺪﻧﻲ ﺑﺎﻟﺪﻭﺍﻡ ﻭﺍﻧﻲ ﻛﺎﻋﺪ ﺑﻴﺘﻲ
- ﻣﺎﺷﻲ ﻫﻢ ﻧﺤﺠﻲ ﺑﻴﻬﻪ ﻣﻦ ﺗﺮﺟﻊ ﺍﻥ ﺷﺎﺀ ﺍﻟﻠﻪ
ﺭﺍﺣﺖ ﻭﺍﻧﻲ ﻛﻌﺪﺕ ﺍﺑﺪﻝ .. ﻟﺒﺴﺖ ﻭﻋﺪﻟﺖ ﺍﻟﺸﺎﺭﺏ ﻭﻃﻠﻌﺖ
- ﻫﺒﻪ ﻭﻳﻦ ﺗﻠﻔﻮﻧﻲ
ﺍﺟﺘﻲ ﺗﺮﻛﺾ ﻭﺍﻧﻄﺘﻨﻴﺎﻩ ﻭﺟﺎﻧﺖ ﺷﺎﻳﻠﻪ ﻭﻳﺎﻫﻪ ﻛﻼﺹ ﻋﺼﻴﺮ
- ﻫﺬﺍ ﺑﺮﺗﻘﺎﻝ ﻫﺴﻪ ﻋﺼﺮﺗﻪ ﺍﺷﺮﺑﻪ ﻳﻨﻄﻴﻚ ﻃﺎﻗﻪ
ﺿﺤﻜﺖ ﻭﺍﺧﺬﺗﻪ ﻣﻦ ﺍﻳﺪﻫﻪ ﺷﺮﺑﺘﻪ ﺟﺮﻩ ﻭﺣﺪﻩ ﻭﻫﻲ ﺑﻌﺪﻫﻪ ﻭﺍﻛﻔﻪ
ﺍﻧﻄﻴﺘﻬﻪ ﺍﻟﻜﻼﺹ
- ﺍﻱ ﻋﺎﺷﺖ ﺍﻳﺪﺝ ،، ﻳﻼ ﻣﻊ ﺍﻟﺴﻼﻣﻪ
- ﺍﻟﻠﻪ ﻳﺤﻔﻈﻚ
ﻭﻛﻔﺖ ﻣﻦ ﺳﻤﻌﺖ ﻫﺎﻟﻜﻠﻤﻪ ﻭﺭﺩﻳﺖ ﻛﻤﻠﺖ ﻣﺸﻴﺘﻲ ..
ﺻﻌﺪﺕ ﺑﺎﻟﺴﻴﺎﺭﻩ ﻭﻧﺰﻟﺖ ﺍﻟﺠﺎﻣﺎﺕ ﻭﺧﻠﻴﺖ ﺍﻟﻬﻮﺍ ﺍﻟﺒﺎﺭﺩ ﻳﻀﺮﺏ
ﺑﻮﺟﻬﻲ ﻋﻠﻰ ﻃﻮﻝ ﺍﻟﻄﺮﻳﻖ ..
ﺍﺣﺲ ﺑﺎﻧﺘﻌﺎﺵ ﻭﻃﺎﻗﻪ ﻣﺎ ﺣﺎﺱ ﺑﻴﻬﻪ ﻣﻦ ﺯﻣﺎﺍﻥ .. ﻭﺻﻠﺖ
ﻟﻠﻤﺮﻛﺰ ﻭﺩﺧﻠﺖ ﺑﻜﻞ ﻧﺸﺎﻁ ﻭﻣﺴﺘﻌﺪ ﻟﻠﻜﻮﺍﺭﺙ ﺍﻟﺠﺎﻳﻪ
ﻫﺬﺍ ﻋﺼﻴﺮﻫﺎ ﺑﻲ ﺷﻲ ﻣﻮ ﺧﺎﻟﻲ .. ﺍﺗﺬﻛﺮﺗﻪ ﻭﺿﺤﻜﺖ
ﻭﻟﻠﻈﻬﺮ ﺍﺟﺎﻧﻲ ﺳﺠﺎﺩ ..
- ﺳﻴﺪﻱ ﺑﻐﺮﻓﻪ ﺍﻟﺘﺤﻘﻴﻖ ﻳﻨﺘﻈﺮﻭﻥ
- ﺑﻠﺸﺖ ﺭﺣﻤﻪ ﺍﻟﻠﻪ ﻳﻼ ﺟﺎﻱ
ﺭﺣﺖ ﺩﺍﺷﻮﻑ ﻫﺬﻧﻲ ﺍﻟﺒﻼﻭﻱ .. ﻭﺍﻟﻜﺎﻟﻚ ﻭﺣﺪﻩ ﻣﻦ ﺷﻜﻠﻬﻪ
ﻟﻌﺒﺖ ﻧﻔﺴﻲ ﺷﻠﻮﻥ ﺍﺫﺍ ﺣﻀﻞ ﻭﻳﺎﻫﻪ ﻫﻨﺎ ..
ﻻﺑﺴﻪ ﺑﺮﻣﻮﺩﻩ ﺯﺭﻛﻪ ﻭﺗﻴﺸﻴﺮﺕ ﻭﺭﺩﻱ ﻓﺴﻔﻮﺭﻱ ﻭﻧﺺ ﺻﺪﺭﻫﺎ
ﻃﺎﻟﻊ ﻭﻫﻲ ﺷﺴﻤﻨﻬﺎ ﻭﻛﺎﻋﺪﻩ ﻭﺗﻠﻌﺐ ﺑﺸﻌﺮﻫﺎ ﺍﻟﻮﺻﺦ ..
- ﺑﻨﺖ ﺍﻟﻜﻠﻠﻠﻠﻠﺐ ﺍﻛﻌﺪﻱ ﻋﺪﺩﺩﺩﺩﻝ ،، ﺗﺤﻘﻴﻖ ﻫﺬﺍ ﻣﻮ ﺑﻴﺖ ﺩﻋﺎﺍﺍﺭﻩ
- ﻫﻬﻬﻬﻴﻴﻴﻴﻴﻲ ﻫﺎﻱ ﻛﻌﺪﻧﺎ ﻳﻼ ﺍﺳﺄﻟﻨﻲ ﺷﺘﺮﻳﺪ
ﺫﺑﻲ ﺍﻟﻌﻠﺞ ﻻ ﺍﻛﺴﺮﻟﺞ ﻓﺠﺞ ﻫﺴﻪ ﺫﺑﺒﺒﺒﺒﻴﻴﻴﻲ
ﻃﻠﻌﺘﻪ ﻣﻦ ﺣﻠﻜﻬﻪ ﺑﻄﺮﻳﻘﻪ ﺗﻠﻌﺐ ﺍﻟﻨﻔﺲ ﻭﺍﻧﻲ ﺍﻋﺼﺎﺑﻲ ﺷﺎﻃﺖ
ﺑﺲ ﻣﺎﺧﻠﻴﺖ ﻫﺎﻟﺸﻲ ﻳﺴﺘﻔﺰﻧﻲ ﺟﺮﻳﺖ ﺍﻟﻜﺮﺳﻲ ﻭﻛﻌﺪﺕ
ﻭﺿﻠﻴﺖ ﺍﺳﺄﻝ ﻭﻫﻲ ﺗﺘﻤﻀﻴﻚ ﻓﻮﻙ ﺭﺍﺳﻲ ﺟﺎﻥ ﺟﺮﻳﺘﻬﻪ
ﻣﻦ ﺷﻌﺮﻫﻪ ﻭﻟﻄﺨﺘﻴﻦ ﺑﺎﻟﻤﻴﺰ ﻭﺭﻓﻌﺖ ﺭﺍﺳﻬﻪ ﻭﻛﺘﻠﻬﻪ
- ﺍﺣﺘﺮﻣﺞ ﺯﺍﻳﺪ
ﻃﻠﻌﺖ ﺻﺤﺖ ﺍﻟﺤﺎﺭﺱ ﻭﺩﺯﻳﺘﻬﺎ ﻟﻠﺘﻌﺬﻳﺐ ﻭﻋﻔﺘﻬﻪ ﺗﺼﻴﺢ
ﻭﺭﺣﺖ ﻟﻠﻤﻜﺘﺐ ﻏﺴﻠﺖ ﻭﻛﻌﺪﺕ ﺍﻋﻘﻢ ﺑﺎﻳﺪﻱ .. ﺑﺲ ﻟﻌﺒﺎﻧﻪ
ﻧﻔﺴﻲ ﻣﻦ ﺷﻜﻮﻟﻬﺎ ﻃﻠﻌﺖ ﻟﻶﻣﺮ ..
ﺩﻛﻴﺖ ﺍﻟﺒﺎﺏ ﻭﺩﺧﻠﺖ ..
- ﺍﻟﺴﻼﻡ ﻋﻠﻴﻜﻢ
- ﺍﻫﻼً ﺑﺎﺑﻮ ﺟﻬﺎﺩ
- ﻫﻼ ﺑﻴﻚ ﺳﻴﺪﻱ .. ﺭﺍﻳﺪ ﺍﺗﺮﺧﺺ ﺗﻌﺒﺎﻥ ﻭﺍﻟﻠﻪ
- ﺷﻠﻮﻥ ﻭﺍﻟﺸﻐﻞ
- ﻫﺴﻪ ﻛﻤﻠﺖ ﻭﻳﻪ ﻫﺎﻟﺠﻠﺒﻪ ﻭﺩﺯﻳﺘﻬﺎ ﻳﺮﺑﻮﻫﺎ ﺷﻮﻳﻪ ﻭﺑﻌﺪ
ﻣﺎﻋﻨﺪﻱ ﺷﻲ ،، ﻗﻀﻴﻪ ﺍﻟﺒﺎﺭﺣﻪ ﻛﺘﻠﻚ ﺑﺎﺟﺮ ﺍﺳﻠﻤﻬﺎ
ﻭﻫﺎﻱ ﻛﻀﺘﻬﺎ ﻣﺮﺍﻭﻍ ﻣﺴﺘﻔﺎﺩﻳﺖ ﺷﻲ ،، ﺑﺎﺟﺮ ﺗﺠﻲ ﻭﺗﻜﺘﻬﻦ
ﻣﺜﻞ ﺍﻟﻮﺭﺩ
- ﺯﻳﻦ ﺯﻳﻦ ﺍﺫﺍ ﻫﻴﺞ ﺭﻭﺡ ﺍﺭﺗﺎﺡ
- ﺷﻜﺮﺍً ﻣﻦ ﺭﺧﺼﺘﻚ
- ﺍﻟﻠﻪ ﻭﻳﺎﻙ
ﻃﻠﻌﺖ ﻭﺭﺣﺖ ﺍﺧﺬﺕ ﺍﻟﻼﺑﺘﻮﺏ ﻭﺍﻻﻭﺭﺍﻕ ﺍﻻﺣﺘﺎﺟﻬﻪ ﻭﺍﻧﻲ
ﺍﺻﻼً ﻣﻨﻄﻲ ﺍﺟﺎﺯﻩ ﻻﺣﻤﺪ .. ﻣﺎﺭﻳﺪﻩ ﻳﻨﺪﻝ ﺍﻟﺸﻘﻪ ﻛﻠﻤﻦ ﻭﺍﻟﻪ
ﺷﻐﻠﻪ ﻭﺑﺲ ..
ﻭﺻﻠﺖ ﻭﻓﺘﺤﺖ ﺍﻟﺒﺎﺏ ﺩﺧﻠﺖ ﻭﺍﻋﺼﺎﺑﻲ ﻣﺘﻮﺗﺮﻩ ﻭﺍﻟﻘﺮﻑ ﻣﺎﻟﻲ
ﻛﻞ ﺟﺴﻤﻲ ... ﺗﻠﻜﺘﻨﻲ ﻫﺒﻪ ﻭﺑﻴﺪﻫﻪ ﺍﻟﺨﺎﺷﻮﻛﻪ ..
- ﺍﻟﻠﻪ ﻳﺴﺎﻋﺪﻙ
- ﻫﻼ ﺑﻴﺞ
- ﺳﻴﺪﻱ ﻣﺒﻴﻦ ﺗﻌﺒﺎﻥ
- ﻟﻌﺒﺎﻧﻪ ﻧﻔﺴﻲ ﺣﻀﺮﻳﻠﻲ ﺍﻟﺤﻤﺎﻡ
- ﻣﺎﺷﻲ ﻣﺎﺷﻲ
ﺭﺣﺖ ﺫﺑﻴﺖ ﺍﻟﻐﺮﺍﺽ ﻋﻠﻰ ﺍﻟﻘﻨﻔﻪ ﻭﻛﻌﺪﺕ ﻭﺭﺟﻌﺖ ﺭﺍﺳﻲ
ﻭﺻﺤﺘﻠﻬﺎ ..
- ﻫﺎﺍﺍ ﻫﺒﻪ ﻭﻳﻨﻨﻨﺞ
- ﻛﻤﻠﺖ ﻛﻤﻠﺖ ،، ﺍﻟﺤﻤﺎﻡ ﺟﺎﻫﺰ
- ﺯﻳﻦ ﻫﺎﺝ ﺍﻟﺰﻣﻲ
ﻧﺰﻋﺖ ﺍﻟﻘﺒﻮﻁ ﻭﻫﻲ ﺍﺧﺬﺗﻪ ﻣﻨﻲ ﻭﺍﻟﻤﻮﺑﺎﻳﻞ ﻭﺍﻟﻤﺤﻔﻈﻪ ﺧﻠﻴﺘﻬﻦ
ﺑﺎﻳﺪﻫﻪ ﻭﺭﺣﺖ ﻟﻠﺤﻤﺎﻡ ﻟﻜﻴﺘﻬﻪ ﻓﺎﺗﺤﻪ ﺍﻟﻤﻲ ﺍﻟﺤﺎﺭ ﻭﺻﺎﻳﺮ
ﻛﻠﻪ ﺑﺨﺎﺭ ..
ﻃﺒﻴﺖ ﺟﻮﻩ ﺍﻟﺪﻭﺵ ﻭﺿﻠﻴﺖ ﺍﺭﻳﺪ ﺍﺭﺧﻲ ﺟﺴﻤﻲ .. ﺑﺲ
ﻣﻨﻈﺮ ﻫﺎﻟﺠﺎﻳﻔﻪ ﻣﺪﻳﺮﻭﺡ ﻣﻦ ﺑﺎﻟﻲ ﻭﺩﻳﺨﻠﻲ ﻧﻔﺴﻲ ﺗﻠﻌﺐ
ﺿﻠﻴﺖ ﺍﻏﺴﻞ ﺑﺎﻟﺼﺎﺑﻮﻥ ﺑﺲ ﻣﺎﻛﺪﺭﺕ ﺍﻻ ﺍﺳﺘﻔﺮﻏﺖ ﻳﻼ
ﺣﺴﻴﺖ ﺑﺮﺍﺣﻪ ﺷﻮﻳﻪ .. ﻛﻤﺖ ﻏﺴﻠﺖ ﻣﻦ ﺟﺪﻳﺪ ﻭﻟﺒﺴﺖ
ﺍﻟﺮﻭﺏ ﻭﻃﻠﻌﺖ ﻟﻠﻐﺮﻓﻪ ﺗﻤﺪﺩﺕ ﻭﺷﻤﺮﺕ ﺍﻟﻤﻨﺸﻔﻪ ﺑﺎﻟﻜﺎﻉ
ﺍﺟﺘﻲ ﻫﺒﻪ ﺩﻛﺖ ﺍﻟﺒﺎﺏ ﻭﺍﺷﺮﺗﻠﻬﻪ ﺗﺠﻲ
- ﻫﺬﺍ ﻟﺒﻦ ﻭﻋﻠﻴﻪ ﻟﻴﻤﻮﻥ ﺍﺷﺮﺑﻪ ﻳﺨﻠﻴﻚ ﺗﺘﺤﺴﻦ
ﺍﺧﺬﺗﻪ ﻣﻦ ﺍﻳﺪﻫﻪ ﻭﻋﺪﻟﺖ ﻛﻌﺪﺗﻲ ﻭﺷﺮﺑﺘﻪ ﺍﻧﻄﻴﺘﻬﻪ ﺍﻟﻜﻼﺹ
ﻭﺻﻔﻨﺖ ﺑﻮﺟﻬﻪ ﺍﺩﻭﺭ ﻋﻠﻰ ﺷﻲ ﻳﻨﺴﻴﻨﻲ ﺍﻟﻲ ﺷﻔﺘﻪ
- ﻫﺒﻪ ﺗﻜﺪﺭﻳﻦ ﺗﻜﻌﺪﻳﻦ ﻫﻨﺎ ﺷﻮﻳﻪ
ﻣﺎﻛﺎﻟﺖ ﺷﻲ ﻭﺧﻠﺖ ﺍﻟﻜﻼﺹ ﻋﻠﻰ ﻣﻴﺰ ﺍﻟﻤﺮﺍﻳﻪ ﻭﺍﺟﺘﻲ ﻛﻌﺪﺕ
ﻗﺮﻳﺐ ﻳﻤﻲ ﻭﺗﺒﺎﻭﻋﻠﻲ ﺑﻬﺪﻭﺀ
ﺩﺭﺕ ﺭﺍﺳﻲ ﺍﺑﺎﻭﻋﻠﻬﻪ ﺣﺴﻴﺖ ﺑﺮﻭﺣﻲ ﺩﺗﻨﺠﺬﺏ ﺑﻘﻮﻩ ﺍﻟﻬﺎ
ﻋﻠﻰ ﻛﻌﺪﺗﻲ ﻭﺧﻠﻴﺖ ﺭﺍﺳﻲ ﺑﺤﻀﻨﻬﺎ ﻭﻏﻤﻀﺖ ..
ﺷﻮﻳﻪ ﻭﺣﺴﻴﺖ ﺑﺎﻳﺪﻫﻪ ﺍﻃﺒﻄﺐ ﻋﻠﻰ ﺟﺘﻔﻲ ﺑﺨﻔﻪ ﻣﺜﻞ ﺍﻟﻮﺍﺣﺪ
ﻳﻄﻤﻦ ﺍﻟﺜﺎﻧﻲ .. ﺍﺧﺬﺕ ﻧﻔﺲ ﻗﻮﻱ ﻭﺍﺳﺘﺮﺧﻴﺖ ﺍﻛﺜﺮ
ﺿﻠﺖ ﻫﻲ ﺣﺎﻃﻪ ﺍﻳﺪﻱ ﻋﻠﻰ ﺭﺍﺳﻲ ﻭﺍﻟﺜﺎﻧﻴﻪ ﻋﻠﻰ ﺟﺘﻔﻲ ﻭ
ﺍﻃﺒﻄﺐ ﺑﺨﻔﻪ ﻋﻠﻴﻪ
ﺣﻀﻨﻬﺎ ﻛﻠﻪ ﺑﺎﺩﻭﺏ ﻛﻔﻪ ﺭﺍﺳﻲ ﻫﻴﺞ .. ﺣﺴﻴﺖ ﺑﻤﺴﺘﻘﺮ ﻭﺍﻣﺎﻥ
ﻭﻃﻤﻌﺖ ﺍﺿﻞ ﺑﻲ ﺍﻛﺜﺮ ﻭﻃﻮﻟﺖ ﺑﻬﺎﻟﻨﻮﻣﻪ .. ﻭﻫﻲ ﻣﺎ ﺣﺠﺖ
ﻭﻻ ﺣﺮﻑ ..
ﻟﺤﺪ ﺍﺭﺗﺨﻰ ﺟﺴﻤﻲ ﻓﺪ ﻣﺮﻩ ﻭﺧﺮﺕ ﻣﻨﻬﺎ ﻭﺑﺎﻭﻋﺘﻠﻬﻪ ﻭﺍﺑﺘﺴﻤﺖ
ﻫﻲ ﺍﺑﺘﺴﻤﺖ ﻭﺩﺍﺭﺕ ﻋﻴﻨﻬﻪ .. ﻛﺘﻠﻬﻪ
- ﺷﻜﺮﺍً
ﻋﻘﺪﺕ ﺣﻮﺍﺟﺒﻬﻪ ﺑﺘﺴﺎﺅﺍﻝ
- ﻻﻥ ﺍﻧﻄﻴﺘﻴﻨﻲ ﻫﺎﻟﻬﺪﻭﺀ ﻫﺬﺍ
- ﺍﻧﻲ ﻣﺎﺳﻮﻳﺖ ﺷﻲ ﺍﻧﺘﻪ ﺍﻟﻲ ﺍﺧﺬﺗﻪ
ﺿﺤﻜﻨﻪ ﻭﻛﺘﻠﻬﻪ ..
- ﺭﺍﺡ ﺍﻧﺎﻡ ﺍﻧﺘﻲ ﺗﻐﺪﻱ ﺍﻧﻲ ﻣﺎﺷﺘﻬﻲ
- ﻣﺎﺷﻲ ﻧﻮﻡ ﺍﻟﻬﻨﺎ
ﺗﻐﻄﻴﺖ ﻭﺭﺟﻌﺖ ﺑﻄﻨﻲ ﺗﻬﺘﺰ ﻣﻦ ﺍﻟﻀﺤﻚ ﻉ ﺳﻮﺍﻟﻔﻬﻪ
أنت تقرأ
في قعر السجون وجدتني (منقوله)
Short Storyمنقوله للكاتبه Adzzon zoka الناقله حكمت 𝙃𝙚𝙠𝙢𝙖𝙩_𝙈_𝙝🫀
