#بارت١٩
ﻓﻲ ﻗﻌﺮ ﺍﻟﺴﺠﻮﻥ ﻭﺟﺪﺗُﻨﻲ
.
.
- ﻫﺒﻪ ﻫﺒﻪ ﺧﻠﻴﻨﻲ ﺳﺎﻛﺖ
- ﻻ ﻻ ﻣﻦ ﺻﺪﻙ ﺍﺣﺠﻴﻠﻲ ﻋﻠﻴﻚ ﺍﻟﻠﻪ ،، ﺗﺮﻩ ﻣﺘﺘﻐﻴﺮ ﺍﻧﺘﻪ ﻋﻨﺪﻱ
ﺑﺄﻱ ﺷﻲ ﺭﺍﺡ ﺗﺤﺠﻲ ،، ﺗﺒﻘﻰ ﺑﻌﻴﻨﻲ ﺻﺪﻳﻘﻲ ﺍﻟﺤﺒﺎﺏ ..
- ﺍﻭﻭﻭﻑ ﻳﺎ ﻫﺒﻪ ،، ﻣﻨﻴﻦ ﺍﺣﺠﻴﻠﺞ ﻫﻮ ﺍﻧﻲ ﺷﻤﺒﻘﻲ ﺑﺤﻴﺎﺗﻲ
- ﺻﺪﻳﻘﻲ ﻛﻞ ﺍﻟﻨﺎﺱ ﺗﻐﻠﻂ ﺍﻧﺘﻪ ﺷﻨﻮ ﺍﻟﻲ ﺗﻜﺮﻫﻪ ﺑﺤﻴﺎﺗﻚ ﺍﺣﺠﻴﻠﻴﺎﻩ
ﻭﻧﺤﻜﻢ ﺑﻲ ﻳﺠﻮﺯ ﻳﻄﻠﻊ ﺍﻟﻪ ﺣﻞ
- ﻣﻦ ﺟﻨﺖ ﺑﺎﻻﻋﺪﺍﺩﻳﻪ ﺣﺒﻴﺖ ﻭﺣﺪﻩ ﺟﺎﻧﺖ ﻛﻠﺶ ﺣﻠﻮﻩ ﻭﺟﻴﺮﺍﻧﻪ
ﺟﻨﺖ ﺍﻧﺘﻈﺮﻫﻪ ﻳﻢ ﺭﺍﺱ ﺍﻟﻔﺮﻉ ﻣﺎﻝ ﻣﺪﺭﺳﺘﻬﻪ ﻭﻧﺴﻮﻟﻒ ﻃﻮﻝ
ﺍﻟﻄﺮﻳﻖ ﻟﺤﺪ ﻣﺎ ﻣﺮﻩ ﺍﻫﻠﻬﻪ ﻋﺮﻓﻮ ﺑﻴﻨﻪ ﻭﺯﻭﺟﻮﻫﻪ ﻻﺑﻦ ﻋﻤﻬﻪ
ﻭﻣﺎﻛﺪﺭﺕ ﺍﻭﺍﺟﻬﻢ ﻭﺍﺩﺍﻓﻊ ﻋﻨﻬﻪ ﻭﻻ ﻛﺪﺭﺕ ﺍﺳﻮﻳﻠﻬﻪ ﺷﻲ
ﻻﻥ ﺍﻟﻮﺍﻟﺪ ﺍﻟﻠﻪ ﻳﺮﺣﻤﻪ ﻣﺎﺭﺿﻰ ﺑﻴﻬﻢ ﻭﺭﺃﺳﺎً ﺩﺯﻧﻲ ﻟﻌﻤﺎﻣﻲ
ﺑﺎﻟﺒﺼﺮﻩ ﺣﺘﻰ ﻣﺎﺍﻋﺮﻑ ﺷﻴﺼﻴﺮ ﻫﻨﺎﻙ ﻭﻣﺎﺩﺭﻳﺖ ﻟﺤﺪ ﻣﺎﺻﺎﺭ
ﺍﻟﻌﺮﺱ ،،، ﺑﻮﻛﺘﻬﻪ ﺷﺒﻌﺖ ﻗﻬﺮ ﻭﻛﺮﻫﺖ ﻧﻔﺴﻲ ﻣﺎﻛﺪﺭﺕ ﺍﺣﺎﻓﻆ
ﻋﻠﻴﻬﻪ ﻭﺣﺘﻰ ﻣﺎﺩﺭﻱ ﻭﻳﻦ ﺻﺎﺭﺕ ﺷﺼﺎﺭ ﻭﻳﺎﻫﻪ ﺍﺧﺘﻔﺖ
- ﺑﺲ ﻫﺬﺍ ﻣﻮ ﺫﻧﺒﻚ ﺫﻧﺐ ﺍﻫﻠﻚ ﻭﺍﻫﻠﻬﻪ
- ﺑﺲ ﺍﻧﻲ ﺍﻟﺮﺩﺗﻬﻪ ﻭﺟﺎﻥ ﻻﺯﻡ ﺍﺣﺎﻓﻆ ﻋﻠﻴﻬﻪ
- ﺑﻌﺪﻙ ﺗﺤﺒﻬﻪ ؟
- ﻻ ﺷﻌﻮﺭ ﻣﺮﺍﻫﻘﻪ ﻭﺭﺍﺡ ﺑﺲ ﻛﻮﻧﻲ ﻣﺎ ﻭﻓﻴﺖ ﻫﺬﺍ ﺍﻻﺫﻛﺮﻩ
- ﻫﺬﺍ ﻳﺠﻮﺯ ﺑﻲ ﺻﺎﻟﺢ ﺍﻟﻜﻢ ﻻﻥ ﺭﺏ ﺍﻟﻌﺎﻟﻤﻴﻦ ﻣﺎﻳﻤﻨﻊ ﺷﻲ ﻋﻨﻚ
ﺍﺫﺍ ﻣﺎﻫﻮ ﺿﺎﻣﻠﻚ ﺍﻻﻛﺜﺮ
- ﻣﺎﺩﺭﻱ ﻳﺠﻮﺯ ﺗﻌﻮﻳﻀﻲ ﺑﺠﻬﺎﻟﻲ ﺻﺎﺭ
- ﺍﻟﻠﻪ ﻳﺨﻠﻴﻬﻢ ﺍﻟﻚ ،، ﻛﻤﻠﻲ ﻭﺑﻌﺪ
- ﻫﻮ ﻣﻦ ﺑﻌﺪ ﻫﺎﻟﺴﺎﻟﻔﻪ ﺭﺟﻌﺖ ﻛﻤﻠﺖ ﺳﺎﺩﺱ ﻭﺩﺧﻠﺖ ﻛﻠﻴﻪ
ﻋﺴﻜﺮﻳﻪ ﻭﻣﻦ ﻣﻌﺎﺭﻑ ﺍﺑﻮﻳﻪ ﻻﻥ ﻫﻮ ﻫﻢ ﺟﺎﻥ ﺿﺎﺑﻂ ﻗﺪﻳﻢ
ﺗﻌﺮﻓﺖ ﻋﻠﻰ ﺟﻤﺎﻋﻪ ﻭﺻﺎﺭ ﻧﻘﻠﻲ ﻣﻦ ﻣﻜﺎﻥ ﻟﻤﻜﺎﻥ ﻭﺩﺧﻠﺖ
ﺩﻭﺭﺍﺕ ﺗﺪﺭﻳﺒﻴﻪ ﺑﺎﻟﺘﺤﻘﻴﻖ ﻭﺑﻌﺪ ﻛﻮﻣﻪ ﺗﻌﺐ ﻭﻓﻠﻮﺱ ﺩﻓﻌﺘﻬﻪ
ﺻﺮﺕ ﺿﺎﺑﻂ ﺗﺤﻘﻴﻖ ،، ﺑﺲ ﻳﻮﻡ ﻋﻦ ﻳﻮﻡ ﻛﻤﺖ ﺍﻛﺮﻩ ﺍﻟﻤﻜﺎﻥ
ﻭﺍﻛﺮﻩ ﺍﻟﻨﺎﺱ ﺍﻟﻤﻌﺎﺷﺮﻫﻢ ﺑﻲ ﻣﺎﺷﻔﺖ ﺣﻴﺎﻩ ﻣﺜﻞ ﻫﺎﻟﺸﺒﺎﺏ
ﺻﺢ ﻋﻨﺪﻱ ﻓﻠﻮﺱ ﻛﻮﻣﻪ ﻭﺍﻱ ﺷﻲ ﺍﻛﺪﺭ ﺍﺷﺘﺮﻱ ،، ﺑﺲ
ﻣﺎﺭﺗﺎﺣﻴﺖ ﺻﺮﺕ ﻳﻮﻡ ﻋﻦ ﻳﻮﻡ ﺍﺗﻐﻴﺮ ﻻﻥ ﺍﻟﻤﻌﺎﺷﺮﻫﻢ ﻣﻮ ﻭﺟﻬﻪ
ﻧﻌﻤﻪ ﺍﻭﻝ ﻣﺎﺑﺪﻳﺖ ﺑﺎﻟﻠﺴﺎﻥ ﺍﻟﺰﻓﺮ ﺻﺎﺭ ﻟﺴﺎﻧﻲ ﻣﺘﻌﻮﺩ ﻉ ﺍﻟﻔﺸﺎﺭ
ﻭﺍﻟﺴﺐ ﻭﻣﺮﺍﺕ ﺣﺘﻰ ﺍﻟﻜﻔﺮ
- ﻛﻤﻞ ﻛﻤﻞ
- ﺍﻱ ﺑﻌﺪﻳﻦ ﺗﻌﺮﻓﺖ ﻋﻠﻰ ﺷﻜﻢ ﻭﻟﺪ ﻃﺎﻳﺢ ﺣﻀﻬﻢ ﻭﺍﻧﺠﺮﻳﺖ
ﻭﻳﺎﻫﻢ ﻟﻠﻤﻼﻫﻲ ﻭﺍﻟﺸﺮﺏ ﻭﺍﻟﻨﺴﻮﺍﻥ ﺣﺘﻰ ﺳﻔﺮ ﻣﻦ ﻧﻄﻠﻊ ﻧﻜﻀﻴﻬﻪ
ﻭﻧﺴﻪ ﺑﺎﻟﺒﺎﺭﺍﺕ ﻭﻣﺎﺟﺬﺏ ﻋﻠﻴﺞ ﻋﺎﺷﺮﺕ ﻛﻮﻣﻪ ﻧﺴﻮﺍﻥ ﻟﺤﺪ ﻣﺎﻟﻌﺒﺖ
ﻧﻔﺴﻲ ﻣﻨﻬﻦ ﺭﺩﺕ ﺍﺗﺰﻭﺝ ﻭﺍﻣﻲ ﺍﻟﻠﻪ ﻳﻨﻄﻴﻬﺎ ﺟﻠﺒﺘﻠﻲ ﺑﺒﻨﺖ ﻋﻤﻲ
ﺍﻟﺼﻐﻴﺮ ﻭﻫﻮ ﺷﻠﻮﻥ ﻭﺍﺣﺪ ﺑﺨﻴﻴﻴﻞ ﻭﻋﻨﺪﻩ ﺍﻟﻔﻠﺲ ﻣﺜﻞ ﺍﻟﻬﻮﺍ ﺍﻟﻲ
ﻳﺘﻨﻔﺴﻪ ﺍﻣﻲ ﻋﺒﺎﻟﻬﻪ ﺑﻮﻛﺘﻬﻪ ﺑﻨﺘﻪ ﺗﻄﻠﻊ ﺣﺮﻳﺼﻪ ﻭﻣﺎﺗﺒﺬﺭ ﻭﻣﺪﺑﺮﻩ
ﺑﺲ ﺑﻌﺪﻳﻦ ﺑﻴﻦ ﺍﻟﻤﻈﺎﻫﺮ ﺧﺪﺍﻋﻪ ،، ﻭﻣﻦ ﺻﺎﺭ ﻋﻨﺪﻱ ﺟﻬﺎﺩ
ﻭﻣﺮﺗﻀﻰ ﺻﺎﺭ ﻋﻨﺪﻱ ﺳﺒﺐ ﺍﻗﻮﻯ ﺣﺘﻰ ﺍﻋﻴﺶ ﺑﺤﻼﻝ ﺍﻟﻬﻢ
ﻣﺎﺭﺩﺕ ﺍﻭﻛﻠﻬﻢ ﻟﻜﻤﻪ ﺣﺮﺍﻡ ﻓﺼﺎﺭﺕ ﻓﻠﻮﺳﻲ ﺗﺠﻲ ﺑﺲ ﻣﻦ ﺍﻟﺮﺍﺗﺐ
ﻏﻴﺮﻫﺎ ﻣﺎﻣﺪﻳﺖ ﺍﻳﺪﻱ ﺑﻌﺪ ﺑﺲ ﺍﻟﺸﺮﺏ ﻭﺍﻟﻨﺴﻮﺍﻥ ﻻ ﻣﺎﺑﻄﻠﺘﻬﻦ
ﺯﻳﻦ ﺍﻧﺘﻪ ﻣﻦ ﺗﺴﻮﻱ ﻛﻞ ﻫﺎﻱ ﺍﻟﺴﻮﺍﻟﻒ ﻭﺍﻧﺘﻪ ﻣﻤﺮﺗﺎﺡ ﺑﻴﻬﻦ
ﻟﻴﺶ ﺗﺮﺟﻌﻠﻬﻦ ﻛﻞ ﻳﻮﻡ
- ﺍﺭﺟﻌﻠﻬﻦ ﻣﻦ ﺿﻴﻤﻲ ﻻﻥ ﺍﻛﻮ ﺍﺣﺴﺎﺱ ﺑﺪﺍﺧﻠﻲ ﺑﺎﻟﻜﺮﻩ ﺍﻟﻘﺮﻑ
ﻣﻦ ﻧﻔﺴﻲ ﻫﻴﺞ ﺍﻛﻮ ﻣﺜﻞ ﺷﺨﺼﻴﻦ ﻭﺍﻛﻔﻴﻦ ﻭﺍﺣﺪ ﻳﺬﻡ ﺑﺎﻟﺜﺎﻧﻲ
ﺍﻟﺸﺨﺺ ﺍﻟﺰﻳﻦ ﻳﻌﺎﺗﺐ ﻭﻳﻜﻮﻝ ﻻ ﻭﺍﻟﻤﻮﺯﻳﻦ ﻳﻜﻮﻝ ﺍﻧﺘﻪ ﺷﺒﻘﻴﺖ
ﻭﺗﻮﺳﺨﺖ ﺑﻌﺪ ﻣﺎﺗﻔﻴﺪﻙ ﺍﻟﺮﺟﻌﻪ ،، ﻭﻛﻞ ﻣﺎﺍﻛﻮﻥ ﺗﻌﺒﺎﻥ ﻣﻦ ﻫﺎﻟﻤﻌﺮﻛﻪ ﺍﻟﻲ ﺑﺪﺍﺧﻠﻲ ﺍﻟﻜﻪ ﺣﻮﺍﻟﻲ ﺑﺲ ﺍﺷﺨﺎﺹ ﺍﻟﺴﻮﺀ ﻭﺍﻧﺠﺮ
ﻭﻳﺎﻫﻢ ﺣﺘﻰ ﺍﻧﺴﻰ ﺍﻟﻲ ﺑﻴﻪ ﻟﺤﺪ ﻣﺎ ﻭﺻﻠﺖ ﻣﺮﺣﻠﻪ ﺍﺳﺘﺨﺪﻡ ﺍﻟﻘﺴﻮﻩ
ﻭﻳﻪ ﺍﻟﻨﺎﺱ ﺍﻃﻠﻊ ﺑﻴﻬﻢ ﻏﻀﺒﻲ ﻋﻠﻰ ﻧﻔﺴﻲ ﻭﻋﻠﻴﻬﻢ ﻻﻥ ﻫﻤﻪ ﺳﺒﺐ
ﺟﺮﺗﻲ ﺑﺎﻟﻄﻴﺤﺎﻥ ﺣﻆ ﻫﺬﺍ
- ﺑﺲ ﺗﺮﻯ ﺗﻜﺪﺭ ﺗﺘﺨﻠﺺ ﻣﻦ ﻫﺬﺍ ﻛﻠﻪ ﺑﺨﻄﻮﻩ ﻭﺣﺪﻩ
- ﺷﻠﻮﻥ
- ﻳﻌﻨﻲ ﺗﻜﺪﺭ ﺗﺮﺟﻊ ﻫﺬﺍﻙ ﺍﻟﺸﺎﺏ ﺍﻟﻨﻈﻴﻒ ﺍﻟﻲ ﺭﻭﺣﻪ ﺧﻔﻴﻔﻪ
ﻣﺎﻣﺜﻘﻠﻪ ﺑﻜﻞ ﻫﺎﻱ ﺍﻟﺬﻧﻮﺏ ﺑﺲ ﺍﺫﺍ ﺍﺳﺘﻐﻔﺮﺕ
- ﺍﺳﺘﻐﻔﺮ ؟؟ ﺷﻠﻮﻥ ﻟﻴﺶ ﻫﻮ ﺍﻟﻠﻪ ﻫﻢ ﻳﻐﻔﺮ ﻟﻤﺜﻠﻲ
- ﻫﻮ ﺍﻻﺳﺘﻐﻔﺎﺭ ﺻﺎﺭ ﻟﻠﻤﺬﻧﺐ ﻣﻮ ﻟﻠﻤﺆﻣﻦ ﺍﻟﻤﺘﻘﻲ ،، ﻟﻌﺪ ﻭﻳﻦ
ﺭﺣﻤﻪ ﺭﺏ ﺍﻟﻌﺎﻟﻤﻴﻦ ﺍﺫﺍ ﻣﺎﻳﻐﻔﺮ ﻟﻠﻲ ﺍﺧﻄﻰﺀ ﺑﺤﻖ ﻧﻔﺴﻪ
ﻭﺭﺏ ﺍﻟﻌﺎﻟﻤﻴﻦ ﺫﺍﻛﺮ ﺑﺎﻟﻘﺮﺍﻥ ﺍﻧﻪ ﻣﺎ ﻳﻨﻈﺮ ﺍﻻ ﻟﻠﻘﻠﻮﺏ ﻣﺎﻳﻬﺘﻢ
ﻟﻠﺸﻜﻞ ﻭﺍﻟﺠﺴﻢ ﻭﻻ ﺣﺘﻰ ﻣﻨﻮ ﻭﺷﺴﻮﻩ ﺍﻫﻢ ﺷﻲ ﺍﻟﻜﻠﺐ ﺍﺫﺍ ﺑﻲ
ﺫﺭﻩ ﺍﻳﻤﺎﻥ ﻭﺑﻲ ﺷﻮﻳﻪ ﺣﺐ ﻟﻠﺨﻴﺮ ﻓﺮﺏ ﺍﻟﻌﺎﻟﻤﻴﻦ ﻳﺘﺮﻙ ﻛﻞ
ﺍﻋﻤﺎﻟﻪ ﺍﻟﺴﻴﺌﻪ ﻭﻳﻐﻔﺮﻟﻪ ﻭﻳﺴﺎﻋﺪﻩ ﻻﺟﻞ ﻛﻠﺒﻪ
- ﻭﺷﻠﻮﻥ ﺭﺍﺡ ﺍﻋﺮﻑ ﺍﻥ ﺫﻧﺒﻲ ﺍﻧﻐﻔﺮ ! ﻭﻣﻌﻘﻮﻝ ﺭﺍﺡ ﺍﻛﺪﺭ
ﺍﻋﻴﺶ ﺣﻴﺎﺗﻲ ﻛﺄﻥ ﻣﺎﻣﺴﻮﻱ ﺷﻲ !!
- ﻫﻮ ﺭﺍﺡ ﻳﺨﻠﻴﻚ ﺗﺤﺲ ﺑﻬﺎﻟﺸﻲ ﻣﺎﺩﺍﻡ ﻧﻴﺘﻚ ﺻﺎﻓﻴﻪ ﻭﺗﺪﻋﻲ
ﻣﻦ ﻛﻞ ﻛﻠﺒﻚ ﺭﺍﺡ ﻳﺘﻘﺒﻞ ،، ﻭﺍﺫﺍ ﻋﻠﻰ ﺣﻴﺎﺗﻚ ﻓﺮﺍﺡ ﺗﺸﻮﻑ
ﺑﻨﻔﺴﻚ ﺷﻠﻮﻥ ﺭﺍﺡ ﺗﻜﺪﺭ ﻭﺗﺼﻴﺮ ﺍﻓﻀﻞ ﻣﻦ ﺍﻱ ﻭﻛﺖ
- ﻫﺒﻪ ﺗﺮﻩ ﺳﻮﺍﻟﻒ ﺍﻻﻣﻞ ﻭﺍﻟﺘﻼﻋﺐ ﺑﺎﻟﻤﺸﺎﻋﺮ ﻫﺬﻧﻲ ﻣﺎﻳﻤﺸﻦ
ﻋﻨﺪﻱ
- ﻻ ﻻ ﺍﻧﻲ ﻣﺎﺍﺣﺠﻴﻠﻚ ﺍﻻ ﻭﺍﻧﻲ ﻭﺍﺛﻘﻪ ﻣﻦ ﻛﻼﻣﻲ
- ﺯﻳﻦ ﻭﺍﻧﻲ ﺷﻠﻮﻥ ﺭﺍﺡ ﺍﺛﻖ ﺑﻜﻼﻣﺞ
- ﺍﻣﻤﻤﻢ ﺷﻮﻑ ﺍﻧﻲ ﺭﺍﺡ ﺍﺳﺎﻋﺪﻙ ﻣﺜﻞ ﻣﺎﺳﺎﻋﺪﺗﻨﻲ ،، ﺍﻧﺘﻪ ﻧﻘﺬﺗﻨﻲ
ﻭﺍﻧﻲ ﺭﺍﺡ ﺍﺭﺩﻟﻚ ﺑﺎﻟﻤﺜﻞ . ،، ﺑﺲ ﺑﺎﻟﺒﺪﺍﻳﻪ ﻣﺴﺘﻌﺪ ﺗﺨﻠﻲ ﺍﻳﺪﻙ ﺑﺎﻳﺪﻱ
ﻭﻧﺘﺠﺎﻭﺯ ﻛﻞ ﻫﺎﻟﺬﻧﻮﺏ ﻭﻧﺒﻨﻲ ﺍﻳﺎﻡ ﻧﻈﻴﻔﻪ ﻭﻧﻘﻴﻪ ؟؟ ﺍﺫﺍ ﺗﺜﻖ ﺑﻴﻪ
ﻃﺒﻌﺎً
- ﺭﺍﺡ ﺍﺛﻖ ﺑﻴﺞ ﻭﺍﺧﻠﻲ ﺍﻳﺪﻱ ﺑﺎﻳﺪﺝ ﻭﺍﻧﺘﻲ ﻣﺴﺆﻭﻟﻴﺘﺞ ﺣﻴﺎﺗﻲ ﻣﺎﺷﻲ
- ﻣﺎﺷﻲ
ﺣﻄﻴﺖ ﺍﻳﺪﻱ ﻋﻠﻰ ﺍﻳﺪﻫﻪ ﻭﺑﺎﻭﻋﺖ ﺑﻮﺟﻬﻪ ﺷﻮﻳﻪ ﻭﻫﻲ ﻧﻔﺲ ﺍﻟﺸﻲ
ﺑﻌﺪﻳﻦ ﺳﺤﺒﺖ ﺍﻳﺪﻫﻪ ﻭﻛﺎﻟﺖ ..
- ﺷﻨﻮ ﻋﻨﺪﻙ ﺑﺎﺟﺮ ؟؟
- ﺩﻭﺍﻡ ﻣﺜﻞ ﻛﻞ ﻳﻮﻡ
- ﺗﻜﺪﺭ ﺗﺎﺧﺬ ﺍﺟﺎﺯﻩ ﻭﻧﺘﻔﺮﻍ ﺑﺎﺟﺮ ﻟﻮﺣﺪﻧﺎ
- ﺷﺘﺮﻳﺪﻳﻦ ﻧﺴﻮﻱ
ﺑﺲ ﻛﻮﻟﻲ ﺗﻜﺪﺭ ؟؟
- ﻫﻮ ﺍﻧﻲ ﻣﺎﺧﺬ ﺍﺟﺎﺯﻩ ﻫﺬﺍﻙ ﺍﻟﻴﻮﻡ ﺑﺲ ﻳﻼ ﺍﺩﺑﺮﻫﻪ ،، ﻳﻌﻨﻲ ﺿﺮﻭﺭﻱ ﺑﺎﺟﺮ
- ﺍﻱ ﻻﻥ ﺑﺎﺟﺮ ﺧﻤﻴﺲ ،، ﻭﻟﻴﻠﻪ ﺍﻟﺠﻤﻌﻪ ﻣﻬﻤﻪ ﺍﻟﻨﻪ
- ﺷﻨﻮ ﺷﺒﻴﻬﻪ ﻳﻌﻨﻲ
- ﺑﺎﺟﺮ ﺍﻓﻬﻤﻚ ﻋﻠﻴﻬﻪ ،، ﻫﺴﻪ ﺍﺫﺍ ﺗﻜﺪﺭ ﻛﻮﻟﻲ ﺣﺘﻰ ﺍﻓﻬﻤﻚ ﺷﺮﻳﺪ
- ﺍﻱ ﺍﻛﺪﺭ ﻓﻬﻤﻴﻨﻲ ﺷﻜﻮ
- ﺑﺎﺟﺮ ﻻﺯﻡ ﻧﻄﻠﻊ
- ﻭﻳﻦ ﻧﻄﻠﻊ !!
- ﻧﺮﻭﺡ ﻟﻜﺮﺑﻼﺀ
- ﻛﺮﺑﻼﺀ !!
- ﺷﻮﻑ ﺻﺪﻳﻘﻲ ﻫﻨﺎﻙ ﺍﻟﺪﻋﺎﺀ ﺑﻠﻴﻠﻪ ﺍﻟﺠﻤﻌﻪ ﻣﺴﺘﺠﺎﺏ ﻭﺣﺘﻰ
ﺍﻻﺳﺘﻐﻔﺎﺭ ﺗﺤﺖ ﻗﺒﻪ ﺍﻻﻣﺎﻣﻴﻦ ﻣﺎﻳﻨﺮﺩ ،، ﻭﺍﻟﺴﻜﻴﻨﻪ ﺍﻟﻲ ﺗﺤﺴﻬﻪ
ﻫﻨﺎﻙ ﻣﺎ ﻣﺜﻠﻬﻪ ﺑﻜﻞ ﺍﻟﺪﻧﻴﺎ
- ﻣﺠﺮﺑﺘﻬﻪ !
- ﺍﻱ ﺟﻨﺖ ﺍﺭﻭﺡ ﻭﻳﻪ ﺟﺪﻭ ﻭﺍﺧﻮﻳﻪ ﻣﺮﺍﺕ ﻭﻫﻮ ﺩﺍﺋﻤﺎً ﻳﺤﺠﻴﻠﻨﻪ
ﺍﺣﺎﺩﻳﺚ ﻋﻨﻬﻢ
- ﻣﺎﺩﺭﻱ ﻫﺒﻪ
- ﺻﺪﻳﻘﻲ ﺍﻧﺘﻪ ﻣﻮ ﻭﺛﻘﺖ ﺑﻴﻪ ﻭﺧﻠﻴﺘﻬﻪ ﻣﺴﺆﻭﻟﻴﺘﻲ ﺍﺫﺍ ﺭﺣﻨﻪ
ﻭﻣﺎﺍﺭﺗﺎﺣﻴﺖ ﺍﻟﻚ ﺗﻄﻠﺐ ﺷﻨﻮ ﺍﻟﻲ ﺗﺮﻳﺪﻩ ﻣﻨﻲ ﺗﻌﻮﻳﺾ
- ﻣﺘﺄﻛﺪﻩ ﻛﻠﺸﻲ ﺍﺭﻳﺪﻩ
- ﺍﻱ ﻭﺍﻟﻠﻪ ﻛﻠﺸﻲ ﺑﺲ ﺍﺫﺍ ﺑﻲ ﻓﻠﻮﺱ ﺧﻠﻲ ﻳﺘﺎﺟﻞ ﺷﻮﻳﻪ ﻟﺤﺪ
ﻣﺎﺍﻳﺼﻴﺮ ﻋﻨﺪﻱ ﻫﻬﻬﻬﻬﻬﻬﻬﻪ
- ﻫﻬﻬﻬﻬﻬﻪ ﺷﻜﺪ ﻓﻄﻴﺮﻩ ﻳﺮﺑﻲ ،، ﻫﺎﻫﻴﻪ ﻧﺮﻭﺡ ﻭﻋﻠﻴﺞ ﻛﺎﻣﻞ
ﺍﻟﻤﺴﺆﻭﻟﻴﻪ
- ﻫﺴﻪ ﺗﺸﻮﻑ ﺑﻌﻴﻨﻚ ﺑﺲ ﺗﺼﻠﻲ ﻭﺗﺪﻋﻲ ﺷﻠﻮﻥ ﺗﺘﻐﻴﺮ ﻧﻔﺴﻴﺘﻚ
- ﻫﺒﻪ ﻳﺎ ﺻﻼﻩ ﻫﻮ ﺍﻧﻲ ﺣﺘﻰ ﺍﻟﻮﺿﻮﺀ ﻧﺎﺳﻲ ﺷﻠﻮﻥ ﻳﺼﻴﺮ
- ﻣﻮ ﻣﺸﻜﻠﻪ ﺍﻧﻲ ﺍﺗﻮﺿﻰ ﻛﺪﺍﻣﻚ ﻭﺗﺬﻛﺮﻩ
- ﻫﺒﻪ ﻣﺘﺄﻛﺪﻩ ﺭﺍﺡ ﻳﺼﻴﺮ ﺗﻐﻴﻴﺮ ﻣﺎﺭﻳﺪ ﺍﺣﺎﻭﻝ ﻭﺍﻟﻜﻪ ﻧﻔﺴﻲ
ﺑﻨﻔﺲ ﺍﻟﻤﻜﺎﻥ
- ﺍﻧﻲ ﻣﺘﺎﻛﺪﻩ ﻭﻭﺍﺛﻘﻪ ﺭﺍﺡ ﻳﺼﻴﺮ ﺗﻐﻴﻴﺮ ،، ﺗﺘﺬﻛﺮ ﻣﻦ ﺟﻨﺖ
ﺑﺎﻟﺴﺠﻦ ﻟﻮﺣﺪﻱ ﻭﺟﻨﺖ ﺗﺴﺄﻟﻨﻲ ﺗﻜﺪﺭﻳﻦ ﺗﺘﺤﻤﻠﻴﻦ ﻫﻨﺎ ﻭﺍﻛﻠﻚ ﺍﻱ
ﺍﻛﺪﺭ ،، ﺍﻧﻲ ﺍﻟﻲ ﺻﺒﺮﻧﻲ ﻭﻛﺪﺭﺕ ﺍﺗﺤﻤﻞ ﺍﻟﻮﺣﺪﻩ ﻭﺻﻴﺎﺡ
ﺍﻟﺒﻨﻴﻪ ﺍﻟﻲ ﻭﻳﺎﻧﻪ ﺑﻨﺺ ﺍﻟﻠﻴﻞ ﻭﻃﻮﻝ ﺍﻟﻴﻮﻡ ﺧﺒﺎﻟﻬﻪ ﻭﺍﻟﻈﻠﻤﻪ
ﻭﻗﻠﻪ ﺍﻻﻛﻞ ﻭﺣﺠﻲ ﺍﻟﺤﺮﺍﺱ ﻭﺗﺤﺮﺷﻬﻢ ﻛﻠﻪ ﻛﺪﺭﺕ ﺍﺣﻤﻲ
ﻧﻔﺴﻲ ﻣﻨﻪ ﺑﺎﻟﺼﻼﻩ ﺟﻨﺖ ﺍﻟﺘﺠﻰﺀ ﺍﻟﻬﻪ ﻭﺍﻧﻲ ﻋﻠﻰ ﻳﻘﻴﻦ ﺑﺎﻧﻲ
ﻣﺠﺮﺩ ﻣﺎﺍﺩﺧﻞ ﺣﺪﻭﺩ ﺍﻟﺴﺠﺎﺩﻩ ﺩﺧﻠﺖ ﻣﻨﻄﻘﻪ ﺍﻻﻣﺎﻥ ﻣﺎﻛﻮ ﺷﻲ
ﺭﺍﺡ ﻳﻜﺪﺭ ﻳﻐﻠﺒﻨﻲ ﺑﻌﺪ ﺍﺣﺲ ﻳﺼﻴﺮ ﻣﺜﻞ ﺍﻟﺴﻮﺭ ﺍﻟﺤﺎﻣﻲ ﺣﻮﺍﻟﻴﻪ
ﻓﻠﺬﻟﻚ ﻣﻦ ﺍﻛﻠﻚ ﺗﺘﻐﻴﺮ ﻭﻭﺍﺛﻘﻪ ﻣﻦ ﻛﻼﻣﻲ ﻻﻥ ﺍﺣﻨﻪ ﻋﺒﺎﺩ ﺭﺏ
ﻋﻈﻴﻢ ﻣﺎﻳﺠﻮﺯ ﺑﻲ ﺍﻟﺸﻚ ﻻﻥ ﻫﻮ ﻳﻘﻮﻝ ﻟﻼﻣﺮ ﻛﻦ ﻓﻴﻜﻦ ﻣﺎﻋﻠﻴﻪ
ﻧﻘﺎﺵ ﺑﻌﺪ
- ﻭﺍﻟﻨﻌﻢ ﺑﺎﻟﻠﻪ ،،، ﻫﺬﺍ ﻛﻼﻣﺞ ﻃﻤﺌﻦ ﺿﻨﻮﻧﻲ ﻫﺎﻫﻴﻪ ﻟﻌﺪ
ﻧﻄﻠﻊ ﺑﺎﺟﺮ ﺣﻀﺮﻱ ﻧﻔﺴﺞ
ﺍﻥ ﺷﺎﺀ ﺍﻟﻠﻪ ،، ﻫﺴﻪ ﺧﻠﻲ ﻧﺎﻡ ﻧﻌﺴﺖ ﺍﻧﻲ
- ﻫﻬﻬﻬﻬﻪ ﻧﺎﻣﻲ ﻳﻼ ﻧﺎﻣﻲ
- ﺗﺼﺒﺢ ﻋﻠﻰ ﺧﻴﺮ ﺻﺪﻳﻘﻲ
- ﻭﺍﻧﺘﻲ ﻣﻦ ﺍﻫﻠﻪ ﺻﺪﻳﻘﺘﻲ
ﺍﻧﺪﺍﺭﺕ ﻭﻏﻄﺖ ﺭﺍﺳﻬﻪ ﻭﺍﻧﻲ ﺍﻧﺪﺍﺭﻳﺖ ﻭﺿﻠﻴﺖ ﺍﻓﻜﺮ ﺑﻜﻼﻣﻬﻪ
ﺣﺴﻴﺖ ﻣﺜﻞ ﺷﺮﺍﺭﻩ ﺍﻣﻞ ﺑﺪﺕ ﺗﺸﺘﻌﻞ ﺑﺪﺍﺧﻠﻲ ،، ﻧﻤﺖ ﻭﺑﺎﻟﻲ
ﺍﻓﻜﺎﺭﻫﺎ ﻭﺍﻓﻜﺎﺭ ﻻﻳﺎﻣﻲ ﺍﻟﺠﺎﻳﻪ ..
ﻛﻌﺪﺕ ﺳﺎﻋﻪ ٦ ﻫﻲ ﺑﻌﺪﻫﻪ ﻧﺎﻳﻤﻪ ﺍﺧﺬﺕ ﺍﻟﺘﻠﻔﻮﻥ ﻭﻃﻠﻌﺖ
ﻭﺻﻴﺖ ﺳﺠﺎﺩ ﻋﻠﻰ ﺍﻻﺟﺎﺯﻩ ﻭﺭﺗﺒﺖ ﺍﻻﻣﻮﺭ ﻭﺭﺟﻌﺖ ﻟﻠﻐﺮﻓﻪ
ﺟﺮﻳﺖ ﺍﻟﻐﻄﻰ ﻭﺗﻤﺪﺩﺕ ﻭﻋﻠﻰ ﺩﻓﻮ ﺍﻟﻔﺮﺍﺵ ﻭﺍﻟﻬﺪﻭﺀ ﻧﻤﺖ
ﺣﺴﻴﺖ ﻋﻠﻰ ﺻﻮﺗﻬﻪ ﺗﻜﻌﺪﻧﻲ .. ﻓﺘﺤﺖ ﻋﻴﻮﻧﻲ ﻭﻟﻜﻴﺘﻬﻪ
ﻭﺍﻛﻔﻪ ﺗﻔﺘﺢ ﺑﺎﻟﺒﺮﺩﺍﺕ ..
- ﻫﺎ ﻫﺒﻪ ﺷﻜﺪ ﺍﻟﺴﺎﻋﻪ ﻫﺴﻪ
- ﺻﺪﻳﻘﻲ ﺳﺎﻋﻪ ١٢ ﻛﻮﻡ ﺧﻠﻲ ﻧﺘﺮﻳﻚ
- ﺻﺪﻙ ﺗﺤﺠﻴﻦ ﻫﺎﻱ ﺍﻧﻲ ﺷﻠﻮﻥ ﺩﺍﻧﺎﻡ ﻫﻠﻜﺪ ﻋﺠﻴﻴﻴﻴﺐ
- ﻫﻬﻬﻬﻬﻬﻬﻬﻪ ﻣﺤﻀﺮﺗﻠﻚ ﺍﻟﺤﻤﺎﻡ ﺻﺪﻳﻘﻲ
ﻛﻤﺖ ﺳﺒﺤﺖ ﻭﻃﻠﻌﺖ ﺟﺎﺑﺖ ﺻﻴﻨﻴﻪ ﺍﻻﻛﻞ ﻭﻛﻌﺪﻧﺎ ﻧﺎﻛﻞ
ﻭﺑﺎﻭﻋﺘﻠﻬﻪ ﻛﺘﻠﻬﻪ ..
- ﻫﺎﻱ ﻟﻌﺪ ﺷﻮﻛﺖ ﺣﻨﻄﻠﻊ ﺍﺫﺍ ﺑﺎﻟﻮﺣﺪﻩ ﻭﺑﻌﺪﻧﻪ ﺩﻧﺘﺮﻳﻚ
- ﻫﻮ ﺍﻻﺣﺴﻦ ﺣﺘﻰ ﻧﻮﺻﻞ ﺑﺎﻟﻠﻴﻞ
- ﻟﻴﺶ ﺑﻠﻪ ﺍﺣﺴﻦ
- ﺣﺘﻰ ﺍﻟﺰﻳﺎﺭﻩ ﺧﻔﻴﻔﻪ ﺑﺎﻟﻠﻴﻞ ﻭﺍﺣﺪ ﻳﺎﺧﺬ ﺭﺍﺣﺘﻪ ﻣﻦ ﻧﻮﺻﻞ
ﻫﻨﺎﻙ ﺍﻓﻬﻤﻚ ﺑﻌﺪ ﺍﻻﺳﺒﺎﺏ ﺻﺪﻳﻘﻲ
- ﻫﺒﻪ ﺷﻮﻛﺖ ﺣﺘﺒﻄﻠﻴﻦ ﺳﺎﻟﻔﻪ ﺻﺪﻳﻘﻲ
- ﻟﻴﺶ ﺗﻀﻮﺟﻚ
- ﻻ ﻣﻮ ﺗﻀﻮﺟﻨﻲ ﺑﺲ ﻣﺪﺭﻱ ﺷﻠﻮﻧﻬﻪ
- ﻻ ﺣﻠﻮﻩ ﺣﻠﻮﻩ ﺻﺪﻳﻘﻲ ﻫﻬﻬﻬﻪ
- ﺻﺪﻳﻘﺘﻲ ﻫﻪ ﻛﻮﻣﻲ ﺻﺒﻠﻲ ﺑﻌﺪ ﺟﺎﻱ
- ﺗﺪﻟﻞ ﺻﺪﻳﻘﻲ
ﻛﺎﻣﺖ ﺻﺒﺘﻠﻲ ﺑﻌﺪ ﺟﺎﻱ ﻭﺍﻧﻲ ﺍﻫﺰ ﺑﻴﺪﻱ ﻭﺍﻛﻮﻝ ﺍﻟﻨﻮﺏ ﻋﻠﻴﻨﻪ
ﺻﺪﻳﻘﻲ ﺷﻴﻔﻀﻬﻪ ﻭﻳﺎﻫﻪ ..
ﻛﻔﻴﻨﻪ ﺍﻟﺮﻳﻮﻙ ﻭﻛﻌﺪﺕ ﺗﻨﻈﻒ ﻭﺍﻧﻲ ﻛﻞ ﺷﻮﻳﻪ ﺍﺳﺘﻌﺠﻠﻬﻪ
ﻭﻫﻲ ﺗﺎﺧﺮ ﺑﺎﻟﺴﺎﻟﻔﻪ ﻟﺤﺪ ﻣﺎﺻﺎﺭﺕ ﺳﺎﻋﻪ ﺍﺭﺑﻌﻪ ﺍﻟﻌﺼﺮ
ﻛﺘﻠﻬﻪ ..
- ﻫﺒﻪ ﺍﺫﺍ ﻣﺎﺗﻜﻮﻣﻴﻦ ﻫﺴﻪ ﺗﺒﺪﻟﻴﻦ ﻣﺎﺍﺧﺬﺝ ﻟﻮ ﻣﻮ ﺗﺼﻴﺮ ﻛﺮﺑﻼ
- ﻣﺎﺷﻲ ﻣﺎﺷﻲ ﺍﻋﺼﺎﺑﻚ
- ﺑﺴﺎﺍﺍﻉ ﻳﻼ ﻣﺘﻜﻠﻴﻠﻲ ﺷﻮﻛﺖ ﻧﻮﺻﻞ ﺷﻮﻛﺖ ﻧﺮﺟﻊ
- ﺩﺍﺑﺪﻝ ﻭﺍﻟﻠﻪ ﻻ ﺗﺤﺠﻲ ﻋﻠﻴﻪ
ﻛﺎﻟﺘﻬﻪ ﻭﻫﻲ ﺑﺎﻟﻐﺮﻓﻪ ،، ﺭﺣﺖ ﺗﻤﺪﺩﺕ ﻉ ﺍﻟﻘﻨﻔﻪ ﺍﻧﺘﻈﺮﻫﻪ ﺗﻄﻠﻊ
ﺩﺍﺑﺪﻝ ﻣﻼﺑﺴﻲ ،، ﻭﺿﻠﻴﺖ ﺍﺧﺎﺑﺮ ﺑﺠﻤﺎﻋﺘﻲ ﺑﺎﻟﺪﻭﺍﻡ ﻭﺍﺷﻮﻑ
ﺷﻜﻮ ﻣﺎﻛﻮ ﺍﻟﻴﻮﻡ ﻟﺤﺪ ﻣﺎﻃﻠﻌﺖ ﻫﻲ ﺍﺟﺘﻲ ﺗﺤﺠﻲ ﺍﺷﺮﺗﻠﻬﻪ ﺗﺴﻜﺖ
ﺑﻌﺪﻳﻦ ﺳﺪﻳﺖ ﺍﻟﺨﻂ ﻭﻛﻤﺖ ﻳﻤﻬﻪ
ﻫﺎﺍ ﺧﻠﺼﺘﻲ
- ﻫﻮ ﺩﺍﻛﻠﻚ ﺧﻠﺼﺖ ﺑﺲ ﻫﺎﻱ ﺍﻟﻌﻼﻣﻪ ﻣﺪﺗﻨﺸﻠﻊ
- ﺟﻴﺒﻲ ﻣﻜﺺ
- ﻣﺎﻋﺪﻧﺎ ﻣﻜﺺ
- ﺧﺮﺭﺭﺏ ﺟﻴﺒﻲ ﺳﺠﻴﻦ
- ﻣﺎﺷﻲ
ﺭﺍﺣﺖ ﺟﺎﺑﺘﻬﻪ ﻭﺍﺟﺘﻲ ﺍﺭﻓﻌﺖ ﺑﻠﻮﺯﻫﻪ ﻋﻦ ﺍﻟﺒﻨﻄﺮﻭﻥ ﻭﻛﺼﻴﺘﻬﻪ
ﺍﻟﻬﻪ ﻭﺑﺎﻭﻋﺘﻠﻬﻪ ﻭﺿﺤﻜﺖ ..
- ﺷﺒﻴﻚ ﺗﻀﺤﻚ
- ﻫﻴﺞ ﻣﺎﻛﻮ ﺷﻲ ،، ﻫﺴﻪ ﺧﻠﺼﺘﻲ ﻟﺒﺴﺞ ﺍﺭﻳﺪ ﺍﺭﻭﺡ ﺍﻟﺒﺲ
- ﻻ ﺑﻌﺪ ﻻﻥ ﺭﺩﺕ ﺍﺗﻮﺿﻰ ﺣﺘﻰ ﺍﻟﺒﺲ ﺍﻟﻘﻤﺼﻠﻪ ﻭﺍﻟﺠﻮﺍﺭﻳﺐ
ﻭﻛﻠﺖ ﺣﺘﻰ ﺗﺠﻲ ﻭﻳﺎﻳﻪ ﻧﺘﻮﺿﻰ ﺳﻮﻩ
- ﻫﺎ ﻳﻼ ﺍﻣﺸﻲ
ﺭﺣﻨﻪ ﻟﻠﺤﻤﺎﻡ ﺳﻮﻩ ﻭﻛﻔﻨﺎ ﻛﺪﺍﻡ ﺍﻟﻤﻐﺴﻠﻪ ﻭﻫﻲ ﺍﺟﺘﻲ ﺗﻜﻒ ﺭﺩﺍﻧﻬﻪ
ﻭﻭﻛﻔﺖ
- ﻫﺎ ﺷﺒﻴﺞ
- ﺍﻧﻲ ﻣﻴﺼﻴﺮ ﺍﻃﻠﻊ ﺍﻳﺪﻱ ﻫﻴﺞ ﻛﺪﺍﻣﻚ ﻧﺴﻴﺖ
- ﻟﻴﺶ ﺑﻠﻪ ﻣﻴﺼﻴﺮ
- ﺍﻱ ﺣﺮﺍﻡ
- ﻫﺒﻪ ﻫﺴﻪ ﻣﺘﻜﻠﻴﻠﻲ ﺷﺮﺍﺡ ﺍﺳﻮﻳﻠﺞ ﻳﻌﻨﻲ ،، ﺩﻳﻼ ﺷﻠﻮﻥ ﺣﺘﺘﻮﺿﻴﻦ
ﻓﻬﻤﻴﻨﻲ
- ﺍﻭﻭﻭﻑ ﻳﻼ ﺑﺲ ﻫﺎﻟﻤﺮﻩ ﻟﻠﻀﺮﻭﺭﻩ
- ﺩﻳﻼ ﻋﻴﻨﻲ ﻳﻼ ﺍﻳﺪﻳﻦ ﻟﻴﻠﻰ ﻋﻠﻮﻱ ﻭﺿﺎﻣﺘﻬﻦ
- ﻫﺎﺍﺍﺍﺍﺍ
- ﻳﻼﺍﺍ ﻫﺒﻪ ﻭﺭﺍﻧﻪ ﻃﺮﻳﻖ ﺑﻨﺘﻲ
ﻛﻔﺖ ﺭﺩﺍﻧﻬﻪ ﻭﻃﻠﻌﺖ ﺍﺩﻳﻬﻪ ﺿﻌﻴﻔﻪ ﻭﺑﺸﺮﺗﻬﻪ ﻣﺒﻴﻨﻪ ﻃﺮﻳﻪ
ﻭﻟﻮﻧﻬﻪ ﺣﻨﻄﻲ ﺑﻴﺎﺽ ﻋﻠﻰ ﺻﻔﺎﺭ ﻫﻴﺞ ﺻﺎﻳﺮﻩ ،، ﻭﺑﺪﺕ
ﺗﺘﻮﺿﻰ ﻭﺗﺤﺠﻲ ﺑﺼﻮﺕ ﻋﺎﻟﻲ ﻭﺍﻧﻲ ﻣﺮﻛﺰ ﻭﻳﺎﻫﻪ
ﻟﺤﺪ ﻣﺎ ﻛﻤﻠﺖ ﻛﻠﺘﻠﻲ ..
- ﻳﻼ ﺻﺪﻳﻘﻲ ﺩﻭﺭﻙ
ﺍﻧﻲ ﻫﻢ ﻛﻔﻴﺖ ﺭﺩﺍﻧﻲ ﻭﺗﻮﺿﻴﺖ ﻣﺜﻠﻬﻪ ﻭﻣﺴﺤﺖ ﺭﺍﺳﻲ ﻭﺭﺟﻠﻲ
ﻭﺭﻓﻌﺖ ﻋﻴﻨﻲ ﺍﻟﻬﻪ ﻟﻜﻴﺘﻬﻪ ﺗﺒﺘﺴﻢ ﺑﺤﻨﻴﻪ ،، ﻭﻛﺎﻟﺖ ..
- ﻣﺒﺮﻭﻙ ﺍﻟﺨﻄﻮﻩ ﺍﻻﻭﻟﻰ ﺻﺪﻳﻘﻲ
- ﺷﻜﺮﺍً ﺻﺪﻳﻘﺘﻲ
- ﻳﻼ ﻫﺴﻪ ﺭﺍﺡ ﺍﻛﻤﻞ ﻟﺒﺲ ﻭﺍﻧﺘﻪ ﺗﻌﺎﻝ ﻟﻠﻐﺮﻓﻪ ﺷﻮﻑ ﺍﻟﻤﻼﺑﺲ
ﺍﻟﻲ ﺍﺧﺘﺎﺭﻳﺘﻬﻦ ﺍﻟﻚ ﻳﻌﺠﺒﻚ ﺗﻠﺒﺴﻬﻦ ﻫﺴﻪ ﻟﻮ ﺗﺮﻳﺪ ﻏﻴﺮﻫﻦ
ﺭﺣﻨﻪ ﻟﻠﻐﺮﻓﻪ ﻭﻫﻲ ﺷﺎﻟﺖ ﺑﻠﻮﺯﻳﻦ ﻭﺗﻜﻠﻲ ﻫﺬﺍ ﻟﻮ ﻫﺬﺍ
- ﺍﻧﺘﻲ ﺷﺘﺸﻮﻓﻴﻦ ﺷﻨﻮ ﺍﻻﻧﺴﺐ ﻟﻬﻴﺞ ﻣﻜﺎﻥ...قصص عراقيه حقيقيه من واقعنا.روعه الطائي
- ﺍﻧﻲ ﺍﺷﻮﻑ ﻫﺬﺍ ﺍﻟﺜﺨﻴﻦ ﺍﻧﺴﺐ ﻻﻥ ﺍﻟﺠﻮ ﺑﺎﻟﻠﻴﻞ ﺑﺎﺭﺩ ﻫﻨﺎﻙ
- ﺯﻳﻦ ﻟﻌﺪ ﺧﻠﻲ ﻭﺑﻌﺪ ﺷﻨﻮ ﻭﻳﺎﻩ
ﻭﻫﺎﻱ ﺍﻟﻘﻤﺼﻠﻪ ﺣﻠﻮﻩ ﻋﻠﻴﻚ ﻭﺣﻀﺮﺗﻠﻚ ﻫﺬﺍ ﺍﻟﺒﻨﻄﺮﻭﻥ
ﺍﻟﺒﻴﺠﻲ ﻭﺍﻟﺠﻮﺍﺭﻳﺐ ﻫﺎﻱ ﻭﺑﻘﻰ ﺍﻟﺤﺬﺍﺀ ﻫﺴﻪ ﺍﺟﻴﺒﻪ
- ﺟﻴﺒﻴﻠﻲ ﺍﻟﺠﻮﺯﻱ
- ﻣﺎﺷﻲ ﻫﺴﻪ
- ﻭﺍﻧﺘﻲ ﻫﻢ ﻟﺒﺴﻲ ﻗﻤﺼﻠﺘﺞ ﺍﻟﺒﻴﺠﻲ ﻭﺣﺬﺍﺋﺞ ﺍﻟﺠﻮﺯﻱ
- ﻫﻬﻬﻬﻬﻬﻬﻪ ﻣﺎﺷﻲ ﺣﻠﺒﺴﻬﻦ ،، ﻳﻼ ﺭﺍﺡ ﺍﺧﺬ ﺟﻮﺍﺭﻳﺒﻲ
ﻭﺍﻃﻠﻊ ﺍﻟﺒﺴﻬﻦ ﺑﺮﻩ ﻭﺍﻧﺘﻪ ﺑﺪﻝ ﻋﻠﻰ ﺭﺍﺣﺘﻚ
ﻃﻠﻌﺖ ﻭﺳﺪﺕ ﺍﻟﺒﺎﺏ ﻭﻛﻌﺪﺕ ﺍﺑﺪﻝ ﻭﺍﻓﻜﺮ ﺑﻬﺎﻟﺨﻄﻮﻩ ﺻﺎﺭﻟﻲ
ﻋﺸﺮﻳﻦ ﺳﻨﻪ ﻣﺎﻣﻔﻜﺮ ﺍﺳﻮﻱ ﻫﻴﺞ ﺷﻲ ﺭﻏﻢ ﻫﻮ ﺷﻜﺪ ﺑﺴﻴﻂ
ﻭﺍﻧﻲ ﺷﺎﻳﻞ ﻫﻤﻪ ،، ﺑﺲ ﻫﻮ ﺍﻟﻲ ﺳﻬﻞ ﻟﻮ ﻫﻲ ﺳﻬﻠﺘﻪ ﻋﻠﻴﻪ ؟؟
ﻛﻤﻠﺖ ﺍﺧﺬﺕ ﺍﻟﻘﻤﺼﻠﻪ ﻭﻃﻠﻌﺖ ﻟﻜﻴﺘﻬﻪ ﻭﺍﻛﻔﻪ ﺗﻌﺪﻝ ﺑﺸﺎﻟﻬﻪ
ﺍﻧﺪﺍﺭﺗﻠﻲ ﻭﺍﺑﺘﺴﻤﺖ ﻭﻛﺎﻟﺖ ..
- ﻫﻴﺞ ﺯﻳﻦ ؟؟
- ﻛﻠﺶ ﺣﻠﻮ ﻋﻠﻴﺞ ﺍﻟﺸﺎﻝ ﺍﻟﺰﻳﺘﻮﻧﻲ
- ﺷﻜﺮﺍً ﻭﺍﻧﺘﻪ ﻫﻢ ﺣﻠﻮﻩ ﻋﻠﻴﻚ ﺍﻻﻟﻮﺍﻥ ﻫﺎﻱ ﻣﺮﺟﻌﺘﻚ ﺷﺒﺎﺏ
- ﻫﻬﻬﻪ ﻟﺠﺠﺠﺠﺞ ﻫﺴﻪ ﻗﺎﺑﻞ ﺍﻧﻲ ﺷﺎﻳﺐ
- ﺷﻤﺪﺭﻳﻨﻲ ﺍﻧﻲ ﺷﻜﺪ ﻋﻤﺮﻙ ﺑﺲ ﻣﻦ ﻋﻨﺪﻙ ﺟﻬﺎﻝ ﻳﻌﻨﻲ ﺟﺒﻴﺮ
- ﺧﺮﺭﺏ ﺑﺤﻈﻲ ﻟﺞ ﺍﻧﺘﻲ ﺣﺘﺨﺒﻠﻨﻲ ﺑﺎﻓﻜﺎﺭﺝ
- ﻫﺴﻪ ﻛﻮﻟﻲ ﺷﻜﺪ ﻋﻤﺮﻙ
- ﺷﺘﺘﻮﻗﻌﻴﻦ ﺍﻧﺘﻲ
- ﺍﻣﻤﻤﻤﻤﻢ ﻳﻌﻨﻲ ٣٣،٣٥،٣٦
- ﻫﻬﻬﻬﻬﻪ ٣٤ ﻋﻤﺮﻱ ﺑﻨﺘﻲ ﺍﻛﺒﺮ ﻣﻨﺞ ﺏ١٥ ﺳﻨﻪ ﺑﺎﺑﻪ
- ﻣﻔﻬﻮﻡ ﺑﺎﺑﻪ ﻣﻔﻬﻮﻡ ﺍﻟﻠﻪ ﻳﻄﻮﻝ ﺑﻌﻤﺮﻙ ﻭﻳﺨﻠﻴﻚ ﺍﻟﻨﻪ
- ﻫﻬﻬﻬﻬﻬﻬﻬﻪ ﺩﻣﺸﻲ ﻳﻼ ،، ﻣﻮﺑﺎﻳﻠﺞ ﺍﺧﺬﺗﻲ
- ﺍﻳﻴﻲ ﺫﻛﺮﺗﻨﻲ ﺍﻧﻲ ﺣﺘﻰ ﻣﺎﺩﺭﻱ ﻭﻳﻦ ﺣﺎﻃﺘﻪ
- ﻟﻌﺪ ﺍﻧﻲ ﺍﻟﻤﻦ ﺟﺎﻳﺒﻪ ﺍﺫﺍ ﺷﺎﻣﺮﺗﻪ
- ﺍﻱ ﻣﻦ ﺍﻧﺘﻪ ﻣﻮﺟﻮﺩ ﺍﻧﻲ ﺷﺴﻮﻱ ﺑﻲ ﺧﻠﻲ ﺍﺩﻭﺭﻩ ﺍﻭﻛﻒ ﻟﺤﻈﻪ
ﺭﺍﺣﺖ ﺍﺩﻭﺭ ﻋﻠﻴﻪ ﻭﺭﺍﺣﺖ ﻟﻠﻤﻄﺒﺦ ﺟﺎﺑﺖ ﻋﻼﻛﻪ ﻭﺍﺟﺘﻲ
- ﻫﺎ ﻟﻜﻴﺘﻲ
- ﺍﻱ ﻟﻜﻴﺘﻪ ﻉ ﺍﻟﻘﻨﻔﻪ ﺟﺎﻥ ،، ﻳﻼ ﻧﺮﻭﺡ
- ﻫﺎﻱ ﺷﻨﻮ ﺍﻟﻌﻼﻛﻪ
- ﺷﻐﻼﺕ ﻟﻠﻄﺮﻳﻖ ﻫﻬﻬﻬﻬﻪ
- ﺍﻭﻳﻠﻲ ﻋﻠﻰ ﺳﻮﺍﻟﻔﺞ ﺍﻣﺸﻲ ﺍﻣﺸﻲ
ﻃﻠﻌﺖ ﻭﻗﻔﻠﺖ ﺍﻟﺒﺎﺏ ﻭﻧﺰﻟﻨﻪ ﺗﻤﺸﻴﻨﻪ ﻟﻠﺴﻴﺎﺭﻩ ﺻﻌﺪﻧﺎ ﻭﺷﻐﻠﺖ
ﺍﻟﺘﺪﻓﺌﻪ ﻭﺣﺮﻛﺖ ... ﺍﻧﻄﻴﺘﻬﻪ ﻣﻮﺑﺎﻳﻠﻲ ﻭﻛﻠﺘﻠﻬﻪ
ﻫﺎﺝ ﺍﺧﺘﺎﺭﻱ ﺍﻱ ﺍﻏﻨﻴﻪ ﻋﻨﺪﻱ ﻧﺖ
- ﺍﻣﻤﻤﻢ ﺷﺘﺤﺐ ﺗﺴﻤﻊ
- ﺑﻜﻴﻔﺞ ﺍﻧﻲ ﺍﻧﻄﻴﺘﻪ ﺍﻟﺞ ﺍﻧﺘﻲ ﺍﺧﺘﺎﺭﻱ
ﺿﻠﺖ ﺗﻜﻠﺐ ﺗﻜﻠﺐ ﻭﺑﻌﺪﻳﻦ ﻃﻠﻌﺖ ﺍﻏﻨﻴﻪ ﺷﻴﺮﻳﻦ ﻛﻠﻲ ﻣﻠﻜﻚ
ﻭﺿﻠﺖ ﺍﺩﻧﺪﻥ ﻭﻳﺎﻫﻪ ﻭﻋﻴﻨﻬﻪ ﻉ ﺍﻟﻄﺮﻳﻖ ﻟﻮ ﻏﻴﺮ ﻭﺣﺪﻩ ﺟﺎﻥ ﻛﻠﺖ ﺍﻟﻬﻪ ﻗﺼﺪ ﺑﻴﻬﻪ ﺑﺲ ﻫﺎﻱ ﻣﺎﻓﻜﺮ ﻟﻮ ﻭﺍﺣﺪ ﺑﺎﻟﻤﻴﻪ ﺗﻘﺼﺪ ﺷﻲ ﺑﺲ
ﺗﺮﻳﺪ ﺗﺴﻤﻊ ﻭﺑﺲ ﺍﻋﺮﻑ ﻃﻴﻨﺘﻬﻪ ،، ﺷﻮﻳﻪ ﻭﺭﺍﺩﺕ
ﺗﻐﻴﺮﻫﻪ ﻭﻛﺘﻠﻬﻪ ..
- ﺍﻭﻛﻔﻲ ﺧﻠﻲ ﺍﻧﻲ ﺍﺧﺘﺎﺭ
ﺍﺧﺘﺎﺭﻳﺖ ﺍﻏﻨﻴﺘﻬﻪ ﺍﻟﺜﺎﻧﻴﻪ ﻣﺎﻝ ﺣﺒﻴﺘﻮ ﺑﻴﻨﻲ ﻭﺑﻴﻦ ﻧﻔﺴﻲ
- ﺍﻭﻭﻱ ﺣﻠﻮﻩ ﺯﻳﻦ ﻳﻌﻨﻲ ﺗﺤﺐ ﺍﻏﺎﻧﻲ ﺷﻴﺮﻳﻦ ﻋﺒﺎﻟﻲ ﺗﻀﻮﺝ
ﻣﻨﻬﻪ ﻭﺭﺩﺕ ﺍﻏﻴﺮﻫﻪ
- ﻻ ﺣﻠﻮﻩ ﺍﺳﻤﻌﻴﻬﻪ ﺯﻳﻦ ﺍﺣﺐ ﻫﺎﻻﻏﻨﻴﻪ
ﺑﺎﻭﻋﺘﻠﻲ ﻭﺿﺤﻜﺖ ﻭﺩﺍﺭﺕ ﻭﺟﻬﻪ ﺗﺒﺎﻭﻉ ﻟﻠﻄﺮﻳﻖ ﻭﺍﺩﻧﺪﻥ
ﻓﺴﺄﻟﺘﻬﻪ ..
- ﻫﺒﻪ ﻫﻢ ﺣﺒﻴﺘﻲ ؟
- ﻻ ﻣﺎﺣﺒﻴﺖ ﻣﺎﻓﻜﺮ ﺑﻬﺎﻟﺴﻮﺍﻟﻒ ﻗﺒﻞ
- ﺯﻳﻦ ﻣﺎﻣﻔﻜﺮﻩ ﺗﺮﺗﺒﻄﻴﻦ ﻭﺗﻜﻮﻧﻴﻦ ﻋﺎﺋﻠﻪ
- ﺍﻛﻴﺪ ﻫﺬﺍ ﺣﻠﻢ ﻛﻞ ﺑﻨﻴﻪ ﺑﺲ ﻣﻮ ﺍﻟﻜﻞ ﺗﻜﺪﺭ ﺗﺤﻘﻘﻪ
- ﻟﻴﺶ ﺷﻨﺎﻗﺼﺞ ﺣﺘﻰ ﻣﺎﻳﺘﺤﻘﻖ ،، ﻫﺎﻱ ﺷﺤﻼﺗﺞ ﻭﻓﺎﻫﻤﻪ ﻭﻣﺆﺩﺑﻪ
ﺍﻟﻒ ﻣﻦ ﻳﺘﻤﻨﺎﺝ
- ﺑﺲ ﺍﻧﻲ ﻣﺎﺭﻳﺪ ﻳﺠﻴﻨﻲ ﻭﺍﺣﺪ ﻳﺸﻮﻓﻨﻲ ﺣﻠﻮﻩ ﻭﺣﻴﺎﺗﻲ ﻭﻣﺆﺩﺑﻪ
ﻭﺍﻋﺠﺒﻪ ﻭﻳﺰﻭﺟﻨﻲ ﻣﺎﺭﻳﺪ ﺣﺐ ﺍﻭ ﺯﻭﺍﺝ ﻳﺠﻲ ﻉ ﺍﻟﺤﺎﺿﺮ
ﺑﻌﺪ ﻣﺎﺣﻴﺎﺗﻲ ﻛﻤﻠﺖ ﻭﻳﻠﻜﺎﻧﻲ ﻣﻜﻤﻠﻪ ﻭﻣﺎﻋﻨﺪﻱ ﻧﻘﺺ ،، ﺍﻧﻲ
ﺍﺭﻳﺪ ﺍﻟﻴﺤﺒﻨﻲ ﺑﻨﺺ ﻣﺸﺎﻛﻠﻲ ﻭﻫﻮﺳﺘﻲ ﻭﻳﻜﻮﻥ ﻭﻳﺎﻱ ﺑﺎﺻﻌﺐ
ﺍﻭﻗﺎﺗﻲ ﻣﻮ ﻣﻦ ﺍﺻﻴﺮ ﺣﻴﺎﺗﻲ ﺟﺎﻫﺰﻩ ﻉ ﺍﻻﺧﺮ ﻳﺠﻲ ﺣﻀﺮﺗﻪ
ﻳﻨﻌﺠﺐ ﺑﻴﻪ ،، ﺷﺴﻮﻱ ﺑﻲ ﺑﻌﺪ ..
- ﻭﺍﻟﻠﻪ ﻓﺎﺟﺄﺗﻴﻨﻲ ،، ﺯﻳﻦ ﺍﺫﺍ ﺍﻧﺘﻲ ﻭﻳﺎﻱ ﻛﺎﻋﺪﻩ ﺑﻮﻛﺘﺞ ﺍﻟﺼﻌﺐ
ﻫﺎﻟﻤﻜﺮﻭﺩ ﻭﻳﻦ ﺣﻴﻠﻜﺎﺝ
- ﻣﺎﺭﻳﺪ ﻫﺴﻪ ﺍﻟﻪ ﻳﻠﻜﺎﻧﻲ
- ﺍﻱ ﻫﻮ ﻣﺎﻛﻮ ﺍﺣﺪ ﻭﻳﺎﺝ ﻫﺴﻪ ﻏﻴﺮﻱ ﻳﻌﻨﻲ ﺗﺤﺒﻴﻨﻲ ﺍﻟﻲ ﻻﺯﻡ
ﺻﻔﻨﺖ ﻋﻠﻴﻪ ﻭﺍﻧﻲ ﻛﻞ ﺷﻮﻳﻪ ﻋﻴﻦ ﻋﻠﻴﻬﻪ ﻭﻋﻴﻦ ﻉ ﺍﻟﻄﺮﻳﻖ
ﻛﺘﻠﻬﻪ ..
- ﻫﺎﺍ ﻭﻳﻦ ﺻﻔﻨﺘﻲ
- ﻣﺎﻛﻮ ﺷﻲ ،، ﺟﺒﺖ ﻓﻮﺍﻛﻪ ﺗﺎﻛﻞ
- ﻫﻬﻬﻬﻬﻪ ﺍﻱ ﺍﻛﻞ
ﺿﻠﺖ ﺍﻃﻠﻊ ﻣﻦ ﺍﻟﻌﻼﻛﻪ ﻭﺗﻜﺸﺮ ﺍﻟﻼﻟﻨﻜﻲ ﻭﺗﻨﻄﻴﻨﻲ ﻭﺑﻌﺪﻳﻦ
ﻗﺴﻤﺖ ﺍﻟﺘﻔﺎﺣﻪ ﺑﺎﻟﻨﺺ ﺍﻟﻲ ﻭﺍﻟﻬﻪ ،، ﻭﺍﻧﻲ ﺟﺎﻥ ﺑﻨﻔﺴﻲ ﻟﻮ
ﺟﺎﻭﺑﺘﻨﻲ ﺍﻱ ﺷﻲ ،، ﺍﻱ ﻛﻠﻤﻪ ﺗﻜﻔﻲ ،، ﺑﺲ ﻫﻲ ﻃﻠﻌﺘﻨﻪ
ﻣﻦ ﺍﻟﻤﻮﺿﻮﻉ ﺑﻜﺎﻣﻞ ﺗﻔﺎﻫﺘﻬﻪ ﺍﻟﻲ ﻣﺤﺪ ﻳﺪﺑﺮﻫﻪ ﻭﻳﺎﻱ ﻏﻴﺮﻫﻪ
ﺿﻠﺖ ﺍﻟﻄﺮﻳﻖ ﻛﻠﻪ ﻣﻦ ﺍﻏﻨﻴﻪ ﻻﻏﻨﻴﻪ ﺑﻌﺪﻳﻦ ﻭﻛﻔﻨﻪ ﺑﺎﺯﺩﺣﺎﻡ
ﻗﺮﻳﺐ ﻋﻠﻰ ﻛﺮﺑﻼ ﻓﻬﻲ ﺑﺎﻭﻋﺘﻠﻲ ﻭﻛﺎﻟﺖ ﻣﺘﺮﺩﺩﻩ
ﻳﺼﻴﺮ ﺍﺧﺬ ﺻﻮﺭﻩ ﺍﻟﻨﻪ ﻫﺴﻪ ﺑﺘﻠﻔﻮﻧﻲ
- ﻫﻬﻬﻪ ﻳﺼﻴﺮ ﻳﺼﻴﺮ
- ﻫﻬﻪ ﺷﻜﺮﺍً
- ﺍﻱ ﻻﺯﻡ ﺗﺸﻜﺮﻳﻨﻲ ﻫﺎﻱ ﺻﻮﺭﻩ ﻭﻳﻪ ﺍﻟﻀﺎﺑﻂ ﻋﻤﺎﺩ ﻣﻮ ﺣﻲ ﺍﻟﻠﻪ
ﻭﺍﺣﺪ ﻳﺎﺑﻪ
ﺿﻠﺖ ﺗﻀﺤﻚ ﻭﻃﻠﻌﺖ ﺗﻠﻔﻮﻧﻬﻪ ﻭﺍﺧﺬﺕ ﻛﻢ ﻟﻘﻄﻪ .. ﻭﺑﻌﺪﻳﻦ
ﺍﻟﺘﻬﻴﺖ ﺍﻃﻠﻊ ﻣﻦ ﺍﻻﺯﺩﺣﺎﻡ ﻭﻋﻔﺘﻬﻪ ﺗﻜﻠﺐ ﺑﻤﻮﺑﺎﻳﻠﻬﻪ
ﻭﺻﻠﻨﻪ ﺗﻘﺮﻳﺒﺎً ﺳﺎﻋﻪ ٨ ﺑﻴﻦ ﻣﺎ ﻋﺒﺮﻧﺎ ﺍﻟﺘﻔﺘﻴﺶ ﺍﻻﻭﻝ ﻭﺍﺷﺘﺮﻳﺘﻠﻬﻪ
ﻋﺒﺎﻳﻪ ﺻﺎﺭﺕ ﺛﻤﺎﻧﻴﻪ ﻭﻧﺺ ﻭﻛﻔﻨﻪ ﻧﺘﻔﻖ ﻋﻠﻰ ﺍﻟﻤﻜﺎﻥ ..
- ﻫﺎ ﻫﺒﻪ ﻫﺴﻪ ﺷﻨﻮ
- ﻫﺴﻪ ﺍﻛﻮ ﺷﻐﻠﺘﻴﻦ ،، ﺍﻻﻭﻟﻰ ﺭﺍﺡ ﻧﺰﻭﺭ ﺍﻻﻣﺎﻡ ﺍﻟﺤﺴﻴﻦ ﻋﻠﻴﻪ ﺍﻟﺴﻼﻡ ﻭﺑﻌﺪﻳﻦ ﻧﻠﺘﻘﻲ ﻫﻨﺎ ﺣﺘﻰ ﻧﺮﻭﺡ ﻧﺰﻭﺭ ﺍﻟﻌﺒﺎﺱ ﻋﻠﻴﻪ ﺍﻟﺴﻼﻡ
ﻭﺑﻌﺪﻳﻦ ﻧﺮﻭﺡ ﻧﺎﻛﻞ ﺣﺘﻰ ﺑﻌﺪﻳﻦ ﺍﻓﻬﻤﻚ ﺍﻟﺨﻄﻪ ﻫﻬﻬﻬﻬﻬﻪ
- ﻳﺎﺧﻄﻪ ﻭﻟﺞ
- ﺗﺠﻴﻚ ﺻﺪﻳﻘﻲ ﺗﺠﻴﻚ ،، ﻫﺴﻪ ﺧﻠﻲ ﻧﻔﻮﺕ ﻭﺭﺍﻧﻪ ﻫﻮﺍﻱ ﺷﻐﻼﺕ
ﻧﺴﻮﻳﻬﻪ ﻭﻣﻮ ﺗﻨﺴﻰ ﻭﺭﻩ ﻣﺎ ﺗﺰﻭﺭ ﺗﺼﻠﻲ ﺭﻛﻌﺘﻴﻦ ﺍﻟﺰﻳﺎﺭﻩ ﻭﺗﻘﺮﺍ
ﺍﻟﺰﻳﺎﺭﻩ ﺗﻠﻜﺎﻫﻪ ﺑﻜﺘﺎﺏ ﺻﻐﻴﺮ
- ﻣﺎﺷﻲ ﻓﻬﻤﺖ
- ﻭ ﺻﺪﻳﻘﻲ ﻓﺪﻭﺍ ﻣﻦ ﺗﺪﺧﻞ ﺍﺣﺠﻲ ﺍﻟﻲ ﺑﻜﻠﺒﻚ ﺑﺪﻭﻥ ﻛﻼﻓﻪ
ﻭﺍﺩﻋﻲ ﺑﻜﻠﺐ ﻭﻧﻴﻪ ﺻﺎﻓﻴﻪ ﻻ ﺗﺨﻠﻲ ﺑﻴﻬﻦ ﺷﻜﻮﻙ
- ﺯﻳﻦ ﺯﻳﻦ،، ﺍﻟﺞ ﺭﺑﻊ ﺳﺎﻋﻪ ﻭﺍﻟﻜﺎﺝ ﻫﻨﺎ
- ﻭﻭﻭﻳﻦ ﺭﺑﻊ ﺳﺎﻋﻪ ﺷﺴﻮﻱ ﺑﻴﻬﻪ ﺑﺲ ﺍﻟﺘﻔﺘﻴﺶ ﺭﺍﺩﻟﻪ ﻋﺸﺮ ﺩﻗﺎﻳﻖ
- ﻳﻼ ﻧﺺ ﺳﺎﻋﻪ ﻭﺍﻟﻜﺎﺝ ﺑﻬﺎﻟﻤﻜﺎﻥ ﻻ ﺗﺨﻠﻴﻨﻲ ﺍﻧﺘﻈﺮ ﻣﻔﻬﻮﻡ
- ﻣﻔﻬﻮﻡ ﺻﺪﻳﻘﻲ ﻣﻔﻬﻮﻡ
- ﻳﻼ ﺗﻮﻛﻠﻲ
ﻣﺸﺖ ﻛﺪﺍﻣﻲ ﻭﺍﻧﻲ ﺿﻠﻴﺖ ﻭﺍﻛﻒ ﺍﻧﺘﻈﺮﺗﻬﻪ ﺗﺪﺧﻞ ﻳﻼ ﺭﺣﺖ
ﺍﻭﻝ ﻣﺎ ﺩﺧﻠﺖ ﻣﻦ ﺍﺻﻮﺍﺕ ﺍﻟﺼﻼﻭﺍﺕ ﻋﻠﻰ ﻣﺤﻤﺪ ﺍﻗﺸﻌﺮ ﺟﺴﻤﻲ
ﻭﺍﻟﺮﻳﺤﻪ ﺍﻟﻐﺮﻳﺒﻪ ﺍﻟﻲ ﺍﺷﻤﻬﻪ ﻣﺎﻋﺮﻑ ﺷﻨﻮ ﻫﻲ ﺑﺲ ﺗﺸﺒﻪ
ﻣﻲ ﻭﺭﺩ ﻋﻠﻰ ﻣﺴﻚ ﻫﻴﺞ ﺳﻮﺍﻟﻒ ... ﺻﺎﺭ ﻃﺮﻳﻘﻲ ﺳﻬﻞ ﺑﺲ ﺿﻠﻴﺖ ﻣﺘﺮﺩﺩ ﺍﻭﺻﻞ ﻟﺸﺒﺎﻙ ﺍﻻﻣﺎﻡ ﻭﺍﺭﺟﻊ ﻣﺴﺘﺤﻲ ﻣﻦ ﺍﻟﻮﻛﻔﻪ
ﻛﺪﺍﻡ ﺍﻻﻣﺎﻡ ،، ﻣﺮﻩ ﺍﺭﻓﻊ ﺭﺍﺳﻲ ﻭﺍﻧﺎﺟﻲ ﻭﻣﺮﻩ ﺍﺩﻧﻚ ﻣﻦ ﺍﺫﻛﺮ
ﺳﻮﺍﻟﻔﻲ ﻭﻣﺎﺗﺤﺮﻛﺖ ﻭﺭﺣﺖ ﻭﺻﻠﺖ ﺍﻟﺸﺒﺎﻙ ﺍﻻ ﺍﺟﺘﻲ ﺭﻭﺟﻪ
ﻣﺪﺭﻱ ﻣﻨﻴﻦ ﺩﻓﻌﻮﻧﻲ ﺩﻓﻊ ﻭﻟﺰﻛﺖ ﺑﺎﻟﺸﺒﺎﻙ ﻫﻨﺎ ﺣﺴﻴﺖ ﺑﻨﻔﺲ
ﺍﻟﻘﺸﻌﺮﻳﺮﻩ ﺍﻟﺤﺴﻴﺘﻬﻪ ﻭﻳﻪ ﻫﺒﻪ ﻣﻦ ﺭﺣﺘﻠﻬﻪ ﻟﻠﺰﻧﺰﺍﻧﻪ ﻭﺷﻔﺖ
ﺷﻜﻠﻬﻪ ﻭﺍﻟﻀﻮﺍ ﺍﻟﻀﺎﺭﺏ ﻋﻠﻰ ﻋﻴﻨﻬﻪ ،،،
ﺗﺠﻤﺪﺕ ﺑﻤﻜﺎﻧﻲ ﻣﺜﻞ ﻣﺎﺷﻔﺘﻬﻪ ﺗﺼﻠﻲ ﺑﻐﺮﻓﺘﻲ ﺍﻟﻔﺠﺮ ،، ﻭﺿﻠﻴﺖ
ﺣﺎﻁ ﺭﺍﺳﻲ ﻋﻠﻰ ﺍﻟﺸﺒﺎﻙ ﻭﺑﺲ ﺍﺗﻨﻔﺲ ﻭﺍﻟﺼﻮﺭ ﻻﻳﺎﻣﻲ ﺍﻟﻘﺪﻳﻤﻪ
ﺗﺘﻀﺎﺭﺏ ﺑﺮﺍﺳﻲ ﻟﺤﺪ ﻣﺎﺣﺴﻴﺖ ﻋﻠﻰ ﺩﻣﻮﻋﻲ ﻧﺰﻟﺖ ﺗﻠﻤﺴﺘﻬﻪ
ﻭﺗﻔﺎﺟﺄﺕ ﻣﻦ ﺷﻮﻛﺖ ﺍﻧﻲ ﻣﺎ ﺑﺎﺟﻲ ،، ﻭﻣﺎﻭﺧﺮﺕ ﻣﻦ ﻣﻜﺎﻧﻲ
ﺣﺘﻰ ﻭﺍﻟﻜﻞ ﺍﺩﻓﻊ ﻭﺗﺮﻳﺪ ﺗﺠﻲ ﺑﺪﺍﻟﻲ ﻣﺎ ﺗﺰﺣﺰﺕ ،،،
ﻭﺿﻠﻴﺖ ﺍﺣﺠﻲ ﻛﻞ ﺍﻟﻲ ﺑﻜﻠﺒﻲ ﻣﺜﻞ ﻣﺎ ﻭﺻﺘﻨﻲ ﻫﺒﻪ ﻭﺻﺪﻙ
ﺣﺴﻴﺖ ﺑﻔﺮﺍﻍ ﺟﺒﻴﻴﻴﺮ ﺑﺪﺍﺧﻠﻲ ﺑﺤﻴﺚ ﻣﻦ ﺭﺣﺖ ﺻﻠﻴﺖ
ﺟﺴﻤﻲ ﻳﺮﺟﻒ ﻭﺑﻲ ﺑﺮﻭﺩﻩ ﻣﻮ ﻃﺒﻴﻌﻴﻪ ،، ﻛﻤﻠﺖ ﺍﻟﺼﻼﻩ
ﻭﻗﺮﻳﺖ ﺍﻟﺰﻳﺎﺭﻩ ﻭﺿﻠﻴﺖ ﻛﺎﻋﺪ ﺻﺎﻓﻦ ﺑﺎﻟﻨﺎﺱ ﺣﻮﺍﻟﻴﻪ
ﻛﻠﻬﻪ ﻣﻠﺘﻬﻴﻪ ﺗﺪﻋﻲ ﻭﺗﺼﻠﻲ ﻭﺍﻟﺨﺸﻮﻉ ﻣﺒﻴﻦ ﺑﻜﻞ ﺍﻟﻤﻜﺎﻥ
ﺳﺄﻟﺖ ﻧﻔﺴﻲ ﻭﻳﻦ ﺟﻨﺖ ﺍﻧﻲ ﻋﻦ ﻫﺎﻟﺠﻨﻪ ؟؟؟
ﺑﺎﻭﻋﺖ ﻟﻠﺴﺎﻋﻪ ﻭﻛﻠﺖ ﺍﻃﻠﻊ ﺍﺷﻮﻓﻬﻪ ﺧﺎﻑ ﺍﺟﺘﻲ ، ،،
ﻭﺻﻠﺖ ﻟﻠﻤﻜﺎﻥ ﺍﻟﻲ ﺍﺗﻔﻘﻨﻪ ﻋﻠﻴﻪ ﻭﻭﻛﻔﺖ ﺍﻧﺘﻈﺮﻫﻪ ﻭﺍﺟﺘﻲ
ﺑﺎﻟﻮﻗﺖ ﻣﺎ ﺗﺄﺧﺮﺕ ﺑﺎﻭﻋﺘﻠﻲ ﻭﺿﺤﻜﺖ ...
- ﻫﺎﺍ ﺻﺪﻳﻘﻲ ﺍﺣﺠﻴﻠﻲ ﺷﻨﻮ ﺻﺎﺭ
- ﻫﻬﻬﻬﻬﻬﻪ ﻟﺞ ﻋﺠﻴﻴﻴﺐ ﻫﺎﻟﻤﻜﺎﻥ ﺷﻜﺪ ﻣﺮﻳﺢ
- ﻫﻬﻬﻬﻬﻬﻪ ﺑﻌﺪﻙ ﻣﺎﺷﻔﺖ ﺷﻲ
- ﺍﻧﺘﻲ ﺷﺴﻮﻳﺘﻲ ﺑﺎﻟﻲ ﻳﻤﺞ ﻣﺎﻣﺘﻌﻮﺩ ﺍﻋﻮﻓﺞ ﻫﻴﺞ
- ﻻ ﺗﺨﺎﻑ ﻋﻠﻴﻪ ﺑﻨﺺ ﺍﻻﻣﺎﻥ ﺍﻧﻲ ،، ﺩﻋﻴﺘﻠﻚ ﺍﻛﺜﺮ ﻣﻨﻲ
ﻭﺻﻠﻴﺖ ﺭﻛﻌﺘﻴﻦ ﻟﺒﻴﺒﻲ ﻭﺍﺧﻮﻳﻪ ﻭﻃﻠﻌﺖ
- ﺷﻜﺮﺍً ﻟﻠﺪﻋﺎﺀ ﺻﺪﻳﻘﺘﻲ
- ﺗﺪﻟﻞ ﺻﺪﻳﻘﻲ ﺑﺲ ﺗﺮﻩ ﻛﻠﺶ ﺩﺍﺍﺟﻮﻉ
- ﻻ ﻳﻤﻌﻮﺩﻩ ﻻ ﺗﺮﺣﻴﻦ ﺗﻮﻛﻌﻴﻦ ﻭﺗﺒﻠﻴﻨﻲ ﺧﻠﻲ ﻧﺮﻭﺡ ﻧﺎﻛﻞ
- ﻻ ﻻ ﺑﻴﻪ ﺣﻴﻞ ﻳﻜﻔﻲ ﺑﻌﺪ ﺷﻮﻳﻪ ﺧﻠﻲ ﻧﺮﻭﺡ ﻧﺰﻭﺭ ﻭﺑﻌﺪﻳﻦ ﻧﺎﻛﻞ
- ﻫﺒﻪ ﻣﺘﺎﻛﺪﻩ ﺗﺮﻩ ﻣﺎ ﻣﺴﺘﻌﺠﻠﻴﻦ
- ﺍﻱ ﺻﺪﻛﻨﻲ ﺑﻴﻪ ﺣﻴﻞ ،، ﻳﻼ ﺧﻠﻲ ﻧﺮﻭﺡ
ﺭﺣﻨﻪ ﻟﻠﺠﻬﻪ ﺍﻟﺜﺎﻧﻴﻪ ﻭﺩﻧﻤﺸﻲ ﻭﺻﺎﻳﺮﻩ ﻫﻮﺳﻪ ﺍﻧﻲ ﺣﻄﻴﺖ ﺍﻳﺪﻱ
ﻋﻠﻰ ﺟﺘﻔﻬﻪ ﺣﺘﻰ ﻻ ﻳﻄﺨﻮﻫﻪ ﻭﺍﺟﻴﺒﻬﻪ ﻛﺪﺍﻣﻲ ﺍﺳﻮﻳﻠﻬﻪ ﻃﺮﻳﻖ
ﺣﺘﻰ ﻻ ﺗﻨﺤﺼﺮ ﺑﺎﻻﺯﺩﺣﺎﻡ ،،، ﻟﺤﺪ ﻣﺎ ﻭﺻﻠﻨﻪ ﺍﻻﻣﺎﻧﺎﺕ
ﻛﻞ ﻭﺍﺣﺪ ﺭﺍﺡ ﺑﺠﻬﻪ ﻭﺩﺧﻠﺖ ﺯﺭﺕ ... ﺑﺲ ﻫﺎﻟﻤﺮﻩ ﺑﺸﺠﺎﻋﻪ
ﺍﻛﺜﺮ ﻭﺣﻤﺎﺱ ﺩﺧﻠﺖ ﺭﺩﺕ ﺍﻋﻴﺪ ﻫﺬﺍﻙ ﺍﻟﺸﻌﻮﺭ ﻭﻋﺮﻓﺖ ﺍﻥ
ﺍﻟﻀﻌﻒ ﻛﺪﺍﻣﻬﻢ ﻗﻮﻩ ﻭﺍﻥ ﺍﻟﺪﻣﻊ ﻳﻤﻬﻢ ﺷﺮﻑ ﻭﻋﺰﻩ ...
ﻭﺍﻟﺨﺠﻞ ﻣﻦ ﺍﻻﻓﻌﺎﻝ ﻫﻮ ﺍﻟﻨﻘﺎﺀ ﻻﻥ ﺍﻟﻲ ﻣﺎﻳﺤﺲ ﺑﺨﻄﺌﻪ
ﻫﻮ ﺻﺎﺣﺐ ﻛﻠﺐ ﻣﻴﺖ ،، ﻭﺍﻧﻲ ﻣﺎﺩﺍﻡ ﺧﺠﻼﻥ ﻣﻦ ﺗﺼﺮﻓﻲ
ﻭﺧﻄﺄﻱ ﻓﻜﻠﺒﻲ ﻣﺎ ﻣﺎﺕ ﺑﻌﺪﻩ ..
ﺭﺟﻊ ﺍﻟﻔﺮﺡ ﻣﺸﻰ ﺑﺪﺍﺧﻠﻲ ﻭﺣﺘﻰ ﺍﻟﻨﻔﺲ ﺻﺮﺕ ﺍﺣﺴﻪ ﻳﺎﺧﺬ
ﻣﺴﺎﺣﻪ ﺍﻭﺳﻊ ﺑﺪﺍﺧﻞ ﺭﺋﺘﻲ ...
ﻃﻠﻌﺖ ﻟﻨﻔﺲ ﺍﻟﻤﻜﺎﻥ ﻭﺿﻠﻴﺖ ﺍﻧﺘﻈﺮﻫﻪ ﻫﺎﻟﻤﺮﻩ ﺗﺎﺧﺮﺕ ﺍﻭﻝ
ﻣﺎﺍﺟﺘﻲ ﻛﻠﺘﻠﻬﻪ ..
- ﻫﺒﻪ ﺷﻤﺘﻔﻘﻴﻦ ﻣﺘﻜﻠﻴﻠﻲ ﻭﻳﻨﺞ ﺧﻮﻓﺘﻴﻨﻲ ﻋﻠﻴﺞ
- ﺻﺪﻳﻘﻲ ﺷﻌﻠﻴﻪ ﺍﻧﻲ ﺍﻟﻨﺴﻮﺍﻥ ﺟﻮﻩ ﻋﺪﻫﻦ ﻣﻌﺮﻛﻪ ﻣﻮ ﺯﻳﺎﺭﻩ
ﻛﻞ ﺷﻮﻳﻪ ﺷﺎﻣﺮﺍﺗﻨﻲ ﺑﺠﻬﻪ
- ﻫﻬﻬﻬﻬﻬﻬﻬﻪ ﻭﺍﻧﺘﻲ ﻣﺜﻞ ﺍﻟﺮﻳﺸﻪ ﻳﻨﻔﺨﻦ ﻋﻠﻴﺞ ﺍﻃﻴﺮﻳﻦ
ﺍﻟﻔﺎﻫﻴﻪ ﻋﻮﺩ ﻫﻢ ﺩﺑﺮﺗﻴﻬﻪ ﺑﻴﻨﻬﻦ
- ﺍﻱ ﺩﺑﺮﺗﻬﻪ ﻻ ﺗﺴﺘﻬﻴﻦ ﺑﻴﻪ
- ﻻ ﻳﺎﺑﻪ ﻣﺎﺍﺳﺘﻬﻴﻦ ﺑﻌﺪ ﻣﺎﺷﻔﺘﺞ ﻃﻠﻌﺘﻲ ﻋﺎﻳﺸﻪ ﻫﺎﻫﻴﻪ ﻋﺮﻓﺖ
ﻗﻮﺗﺞ ﺑﻌﺪ
- ﺍﻳﻴﻲ ﺑﺲ ﻫﺴﻪ ﺧﻠﺼﺖ ﺍﻟﻘﻮﻩ ﻭﺍﻟﺒﻄﺎﺭﻳﻪ ﻋﻠﻰ ﻭﺷﻚ ﺍﻟﻨﻔﺎﺫ
- ﺍﻣﺸﻲ ﺍﻣﺸﻲ ﺍﺩﺭﻱ ﺗﺮﻳﺪﻳﻦ ﺍﻛﻞ
- ﻫﻬﻬﻬﻬﻬﻪ ﺍﻳﻴﻲ
أنت تقرأ
في قعر السجون وجدتني (منقوله)
Short Storyمنقوله للكاتبه Adzzon zoka الناقله حكمت 𝙃𝙚𝙠𝙢𝙖𝙩_𝙈_𝙝🫀
