#بارت٥
ﺻﺮﺕ ﺍﻧﺴﻰ ﺍﻟﺘﻌﻘﻴﻢ ﻫﺎﻻﻳﺎﻡ ﻭﻣﺘﻔﺎﺟﻰﺀ ﻣﺎﻟﻜﻴﺖ ﺳﺒﺐ
ﻏﻴﺮ ﻳﻤﻜﻦ ﻣﻦ ﺍﻟﺘﻌﺐ ..
ﺍﺟﺎﻧﻲ ﺭﻗﻢ ﺍﻟﻤﺤﺎﻣﻲ ﻭﺍﺗﺼﻠﺖ ﻋﻠﻴﻪ .. ﻋﺮﻓﺖ ﺑﻨﻔﺴﻲ
ﻭﻃﻠﺒﺖ ﻧﻠﺘﻘﻲ ﺑﺴﺮﻳﻪ ﻭﺍﺧﺬﺕ ﻣﻮﻋﺪ ﻭﻳﺎﻩ ﺏ٧ ﺑﺎﻟﻠﻴﻞ
ﻛﻤﻠﺖ ﻛﺘﺎﺑﻪ ﺑﺎﻗﻲ ﺍﻟﻘﻀﺎﻳﺎ ﻭﻃﻠﻌﺖ ﺏ ٦ ﻭﻧﺺ ﻭﺍﺗﺠﻬﺖ
ﻟﻠﻤﺤﺎﻣﻲ ...
ﻗﺎﺑﻠﺘﻪ ﻭﻫﻮ ﺭﺟﺎﻝ ﺟﺒﻴﺮ ﻭﻣﻜﺘﺒﻪ ﻋﺎﺩﻱ ...
- ﺗﻔﻀﻞ ﺣﻀﺮﻩ ﺍﻟﻀﺎﺑﻂ ﺑﺸﻨﻮ ﺍﻛﺪﺭ ﺍﺧﺪﻣﻚ
- ﺍﺭﻳﺪ ﺍﻟﻲ ﻧﺤﺠﻲ ﻳﺒﻘﻰ ﺑﻴﻨﻪ ﻭﺍﻧﺘﻪ ﺗﻌﺮﻑ ﺍﻟﻮﻋﻮﺩ ﺍﻟﺘﺘﻐﻴﺮ
ﻋﻨﺪ ﺍﻟﻀﺒﺎﻁ ﺷﻠﻮﻥ ﺗﺼﻴﺮ ﺗﺎﻟﻴﻬﻪ
- ﺍﻳﻲ ﻓﺎﻫﻤﻚ ﺍﺩﺧﻠﻲ ﺑﺼﻠﺐ ﺍﻟﻤﻮﺿﻮﻉ
ﻋﺮﻓﺖ ﻣﻦ ﻧﺒﺮﺗﻪ ﺍﻧﻪ ﻳﺘﻬﺪﺩ ﺑﺴﺮﻋﻪ ﻭﻳﺨﺎﻑ ﻭﻫﻮ ﻣﻮ ﺭﺍﻋﻲ ﻣﺸﺎﻛﻞ ...
- ﺷﻮﻑ ﻋﻨﺪﻙ ﻫﺒﻪ ﻧﺎﺻﺮ ﻣﻠﻔﻬﺎ ﻫﺬﺍ ﻭﻳﻨﻪ ﺑﺎﻳﺪﻱ ﻭﺑﻲ
ﺑﻼﻭﻱ ﻻﻫﻠﻬﺎ ﻭﻋﻤﺘﻬﺎ ﻭﺣﺘﻰ ﻋﻤﻬﺎ ... ﺑﺎﺟﺮ ﻣﺤﻜﻤﺘﻬﺎ
ﻣﺘﺎﻛﺪ ﻫﻤﻪ ﺭﺍﺡ ﻳﺠﻮﻥ ﺣﺘﻰ ﻳﻀﻤﻨﻮﻥ ﻧﻔﺴﻬﻢ ﻣﻮ ﻋﻠﻤﻮﺩﻫﻪ
ﻭﺍﺩﺭﻱ ﺑﺎﻟﻲ ﻃﺎﻟﺒﻪ ﻣﻨﻚ ﻋﻤﻬﺎ ...
- ﻭﺷﻤﺪﺭﻳﻚ ﺑﺎﻟﺤﺠﻲ ﺍﻟﻲ ﺑﻴﻨﻲ ﻭﺑﻴﻦ ﻋﻤﻬﺎ
- ﻣﺤﻘﻖ ﺍﻧﻲ ﻣﻮ ﺍﺑﻮ ﺧﻀﺮﻩ ﺣﺘﻰ ﻣﺎﺩﺭﻱ ،، ﻣﺮﺍﻭﻏﻪ
ﺍﻟﻤﺤﺎﻣﻴﻦ ﻋﻮﻓﻬﺎ ﻋﻠﻰ ﺟﻬﻪ ﺗﺮﻩ ﺍﻟﻲ ﻋﻨﺪﻱ ﺍﻛﺜﺮ ﻣﻨﻚ
ﺟﻴﺘﻚ ﻻﻧﻲ ﺭﺍﻳﺪ ﻫﺎﻟﻘﻀﻴﻪ ﺗﻄﻠﻊ ﺑﺤﻖ ﻛﺎﻓﻲ ﺍﻟﻈﻠﻢ ﻃﻐﻰ
- ﻳﻌﻨﻲ ﺷﺘﺮﻳﺪ ﺑﺎﻟﻀﺒﻂ ﻫﺴﻪ ﻣﻔﻬﻤﺖ ﺷﻜﺪﺭ ﺍﺳﻮﻱ
- ﺍﻫﺎﺍﺍﺍ ﻫﺴﻪ ﻋﺠﺒﺘﻨﻴﻴﻲ ،،، ﻛﺪﺍﻡ ﺍﻟﻘﺎﺿﻲ ﺗﺒﺮﻱ ﺍﻟﺒﻨﻴﻪ
ﻣﻦ ﺗﻬﻤﻪ ﺍﻧﻬﺎ ﻣﻮﺍﻋﺪﻩ ﺍﻟﻮﻟﺪ ﻻﻥ ﺍﺩﺭﻱ ﺍﻫﻞ ﺍﻟﻮﻟﺪ ﺭﺍﺡ
ﻳﻔﺮﻭﻫﻪ ﻫﻴﺞ ﺑﺴﺒﺐ ﺍﻟﺪﻟﻴﻞ ﺍﻟﻄﻠﻊ
- ﺯﻳﻦ ﻫﺎﻱ ﻧﻜﺪﺭ ﻋﻠﻴﻬﻪ ﺑﺲ ﻋﻤﻬﺎ ﺷﻠﻮﻥ ﺍﺫﺍ ﻣﺎﺻﺎﺭ ﺍﻟﻲ
ﻳﺮﻳﺪﻩ ﺭﺍﺡ
- ﻳﻄﺒﻪ ﻃﻮﻭﻭﺏ ﺍﺑﻦ ﺍﻟﻜﻠﺐ ﻫﺬﺍ ﻟﻮ ﺭﺟﺎﻝ ﻣﻴﺤﺠﻲ ﻫﺎﻟﺤﺠﺎﻳﻪ ﻟﻚ ﻳﺎﺑﻪ ﻫﺎﻱ ﻛﻠﻬﺎ ﺑﻨﻴﻪ ﻃﻔﻠﻪ ﺭﻭﺡ ﺷﻮﻓﻬﺎ
ﺷﻠﻮﻥ ﻣﺸﻮﻫﻴﻦ ﻭﺟﻬﻬﺎ ﺑﺎﻟﻀﺮﺏ ﻭﻫﻲ ﺷﺬﻧﺒﻬﺎ
ﻟﻚ ﻣﻮ ﺍﻧﺘﻪ ﻣﺤﺎﻣﻴﻬﺎ ﺍﻧﻲ ﺍﺟﻲ ﺍﺩﺍﻓﻊ ﻋﻨﻬﺎ ﻟﻮ ﺍﻧﺘﻪ ﻳﺎ ..
ﺍﺳﺘﻐﻔﺮﺭﺭﺭﺭﺭ ﺍﻟﻠﻪ
- ﺣﻀﺮﻩ ﺍﻟﻀﺎﺑﻂ ﺑﺎﺟﺮ ﻳﺼﻴﺮ ﺧﻴﺮ ﻭﺍﻭﻓﻴﻚ ﺑﻜﻞ
ﺍﻟﻲ ﻳﺼﻴﺮ ﻭﻃﻠﺒﻚ ﻫﺬﺍ ﺣﻘﻬﺎ ﻭﺍﺩﺭﻱ ﺍﻻﻫﻞ ﻳﺮﺩﻭﻥ
ﻳﺬﺑﻮﻫﻪ ﺑﺮﺍﺳﻬﻪ ﻭﻳﻄﻤﻄﻤﻮﻥ ﻋﻠﻰ ﺳﺎﻟﻔﻪ ﺍﺧﺘﻬﻢ
ﺑﺎﺟﺮ ﺍﻧﻲ ﺍﺳﻮﻱ ﺷﻐﻠﻲ ﻣﺜﻞ ﻣﺎﺍﻗﺴﻤﺖ ﺍﻣﺎﻡ ﺭﺑﻲ
ﺑﺎﻟﺤﻖ
- ﺍﻫﺎﺍﺍ ﻫﺴﻪ ﺻﺮﺕ ﺭﺟﺎﺍﺍﻝ ﻳﻨﺸﺪ ﺑﻴﻚ ﺍﻟﻈﻬﺮ ﺍﻋﺘﻤﺪ
ﻋﻠﻴﻚ
- ﺍﻟﻠﻪ ﻛﺮﻳﻢ ،،، ﺑﺲ ﺳﺆﺍﻝ ﺣﻀﺮﻩ ﺍﻟﻀﺎﺑﻂ
- ﻛﻮﻭﻝ
- ﻟﻴﺶ ﺍﻻﻫﺘﻤﺎﻡ ﻛﻠﻪ ﻫﺬﺍ ﺑﺎﻟﺴﺠﻴﻨﻪ
- ﻫﺬﺍ ﺣﻖ ﻳﺎﺑﻪ ﻣﻮ ﺍﻫﺘﻤﺎﻡ ,, ﻣﻦ ﺍﺷﻮﻑ ﺍﻟﻨﻐﻞ ﻋﻤﻬﺎ
ﻳﺮﻳﺪ ﻳﻀﻢ ﻋﻠﻰ ﺍﺧﺘﻪ ﻭﻳﻌﻮﻑ ﻫﺎﻱ ﺍﻟﻲ ﺑﻼ ﺍﻫﻞ ﻭﻋﺎﻳﺸﻪ
ﺑﻈﻠﻬﻢ ﻭﻫﻤﻪ ﻳﺬﺑﻮﻫﻪ ﺑﺎﻟﺴﺠﻮﻥ ﻭﻣﺎﻳﺴﺎﻟﻮﻥ ﺍﻟﻀﻤﻴﺮ ﻣﺎﻳﺮﺿﻰ ﻳﺎﺧﻮﻱ ﺍﺻﻴﺮ ﺣﺎﻟﻲ ﺣﺎﻟﻬﻢ ﻭﺍﺳﻜﺖ ﻭﺍﺧﻠﻲ ﺍﻟﺬﻳﺎﺑﻪ ﺗﻨﻬﺶ ﺑﻠﺤﻤﻬﻪ ﻟﻮ ﺑﻨﻴﻪ ﻣﻦ ﺫﻧﻲ ﺍﻟﺼﺎﻳﻌﺎﺕ
ﻭﺑﻨﺎﺕ ﺍﻟﺸﻮﺍﺭﻉ ﺟﺎﻥ ﻛﻠﺖ ﺣﻴﻞ ﻭﺍﺑﻮ ﺯﺍﻳﺪ ﺑﺲ ﺑﻨﺖ
ﺑﻴﻮﺕ ﻭﺷﺮﻳﻔﻪ ﻛﻠﺒﻬﺎ ﻋﻠﻰ ﺍﺧﻴﻬﺎ ﻭﺻﻠﻬﻪ ﻫﺎﻟﻤﻮﺍﺻﻴﻞ
ﻭﺍﻟﻠﻪ ﻟﻮ ﻫﺎﻱ ﺍﺧﺘﻲ ﻟﻮ ﺑﻨﺘﻲ ﺍﺭﻓﻊ ﺭﺍﺳﻲ ﺑﻴﻬﻪ ﺍﻟﻠﻪ ﺷﺎﻫﺪ
ﺍﻟﻐﻀﺐ ﻟﺤﻈﻪ ﻭﺍﻟﻨﺪﻡ ﺳﻨﻴﻦ ،، ﻳﺼﻴﺮ ﺧﻴﺮ ﺍﻥ ﺷﺎﺀ ﺍﻟﻠﻪ
ﻃﻠﻌﺖ ﻣﻦ ﻋﻨﺪﻩ ﻭﺭﺣﺖ ﻟﻠﺒﻴﺖ ،، ﺗﻠﻜﻮﻧﻲ ﺍﻟﺠﻬﺎﻝ
ﺷﻠﺘﻬﻢ ﻭﺑﻮﺳﺘﻬﻢ ﻭﺍﺟﺘﻲ ﺭﻧﺎ ﺳﻠﻤﺖ ﺑﺒﺮﻭﺩ ﻭﺭﺍﺣﺖ
ﻟﻠﻤﻄﺒﺦ ...
ﻧﺰﻟﺘﻬﻢ ﻭﺭﺣﺘﻠﻬﺎ ﻭﻛﻔﺖ ﻳﻤﻬﺎ ﻭﻛﺮﺻﺘﻬﺎ ﻣﻦ ﺯﻧﺪﻫﺎ ..
- ﺷﺒﻴﻴﻴﺞ ﺷﻮ ﻛﺎﻟﺒﻪ ﺧﻠﻘﺘﺞ ﻋﻠﻴﻨﻪ
- ﺿﺎﻳﺠﻪ ﻣﻨﻚ
- ﻟﻴﻴﺶ ﺷﻤﺴﻮﻳﻠﺞ ﺑﻠﻪ
- ﻳﻌﻨﻲ ﺻﺎﺭﻟﻚ ﻳﻮﻣﻴﻦ ﻛﻠﻤﻪ ﺷﻠﻮﻧﺞ ﻣﻜﺎﻳﻠﻲ ﻣﺎﺷﻮﻓﻚ
ﺍﻻ ﺑﺎﻟﻌﺸﺮﻩ ﺑﺎﻟﻠﻴﻞ ﺗﻜﻌﺪﻟﻚ ﺳﺎﻋﻪ ﻭﻳﺎﻧﻪ ﻭﺗﻨﺎﻡ
ﺣﺘﻰ ﺗﻠﻔﻮﻥ ﻣﺘﺘﺼﻞ ﻋﻠﻴﻪ ﺑﺎﻟﻨﻬﺎﺭ ﻭﺍﺫﺍ ﺍﺧﺎﺑﺮﻙ ﻛﺒﻞ
ﺗﻜﻠﻲ ﻋﻨﺪﻱ ﺷﻐﻞ ﻳﻼ ﺑﻌﺪﻳﻦ ﺑﻌﺪﻳﻦ ﻭﺗﺴﺪﻩ
- ﺣﻘﺞ ﻭﺍﻟﻠﻪ ﺷﻐﻞ ﻣﺎﻣﻨﻄﻴﻨﻲ ﻣﻔﻜﻪ ﺗﻌﺎﻱ ﺍﺭﺍﺿﻴﺞ ﺗﻌﺎﺍﻱ
ﺍﺧﺬﺗﻬﺎ ﻟﻠﻐﺮﻓﻪ ﻭﺳﺪﻳﺖ ﺍﻟﺒﺎﺏ ﻭﺑﺪﺕ ﺷﻴﻄﻨﺘﻬﺎ ﺗﻄﻠﻊ
ﻭﺑﻮﺳﺘﻴﻦ ﻧﺴﺖ ﺍﻟﺰﻋﻞ ...
ﺭﻓﻌﺖ ﺭﺍﺳﻬﺎ ﻣﻦ ﺍﻳﺪﻱ ﻭﻛﺎﻟﺖ ..
- ﻋﻤﻤﻮﺩ ﺍﺭﻳﺪ ﺍﺭﻭﺡ ﻻﻫﻠﻲ ﺻﺎﺭ ﻫﻮﺍﻱ ﻣﺮﺍﻳﺤﻪ
- ﺍﻱ ﻭﺍﺫﺍ ﻣﺮﺍﻳﺤﻪ ﺷﻜﻮ ﺑﻴﻴﻬﻪ
- ﻣﺸﺘﺎﻗﺘﻠﻬﻤﻤﻤﻢ ﺣﺒﻴﺒﻴﻴﻲ ﺧﻠﻲ ﺍﺭﻭﺡ ﺑﺎﺟﺮ
- ﺗﺮﺟﻌﻴﻦ ﺍﻟﻤﻐﺮﺏ ﻣﺎﻛﻮ ﺿﻠﻪ ﻟﺜﺎﻧﻲ ﻳﻮﻡ
- ﺷﻨﻮ ﺍﻟﻤﻐﺮﺏ ﺷﻠﺤﻚ ﺍﺷﻮﻓﻬﻢ
- ﻫﺎﻱ ﻟﻌﺪ ﻣﺎ ﺗﺮﻭﺣﻴﻦ
- ﻳﻼ ﻣﻴﺨﺎﻟﻒ ﻣﻴﺨﺎﻟﻒ ﺍﻣﺮﻱ ﻟﻠﻪ ،،ﺯﻳﻦ ﺍﺭﻳﺪ ﻓﻠﻮﺱ
ﺍﺭﻳﺪ ﺍﺷﺘﺮﻱ ﻣﻼﺑﺲ ﻟﻠﺠﻬﺎﻝ ﻭﺍﺭﻭﺡ ﺍﺣﻒ
- ﻣﻮ ﺫﺍﻙ ﺍﻟﻴﻮﻡ ﻧﻄﻴﺘﺞ
- ﺍﻱ ﻣﻮ ﻛﺘﻠﻚ ﺭﺍﺡ ﺍﺷﺘﺮﻱ ﺗﺮﺍﺟﻲ ﻭﺟﻤﻠﺘﻬﻦ ﻓﻮﻙ
ﺍﻟﻤﺠﻤﻌﺘﻬﻦ ﻭﺍﺭﻳﺪ ﻣﻦ ﺍﻃﻠﻊ ﻭﻳﻪ ﺍﻣﻲ ﺍﺷﺘﺮﻳﻬﻦ
- ﻫﺎﺍﺍﺍ ﻣﻮ ﻛﺎﻋﺪﻟﺞ ﻋﻠﻰ ﺑﻨﻚ ﺍﻧﻲ
- ﻟﻌﺪ ﻣﻨﻮ ﻳﺼﺮﻑ ﻋﻠﻴﻪ ﻏﻴﺮ ﺭﺟﻠﻲ ﺣﺒﻴﺒﻲ .
ﺳﺤﺒﺖ ﺍﻳﺪﻱ ﻭﻛﻤﺖ ﻣﻨﻬﺎ ﻭﺭﺣﺖ ﺳﺒﺤﺖ ﻃﻠﻌﺖ ﻛﻌﺪﺕ
ﻳﻢ ﺍﻟﺠﻬﺎﻝ ﻭﺑﺎﻭﻋﻨﻪ ﻓﻠﻢ ﺳﻬﺮﻧﺎ ﻋﻠﻴﻪ ﻟﺤﺪ ﻣﺎ ﻏﻔﻮ ﺑﺤﻀﻨﻲ
ﺛﺎﻧﻲ ﻳﻮﻡ ﺳﺎﻋﻪ ٣ ﺑﺎﻟﺪﻭﺍﻡ ﺍﺟﺎﻧﻲ ﺍﺗﺼﺎﻝ ﻣﻦ ﺍﻟﻤﺤﺎﻣﻲ
- ﺍﻟﻮ ﺍﻟﺴﻼﻡ ﻋﻠﻴﻜﻢ ﺍﺑﻮ ﺟﻬﺎﺩ
- ﺍﻫﻼﺍ ﺑﺎﻟﻤﺤﺎﻣﻲ ﺍﻟﻌﺰﻳﺰ ﻫﺎﺍ ﺑﺸﺮ ﺷﺼﺎﺭ
- ﺍﻟﻘﺎﺿﻲ ﻃﻠﺐ ﺑﻌﺪ ﺗﺤﺮﻱ ﺑﻤﻮﺿﻮﻉ ﺍﻟﻘﺘﻞ ﻭﻃﻠﺐ
ﺗﺠﻲ ﻋﻤﺘﻬﺎ .. ﻻﻥ ﺟﺪﻫﺎ ﺍﺧﺬﻭ ﺍﻗﻮﺍﻟﻪ ﻭﺍﻟﺒﻨﻴﻪ ﻫﻢ
ﺑﺲ ﺗﺎﺟﻠﺖ ﺳﺎﻟﻔﻪ ﺍﻟﺤﻜﻢ ﺑﺎﻟﻘﺘﻞ ﻟﺤﺪ ﻣﺎ ﺗﺸﻬﺪ ﻋﻤﺘﻬﺎ
ﻭﻣﺜﻞ ﻣﺎ ﺗﻮﻗﻌﻨﺎ ﻣﺤﺎﻣﻴﻬﻢ ﻗﺪﻡ ﺻﻮﺭ ﺭﺳﺎﺋﻞ ﻣﺤﺎﺩﺛﺎﺕ
ﻉ ﺍﺳﺎﺱ ﻫﺎﻱ ﻟﻠﺒﻨﻴﻪ ﻭﻫﻤﻪ ﻳﺤﺠﻮﻥ ﺑﺎﻟﺤﺐ ﻭﻫﺎﻟﺴﻮﺍﻟﻒ
ﺍﻳﻲ ﻭﺍﻟﺒﻨﻴﻪ ﺷﻜﺎﻟﺖ ﻣﻦ ﺷﺎﻓﺖ ﻫﻴﺞ
- ﺗﺨﺒﻠﺖ ﺿﻠﺖ ﺗﺒﺠﻲ ﻭﺍﻗﺴﻤﺖ ٣ ﻣﺮﺍﺕ ﺍﻧﻬﺎ ﻣﺎﺣﺎﺟﻴﻪ
ﻭﻳﺎﻩ ﻟﻮ ﺣﺮﻑ ﻣﻦ ﻫﺎﻟﺴﻮﺍﻟﻒ ﻭﺍﻟﻘﺎﺿﻲ ﺳﻜﺘﻬﺎ
ﻭﻃﻠﺐ ﺗﺘﺎﺟﻞ ﻟﻌﺪﻡ ﻛﻔﺎﻳﻪ ﺍﻻﺩﻟﻪ
- ﺯﻳﻴﻦ ﻭﺍﻟﺴﻼﺡ
- ﺣﻜﻤﻬﺎ ﻋﻠﻴﻪ ٩ ﺷﻬﻮﺭ ﻭﻛﺎﻝ ﺑﻌﺪ ﺍﻟﻘﻀﻴﻪ ﻣﺎﺍﻧﺘﻬﺖ
ﺍﻻ ﺗﻜﻔﻲ ﺍﻻﺩﻟﻪ ﺑﺎﻧﻬﺎ ﻣﺘﻮﺍﻋﺪﻩ ﻭﻳﻪ ﺍﻟﻮﻟﺪ ﺍﻭ ﻫﺬﺍ ﺗﻠﻔﻴﻖ
ﺣﺘﻰ ﻳﻘﺮﺭ ﺑﺎﻗﻲ ﺍﻟﺤﻜﻢ
- ﺷﻜﺪ ﺗﺘﻮﻗﻊ ﺭﺍﺡ ﺗﻨﺤﻜﻢ ﺑﺎﻻﺧﻴﺮ ﺍﺫﺍ ﺛﺒﺖ ﺍﻧﻬﺎ ﻣﺎﻣﺘﻮﺭﻃﻪ
ﻭﻳﺎﻩ ﻟﻠﻮﻟﺪ
- ﺍﺗﻮﻗﻊ ﺳﻨﻪ . ﻭﺍﺫﺍ ﻣﺎﺛﺒﺖ ﺭﺍﺡ ﺗﺎﻛﻠﻠﻬﺎ ﻓﻮﻙ
ﺍﻝ ٣ ﺳﻨﻴﻦ ﺑﺲ ﺍﺫﺍ ﺛﺒﺖ ﺭﺍﺡ ﺗﻌﺘﺒﺮ ﺩﻓﺎﻉ ﻋﻦ ﺍﻟﻨﻔﺲ
- ﺍﻟﻠﻪ ﻛﺮﻳﻢ ﻣﺸﻜﻮﺭ ﺧﻮﻳﻪ ﻛﻔﻴﺖ ﻭﻭﻓﻴﺖ ،، ﺧﻠﻲ ﺑﺎﻟﻚ
ﺍﻧﻚ ﻻﺯﻡ ﺗﻀﻞ ﺗﺴﻌﻲ ﺣﺘﻰ ﺗﺜﺒﺖ ﺑﺮﺍﺋﺘﻬﻪ ﻣﺎﻋﻮﻓﻚ ﺗﺮﻩ
- ﺍﻛﻴﺪ ﺍﻛﻴﺪ ﻻ ﺗﻮﺻﻴﻨﻲ ﺑﺸﻐﻠﻲ
- ﺍﻳﻲ ﻫﻴﺞ ﺗﻌﺠﺒﻨﻲ ،، ﻳﻼ ﻣﻊ ﺍﻟﺴﻼﻣﻪ
ﺣﺴﻴﺖ ﺑﺎﻟﻔﺮﺡ ﻻﻥ ﻧﻜﺴﺮ ﺧﺸﻢ ﻋﻤﻬﺎ ﺍﻟﻨﻐﻞ ...
ﻭﺧﻠﺼﺖ ﻣﻬﻤﺘﻲ ﻟﻬﻨﺎ ﻭﻳﺎﻫﺎ ﻭﺑﺮﻳﺖ ﺫﻣﺘﻲ ﻣﻨﻬﺎ ...
ﺍﻟﻴﻮﻡ ﻣﻌﺰﻭﻡ ﻭﻳﻪ ﺍﻟﻮﻟﺪ ﻉ ﺍﻟﻌﺸﻪ ﻭﻃﻠﻌﺖ ﻟﻠﻤﻜﺎﻥ
ﺑﺎﻟﻤﻨﺼﻮﺭ ﻭﻛﻀﻴﻨﺎﻫﺎ ﺳﻮﺍﻟﻒ ﻭﺍﻛﻞ ﻭﺑﻌﺪﻳﻦ ﻃﻠﻌﻨﻪ
ﻧﻜﻤﻞ ﺍﻟﺴﻬﺮﻩ ﺑﺎﻟﻜﺮﺍﺩﻩ ..
ﺣﻀﺮﻧﺎ ﺣﻔﻠﻪ ﻭﺍﻟﻜﻞ ﺗﺴﻜﺮ ﻭﺗﻜﻤﻜﺶ ﺑﻬﺎﻟﺒﻨﺎﺕ ﻭﻛﻢ
ﻭﺍﺣﺪ ﻣﻨﻬﻢ ﺍﺧﺬﻭﻫﻦ ﻭﻃﻠﻌﻮ ﻭﺍﻧﻲ ﺿﻠﻴﺖ ﻭﻳﺎﻱ ﺍﺛﻨﻴﻦ
ﻛﺎﻋﺪﻳﻦ ﻭﺍﻟﺤﻔﻠﻪ ﻣﺴﺘﻤﺮﻩ ﻭﺍﻟﺮﻛﺺ ﻭﺍﻻﻏﺎﻧﻲ ﺗﻨﺴﻴﻚ
ﺍﺑﻮ ﺍﻟﺪﻭﺍﻡ ....
ﺍﺟﺘﻲ ﻭﺣﺪﻩ ﻣﻦ ﺍﻟﺮﺍﻗﺼﺎﺕ ﻭﺗﻘﺮﺑﺖ ﻋﻠﻰ ﻃﺎﻭﻟﺘﻨﻪ
ﻭﺗﺘﻤﺎﻳﻞ ، . ﺍﻧﻲ ﺑﻴﺪﻱ ﺍﻟﻜﻼﺹ ﻭﺍﺷﺮﺏ ﺑﻬﺪﻭﺀ
ﻋﻠﻰ ﻛﺪ ﻣﺎ ﺍﺳﺘﻤﺘﻊ ﺑﻲ ﺑﺪﻭﻥ ﻣﺎﺍﺳﻜﺮ ...قصص عراقيه حقيقيه من واقعنا.روعه الطائي
ﻭﻫﻲ ﺗﺘﻔﺮﻓﺮ ﻓﻮﻙ ﺭﺍﺳﻲ ﻭﺍﻟﻮﻟﺪ ﺍﻟﻴﻤﻲ ﻳﺼﻔﻜﻮﻟﻬﻪ
ﺍﺟﺘﻲ ﻫﻤﺴﺖ ﻳﻢ ﺍﺫﻧﻲ ..
- ﻣﺎ ﺗﺮﻳﺪﻟﻚ ﻭﻧﻴﺲ ﻳﺎﺣﻠﻮ
ﺍﻧﺪﺍﺭﻳﺖ ﻋﻠﻴﻬﺎ ﻭﻛﻠﺘﻠﻬﺎ
- ﻫﺬﺍ ﺻﺎﺣﺒﻲ ﻭﺣﻴﺪ ﺧﻄﻴﻪ ﻭﻧﺴﻴﻪ ﺍﻧﻲ ﺷﺒﻌﺎﺍﺍﻥ ﻣﻮ ﺑﺤﺎﻟﺞ
ﻭﻫﻲ ﺭﻓﻌﺖ ﺣﺎﺟﺒﻬﻪ ﻭﺭﺍﺣﺘﻠﻪ ﻭﺻﺎﺣﺒﻲ ﻣﺎﺻﺪﻙ
ﺍﺧﺬﻫﺎ ﻭﺭﺍﺡ ﻟﻐﻴﺮ ﻃﺎﻭﻟﻪ .. ﺷﻮﻳﻪ ﻭﺍﺟﺎﻧﻲ ﻛﺎﻝ ﺭﺍﺡ
ﺍﻃﻠﻊ ....
ﺍﻧﻲ ﻫﻢ ﺑﺮﺍ ﻣﺎﺭﺍﺣﻮ ﻃﻠﻌﺖ ﻟﻜﻴﺖ ﺍﺣﻤﺪ ﻳﻨﺘﻈﺮﻧﻲ
ﺑﺎﻟﺴﻴﺎﺭﻩ ﺑﺎﻭﻋﺖ ﻫﻴﺞ ﺻﻔﻨﺖ ﻉ ﺍﻟﺴﻴﺎﺭﻩ ﻭﻫﻮ ﻓﺎﺗﺢ
ﺍﻟﺒﺎﺏ ..
- ﺍﺣﻤﺪ ﺍﺭﺟﻊ ﺍﻧﺘﻪ ﺍﻧﻲ ﺍﺭﻳﺪ ﺍﺗﻤﺸﻰ
- ﺑﺲ ﺳﻴﺪﻱ ﺍﻟﻮﻛﺖ ﻣﺘﺎﺧﺮ ﻭﺧﻄﺮ ﻋﻠﻴﻚ
- ﺍﺣﻤﻤﻤﻤﻤﻤﻤﺪ ﺷﻐﻞ ﻭﺗﻮﻛﻞ
ﺍﻧﺪﺍﺭﻳﺖ ﻭﻣﺸﻴﺖ .. ﺍﻟﺴﺎﻋﻪ ﺟﺎﻧﺖ ٢ ﺑﺎﻟﻠﻴﻞ ..
ﻋﺒﺮﺕ ﺳﺎﺣﻪ ﻛﻬﺮﻣﺎﻧﻪ ﻭﺍﺑﻮ ﻧﺆﺍﺱ ﻭﺿﻠﻴﺖ ﺍﻣﺸﻲ
ﻭﻭﺟﻬﻲ ﺛﻠﺞ ﺑﺎﻟﻬﻮﺍ ﻫﺬﺍ ...
ﻛﻌﺪﺕ ﻋﻠﻰ ﺍﻟﺮﺻﻴﻒ ﻭﺍﺟﺘﻲ ﺑﺎﻟﻲ ﺻﻮﺭﻩ ﺳﺎﺭﻩ
ﻭﺻﻮﺗﻬﺎ ﻭﻫﻲ ﺗﺘﻌﺬﺏ ..
ﻛﺜﺮﻩ ﺍﻻﺻﻮﺍﺕ ﺑﺮﺍﺳﻲ ﻭﺭﺟﻌﺖ ﺑﻴﻪ ﺍﻟﺬﺍﻛﺮﻩ ﻟﺜﻼﺙ
ﺳﻨﻮﺍﺕ ﻣﻀﺖ ...
ﺑﻴﻮﻣﻬﺎ ﻃﺎﻟﻊ ﻣﻦ ﻏﺮﻓﻪ ﺍﻟﺘﺤﻘﻴﻖ ﻭﺗﻌﺒﺎﻥ ﻣﻦ ﻛﺪ ﺍﻟﻀﺮﺏ
ﺑﻬﺎﻟﺒﻨﻴﻪ ﻭﻫﻲ ﻣﺎﺗﺮﺿﻰ ﺗﻌﺘﺮﻑ ﺑﺸﻲ ...
ﺟﺎﻥ ﺍﺳﻤﻬﺎ ﺳﺎﺭﻩ ﺑﻨﻴﻪ ﻣﻦ ﺍﻟﺪﻋﺎﺭﻩ ﻣﺘﻬﻤﻪ ﺑﻘﺘﻞ ﺻﺪﻳﻘﺘﻬﺎ
ﻭﺣﻘﻘﺖ ﻭﻳﺎﻫﺎ ﻣﺮﺗﻴﻦ ﻭﻫﺎﻱ ﺟﺎﻧﺖ ﺍﻟﺜﺎﻟﺜﻪ ...
ﻭﺑﻜﻞ ﻣﺮﻩ ﺍﻗﺴﻲ ﻭﻳﺎﻫﺎ ﻣﺎﺗﻌﺘﺮﻑ ﺑﺸﻲ ﺑﺲ ﺗﻜﻮﻝ
ﺍﻛﺮﻩ ﻛﻞ ﺍﻟﺒﺸﺮ ﺍﻛﺮﻫﻤﻤﻤﻢ ... ﻭﺗﻀﻞ ﺗﻌﻴﻂ
ﺑﻮﻛﺘﻬﺎ ﺍﺳﺘﻠﻤﺘﻬﺎ ﺿﺮﺏ ﺑﺎﻟﺤﺎﻳﻂ ﻭﺍﺩﻓﺮ ﺑﻄﻨﻬﺎ ﻭﺷﻌﺮﻫﺎ
ﻫﻠﺴﺘﻪ ﻭﻫﻲ ﺗﺼﺮﺭﺭﺥ ... ﻭﺗﻌﺎﻧﺪ ﺍﻛﺜﺮ ﻭﺗﺴﺐ ﻭﺗﻔﺸﺮ
ﺷﻤﺮﺗﻬﺎ ﺑﺎﻟﻜﺎﻉ ﻭﻃﻠﻌﺖ ﻭﺻﻴﺘﻬﻢ ﻳﺎﺧﺬﻭﻫﺎ ﻟﻠﺘﻌﺬﻳﺐ
ﺍﺧﺬﻭﻫﺎ ﻓﻠﻘﻪ ﻭﺭﺟﻌﺖ ﻋﻠﻴﻬﺎ .. ﺣﺘﻰ ﺗﺤﺠﻲ ﻭﻳﻦ
ﺟﺜﻪ ﺍﻟﺒﻨﻴﻪ ﻭﺷﻠﻮﻥ ﻣﻮﺗﺘﻬﺎ .. ﻭﻫﻢ ﺑﻨﻔﺲ ﺍﻟﻌﻨﺎﺩ
ﺍﻧﻲ ﺟﺮﻳﺘﻬﺎ ﻣﻦ ﺷﻌﺮﻫﺎ ﻭﺭﻛﻌﺘﻬﻪ ﺑﺎﻟﺤﺎﻳﻂ ﻭﻫﻲ ﻭﻛﻌﻪ
ﻭﻛﻌﻪ ﻋﻔﺘﻬﺎ ﻭﻃﻠﻌﺖ ﻭﻟﻠﻤﻐﺮﺏ ﻭﻛﺎﻟﻮ ﺍﻟﺒﻨﻴﻪ ﻣﺎﺗﺖ
ﺿﻠﺖ ﻫﺎﻟﺬﻛﺮﻯ ﺑﺎﻟﻲ ﺻﺢ ﺍﻧﻲ ﻫﻮﺍﻱ ﺿﺎﺭﺏ ﺑﻨﺎﺕ
ﺑﺲ ﻣﻮ ﻟﺪﺭﺟﻪ ﺍﻣﻮﺗﻬﺎ ﻋﻠﻰ ﺍﻳﺪﻱ .. ﺑﺎﻟﺴﺠﻦ ﺍﺷﻜﺎﻝ
ﺍﻟﻤﺼﺎﻳﺐ ﻭﺍﻟﺘﻌﺬﻳﺐ ...
ﻣﻦ ﺍﻟﻀﺮﺏ ﻭﺍﻟﺘﺸﻮﻳﻪ ﻗﻠﻊ ﺍﻻﻇﺎﻓﺮ ﻭﺍﻟﻔﻠﻘﻪ ... ﻣﻦ ﻏﻴﺮ
ﺍﻻﻏﺘﺼﺎﺏ ... ﻓﻤﻮ ﺟﺪﻳﺪﻩ ﻋﻠﻰ ﻫﺎﻟﻤﺠﺘﻤﻊ ﺍﺧﺬﻭﻫﺎ
ﺩﻓﻨﻮﻫﺎ ﻭﺳﺪﻭ ﻋﻠﻰ ﺍﻟﺴﺎﻟﻔﻪ ﻛﺄﻥ ﺷﻴﺌﺎً ﻟﻢ ﻳﻜﻦ ...
ﺑﺲ ﺍﻧﻲ ﺿﻠﺖ ﺗﺤﺰ ﺑﻀﻤﻴﺮﻱ ﻣﻮﺗﺘﻬﻪ ...
ﻋﻠﻰ ﺍﺛﺮ ﻫﺎﻟﺬﻛﺮﻯ ﺗﻘﻴﺄﺕ ﺑﻨﺺ ﺍﻟﺸﺎﺭﻉ ﻭﻛﻤﺖ ﻣﺸﻴﺖ
ﺷﻮﻳﻪ ﻭﺭﺟﻌﺖ ﻛﻌﺪﺕ ﺗﻌﺒﺎﻥ ﻣﺪﺭﻱ ﺷﺒﻴﻪ ...
ﻣﺎﺩﺭﻱ ﺷﻠﻮﻥ ﺍﻧﻬﻲ ﻫﺎﻟﺠﻴﻔﻪ ﺍﻟﻲ ﺑﺤﻴﺎﺗﻲ ﻭﻻ ﻣﻨﻴﻦ
ﺍﺑﺪﻱ ﻭﻻ ﺍﻋﺮﻑ ﺷﺮﻳﺪ ...
ﻋﻤﺮﻱ ﻛﻠﻪ ﻳﻜﻀﻲ ﺑﺎﻟﺴﺠﻮﻥ ﻭﻋﺎﻟﻤﻪ ﺍﻟﺠﻬﻨﻤﻲ ﻛﺎﺭﻩ
ﻧﻔﺴﻲ ﻭﻣﺠﺒﻮﺭ ﺍﺿﻞ ﻣﺜﻞ ﻣﺎ ﺍﻧﻲ
يتبع
أنت تقرأ
في قعر السجون وجدتني (منقوله)
Short Storyمنقوله للكاتبه Adzzon zoka الناقله حكمت 𝙃𝙚𝙠𝙢𝙖𝙩_𝙈_𝙝🫀
