#بارت٣٣
ﻓﻲ ﻗﻌﺮ ﺍﻟﺴﺠﻮﻥ ﻭﺟﺪﺗُﻨﻲ
.
.
ﺑﻌﺪ ﻣﺎ ﺭﺍﺡ ﺍﻟﺮﺟﺎﻝ ﺭﻓﻌﺖ ﺭﺍﺳﻲ ﺑﺎﻭﻋﺖ ﻟﺸﺒﺎﻙ ﺍﻻﻣﺎﻡ
ﻭﺗﺸﻜﺮﺗﻪ ﻭﺑﺎﻭﻋﺘﻠﻪ ﻧﻈﺮﻩ ﺍﻣﺘﻨﺎﻥ ﻳﻌﻨﻲ ﻣﻌﺠﺰﻩ ﻭﺻﺎﺭﺗﻠﻲ
ﻭﻭﻛﻔﻮﻟﻲ ﺍﻫﻞ ﺍﻟﺒﻴﺖ ...
- ﺳﻴﺪﻱ ﻛﻮﻟﻲ ﺷﻴﻮﺟﻌﻚ ﻫﺴﻪ ﻧﺮﻭﺡ ﻧﻔﺤﺺ ﻫﻨﺎ ﺧﻮﺵ
ﺍﻛﻮ ﻣﺴﺘﺸﻔﻴﺎﺕ
- ﻻ ﻻ ﻣﺎﻳﻮﺟﻌﻨﻲ ﺷﻲ ﻫﺎﻱ ﺑﻌﺪ ﻃﺎﺑﺖ ﻋﻠﺘﻲ ﻟﺘﺨﺎﻑ
- ﺳﻴﺪﻱ ﻣﻨﻴﻦ ﺍﺟﺎﻙ ﻫﺎﻟﻌﻤﻞ ﻳﻌﻨﻲ ﻫﻢ ﺗﺸﻚ ﺑﺎﺣﺪ ﻳﺴﻮﻳﻠﻚ ﺳﺤﺮ
- ﺍﻟﻌﻠﻢ ﻋﻨﺪ ﺍﻟﻠﻪ ،، ﻛﻮﻡ ﻭﻳﺎﻱ ﺍﺭﻳﺪ ﺍﻏﺴﻞ ﺟﺴﻤﻲ ﻋﺮﻛﺎﺍﺍﻥ
ﻭﺍﻟﺠﻮﻉ ﻛﺎﺗﻠﻨﻲ
- ﻫﻼ ﺑﺴﻴﺪﻱ ﻫﻼﺍﺍ ﺍﺩﻟﻞ ﺍﻧﺘﻪ ﺑﺲ ﺍﻛﻌﺪ ﺍﻧﺰﻟﻚ ﺍﻟﻤﻄﻌﻢ ﻛﻠﻪ
- ﺩﻣﺸﻲ ﻳﻮﻝ ﻻﺗﺘﺨﺒﻞ ﻋﻠﻲ ﻫﺴﻪ
- ﺍﻱ ﺳﻴﺪﻱ ﻫﻴﺞ ﺿﻞ ﺍﺗﺄﻣﺮ ﻋﻠﻴﻪ ﻫﻴﺞ ﺍﺭﺗﺎﺡ ﻭﺍﻟﻠﻪ
- ﻫﻬﻬﻬﻬﻬﻪ ﺷﻬﺎﻟﺒﻠﻮﻩ ﺗﺤﺮﻙ ﻻ ﺍﺳﺤﻠﻚ
- ﺣﺎﺍﺿﺮ ﺣﺎﺍﺍﺍﺿﺮ ﻳﺎﺳﻴﺪﻱ
ﻃﻠﻌﻨﻪ ﻣﻦ ﺍﻟﺤﻀﺮﻩ ﻭﺭﺣﻨﻪ ﻟﻠﺤﻤﺎﻣﺎﺕ ﻭﺍﻛﻮ ﻫﻨﺎﻙ ﺑﻴﻬﻦ ﻗﺴﻢ
ﺑﻲ ﺩﻭﺵ ﻭﺩﺧﻠﺖ ﺳﺒﺤﺖ ﻭﺣﺴﻴﺖ ﺟﺴﻤﻲ ﻓﻚ ﻭﺭﺩﺕ ﺍﻟﺮﻭﺡ
ﺑﻴﻪ ﻭﺗﻨﺸﻄﺖ .. ﻃﻠﻌﺖ ﻭﻟﻜﻴﺖ ﺍﺣﻤﺪ ﻳﺤﻮﺹ ﺍﻭﻝ ﻣﺎﺷﺎﻓﻨﻲ
ﺍﺟﺎﻧﻲ ﻳﺮﻛﺾ ..
- ﻫﺎ ﺳﻴﺪﻱ ﺧﻤﺎ ﺻﺎﺭ ﺷﻲ
- ﺍﺣﻤﺪ ﻻﺗﺨﺒﻠﻨﻲ ﺷﺒﻴﻚ ﺟﻨﺖ ﺍﺳﺒﺢ ﺷﻴﺼﻴﺮ ﻳﻌﻨﻲ
- ﺳﻴﺪﻱ ﺿﻞ ﺑﺎﻟﻲ ﺷﻔﺘﻚ ﺗﺎﺧﺮﺕ ﻛﻠﺖ ﺧﺎﻑ ﺗﺨﺮﺑﻄﺖ ﺻﺎﺭﻟﻚ ﺷﻲ ﺷﻤﺪﺭﻳﻨﻲ ﻋﻘﻠﻲ ﺑﻌﺪﻩ ﺑﺎﻟﻬﺒﻄﻪ
- ﺭﺍﺡ ﺗﺨﻠﻴﻨﻲ ﺍﻓﺮﻣﺘﻪ ﻟﻌﻘﻠﻚ ﻟﺘﻀﻞ ﺗﻠﺢ ﺧﻠﺺ ﺭﺍﺣﺖ ﺍﻟﺴﺎﻟﻔﻪ
ﻟﺘﻀﻞ ﺗﺠﻴﺐ ﺳﻴﺮﺗﻬﻪ ﻛﻞ ﺷﻮﻳﻪ ﺷﺒﻴﻴﻴﻚ ﺭﺟﺎﻝ ﺍﺣﻨﻪ ﻳﺎﺑﻪ
ﺗﺨﻮﻓﻨﻪ ﺳﺤﻮﺭﻩ ﺍﻛﻮ ﺍﻟﻠﻪ ﻻ ﺗﺨﺎﻑ
- ﺍﻱ ﺳﻴﺪﻱ ﺭﺣﻢ ﺍﻟﻠﻪ ﻭﺍﻟﺪﻳﻚ ﻭﺍﻟﻠﻪ ﺑﺮﺩﺕ ﻛﻠﺒﻲ ﺑﻬﺎﻟﺤﺠﻲ
- ﻫﺨﺨﺨﺨﺨﺦ ﺍﻧﻲ ﻭﻳﻦ ﻣﺎﺍﻣﺸﻲ ﻳﻄﻠﻌﻠﻮﻟﻲ ﺍﻟﻤﺨﺎﺑﻴﻞ
ﺍﻣﺸﻲ ﺑﻮﻳﻪ ﺧﻠﻲ ﻧﺎﻛﻠﻨﻠﻪ ﻟﻜﻤﻪ
ﺿﻞ ﻳﻀﺤﻚ ﺍﺣﻤﺪ ﻭﻳﻤﺸﻲ ﻭﻳﺎﻱ ﻭﺭﺣﻨﻪ ﻟﻤﻄﻌﻢ ﺯﻳﻦ ﻭﺍﺣﻤﺪ ﺭﺍﺡ ﻻﺑﻮ ﺍﻟﻤﻘﺒﻼﺕ ﻧﺰﻝ ﻛﻞ ﺍﻻﻧﻮﺍﻉ ﻭﺧﻄﻴﻪ ﻣﺤﺘﺎﺭ ﺷﻴﻨﺰﻟﻲ ﺍﻛﻞ ﻭﻛﻞ ﺷﻮﻳﻪ ﻣﻮﺻﻲ ﻋﻠﻰ ﺷﻐﻠﻪ ﻟﺤﺪ ﻣﺎ ﺍﻣﺘﻠﻰﺀ ﺍﻟﻤﻴﺰ ﺑﺎﻻﻛﻞ ﻭﻫﻮ ﻳﻀﺤﻚ
- ﺳﻴﺪﻱ ﻓﺮﺣﺎﻥ ﻭﺍﻟﻠﻪ ﺍﻭﻝ ﻣﺮﻩ ﺍﻛﻌﺪ ﺍﻛﻞ ﻭﻳﺎﻙ ﻭﺍﺗﻘﺮﺑﻠﻚ ﻫﻴﺞ
- ﻫﻬﻬﻬﻬﻬﻪ ﻣﻮ ﺍﻻﺧﻴﺮﻩ ﺍﻥ ﺷﺎﺀ ﺍﻟﻠﻪ
- ﺳﻴﺪﻱ ﺍﻭﻳﺪ ﺍﺳﺄﻟﻚ ﺷﻲ ﺑﺲ ﺑﺮﻭﺡ ﺍﺑﻮﻙ ﻻ ﺗﺨﻠﻴﻬﻪ ﺣﺪﻳﻪ
ﻭﻳﺎﻱ ﺑﺲ ﺍﻟﻴﻮﻡ
- ﻫﻬﻬﻬﻬﻬﻬﻬﻬﻪ ﻟﻚ ﻳﺎﺑﻪ ﺷﺎﻳﻔﻨﻲ ﺷﺎﻳﻞ ﺳﻴﻒ ﻭﻳﺎﻱ ﺩﺣﺠﻲ ﺑﺮﺍﺣﺘﻚ
ﺷﻤﺴﻮﻳﻠﻚ ﻫﺴﻪ
- ﻣﻨﻮ ﻫﺒﻪ ؟؟
ﺟﻨﺖ ﺍﻛﻞ ﻭﻛﺒﻞ ﺭﻓﻌﺖ ﺭﺍﺳﻲ ﻭﺑﺎﻭﻋﺘﻠﻪ ﻭﺍﻟﻠﻜﻤﻪ ﺑﺤﻠﻜﻲ ﻭﺿﻠﻴﺖ
ﺻﺎﻓﻦ ﻋﻠﻴﻪ ﺑﻠﻌﺖ ﺍﻻﻛﻞ ﻭﻛﻠﺘﻠﻪ ...
- ﺷﻜﻮ ﻓﻬﻤﻨﻲ ﺍﺣﺠﻴﻠﻲ ﻣﻦ ﺍﻻﺧﻴﺮ
- ﻣﻦ ﺟﻨﺖ ﻧﺎﻳﻢ ﻭﺑﺮﺩﺍﻥ ﺍﺳﻤﻌﻚ ﺗﻜﻮﻝ ﻫﺒﻪ ﺑﺼﻮﺕ ﺗﻌﺒﺎﻥ
ﻭﺗﻌﻴﺪ ﺑﺎﺳﻤﻬﻪ ﻛﻞ ﺷﻮﻳﻪ ﻭﺑﻌﺪﻳﻦ ﺳﻤﻌﺘﻚ ﻛﻠﺖ ﻭﻟﺞ ﻳﺎﺑﻪ ﻭﻳﻨﺞ
ﻭﺿﻠﺖ ﺑﺎﻟﻲ
- ﻫﺒﻪ ﻫﺒﻪ ﻫﺎﻱ ﻣﺤﺒﻮﺑﻪ ﻛﻠﺒﻲ ﻫﺒﻪ
- ﻋﻠﻴﻚ ﻋﻠﻲ ﺍﻧﺖ ﺗﺤﺐ !!!!
- ﺷﺒﻴﻪ ﻣﻮ ﺑﺸﺮ ﻟﻴﺶ ﻣﺎﺍﺣﺐ ﺷﻮ ﻣﺘﻌﺮﻑ ﺗﺤﺠﻲ ﺍﻧﺘﻪ
- ﻻ ﺳﻴﺪﻱ ﺑﺲ ﻳﻌﻨﻲ ﻣﺎﺗﺨﻴﻠﺖ ﻟﻮ ﻭﺍﺣﺪ ﺑﺎﻟﻤﻴﻪ ﺍﻧﺘﻪ ﻋﻨﺪﻙ ﺣﺒﻴﺒﻪ
ﻳﻌﻨﻲ ﺍﺷﻮﻑ ﺯﻭﺍﺟﻚ ﺯﻳﻦ ﻭﺗﻌﺎﻣﻞ ﻣﺮﺗﻚ ﻣﻌﺎﻣﻠﻪ ﻃﻴﺒﻪ ﻭﻣﺎﻣﺒﻴﻦ
ﺍﻧﺘﻪ ﺗﺤﺐ ﻏﻴﺮﻫﺎ
- ﺍﻱ ﺍﻋﺎﻣﻠﻬﻪ ﺯﻳﻦ ﻻﻥ ﺍﻡ ﺍﻟﺠﻬﺎﻝ ﻫﻲ ﻭﺯﻳﻨﻪ ﻭﻳﺎﻱ ﺑﺲ ﺍﻟﻜﻠﺐ
ﻫﺎﻱ ﻗﺼﻪ ﻭﺣﺪ ﻣﺎﻟﻬﻪ ﺩﺧﻞ ﺑﺸﻲ ﻭﻛﻠﺒﻲ ﺍﻟﻲ ﻣﻮ ﺍﻟﻬﻢ ﻓﻬﻤﺖ
ﻭﺳﺪ ﻋﻠﻰ ﺍﻟﺴﺎﻟﻔﻪ ﺑﻌﺪ ﻻ ﺗﺴﺎﻝ ﻭﻻﺗﺤﺠﻲ ﺷﻲ
- ﻫﺎﻫﻴﻪ ﺳﻴﺪﻱ ﺻﺎﺭ
- ﺍﺳﻤﻊ ﻳﻮﻝ ﺍﻟﻲ ﺻﺎﺭ ﺍﻟﻴﻮﻡ ﻛﻠﻪ ﻣﻦ ﻃﻠﻌﻨﻪ ﺑﻐﺪﺍﺩ ﻟﻬﺴﻪ
ﺍﺫﺍ ﺳﻤﻌﺖ ﺣﺎﺟﻲ ﻟﻮ ﺣﺮﻑ ﺗﻔﻬﻢ ﺷﻨﻮ ﺣﺮﻑ ﺑﻬﺎﻟﺴﺎﻟﻔﻪ
ﺍﺣﺮﻛﻚ ﺍﻧﺘﻪ ﻭﺍﻟﺨﻠﻔﻮﻙ
- ﺳﻴﺪﻱ ﻣﻮ ﺭﺟﺎﻝ ﺍﺫﺍ ﻃﻠﻌﺖ ﺳﺮﻙ
- ﺍﻱ ﻋﻔﻴﻪ ﻫﻴﺞ ﺧﻠﻴﻚ ﺻﺪﻳﻖ ﻭﺍﺧﻮ ﻣﻮ ﺑﺲ ﺳﺎﻳﻖ
- ﺍﺗﺸﺮﻑ ﺑﻴﻚ ﺳﻴﺪﻱ
- ﻫﻬﻬﻬﻬﻬﻬﻬﻪ ﺍﻛﻠﻚ ﺷﻜﺪ ﺻﺎﺭ ﻋﻤﺮﻙ ﻳﻮﻝ
- ﺻﺮﺕ ٢٢ ﻟﻴﺶ ﺳﻴﺪﻱ
- ﺩﺍﺷﻮﻓﻚ ﻋﻘﻠﺖ ﺑﻌﺪﻙ
- ﺷﺴﺎﻟﻔﻪ ﺳﻴﺪﻱ ﺍﻧﻲ ﻣﻦ ﺯﻣﺎﻥ ﻋﺎﻗﻞ
- ﻫﻬﻬﻬﻬﻬﻬﻬﻬﻬﻪ ﺩﻛﻞ ﺍﻛﻞ
ﻛﻤﻠﻨﻪ ﺍﻛﻞ ﻭﻃﻠﻌﻨﻪ ﻣﻦ ﺍﻟﻤﻄﻌﻢ ﻭﻛﺎﻋﺪ ﺍﺑﺎﻭﻉ ﻟﻠﻤﻜﺎﻥ ﻭﺍﻧﺘﺒﻬﺖ ﻋﻠﻰ
ﺍﺣﻤﺪ ﻭﺍﻛﻒ ﻭﺻﺎﻓﻦ ﻋﻠﻰ ﻟﻌﺎﺑﻪ ﺑﻨﺎﺗﻴﻪ ﻃﻮﻳﻠﻪ ﺍﺟﻴﺖ ﻳﻤﻪ ..
- ﻫﺎ ﻳﻮﻝ ﻭﻳﻦ ﺑﺎﻟﻚ
- ﻭﺍﻟﻠﻪ ﺗﺬﻛﺮﺕ ﺑﻨﺖ ﺍﺧﻮﻱ ﻣﻠﻮﻛﻪ ﺑﻬﺎﻟﻠﻌﺎﺑﻪ
- ﺩﺧﺬﻫﻪ ﻳﻼ
- ﻻ ﺳﻴﺪﻱ ﻋﻮﻓﻬﻪ ﺑﻌﺪﻳﻦ
- ﺍﺧﺨﺨﺨﺨﺨﺬ ﺷﺪﺍﺍﺣﺠﻲ
- ﺳﻴﺪﺩﺩﻱ
- ﺍﻧﺠﺐ ﻳﻼ
ﺣﺠﻴﺘﻬﻪ ﻭﺭﺣﺖ ﻻﺑﻮ ﺍﻟﻤﺤﻞ ﻧﺰﻟﻬﻪ ﺍﻟﻲ ﻭﺩﻓﻌﺖ ﻓﻠﻮﺳﻬﻪ ﺷﻤﺮﺗﻬﻪ
ﻋﻠﻴﻪ ﻭﺿﺤﻜﺖ ﻭﻫﻮ ﺿﺤﻚ ﻭﻣﺸﻴﻨﻪ ﺭﺣﻨﻪ ﺗﻮﺿﻴﻨﻪ ﻭﺭﺣﻨﻪ
ﻟﻠﺤﻀﺮﻩ ...
- ﺍﺣﻤﺪ ﺍﻧﺘﻪ ﻫﺴﻪ ﺍﺧﺬ ﺭﺍﺣﺘﻚ ﺷﺘﺮﻳﺪ ﺗﺴﻮﻱ ﺳﻮﻱ ﺍﻧﻲ ﺭﺍﺡ
ﺍﺿﻞ ﻫﻨﺎ ﺍﺻﻠﻲ ﻭﺍﺭﻳﺪ ﺍﺑﻘﻰ ﻭﺣﺪﻱ ﺍﻧﺘﻪ ﺭﻭﺡ ﺍﻓﺘﺮ ﺍﺷﺘﺮﻱ
ﺑﻜﻴﻔﻚ ﺑﺲ ﺧﻠﻲ ﺗﻠﻔﻮﻧﻚ ﻳﻤﻚ
- ﻣﺎﺷﻲ ﺳﻴﺪﻱ ﻣﺎﺭﺍﺡ ﺍﺑﺘﻌﺪ ﻫﻨﺎ ﺍﻓﺘﺮ ﺷﻮﻳﻪ ﺑﺎﻟﺴﻮﻙ
- ﻋﻠﻰ ﺭﺍﺣﺘﻚ
ﺭﺣﺖ ﺍﺧﺬﺗﻠﻲ ﻣﻜﺎﻥ ﻓﺎﺭﻍ ﻭﺻﻠﻴﺖ ﺑﻲ ﻭﺻﻠﻴﺖ ﺑﺮﺍﻫﻪ ﺻﻼﻩ
ﺷﻜﺮ ﻟﺮﺏ ﺍﻟﻌﺎﻟﻤﻴﻦ ﺧﻠﺼﻨﻲ ﻣﻦ ﻫﺎﻟﻤﻜﺮﻭﻩ ﻫﺬﺍ ﻭﺿﻠﻴﺖ
ﺍﻗﺮﺍ ﺍﻟﺪﻋﺎﺀ ﺍﻟﻲ ﻗﺮﻳﺘﻪ ﻣﺮﻩ ﺑﻜﺮﺑﻼﺀ ﻭﻣﺎﺧﻠﺼﺘﻪ ﺍﻻ ﻭﺍﻧﻲ
ﻛﻠﺒﻲ ﻣﺘﻔﻄﺮ ﻳﻌﻨﻲ ﺣﺘﻰ ﻭﻳﻪ ﺭﺑﻲ ﺍﺫﻛﺮﻫﻪ ﺷﻨﻮ ﻣﻦ ﺑﻨﻴﻪ ﻫﺎﻱ
ﺿﻠﻴﺖ ﻛﺎﻋﺪ ﻭﺍﻟﺴﺎﻋﻪ ﺟﺎﻧﺖ ﺏ١ ﺑﺎﻟﻠﻴﻞ ﻭﺿﻠﻴﺖ ﺻﺎﻓﻦ ﺍﺫﻛﺮ
ﻳﻮﻡ ﺯﻳﺎﺭﺗﻨﻪ ﺳﻮﻩ ﻭﺷﻠﻮﻥ ﺟﻨﺖ ﻣﺮﺗﺎﺡ ﻣﻦ ﻧﺎﻳﻢ ﻋﻠﻰ ﺭﺟﻠﻴﻬﻪ
ﺷﻜﺪ ﺍﺗﻤﻨﺎﺝ ﻳﺎﻫﺒﻪ ﻳﻤﻲ ﻫﺎﻟﻴﻮﻡ ﻭﻫﺎﻟﻠﻴﻠﻪ ﺑﺎﻟﺬﺍﺕ ﺣﻴﻞ ﻣﺤﺘﺎﺟﺞ
ﻛﻤﺖ ﺻﻠﻴﺖ ﺭﻛﻌﺘﻴﻦ ﺯﻳﺎﺭﻩ ﺍﻟﻬﻪ ﻭﺩﻋﻴﺘﻠﻬﻪ ﺑﺎﻟﺤﻔﻆ ﻭﺍﻟﺴﺘﺮ
ﻭﺩﻋﻴﺖ ﺭﺑﻲ ﻳﺮﺟﻌﻬﻪ ﺍﻟﻲ ﻭﻳﺨﻠﻴﻨﻲ ﺍﺻﺤﺢ ﺧﻄﺎﻱ ﻭﻳﺎﻫﻪ
ﻭﺑﻌﺪﻫﻪ ﻃﻠﻌﺖ ﺿﻠﻴﺖ ﺍﻓﺘﺮ ﻫﻨﺎ ﻭﻫﻨﺎ ﻭﻭﻛﻔﺖ ﺍﺷﺮﺏ ﺟﺎﻱ
ﻭﺑﻌﺪﻫﻪ ﺍﺗﺼﻠﺖ ﻋﻠﻰ ﺍﺣﻤﺪ ..
- ﻫﺎ ﻳﻮﻝ ﻭﻳﻨﻚ
- ﻭﺍﻟﻠﻪ ﺳﻴﺪﻱ ﺟﻨﺖ ﻧﺎﻳﻢ
- ﻭﻳﻦ ﺍﻧﻲ ﻫﻢ ﺍﺭﻳﺪ ﺍﻧﺎﻡ
- ﺑﺮﻩ ﺑﺎﻟﺼﺤﻦ ﺭﺍﺡ ﺍﻃﻠﻌﻠﻚ ﻫﺴﻪ
- ﺩﻳﻼ ﺍﻧﺘﻈﺮﻙ
ﺭﺣﺖ ﻟﺒﺪﺍﻳﻪ ﺍﻟﺼﺤﻦ ﻭﺷﻔﺘﻪ ﻭﺍﻛﻒ ﻳﺪﻭﺭﻧﻲ ﺻﺤﺘﻠﻪ ﻭﻫﻮ
ﺍﺟﺎﻧﻲ ﺭﻛﺾ ﻭﺭﺣﻨﻪ ﺳﻠﻤﻨﻪ ﺗﻠﻔﻮﻧﺎﺕ ﺑﺎﻻﻣﺎﻧﺎﺕ ﻭﺩﺧﻠﻨﻪ
ﺟﻮﻩ ﺍﺩﻓﻰ ﺍﻟﻤﻜﺎﻥ ،، ﻭﺷﻔﻨﺎﻟﻨﻪ ﻣﻜﺎﻥ ﻓﺎﺭﻍ ﻭﺗﻤﺪﺩﻧﺎ ﻭﻧﻤﻨﻪ
ﺟﻨﺖ ﺍﻛﻌﺪ ﻛﻞ ﺷﻮﻳﻪ ﻭﺍﺣﺲ ﺑﺎﻟﺒﺮﻭﺩﻩ ﻋﻠﻰ ﻭﺟﻬﻲ ﻟﺤﺪ ﻣﺎ
ﻏﻔﻴﺖ ﺷﻮﻳﻪ ﻭﻛﻌﺪﺕ ﻋﻠﻰ ﺻﻮﺕ ﺿﺤﻜﺖ ﻫﺒﻪ ﺑﺮﺍﺳﻲ
ﻭﻫﻲ ﺗﻜﻮﻝ ﻋﻤﺎﺍﺩ ﻭﺗﻀﺤﻚ ،،ﻓﺰﻳﺖ ﻣﻦ ﻧﻮﻣﻲ ﻭﺿﻠﻴﺖ
ﺍﺑﺎﻭﻉ ﻣﻨﺎ ﻭﻣﻨﺎ ﻣﺎﻛﻮ ﺑﺲ ﻭﺟﻪ ﺍﺣﻤﺪ ﻛﺒﺎﻟﻲ ...
ﻛﻤﺖ ﺑﺎﻭﻋﺖ ﺍﻟﻨﺎﺱ ﻛﻠﻬﺎ ﻛﺎﻋﺪﻩ ﻭﺩﺗﺼﻠﻲ ﺍﻟﻔﺠﺮ ﻛﻌﺪﺕ ﺍﺣﻤﺪ
ﻭﻛﻤﻨﻪ ﻏﺴﻠﻨﻪ ﻭﺍﺟﻴﻨﻪ ﺻﻠﻴﻨﻪ ﺳﻮﻩ ،، ﻭﺑﻌﺪﻫﺎ ﺗﺮﻳﻜﻨﺎ ﻭﻃﻠﻌﻨﻪ
ﻟﺒﻐﺪﺍﺩ ﻭﻟﻜﻴﺖ ﺗﻠﻔﻮﻥ ﻣﺤﺮﻭﻙ ﺣﺮﻙ ﺑﺎﻟﻤﻜﺎﻟﻤﺎﺕ ...
ﺍﺗﺼﻠﺖ ﻋﻠﻰ ﺳﺠﺎﺩ ﻻﻥ ﻫﻮ ﺍﻻﻛﺜﺮ ﻣﺘﺼﻞ ..
- ﻫﺎ ﺳﻴﺪﻱ ﺑﺎﻟﻠﻪ ﻋﻠﻴﻚ ﻭﻳﻨﻚ
- ﻃﺎﻟﻊ ﺑﺸﻐﻠﻪ ﺧﺎﺭﺝ ﺑﻐﺪﺍﺩ ﺧﻴﺮ ﺷﻜﻮ
- ﺳﻴﺪﻱ ﻫﺎﻟﻌﺎﻟﻢ ﺧﺒﺼﺖ ﺍﻟﺪﻧﻴﺎ ﻋﻠﻴﻚ ﻫﻨﺎ ﺑﺎﻟﻤﺮﻛﺰ ﺗﻌﺎﻝ ﻓﺪﻭﺍ ﺍﺭﻭﺣﻠﻚ ﺷﻴﺒﻮ ﺭﺍﺳﻲ
- ﻛﻠﻠﻬﻢ ﻛﻢ ﺳﺎﻋﻪ ﻭﺍﺟﻲ ﻻ ﻳﺨﺒﺼﻮﻥ ﺍﻟﺪﻧﻴﺎ
- ﻣﺎﺷﻲ ﺳﻴﺪﻱ ﻳﻼ ﺗﻮﺻﻞ ﺑﺴﻼﻣﻪ
- ﺍﻟﻠﻪ ﻭﻳﺎﻙ
ﻛﻀﻴﺘﻬﻪ ﺗﻠﻔﻮﻧﺎﺕ ﻟﺤﺪ ﻣﺎﻭﺻﻠﻨﻪ ﺑﻐﺪﺍﺩ ﻭﺭﺣﺖ ﻟﻠﺒﻴﺖ ﻟﺒﺴﺖ
ﻣﻼﺑﺲ ﺍﻟﺪﻭﺍﻡ ﻭﺍﺧﺬﺕ ﺍﻟﺴﻼﺡ ﻭﻃﻠﻌﺖ ﻟﻠﻤﺮﻛﺰ ...
ﻭﺍﻭﻝ ﻣﺎﻭﺻﻠﺖ ﺗﻠﻜﺎﻧﻲ ﺳﺠﺎﺩ ﻭﻭﺟﻬﻪ ﻣﺪﺧﻦ ﻣﻦ ﺍﻟﻌﺼﺒﻴﻪ
ﻟﻜﻴﺖ ﺍﻟﺠﻤﺎﻋﻪ ﻋﺪﻫﻢ ﺣﺎﺩﺛﻪ ﺍﻏﺘﺼﺎﺏ ﺑﺎﻟﺴﺠﻦ ﺻﺎﻳﺮﻩ
ﻭﺍﻟﺒﻨﻴﻪ ﻣﻴﺘﻪ ﺑﻠﺤﻀﺘﻬﻪ ﺑﻌﺪﻫﻪ ﺻﻐﻴﺮﻩ ﻭﺍﻻﻣﺮ ﺣﺎﻳﺮ ﺑﻴﻬﻪ
ﺍﻭﻝ ﻣﺎﺭﺣﺖ ﻋﻠﻰ ﺍﻟﺤﺎﺭﺱ ﻟﺰﻣﺘﻪ ﺩﻙ ﺑﻮﻛﺴﻴﺎﺕ ﻛﺴﺮﺕ
ﻓﺠﻪ ﺳﻨﻮﻧﻪ ﻛﻠﻬﻪ ﺗﺸﻠﻌﺖ ﻭﺩﺯﻳﺘﻪ ﻟﻠﺘﻌﺬﻳﺐ ﻭﺿﻠﻴﺖ ﻭﻳﻪ
ﺍﻵﻣﺮ ﺣﺎﻳﺮﻳﻦ ﺑﺎﻟﺒﻨﻴﻪ ﻭﺍﻣﻬﺎ ﻣﻮﺟﻮﺩﻩ ﺑﺎﻟﺴﺠﻦ ﻭﻣﺘﺨﺒﻠﻪ
ﻛﺎﻟﺒﻪ ﺍﻟﺪﻧﻴﺎ ﻛﻼﺏ ﺑﺎﻟﺼﻴﺎﺡ ﻭﺍﻟﺒﺠﻲ .. ﻛﺎﻋﺪﻩ ﻭﺑﺲ ﺗﻠﻄﻢ
ﻭﺗﺪﻋﻲ ﻋﻠﻰ ﻫﺬﺍ ﻭﻫﺬﺍﻙ ﻛﺴﺮﺕ ﻛﻠﺒﻲ ﻭﺍﻟﻠﻪ ﻳﻌﻨﻲ ﺣﺘﻰ ﻟﻮ
ﻣﺠﺮﻣﻪ ﺗﻀﻞ ﺍﻡ ﻭﻻﺣﻈﺖ ﺑﻨﺘﻬﺎ ﺑﺤﻴﺎﻩ ﻣﺜﻞ ﻫﺎﻟﺒﻨﺎﺕ ﻭﻣﻮﺗﺘﻬﻪ
ﻫﻢ ﻣﻮ ﻣﺜﻞ ﻫﺎﻟﺒﺸﺮ ﻫﻢ ﻣﻐﺘﺼﺒﻴﻦ ﺷﺮﻓﻬﻪ ﻭﻫﻢ ﺑﻨﺺ ﺍﻟﺴﺠﻦ
ﻭﺣﻘﻬﺎ ﺭﺍﺡ ﻳﻀﻴﻊ ﻻﻥ ﻛﻞ ﻫﻤﻬﻢ ﻳﻄﻤﻄﻤﻮﻥ ﺍﻟﺴﺎﻟﻔﻪ ﻻ ﺗﻄﻠﻊ
ﻟﻼﻋﻼﻡ ﻭﺍﻟﺪﻧﻴﺎ ﻭﺗﺨﺮﺏ ﻫﻴﺒﺘﻬﻢ ... ﻭﺍﻧﻲ ﻭﺍﻛﻒ ﺣﺎﻳﺮ ﺑﻴﻦ
ﻫﺎﻵﻣﺮ ﺍﻟﻲ ﻳﻨﻚ ﻓﻮﻙ ﺭﺍﺳﻲ ﺣﺘﻰ ﺍﺳﺪ ﺍﻟﺴﺎﻟﻔﻪ ﻭﺑﻴﻦ ﻫﺎﻟﻤﺮﻩ
ﺍﻟﻤﺘﻠﻮﻋﻪ ﻋﻠﻰ ﺑﻨﺘﻬﺎ ... ﺿﻠﻴﺖ ﺍﻓﻜﺮ ﻭﺑﻌﺪﻳﻦ ﻛﻠﺖ ﻟﻶﻣﺮ ...
- ﻫﺎﻟﺴﺎﻟﻔﻪ ﻣﺎﻟﻬﻪ ﻏﻴﺮ ﺣﻞ ﻭﺍﺣﺪ
- ﺍﻱ ﺷﻨﻮﻭﻭ
- ﻧﻜﺘﻞ ﺍﻟﻮﻟﺪ ،، ﺣﺘﻰ ﺍﻟﻜﻞ ﺗﺼﻴﺮﻟﻬﻪ ﻋﺒﺮﻩ ﻫﻨﺎ ﻭﻣﺎﻧﻨﺤﻂ ﺑﻌﺪ
ﺑﻬﻴﺞ ﻣﻮﺍﻗﻒ ﻭﻧﻀﻞ ﻧﻔﺮ ﺑﺎﺫﺍﻧﺎﺗﻨﻪ ﻭﻫﻢ ﺍﺫﺍ ﺻﺎﺭ ﺣﺠﻲ ﻭﻭﺻﻞ
ﻟﻼﻋﻼﻡ ﻧﻜﻮﻝ ﺍﺗﺨﺬﻧﻪ ﺍﺟﺮﺍﺀ ﺑﺤﻘﻪ ﺑﺎﻟﻠﺤﻈﻪ ﺣﺘﻰ ﻣﺎﻳﺘﻜﺮﺭ ﺑﻌﺪ
ﻫﺎﻟﻤﻮﺿﻮﻉ ﻭﺗﻄﻠﻊ ﺍﻧﺘﻪ ﻣﻦ ﺍﻟﺴﺎﻟﻔﻪ ﻭﺣﻖ ﺍﻟﺒﻨﻴﻪ ﻣﺎﻳﻀﻴﻊ
- ﺩﺭﻭﻭﻭﻭﺡ ﺟﻴﺒﻪ ﻫﺎﻻﻏﻢ ﺭﻭﻭﻭﻭﺡ ﻻﻧﻌﻞ ﺍﺑﻮ ﻫﺎﻟﺸﻐﻠﻪ
ﻭﺍﺑﻮ ﻫﺎﻟﺴﺠﻮﻥ
- ﺳﺠﺎﺍﺍﺍﺩ ﺭﻭﺡ ﺟﻴﺐ ﺫﺍﻙ ﺍﻟﺤﻴﻮﺍﻥ ﻳﻼﺍﺍ
- ﺣﺎﺿﺮ ﺳﻴﺪﻱ
- ﻭﺍﻧﺘﻪ ﺍﻣﺸﻲ ﺗﺤﺮﻙ ﺭﻭﺡ ﺍﺟﻤﻊ ﻛﻞ ﺍﻟﺴﺠﻨﺎﺀ ﻭﺍﻟﺤﺮﺍﺱ
ﺑﺎﻟﺴﺎﺣﻪ ﻳﻼﺍﺍﺍ ﺗﺤﺮﺭﺭﻙ
ﻃﻠﻌﻨﻪ ﻛﻠﻨﻪ ﻟﻠﺴﺎﺣﻪ ﻭﺍﻵﻣﺮ ﺿﻞ ﻳﺤﺠﻲ ﺷﻮﻳﻪ ﻭﻳﻔﺘﺨﺮ ﺑﺴﻮﺍﻟﻔﻪ
ﻛﺪﺍﻣﻬﻢ ﻭﻳﺴﺘﻌﺮﺽ ﻣﺮﺍﺟﻠﻪ ﻭﻫﻮ ﺍﺟﻠﺐ ﻣﻨﻬﻢ ...
ﻭﺑﻌﺪﻫﻪ ﺟﺎﺑﻮ ﻟﻠﻮﻟﺪ ﺷﺤﻂ ﺷﺎﺣﻄﻲ ﻭﻭﻛﻔﻮﻩ ﻋﻠﻰ ﺍﻟﻤﻨﺼﻪ
ﺍﺳﺘﺄﺫﻧﺖ ﻣﻦ ﺍﻵﻣﺮ ﻭﻗﻨﻌﺘﻪ ﺑﺎﻟﻲ ﺍﺭﻳﺪﻩ ﻭﺭﺣﺖ ﻳﻢ ﺍﻟﻤﺮﻩ
ﺑﺎﻭﻋﺘﻠﻲ ﻭﻋﻴﻨﻬﻪ ﺗﺤﺠﻲ ﺍﻛﺜﺮ ﻣﻦ ﺍﻟﺴﺎﻧﻬﻪ ..
- ﻫﺎﺝ ﺍﻟﺰﻣﻲ ﻫﺎﻟﺴﻼﺡ ﻭﺍﺧﺬﻱ ﺣﻖ ﺑﻨﺘﺞ ﺑﺎﻳﺪﺝ ﻳﻼ ،، ﺗﻌﺮﻓﻴﻦ
ﺗﺼﻮﺑﻴﻦ ﻣﻮ
- ﻛﻠﺒﻲ ﺍﻟﻲ ﻳﺪﻟﻴﻨﻲ ﻋﻮﻓﻨﻲ ﻋﻠﻴﻪ
ﺍﺧﺬﺕ ﺍﻟﺴﻼﺡ ﻭﻭﻛﻔﺖ ﻛﺪﺍﻣﻪ ﻭﺿﺮﺑﺘﻪ ﺑﻨﺺ ﻛﻠﺒﻪ ﻣﺮﺗﻴﻦ
ﻭﺍﻟﻜﻞ ﺳﺎﻛﺖ ﻭﻣﺪﻧﻚ ﻣﺤﺪ ﻓﺘﺢ ﺣﻠﻜﻪ ﺑﺤﺮﻑ ﻭﻻﺗﺤﺮﻙ
ﻣﻦ ﻣﻜﺎﻧﻪ ،، ﻭﻛﻌﺖ ﺍﻟﺴﻼﺡ ﻣﻦ ﺍﻳﺪﻫﻪ ﻭﺿﻠﺖ ﺗﺮﺟﻒ
ﺭﺣﺖ ﻳﻤﻬﻪ ﻭﺻﺤﺖ ﺍﻟﺤﺎﺭﺳﺎﺕ ﺍﺟﻨﻲ ﻟﺰﻣﻨﻬﻪ ...
- ﻫﺎﻱ ﻫﻮ ﺍﺧﺬﺗﻲ ﺣﻖ ﺑﻨﺘﺞ ﻭﺍﻧﺴﺪﺕ ﺍﻟﺴﺎﻟﻔﻪ ﺑﻌﺪ ﻳﻼ ﻳﺮﺟﻊ
ﻛﻠﺸﻲ ﻟﻤﻜﺎﻧﻪ ﺧﻠﺺ ﺍﻟﻌﺮﺽ ﻳﻼﺍﺍ
- ﻣﺸﻜﻮﺭ ﺳﻴﺪﻱ ﻟﻮﻻﻙ ﺟﺎﻥ ﻇﻠﺖ ﻫﺎﻟﻨﺎﺭ ﺑﻜﻠﺒﻲ ﺗﺴﻌﺮ ﻛﻞ ﺍﻟﻌﻤﺮ
- ﻭﺍﺟﺒﻨﻪ ﻫﺬﺍ
ﺭﺣﺖ ﻟﻼٓﻣﺮ ﻭﺿﺤﻜﻨﻪ ﺿﺤﻜﺘﻨﺎ ﺍﻟﻤﻌﺘﺎﺩﻩ ﻣﻦ ﻧﺨﻠﺺ ﺷﻐﻠﻪ
ﻋﻠﻰ ﺧﻴﺮ .. ﺭﺍﺣﻮ ﺍﺧﺬﻭ ﺍﻟﻮﻟﺪ ﻻﻫﻠﻪ ﻭﺭﺟﻊ ﻛﻞ ﺷﻲ ﻃﺒﻴﻌﻲ
ﻭﺟﻤﺎﻋﻪ ﺭﺍﺣﻮ ﺍﺧﺬﻭ ﺍﻟﺒﻨﻴﻪ ﺩﻓﻨﻮﻫﺎ ...
ﻫﻮ ﻫﺬﺍ ﺣﺎﻝ ﺑﻠﺪﻧﺎ ﺍﻟﺒﺸﺮ ﺑﻲ ﺍﺭﺧﺺ ﻣﻦ ﻛﻴﻠﻮ ﺍﻟﻄﻤﺎﻃﻪ
ﻻ ﺍﺣﺪ ﻳﺴﺄﻝ ﻭﻻ ﺍﺣﺪ ﺍﻟﻴﻬﺘﻢ ...
ﻟﻠﻌﺼﺮ ﻭﻃﻠﻌﺖ ﻭﻳﻪ ﺍﺣﻤﺪ ﻟﺴﻴﺪ ﻭﺭﺣﺖ ﺣﺠﻴﺘﻠﻪ ﺍﻟﺴﺎﻟﻔﻪ
ﻭﺍﻟﻲ ﺷﻔﺘﻪ ﺑﺎﻟﻜﺎﻣﻴﺮﺍﺕ ﻭﻛﻞ ﺍﻟﻲ ﺻﺎﺭ ... ﺍﻧﻄﺎﻧﻲ ﺑﺨﻮﺭ
ﻭﺑﻄﻠﻴﻦ ﻣﻲ ﻛﻠﻲ ﺍﻏﺴﻞ ﺍﻟﺒﻴﺖ ﺑﻴﻬﻦ ﻭﺑﺨﺮﻩ ﻭﻣﻦ ﻳﻤﻲ
ﺑﺎﻗﻲ ﺍﻟﺸﻐﻞ ،، ﺯﺭﻛﺘﻪ ﺑﻤﻴﻪ ﺍﻟﻒ ﻭﻃﻠﻌﻨﻪ ..
ﺍﺗﺼﻠﺖ ﻋﻠﻰ ﺭﻧﺎ ﺑﺎﻟﻄﺮﻳﻖ ...
- ﻫﺎ ﺣﺒﻴﺒﻲ ﻭﻳﻴﻨﻚ ﻣﻦ ﺍﻟﺒﺎﺭﺣﻪ ﻣﺎﻛﻮ
- ﻋﻨﺪﻱ ﺷﻐﻞ ،، ﺍﺳﻤﻌﻴﻨﻲ ﺍﻣﻲ ﻋﺎﺯﻣﺘﻨﻪ ﻋﻠﻰ ﺍﻟﻌﺸﻪ ﺍﺧﺬﻱ
ﺍﻟﺠﻬﺎﻝ ﻭﺭﻭﺣﻲ ﺑﻴﻦ ﻣﺎﺧﻠﺺ ﺷﻐﻠﻲ ﻭﺍﻟﺤﻜﻢ ﻣﺎﺷﻲ
- ﻫﺎﻱ ﺷﻨﻮ ﻟﻴﺶ ﺷﻨﻮ ﺍﻟﻤﻨﺎﺳﺒﻪ
- ﻫﻴﺞ ﺍﻟﻪ ﻣﻨﺎﺳﺒﻪ ﻳﻌﻨﻲ ،، ﻳﻼ ﺗﺤﻀﺮﻭ ﺭﺍﺡ ﻳﻮﺻﻠﻜﻢ ﺍﺣﻤﺪ
ﻳﻼ ﺑﺴﺮﻋﻪ
- ﺍﻭﻭﻭﻛﻲ ﺣﺒﻴﺒﻲ
ﺳﺪﻳﺖ ﺍﻟﺨﻂ ﻭﺍﻧﻲ ﻛﺎﺭﻩ ﺣﺘﻰ ﺻﻮﺗﻬﻪ ﺑﺲ ﻻﻟﻌﺒﻬﻪ ﻭﻳﺎﺝ
ﻋﻠﻰ ﺍﻟﺨﻔﻴﻒ ﺍﺻﺒﺮﻳﻠﻲ ﻳﺎﺭﻧﺎ ..
- ﺍﺣﻤﺪ ﻧﺰﻟﻲ ﺑﺎﻟﺴﻌﺪﻭﻥ ﻭﺭﻭﺣﻠﻬﻢ ﻭﺩﻳﻬﻢ ﻟﺒﻴﺖ ﺍﻫﻠﻲ ﻭﺧﺎﺑﺮﻧﻲ
ﻣﻦ ﺗﻮﺻﻠﻬﻢ ﻣﺎﺷﻲ
- ﻣﺎﺷﻲ ﺳﻴﺪﻱ
- ﻭﺿﻞ ﺑﺎﻟﺒﻴﺖ ﺣﺘﻰ ﻧﻜﻤﻞ ﺍﻟﺸﻐﻞ ﺳﻮﻩ ﺯﻳﻦ ﻻﺗﻄﻠﻊ ﻣﻨﺎ ﻭﻻ ﻣﻨﺎ
- ﻻ ﺳﻴﺪﻱ ﺍﺿﻞ ﺍﻧﺘﻈﺮﻙ
ﺭﺟﻌﺖ ﺍﺗﺼﻠﺖ ﻋﻠﻰ ﺍﻣﻲ ﻭﻓﻬﻤﺘﻬﻪ ﺗﺤﻀﺮ ﺍﻟﻌﺸﻪ ﻭﺗﺴﻮﻱ
ﻧﻔﺴﻬﺎ ﻋﺎﺯﻣﺘﻬﻢ ﻭﺗﻤﺸﻲ ﺍﻟﺴﺎﻟﻔﻪ ...
ﻧﺰﻟﺖ ﺑﺎﻟﺴﻌﺪﻭﻥ ﻭﺭﺣﺖ ﻟﻠﺸﻘﻪ ﻓﺘﺤﺖ ﺍﻟﺒﺎﺏ ﻭﺿﻠﻴﺖ ﻭﺍﻛﻒ
ﺍﺑﺎﻭﻋﻠﻬﻪ ﻓﺎﺭﻏﻪ ﻭﻣﺎﺑﻴﻬﻪ ﺣﻴﺎﻩ .. ﻭﻳﻦ ﺟﺎﻧﺖ ﺑﻴﺪ ﻫﺒﻪ ﺟﻨﻪ
ﺭﺣﺖ ﺍﻓﺘﺮﻳﺖ ﺑﻴﻬﻪ ﻭﻓﺘﺤﺖ ﺍﻟﺸﺒﺎﺑﻴﻚ ﺗﺘﻬﻮﻯ ﻭﺷﻔﺖ ﺍﻟﻤﻜﺎﻥ
ﻛﻠﻪ ﺗﺮﺍﺏ ،،ﺟﺎﻥ ﺑﻴﺪ ﻫﺒﻪ ﺭﻳﺤﻪ ﺍﻟﻨﻈﺎﻓﻪ ﺑﻲ ﺗﻌﻂ ﻭﺍﻟﻔﺮﺣﻪ
ﻣﺎﻟﻴﻪ ﺍﺭﻛﺎﻧﻪ ﻫﺴﻪ ﺻﺎﻳﺮ ﻣﻴﺖ ﻣﺜﻠﻲ ،، ﻭﺍﻛﻔﻪ ﻫﺎﻻﺭﻛﺎﻥ
ﺑﺲ ﻣﺎﺑﻴﻬﻪ ﺭﻭﺡ ،،،
ﺭﺣﺖ ﻧﻔﻀﺖ ﺍﻟﺴﺮﻳﺮ ﻭﺗﻤﺪﺩﺕ ﻋﻠﻴﻪ ﻭﺿﻠﻴﺖ ﻣﻐﻤﺾ ﻭﺍﺫﻛﺮ ﺻﻮﺕ ﺿﺤﻜﻬﻪ ﻭﻳﺎﻳﻪ ﻭﺷﻠﻮﻥ ﺗﺘﻠﻤﺲ ﻭﺟﻬﻲ ﻭﺗﺒﻮﺱ ﺧﺪﻱ ﺑﻠﻬﻔﻪ ﻭﻓﺮﺣﻪ ... ﺍﺫﻛﺮ ﺻﻮﺗﻬﻪ ﻣﻦ ﺗﻜﻌﺪﻧﻲ ﻟﻠﺼﻼﻩ ﻭﺗﺤﻀﺮ ﻣﻼﺑﺴﻲ
ﻭﺷﻠﻮﻥ ﺗﻮﻛﻠﻨﻲ ﺑﺎﻳﺪﻫﻪ ﻭﺍﺷﺎﻗﻴﻬﺎ ،،،، ﻛﻞ ﻫﺬﺍ ﻳﻤﺮ ﻋﻠﻴﻪ ﻣﺜﻞ
ﺍﻟﺸﺮﻳﻂ ﻛﺪﺍﻡ ﻋﻴﻨﻲ ﻭﺻﻮﺗﻬﻪ ﻳﺮﻥ ﺑﺎﺫﻧﻲ ،،، ﻟﺰﻣﺖ ﻣﻔﺎﺗﻴﺤﻲ
ﻭﺗﻠﻤﺴﺖ ﺍﻟﻤﺪﺍﻟﻴﻪ ﺍﻟﻲ ﺑﻴﻬﻦ ﻭﺍﺫﻛﺮ ﺑﻴﻮﻡ ﻛﺎﻟﺘﻠﻲ ﺣﺘﻰ ﺗﻀﻞ
ﻧﺺ ﻳﻤﻚ ﻭﻧﺺ ﻳﻤﻲ ،،، ﻋﺒﺎﻟﻚ ﺗﻌﺮﻑ ﺑﻴﻨﻪ ﺭﺍﺡ ﻧﻔﺘﺮﻕ
ﻭﺭﺍﺩﺕ ﺗﺨﻠﻲ ﺗﺬﺍﻛﺮﻫﺎ ﻭﻣﺎﺗﺪﺭﻱ ﺍﻧﻬﺎ ﻟﻮ ﺗﺒﻌﺪ ﺳﻨﻴﻦ ﺗﻀﻞ
ﺑﻬﺎﻟﻜﻠﺐ ﺳﺎﻛﻨﻪ ﻭﻣﺘﺮﻳﻌﻪ ﺑﻲ ﻭﺑﻔﻜﺮﻱ ...
ﻛﻤﺖ ﻃﻠﻌﺖ ﻣﻼﺑﺴﻬﺎ ﻭﺿﻠﻴﺖ ﺍﺷﺘﻤﻬﻦ ﻭﺍﺗﻠﻤﺴﻬﻦ ﻭﺍﺫﻛﺮ ﺷﻜﻠﻬﺎ
ﺑﺎﻟﺒﺠﺎﻣﻪ ﻭﺣﺠﺎﺑﻬﺎ ﻭﺻﻮﺗﻬﺎ ﻣﻦ ﺗﻜﻮﻟﻲ ﺻﺪﻳﻘﻲ ،،، ﻛﻄﻌﺖ ﻛﻠﺒﻲ
ﺍﻟﺬﻛﺮﻳﺎﺕ ﺍﻛﺜﺮ ﻣﺎﺗﺮﻳﺤﻨﻲ ،،، ﻛﻠﺒﻲ ﻣﺤﺘﺎﺟﻬﺎ ﻧﺰﻑ ﻳﻨﺰﻑ ﻗﻬﺮ
ﺑﻐﻴﺎﺑﻬﺎ ﺧﻮﻑ ﻭﻧﺪﻡ ﻳﺸﻜﻲ ﻣﻦ ﺑﻌﺎﺩﻫﺎ ......
ﺭﺣﺖ ﺭﺷﻴﺖ ﻣﻦ ﻋﻄﺮﻫﺎ ﺑﺎﻟﻐﺮﻓﻪ ﻭﺿﻠﻴﺖ ﺍﺷﺘﻢ ﺑﻲ ﺍﻋﻴﺪ
ﻭﺟﻮﺩﻫﺎ ﻭﻫﻲ ﺑﻌﻴﺪﻩ ﻋﻨﻲ ... ﻟﻮ ﺑﺲ ﺍﻟﻜﻪ ﻃﺮﻑ ﺧﻴﻂ
ﻳﻮﺻﻠﻨﻲ ﺍﻟﻬﻪ ﺍﻱ ﺷﻲ ﻳﺪﻟﻴﻨﻲ ﻣﻜﺎﻧﻬﻪ .. ﻫﺎﻟﻔﺮﺍﻕ ﻳﻌﺬﺏ
ﺿﻠﻴﺖ ﺍﺷﺘﻢ ﺑﻤﻼﺑﺴﻬﺎ ﻭﺣﺎﺿﻨﻬﻦ ﻭﻧﺎﻳﻢ ﻭﺻﺎﻓﻦ ﺑﺎﻟﻐﺮﻓﻪ
ﻫﺎﻱ ﺍﻟﻲ ﺟﻤﻌﺖ ﺍﺣﻼﻣﻨﻪ ﻭﺿﺤﻜﺘﻨﻪ ﻫﺎﻱ ﺍﻟﻲ ﺑﻴﻬﻪ ﺟﺪﺩﺕ
ﻧﻔﺴﻲ ﻭﻋﺸﺖ ﻣﻦ ﺟﺪﻳﺪ ﻫﺴﻪ ﺻﺎﻳﺮﻩ ﺗﻮﺍﺳﻴﻨﻲ ﺑﻤﻮﺗﻲ ﺑﺪﻭﻧﻬﺎ
ﺳﻤﻌﺖ ﺻﻮﺕ ﺗﻠﻔﻮﻧﻲ ﻭﻟﻜﻴﺖ ﺍﺣﻤﺪ ﺍﻟﻤﺘﺼﻞ ..
- ﻫﺎﺍ ﺍﺣﻤﺪ
- ﺳﻴﺪﻱ ﻭﺻﻠﺖ ﺍﻟﺠﻤﺎﻋﻪ ﻭﻫﺴﻪ ﺭﺍﺟﻊ ﻟﻠﺒﻴﺖ
- ﺍﻱ ﺯﻳﻦ
ﺳﺪﻳﺖ ﺍﻟﺨﻂ ﻭﻛﻤﺖ ﺭﺟﻌﺖ ﻣﻼﺑﺴﻬﻪ ﻣﻜﺎﻧﻬﻦ ﻭﻗﻔﻠﺖ ﺍﻟﺒﺎﺏ ﻭ
ﻃﻠﻌﺖ ﺍﺧﺬﺕ ﺗﻜﺴﻲ ﻭﺭﺣﺖ ﻟﻠﺒﻴﺖ ....
ﻣﻦ ﻭﺻﻠﺖ ﺩﺯﻳﺖ ﺍﺣﻤﺪ ﺩﺧﻞ ﺟﺎﺏ ﺳﻄﻞ ﻭﺗﺮﺳﻨﺎﻩ ﻣﻲ
ﻭﻓﺮﻏﻨﻪ ﺑﻲ ﺍﻟﺒﻄﻞ ﺍﻻﻭﻝ ﻭﻏﺴﻞ ﺍﻟﻜﺮﺍﺝ ﻛﻠﻪ .. ﻭﺑﻌﺪﻳﻦ
ﺩﺧﻞ ﻏﺴﻞ ﺍﻟﺒﻴﺖ ﻛﻠﻪ ﻣﺴﺤﻪ ﻣﻦ ﻃﻠﻊ ﻭﻛﻤﻞ ﺷﻠﺘﻠﻪ ﺧﻤﺴﻪ
ﻭﻋﺸﺮﻳﻦ ﺣﻄﻴﺖ ﺑﺎﻳﺪﻩ ﻭﺩﺯﻳﺘﻪ ﻟﺒﻴﺘﻪ ﻳﺮﺗﺎﺡ ...
ﻭﺭﺣﺖ ﺍﺧﺬﺕ ﺍﻟﺒﺨﻮﺭ ﺳﻮﻳﺘﻪ ﺑﺎﻟﺒﻴﺖ ﻭﺿﻠﻴﺖ ﺍﺩﻭﺭ ﻋﻠﻰ ﻫﺬﻳﺞ
ﺍﻟﻌﻼﻛﻪ ﻟﻜﻴﺘﻬﺎ ﺑﺎﻟﻤﻄﺒﺦ ﺍﺧﺬﺗﻪ ﻛﻠﻪ ﺫﺑﻴﺘﻪ ﺑﺎﻟﻤﺠﺮﻯ ﻣﺎﻝ ﺍﻟﺤﻤﺎﻡ
ﻭﺧﻠﻴﺖ ﺑﺪﺍﻟﻪ ﻣﻲ ﻋﺎﺩﻱ ﻭﺭﺷﻪ ﺯﻋﻔﺮﺍﻥ ﺑﻲ ﻭﺧﻠﻴﺘﻪ ﺑﻤﻜﺎﻧﻪ
ﺿﻠﻴﺖ ﺍﺩﻭﺭ ﺑﻐﺮﺍﺿﻬﻪ ﺧﺎﻑ ﺍﻛﻮ ﺑﻌﺪ ﺍﺷﻴﺎﺀ ﻭﻣﺎﻟﻜﻴﺖ ﺷﻲ
ﺍﻃﻤﻨﺖ ﻳﻼ ﻃﻠﻌﺖ ﻣﻦ ﺍﻟﺒﻴﺖ ﻭﺭﺣﺖ ﻟﺒﻴﺖ ﺍﻣﻲ ...
ﻛﻌﺪﻧﺎ ﺗﻌﺸﻴﻨﻪ ﻭﺍﻧﻲ ﻣﺤﺠﻴﺖ ﻭﻻ ﺑﻴﻨﺖ ﺍﻱ ﺷﻲ ،، ﺑﺲ ﺍﻧﺘﺒﻬﺖ
ﺣﺴﻦ ﻭﺟﻬﻪ ﺛﻜﻴﻞ ،، ﺍﺷﺮﺗﻠﻪ ﻭﻛﻤﻨﺎ ﻃﻠﻌﻨﻪ ﺑﺎﻟﺸﺎﺭﻉ ﻭﻛﻔﻨﻪ
- ﺍﻛﻮﻝ ﺧﻮﻳﻪ ﺣﺴﻦ ﺍﺣﺠﻴﻠﻲ ﺍﺷﻮ ﺟﻦ ﻭﺟﻬﻚ ﺛﻜﻼﻥ ﻋﻠﻴﻪ
- ﻻ ﻳﺎﺑﻪ ﺷﺴﺎﻟﻔﻪ ﻣﺎﻛﻮ ﻫﻴﺞ ﺣﺠﻲ
- ﻻ ﺧﻮﻳﻪ ﺍﻋﺮﻓﻚ ﻋﺪﻝ ،، ﺿﺎﻳﺞ ﻣﻦ ﺣﺠﻲ ﺍﺑﻮ ﺭﻧﺎ
ﺗﺮﻩ ﻭﺭﻭﺡ ﺍﺑﻮﻳﻪ ﻫﺎﻟﺴﺎﻟﻔﻪ ﻛﻠﻬﺎ ﺟﺬﺏ ﺑﺠﺬﺏ
- ﺍﺍﻩ ﻳﻌﻨﻲ ﺷﻨﻮ ﺍﻟﺮﺟﺎﻝ ﻳﺠﻴﺐ ﻣﻦ ﻋﻨﺪﻩ
- ﻻ ﻣﻮ ﻣﻦ ﻋﻨﺪﻩ ﻣﻦ ﺭﻧﺎ ﻭﺍﻣﻬﻪ ﻫﺴﻪ ﺍﻧﺘﻪ ﺍﻟﻚ ﺍﻟﺼﺎﻓﻲ ﺧﻮﻳﻪ
ﺍﻟﻚ ﺍﻟﺼﺎﻓﻲ ﺑﺲ ﺣﺠﺎﻳﻪ ﺍﻟﻲ ﻣﺎﺗﺴﻤﻌﻬﺎ ﻣﻦ ﻟﺴﺎﻧﻲ ﻻ ﺗﺼﺪﻛﻬﺎ
ﻋﻠﻴﻪ ﻭﻻﺗﺨﻠﻲ ﺍﻟﺨﻮﻩ ﻳﺨﺮﺑﻬﺎ ﻓﻼﻥ ﻭﻓﻼﻥ ﺗﺮﻩ ﻣﺎﺗﺴﻮﻩ
- ﻻ ﻋﻤﺎﺩ ﻗﺎﺑﻞ ﺷﻌﻨﺪﻱ ﻭﻳﺎﻙ ﺍﻧﻲ ،، ﻣﺎﻧﺎﺳﻲ ﻭﻛﻔﺎﺗﻚ ﻭﻳﺎﻱ
ﺧﻮﻳﻪ ﺷﺨﺮﺏ
- ﻻ ﻣﺎﻛﻮ ﻻ ﻭﻛﻔﺎﺕ ﻭﻻ ﺑﻄﻴﺦ ﺍﺣﻨﻪ ﺍﻫﻞ ﺍﻟﻴﻮﻡ ﺍﺣﺘﺎﺟﻴﺘﻨﻲ
ﺑﺎﺟﺮ ﺍﻧﻲ ﺍﺣﺘﺎﺟﻚ ﻭﻣﺎﻟﻲ ﻣﺎﻟﻚ ﺍﻧﺘﻪ ﺍﺧﻮﻳﻪ ﺍﻟﻮﺣﻴﺪ ﻣﺎﻋﺰ ﻋﻠﻴﻚ
ﺭﻭﺣﻲ ﻣﻮ ﻋﺎﺩ ﺷﻜﻢ ﻓﻠﺲ ﻻ ﺗﺸﻴﻞ ﻫﻢ ﻭﻻ ﻳﻬﻤﻚ ﺣﺠﻲ ﺍﻟﻨﺎﺱ
ﺍﻧﺘﻪ ﺍﺑﻦ ﺍﻣﻲ ﻭﻣﻦ ﻟﺤﻤﻲ ﻭﺩﻣﻲ ﻣﺎﻟﻲ ﻏﻨﻰ ﻋﻨﻚ
- ﺗﺎﺝ ﺭﺍﺳﻲ ﻭﺍﻟﻠﻪ
ﺍﺟﻪ ﺣﻀﻨﻲ ﻭﺷﻔﺘﻪ ﻭﺟﻬﻪ ﻓﺮﺡ ﻭﺭﺟﻌﺘﻠﻪ ﺍﻟﻀﺤﻜﻪ ﻭﺭﺟﻌﻨﻪ
ﺟﻮﻩ ﻛﻌﺪﻧﺎ ﺗﻌﻠﻠﻨﻪ ﻭﺍﻣﻲ ﺗﺤﻮﺹ ﻛﻞ ﺷﻮﻳﻪ ﻭﺗﺴﺎﻟﻨﻲ ﺷﻜﻮ
ﻟﺤﺪ ﻣﺎﺣﺠﻴﺘﻠﻬﻪ ﺷﻜﻢ ﺟﺬﺑﻪ ﻳﻼ ﻓﻜﺖ ﻋﻨﻲ ...
ﺭﺟﻌﻨﻪ ﻟﻠﺒﻴﺖ ﻭﺭﺟﻌﺖ ﺍﻻﻳﺎﻡ ﺗﻤﺸﻲ ﻣﺜﻞ ﻣﺎﻣﻌﺘﺎﺩ ﻭﻣﺨﻠﻲ
ﺭﻧﺎ ﻋﺎﻳﺸﻪ ﺑﺎﻟﻮﻫﻢ ﻭﺍﻧﻲ ﻧﻘﻠﺖ ﻛﻞ ﻓﻠﻮﺳﻲ ﻟﻠﺸﻘﻪ ﻭﺳﻮﻳﺖ
ﻣﺴﺘﻨﺪﺍﺕ ﻣﺰﻭﺭﻩ ﻟﻠﻜﺎﻉ ﻭﺍﻟﺒﻴﺖ ﻭﺧﻠﻴﺘﻬﻦ ﺟﻮﻩ ﺍﻳﺪﻫﻪ
ﺣﺘﻰ ﺗﻀﻞ ﻣﻄﻤﺌﻨﻪ ﻭﻣﺎﺗﺴﻮﻳﻠﻲ ﻣﺸﺎﻛﻞ ﻻﻥ ﺑﻌﺪ ﻣﺎﻳﺘﺎﻣﻨﻠﻬﺎ
ﺍﺑﺪ ﻓﺨﻠﻲ ﺍﻣﺸﻲ ﻭﻳﺎﻫﻪ ﺑﻨﻔﺲ ﺩﺭﺑﻬﺎ ﻫﻴﺞ ﺍﺳﻴﻄﺮ ﻋﻠﻴﻬﻪ
ﻭﺭﺍﺣﺖ ﺍﻳﺎﻡ ﻭﺍﺟﺘﻲ ﺍﻳﺎﻡ ﻭﺍﻧﻲ ﺍﻟﻘﻬﺮ ﺑﻜﻠﺒﻲ ﻳﻜﺒﺮ ﺻﺮﺕ ﺍﺩﺧﻦ
ﻋﻠﻰ ﻃﻮﻝ ﺍﻟﻴﻮﻡ ﺑﺎﻛﻴﺖ ﻭﺭﻩ ﺑﺎﻛﻴﺖ .. ﻭﺍﺩﻭﺭ ﻋﻠﻰ ﻫﺒﻪ ﻭﻣﺎﻟﻬﻪ
ﺍﺛﺮ ﺗﺒﺨﺮﺕ ﺍﻟﺒﻨﻴﻪ ﻣﻦ ﻫﺎﻟﻜﺎﻉ ﻭﻳﻦ ﻣﺎﺩﺭﻭﺭ ﻭﺍﺳﺄﻝ ﻭﺍﻭﺻﻲ
ﻧﺎﺱ ﻳﺮﺟﻌﻮﻥ ﻧﻔﺲ ﺍﻟﺨﺒﺮ ﻣﺎﻟﻜﻴﻨﺎﻫﻪ .. ﻫﺎﻟﻜﻠﻤﻪ ﺻﺎﺭﺕ ﺗﻮﻗﻊ
ﻋﻠﻰ ﺩﻣﺎﺭﻱ ﻛﻞ ﻳﻮﻡ ...
ﻭﺻﺎﺭ ﺷﻬﺮ ﺍﻟﺴﺎﺩﺱ ﻭﻧﻔﺲ ﺍﻻﻭﺿﺎﻉ ﻭﺍﺧﻮﻫﻪ ﻳﺘﺼﻞ ﻳﺴﺄﻝ
ﻋﻠﻴﻬﻪ ﻭﺍﺻﺒﺮﻩ ﻭﻫﻮ ﻫﻢ ﺟﺰﻋﺖ ﺭﻭﺣﻪ ﻣﺜﻠﻲ .. ﻭﺍﻧﻲ ﻣﺎﺑﺪﻱ
ﺷﻲ ﻋﻠﻴﻪ ﻛﻞ ﺍﻟﻜﺪﺭﺗﻠﻪ ﺳﻮﻳﺘﻪ ﻭﻣﺎﺧﻠﻴﺖ ﻣﻜﺎﻥ ﻣﺎﺩﻭﺭﺗﻪ ..
ﺻﺮﺕ ﻫﺎﺩﻯﺀ ﻋﻜﺲ ﻛﻞ ﻳﻮﻡ ﻣﻦ ﻋﻤﺮﻱ ﺍﻟﻲ ﻓﺎﺕ ﻭﻣﺎﻟﻲ
ﻏﻴﺮ ﺍﻟﺴﻬﺮ ﻭﺍﻟﺠﻜﺎﻳﺮ ﻭﺍﻻﻏﺎﻧﻲ ﻭﺍﻟﺘﻔﻜﻴﺮ ﻭﺍﻟﻬﻢ ﻳﺬﺑﺢ ﺑﻴﻪ
ﻋﻠﻰ ﺍﻟﺒﻄﻲﺀ ﻛﻞ ﻳﻮﻡ ﻳﺎﻛﻞ ﻗﻄﻌﻪ ﻣﻦ ﺭﻭﺣﻲ ...
ﺑﺎﻟﻠﻴﻞ ﺍﺭﻭﺡ ﻟﻮﺣﺪﻱ ﺍﻛﻌﺪ ﺑﻨﻔﺲ ﻣﻜﺎﻥ ﺍﻟﻲ ﺍﺧﺬﺕ ﻫﺒﻪ ﺑﻲ
ﻭﻫﻨﺎﻙ ﻋﺮﺿﺖ ﻋﻠﻴﻬﻪ ﺍﻟﺰﻭﺍﺝ ﺻﺮﺕ ﺍﺣﺴﺐ ﻫﺎﻟﻤﻜﺎﻥ
ﻫﻢ ﻳﻮﺍﺳﻴﻨﻲ ﺑﻬﺎﻟﻔﺮﺍﻙ ﻭﺍﺷﻐﻞ ﻣﻮﺍﻝ ﺭﻳﺎﺽ ﺍﺣﻤﺪ
ﻫﺎﻟﻤﻮﺍﻝ ﻳﺘﺮﺟﻤﻨﻲ ﺑﺤﺬﺍﻓﻴﺮﻩ ﻭﻳﺮﻳﺢ ﻛﻠﺒﻲ ﻣﻦ ﺍﺳﻤﻌﻪ ...
ﻭﻳﻀﻞ ﻳﺎﺧﺬﻧﻲ ﻻﻳﺎﻡ ﺍﻟﻌﺰ ﺑﻘﺮﺏ ﺍﻟﺤﺒﻴﺒﻪ ﻭﻳﺮﺟﻌﻠﻲ ﺍﺣﻠﻰ ﺍﻳﺎﻣﻲ
ﻭﻣﺸﻰ ﻫﺎﻟﺸﻬﺮ ﺣﺎﻟﻪ ﺣﺎﻝ ﺍﻟﻲ ﺭﺍﺡ ﻭﺻﺎﺭ ﻋﻴﺪ ﻣﻴﻼﺩ ﺟﻬﺎﺩ
ﻭﻫﻮ ﻣﺘﻌﻮﺩ ﻛﻞ ﺳﻨﻪ ﺍﺳﻮﻳﻠﻪ ﺣﻔﻠﻪ ﺑﺒﻴﺘﻨﻪ ﻭﻧﺪﺯ ﻋﻠﻰ ﺍﻫﻠﻨﻪ
ﻭﺗﻀﻞ ﺳﻬﺮﻩ ﻣﻦ ﻣﻦ ﺑﺮﻩ ﺍﻟﻤﻐﺮﺏ ﺍﻟﻰ ١٢ ﺑﺎﻟﻠﻴﻞ ..
ﻭﻳﺎﻫﻢ ﺟﻬﺎﻝ ﺧﻮﺍﻟﻬﻢ ﻭﺟﻬﺎﻝ ﺣﺴﻦ ﻭﻛﻢ ﺻﺪﻳﻖ ﻣﻦ ﺍﻟﻤﻨﻄﻘﻪ
ﻭﻳﻀﻠﻮﻥ ﻳﻬﻮﺳﻮﻥ ﻭﻳﺤﺘﻔﻠﻮﻥ ﻭﻳﺮﻛﺼﻮﻥ ،، ﺑﺲ ﻫﺎﻟﺴﻨﻪ
ﻭﻛﻔﺖ ﻳﻤﻪ ﻋﻠﻰ ﻛﺪ ﻣﺎﻗﻄﻊ ﺍﻟﻜﻴﻜﻪ ﻭﺑﻮﺳﺘﻪ ﻭﺍﺧﺬﺕ ﺑﺎﻛﻴﺖ
ﺍﻟﺠﻜﺎﻳﺮ ﻭﻣﻮﺑﺎﻳﻠﻲ ﻭﻛﻌﺪﺕ ﻋﻠﻰ ﺟﻬﻪ ﻭﻋﻔﺘﻬﻢ ﻟﻮﺣﺪﻫﻢ
ﻳﻬﻮﺳﻮﻥ ﻭﻳﺘﺼﻮﺭﻭﻥ ﻭﺍﻣﻲ ﻭﺭﻧﺎ ﻳﺒﺎﻭﻋﻮﻟﻲ ﻭﻧﻈﺮﺍﺗﻬﻢ
ﻛﻠﻬﺎ ﺍﺳﺌﻠﻪ ﻭﺣﻴﺮﻩ ... ﻭﺗﺠﻲ ﺍﻣﻲ ﺗﻮﻛﻒ ﻳﻤﻲ ﺑﻜﺮﺳﻴﻬﺎ ﺍﻟﻤﺘﺤﺮﻙ
- ﺍﻛﻮﻝ ﻳﻤﻪ ﺷﺼﺎﻳﺮﻟﻚ ﺍﺷﻮ ﻭﺿﻌﻚ ﻣﺘﻐﻴﺮ
- ﻣﺎﻛﻮ ﺷﻲ
- ﺍﻱ ﺫﺏ ﻫﺎﻟﺪﺧﺎﻥ ﻣﻦ ﺍﻳﺪﻙ ﺩﺍﺣﺎﺟﻴﻚ ﺧﻨﻜﺘﻨﻪ
- ﻫﺎﻱ ﺫﺑﻴﺘﻬﺎ ﻳﻤﻪ ﻛﻮﻟﻲ ﺍﻣﺮﻱ
- ﺗﺴﻠﻢ ﻳﺎﻳﻤﻪ ﻣﺎﻋﻨﺪﻱ ﺷﻲ ﺭﺍﻳﺪﻩ ﺍﺷﻮﻑ ﺷﺒﻴﻚ ﺷﺠﺎﺭﻳﻠﻚ
ﻫﻴﺞ ﻣﻦ ﺷﻮﻛﺖ ﺍﻟﺠﻜﺎﻳﺮ ﺗﺮﺍﻓﻜﻚ ﺍﺣﺠﻴﻠﻲ ﻳﺎﻳﻤﻪ ﻃﻠﻊ ﺍﻟﻲ
ﺑﻜﻠﺒﻚ ﺍﻧﻲ ﺍﻣﻚ ﻭﺍﻓﻬﻤﻚ ﻭﺍﺣﺲ ﺑﻴﻚ
- ﻳﻤﻪ ﻣﺎﺑﻴﻪ ﺷﻲ ﻻ ﺗﺸﻐﻠﻴﻦ ﻧﻔﺴﺞ ﺑﻴﻪ
- ﻭﺍﻟﻠﻪ ﻣﺎﺍﺭﺿﻰ ﻋﻠﻴﻚ ﺍﻥ ﻣﺎﺣﺠﻴﺘﻠﻲ ﺷﺴﺎﻟﻔﺘﻚ ﺍﻧﻲ ﺍﻋﺮﻓﻚ ﻳﺎﻋﻤﺎﺩ
ﻭﺍﺩﺭﻱ ﻭﻛﻠﺒﻲ ﺣﺎﺳﻨﻲ ﻭﻛﻞ ﻣﺮﻩ ﺍﺳﺎﻟﻚ ﻭﺗﺘﺠﻨﺒﻨﻲ ﺑﺲ ﻫﺎﻟﻤﺮﻩ
ﻗﺴﻢ ﺑﺎﻟﻠﻪ ﺍﻥ ﻣﺎﺣﺠﻴﺖ ﻻ ﺍﻧﻲ ﺍﻣﻚ ﻭﻻ ﻋﺮﻓﻚ
- ﺍﺳﺘﻐﻔﺮ ﺍﻟﻠﻪ ﻳﻤﻪ ﺷﻬﺎﻟﺤﺠﻲ
- ﺍﻱ ﺍﻧﺘﻪ ﺣﺘﻀﻞ ﻫﻴﺞ ﺗﺎﻛﻞ ﺑﺮﻭﺣﻚ ﻟﺤﺪ ﻣﺎﺗﻨﺴﻞ ﻭﺗﻮﻛﻊ
ﺩﺧﻴﻞ ﺭﺑﺞ ﻳﻤﻪ ﻋﻮﻓﻴﻨﻲ ﺍﻧﻲ ﻣﻦ ﺿﻴﻤﻲ ﻫﻴﺞ ﻣﺎﻣﺘﺒﻄﺮ
- ﺷﺒﻴﻚ ﻳﺎﻳﻤﻪ ﺷﻬﺎﻟﻀﻴﻢ ﻫﺬﺍ ،،ﺍﺷﻮ ﻋﻮﻳﻠﻚ ﺑﺨﻴﺮ ﻭﺷﻐﻠﻚ ﺧﻴﺮ
ﻣﻦ ﺍﻟﻠﻪ ﻭﺻﺤﺘﻚ ﺭﺟﻌﺘﻠﻚ ﺷﺒﻴﻚ ﻓﻬﻤﻨﻲ ﻳﺎﻳﻤﻪ ،، ﻣﺮﺗﻚ ﻣﺘﻌﺒﺘﻚ
ﺻﺎﺣﺒﻚ ﻣﺎﺫﻳﻚ ﺩﺣﺎﺟﻴﻨﻲ ﻭﻃﻔﻲ ﻧﺎﺭ ﻛﻠﺒﻲ ﻋﻠﻴﻚ ﻳﺎﻳﻤﻪ
- ﺍﻭﻭﻭﻭﻭﻑ ﻳﺎﻳﻤﻪ ﺍﻭﻭﻭﻑ ﻟﻴﺶ ﻫﻲ ﺑﺎﻟﺸﻐﻞ ﻭﺍﻟﺒﻴﺖ ﻳﺎﻳﻤﻪ
ﺷﻄﻔﻲ ﻣﻨﺞ ﻭﺍﻧﻲ ﺍﻟﻤﺤﺘﺮﻙ
- ﺍﻳﻴﻲ ﺩﻓﻬﻤﻨﻲ ﻣﻮ ﺷﻠﻌﺘﻪ ﻟﻜﻠﺒﻲ ﺩﺣﺎﺟﻴﻨﻲ ﻳﺎﻋﻤﺎﺩ
- ﻋﻮﻓﻴﻨﻲ ﺭﺣﻤﻪ ﻻﻫﻠﺞ ﻳﻤﻪ ﺍﺫﺍ ﺗﺮﻳﺪﻳﻦ ﺧﺎﻃﺮﻱ ﻋﻮﻓﻴﻨﻲ
ﻻﻥ ﻣﺎﻋﻨﺪﻱ ﺷﻲ ﺍﺣﺠﻲ ﺍﻟﺞ ﻫﺴﻪ ﺗﺮﻳﺪﻳﻦ ﺭﺍﺣﺘﻲ ﺍﺩﻋﻴﻠﻲ
ﺍﻟﻜﻪ ﺍﻟﻲ ﺍﺭﻳﺪﻩ ﺑﺲ ﻫﺎﻱ ﺗﺮﻳﺤﻴﻦ ﺍﺑﻨﺞ ﺑﻴﻬﻪ ﺑﺲ ﻫﺎﻟﺪﻋﺎﺀ
- ﻳﺎﻭﻳﻞ ﻛﻠﺒﻲ ﻋﻠﻴﻚ ﻳﺎﻳﻤﻪ ﺷﺠﺎﺭﻳﻠﻚ ﺍﻱ ﻏﻴﺮ ﺍﻓﻬﻢ
- ﻳﻤﻪ ﻛﺘﻠﺞ ﺑﺲ ﺍﺩﻋﻴﻠﻲ ﻭﻛﻠﺸﻲ ﻣﺎﺭﻳﺪ ﺑﻌﺪ ﺍﻟﺤﻤﺪﻟﻠﻪ ﻛﻠﺸﻲ ﻋﻨﺪﻱ
ﺑﺲ ﻫﺎﻟﺪﻋﺎﺀ ﺍﺷﺘﺮﻱ ﺑﻤﺎﻱ ﻋﻴﻨﻲ
- ﻳﺎﺍﺭﺏ ﻳﺎﺍﺍﺭﺏ ﻳﻨﺰﺍﺡ ﻫﻤﻚ ﻭﻳﻄﻴﺐ ﻛﻠﺒﻚ ﻭﺗﻠﻜﻪ ﺿﺎﻟﺘﻚ
ﺑﺠﺎﻩ ﺍﻡ ﺍﻟﺒﻨﻴﻦ ﻳﺎﻳﻤﻪ
- ﻳﺎﺑﻌﺪ ﻛﻠﺒﻲ ﻳﺎﻳﻤﻪ ﻭﺍﻟﻠﻪ ﻓﺮﺣﺘﻲ ﻛﻠﺒﻲ ﺑﺪﻋﻮﺗﺞ
ﺑﻮﺳﺖ ﺍﻳﺪﻫﻪ ﻭﺍﺧﺬﺗﻬﻪ ﺭﺟﻌﻨﻪ ﻳﻢ ﺍﻟﺠﻬﺎﻝ ﺍﻛﻠﻨﻪ ﺍﻟﻜﻴﻚ ﻭﺍﻟﻜﺮﺯﺍﺕ
ﻭﺿﻠﻴﻨﻪ ﻧﻀﺤﻚ ﻋﻠﻴﻬﻢ ﻭﻋﻠﻰ ﻟﻌﺒﻬﻢ ﻭﺭﻛﺼﻬﻢ ...
ﻭﻣﺸﻰ ﻫﺎﻟﺤﺎﻝ ﻟﺸﻬﺮ ﺟﺪﻳﺪ ﻭﺟﺴﻤﻲ ﺿﻌﻒ ﺑﻲ ﻭﺟﻬﻲ ﺫﺑﻞ
ﻭﺿﻠﺖ ﻋﻴﻦ ﺍﻟﻨﺎﺱ ﻋﻠﻴﻪ ﻭﺍﺳﺌﻠﺘﻬﻢ ﺍﻟﻤﺎﺗﺨﻠﺺ .. ﺑﺲ ﻣﺎﺑﻴﺪﻱ
ﺷﻲ ﻋﻠﻰ ﻧﻔﺴﻲ ﺍﺳﻮﻱ ،، ﺍﻱ ﺭﻏﺒﻪ ﺑﺎﻟﺤﻴﺎﻩ ﻣﺎﻛﻮ ﺭﻭﺣﻲ
ﺍﺣﺘﺮﻛﺖ ﻟﻼﺧﻴﺮ ﻭﻣﺎﺿﻞ ﺑﺲ ﻫﺎﻟﺠﺴﺪ ﻳﺘﺎﺑﻊ ﻫﺎﻟﺤﻴﺎﻩ ﻻﺟﻞ
ﻫﺎﻟﺠﻬﺎﻝ ﻫﺬﻭﻝ ﻭﻻ ﻫﺎﻟﻜﻠﺐ ﺍﻧﺪﻣﺮ ﻭﺍﻟﺮﻭﺡ ﻣﺤﺘﺮﻛﻪ ﻭﻛﻞ
ﺍﻟﺮﺟﻮﻟﻪ ﻭﺍﻟﻘﺴﺎﻭﻩ ﻛﻠﻬﺎ ﺭﻛﻌﺖ ﻛﺪﺍﻡ ﻫﺎﻟﻮﺟﻊ ﺍﻟﻲ ﻣﻠﻰ ﻛﻠﺒﻲ
ﻣﻦ ﺷﻬﻮﺭ ،، ﺑﺎﻟﺒﺪﺍﻳﻪ ﻛﺎﺑﺮﺕ ﻭﺿﻠﻴﺖ ﻭﺍﻛﻒ ﺷﺎﻣﺦ ﺑﺲ ﺍﻻﻳﺎﻡ
ﻛﺴﺮﺕ ﻇﻬﺮﻱ ﺑﻴﻬﻪ ﻭﺧﻠﺘﻨﻲ ﺑﺲ ﺩﺍﻳﺦ ﻭﺻﺎﻓﻦ ﺣﺘﻰ ﺑﺸﻐﻠﻲ
ﻣﻮ ﻫﺬﺍﻙ ﺍﻻﻭﻟﻲ ﺍﻟﻲ ﻳﺮﺟﻔﻬﻢ ﺑﺎﻟﺼﻴﺤﻪ ،،، ﻫﺴﻪ ﻣﺨﻠﻴﻬﻢ ﻋﻠﻰ
ﺣﻞ ﺷﻌﺮﻫﻢ ﺍﻛﻀﻲ ﺷﻐﻠﻲ ﻭﺍﻃﻠﻊ ﺍﻓﺘﺮ ﺑﻬﺎﻟﺸﻮﺍﺭﻉ ﻣﺎﺩﺭﻱ ﻭﻳﻦ
ﺍﺭﻭﺡ ﻭﺷﺴﻮﻱ ،، ﺍﻟﺸﻘﻪ ﻣﺎﻭﺻﻠﺘﻬﻪ ﺑﻌﺪ ﻣﻦ ﻳﻮﻡ ﻭﺩﻳﺖ ﺍﻟﻔﻠﻮﺱ
ﻭﺍﻟﻤﺴﺘﻨﺪﺍﺕ ﺑﻴﻬﻪ ﻭﻟﻬﺎﻟﻴﻮﻡ ﻣﺎﻭﺻﻠﺘﻬﻪ ،، ﺗﺨﻨﻜﻨﻲ ﺣﻴﻄﺎﻧﻬﻪ
ﺍﻟﻤﻴﺘﻪ ﻣﺜﻠﻲ ﻣﺎﺗﺤﻤﻞ ﺷﻮﻓﺘﻬﻪ ﺗﺪﻣﻲ ﻛﻠﺒﻲ .....
ﻭﻣﺜﻞ ﻛﻞ ﻳﻮﻡ ﻛﺎﻋﺪ ﺑﺎﻟﻠﻴﻞ ﻋﻠﻰ ﻫﺎﻟﺘﻠﻔﻮﻥ ﻳﻢ ﺍﻟﺠﻬﺎﻝ ﺑﺎﻟﻬﻮﻝ
ﻭﺍﻛﻠﺐ ﺑﻲ ﻭﺟﺎﻥ ﺍﺷﻮﻑ ﻣﻨﺸﻮﺭ ﻣﻦ ﻫﺒﻪ ﺑﺎﻻﻧﺴﺘﻜﺮﺍﻡ
ﻭﻛﻠﺒﻲ ﻓﺮﻓﺢ ﻛﻤﺖ ﻋﻠﻰ ﺣﻴﻠﻲ ﻭﺷﻐﻠﺖ ﺍﻟﻔﻴﺪﻳﻮ
ﺍﻧﻲ ﺳﻤﻌﺘﻪ ﻟﻮ ﺣﺴﻴﺖ ﺍﻟﻨﺎﺭ ﺷﺒﺖ ﺑﻴﻪ .. ﻳﻌﻨﻲ ﺑﻌﺪﻫﻪ ﻣﻜﺴﻮﺭ
ﻛﻠﺒﻬﺎ ﻣﻨﻲ ﻭﺑﻌﺪﻫﺎ ﻣﺘﻌﺬﺑﻪ ﻣﻦ ﺣﺒﻲ ... ﺻﺮﺕ ﺍﻓﺘﺮ ﺑﺎﻟﻬﻮﻝ
ﻭﺍﻓﺮﻙ ﺑﻮﺟﻬﻲ ﻭﺍﺭﺟﻊ ﺍﺭﺍﺳﻠﻬﻪ . ..
- ﻫﺒﻪ ﺣﺒﻴﺒﻲ ﻭﻳﻨﺞ ،، ﺣﺎﺟﻴﻨﻲ ﻓﻬﻤﻴﻨﻲ ﻭﻳﻨﺞ ﺣﺘﺨﺒﻞ ﻋﻠﻴﺞ ﻫﺒﻪ
ﺳﺎﻣﺤﻴﻨﻲ ﺣﺒﻴﺒﻲ ﻻﺗﻀﻠﻴﻦ ﺷﺎﻳﻠﻪ ﺑﻜﻠﺒﺞ ﻋﻠﻴﻪ ﻧﺪﻣﺎﻥ ﻭﺣﻖ ﻋﻴﻨﺞ
ﺟﺎﻧﺖ ﺗﺸﻮﻓﻬﻪ ﻭﻣﺘﺠﺎﻭﺏ ﻭﺧﻠﺖ ﺍﻋﺼﺎﺑﻲ ﺗﻔﻮﺭ ﺿﺮﺑﺖ ﺍﻟﺤﺎﻳﻂ
ﺑﻘﺒﻀﻪ ﺍﻳﺪﻱ ﻭﺷﻤﺮﺕ ﺍﻟﺘﻠﻔﻮﻥ ﻭﺿﻠﻴﺖ ﻭﺍﻛﻒ ﻭﺣﺎﻁ ﺍﻳﺪﻱ
ﻋﻠﻰ ﺭﺍﺳﻲ ﻭﻋﺎﺻﺮﻫﻪ ،، ﻛﺎﻣﺖ ﺭﻧﺎ ﻭﺍﺟﺘﻲ ﻳﻤﻲ .
- ﻫﺎﻱ ﺷﺒﻴﻚ ﻋﻤﺎﺩ ﺧﻮﻓﺖ ﺍﻟﺠﻬﺎﻝ
- ﺭﻭﻭﻭﻭﺣﻲ ﻣﻦ ﻳﻤﻲ
- ﺷﺒﻴﻚ ﺷﺴﻮﻳﺘﻠﻚ ﻫﺴﻪ
- ﺭﻧﺎﺍﺍﺍﺍ
- ﺭﺣﺖ ﺭﺣﺖ ﻣﺪﺭﻱ ﺷﻠﻮﻥ ﺻﺎﻳﺮ
- ﻻﺗﺨﻠﻴﻨﻲ ﺍﺷﻮﻩ ﺧﻠﻘﺘﺞ ﻫﺴﻪ ﺍﻧﺼﻤﻲ ﻭﻭﻟﻲ ﻣﻦ ﻳﻤﻤﻤﻤﻴﻴﻴﻴﻲ
ﺭﺍﺣﺖ ﻭﺍﺧﺬﺕ ﺍﻟﺠﻬﺎﻝ ﻭﻳﺎﻫﻪ ﻟﻠﻐﺮﻓﻪ ﻭﺍﻧﻲ ﺭﺍﺣﺖ ﺷﻠﺖ ﺍﻟﺘﻠﻔﻮﻥ
ﻭﺿﻠﻴﺖ ﺍﺭﺍﺳﻠﻬﻪ ﻭﻣﺎﺗﺮﺩ ﺷﺎﻏﺖ ﺭﻭﺣﻲ ﻭﺍﺣﺘﺮﻛﺖ ﻭﻣﺎﻧﻄﻔﺖ
ﺷﺴﻮﻱ ﺑﻴﻬﻪ ﻫﺴﻪ ﺷﺴﻮﻭﻭﻭﻱ ،، ﻟﻴﺶ ﻣﺘﺠﺎﺍﺍﻭﺏ ﻭﺗﻌﺎﺗﺐ
ﺧﻠﻲ ﺣﺘﻰ ﻟﻮ ﺗﺤﺠﻲ ﺑﻌﺼﺒﻴﻪ ﺗﺘﺠﺎﻭﺯ ﻟﻮ ﺣﺘﻰ ﺗﺰﻋﻞ ﻟﻮ ﺗﺮﻳﺪ
ﺗﻨﺘﻘﻢ ﺑﺲ ﻻ ﺗﻀﻞ ﺑﻌﻴﺪﻩ ﻭﺳﺎﻛﺘﻪ ﻫﻴﺞ ﺩﺗﺬﺑﺨﻨﻲ ﻗﺴﻢ ﺑﺎﻟﻠﻪ ﺗﺬﺑﺤﻨﻲ
ﺿﻠﻴﺖ ﻛﻞ ﺷﻮﻳﻪ ﺍﺗﺎﺑﻊ ﻇﻬﻮﺭﻫﺎ ﻭﻣﺎﻛﻮ ﺭﺍﺣﺖ ﻫﻢ ﺍﺧﺘﻔﺖ ﻳﺎﺭﺑﻲ
ﺷﻠﻮﻥ ﺑﻴﻪ ﺷﺼﺒﺮ ﺑﻌﺪ ﻣﻨﻴﻦ ﺍﺟﻴﺐ ﺍﻟﺼﺒﺮ
ﺭﺣﺖ ﻃﻠﻌﺖ ﺍﺩﺧﻦ ﺑﺮﻩ ﻭﺗﻤﺸﻴﺖ ﺷﻮﻳﻪ ﻫﺪﺋﺖ ﺍﻋﺼﺎﺑﻲ ﻭﺿﻠﻴﺖ
ﺍﻓﻜﺮ ﻻﺯﻡ ﺍﺳﺘﻐﻞ ﺍﻥ ﻋﺪﻫﺎ ﺗﻠﻔﻮﻥ ﻭﺭﺟﻌﺖ ﻓﺘﺤﺖ ﺍﻟﺤﺴﺎﺏ
أنت تقرأ
في قعر السجون وجدتني (منقوله)
Short Storyمنقوله للكاتبه Adzzon zoka الناقله حكمت 𝙃𝙚𝙠𝙢𝙖𝙩_𝙈_𝙝🫀
