.........ﻓﻲ ﻗﻌﺮ ﺍﻟﺴﺠﻮﻥ ﻭﺟﺪﺗُﻨﻲ
.
.
- ﻭﻳﻨﻨﻨﻨﻨﻨﻨﻨﻬﻬﻬﻬﻪ ﺍﺣﺠﻴﻴﻴﻴﻴﻲ
- ﺳﻴﺪﻱ ﺭﺍﺡ ﺍﻭﺻﻠﻚ ﻫﺴﻪ ﺑﺲ ﺧﻠﻲ ﺍﻋﺒﺮ ﻫﺎﻻﺯﺩﺣﺎﻡ ﻭﺍﻓﻬﻤﻚ
- ﺳﺠﺎﺩ ﺑﺴﺮﺭﺭﺭﺭﻋﻪ ﻻ ﺗﺨﻠﻴﻨﻲ ﻫﻴﺞ ﻣﺸﺪﻭﻩ
- ﺻﺎﺍﺍﺭ ﺳﻴﺪﻱ ﺻﺎﺍﺍﺍﺍﺭ
ﺳﺪﻳﺖ ﺍﻟﺨﻂ ﻭﺿﻠﻴﺖ ﺍﻟﻮﺏ ﻭﻋﻴﻨﻲ ﻋﻠﻰ ﺍﻟﺒﺎﺏ .. ﻟﺤﺪ ﻣﺎﻭﺻﻞ
ﺍﻧﻲ ﺻﺒﺮ ﻣﺎﺿﻞ ﺑﻴﻪ ... ﺩﻙ ﺍﻟﺒﺎﺏ ﻭﺩﺧﻞ ﺭﺃﺳﺎً ﻭﻳﻠﻬﺚ ..
- ﻫﺎﺍﺍﺍﺍﺍ ﻳﻮﻝ ﻭﻳﻨﻚ ﺳﺎﺍﺍﺍﻋﻪ ﺻﺎﺍﺍﺭﻟﻚ
- ﺍﺍﺍﺥ ﺳﻴﺪﻱ ﺍﺯﺩﺣﺎﻡ ﻭﺍﻟﻠﻪ ﺑﺎﻟﻜﻮﻩ ﻋﺒﺮﺕ
- ﺍﺣﺠﺠﺠﻲ ﻭﻳﻨﻬﻪ ﻋﺎﻳﺸﻪ ﻣﻴﺘﻪ ﻓﻬﻤﻨﻨﻨﻨﻲ
- ﻋﺎﻳﺸﻪ ﻋﺎﻳﺸﻪ .. ﺍﻛﻌﺪ ﺧﻠﻲ ﺍﺣﺠﻴﻠﻚ
- ﺳﺠﺎﺍﺍﺩ ﻻﺗﺨﺘﺒﺮ ﺻﺒﺮﻱ ﺍﺣﺠﺠﺠﻲ ﻣﻌﻠﻴﻚ ﺑﻴﻪ ﺍﻛﻌﺪ ﺍﻧﺘﻪ
- ﺍﻧﻲ ﻗﺒﻞ ﻛﻢ ﺷﻬﺮ ﻧﺰﻟﺖ ﺻﻮﺭﺗﻬﻪ ﺑﻮﺣﺪﻩ ﻣﻦ ﺍﻟﺒﻴﺠﺎﺕ ﺑﺎﻟﻔﻴﺲ
ﻫﻤﻪ ﺩﺍﺋﻤﺎً ﻳﻨﺰﻟﻮﻥ ﻓﻘﺮﺍﺕ ﻣﺴﺎﻋﺪﻩ ﻭﻫﻴﺞ ﻓﺎﻧﻲ ﻧﺰﻟﺖ ﺻﻮﺭﺗﻬﻪ
ﻭﻛﻠﺘﻠﻬﻢ ﺍﻟﻲ ﻳﻌﺮﻑ ﻣﻜﺎﻧﻬﻪ ﺍﻭ ﺷﺎﻳﻔﻬﻪ ﻳﺤﺎﺟﻴﻨﻲ ﻭﺍﻟﻪ ﻣﻜﺎﻓﺄﻩ
ﻭﻗﺒﻞ ﻛﻢ ﻳﻮﻡ ﺍﺟﻮﻧﻲ ﺍﺛﻨﻴﻦ ﻭﻟﺪ ﺭﺍﺳﻠﻮﻧﻲ ﻭﻛﺎﻟﻮ ﻫﺎﻟﺒﻨﻴﻪ ﺷﺎﻳﻔﻴﻬﻪ
ﺑﻤﺠﻤﻊ ﺍﻟﻜﻠﻴﺎﺕ ... ﻛﻠﺘﻠﻬﻢ ﺷﻨﻮ ﺷﻐﻠﺘﻬﻪ ﻫﻨﺎﻙ ﺗﺸﺘﻐﻞ ﺗﺒﻴﻊ ﺗﺪﺭﺱ
ﻓﻬﻤﻮﻧﻲ .. ﻛﺎﻟﻮ ﻃﺎﻟﺒﻪ ﻫﻨﺎﻙ ... ﺿﻠﻴﺖ ﺃﺍﻛﺪ ﻋﻠﻴﻬﻢ ﻟﺤﺪ ﻣﺎﺟﻬﺰﺕ
ﺍﻟﻔﺮﻳﻖ ﻭﻃﻠﻌﻨﻪ ﻣﻦ ﺍﻟﺼﺒﺢ ﺍﻟﻴﻮﻡ ﺑﺎﻟﺴﺒﻌﻪ ﺍﺣﻨﻪ ﻫﻨﺎﻙ ﻭﻭﺯﻋﺖ
ﻋﻠﻴﻬﻢ ﺍﻟﺼﻮﺭﻩ ﻭﺭﺍﺡ ﻛﻞ ﻭﺍﺣﺪ ﻟﻘﺴﻢ ﻭﺑﻌﺪﻳﻦ ﻟﻜﻴﻨﺎﻫﻪ ﺑﻘﺴﻢ
ﺍﻟﻠﻐﺎﺕ ﻫﻨﺎﻙ ﺩﻟﻮﻧﻪ ﻋﻠﻴﻬﻪ ﺑﻨﺎﺕ ﻛﺎﻟﻦ ﺑﻘﺴﻢ ﺍﻻﻧﻜﻠﻴﺰﻱ ﺗﻠﻜﻮﻫﻪ
ﻭﺭﺣﻨﻪ ﻋﻠﻴﻬﻪ ﺑﺲ ﻣﺎﺗﻘﺮﺑﻨﻪ ﻳﻤﻬﻪ ﺿﻠﻴﺖ ﺍﺩﻗﻖ ﻋﻠﻴﻬﻪ ﻣﻦ ﺑﻌﻴﺪ
- ﺳﺠﺎﺩ ﺧﺎﻑ ﻣﺸﺘﺒﻪ ﺑﻴﻬﻪ ﻫﻨﻪ ﺍﻟﺒﻨﺎﺕ ﺑﺎﻟﻤﻜﻴﺎﺝ ﻳﺘﺸﺎﺑﻬﻦ
- ﻻﺍ ﺳﻴﺪﻱ ﺍﻧﻲ ﺿﻠﻴﺖ ﺑﺎﻟﺮﺑﻊ ﺳﺎﻋﻪ ﺍﺩﻗﻖ ﺑﻮﺟﻬﻪ ﻭﺑﺎﻟﺼﻮﺭﻩ
ﻭﻫﻲ ﻧﻔﺴﻬﺎ ﻃﺒﻖ ﺍﻻﺻﻞ ﺑﺲ ﻛﺘﻠﻚ ﻣﺎﺭﺣﺖ ﻋﻠﻴﻬﻪ ﻛﻠﺖ ﺑﻨﻴﻪ
ﻫﺎﻱ ﻣﻮ ﻣﺎﻝ ﺍﺷﺤﻄﻬﺎ ﻭﺍﺟﻴﺒﻬﺎ ﺍﻟﻚ ﻫﻴﺞ ﻣﻦ ﻧﺺ ﺍﻟﻄﻼﺏ ﻋﻴﺐ
ﺳﻤﻌﻪ ﻫﺎﻱ .. ﻭﺿﻠﻴﺖ ﺍﺭﺍﻗﺒﻬﻪ ﻟﺤﺪ ﻣﺎﻃﻠﻌﺖ ﻣﻦ ﺍﻟﻜﻠﻴﻪ ﻭﺧﻠﺺ
ﺍﻟﺪﻭﺍﻡ ﺑﺲ ﺭﺑﻚ ﺟﺎﺏ ﺍﻫﻞ ﺍﻟﺨﻄﻮﻁ ﻭﺳﺪﻭ ﺍﻟﺸﺎﺭﻉ ﻭﺗﺎﻫﺖ ﺍﻟﺒﻨﻴﻪ
ﻣﺪﺭﻱ ﻭﻳﻦ ﺭﺍﺣﺖ ﻛﻠﺒﺖ ﺍﻟﺪﻧﻴﺎ ﻣﺎﻛﻮ ﺗﺒﺨﺮﺕ
- ﺧﺮﺭﺭﺭﺭﺭﺭﺭﺭﺭﺏ ﺑﺴﺎﻋﻪ ﺍﻟﺴﻮﺩﻩ ﻟﻚ ﻟﻴﻴﻴﻴﺶ ﻟﻴﻴﻴﻴﻴﺶ
ﻣﻦ ﺗﻮﺻﻞ ﻟﻠﺤﻠﻚ ﺗﻮﻭﻭﻭﻛﻊ ﻳﻨﻌﻠﻠﻠﻠﻠﻚ ﻳﺎﻟﺸﻴﻄﺎﺍﺍﺍﻥ .... ﻭﻫﺴﺴﺴﻪ
ﺷﻠﻮﻭﻭﻭﻭﻥ ﺍﺫﺍ ﺣﺴﺖ ﻋﻠﻴﻜﻢ ﻭﺍﺧﺘﻔﺖ ﻣﺮﻩ ﺛﺎﻧﻴﻴﻴﻪ ﻫﺎﺍﺍﺍ ﺷﺴﻮﻱ
- ﻻ ﺳﻴﺪﻱ ﻻ ﺣﺴﺖ ﻋﻠﻴﻨﻪ ﻭﻻ ﺷﻲ ﻛﺘﻠﻚ ﻣﺎﻭﺻﻠﺖ ﻳﻤﻬﻪ ﺿﻠﻴﺖ
ﺍﺑﺎﻭﻋﻠﻬﻪ ﻣﻦ ﺑﻌﻴﺪ ﻭﺑﺮﺍﻫﻪ ﻟﺤﻜﺘﻬﻪ ﻫﻢ ﺑﺪﻭﻥ ﻣﺎﺧﻠﻴﻬﻪ ﺗﺤﺲ
ﺑﺎﺟﺮ ﻧﺮﻭﺡ ﻋﻠﻰ ﻫﺎﻟﻤﻜﺎﻥ ﻭﺍﺷﻮﻓﻚ ﺍﻳﺎﻫﻪ
- ﺍﺍﺍﺍﺍﺍﺍﺍﺍﺍﺥ ﻟﻚ ﺷﻴﺼﺒﺮﻧﻨﻨﻲ ﻟﺒﺎﺟﺮ ،،، ﻻﻧﻌﻞ ﻋﺸﻴﺮﻩ ﺍﻟﺨﻠﻔﻮﺝ
ﻳﺎﺍﺍﻫﺒﻪ ﺑﺲ ﺧﻠﻲ ﺍﺷﻮﻓﺞ ﺑﺴﻴﻴﻴﻄﻪ ﺑﺴﻴﻴﻴﻴﻄﻪ ﻳﺎﻫﺒﻪ ﻻﻃﻠﻊ ﻫﺎﻻﻳﺎﻡ
ﻣﻦ ﻋﻴﻮﻭﻭﻭﻧﺞ ،، ﺭﻭﺡ ﻫﺴﻪ ﺍﺭﺗﺎﺡ
.
.- ﺣﺎﺿﺮ ﺳﻴﺪﻱ
ﺿﻠﻴﺖ ﺍﻓﺘﺮ ﺑﺎﻟﻤﻜﺘﺐ ﻭﺭﺍﺳﻲ ﻣﺒﻮﺥ ﻣﻦ ﺍﻟﻌﺼﺒﻴﻪ ﺭﺣﺖ ﻓﺘﺤﺖ
ﺍﻟﺒﻮﺭﻱ ﻭﺧﻠﻴﺖ ﺭﺍﺳﻲ ﺟﻮﺍﻩ ﺿﻞ ﻳﻨﺰﻝ ﺍﻟﻤﻲ ﺍﻟﺒﺎﺭﺩ ﻋﻠﻰ ﺭﺍﺳﻲ
ﻭﻭﺟﻬﻲ ﻟﺤﺪ ﻣﺎﺍﺭﺗﺎﺣﻴﺖ ﺷﻮﻳﻪ ﻭﺧﺮﺕ ﻭﻛﻌﺪﺕ ﺍﻧﺸﻒ ﺑﺸﻌﺮﻱ
ﻭﺿﻠﻴﺖ ﺻﺎﻓﻦ ﺷﻠﻮﻥ ﺣﻜﻀﻲ ﻫﺎﻟﻠﻴﻠﻪ ﺍﺗﺨﺒﻞ ﺍﺫﺍ ﺍﺿﻞ ﻫﻴﺞ
ﺟﺎﻥ ﻋﻨﺪﻱ ﻗﻀﻴﻪ ﺟﺪﻳﺪﻩ ﻭﺭﺣﺖ ﺩﺯﻳﺖ ﻋﻠﻴﻬﻪ ﻟﻐﺮﻓﻪ ﺍﻟﺘﺤﻘﻴﻖ
ﻭﻃﻠﻌﺖ ﻛﻞ ﻧﺎﺭﻱ ﺑﻴﻬﻪ ﻭﺧﻠﻴﺘﻬﻪ ﺗﻜﺖ ﺍﻻﻭﻝ ﻭﺍﻟﺘﺎﻟﻲ ..
ﺭﺟﻌﺖ ﻛﻌﺪﺕ ﺍﻛﺘﺐ ﻭﺍﺭﺗﺐ ﺑﺎﻟﺤﺠﻲ ﻟﺤﺪ ﺍﻟﻠﻴﻞ ﻳﻼ ﻃﻠﻌﺖ ﻣﻦ
ﺍﻟﻤﺮﻛﺰ .. ﺭﺣﺖ ﻟﻠﺒﻴﺖ ﻭﺳﺒﺤﺖ ﻭﺿﻠﻴﺖ ﻛﺎﻋﺪ ﺍﻛﻞ ﺑﺲ ﻧﺎﺭ
ﺍﻟﻲ ﺑﻜﻠﺒﻲ ﻣﺎﺍﻧﻄﻔﺖ ﻭﺍﻋﺼﺎﺑﻲ ﻣﻔﻮﺭﻩ .. ﻟﻮ ﺗﻮﻛﻒ ﺫﺑﺎﻧﻪ ﻋﻠﻰ
ﺧﺸﻤﻲ ﺍﻋﺎﺭﻛﻬﻪ ...
ﺿﻠﻴﺖ ﺍﺩﺧﻦ ﺑﺎﻟﻜﺮﺍﺝ ﻟﻨﺺ ﺍﻟﻠﻴﻞ ﻳﻼ ﺭﺣﺖ ﻧﻤﺖ .. ﻭﻣﻦ ﺍﻟﻔﺠﺮ
ﻛﻌﺪﺕ ﻟﺒﺴﺖ ﻭﺗﻌﻄﺮﺕ ﻭﺍﺧﺬﺕ ﺍﻟﺴﻼﺡ ﻭﺍﻟﻤﺤﻔﻈﻪ ﻭﺗﻠﻔﻮﻧﺎﺕ
ﻭﻃﻠﻌﺖ ﻟﻠﻤﺮﻛﺰ ... ﺳﻠﻤﺖ ﺍﻟﺸﻐﻞ ﻣﺎﻝ ﺑﺎﺭﺣﻪ ﻭﺍﺳﺘﺄﺫﻧﺖ ﻭﻟﻜﻴﺖ
ﺳﺠﺎﺩ ﻣﻨﺘﻈﺮﻧﻲ ﻳﻢ ﺍﺣﻤﺪ ..
ﻃﻠﻌﺖ ﺍﻣﺸﻲ ﻣﺴﺘﻌﺠﻞ ﻣﻦ ﺍﻟﻤﺮﻛﺰ ﻭﺻﺤﺘﻠﻪ ..
- ﺍﻣﺸﻲ ﻳﻼﺍﺍ ﺑﺎﻟﻌﺠﻞ
ﻛﺒﻞ ﺻﻌﺪﻧﺎ ﺑﺎﻟﺴﻴﺎﺭﺍﺕ ﻭﺗﺤﺮﻛﻨﺎ ﺟﺎﻥ ﺍﻟﻄﺮﻳﻖ ﺍﺯﺩﺣﺎﻡ ﻗﺎﻓﻞ
ﺍﻟﺴﻴﺮ ﺑﺎﻟﻨﺺ ﺳﺎﻋﻪ ﺍﺣﻨﻪ ﻭﺍﻛﻔﻴﻦ ﻭﺳﺠﺎﺩ ﻭﺍﺣﻤﺪ ﺷﺒﻌﻮ ﻣﺴﺒﻪ
ﻣﻨﻲ ﻟﺤﺪ ﻣﺎ ﺍﻧﻔﺘﺢ ﺍﻟﺴﻴﺮ ﻳﻼﺍ ﺭﺩ ﺍﻟﺪﻡ ﺑﻮﺟﻮﻫﻢ .. ﻭﺳﺠﺎﺩ ﺧﺒﺼﻪ
ﻻﺣﻤﺪ
- ﻟﻚ ﺍﻣﺸﻲ ﺍﻣﺸﻴﻴﻴﻲ ﻭﺍﻟﻠﻪ ﺍﻟﻴﻮﻡ ﻟﻮ ﻛﺎﺗﻞ ﻟﻮ ﻣﻜﺘﻮﻝ ﻳﺎﺣﻤﺪ
- ﺧﻴﺮ ﺷﻜﻮﻭﻭ
- ﺳﺠﺎﺍﺍﺍﺍﺩ ﻧﺎﻭﻱ ﻋﻠﻰ ﻣﻮﺗﻚ ﺍﻟﻴﻮﻡ
- ﻻ ﺳﻴﺪﻱ
- ﺍﻧﺠﺠﺠﺠﺐ ﻭﺍﺳﻜﺖ ﻟﻌﺪ ﺗﺮﻩ ﺍﻋﺼﺎﺑﻲ ﻓﺎﻳﺮﻩ ﻻ ﺍﻛﻀﻲ ﺑﻴﻜﻢ
ﺍﻟﺘﻮﺑﻪ ﻭﺍﻧﺘﻪ ﺍﺣﻤﺪ ﺷﺒﻴﻴﻴﻚ ﻣﺎﺗﺘﺘﺤﺮﺭﺭﺭﻙ ﻣﻮ ﺍﻟﺸﺎﺭﻉ ﻓﺮﺭﺭﻍ
- ﺳﻴﺪﻱ ﻣﺎﻛﺪﺭ ﺍﺗﺠﺎﻭﺯﻫﻢ ﺍﻟﺸﺎﺭﻉ ﻗﺎﻓﻞ
- ﻻﻧﻌﻞ ﺍﺑﻮﻛﻢ ﻳﺎﺑﻮ ﺍﻟﺸﻐﻠﻜﻤﻤﻤﻢ ﺗﺤﺮﺭﺭﻙ
ﺿﻠﻮ ﺳﺎﻛﺘﻴﻦ ﻭﺍﻧﻲ ﺍﺧﺮﺑﻂ ﺑﺎﻟﺤﺠﻲ ﻓﻮﻙ ﺭﺍﺳﻬﻢ ﻟﺤﺪ ﻣﺎﻭ ﺻﻠﻨﻪ
ﺍﻧﻲ ﺍﺣﺲ ﺿﻐﻄﻲ ﻓﻮﻝ ... ﻧﺰﻟﻨﻪ ﻭﻭﻳﺎﻱ ﺍﻟﺤﻤﺎﻳﻪ ﺷﻮﻓﺖ ﺍﻟﺒﺎﺟﺎﺕ
ﻟﻠﺤﺮﺱ ﻭﻫﻤﻪ ﻣﺎﺣﺠﻮ ﺷﻲ ﻛﺒﻞ ﻭﺧﺮﻭ ﻋﻦ ﻃﺮﻳﻘﻨﻪ ﻭﺩﺧﻠﻨﻪ
ﺟﺎﻧﺖ ﺍﻟﻜﻠﻴﻪ ﻫﺪﻭﺀ ﺭﺣﺖ ﻟﺰﻣﺖ ﺳﺠﺎﺩ ﻣﻦ ﻳﺎﺧﺘﻪ ..
- ﻫﺎﺍﺍﺍ ﻭﻳﻨﻬﻪ ﺷﻮ ﺍﻟﻜﻠﻴﻪ ﻓﺎﺭﻏﻪ
- ﺳﻴﺪﻱ ﺩﻧﻄﻴﻨﻲ ﻣﺠﺎﻝ ﺭﺣﻤﻪ ﻻﻫﻠﻚ
- ﺍﻧﻄﻴﺘﻚ ﺳﻨﻪ ﺗﻜﻤﻴﻞ ﻣﺠﺎﻝ ﺍﻣﺸﻲ ﺭﻭﺡ ﺷﻮﻓﻠﻲ ﻭﻳﻦ ﻭﻟﺖ
- ﺻﺎﺭ
ﺭﺍﺡ ﻭﻳﺎﻩ ﻛﻢ ﻭﺍﺣﺪ ﻭﺍﻧﻲ ﺿﻠﻴﺖ ﻭﻳﻪ ﺍﻟﺒﻘﻴﻪ ﺍﻓﺘﺮ ﻭﺟﻜﺎﺭﺗﻲ ﻣﺎﻧﺰﻟﺖ
ﻣﻦ ﺍﻳﺪﻱ ﻭﺍﺭﻭﺡ ﻭﺍﺟﻲ ﻟﺤﺪ ﻣﺎﺭﺟﻊ ﺳﺠﺎﺩ ...
- ﻫﺎﺍﺍﺍ
- ﺳﻴﺪﻱ ﻛﺎﻟﻮ ﺍﻛﻮ ﺍﻣﺘﺤﺎﻥ ﻋﺪﻫﻢ ﻣﺎﻝ ﻧﺺ ﺍﻟﺴﻨﻪ ﻭﺑﺎﻟﻘﺎﻋﺎﺕ ﻫﺴﻪ
ﺷﻮﻛﺖ ﻳﻄﻠﻌﻮﻥ
- ﻛﺎﻟﻮ ﺑﺎﻟﻌﺸﺮﻩ ﻳﺒﺪﻭﻥ ﻳﻄﻠﻌﻮﻥ
- ﺩﻳﻼ ﻧﻨﺘﻈﺮ ﺳﺎﻋﻪ ﻣﻮ ﻣﺸﻜﻠﻪ ﻫﻲ ﺿﻠﺖ ﻋﻠﻰ ﻫﺎﻟﺴﺎﻋﻪ ﺍﻧﺘﻈﺮ
ﺭﺣﺖ ﻛﻌﺪﺕ ﻋﻠﻰ ﻭﺣﺪﻩ ﻣﻦ ﺍﻟﻤﺴﻄﺒﺎﺕ ﻭﺍﻟﻮﻟﺪ ﻳﻔﺘﺮﻭﻥ ﻣﻨﺎ ﻭﻣﻨﺎ
ﺟﺎﺑﻮﻟﻲ ﺟﺎﻱ ﻭﺻﺮﺕ ﺍﺷﺮﺏ ﻭﺍﺩﺧﻦ ﻟﺤﺪ ﻣﺎ ﺷﻔﺖ ﺍﻟﻄﻼﺏ
ﺑﺪﻭﺍ ﻳﻄﻠﻌﻮﻥ ... ﻭﺷﻮﻳﻪ ﺷﻮﻳﻪ ﺍﻧﻤﻠﺖ ﺍﻟﺤﺪﻳﻘﻪ ﺑﻴﻬﻢ ﻭﻫﺒﻪ ﻣﺎﺷﻔﺘﻬﻪ
- ﺳﺠﺎﺍﺍﺍﺍﺍﺍﺍﺩ ﻭﻳﻦ ﺻﺎﺭﺕ ﻫﺎﺍﻱ ﻣﻮ ﻫﺎﻟﺼﺨﺎﻳﻢ ﻛﻠﻬﻪ ﻃﻠﻌﺖ
- ﺳﻴﺪﻱ ﺑﺲ ﺍﺻﺒﺮ ﺷﻮﻳﻪ ﻫﺴﻪ ﺍﺷﻮﻓﻬﻪ ﻭﻳﻨﻬﻪ
- ﺗﺤﺮﻙ ﻳﻼﺍﺍ
ﺿﻠﻴﺖ ﺍﺭﻭﺡ ﻭﺍﺟﻲ ﻭﺍﻓﺮﻙ ﺑﻮﺟﻬﻲ ﻭﺟﻜﺎﺭﺗﻲ ﺑﺎﻳﺪﻱ ﻭﺟﺎﻥ
ﻳﺪﻙ ﺗﻠﻔﻮﻧﻲ ﺷﻔﺘﻪ ﺳﺠﺎﺩ ﺭﺃﺳﺎ ﺟﺎﻭﺑﺘﻪ ..
- ﻭﻳﻨﻬﻪ
- ﺳﻴﺪﻱ ﺗﺤﺮﻙ ﺍﺭﺑﻊ ﺧﻄﻮﺍﺕ ﻟﻠﻴﻤﻨﻪ
- ﺍﻱ ﻭﻳﻨﻬﻪ
- ﻫﺬﻳﺞ ﻻﺑﺴﻪ ﺷﺎﻝ ﻭﺭﺩﻱ ﻣﺸﺠﺮ
ﺿﻠﺖ ﻋﻴﻨﻲ ﺍﺩﻭﺭﻫﻪ ﻭﺷﻔﺘﻬﻪ ﺭﺍﺳﺎً ﺍﻧﻄﻴﺖ ﺍﻟﺘﻠﻔﻮﻥ ﻟﻠﻮﻟﺪ ﺍﻟﻲ
ﻭﻳﺎﻱ ﻭﺭﺣﺘﻠﻬﻪ ﺟﺎﻧﺖ ﻻﺯﻣﻪ ﺍﻭﺭﺍﻕ ﺑﺎﻳﺪﻫﻪ ﻭﻗﻠﻢ ﻭﺩﺗﺄﺷﺮ ﻭﺗﺤﺠﻲ
ﻭﻳﻪ ﻭﻟﺪ ﻭﺑﻨﻴﻪ ﻭﻳﺴﻮﻟﻔﻮﻥ ﺳﻮﻩ ...
ﺭﺣﺖ ﻣﺸﻴﺖ ﺑﺴﺮﻋﻪ ﺍﻟﻬﻪ ﻭﻭﻛﻔﺖ ﻳﻤﻬﻪ ﻭﺣﻄﻴﺖ ﺍﻳﺪﻱ ﻋﻠﻰ
ﺟﺘﻒ ﺍﻟﻮﻟﺪ ﻭﺑﻌﺪﺗﻪ ﻫﻮ ﻧﺘﺮ ﺑﻴﻪ ﺭﺃﺳﺎً ..
- ﻫﻴﻲ ﺷﺒﺒﺒﻴﻚ
ﺍﺷﺮﺕ ﻳﺎﺧﺬﻭﻩ ﻋﻠﻰ ﺟﻬﻪ ﻭﺍﺟﻮﻱ ﺍﺛﻨﻴﻦ ﺳﺤﺒﻮﻩ ﻋﻠﻰ ﺻﻔﺤﻪ
ﻭﺍﺛﻨﻴﻦ ﺿﻠﻮ ﺑﺼﻔﻲ ﻭﻫﺒﻪ ﻋﻠﻰ ﻧﻔﺲ ﻭﻛﻔﺘﻬﻪ ﻭﺻﺎﻓﻨﻪ ﺑﻮﺟﻬﻲ
ﻭﺻﺪﻳﻘﺘﻬﻪ ﺗﺒﺎﻭﻋﻠﻲ ﻭﺗﺮﺟﻊ ﺗﺒﺎﻭﻋﻠﻬﻪ ﺗﻘﺪﻣﺖ ﻭﺻﺮﺕ ﻛﺪﺍﻣﻬﻪ
ﻭﺣﻄﻴﺖ ﺍﻳﺪﻱ ﻭﺭﻩ ﻇﻬﺮﻱ ﻭﺷﺪﻳﺖ ﺻﺪﺭﻱ ﻭﻋﻴﻨﻲ ﺑﻌﻴﻨﻬﻪ
ﺭﻓﻌﺘﻠﻬﻪ ﺣﻮﺍﺟﺒﻲ ﻣﺜﻞ ﻗﺒﻞ ﻫﻲ ﺍﺑﺘﺴﻤﺖ .. ﺍﻧﻲ ﻫﻨﺎ ﻃﻔﺖ ﻛﻞ
ﻧﺎﺭﻱ ﻭﺻﺮﺕ ﻣﺨﺒﻮﺹ ﺷﻜﺪ ﺣﻀﺮﺕ ﻟﻬﺎﻟﺤﻀﻪ ﺑﺲ ﻫﺴﻪ
ﻣﺎﻋﺮﻓﺖ ﺷﺴﻮﻳﻠﻬﻪ ﺟﻨﺖ ﻧﺎﻭﻱ ﺍﻟﺰﻣﻬﻪ ﺍﻛﺴﺮ ﺿﻠﻮﻋﻬﻪ ﺑﺲ
ﺑﻌﺪ ﻫﺪﺋﺖ ﻭﺭﺍﺣﺖ ﻫﺎﻻﻓﻜﺎﺭ ... ﺿﻠﻴﺖ ﺍﺑﺎﻭﻋﻠﻬﻪ ﻭﻣﺮﻛﺰ ﺑﺸﻜﻠﻬﻪ
ﺿﻌﻔﺎﻧﻪ ﻭﻣﻜﻴﺎﺟﻬﻪ ﺑﺴﻴﻂ ﻋﻠﻰ ﻛﺪ ﻛﺤﻠﻪ ﻭﺣﻤﺮﻩ ﺧﻔﻴﻔﻪ ﻭﻋﻴﻮﻧﻬﻪ
ﻣﺒﻴﻦ ﻋﻠﻴﻬﻪ ﺍﻟﺘﻌﺐ ﺟﺎﻧﺖ ﻻﺑﺴﻪ ﺑﻨﻄﺮﻭﻥ ﻭﻛﻮﺕ ﺍﺳﻮﺩ ﻭﺷﺎﻝ
ﻭﺭﺩﻱ .... ﺑﺪﻭﻥ ﺍﻱ ﻛﻼﻡ ﺑﻴﻨﻪ ﺍﻛﺘﻔﻴﺖ ﺑﺎﻟﻨﻈﺮﺍﺕ ﻭﺍﻻﺑﺘﺴﺎﻣﻪ
ﺟﺮﻳﺖ ﺍﻟﻘﻠﻢ ﻣﻦ ﺍﻳﺪﻫﻪ ﻭﺷﻜﻠﺘﻪ ﺑﺎﻻﻭﺭﺍﻕ ﻭﻫﻲ ﺗﺒﺎﻭﻉ ﻟﺤﺮﻛﺘﻲ
ﻭﻋﻴﻮﻧﻬﻪ ﺗﻠﻤﻊ ﺣﺘﻰ ﻣﺎﺑﻄﻠﺖ ﺗﺒﺘﺴﻢ ..
ﺍﺩﻧﻴﺖ ﻳﻤﻬﻪ ﻛﻠﺶ ﻭﻋﺪﻟﺖ ﻛﻮﺗﻬﻪ ﻭﺷﺎﻟﻬﻪ ﻭﻛﻞ ﺍﻟﻄﻼﺏ ﺗﺒﺎﻭﻋﻠﻨﻪ
ﻭﻫﺬﺍﻙ ﺍﻟﻮﻟﺪ ﻛﺎﻡ ﻳﺰﺍﻣﻂ ..
- ﻭﺧﺮ ﺍﻳﺪﻙ ﻣﻨﻬﺎ ﺷﺤﺎﺳﺐ ﻧﻔﺴﻚ ﻫﺎﺍﺍ
- ﻭﻻﺍﺍ ﻧﻔﺲ ﻓﻬﻤﻤﺖ
- ﻣﻨﻮ ﺍﻧﺘﻪ ﺩﺗﺴﻜﺘﻨﻲ ... ﻫﺒﻪ ﺗﻌﺮﺭﺭﻓﻲ ﻣﻨﻮ ﻫﺬﺍ
ﺭﺍﺩﺕ ﺗﺤﺠﻲ ﺍﺷﺮﺗﻠﻬﻪ ﺗﺴﻜﺖ ﻭﺭﺣﺖ ﺣﻄﻴﺖ ﺍﻳﺪﻱ ﻋﻠﻰ ﺟﺘﻔﻪ
ﻭﺍﻟﻮﻟﺪ ﺑﻌﺪﻫﻢ ﻻﺯﻣﻲ ﻛﻠﺘﻠﻪ ..
- ﺍﻧﺘﻪ ﺍﻟﻲ ﻣﻨﻮ ﻫﺎﺍ ﻛﻮﻟﻲ ﺑﻠﻪ ﻣﻨﻮ ﺣﻀﺮﺕ ﺟﻨﺎﺑﻚ
- ﺯﻣﻴﻠﻬﺎ ﺍﻧﻲ ﻭﻫﺎﻟﺴﻮﺍﻟﻒ ﻣﺎ ﺍﺭﺿﺎﻫﺎﺍﺍ ﻓﻬﻤﺖ ﻟﻮ ﻻﺍﺍ ﻭﻣﺮﺟﻠﺘﻚ
ﻭﺣﺮﺳﻚ ﺧﻠﻴﻬﻢ ﺍﻟﻚ ﻣﻮ ﺗﻤﺸﻴﻬﻢ ﻋﻠﻰ ﺑﻨﺎﺕ ﺍﻟﻌﺎﻟﻢ
- ﺩﻧﺠﺐ ﺍﺣﺴﻨﻠﻚ ﺍﻧﺠﺐ ﻣﺎﺗﻔﻬﻢ ﺷﻜﻮ ﻭﺗﺠﻲ ﺗﻠﻮﺹ ﺑﺤﺠﻴﻚ
ﺍﻧﺪﺍﺭﻳﺖ ﻋﻠﻰ ﻫﺒﻪ ﻭﺍﺧﺬﺕ ﺍﻳﺪﻫﻪ ﺑﻮﺳﺘﻬﻪ ﻭﺷﺒﻜﺘﻬﻪ ﺑﺎﻳﺪﻱ
ﻭﺻﺪﻳﻘﺘﻬﻪ ﺿﻠﺖ ﺗﺒﺎﻭﻉ ﻭﺣﺎﻃﻪ ﺍﻳﺪﻫﻪ ﻋﻠﻰ ﺣﻠﻜﻬﻪ ﻭﻫﺬﺍﻙ
ﻛﺎﻡ ﻳﺼﻴﺢ ﺧﺒﺼﻬﻪ ﻟﻠﺪﻧﻴﺎ ... ﻛﻠﺘﻠﻬﻪ ﺑﺼﻮﺕ ﻣﺴﻤﻮﻉ ..
- ﻳﻼ ﺑﻨﻴﺘﻲ ﻧﻤﺸﻲ
- ﺍﻱ
ﺑﺎﻭﻋﺘﻠﻪ ﻟﻠﻮﻟﺪ ﻭﺿﺤﻜﺖ ﻭﺍﺧﺬﺗﻬﻪ ﻭﻣﺸﻴﺖ ﻭﺍﻟﺤﺮﺱ ﻛﻠﻬﻢ ﻭﺭﺍﻱ
ﻭﻛﺪﺍﻣﻲ ﺧﺎﺑﺮﺕ ﺍﺣﻤﺪ ..
- ﺣﻀﺮ ﺍﻟﺴﻴﺎﺭﻩ ﻭﻭﺻﻲ ﺳﺠﺎﺩ ﻳﺤﻮﻝ ﻳﻢ ﺍﻟﻮﻟﺪ
- ﺣﺎﺿﺮ ﺳﻴﺪﻱ
ﺍﻣﺸﻲ ﻭﻻﺯﻡ ﺍﻳﺪﻫﻪ ﻭﻫﻲ ﺻﺎﻳﺮﻩ ﺻﻐﻴﺮﻭﻧﻪ ﺍﻛﺜﺮ ﻣﻦ ﻗﺒﻞ
ﺍﺧﺬﺗﻬﻪ ﻟﻠﺴﻴﺎﺭﻩ ﻓﺘﺤﺖ ﺍﻟﺒﺎﺏ ﻭﺻﻌﺪﺕ ﻭﺭﺍﻫﻪ ﺍﻧﻲ ﺻﻌﺪﺕ
ﺑﺎﻭﻋﺘﻠﻬﻪ ﻭﺯﻓﺮﺕ ﺍﻟﻨﻔﺲ ﺑﺮﺍﺣﻪ ﻭﺿﻠﻴﺖ ﻣﻐﻤﺾ ﺍﺣﻤﺪ ﺭﺑﻲ
ﻭﺍﺷﻜﺮﻩ ﺭﺟﻌﻬﻪ ﺍﻟﻲ ... ﻛﻞ ﻣﺎﺍﺑﺎﻭﻋﻠﻬﻪ ﺍﻛﻮﻝ ﻻ ﻳﺎﻋﻤﺎﺩ ﻫﺎﻱ
ﺣﻘﻴﻘﻪ ﻣﻮ ﺣﻠﻢ ﺻﺪﻙ ﺻﺪﻙ ...
ﺑﺎﻭﻋﺘﻠﻲ ﻭﻛﺎﻟﺖ ﺑﻬﺪﻭﺀ ..
- ﻭﻳﻦ ﺭﺍﻳﺤﻴﻦ
- ﺑﻜﻴﻔﺞ ﻭﻳﻦ ﺗﺮﻳﺪﻳﻦ
- ﺍﻱ ﻣﻜﺎﻥ ﺑﺲ ﻣﻮ ﺍﻟﺸﻘﻪ
- ﺍﺣﻤﺪ ﺍﻃﻠﻊ ﻋﻠﻰ ﺍﺑﻮ ﻧﺆﺍﺱ
ﺿﻠﺖ ﺗﺒﺎﻭﻋﻠﻲ ﻭﺳﺎﻛﺘﻪ ﻭﺍﻧﻲ ﻫﻢ ﻣﺎﺭﺩﺕ ﺍﺣﺠﻲ ﺷﻲ ﻛﺪﺍﻡ ﺍﺣﻤﺪ
ﻭﺍﺻﻼً ﻛﻞ ﺣﺠﻲ ﻣﺎ ﺑﺎﻟﻲ ﺗﺒﺨﺮ ﻛﻠﺸﻲ ﻣﻦ ﻋﻘﻠﻲ ﺑﺴﺎﻋﻪ ﺍﻟﺸﻔﺘﻬﻪ
ﻭﺻﻠﻨﻪ ﺍﺑﻮ ﻧﺆﺍﺱ ﻭﻧﺰﻟﻨﻪ ﻟﻠﺤﺪﺍﺋﻖ ﻭﺿﻠﻴﻨﻪ ﻧﺘﻤﺸﻰ ﺳﺎﻛﺘﻴﻦ
ﻭﺍﻟﻮﻟﺪ ﻭﺭﺍﻧﻪ ﺣﺴﻴﺘﻬﻪ ﻣﺘﻀﺎﻳﻘﻪ ﻣﻨﻬﻢ ﺻﺤﺖ ﻟﻮﺍﺣﺪ ﻣﻨﻬﻢ
- ﺳﻴﻒ ﺍﺑﻘﻰ ﺍﻧﺘﻪ ﻭﺍﻟﻮﻟﺪ ﺑﻌﻴﺪﻳﻦ ﺷﻮﻳﻪ ﺯﻳﻦ
- ﺻﺎﺍﺭ ﺳﻴﺪﻱ
ﻭﺑﻌﺪﻫﺎ ﺻﺮﻧﺎ ﻧﺘﻤﺸﻰ ﺷﻮﻳﻪ ﻭﻫﻲ ﻭﻛﻔﺖ ﻭﺭﻓﻌﺖ ﺭﺍﺳﻬﻪ ﺗﺒﺎﻭﻋﻠﻲ
ﻭﺍﻟﺸﻤﺲ ﺑﻌﻴﻨﻬﻪ ﺿﻠﺖ ﺣﺎﻃﻪ ﺍﻳﺪﻫﻪ ﻋﻠﻰ ﻋﻴﻮﻧﻬﻪ ﻭﻛﺎﻟﺘﻠﻲ ..
- ﺷﻠﻮﻥ ﻋﺮﻓﺖ ﺍﻧﻲ ﻫﻨﺎ
- ﻫﻬﻬﻬﻪ ﺗﺴﺄﻟﻴﻨﻲ ﺍﻧﻲ ﻫﺎﻟﺴﺆﺍﻝ ﻣﻌﻘﻮﻭﻝ
- ﻳﻼ ﻣﻮ ﻣﻬﻢ
- ﺍﻧﺘﻲ ﻭﻳﻦ ﺟﻨﺘﻲ ﻫﺒﻪ ﻟﻴﺶ ﺳﻮﻳﺘﻲ ﺑﻴﻪ ﻫﻴﺞ ﻫﺎﺍﺍﺍ ﺑﺎﻭﻋﻴﻠﻲ ﻓﻬﻤﻴﻨﻲ
ﻟﻴﻴﻴﺶ
ﺍﺣﺎﺟﻴﻬﻪ ﻭﻫﻲ ﺳﺎﻛﺘﻪ ﻭﺩﺍﻳﺮﻩ ﻋﻴﻨﻬﺎ ﻋﻨﻲ ﺑﻌﺪ ﻣﺎﺗﺤﻤﻠﺖ ﺍﺳﻜﺖ ..
- ﻳﻌﻨﻲ ﺍﻧﺘﻲ ﻣﺎﺗﻔﻜﺮﻳﻦ ﺑﻴﻪ ﻫﺎﺍﺍﺍﺍ ﻣﺎﺗﻜﻮﻟﻴﻦ ﺍﺷﻮﻑ ﺷﺒﻲ ﻣﺎﺑﻲ
ﻣﻦ ﺗﻄﻠﻌﻴﻦ ﻫﻴﺞ ﻭﺗﺨﻠﻴﻨﻲ ﺑﺤﻴﺮﺗﻲ ﺷﻜﻠﺘﻲ ﻟﺮﺑﺞ ،، ﻟﺠﺠﺠﺞ ﻫﺒﻪ
ﺷﻬﻮﻭﻭﻭﺭ ﻭﺍﻧﻲ ﺿﻜﺖ ﺍﻟﻤﺮ ﺑﻐﻴﺎﺑﺞ ﺟﺮﻋﺘﻪ ﻗﻄﺮﻩ ﻗﻄﺮﻩ
ﻭﺍﺣﺎﺟﻴﺞ ﻭﺍﻋﺘﺬﺭﻟﺞ ﻭﺷﻠﻮﻥ ﺭﺩ ﺗﺮﺩﻳﻦ ﻋﻴﻨﻲ ﻓﻬﻤﻤﻤﻴﻨﻲ ﻟﻴﻴﺶ
ﻫﺎﻟﺸﻜﻠﻠﻠﻞ ﺗﺴﻮﻭﻭﻳﻦ ﺑﻴﻴﻴﻴﻪ ﻓﻬﻤﻴﻨﻲ ،،، ﻫﺎﻟﻌﺬﺍﺏ ﻛﻠﻪ ﻋﻴﺸﺘﻴﻨﻲ ﺑﻲ
ﺳﻨﻪ ﻫﺒﻪ ﺳﻨﻪ ﻭﺍﻧﻲ ﺍﺗﻠﻮﻉ ﻭﺍﺗﻌﺬﺏ ﻣﻦ ﺑﺮﻩ ﺣﺒﺞ
- ﻫﺎﺍﺍ ﺗﻜﻠﻲ ﻣﺘﻌﺬﺏ ﻣﻮﻭﻭ .. ﻣﺘﻌﺬﺏ ﺍﻱ ﻣﺘﻌﺬﺏ ﻭﻳﻦ ﻣﺘﻌﺬﺏ
ﺑﻴﺘﻚ ﺍﻟﻤﺮﺗﺐ ﻭﺩﻻﻝ ﻣﺮﺗﻚ ﻭﺍﻫﻠﻚ ﻭﺣﺮﺳﻚ ﻣﻮﻭﻭ ﺑﺴﻔﺮﻙ
ﻭﺳﻴﺎﺭﺗﻚ ﺍﻟﻤﻜﻴﻔﻪ ﻣﺘﻌﺬﺏ ﻫﺎﺍﺍ ﻛﻮﻟﻲ ﻫﻨﺎﺍﺍ ﻣﺘﻌﺬﺏ ﻛﻮﻭﻭﻝ
- ﻫﺒﻪ
- ﺷﻨﻮ ﻫﺒﻪ ﺷﻨﻮ .. ﺷﺘﻌﺮﻑ ﺍﻧﺘﻪ ﻣﻦ ﺍﻟﻌﺬﺍﺏ ﻫﺎﺍﺍ ﻛﻮﻟﻲ ﻟﻴﺶ
ﺍﻧﺘﻪ ﺭﺣﺖ ﻋﻠﻰ ﺍﻫﻠﻚ ﻭﻳﻄﺮﺩﻭﻙ ﻣﻦ ﺍﻟﺒﺎﺏ ﺟﻨﻬﻢ ﻳﺸﻮﻓﻮﻥ
ﻭﺍﺣﺪ ﻣﻦ ﺍﻟﻤﺠﺎﺩﻱ ﻭﺍﻛﻒ ﻋﻠﻰ ﺑﺎﺑﻬﻢ ﻣﻮ ﺷﺮﻓﻬﻢ ﻭﻣﻦ ﻟﺤﻤﻬﻢ
ﻟﻮ ﺗﺼﺪﻗﺖ ﻋﻠﻴﻚ ﺍﻟﻨﺎﺱ ﺑﻠﻜﻤﻪ ﻭﻟﺒﺴﻪ ﻫﺎﺍﺍ ﺍﺣﺠﻲ ﺷﺎﻳﻒ ﻫﺎﻟﻌﺬﺍﺏ
ﺷﺎﺍﺍﻳﻒ ﺣﺮ ﺍﻟﺼﻴﻒ ﺑﻨﺺ ﺍﻟﺸﺎﺭﻉ ﺷﻠﻮﻧﻪ ﻧﺎﻳﻢ ﻋﻠﻰ ﻛﺮﺍﺗﻴﻦ
ﺑﻴﻦ ﺍﻟﺒﻴﻮﺕ ﺗﺤﺘﻤﻲ ﺑﻀﻠﻬﺎ ﻫﺎﺍﺍﺍﺍ ﺍﺣﺠﺠﺠﺠﻲ ﻟﻴﺶ ﺳﻜﺘﺖ ﻣﻮ ﻣﺘﻌﺬﺏ ﻭﺗﻌﺎﺗﺐ ﻭﻣﻘﻬﻮﻭﻭﺭ ﻭﻳﻦ ﻋﺬﺍﺑﻚ ... ﻛﻮﻟﻲ ﺍﻧﺘﻪ ﻫﻢ ﺗﺠﻮﻉ
ﻧﻔﺴﻚ ﻭﺗﻌﻴﺶ ﻋﻠﻰ ﺍﻟﻤﻲ ﻭﻟﻜﻤﻪ ﺻﻐﻴﺮﻩ ﺍﺳﺎﺑﻴﻊ ﻭﺍﺳﺎﺑﻴﻊ ﺣﺘﻰ
ﻻ ﻳﺒﻴﻦ ﺟﺴﻤﻚ ﺣﺘﻰ ﻻ ﺗﻨﻬﺶ ﺍﻟﻨﺎﺱ ﺑﻠﺤﻤﻚ ﻛﻮﻟﻲ ﻫﻢ ﺿﻜﺖ
ﻃﻌﻢ ﺍﻟﺨﻮﻑ ﻭﺍﻧﺘﻪ ﺗﺘﻠﻔﺖ ﺑﻮﺟﻮﻩ ﺍﻟﻨﺎﺍﺍﺱ ... ﻓﻬﻤﻨﻨﻨﻨﻲ ﺍﻧﺘﻪ ﻫﻢ ﺗﺘﻤﺮﺽ ﻭﺗﻀﻄﺮ ﺗﻮﻛﻒ ﻋﻠﻰ ﺭﺟﻠﻚ ﻭﺗﺸﺘﻐﻞ ﻧﻬﺎﺭ ﻛﺎﻣﻞ ﻋﻠﻰ ﻭﻛﻔﻪ ﺍﻟﻮﺣﺪﻩ ﻭﺑﻴﻦ ﻧﺎﺱ ﻣﺎﺗﺮﺣﻢ .. ﻻﺍﺍﺍﻥ ﺗﺪﺭﻱ ﺍﻧﻚ ﺍﻥ ﻭﻛﻌﺖ
ﺗﺨﻴﺲ ﻭﺗﻤﻮﺕ ﻭﺗﺘﻌﻔﻨﻨﻨﻦ ﺑﻤﻜﺎﻧﻚ ﻭﻣﺤﺪ ﻳﺪﺭﻱ ﺑﻴﻚ ﻻﻧﻚ ﺑﻼﺍﺍ
ﺍﻫﻞ ﻭﺑﻼ ﺻﺪﻳﻖ ﻭﻻ ﺳﻨﻨﻨﺪ
ﺿﻠﺖ ﺗﺒﺠﻲ ﻭﺗﺸﻬﻚ ﻭﺍﻧﻲ ﺍﻟﺴﺎﻧﻲ ﻋﺠﺰ ﻳﺤﺠﻲ ﻛﻼﻡ ﻛﺪﺍﻡ ﻭﺿﻌﻬﺎ
- .. ﻟﻚ ﺍﻧﻲ ﻋﺸﺖ ﻣﺜﻞ ﻭﻟﺪ ﺷﻬﺮﻳﻦ ﻋﻤﺎﺍﺍﺩ ﺷﻬﺮﺭﺭﻳﻦ ﺍﻧﻲ ﻧﺎﻳﻤﻪ ﺑﻐﺮﻓﻪ ﺑﻨﺺ ﺧﻤﺲ ﻭﻟﺪ ﺍﺗﻘﺎﺳﻢ ﻭﻳﺎﻫﻢ ﺍﻟﻐﻄﻰ ﻭﺍﻟﻠﻜﻤﻪ ﻭﺍﻟﺨﻮﻑ ﻳﺎﻛﻞ ﺑﺮﻭﺣﻲ ﺍﻛﻞ ﻻﺍﻧﻜﺸﻒ ﻭﺍﻧﻬﺎﻥ ﺑﻴﻨﻬﻢ ﺷﻬﺮﻳﻦ ﺍﻧﻲ ﻣﺎﺿﻜﺖ ﻃﻌﻢ ﺍﻟﻨﻮﻡ ﺷﻠﻮﻭﻭﻧﻪ .. ﻋﻠﻰ ﺍﻻﻗﻞ ﺍﻧﺘﻪ ﻋﻨﺪﻙ ﺍﺳﻢ ﻳﻨﺎﺩﻭﻙ ﺑﻲ ﺍﻟﻨﺎﺱ
ﺍﻧﻲ ﺍﺑﺴﻂ ﺣﻘﻮﻗﻲ ﻭﻫﻮ ﺍﺳﻤﻲ ﻣﺎﺣﺼﻠﺘﻪ ﻛﻠﺸﻲ ﻳﺴﻤﻮﻧﻲ ﺍﺑﻮ
ﺍﻟﻤﻲ ﻭﺍﺑﻮ ﺍﻟﺠﺎﻱ ﻭﺍﻟﻌﺎﻣﻠﻪ ﻭﺍﻟﻴﺘﻴﻴﻴﻤﻪ ﻭﻛﻠﺸﻲ ﻛﻠﺸﻴﻴﻲ ﺍﻻ ﺍﺳﻤﻲ
ﺍﺳﻤﻲ ﻣﺎﺣﺼﻠﺘﻪ ﻣﻦ ﻫﺎﻟﺪﻧﻴﺎ ﻭﺟﺎﺍﻱ ﺗﻜﻠﻲ ﻣﺘﻌﺬﺏ ﻫﻬﻬﻬﻪ ﺣﻘﻚ ﺗﺘﻌﺬﺏ ﻻﻥ ﺍﻧﺘﻪ ﻣﻮ ﻫﺒﻪ
- ﻫﺒﻪ ﺣﺒﻴﺒﻲ ﺑﺲ ﺍﻫﺪﻱ ﻭﻭﻛﻔﻲ ﺑﺠﻲ ﺧﻠﻲ ﺍﻓﺘﻬﻢ ﺷﺼﺎﻳﺮﻟﺞ
- ﻣﺎﺻﺎﻳﺮﻟﻲ ﺷﻲ ﻋﻮﻓﻨﻲ
- ﻫﺒﺒﺒﺒﻪ ﻻ ﺗﻔﻘﺪﻳﻨﻲ ﺍﻋﺼﺎﺑﻲ ﺍﻧﻲ ﺑﻼ ﺷﻲ ﻣﺘﺨﺒﻞ ﻭﻣﺎﺿﺎﻝ ﻋﻘﻞ ﺑﺮﺍﺳﻲ ﻛﺎﻓﻲ ﻋﻠﻴﻪ ﻫﻤﺞ ﺍﻟﻲ ﺑﻜﻠﺒﻲ ﺧﻠﻲ ﺍﻓﺘﻬﻢ ﺷﺒﻴﺞ ﻭﻳﻦ ﺟﻨﺘﻲ
- ﺍﻧﻲ ﺟﻨﺖ ﺍﺻﻨﻊ ﻧﻔﺴﻲ ﻭﺑﺲ ﻫﻴﺞ
- ﻭﺗﺒﻬﺬﻟﻠﻠﻠﻴﻴﻴﻴﻨﻨﻲ ﻫﻴﻴﻴﻴﻴﺞ ﺑﺤﻴﺎﺗﻲ ﻻﻥ ﺗﺼﻨﻌﻴﻦ ﺣﻴﺎﺍﺍﺍﺍﺗﺞ
ﺟﻨﺘﺘﺘﻲ ﻛﻠﻴﻠﻲ ﻭﺍﻟﻲ ﺗﺮﻳﺪﻱ ﻳﺼﻴﺮﺭﺭﺭﻟﺞ ﻟﻴﻴﻴﺶ ﻫﻴﺞ ﺭﺣﺘﻲ
- ﻋﻤﺎﺍﺍﺩ ﺍﻧﺘﻪ ﻋﺎﻳﺶ ﺑﺤﻴﺎﻩ ﻛﺎﻣﻠﻪ ﺑﺲ ﻣﺎﻋﻨﺪﻙ ﺑﻴﻬﻪ ﻟﺬﻩ ﺑﺲ
ﺍﻧﻲ ﺟﻨﺖ ﻣﻴﺘﻪ ﺗﻔﻬﻢ ﺷﻨﻮﻭ ﻣﻴﺘﻪ ﻭﺭﺟﻌﺖ ﺍﺳﻮﻳﻠﻲ ﺣﻴﺎﻩ ﺭﺟﻌﺖ
ﺍﺻﻨﻊ ﻟﻨﻔﺴﻲ ﻓﺮﺻﻪ ﺍﻋﻴﺶ ﺑﻴﻬﻪ ﻻ ﺍﻧﺘﻪ ﻭﻻ ﺍﻟﻲ ﺟﺎﺑﻮﻧﻲ ﻟﻬﺎﻟﺪﻧﻴﺎ
ﻭﻣﺸﻮ ﻧﺼﻔﻮﻧﻲ ﻭﻻ ﺍﻟﺪﻧﻴﺎ ﺑﻨﻔﺴﻬﺎ ﻧﺼﻔﺘﻨﻲ ﻭﺍﻧﻄﺘﻨﻲ ﻟﻮ ﺣﻖ ﻭﺍﺣﺪ
ﻛﺄﻧﺴﺎﻥ ﻛﻠﻬﻪ ﺩﺍﺭﺕ ﻋﻠﻴﻪ ﻭﻇﻠﻤﺖ ﻭﻃﻐﺖ ﺑﺲ ﺍﻧﻲ ﻣﺎﺭﺩﺕ ﺍﻇﻠﻢ
ﻧﻔﺴﻲ ﺑﻌﺪﻧﻲ ﻣﺎﻋﺸﺖ ﺷﻲ ﻣﻦ ﻋﻤﺮﻱ ﺍﺻﻼ ﻣﺎﻋﺸﺖ ﺍﻟﻌﻤﺮ
ﺍﻻ ﻣﺮﻩ ﻭﺣﺪﻩ ﻭﻳﺎﻙ ﻭﺍﻧﺨﻄﻒ ﻣﻦ ﺍﻳﺪﻱ ﺑﻠﺤﻀﻪ ﻭﺭﺟﻌﺖ ﻣﻴﺘﻪ
ﺷﺘﺮﻳﺪﻧﻲ ﺍﺳﻮﻱ ﻳﻌﻨﻲ ﺍﺩﻓﻦ ﻧﻔﺴﻲ ﻭﺍﻛﻤﻞ ﺍﻟﻲ ﺑﺪﻳﺘﻮ ﻫﺎﺍﺍﺍ ﻓﻬﻤﻨﻨﻨﻲ
- ﺍﺍﺍﺍﺍﺍﺍﺍﺍﺥ ﻟﺞ ﻟﻴﻴﻴﻴﻴﻴﺶ ﺑﻌﺪ ﻛﻠﺸﻲ ﺳﻮﻳﺘﻠﺞ ﺗﻀﻠﻴﻦ ﺗﻌﺎﺗﺒﻴﻦ
ﻋﻠﻰ ﺣﺠﺎﻳﻪ ﺣﺠﻴﺘﻪ ﻣﻮ ﺑﻮﻋﻴﻴﻴﻲ ﻟﻴﻴﻴﻴﻴﺶ ﺷﺴﻮﻳﻠﺞ ﺑﻌﺪ ﻭﺗﺮﺭﺿﻴﻦ
ﺷﻴﺒﺘﻲ ﻛﻠﺒﻴﻴﻴﻴﻲ ﻫﺒﻪ ﺷﺴﻮﻭﻭﻭﻳﻠﺞ ﺑﻌﺪ ﺷﺒﻘﻰ ﺑﻴﺪﻱ ﻣﺎﺍﺳﻮﻳﺘﻪ ﻭﺍﺭﺿﻴﺞ ﺑﻲ ﻭﺍﻧﺘﻲ ﻣﻴﺒﺴﻪ ﺭﺍﺳﺞ ﻫﻴﻴﻴﻴﺞ ﻳﺎﺑﻨﺖ ﺍﻟﻨﺎﺱ ﺍﻧﻲ ﻣﺎﺭﻳﺪ
ﺍﻫﻴﻨﺞ ﻭﻻ ﺍﺿﺮﺝ ﻟﺞ ﺍﺣﺒﺞ ﺍﻓﻬﻤﻤﻤﻤﻤﻲ ﺍﻓﻬﻤﻤﻤﻲ ﺍﻧﺘﻲ ﺍﻓﻬﻤﻤﻤﻲ
ﺧﻮﻭﻭﻓﻲ ﻭﻋﺬﺍﺑﻲ ﺑﻴﺞ ﺍﻓﻬﻤﻤﻤﻲ ﺻﺒﺮﻱ ﻛﻞ ﻫﺎﻟﺸﻬﻮﺭﺭﺭ
- ﻣﺎﺍﺭﻳﺪ ﺍﻓﻬﻢ ﺷﻲ ﻭﻻ ﺍﺭﻳﺪ ﺷﻲ ﻋﻮﻓﻨﻲ ﻟﻮﺣﺪﻱ .. ﺣﻴﺎﺗﻲ ﻣﺘﻮﺍﻟﻤﻚ
ﻋﻤﺎﺩ ﺍﻧﺘﻪ ﺑﻌﻴﺪ ﻋﻦ ﻋﺎﻟﻢ ﺍﻟﻴﺘﻢ ﺍﻟﻌﺎﻳﺸﺘﻪ ﻭﻋﻤﺮﻙ ﻣﺎﺭﺍﺡ ﺗﻨﺴﻰ
ﺍﻟﻔﺮﻕ ﺑﻴﻨﻪ
- ﻫﺒﺒﺒﺒﺒﺒﻪ ﻻﺍﺍﺍ ﺗﻜﻔﺮﻳﻴﻴﻴﻨﻲ ﻫﺴﺴﺴﺴﻪ ﺷﺎﻟﺨﺮﻳﻂ ﻫﺬﺍﺍﺍ
- ﻫﺬﺍ ﺣﻘﻴﻘﻪ ﻣﺠﺎﻳﺒﺘﻪ ﻣﻦ ﺟﻴﺒﻲ ... ﻋﺎﻟﻤﻚ ﺑﻌﻴﺪ ﻋﻦ ﺑﻨﺖ ﺍﻟﺸﻮﺍﺭﻉ
ﻋﻤﺎﺩ ﻭﻻ ﺍﻫﻠﻚ ﻭﻻ ﻣﺮﺗﻚ ﻭﻻ ﺟﻬﺎﻟﻚ ﺭﺍﺡ ﻳﺘﻘﺒﻠﻮﻥ ﺟﻴﺘﻲ ﺑﻴﻨﻜﻢ
ﻓﻠﻴﺶ ﺗﻌﻴﺪ ﺍﻟﻌﺬﺍﺏ ﺍﻧﺴﻰ ﻛﻠﺸﻲ ﻭﺭﻭﺡ ﻋﻴﺶ ﺍﻧﻲ ﻣﺎﺑﻜﻠﺒﻲ ﻋﻠﻴﻚ
ﺍﻻ ﻛﻞ ﺧﻴﺮ
- ﻫﺎﺍﺍﺍﺍﺍﺍﺍ ﻫﺴﻪ ﻫﺬﺍ ﺍﻟﻄﻠﻊ ﻣﻨﺞ ﺑﻌﺪ ﻛﻞ ﻫﺎﻟﺘﻌﺐ ﺍﻧﺴﻰ ﻣﻮﻭﻭ
ﻟﺞ ﻳﺎﺛﻮﻟﻪ ﻟﻮ ﻛﺎﺩﺭ ﺍﻧﺴﻰ ﺟﺎﻥ ﻣﺎﺿﻠﻴﺖ ﺍﻧﺘﻈﺮ ﺗﻜﻠﻴﻠﻲ ﺍﻧﺘﻲ
ﻳﻌﻨﻲ ﻋﺒﺎﻟﺞ ﻃﻮﻟﺖ ﻣﺎﻟﻜﻴﺘﺞ ﻫﺎﻱ ﻧﺴﻴﺘﺞ ﻭﻋﺎﻳﺶ ﻭﻣﺮﺗﺎﺡ
ﻭﺍﻧﺘﻲ ﻫﻴﺞ ﻭﺭﻗﻪ ﻭﻛﻠﺒﺘﻬﻪ ﻣﻦ ﺣﻴﺎﺍﺍﺍﺗﻲ ﻣﻮﻭﻭﻭﻭ
ﺍﺩﺭﻱ ﺑﻴﻚ ﻣﻨﺴﻴﺘﻨﻲ ﻭﻻ ﺍﻧﻲ ﻧﺴﻴﺘﻚ ﺍﻧﺘﻪ ﺟﻨﺖ ﺍﻟﺴﺒﺐ ﺑﺎﻧﻲ
ﻋﺎﻳﺸﻪ ﻟﺤﺪ ﻫﺎﻟﻴﻮﻡ ﺍﻧﺘﻪ ﺳﺒﺐ ﺻﺮﺍﻋﻲ ﻭﻳﻪ ﺍﻟﺤﻴﺎﻩ ﺭﺍﺡ ﺍﺟﺎﺍﻭﺑﻚ
ﻟﻴﺶ ﺍﻧﻲ ﺭﺣﺖ ... ﺍﻧﻲ ﻣﺎﺭﺣﺖ ﻻﻧﻲ ﺯﻋﻼﻧﻪ ﻣﻨﻚ ﻭﻻ ﻻﻧﻚ
ﻛﺴﺮﺕ ﻛﻠﺒﻲ ﺑﺲ ﺭﺣﺖ ﺣﺘﻰ ﺍﺭﺟﻌﻠﻚ ﺑﻌﺪﻳﻦ ﻭﺍﺟﺎﻭﺑﻚ
ﺍﺟﺎﻭﺑﻚ ﺍﻧﻲ ﺷﻨﻮ ﻋﻤﺎﺩ .. ﻫﺎﻱ ﺗﻌﺒﻲ ﻭﻋﺬﺍﺑﻲ ﻭﻟﻮﻋﺘﻲ ﻛﻠﻬﺎ ﺣﺘﻰ
ﺍﺭﺟﻌﻠﻚ ﻭﺍﺷﻮﻓﻚ ﺍﻧﻲ ﺻﺮﺕ ﺷﻨﻮ ﻭﺍﻧﻲ ﻋﻜﺲ ﻣﺎﺗﻀﻦ ﺑﻴﻪ
ﻭﻟﻌﻠﻤﻚ ﺍﻧﻲ ﺟﻨﺖ ﻧﺎﻭﻳﻪ ﺍﻭﻝ ﻣﺎﺍﺧﺬ ﻧﺘﻴﺠﻪ ﻫﺎﻟﻜﻮﺭﺱ ﺍﺟﻲ ﻋﻠﻴﻚ
ﺑﺲ ﺍﻧﺘﻪ ﺳﺒﻘﺘﻨﻲ ﻭﻟﺬﻟﻚ ﻫﺴﻪ ﺭﺍﺡ ﺍﺟﺎﻭﺑﻚ ﺍﻧﻲ ﺷﻨﻮ ...
ﺍﻧﻲ ﺍﻟﺒﻨﺖ ﺍﻟﻲ ﻣﻦ ﻓﺘﺤﺖ ﻋﻴﻨﻬﺎ ﻭﻫﻲ ﻣﺴﻠﻮﺑﻪ ﺣﻴﺎﺗﻬﻪ ﺍﻧﻲ ﺍﻟﻲ
ﻋﺸﺖ ﺍﻡ ﻭﺍﻧﻲ ﻃﻔﻠﻪ ﻭﻛﺒﺮﺕ ﻭﻋﺸﺖ ﻣﺠﺮﻣﻪ ﻭﻋﺸﺖ ﺣﺒﻴﺒﻪ
ﻭﺭﺟﻌﺖ ﺑﻨﺖ ﺷﺎﺭﻉ ﻳﺘﻴﻤﻪ ﻭﺑﺪﻡ ﻛﻠﺒﻲ ﻭﻋﺮﻙ ﺟﺒﻴﻨﻲ ﺟﺒﺖ ﻟﻜﻤﺘﻲ
ﻭﻣﺎﺍﺣﺘﺎﺟﻴﺖ ﻻﺣﺪ ﻭﻣﺎﻣﺪﻳﺖ ﺍﻳﺪﻱ ﻋﻠﻰ ﺣﺮﺍﻡ ﻭﺣﺎﻓﻈﺖ ﻋﻠﻰ
ﺷﺮﻓﻲ ﻭﺍﻧﻲ ﻋﻠﻰ ﺑﻌﺪ ﺷﻌﺮﻩ ﻣﻦ ﺧﺴﺎﺭﺗﻪ ﻭﺣﺎﺭﺑﺖ ﺣﺘﻰ ﻧﻔﺴﻲ
ﻭﻭﻛﻔﺖ ﻋﻠﻰ ﺣﻴﻠﻲ ﻭﺟﻤﻌﺖ ﻓﻠﻮﺱ ﻭﺩﺭﺳﺖ ﻭﺗﻔﻮﻗﺖ ﻋﻠﻰ ﻏﻴﺮﻱ
ﻭﺻﻨﻌﺖ ﻧﻔﺴﻲ ﺑﻨﻔﺴﻲ ﻭﺑﻌﺪﻧﻲ ﻣﺎﺗﻮﻗﻔﺖ ﺑﻌﺪ ﻛﺪﺍﻣﻲ ﺍﻟﻄﺮﻳﻖ ﻃﻮﻳﻞ ﺣﺘﻰ ﺍﺻﻴﺮ ﻣﺘﺮﺟﻤﻪ ﻭﺍﺗﻐﻠﺐ ﻋﻠﻰ ﻗﺪﺭﻱ ... ﻫﺎﻱ ﺍﻧﻲ ﻋﻤﺎﺩ ﻫﺎﻱ ﻫﺒﻪ ﺍﻟﻲ ﻛﻠﺒﻚ ﻳﺤﺒﻬﺎ ﻭﻳﺮﻳﺪﻫﺎ ﻫﺎﻱ ﺍﻟﻲ ﺑﻴﻮﻡ ﻣﻨﻌﺘﻚ ﻣﻦ ﺣﻘﻚ
ﻭﺭﻓﻀﺘﻚ ﻫﺴﻪ ﺍﺣﺠﻲ ﻭﺍﻋﺘﺐ ﻋﻠﻴﻪ ﻣﻦ ﺻﺎﺭ ﺍﻟﻲ ﻛﻴﺎﻥ ﻋﺎﺗﺒﻨﻲ
ﻭﺍﺯﻋﻞ ﻋﻠﻴﻪ ﻭﻋﺎﺭﻛﻨﻲ
ﺿﻠﻴﺖ ﺻﺎﻓﻦ ﻛﺪﺍﻡ ﺣﺠﻴﻬﺎ ﻭﻣﺎﺑﻴﻦ ﻋﺼﺒﻴﺘﻲ ﻭﻣﺎﺑﻴﻦ ﺍﺷﺘﻴﺎﻗﻲ
ﺩﺧﻞ ﺍﻟﻔﺨﺮ ﺑﻴﻬﻪ ﻭﺿﺤﻜﺖ ﻭﺩﻣﻌﺖ ﻋﻴﻨﻲ ﻛﺪﺍﻣﻬﻪ ﺍﺩﺭﻱ ﺑﻴﻬﻪ
ﻋﺎﻧﺖ ﻣﺎﻋﺎﻧﺖ ﺣﺘﻰ ﻛﺪﺭﺕ ﺗﺠﺎﻭﺑﻨﻲ ﻫﺎﻟﺠﻮﺍﺏ .. ﺭﺣﺖ ﺗﻘﺮﺑﺖ
ﻋﻠﻴﻬﺎ ﻭﺣﻄﻴﺖ ﺍﻳﺪﻱ ﻋﻠﻰ ﺭﺍﺳﻬﻪ ﻭﻫﻲ ﺩﻧﻜﺖ ﺗﺒﺠﻲ ﺭﻓﻌﺖ ﺭﺍﺳﻬﻪ
ﻭﺑﺎﻭﻋﺖ ﻟﻌﻴﻨﻬﻪ ﺍﻟﻲ ﻣﻐﻮﺭﻛﻪ ﺑﺎﻟﺪﻣﻮﻉ ﻭﺑﻮﺳﺖ ﺭﺍﺳﻬﻪ ﻭﻛﻠﺘﻠﻬﻪ
- ﺗﺸﺮﻓﻴﻨﻲ ﻭﺗﺸﺮﻓﻴﻦ ﺍﺻﻠﻲ ﻭﺍﻟﻠﻪ
ﺿﻤﻴﺘﻬﻪ ﻟﺼﺪﺭﻱ ﻭﻫﻲ ﺗﺒﺠﻲ ﻭﺗﺸﻬﻚ ﻭﺍﻧﻲ ﺭﺍﺳﻲ ﺑﺮﻛﺒﺘﻬﻪ
ﻭﺍﺷﺘﻤﻬﻪ ﺍﺭﻳﺪ ﺍﺭﺟﻊ ﺭﻭﺣﻲ ﻟﺠﺴﻤﻲ ﻣﻦ ﺧﻼﻝ ﻋﻄﺮﻫﺎ ﻭﻫﻲ ﺍﻳﺪﻳﻬﻪ ﻋﻠﻰ ﺻﺪﺭﻱ ﺗﻀﺮﺏ ﺷﻮﻳﻪ ﻋﻠﻰ ﺻﺪﺭﻱ ﻭﺗﺮﺟﻊ ﺗﺘﻤﺴﻚ ﺑﻤﻼﺑﺴﻲ ﻭﺗﺒﺠﻲ ﺑﻜﻞ ﺣﺮﻛﻪ ﻛﻠﺐ ﻛﻄﻌﺖ ﻛﻠﺒﻲ ﻭﺯﺭﻓﺖ ﺭﻭﺣﻲ
ﺑﻘﻬﺮﻫﺎ ﻭﺗﻌﺒﻬﻪ ﺍﻟﻲ ﺿﺎﻣﺘﻪ ﺑﻜﻠﺒﻬﺎ ﻫﺎﻟﺴﻨﻪ ﻛﻠﻬﺎ ﺧﻠﻴﺘﻬﻪ ﺗﻬﺪﺃ ﻋﻠﻰ
ﺻﺪﺭﻱ ﻭﺍﻧﻲ ﻫﻢ ﻫﺪﺋﺖ ﺍﻋﺼﺎﺑﻲ ﻭﺍﺷﺘﻴﺎﻗﻲ ﺑﻴﻬﻪ .. ﻭﺑﻌﺪﻳﻦ ﻛﻠﺘﻠﻬﻪ
- ﺍﻧﺴﻴﺞ ﻛﻞ ﻫﺎﻟﺘﻌﺐ ﻳﺎﺭﻭﺣﻲ ﻭﻏﻼﺕ ﻋﻴﻨﺞ ﺍﻧﺴﻴﺞ ﻭﺍﻋﻮﺿﺞ
ﻋﻦ ﻛﻞ ﻳﻮﻡ ﺗﻌﺒﺘﻲ ﺑﻲ .. ﺍﻣﺸﻲ ﺧﻠﻲ ﻧﺮﻭﺡ ﻟﺸﻘﺘﻨﻪ ﻭﻧﺮﺗﺎﺡ
ﺑﻌﺪﺕ ﻋﻦ ﺻﺪﺭﻱ ﻭﻣﺴﺤﺖ ﺩﻣﻮﻋﻬﺎ ﻋﻦ ﻭﺟﻬﻬﺎ ﻭﻛﺎﻟﺘﻠﻲ
- ﻻ ﻣﺎﻧﺮﺟﻊ ﻟﻠﺸﻘﻪ
- ﻟﻴﺶ ﻫﺒﻪ ﺷﻨﻮ ﺧﺎﻳﻔﻪ ﻣﻨﻲ ﻟﻮ ﺑﻌﺪﺝ ﺯﻋﻼﻧﻪ ﻓﻬﻤﻴﻨﻲ
- ﻣﺎﺯﻋﻼﻧﻪ ﻋﻠﻴﻚ ﻭﺍﻟﻠﻪ ﻻ ﻗﺒﻞ ﻭﻻ ﻫﺴﻪ .. ﺑﺲ ﻣﺎﺭﻳﺪ ﺍﺭﺟﻊ ﻫﻨﺎﻙ
- ﻳﺎﻟﻬﻲ ﺻﺒﺮﻧﻲ ﻫﺒﻪ ﻓﺪﻭﺍ ﺍﺭﻭﺣﻠﺞ ﺗﺮﻩ ﻛﻠﺒﻲ ﺷﻌﻮﻁ ﻻ ﺗﻀﻠﻴﻦ
ﻫﻴﺞ ﺗﺤﺮﻛﻴﻦ ﺑﻴﻪ ﻓﻬﻤﻴﻨﻲ ﺷﻜﻮﻭﻭ
- ﻋﻤﺎﺩ ﻣﺎﺭﻳﺪ ﺍﺭﺟﻊ ﻋﻠﻰ ﺍﻟﻬﺎﻣﺶ ﻭﻳﺎﻙ ﻣﺎﻟﻲ ﺍﻱ ﺍﺳﻢ ﺑﺤﻴﺎﺗﻚ
ﺑﺲ ﺟﺰﺀ ﻣﺨﻠﻲ ﻭﻛﺖ ﻓﺮﺍﻏﻚ ﺗﺠﻲ .. ﻳﻌﻨﻲ ﺗﻌﺐ ﺣﺒﻨﻪ ﻫﻴﺞ
ﻳﻜﻮﻥ ﺗﺎﻟﻴﻪ ﺳﺎﻋﺘﻴﻦ ﻟﻮ ﻟﻴﻠﻪ ﻭﺣﺪﻩ ﻭﺧﻠﺺ ﺑﻌﺪ ﻳﻨﺘﻬﻲ ﺩﻭﺭ ﺍﻟﺤﺐ
ﺑﺎﻟﻮﺍﻗﻊ ﻭﻳﻀﻞ ﻣﺜﻞ ﺍﻟﺤﻠﻢ ﻧﻌﻴﺸﻪ ﻟﻮﺣﺪﻧﻪ ﻣﺎﺭﻳﺪ ﻫﻴﺞ ﻫﺎﻟﺸﻲ ﻳﻌﺰ
ﻋﻠﻴﻪ ﺻﺪﻛﻨﻲ
ﺷﺴﻮﻱ ﻓﻬﻤﻴﻨﻲ ﻫﺎﺍﺍ ﺷﺴﻮﻱ ﻫﺒﻪ ﺍﻧﻲ ﺍﺭﻳﺪﺝ ﺑﻜﻞ ﻃﺮﻳﻘﻪ ﺷﻠﻮﻥ
ﻣﺎﺩﺭﻱ ﺑﺲ ﻣﺎﻝ ﺗﻀﻠﻴﻦ ﺑﻌﻴﺪﻩ ﻋﻨﻲ ﻟﻮ ﺗﺨﺘﻔﻴﻦ ﻣﺮﻩ ﺛﺎﻧﻴﻪ ﺑﺎﻟﻘﺮﺍﻥ
ﺍﺣﺮﻛﺞ ﻭﺍﺣﺮﻙ ﺭﻭﺣﻲ ﻭﺭﺍﺝ ﺧﻠﺺ ﺍﻧﻲ ﺻﺒﺮ ﻣﺎﺿﻞ ﻋﻨﺪﻱ
- ﺍﻋﺮﻑ ﻭﺍﻟﻠﻪ ﺍﻋﺮﻑ ،، ﺑﺲ ﻋﻤﺎﺩ ﺍﻫﻠﻚ ﻭﻣﺮﺗﻚ ﺷﻠﻮﻥ ﻓﻬﻤﻨﻲ
- ﻟﺞ ﺍﻧﺘﻲ ﺗﺒﻘﻴﻦ ﺛﻮﻟﻪ ﻣﻦ ﺷﻮﻛﺖ ﺍﻧﻲ ﻣﻬﺘﻢ ﻻﺣﺪ ﺣﺘﻰ ﻫﺴﻪ
ﺍﻫﺘﻢ ﻟﻔﻼﻥ ﻭﻋﻼﻥ ﻃُﺰﺯﺯ ﺍﻧﻲ ﺍﺭﻳﺪﺝ ﻭﺍﻧﺘﻬﻰ ﻭﻫﺴﻪ ﺗﻤﺸﻴﻦ
ﻭﺗﺮﺟﻌﻴﻦ ﻭﻳﺎﻱ ﻭﻣﻌﻠﻴﺞ ﺑﺎﻟﻌﺎﻟﻢ
- ﻣﺎﺭﺭﺭﺟﻊ ﻋﻤﺎﺩ
- ﻟﺠﺠﺠﺠﺞ ﺷﻨﻮ ﻣﺘﺮﺟﻌﻌﻌﻌﻴﻦ ﻫﺒﻪ ﻣﺮﺗﺘﺘﺘﻲ ﺍﻧﺘﻲ ﻻ ﺗﻨﺴﻴﻦ
ﻣﺮﺭﺭﺭﺗﻲ ﻭﺻﺎﺭﻟﺞ ﺳﻨﻪ ﺑﻌﻴﺪﻩ ﻋﻨﻲ ﻭﻫﺴﻪ ﺍﺭﺭﺭﻳﺪﺝ ﻳﻤﻲ
ﻭﻻﺯﻡ ﺗﺴﻤﻌﻴﻦ ﻛﻠﻤﺘﻲ ﻭﻻ ﺗﻌﺒﻴﻨﻲ ﺑﻌﺪ
- ﺧﻄﻴﺒﺘﻚ ﻣﻮ ﻣﺮﺗﻚ ﻭﻣﻦ ﻣﺎﺭﻳﺪ ﻳﻌﻨﻲ ﻣﺎﺍﺭﻳﺪ
- ﻫﺒﺒﺒﺒﺒﺒﺒﺒﺒﺒﺒﺒﺒﻪ ﺩﺗﺨﺘﺒﺮﻳﻦ ﺻﺒﺮﻱ ﻫﻮﻭﻭﻭﺍﻱ ﻫﻮﻭﻭﻭﻭﻭﺍﻱ
ﻭﺣﺘﺨﻠﻴﻨﻲ ﺍﻃﻠﻊ ﻋﻦ ﻃﻮﻭﻭﻭﻭﺭﻱ
- ﻋﻤﺎﺩ ﺍﻧﻲ ﺭﺟﻌﻪ ﻫﻴﺞ ﻣﺎﺍﺭﺟﻊ ﺍﻋﺬﺭﻧﻲ ﺑﺲ ﺍﻧﻲ ﺍﺭﻳﺪ ﺣﻘﻲ
ﺑﻴﻚ ﻭﺑﺤﺒﻲ ﺍﺭﻳﺪ ﺣﻘﻲ ﺍﻋﻴﺶ ﻭﻳﺎﻙ ﺯﻭﺍﺝ ﺣﺎﻝ ﺍﻟﺒﺸﺮ
- ﻣﻮﻭﻭﻭ ﺗﺰﻭﺟﺘﺘﺘﺘﺞ ﺑﻌﺪﺩﺩ ﺷﺴﻮﻭﻭﻱ ﻫﺒﻪ ﻛﺘﻠﺞ ﺍﻧﻄﻴﻨﻲ ﻣﺠﺎﺍﻝ
ﺍﺭﺗﺐ ﻭﺿﻌﻲ ﻭﻳﻪ ﺍﻫﻠﻠﻠﻠﻲ ﺍﻧﺘﻲ ﻟﻴﺶ ﺗﺼﻌﺒﻴﻬﻪ ﻋﻠﻴﻴﻴﻴﻴﻪ ﻟﻴﻴﻴﺶ
- ﺷﻔﺖ ﻧﺤﺘﺎﺝ ﺷﻮﻳﻪ ﻭﻛﺖ ﻭﺍﻧﻲ ﻣﺎﺭﻭﺡ ﺑﻌﻴﺪﻩ ﻋﻨﻚ ﻣﻜﺎﻧﻲ ﻭﻋﺮﻓﺘﻪ
ﻭﺷﻮﻛﺖ ﻣﺎﺗﺘﺮﺗﺐ ﺍﻣﻮﺭﻙ ﻧﺮﺟﻊ ﻧﻌﻴﺶ ﺳﻮﻩ
- ﺍﺳﺘﻐﻔﻔﻔﻔﻔﻔﻔﻔﺮ ﺍﻟﻠﻪ ﺍﻧﻲ ﺍﻟﻠﻪ ﺷﺒﻼﻧﻲ ﺑﻠﻮﻩ ﺑﻬﺎﻟﻨﺴﻮﻭﻭﻭﻭﻭﺍﻥ
ﺍﻟﻠﻬﻢ ﻃﻮﻭﻭﻭﻭﻭﻟﺞ ﻳﺎﺍﺭﻭﻭﻭﻭﺡ ﺷﻠﻮﻭﻭﻭﻭﻥ ﻳﻌﻨﻨﻨﻲ ﺷﻠﻮﻭﻭﻥ
- ﻋﻤﺎﺍﺩ ﻋﻤﺎﺍﺩ ﺍﻫﺪﻯﺀ ﺍﻫﺪﻯﺀ ﺷﻮﻳﻪ ﺑﺲ ﺍﻫﺪﻯﺀ ﺧﻠﻲ ﺍﻓﻬﻤﻚ
- ﻫﺒﺒﺒﺒﺒﻪ ﺩﺗﺤﺮﻛﻴﻦ ﺍﺳﻼﻑ ﺍﺳﻼﻓﻲ ﺑﺴﻮﺍﻟﻔﺞ ﻫﺎﻱ ﺷﻴﺒﺘﻴﻨﻲ
ﻟﺰﻣﺖ ﺟﻒ ﺍﻳﺪﻱ ﻭﺗﻠﻤﺴﺖ ﺍﺻﺎﺑﻌﻲ ﻭﺭﻓﻌﺖ ﺭﺍﺳﻬﻪ ﺑﺎﻭﻋﺘﻠﻲ
ﻫﺎﻟﻨﻈﺮﻩ ﺍﻟﻬﺎﺩﺋﻪ ﺍﻟﻲ ﺗﺨﺘﺮﻕ ﺟﺴﻤﻲ ﻭﺗﻼﻣﺲ ﺍﻋﺼﺎﺑﻲ ﻭﺗﺒﺮﺩﻧﻲ
- ﻋﻮﺍﻟﻤﻨﻪ ﻣﺨﺘﻠﻔﻪ ﻋﻤﺎﺩ ﻳﺤﺘﺎﺟﻠﻬﺎ ﺗﻌﺐ ﻭﺻﺒﺮ ﺣﺘﻰ ﺗﻨﺠﻤﻊ
ﺧﻠﻲ ﺍﻟﻌﺼﺒﻴﻪ ﻋﻠﻰ ﺟﻬﻪ ﻭﺍﻫﺪﻯﺀ .. ﺍﻟﻄﺮﻳﻖ ﺑﻌﺪﻩ ﻃﻮﻳﻞ
ﻭﻳﺤﺘﺎﺝ ﻫﺪﻭﺀ ﻭﺗﻔﻜﻴﺮ ﺍﺫﺍ ﺗﺮﻳﺪﻧﻲ ﻭﺗﺮﻳﺪ ﻧﺮﺟﻊ ﻣﺜﻞ ﺍﻭﻝ ﻻﺯﻡ
ﺗﺼﺒﺮ ﺷﻮﻳﻪ ﻭﻻﺗﺨﻠﻲ ﺗﻌﺐ ﻫﺎﻟﺴﻨﻴﻦ ﻳﻀﻴﻊ ﻣﻦ ﺍﻳﺪﻧﻪ ﻫﻴﺞ
- ﺍﻣﺮﻱ ﻟﻠﻪ ﺣﺼﺒﺮ ﺑﻌﺪ ﺷﺴﻮﻭﻱ ﻣﺎﻟﻲ ﻏﻴﺮ ﺣﻞ
- ﺗﻤﺎﺍﻡ ﻫﺴﻪ ﺧﻠﻲ ﻧﻜﻔﻲ ﺣﺠﻲ ﺑﻌﺪﻳﻦ ﻻﺯﻡ ﺍﺭﺟﻊ ﻫﺴﻪ ﻋﻨﺪﻱ
ﺷﻐﻞ ﺍﻛﻤﻠﻪ ﻭﺗﺎﺧﺮﺕ ﻫﻮﺍﻱ
- ﺷﻨﻮ ﻳﺎ ﺷﻐﻞ
- ﺷﻐﻞ ﺑﻌﺪﻳﻦ ﺗﻌﺮﻓﻪ ﻫﺴﻪ ﺧﻠﻲ ﺍﺭﻭﺡ ﻣﺎﻟﺤﻚ ﺑﻌﺪ ﻭﺍﻟﻠﻪ
- ﻭﻭﻭﻭﻳﻦ ﻭﻭﻭﻭﻳﻦ ﻣﺎﻛﻮ ﺑﻌﺪ ﺷﻨﻮ ﺗﺸﺘﻐﻠﻴﻦ ﻣﺎﻛﻮ ﺷﻐﻞ ﻋﻮﻓﻲ
ﻛﻠﺸﻲ ﺍﻧﻲ ﻳﻤﺞ ﺑﻌﺪ ﺷﻜﻮ ﻫﺎﻟﺴﻮﺍﻟﻒ
- ﻻﺍﺍ ﻫﺴﻪ ﺍﻧﻲ ﺑﻌﺪﻧﻲ ﻣﻮ ﺑﻴﺘﻚ ﻣﻦ ﺍﺟﻲ ﺑﻴﺘﻚ ﺍﻋﻮﻑ ﺍﻟﺸﻐﻞ ﺑﺲ
ﻫﺴﻪ ﺍﻧﻲ ﻋﻨﺪﻱ ﺍﻟﺘﺰﺍﻣﺎﺕ ﻭﻣﺤﺘﺎﺟﻪ ﺍﻧﻲ ﺍﺷﺘﻐﻞ ﻭﺷﻐﻠﻲ ﻣﺎﺑﻲ
ﻋﻴﺐ ﺷﻐﻞ ﻣﺤﺘﺮﻡ ﻭﻣﻨﺎﺳﺐ ﺍﻟﻲ
- ﺍﻧﺘﻲ ﻫﻮﺍﻱ ﻃﺎﻟﻌﻪ ﻋﻴﻨﺞ
- ﺍﻱ ﻫﻮﺍﻱ ،، ﻻﺯﻡ ﺍﺭﻭﺡ ﺗﺎﺧﺮﺕ ﺍﻧﺘﺒﻪ ﻋﻠﻰ ﻧﻔﺴﻚ
- ﻭﻭﻭﻭﻳﻦ ﺗﺮﺣﻴﻦ ﺍﻧﻲ ﺍﻭﺻﻠﺞ ﺍﻣﺸﻲ ﻟﻠﺴﻴﺎﺭﻩ
- ﻻ ﻋﻮﻓﻨﻲ ﺍﻧﻲ ﺍﺭﺟﻊ ﻣﺘﻌﻮﺩﻩ ﺭﻭﺡ ﻟﺪﻭﺍﻣﻚ ﺍﻧﺘﻪ .. ﻟﺘﺨﺎﻑ ﺍﻟﺸﻮﺍﺭﻉ ﺍﺻﺪﻗﺎﺋﻲ .. ﺑﺎﺍﺍﺍﻱ
ﺩﺍﺭﺕ ﻭﺟﻬﻪ ﻭﺭﺍﺣﺖ ﻣﺴﺘﻌﺠﻠﻪ ﻭﺧﻠﺘﻨﻲ ﺍﺷﺐ ﺑﻨﺎﺭ ﻭﻣﺎﺍﻧﻄﻔﻲ
ﻳﺎﻭﻳﻞ ﻛﻠﺒﻲ ﺑﻴﻬﻪ ﻳﺎﻭﻭﻭﻭﻳﻴﻴﻴﻴﻠﻪ ... ﺷﻬﺎﻟﺮﺍﺱ ﺍﻟﻴﺎﺑﺲ ﻫﺬﺍﺍﺍﺍﺍ
ﻭﺍﻧﻲ ﺍﻛﻮﻝ ﻓﻘﻴﺮﻩ ﻭﻓﺎﻫﻴﻪ ﻃﻠﻌﺖ ﻛﻞ ﺍﻟﺒﻼ ﺑﻴﻬﻪ ... ﺑﺲ ﻭﺍﻟﻠﻪ
ﻟﻜﺴﺮﻩ ﺭﺍﺳﺞ ﺍﻟﻴﺎﺑﺲ ﻫﺬﺍ ﻭﺍﺭﺟﻌﺞ ﺍﺭﺟﻌﺞ ...
.
أنت تقرأ
في قعر السجون وجدتني (منقوله)
Short Storyمنقوله للكاتبه Adzzon zoka الناقله حكمت 𝙃𝙚𝙠𝙢𝙖𝙩_𝙈_𝙝🫀
