بارت٣٧
ﻓﻲ ﻗﻌﺮ ﺍﻟﺴﺠﻮﻥ ﻭﺟﺪﺗُﻨﻲ
.
.
- ﻫﺎﺍ ﺍﺣﻤﺪ ﺷﺴﺎﻟﻔﺘﻚ ﺭﺍﺡ ﺗﻨﻔﺠﺮ ﺍﺿﺤﻚ ﺍﺿﺤﻚ ﺷﻮ ﻛﺎﺗﻢ ﻋﻠﻴﻬﻪ
- ﻫﻬﻬﺨﻬﺨﺨﻬﻬﻬﻬﻬﻬﻬﻬﻬﻬﻬﺎﺍﺍﺍﺍﺍﺍﻱ ﺳﻴﻴﻴﻴﺪﻱ ﻫﻮ ﺍﻟﻴﺜﺮﺩ ﻳﺪﺭﻱ
ﻭﺍﻟﻴﺎﻛﻞ ﻣﺎﻳﺪﺭﺭﺭﻱ
- ﺍﻳﻴﻴﻲ ﺑﺎﻟﻠﻪ ﺻﺪﻛﺘﺘﺘﺖ ﺍﺍﺍﺥ ﺍﺍﺍﺥ
- ﺷﻨﻮ ﺷﺒﻴﻜﻢ
- ﺑﻌﺪﻳﻦ ﺗﻔﻬﻤﻴﻦ
- ﺍﻣﻤﻤﻢ ،، ﺯﻳﻦ ﻭﻳﻦ ﺭﺍﻳﺤﻴﻦ ؟؟
- ﻧﺘﻌﺸﻰ ﻣﺎﺟﻮﻋﺎﻧﻪ !!
- ﺍﻱ ﺑﻌﺪﻧﻲ ﻣﺎﻛﻠﺖ ﺟﻨﺖ ﻧﺎﻳﻤﻪ ﻭﺍﺟﺎﻧﻲ ﺍﻟﺒﻨﺎﺕ ﻓﺰﺯﻧﻲ ﻣﻦ ﻧﻮﻣﺘﻲ
ﻭﺧﺒﺼﻨﻲ ﺑﺎﻻﺳﺌﻠﻪ ﻭﺍﻧﻲ ﻣﺎﺩﺭﻱ ﺷﻨﻮ ﺍﻟﺴﺎﻟﻔﻪ
- ﻟﻴﺶ ﺍﻟﺤﺎﺭﺱ ﻣﺎﻛﻠﻠﻬﻦ ﻋﻠﻴﻪ
- ﻻ ﺑﺲ ﻛﺎﻳﻠﻠﻬﻦ ﺍﻫﻠﻬﺎ ﻳﺮﺩﻭﻫﺎ ﻭﻣﺴﺘﻌﺠﻠﻴﻦ ﻳﻨﺘﻈﺮﻭﻥ ﺟﻮﻩ
ﻓﺎﻧﻲ ﻧﺰﻟﺖ ﻭﻣﺴﺘﻐﺮﺑﻪ ﻣﻨﻮ ﻳﺴﺄﻝ ﻋﻠﻴﻪ ﻭﺟﺎﻱ ﻫﺎﻟﻮﻛﺖ ﺑﻌﺪﻳﻦ
ﻣﻦ ﺷﻔﺘﻚ ﻳﻼ ﺍﺳﺘﻮﻋﺒﺖ ﺟﻨﺖ ﻣﻄﻔﻴﻪ ﺻﺮﺍﺣﻪ ﻫﻬﻬﻬﻬﻬﻪ ﻭﺷﻮﻓﻪ
ﻣﺎﻫﺮ ﺻﺤﺘﻨﻲ ﻟﻼﺧﻴﺮ
- ﻫﺎﺍﺍ ﺑﺲ ﻣﺎﻫﺮ ﻭﺍﻧﻲ ﻋﺎﺩﻱ
- ﻫﻬﻬﻬﻬﻬﻪ ﻻﺍﺍ ﺷﺒﻴﻚ ﺍﻧﺘﻪ ﺻﺤﻴﺖ ﻏﻴﺮ ﺷﻲ
- ﺷﻨﻮﻭ
- ﺑﻌﺪﻳﻦ ﺗﻔﻬﻢ
- ﻫﻬﺨﺨﺨﺨﺨﺨﺨﺨﺦ ﻟﺞ ﺻﺎﻳﺮﻩ ﺍﺩﺍﻫﺮﻳﻦ ﺑﺎﻟﺤﺠﻲ
- ﻫﻬﻬﻬﻬﻬﻬﻬﻬﻪ ﻣﻮ ﻗﺼﺪﻱ ﺷﺒﻴﻴﻴﻚ
- ﺍﻛﻮﻝ ﺍﺑﻮ ﺍﻟﺸﺒﺎﺏ ﺷﺒﻴﻚ ﻣﺎﺩ ﺍﻟﺒﻮﺯ ﻋﻠﻴﻨﻪ
- ﻣﺎﺑﻴﻪ ﺷﻲ
- ﻣﺎﻫﺮ ﺣﺒﻴﺒﻲ ﺷﻨﻮ ﺍﻟﻤﻀﻮﺟﻚ ﺍﺣﺠﻴﻠﻲ
- ﺍﻧﺘﻮ ﺑﺲ ﺗﺤﺠﻮﻥ ﺗﺤﺠﻮﻥ ﻭﻫﻮ ﻳﻌﺮﻓﺞ ﻭﻋﺎﻳﺶ ﻭﻳﺎﺝ ﺍﻛﺜﺮ ﻣﻨﻲ
ﻛﻠﺸﻲ ﻳﻌﺮﻑ ﻋﻨﺞ ﻭﺍﻧﻲ ﻻ ﻟﻴﺶ ﻳﻌﻨﻲ ﻟﻴﺶ ﺗﺨﻠﻲ ﻫﻮ ﻳﻌﺮﻑ ﻛﻠﺸﻲ
ﻭﺍﻧﻲ ﻻ ﻫﺎﺍ ﻟﻴﺶ ﻳﻌﻨﻲ ﺗﺤﺒﻲ ﺍﻛﺜﺮ ﻣﻨﻲ ﻫﺎﺍﺍ
- ﻻ ﻻ ﻳﺎﻋﻤﺮﻱ ﻳﺎﺍﻭﻟﻴﺪﻱ ﻣﻨﻮ ﻳﺠﻲ ﺑﻤﻜﺎﻧﻚ ﺣﺒﻴﺒﻲ ﻳﻤﻪ ﻛﻞ ﻫﺬﺍ
ﻭﺿﺎﻣﻪ ﺑﻜﻠﺒﻚ ﻋﻠﻴﻪ ﺳﻮﺩﻩ ﻋﻠﻴﻪ ﻭﻟﻴﻴﻴﻴﺪﻱ ﻣﻬﻮﻭﺭ ﻳﺎﻋﻤﺮﺭﻱ
- ﻻ ﺗﻘﻨﻌﻨﻲ ﻫﻴﺞ ﺍﻧﺘﻲ ﺗﺤﺒﻲ ﻣﺘﺤﺒﻴﻨﻲ ﻫﻮ ﺍﺧﺬ ﻛﻠﺸﻲ ﺑﺤﻴﺎﺗﺞ ﺑﻌﺪ
ﺍﻧﻲ ﻣﺎﻛﻮ ﺍﻱ ﺷﻲ ﺍﻟﻲ
- ﻻ ﻻ ﺗﺰﻋﻠﻨﻲ ﻣﻨﻚ ﺑﻬﺎﻟﺤﺠﻲ ﻻ ﻟﻴﺶ ﻫﻲ ﺍﻻﻡ ﺷﺘﺤﺐ ﺑﺎﻟﺪﻧﻴﺎ
ﺍﻛﺜﺮ ﻣﻦ ﺍﺑﻨﻬﺎ ﻭﺑﻌﺪﻳﻦ ﺍﻧﺘﻪ ﻋﺎﻳﺶ ﻭﻳﺎﻱ ﺍﻛﺜﺮ ﻣﻨﻪ ﻭﺗﻌﺮﻓﻨﻲ ﺍﻛﺜﺮ
ﻟﻴﺶ ﻛﻢ ﺳﻨﻪ ﻋﺎﻳﺸﻴﻦ ﺳﻮﻩ ﻭﻧﺎﻡ ﻭﻧﺎﻛﻞ ﺳﻮﻩ ﻣﻮ ﻋﺪﻧﻪ ﺷﻜﺪ ﺫﻛﺮﻳﺎﺕ
ﺣﻠﻮﻩ ﺍﻧﻲ ﻭﻳﺎﻙ ﻗﺒﻞ .. ﻫﻮ ﻳﻌﺮﻓﻨﻲ ﻣﻦ ﻣﺪﻩ ﻗﻠﻴﻠﻪ ﺑﺲ ﺍﻧﺘﻪ ﻣﻦ ﺍﻭﻝ
ﻋﻤﺮﻙ ﻭﻳﺎﻱ ﻭﺗﻀﻞ ﻭﻳﺎﻱ ﻻﺧﺮ ﻧﻔﺲ ﻫﺎﻟﺴﻨﺘﻴﻦ ﻫﺬﻧﻲ ﻣﺎﻏﻴﺮﻥ
ﺷﻲ ﺑﻤﺤﺒﺘﻚ ﺍﺑﻨﻲ ﻣﺎﺣﺒﻴﺖ ﻫﺎﻟﺤﺠﻲ ﻣﻨﻚ ﺑﻌﺪﻳﻦ ﻣﻦ ﺷﻮﻛﺖ ﻣﺘﻌﻠﻢ
ﺗﻘﻠﻞ ﺍﺣﺘﺮﺍﻡ ﺍﻻﻛﺒﺮ ﻣﻨﻚ ﻫﺎﺍ
- ﻫﻮ ﺍﻧﻲ ﺧﻔﺖ ﻻ ﺍﺧﺬ ﻣﻜﺎﻧﻲ ﻋﻨﺪﺝ ﻣﺎﺭﻳﺪ ﻏﻴﺮﻱ ﺗﺤﺒﻲ ﻭﺍﺩﻟﻠﻲ
ﻻﻥ ﺍﻧﺘﻲ ﺍﻣﻲ ﺍﻧﻲ ﻣﻮ ﻫﻮ
- ﻻ ﺗﻜﻮﻝ ﻫﻮ ﻛﻮﻝ ﺍﺧﻮﻳﻪ ﻋﻤﺎﺩ ﻋﻤﻮ ﻋﻤﺎﺩ ﻋﻴﺐ ﻫﻴﺞ ﺗﺤﺠﻲ ﺣﺒﻴﺒﻲ
- ﻫﺴﺴﺴﻪ ﺷﻨﻮﻭﻭ ﻭﺍﺫﺍﺍ ﺣﺠﻴﺖ ﻫﻴﺞ
- ﻻ ﻣﺎﺍﺭﺿﻰ ﻫﺎﻟﺤﺠﻲ ﺍﻟﺮﺟﺎﻝ ﻳﺤﺒﻚ ﻭﻣﻘﺪﺭﻙ ﻭﻣﺤﺘﺮﻣﻚ
ﻭﻫﻮ ﻳﺨﺼﻨﻲ ﺍﺣﺘﺮﺍﻣﻪ ﻣﻦ ﺍﺣﺘﺮﺍﻣﻲ ﻓﺎﺫﺍ ﻗﻠﻠﺖ ﺍﺩﺏ ﻭﻳﺎﻩ
ﻣﻌﻨﺎﻩ ﺍﻧﻚ ﺗﺴﻲﺀ ﺍﻟﻲ ﻭﺗﻘﻠﻞ ﺍﺩﺏ ﻭﻳﻪ ﺍﻣﻚ ﻭﻫﺎﻟﺸﻲ ﻣﻤﻘﺒﻮﻝ
- ﻣﺎﺷﻲ ﻳﻤﻪ ﺻﺎﺍﺭ
- ﺑﻌﺪﻧﻲ ﻣﺎﺭﺿﻴﺖ
- ﺍﻧﻲ ﺍﺳﻒ ﺍﺧﻮﻳﻪ ﻋﻤﺎﺩ ﻻﺗﻀﻮﺝ ﻣﻨﻲ
- ﻋﻠﻰ ﺭﺍﺳﻲ ﺍﻧﺘﻪ ﻣﺎﺿﻮﺝ ﻣﻨﻚ
- ﻫﺴﻪ ﻳﻤﻪ ﺭﺿﻴﺘﻲ ﻟﻮ ﺑﻌﺪ
- ﺭﺿﻴﺖ ﻳﺎﺣﺒﻴﺒﻲ ﻓﺪﻭﺍ ﺍﺭﻭﺡ ﻟﻠﻲ ﻳﺴﻤﻊ ﻛﻠﻤﻪ ﺍﻣﻪ
- ﻣﺎﺣﺐ ﺍﺯﻋﻠﺞ ﺷﺘﺮﻳﺪﻳﻦ ﻳﺼﻴﺮ
- ﺍﻟﻠﻪ ﻳﺮﺿﻰ ﻋﻠﻴﻚ ﻳﺎﻭﻟﻴﺪﻱ ﻳﺎﺣﺒﻴﺒﻲ ﺍﻧﺘﻪ ،، ﻭﻋﻤﺎﺩ ﻋﻴﻮﻧﻲ
ﻫﻢ ﻋﻨﺪﻱ ﻭﺻﻴﻪ ﻭﻃﻠﺐ ﻳﻤﻚ ﻣﻤﻜﻦ
- ﻛﻮﻟﻲ ﻋﻴﻨﻲ
- ﻣﺎﻫﺮ ﺗﻌﺮﻑ ﻣﻌﺰﺗﻪ ﻋﻨﺪﻱ ﺍﺫﺍ ﺗﺮﺿﻲ ﺗﺮﺿﻴﻨﻲ ﻭﺍﺫﺍ ﺗﺰﻋﻠﻪ
ﺍﻭ ﺗﺄﺫﻱ ﺗﺄﺫﻳﻨﻲ ﺍﻋﺘﺒﺮﻩ ﺍﺧﻮﻙ ﺍﻟﺼﻐﻴﺮ ﻭﺩﻳﺮ ﺑﺎﻟﻚ ﻋﻠﻲ ﻓﺪﻭﺍ
ﻻﻥ ﻣﺎﺭﻳﺪ ﻣﺸﺎﻛﻞ ﻭﻣﺸﺎﺣﻨﺎﺕ ﺑﻴﻨﻜﻢ ﺍﻧﺘﻮ ﺳﻨﺪﻱ ﻭﺍﺭﻳﺪﻛﻢ ﺗﻀﻠﻮﻥ
ﺳﻮﻩ ﺩﺍﺋﻤﺎً ﻻﺗﺘﺨﺎﺭﺑﻮﻥ ﻣﻦ ﺍﻟﺒﺪﺍﻳﻪ ﺭﺟﺎﺀﺍً
- ﻻ ﺗﺨﺎﻓﻴﻦ ﻣﺎﻋﻨﺪﻱ ﺷﻲ ﻭﻳﺎﻩ ﺍﺑﻮ ﺍﻟﺸﺒﺎﺏ ﺍﺣﺒﻪ ﻭﺍﺣﺘﺮﻣﻪ ﻭﻫﻮ
ﻭﻟﺪ ﺧﻠﻮﻕ ﺍﺗﺸﺮﻑ ﺑﺨﻮﺗﻪ
- ﺍﻱ ﻓﺪﻭﺍ ﺍﺭﻭﺣﻠﻜﻢ ﺧﻠﻴﻜﻢ ﻛﻠﺐ ﻋﻠﻰ ﻛﻠﺐ ﺗﻔﺮﺣﻮﻧﻲ ﻭﺍﻟﻠﻪ
- ﺍﻥ ﺷﺎﺀ ﺍﻟﻠﻪ
- ﺻﺎﺭ ﻳﻤﻪ ﻣﺜﻞ ﻣﺎﺗﺮﻳﺪﻳﻦ ﻭﺍﺻﻼ ﺍﺧﻮﻳﻪ ﻋﻤﺎﺩ ﺧﻮﺵ ﺭﺟﺎﻝ
ﺍﻧﻲ ﻫﻢ ﺍﺗﺸﺮﻑ ﺑﺨﻮﺗﻪ
- ﻫﻬﻬﻬﻬﻬﻬﻬﻬﻬﻬﻬﻪ ﺍﻫﻼً ﻭﺳﻬﻼ ﺧﻮﻳﻪ ﻣﺎﻫﺮ
- ﻫﻼ ﺑﻴﻚ ﺧﻮﻳﻪ ﻋﻤﺎﺩ
- ﻫﻬﻬﻬﻬﻬﻬﻬﻬﻪ ﻭﺍﺧﻴﻴﻴﺮﺍً ﻫﺪﺩﺩﻧﻪ ﻫﻬﻬﻬﻬﻬﻬﻬﻪ ﺍﻟﻠﻪ ﻳﺨﻠﻴﻜﻢ ﺍﻟﻲ
ﺿﻠﺖ ﺗﻀﺤﻚ ﻭﺗﺒﺎﻭﻋﻠﻲ ﻭﻫﻲ ﺣﺎﺿﻨﻪ ﻣﺎﻫﺮ ﻭﺍﺣﻤﺪ ﻳﻀﺤﻚ
ﻣﻦ ﺟﻮﻩ ﻟﺠﻮﻩ ... ﻣﺎﺟﺎﻥ ﺑﺎﻟﻲ ﺍﻱ ﺷﻲ ﻏﻴﺮ ﺍﻟﻔﺮﺣﻪ ﺑﻜﻌﺪﺗﻬﻪ
ﻭﺿﺤﻜﺘﻬﻪ ﻳﻤﻲ ﻻ ﻫﻤﻨﻲ ﺍﺣﻤﺪ ﻭﻻ ﺷﻴﻔﻜﺮ ﺑﻴﻪ ﻭﺷﻴﺪﺭﻱ ﻋﻨﻲ
ﺍﺧﺬﺗﻬﻪ ﻟﻤﻄﻌﻢ ﻫﺎﺩﻯﺀ ﻭﻓﺨﻢ ﻭﺩﺯﻳﺖ ﻋﻠﻰ ﺍﻟﻮﻟﺪ ﺣﺘﻰ ﻳﺎﺧﺬﻭﻥ
ﺭﺍﺣﺘﻬﻢ ﻭﻳﺎﻛﻠﻮﻥ ،، ﻭﺭﺣﻨﻪ ﺍﺣﻨﻪ ﻟﻄﺎﻭﻟﻪ ﺑﻤﻜﺎﻥ ﻫﺎﺩﻯﺀ ﺑﻌﻴﺪ
ﻋﻦ ﺑﻘﻴﻪ ﺍﻟﻤﻮﺟﻮﺩﻳﻦ ،، ﻛﻌﺪ ﻣﺎﻫﺮ ﺑﺼﻒ ﻫﺒﻪ ﻭﺍﻧﻲ ﻣﻘﺎﺑﻴﻠﻬﺎ
ﻃﻠﺒﻨﻪ ﺍﻻﻛﻞ ﻭﻣﺎﻫﺮ ﺟﺎﻥ ﺷﺒﻌﺎﻥ ﺭﺍﺩ ﺣﻠﻮﻳﺎﺕ ... ﺿﻠﻴﺖ
ﺍﺑﺎﻭﻋﻠﻬﻪ ﺷﻠﻮﻥ ﺗﺮﺗﺐ ﺑﻤﻼﺑﺴﻪ ﻭﺗﻌﺪﻝ ﺑﺸﻌﺮﺍﺗﻪ ﻭﻛﻞ ﺷﻮﻳﻪ
ﻛﺎﺭﺻﻪ ﺧﺪﻩ ﻭﺗﻀﺤﻜﻪ ﻭﻫﻮ ﻣﻨﺪﻣﺞ ﻭﻳﺎﻫﻪ ﻭﺍﻧﻲ ﻋﺎﻳﻔﺘﻨﻲ ﻫﻴﺞ
ﻃﻔﺮﺕ ﺭﻭﺣﻲ ﻫﺎﻟﻤﺎﻫﺮ ﺟﻴﺘﻪ ﻏﻠﻂ ﺑﻐﻠﻂ ..
- ﻳﺎﺑﻪ ﺗﺮﺍ ﺍﻧﻲ ﻭﻳﺎﻛﻢ ﺷﻨﻮ ﺍﻟﺴﺎﻟﻔﻪ
- ﻫﻬﻬﻬﻬﻪ ﻋﻤﺎﺍﺩ ﺍﺳﻔﻪ
- ﺍﺣﺠﻴﻠﻬﻪ ﻣﺎﻫﺮ ﺍﺣﺠﻴﻠﻬﻪ ﺷﺴﻮﻳﺖ ﺍﻧﻲ ﺣﺘﻰ ﺍﻓﺮﺣﻬﻪ ﻭﺷﻮﻑ
ﻫﻲ ﺷﺘﺴﻮﻱ ﻣﻦ ﺍﻧﻲ ﻳﻤﻬﻪ
- ﻳﻤﻪ ﻫﺬﺍ ﻋﻤﺎﺩ ﻟﺰﻡ ﺟﺪﻭ ﻭﻃﻴﺢ ﺣﻈﻪ ﺭﺯﻟﻪ ﻫﺬﻳﺞ ﺍﻟﺮﺯﺍﻟﻪ
ﺍﻟﺘﺴﻮﻩ ﻭﺷﺎﻟﻪ ﻣﻦ ﻳﺎﺧﺘﻪ ﻭﻟﺪﻛﻪ ﻉ ﺍﻟﺤﺎﻳﻂ ﺣﻴﻴﻞ ﻭﻳﺼﻴﺢ ﻋﻠﻴﻪ
ﻻﻥ ﻳﺤﺠﻲ ﻋﻠﻴﺞ ﻟﻌﺐ ﺑﻲ ﻃﻮﻭﺑﻪ ﺣﺘﻰ ﺳﻨﻮﻧﻪ ﺭﺍﺩ ﻳﻜﺴﺮﻫﻦ
ﺷﺴﻮﻭﻭﻭﻩ ﺑﻴﻬﻤﻤﻢ
- ﺻﺪﺩﺩﺩﻙ ﻳﻌﻨﻲ ﻛﻞ ﻫﺬﺍ ﺻﺎﻳﺮ ﻳﻼ ﺍﺟﻴﺖ !!
- ﻟﻌﺪ ﻋﺒﺎﻟﺞ ﺩﺯﻭﻩ ﺑﺎﻟﺒﺮﻳﺪ ﻏﻴﺮ ﺷﻠﻌﺘﻪ ﻣﻦ ﻋﻴﻮﻧﻬﻢ ﻭﺟﺒﺘﻪ ﺍﻟﺞ
- ﺍﻳﻴﻴﻲ ﻳﻤﻤﻪ ﻛﺴﺮﻫﻢ ﺗﻜﺴﻴﺮ ﺧﻼﻫﻢ ﻳﺘﺮﺍﺟﻔﻮﻭﻥ ﺣﺘﻰ ﻭﻟﺪ ﻋﻤﻨﺎ
ﻫﻢ ﺟﺘﻔﻮﻫﻢ ﺍﻟﺤﺮﺱ ﻭﺍﻟﺠﻴﺮﺍﻥ ﺍﺟﻮﻱ ﺷﺎﻓﻮ ﺷﻠﻮﻥ ﺿﺮﺏ ﺟﺪﻭ
ﻭﻫﻮ ﺣﺠﺎﻟﻬﻢ ﻛﻠﻠﻠﻠﻠﺸﻴﻴﻴﻲ ﻭﻫﻤﻪ ﻭﻛﻔﻮ ﻭﻳﺎﻩ ﻭﺻﺎﺭﻭ ﻳﺒﺎﻭﻋﻮﻥ
ﺍﻟﻬﻢ ﺑﻌﻴﻦ ﻣﺤﻠﻮﻩ ﻭﺍﻧﻲ ﻓﺪ ﻓﺮﺭﺭﺭﺣﺖ ﻣﻦ ﺣﺠﻰ ﻋﻠﻴﻪ ﻫﻬﻬﻬﻬﻪ
ﻃﻴﺢ ﺣﻈﻈﻈﻈﻪ ﻃﻠﻊ ﺣﺮﻛﻪ ﻛﻠﺒﻲ ﻛﻠﻬﻪ ﻭﺍﺧﺬ ﺑﺤﻘﻨﻪ ﻣﻨﻪ
ﺣﺘﻰ ﺟﻨﺎﺳﻲ ﻭﺟﻨﻄﻪ ﺍﻟﻤﺪﺭﺳﻪ ﺟﺎﺑﻬﻪ ﺍﻟﻲ
- ﻓﺪﻭﺍ ﺭﺣﺘﻠﻪ ﻟﺮﺟﻠﻲ ﺍﻟﺸﻬﻢ ﻓﺨﺮﻱ ﻭﺍﻟﻠﻪ ﻳﺎﺭﻭﺣﻲ ﻣﺎﻋﺮﻑ ﺷﻠﻮﻥ
ﺍﺷﻜﺮﻙ ﻟﻜﻞ ﻫﺬﺍ ﺭﺟﻌﺘﻠﻲ ﺍﺧﻮﻳﻪ ﻭﺍﺧﺬﺕ ﺑﺤﻘﻲ ﻣﻦ ﺍﻫﻠﻲ ﻭﻣﺪﻟﻠﻨﻲ
ﻟﻮ ﺷﻤﺎﺍﺳﻮﻱ ﻳﻀﻞ ﻗﻠﻴﻞ ﻛﺪﺍﻡ ﻛﻞ ﺍﻟﻘﺪﻣﺘﻪ ﺍﻟﻲ
- ﻣﺎﻳﻨﺴﻜﺖ ﻋﻦ ﺍﻟﺤﻖ ﻭﺻﺪﻛﻴﻨﻲ ﺍﻧﻲ ﺟﺎﻥ ﺑﻨﻔﺴﻲ ﻣﻦ ﺯﻣﺎﻥ
ﺍﻟﺰﻣﻬﻢ ﺍﻣﻠﺺ ﺭﻭﺳﻬﻢ ﻫﺬﻭﻟﻪ ﺑﺲ ﺍﻟﻮﻛﺖ ﻣﺠﺎﻥ ﻳﺴﺎﻋﺪ ﻭﻣﻦ
ﺍﺟﺘﻨﻲ ﺍﻟﻔﺮﺻﻪ ﺍﻧﻬﺪﻳﺖ ﻋﻠﻴﻬﻢ ﺑﻌﺪ ﻃﻠﻌﺖ ﺍﻟﻘﻀﻰ ﻭﺍﻟﻤﻀﻰ
- ﻫﻬﻬﻬﻬﻬﻬﻬﻬﻬﻬﻬﻪ ﺯﻳﻦ ﺳﻮﻭﻳﺖ ﻭﺍﻟﻠﻪ ﺭﻳﺤﺖ ﻛﻠﺒﻲ
- ﺩﻳﻼ ﻟﻌﺪ ﻫﻢ ﺭﻳﺤﻲ ﻛﻠﺒﻲ ﺍﻧﺘﻲ ﻭﻓﻜﻲ ﺍﻟﺤﺼﺎﺭ ﻋﺎﺩ
- ﻫﻬﻬﻬﻬﻬﻬﻪ ﺍﺻﺒﺮ ﺍﺻﺒﺮ ﻣﻮ ﺑﻬﺎﻟﺴﺮﻋﻪ
- ﻟﺠﺠﺠﺠﺞ ﺍﺍﺍﺍﺥ ﻣﻨﺞ ﺷﺴﻮﻳﻠﺞ ﺑﻌﺪ ﺷﻴﺒﺘﻴﻨﻨﻨﻨﻲ
- ﻫﻬﻬﻬﻬﻬﻬﻬﻪ ﻻ ﺗﺴﻮﻱ ﺷﻲ ﻫﺴﻪ ﺑﺲ ﺧﻠﻴﻨﻲ ﺍﻛﻞ ﻛﻠﺶ ﺟﻌﻌﻌﺖ
- ﻫﻤﻪ ﻭﻳﻨﻬﻢ ﺷﻮ ﺗﺄﺧﺮﻭ
- ﻳﻤﻪ ﻫﺒﻪ ﻭﻳﻦ ﺣﻠﻘﺘﺞ ؟؟
- ﻫﺎﺍﺍ ﻣﺎﻋﻨﺪﻱ ﺣﻠﻘﻪ
- ﻟﻴﺶ ﻣﺎﻋﻨﺪﺝ ﻟﻌﺪ ﻣﻮ ﻋﻤﺎﺩ ﻋﻨﺪﻩ ﻭﻻﺑﺴﻬﻪ
- ﻫﻮ ﻣﻮ
- ﻫﺎﻱ ﺣﻠﻘﻪ ﺯﻭﺟﺘﻲ ﺍﻻﻭﻟﻰ ﺍﻧﻲ ﻭﻫﺒﻪ ﺑﻌﺪﻧﻪ ﻣﻤﺸﺘﺮﻳﻦ ﺣﻠﻘﺎﺕ
ﺑﺲ ﻋﻘﺪﻧﺎ ﺳﻴﺪ
- ﺷﻨﻮﻭﻭﻭﻭﻭﻭﻭﻩ ﺍﻧﺘﻪ ﻣﺘﺰﻭﻭﻭﺝ !!
- ﺍﻱ ﻣﺘﺰﻭﺝ ﺷﻜﻮ ﺷﺒﻴﻬﻪ ﻳﻌﻨﻲ
- ﻳﻤﻪ ﺷﻠﻮﻥ ﺗﺰﻭﺟﻴﻦ ﻭﺍﺣﺪ ﻣﺘﺰﻭﺝ
- ﻣﺎﻫﺮ ﺣﺒﻴﺒﻲ ﻋﻮﻑ ﻫﺎﻟﺴﻮﺍﻟﻒ ﺍﻟﻨﻪ ﻻﻥ ﺍﻟﻈﺎﻫﺮ ﺷﻲ ﻭﺍﻟﻌﺸﻨﺎﻩ ﺷﻲ ﻓﻌﻮﻓﻬﻦ ﻻ ﺗﺴﺎﻝ
- ﻣﺎﺍﺍﺍﺍ ﺷﻨﻮ ﻣﺎﺍﺳﺎﻝ ﻳﻌﻨﻲ ﻫﺴﻪ ﺯﻭﺟﺘﻪ ﺗﺪﺭﻱ ﺑﻴﺞ
- ﻻ ﻣﺎﺗﺪﺭﻱ ﺑﻌﺪﻫﻪ
- ﺍﻧﺘﻪ ﺷﻠﻮﻥ ﺗﺴﻮﻱ ﺑﺎﺧﺘﻲ ﻫﻴﺞ
- ﺷﻜﻮ ﺷﻤﺴﻮﻳﻠﻬﻪ
- ﻣﻮ ﻣﺘﺰﻭﺝ ﺷﻌﻨﺪﻙ ﺟﺎﻱ ﻋﻠﻴﻬﻪ
- ﺍﺣﺒﻬﻪ ﻫﺬﺍ ﻳﻜﻔﻲ ﺍﺟﻲ ﻋﻠﻴﻬﻪ
- ﻟﻌﺪ ﻃﻠﻚ ﻣﺮﺗﻚ ﻣﻮ ﺗﺤﺒﻬﻪ ﺷﻜﻮ ﺑﺎﻗﻲ ﻭﻳﻪ ﻣﺮﺗﻚ ﻫﺬﻳﺞ
- ﻣﺎﻛﺪﺭ ﺍﻃﻠﻚ ﻋﻨﺪﻱ ﺟﻬﺎﻝ ﻭﻳﻦ ﻳﺮﺣﻮﻥ
- ﻫﻠﻮ ﻫﻠﻮﻭﻭ ﻭﺍﻟﻨﻮﺏ ﻋﻨﺪﻩ ﺟﻬﺎﺍﺍﺍﺍﻝ ﺍﻧﺘﻲ ﻟﻴﺶ ﺗﻘﺒﻠﻴﻦ ﺑﻲ ﻣﻮ
ﺗﺸﻮﻓﻲ ﻣﺘﺰﻭﺝ ﻭﻋﻨﺪﻩ ﺟﻬﺎﻝ ﻫﺎﺍﺍ ﺷﻌﻨﺪﺝ ﻭﺍﻓﻘﺘﻲ ﻣﻮ ﻋﻴﻴﺐ
ﻫﺴﻪ ﺍﻧﺘﻲ ﺗﻘﺒﻠﻴﻦ ﻫﻮ ﻳﺴﻮﻱ ﺑﻴﺞ ﻧﻔﺲ ﻣﺎﺳﻮﻩ ﺑﻤﺮﺗﻪ
- ﻣﺎﻫﺮ
- ﺍﻱ ﺟﺎﻭﺑﻴﻨﻲ ﺗﻘﺒﻠﻴﻦ ؟؟
- ﻣﺎﻫﺮ ﺧﻮﻳﻪ ﻋﻮﻑ ﻫﺒﻪ ﻻﺗﺤﺠﻲ ﻭﻳﺎﻫﻪ ﻫﻴﺞ ﻣﺎﺍﺭﺿﻰ
ﺑﺎﻭﻋﻠﻲ ﺧﻠﻲ ﺍﻓﻬﻤﻚ
- ﺷﺘﻔﻬﻤﻨﻲ ﻳﻌﻨﻲ
- ﺷﻮﻑ ﺍﺭﺗﺒﺎﻃﻨﻪ ﺍﻧﻲ ﻭﻫﺒﻪ ﺍﻛﺒﺮ ﻣﻦ ﻛﻞ ﺷﻲ ،، ﺍﺣﻨﻪ ﻣﺎﻣﺘﺒﻄﺮﻳﻦ
ﻭﻻ ﻣﺎﻧﻌﺮﻑ ﺍﻟﺼﺢ ﻣﻦ ﺍﻟﻐﻠﻂ ﺍﺣﻨﻪ ﻛﺒﺎﺭ ﻭﻭﺍﻋﻴﻦ ﻭﻧﻔﻬﻢ ﺍﻟﻲ ﺩﻳﺼﻴﺮ ﺟﺒﻴﺮ ﻭﺻﻌﺐ ﻋﻠﻰ ﺣﻴﺎﺗﻨﻪ ﺑﺲ ﺍﻻﺻﻌﺐ ﻣﻨﻪ ﻫﻮ ﻧﺘﻔﺎﺭﻙ
ﻫﻮ ﻣﻮ ﺣﺮﺍﻡ ﻻﻥ ﺍﻧﻲ ﻣﺤﻠﻠﻲ ﺍﺭﺑﻊ ﻧﺴﻮﺍﻥ ﻭﺍﻧﻲ ﻣﺎ ﺗﻌﺪﻳﺖ ﻭﻳﻪ
ﺍﺧﺘﻚ ﺍﻻ ﺑﺎﻟﺤﻼﻝ ﻗﺴﻢ ﺑﺎﻟﻠﻪ ﺷﻌﺮﻫﻪ ﻣﺎﺷﻔﺘﻪ ﺍﻻ ﻣﻦ ﻋﻘﺪﺕ ﺳﻴﺪ
ﻋﻠﻴﻬﻪ ﻳﻼ ،، ﻭﺗﺮﻩ ﻫﻮﺍﻱ ﻧﺎﺱ ﻣﺘﺰﻭﺟﻴﻦ ﻣﺮﺗﻴﻦ ﻭﺛﻼﺛﻪ ﻭﺍﻟﺤﺐ
ﻣﺎﻳﻌﺮﻑ ﻣﺘﺰﻭﺝ ﻋﻨﺪﻩ ﺟﻬﺎﻝ ﺟﺒﻴﺮ ﺻﻐﻴﺮ ﻓﻘﻴﺮ ﻏﻨﻲ ﻣﺎﻳﻌﺮﻑ ﻫﺎﻟﺤﺠﻲ ﻳﻌﺮﻑ ﺑﺲ ﺍﻥ ﻳﺨﻠﻴﻚ ﺗﺤﺐ ﻭﺗﻌﺸﻚ ﻫﺎﻱ ﺑﻌﺪ ﺗﺼﻴﺮ
ﻛﻞ ﺣﻴﺎﺗﻚ ﻣﺎﺗﻜﺪﺭ ﺗﺘﺨﻠﻰ ﻋﻨﻬﺎ ﻻﺑﺴﺒﺐ ﺟﻬﺎﻝ ﻭﻻ ﻣﺮﻩ ﻭﻻ ﺩﻧﻴﺎ
- ﻳﻌﻨﻲ ﻫﺴﻪ ﻫﻴﺞ ﺍﻧﺘﻪ ﺗﺤﺒﻬﺎ
- ﺍﻧﺘﻪ ﺷﺘﺸﻮﻑ
- ﺑﺲ ﺍﻧﻲ ﺍﺣﺒﻬﺎ ﺍﻛﺜﺮ ﻣﻨﻚ
- ﺍﻱ ﺷﻜﻮ ﺑﻴﻬﻪ ﺍﻛﻴﻒ ﺗﺤﺒﻬﺎ
- ﻭﺍﻧﻲ ﺍﺣﺒﻜﻢ ﺍﺛﻨﻴﻨﻜﻢ ،، ﻫﺴﻪ ﻓﻬﻤﺖ ﻣﻦ ﻋﻤﺎﺩ ﻟﻴﺶ ﺳﻮﻳﻨﻪ ﻛﻞ
ﻫﺬﺍ ﻓﺒﻌﺪ ﻻ ﺗﻔﻜﺮ ﻭﺗﺤﺠﻲ ﺷﻲ ﻣﻮ ﺣﻠﻮ ﺑﺤﻘﻨﻪ ﻣﺎﺷﻲ ﻳﺎﻋﻤﺮﻱ
- ﺍﻱ ﻣﺎﺷﻲ
ﺿﻠﺖ ﺗﺒﺎﻭﻋﻠﻲ ﻭﻣﺒﻴﻦ ﻧﺒﺮﻩ ﺍﻟﺤﺰﻥ ﻣﻦ ﻛﻼﻣﻪ ﺑﻌﻴﻮﻧﻬﻪ ﺳﻜﺘﺖ ﻣﺎﻛﺪﺭ ﺍﺣﺠﻲ ﺷﻲ ﻛﺪﺍﻣﻪ .. ﺍﺟﻮﻱ ﺟﺎﺑﻮ ﺍﻻﻛﻞ ﻭﺻﺮﻧﺎ ﻧﺎﻛﻞ ﻭﻏﻴﺮﻧﺎ ﺟﻮ ﺍﻟﺘﻮﺗﺮ ﺑﺎﻟﻀﺤﻚ ﻭﺍﻟﺴﻮﺍﻟﻒ .. ﺑﻌﺪﻫﺎ ﻃﻠﻌﻨﻪ ﻣﻦ
ﺍﻟﻤﻄﻌﻢ ﻭﺍﻧﻲ ﺣﺎﻳﺮ ﺷﻠﻮﻥ ﺍﺭﻳﺪ ﺍﺣﺎﺟﻴﻬﻪ ﻟﻮﺣﺪﻱ ﻭﻫﺬﺍ ﻭﻳﺎﻧﻪ
ﺑﺎﻭﻋﺖ ﻫﻴﺞ ﺷﻔﺖ ﺍﻟﻮﻟﺪ ﻛﻠﻬﻢ ﻭﺍﻛﻔﻴﻦ ﻳﺴﻮﻟﻔﻮﻥ ﻭﻳﺪﺧﻨﻮﻥ
ﻭﺍﺣﻤﺪ ﻭﻳﺎﻫﻢ .. ﺍﺷﺮﺗﻠﻪ ﻳﺠﻲ ...
- ﺍﻛﻮﻝ ﺧﻮﻳﻪ ﻣﺎﻫﺮ ﺭﺍﻳﺪ ﺍﺧﺬ ﺍﺧﻴﺘﻚ ﺷﻮﻳﻪ ﺑﻴﻬﻪ ﻣﺠﺎﻝ ﺗﻀﻞ
ﻳﻢ ﺍﻟﻮﻟﺪ
- ﻻ ﻋﻤﺎﺩ ﺷﻨﻮ ﺍﻋﻮﻑ ﺍﺧﻮﻳﻪ ﻳﻤﻬﻢ ﺷﻤﻌﺮﻓﻨﻲ ﺑﻴﻬﻢ
- ﻣﻌﻠﻴﺞ ﻫﻮ ﻳﻌﺮﻓﻬﻢ ﻭﺍﺣﻤﺪ ﺻﺪﻳﻘﻪ ﻣﻮ ﻣﺎﻫﺮ
- ﺍﻱ ﺻﺪﻳﻘﻲ ﺑﺲ ﻫﺴﻪ ﺷﻌﻨﺪﻙ ﻣﺎﺧﺬﻫﻪ ﻋﻮﻓﻬﻪ ﻳﻤﻲ
- ﻟﻚ ﻳﻮﻝ ﻫﻲ ﺭﺍﺡ ﺗﺒﻘﻰ ﻳﻤﻚ ﺍﻧﺘﻪ ﺍﻟﻲ ﻋﻮﻓﻬﻪ ﻳﻤﻲ
- ﻫﺎﺍﺍ ﺭﺟﻌﺘﻮ ﺗﺘﻌﺎﺭﻛﻮﻥ
- ﻟﺞ ﻳﺎﺑﻪ ﻣﻤﺘﻌﺎﺭﻛﻴﻦ ﺍﻧﺘﻲ ﺑﺲ ﻃﻠﻌﻲ ﻣﻦ ﺍﻟﺴﺎﻟﻔﻪ ،، ﻫﺎﺍ ﺷﻜﻠﺖ
ﻫﺴﻪ
- ﺩﻳﻼﺍ ﻣﺎﺷﻲ ﺑﺲ ﻣﻮ ﺗﺘﺎﺧﺮﻭﻥ ﺗﺮﻩ ﻧﻌﺴﺎﻥ
- ﺍﻱ ﺍﻱ ﺍﺩﻟﻞ ،، ﻳﻼ ﺍﺣﻤﺪ ﺍﺧﺬ ﺍﺑﻮ ﺍﻟﺸﺒﺎﺏ ﻭ ﻭﻧﺴﻪ ﺯﻳﻦ
ﻭﻭﺻﻲ ﺍﻟﻮﻟﺪ ﻋﻠﻴﻪ
- ﺻﺎﺭ ﺳﻴﺪﻱ
- ﺟﻴﺐ ﺍﻟﺴﻮﻳﺞ ﻭﻳﻼ ﺗﻮﻛﻞ
ﺍﺧﺬﺕ ﺍﻟﺴﻮﻳﺞ ﻣﻨﻪ ﻭﻟﺰﻣﺖ ﺍﻳﺪﻫﻪ ﻭﺭﺣﻨﻪ ﻟﻠﺴﻴﺎﺭﻩ ﻭﻫﻤﻪ ﺭﺍﺣﻮ
ﺑﺎﻟﺴﻴﺎﺭﻩ ﺍﻟﺜﺎﻧﻴﻪ ..
- ﻋﻤﺎﺩ ﺧﺎﻑ ﻣﺎﻳﺮﺗﺎﺡ ﻭﻳﺎﻫﻢ
- ﺷﻜﻮ ﻋﻠﻴﻪ ﻣﻴﺮﺗﺎﺡ ﺩﺣﻴﺮﻱ ﺑﻴﻪ ﺍﻧﻲ ﺍﻟﻤﻤﺮﺗﺎﺡ
- ﻫﻬﻬﻬﻬﻪ ﻟﻴﺶ ﻳﺎﻋﻴﻮﻧﻲ
- ﻣﺸﺘﺎﺍﺍﺍﺍﺍﺍﺍﺍﻕ ﻭﻟﻬﺎﺍﺍﻥ ﻭﻟﻬﺎﺍﺍﺍﻥ ﻋﻠﻴﺞ
- ﻳﺎﺭﻭﻭﻭﺣﻲ
- ﻫﺒﻪ ﺍﺫﺍ ﻣﺎﺣﻄﺞ ﺑﻴﻦ ﺿﻠﻮﻋﻲ ﻣﺎﺍﺭﺗﺎﺡ
- ﻫﻬﻬﻬﻬﻬﻪ ﺷﻠﻮﻭﻥ ﻫﻴﺞ ﻋﻤﺎﺩ ﺍﺣﻨﻪ ﺑﺎﻟﺸﺎﺭﻉ
- ﻭﺍﺫﺍ ﻳﻌﻨﻲ ﻣﻌﻠﻴﺞ ﺣﺒﻴﺒﺞ ﻳﺪﺑﺮ ﻛﻠﺸﻲ
- ﻫﻬﻬﻬﻬﻬﻬﻬﻬﻬﻪ ﺷﺮﺍﺡ ﺗﺴﻮﻱ ﻳﻌﻨﻲ
- ﻫﺴﻪ ﺟﻴﺒﻲ ﺍﻳﺪﺝ ﻭﻣﻌﻠﻴﺞ ﺍﻟﺒﺎﻗﻲ ﻳﺠﻴﺞ
- ﻳﺎﻋﻤﺮﺭﻱ ﺍﺣﺒﻚ ﻋﻤﺎﺩﻱ
- ﺍﻋﺸﻘﻘﻘﻘﺞ ﻳﺎﻋﻘﻞ ﻋﻤﺎﺍﺩ ﺍﻧﺘﻲ
ﺿﻠﻴﺖ ﺍﺑﻮﺱ ﺑﺎﻳﺪﻫﻪ ﻭﺍﺷﺘﻤﻬﻪ ﻭﺍﺳﻮﻕ ﻟﺤﺪ ﻣﺎﻭﺻﻠﻨﻪ ﺍﻟﻤﻜﺎﻥ
ﺍﻟﻤﻨﺎﺳﺐ .. ﺟﺎﻥ ﻣﻨﺘﺰﻩ ﻓﺎﺭﻍ ﻭﻣﺎﻋﻠﻴﻪ ﺭﺟﻞ ﺻﺎﻳﺮ ﻳﻢ ﺟﺴﺮ
ﻃﺒﻜﺖ ﺍﻟﺴﻴﺎﺭﻩ ﻭﻧﺰﻟﻨﻪ ﻧﺘﻤﺸﻰ ﺑﻲ ﻭﻫﻲ ﺣﺎﺿﻨﻪ ﺍﻳﺪﻱ ﻭﻣﻴﻠﻪ
ﺭﺍﺳﻬﻪ ﻋﻠﻴﻬﻪ .. ﺍﺣﺐ ﻟﺤﻈﺎﺕ ﺍﻟﺼﻤﺖ ﻫﺎﻱ ﻭﻳﺎﻫﻪ ﺍﻟﻲ ﻣﺎﺑﻴﻬﻪ
ﻏﻴﺮ ﺻﻮﺕ ﺧﻄﻮﺍﺗﻨﻪ ﻭﺍﺣﺒﻬﺎ ﺗﻄﻮﻝ ﻟﺤﺪ ﻣﺎﺗﻘﻄﻌﻬﻪ ﻫﻲ ..
- ﺻﺎﻳﺮ ﺍﺩﺧﻦ
- ﻣﻦ ﻭﺭﺍﺝ ﻏﻴﺮ
- ﺍﻣﻤﻢ ﺑﻌﺪ ﻣﺎﻛﻮ ﺗﺪﺧﻴﻦ ﻫﺎﻱ ﺍﻧﻲ ﻳﻤﻚ ﺑﻌﺪ ﻣﺎﻟﻚ ﻋﺬﺭ
- ﻣﻮ ﺑﻬﺎﻟﺴﻬﻮﻟﻪ ﺣﺒﻴﺒﻲ
- ﻟﻴﺶ ﻳﻌﻨﻲ
- ﻳﻌﻨﻲ ﺍﻟﻤﺎﺩﻩ ﺗﺸﺒﻌﺖ ﺑﺠﺴﻤﻲ ﺑﻌﺪ ﻣﻮ ﺑﻴﻮﻡ ﻭﻟﻴﻠﻪ ﺍﺗﺮﻛﻬﺎ
ﺷﻮﻳﻪ ﺷﻮﻳﻪ ﺍﻋﻮﻓﻬﺎ
- ﻣﺎﻛﻮ ﻫﻴﺞ ﺑﻠﻪ ﻫﺎﻟﺸﻮﻳﻪ ﻃﻮﻟﺖ ﺷﻠﻮﻥ ﺷﺴﻮﻱ
- ﺍﻱ ﻟﻌﺪ ﺍﻟﻜﻴﻠﺞ ﺣﻞ ﻭﺳﺮﻋﻲ ﺍﻟﺸﻮﻳﻪ
- ﺷﺴﻮﻱ ﻳﻌﻨﻲ
- ﻟﻮ ﺍﻛﻮ ﺷﻲ ﺗﻌﻮﻳﺾ ﻭﻛﺖ ﺍﻟﻀﻮﺟﻪ ﺑﻴﻬﻪ ﻣﺠﺎﻝ
- ﺍﻳﻴﻲ ﺍﻋﺮﻑ ﺩﻛﺘﻚ ﻭﻳﻦ ﺗﺮﻳﺪ ﺗﻮﺻﻞ
- ﻫﻬﻬﻬﺎﺍﺍﺍﺍﻱ ﺷﺘﻌﺮﻓﻴﻦ ﺑﻠﻪ
- ﺍﺩﻭﺭ ﺑﻮﺳﺎﺕ ﺗﻌﻮﻳﻀﻚ
- ﺍﻳﻴﻲ ﻣﻦ ﺍﺭﻭﺡ ﻓﺪﻭﺍ ﻟﻬﺎﻟﻌﻘﻞ ﺑﺲ ﺣﺘﺨﺴﺮﻳﻦ ﻣﻨﻬﻦ ﻫﻮﺍﻱ
- ﻟﻴﺶ
- ﻋﻨﺪﺝ ﺗﻌﻮﻳﺾ ﺍﺷﺘﻴﺎﻕ ﻭﺗﻌﻮﻳﺾ ﺣﺰﻥ ﻭﺗﻌﻮﻳﺾ ﺣﺐ ﻭﺯﻋﻞ
ﻭﺗﺪﺧﻴﻦ ﻛﻠﻬﻦ ﻳﺮﻳﺪﻳﻦ ﺑﻮﺳﺎﺕ
- ﻻﺍ ﻭﺍﻟﻠﻪ ﻣﺎﻛﻮ ﻫﻴﺞ
- ﺍﻛﻮ ﻭﻧﺺ ﻋﺎﻳﻔﺘﻨﻲ ﺳﻨﻪ ﺗﻜﻤﻴﻞ ﺑﺎﻟﻮﻳﻞ ﻭﺍﻟﺤﺴﺮﻩ ﻭﺑﻮﺳﻪ ﻣﺘﻨﻄﻴﻦ
ﺍﻳﺒﺎﺍﺍﻩ ﺍﻳﺒﺎﺍﻩ ﺍﻭﻳﻠﻲ ﻋﻠﻴﻚ ﻳﺎﻋﻤﺎﺩ
- ﺍﻣﻤﻤﻤﻢ ﻳﻼ ﻣﻴﺨﺎﻟﻒ ﺍﻧﻄﻴﻚ ﻻﺗﻀﻮﺝ ﻫﻬﻬﻬﻬﻬﻬﻬﻬﻬﻬﻪ
ﺑﺲ ﺍﻣﺎﻧﻪ ﻋﻠﻴﻚ ﺑﻄﻞ ﺗﺪﺧﻴﻦ ﻭﺍﻟﻠﻪ ﺍﻛﺮﻫﻪ ﻛﻠﺶ ﺍﻛﺮﻫﻪ
- ﺍﺩﻟﻠﻲ ﺑﺲ ﺍﺻﺒﺮﻱ ﻋﻠﻴﻪ ﻛﻢ ﻳﻮﻡ ﻭﺍﺑﻄﻞ ﺗﺪﺧﻴﻦ ﺍﻧﻲ ﻫﻢ ﻣﻮ
ﻛﻠﺶ ﻭﻳﺎﻩ ﺑﺲ ﻻﻥ ﺟﻨﺖ ﻣﺤﺮﻭﻙ ﻛﻠﺐ ﻭﻣﺎﻛﻮ ﺷﻲ ﻳﻄﻔﻲ ﻧﺎﺭﻱ
ﻏﻴﺮﻩ ﺑﺲ ﻫﺴﻪ ﺍﻟﺤﺒﻴﺒﻪ ﻳﻤﻲ ﺑﻌﺪ ﻣﺎﺗﻔﻴﺪﻧﻲ ﺍﻟﺠﻜﺎﺭﻩ
- ﺍﻱ ﺣﺒﻴﺒﻲ ﻋﻨﺪﻙ ﻭﺍﻋﻮﺽ ﻛﻠﺒﻚ ﺑﺲ ﻋﻮﻓﻬﻪ
- ﺍﺩﻟﻠﻲ ،، ﻫﺲ ﺗﻌﺎﺍﺍﻱ ﻟﺤﻀﻨﻲ ﻻﻥ ﺫﺭﻩ ﺻﺒﺮ ﺑﻌﺪ ﻣﺎﻋﻨﺪﻱ
- ﻫﻬﻬﻬﻬﻪ ﻋﻤﺎﺍﺩ ﻻﻳﺸﻮﻓﻨﻪ ﺍﺣﺪ
- ﻣﺎﻋﻠﻴﺞ ﻣﺤﺪ ﻳﺠﻲ ﻫﻨﺎ
ﺍﺧﺬﺗﻬﻪ ﻟﺤﻀﻨﻲ ﻭﺣﻄﻴﺖ ﺭﺍﺳﻲ ﺑﺮﻛﺒﺘﻬﺎ ﻭﺿﻠﻴﺖ ﺍﺷﺘﻢ ﺑﻴﻬﻪ
ﻭﻫﻲ ﺣﺎﺿﻨﺘﻨﻲ ﺑﻘﻮﻩ ﻭﺭﺍﺳﻬﻪ ﺑﺮﻛﺒﺘﻲ ﻭﺗﻤﺸﻲ ﺍﻳﺪﻫﻪ ﻋﻠﻰ ﻇﻬﺮﻱ
ﻃﻮﻟﺖ ﺑﺤﻀﻨﺘﻬﺎ ﻭﺑﻌﺪﻫﺎ ﺭﻓﻌﺖ ﺭﺍﺳﻲ ﻣﻦ ﺭﻛﺒﺘﻬﺎ ﺑﻮﺳﺖ ﺧﺪﻫﺎ
ﻭﺣﻨﺠﻬﺎ ﻭﺟﺮﻳﺘﻬﻪ ﻣﻦ ﺧﺼﺮﻫﺎ ﻋﻠﻴﻪ ﺍﻛﺜﺮ ﻫﻲ ﻛﺎﻟﺖ ﺑﺼﻮﺕ ﻫﺎﺩﻯﺀ ﻭﻧﺎﻋﻢ ..
- ﻋﻤﺎﺩ ﻛﻠﺒﻲ ﺑﻌﺪﻩ ﻳﺮﺟﻒ ﺑﻘﺮﺑﻚ
- ﺗﻘﺮﺑﻲ ﺍﻛﺜﺮ ﻭﻳﻬﺪﺀ
ﻛﻠﺘﻬﺎ ﻭﺑﻌﺪﻫﺎ ﺍﺧﺬﺕ ﺷﻔﺘﻬﺎ ﺑﻤﺼﻪ ﺧﻔﻴﻔﻪ ﻭﺑﻌﺪﻫﺎ ﺍﺧﺬﺗﻬﻪ ﺑﻮﺳﻪ
ﻃﻮﻳﻠﻪ ﺭﻭﻳﺖ ﺑﻴﻬﻪ ﻋﻄﺶ ﺭﻭﺣﻲ ﻛﻞ ﻫﺎﻟﺸﻬﻮﺭ ﻭﻛﻞ ﻣﺎﺭﺍﺩﺕ
ﺗﺒﺘﻌﺪ ﺍﺭﺟﻌﻬﻪ ﺍﻗﻮﻯ ﻟﺤﺪ ﻣﺎﺍﺣﺘﺎﺟﻴﺖ ﻟﻠﻨﻔﺲ ﻳﻼ ﻭﺧﺮﺕ ﻣﻨﻬﻪ
- ﺍﻭﻭﻭﻭﻭﻑ ﻳﺎﺣﺒﺞ ﺍﻭﻭﻑ
- ﻫﻬﻬﻬﻬﻪ ﻳﺎﻟﻠﻪ ﺷﻜﺪ ﻣﺸﺘﺎﻗﻪ ﻟﺴﻮﺍﻟﻔﻚ ﻭﺣﻀﻨﻚ
- ﺍﺷﺒﻌﻲ ﺑﻲ ﺣﺒﻴﺒﻲ
ﺭﺟﻌﺖ ﺭﺍﺳﻬﻪ ﻟﺼﺪﺭﻱ ﻭﺣﺎﻭﻃﺖ ﻇﻬﺮﻱ ﺑﺎﺩﻳﻬﻪ ﻭﺿﻠﺖ ﺗﺸﺘﻢ
ﺑﺼﺪﺭﻱ ﺑﻜﻞ ﻫﺪﻭﺀ ﺑﺲ ﺍﺣﺲ ﻋﻠﻴﻬﻪ ﻣﻦ ﻃﺮﻳﻘﻪ ﻧﻔﺴﻬﺎ ...
ﺍﺧﺬﺗﻬﻪ ﻭﻛﻌﺪﻧﺎ ﻋﻠﻰ ﻭﺣﺪﻩ ﻣﻦ ﺍﻟﻤﺼﻄﺒﺎﺕ ﻭﺿﻠﻴﺖ ﻻﺯﻡ ﺍﻳﺪﻫﻪ
ﻭﻛﻠﺘﻠﻬﻪ ﻭﻫﻲ ﺗﺘﻠﻤﺲ ﺑﺸﻌﺮ ﺍﻳﺪﻱ ...
- ﺣﺒﻴﺒﻲ ﻣﺮﺗﺎﺣﻪ
- ﺍﻧﺘﻪ ﻛﻞ ﺭﺍﺣﺘﻲ ﺷﻠﻮﻥ ﻣﺎﺭﺗﺎﺡ ﺑﻘﺮﺑﻚ
- ﺯﻳﻦ ﺣﺒﻴﺒﻲ ﺍﺣﺠﻴﻠﻲ ﺷﺼﺎﺭ ﻭﻳﺎﺝ ﻭﻳﻦ ﺟﻨﺘﻲ ﺍﺭﻳﺪ ﺍﻓﺘﻬﻢ
ﻛﻠﺒﺖ ﺍﻣﻪ ﻣﺤﻤﺪ ﻋﻠﻴﺞ ﻭﻣﺎﻛﻮ
- ﺣﻘﻚ ﺍﻻﻣﺎﻛﻦ ﺍﻟﻲ ﺟﻨﺖ ﺑﻴﻬﻪ ﻣﺎﺗﻨﻠﻜﻲ
- ﻫﺒﻪ ﺑﻨﻴﺘﻲ ﺍﻧﻲ ﻣﺎﺭﻳﺪ ﺍﺿﻮﺟﺞ ﻭﺍﺫﻛﺮﺝ ﺑﺸﻲ ﺗﻜﺮﻫﻲ ﻭﻳﺎﺫﻳﺞ
ﺑﺲ ﻻﺯﻡ ﺍﻋﺮﻑ ﺍﻟﻲ ﺻﺎﺭﻟﺞ ﻓﺎﺣﺠﻴﻠﻲ ﺑﺪﻭﻥ ﻣﺎﺗﻀﻮﺟﻴﻦ ﻣﻦ
ﺍﻱ ﺷﻲ ﺣﺒﻴﺒﻲ
- ﻋﻤﺎﺩﻱ ﺍﻧﻲ ﺭﺍﺡ ﺍﺣﺠﻴﻠﻚ ﻣﻦ ﺍﻟﺒﺪﺍﻳﻪ ﻻﻥ ﺍﺻﻼ ﻣﺎﻋﺮﻑ ﺍﺿﻢ
ﻋﻠﻴﻚ ﺷﻲ
- ﻛﻮﻟﻲ ﻳﺎﺭﻭﺣﻲ ﺍﻧﺘﻲ ﻓﻬﻤﻴﻨﻲ ﻭﺑﺮﺩﻱ ﻛﻠﺒﻲ
- ﻣﻦ ﻃﻠﻌﺖ ﻣﻦ ﺍﻟﺸﻘﻪ ﻣﺎﺟﺎﻥ ﻋﻨﺪﻱ ﻭﻻ ﻓﻠﺲ ﻭﻣﺎﺑﺎﻳﺪﻱ ﻏﻴﺮ
ﺍﻟﻤﺪﺍﻟﻴﻪ ﺍﻟﻲ ﺍﺷﺘﺮﻳﻨﺎﻫﻪ ﻣﺎﻛﺪﺭﺕ ﺍﻋﻮﻓﻬﺎ ﻛﻠﺒﻲ ﻣﺎﻧﻄﺎﻧﻲ .. ﻛﻠﺖ
ﺍﺭﻭﺡ ﺍﺷﻮﻑ ﻋﻤﻲ ﻭﺍﺳﺘﺴﻤﺢ ﻣﻨﻪ ﻭﺑﻠﻜﻲ ﻳﺨﻠﻴﻨﻲ ﻳﻤﻪ ﻛﻢ ﻳﻮﻡ
ﻋﻠﻰ ﻣﺎ ﺍﻟﻜﺎﻟﻲ ﺷﻐﻠﻪ ،، ﻭﺭﺣﺘﻠﻪ ﺑﺲ ﻓﺘﺢ ﺍﻟﺒﺎﺏ ﻭﺷﺎﻓﻨﻲ ﻃﺮﺩﻧﻲ
ﺑﺪﻭﻥ ﻣﺎﻳﺴﻤﻊ ﻣﻨﻲ ﻭﻻ ﻛﻠﻤﻪ ﺷﻜﺪ ﺑﺠﻴﺖ ﻭﺗﻮﺳﻠﺘﻠﻪ ﺑﺲ ﻳﺴﻤﻌﻨﻲ
ﻭﻣﺎﻗﺒﻞ ﻃﻠﻌﺖ ﻣﻦ ﺑﻌﺪﻫﻪ ﻣﻜﺴﻮﺭ ﻛﻠﺒﻲ ﺿﻌﻔﻴﻦ ﻭﺣﺪﻱ ﺍﻣﺸﻲ
ﺑﻬﺎﻟﺸﻮﺍﺭﻉ ﻻ ﺍﻧﺪﻝ ﻭﻻ ﺍﻋﺮﻑ ﺍﺣﺪ ﻋﻴﻮﻧﻲ ﻏﻮﺷﺖ ﻣﻦ ﻛﺜﺮ
ﺍﻟﺒﺠﻲ ﻓﻀﺮﺑﺖ ﺑﻮﺣﺪﻩ ﻣﻦ ﺍﻟﺒﻨﺎﺕ ﺻﻐﻴﺮﻩ ﺑﻌﺪﻫﻪ ﺟﺎﻧﺖ ﺗﺒﻴﻊ
ﻋﻠﺞ ﻓﻤﻦ ﺷﺎﻓﺘﻨﻲ ﺳﺄﻟﺘﻨﻲ ﺷﺒﻴﺞ ﺗﺒﺠﻴﻦ ﻛﻠﺘﻠﻬﻪ ﺗﻌﺒﺎﻧﻪ ﻭﺑﻬﺎﻻﺛﻨﺎﺀ
ﺍﻧﻲ ﻛﻌﺪﺕ ﻋﻠﻰ ﺍﻟﺮﺻﻴﻒ ﻛﻠﺶ ﺟﻨﺖ ﺩﺍﻳﺨﻪ ﻭﻋﻴﻮﻧﻲ ﺗﻐﻮﺵ
ﻛﻠﺘﻠﻬﻪ ﺍﻧﻄﻴﻨﻲ ﻭﺍﺣﺪ ﻣﻦ ﺍﻟﻌﻠﺞ ﺩﺍﻳﺨﻪ ﻭﺳﻜﺮﻱ ﻫﺎﺑﻂ ﺧﻄﻴﻪ
ﻓﺘﺤﺖ ﺭﺃﺳﺎً ﻭﺍﻧﻄﺘﻨﻲ ﺍﻛﻠﺖ ﻛﻢ ﻭﺍﺣﺪ ﻣﻨﻬﻪ ﻟﺤﺪ ﻣﺎﺳﺘﻘﺮﻳﺖ
ﺷﻮﻳﻪ ﺑﺎﻭﻋﺘﻠﻬﻪ ﻭﻛﻠﺘﻠﻬﻪ ﺷﻜﺮﺍً ﺑﺲ ﺍﻧﻲ ﻣﺎﻋﻨﺪﻱ ﻓﻠﻮﺱ ﻫﺴﻪ
ﺍﻧﻄﻴﺞ ﻓﺪﻭﻩ ﺍﻋﺬﺭﻳﻨﻲ ﻛﻠﺘﻠﻲ ﻣﻴﺨﺎﻟﻒ ﻣﺎﺭﻳﺪ ﻓﻠﻮﺱ ﺑﺲ ﺍﻧﺘﻲ
ﻭﺣﺪﺝ ﻫﻨﺎ ﻭﻳﻦ ﺍﻫﻠﺞ ﻛﻠﺘﻠﻬﻪ ﻣﺎﻋﻨﺪﻱ ﺍﺣﺪ ﻭﺣﺪﻱ ﻭﻣﺎﻋﺮﻑ
ﻭﻳﻦ ﺍﺭﻭﺡ ﻛﻠﺘﻠﻲ ﺗﻌﺎﻟﻲ ﻭﻳﺎﻳﻪ ﺍﺷﺘﻐﻠﻲ ﺍﺧﺬﺝ ﻋﻠﻰ ﺍﺳﺘﺎﺫﻧﺎ
ﻭﻳﺸﻐﻠﺞ ﻭﻳﻨﻄﻴﺞ ﻣﻜﺎﻥ ﻭﺍﻛﻞ ﻓﺮﺣﺖ ﻭﻳﺎﻫﻪ ﻋﻠﻴﻪ ﺍﻭﻝ ﻣﺎﺷﺎﻓﻨﻲ
ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻭﻛﻠﻲ ﺷﺴﻤﺞ ﻛﺘﻠﻪ ﻫﺒﻪ ﻣﻨﻴﻦ ﺍﻧﺘﻲ ﻛﺘﻠﻪ
ﻣﻦ ﺑﻐﺪﺍﺩ ﻟﻴﺶ ﻭﺣﺪﺝ ﻛﺘﻠﻪ ﺍﻫﻠﻲ ﺍﻃﻠﻜﻮ ﻭﻛﻞ ﻭﺍﺣﺪ ﺑﻤﻜﺎﻥ
ﻓﻌﺎﺩ ﻛﻠﻲ ﺍﻛﻌﺪﻱ ﻫﻨﺎ ﺍﻟﻴﻮﻡ ﻭﻟﺘﺸﺘﻐﻠﻴﻦ ﺑﺲ ﺑﺎﻭﻋﻲ ﻭﺗﻌﻠﻤﻲ ﻣﻨﻬﻢ
ﻭﺳﻮﻳﺖ ﻣﺜﻞ ﻣﺎﻛﺎﻝ ﻭﺿﻠﻴﺖ ﺍﺭﺍﻗﺐ ﺷﻐﻠﻬﻢ ﻭﺷﻠﻮﻥ ﻳﺤﺠﻮﻥ ﻭﻳﻪ
ﺍﻟﻨﺎﺱ ﻭﺷﻮﻛﺖ ﻳﺮﺗﺎﺣﻮﻥ ﻭﺷﻮﻛﺖ ﻳﺎﻛﻠﻮﻥ ﻭﺗﻌﺮﻓﺖ ﻋﻠﻴﻬﻢ ﺟﺎﻧﻮ
ﻛﻠﻬﻢ ﺻﻐﺎﺭ ﻭﻟﺪ ﻭﺑﻨﺎﺕ ﺍﻋﻤﺎﺭﻫﻢ ﺑﻴﻦ ٧ ﻭ٩ ﺳﻨﻮﺍﺕ ﺑﺲ ﻛﻠﺶ
ﺣﺒﺎﺑﻴﻦ ﻭﻟﻠﻴﻞ ﺍﺧﺬﻭﻧﻲ ﻭﻳﺎﻫﻢ ﻟﻠﺴﻜﻦ ﺟﺎﻥ ﻣﻜﺎﻥ ﺻﻐﻴﺮ ﻭﻛﻠﺶ
ﺭﺙ ﻭﻣﻤﺮﺗﺐ ،، ﻛﻌﺪﺕ ﻋﺰﻟﺘﻪ ﻭﻧﻈﻔﺘﻪ ﺍﻟﻬﻢ ﻭﻫﻤﻪ ﺳﺎﻋﺪﻭﻧﻲ
ﻭﺑﻌﺪﻳﻦ ﻧﻤﻨﻪ ﺳﻮﻩ ﻭﺛﺎﻧﻲ ﻳﻮﻡ ﻣﻦ ﺍﻟﺨﻤﺴﻪ ﻛﻌﺪﻭﻧﻲ ﻭﻛﻠﻮﻟﻲ
ﻏﻄﻲ ﻭﺟﻬﺞ ﺍﺣﺴﻦ ﻭﻏﻄﻴﺘﻪ ﻭﺭﺣﺖ ﺍﻧﻄﻮﻧﻲ ﺟﻴﺲ ﻣﺎﻝ
ﻛﻠﻴﻨﺲ ﻭﻋﻠﻤﻮﻧﻲ ﺷﻠﻮﻥ ﺍﺑﻴﻊ ﻟﻠﺴﻴﺎﺭﺍﺕ ﻭﺍﻧﻲ ﺟﻨﺖ ﺧﺎﻳﻔﻪ ﻣﻦ
ﺍﻟﻮﻛﻔﻪ ﺑﻴﻦ ﺍﻟﺴﻴﺎﺭﺍﺕ ﺧﺎﻑ ﺍﻧﺪﻋﻢ ﻭﺍﺧﺎﻑ ﻣﺤﺪ ﻳﺸﺘﺮﻱ ﻣﻨﻲ
ﻭﺑﻌﺪﻳﻦ ﺍﺗﻌﺎﻗﺐ ﻟﻮ ﻳﺼﻴﺮ ﺷﻲ .. ﺑﺲ ﻛﺪﺭﺕ ﺍﺑﻴﻊ ﻛﻢ ﻭﺍﺣﺪ ﻟﺤﺪ
ﺍﻟﻈﻬﺮ ﺻﺎﺭ ﻋﻨﺪﻱ ﺍﺭﺑﻊ ﺍﻻﻑ ﺭﺣﺖ ﺣﺘﻰ ﺍﻛﻞ ﺍﺟﺎﻧﻲ ﺍﻟﻤﺴﺆﻭﻝ
ﻋﻨﻬﻢ ﻭﺍﺧﺬ ﺍﻟﻔﻠﻮﺱ ﻣﻨﻲ ﻭﻛﻠﻲ ﺑﻨﻬﺎﻳﻪ ﺍﻟﻴﻮﻡ ﺍﻭﺯﻉ ﻋﻠﻴﻜﻢ ﻓﻠﻮﺳﻜﻢ
ﻭﺭﺟﻌﺖ ﺍﻛﻤﻞ ﺍﻟﺸﻐﻞ ﻟﺤﺪ ﺍﻟﻤﻐﺮﺏ ﻧﺮﺟﻊ ﻟﻠﺴﻜﻦ ﻭﻫﻨﺎﻙ ﺍﻧﻄﺎﻧﻪ
ﻓﻠﻮﺳﻨﻪ ﻛﻞ ﻭﺍﺣﺪ ٦ ﺍﻻﻑ ﺭﻏﻢ ﺍﻥ ﺍﻟﻲ ﺟﻤﻌﺘﻪ ﺑﺲ ﺍﻧﻲ ﻋﺸﺮﻩ
ﺑﺲ ﻫﻮ ﻳﺤﺴﺐ ﻓﻠﻮﺱ ﺍﻻﻛﻞ ﻭﺍﻟﺴﻜﻦ ﻭﺿﻠﻴﺖ ﻭﻳﺎﻫﻢ ﺗﻘﺮﻳﺒﺎً ﺷﻬﺮ
ﺍﺍﺍﻭﻭﻭﻑ ﻳﺎﺭﺑﻲ ﻭﺑﻌﺪﻳﻦ
- ﺑﻌﺪﻳﻦ ﺷﻔﺖ ﺍﻥ ﻫﺬﺍ ﺍﻟﺸﻐﻞ ﻣﺎﺭﺍﺡ ﻳﺨﻠﻴﻨﻲ ﺍﺟﻤﻊ ﺷﻲ ﻭﺧﻄﺮ
ﻻﻥ ﻛﻞ ﻳﻮﻡ ﺍﻫﻞ ﺍﻟﺴﻴﺎﺭﺍﺕ ﻳﺤﺠﻮﻥ ﺣﺠﻲ ﻣﻮ ﻻﺋﻖ ﻭﻫﻮ ﺍﻟﺮﺟﺎﻝ
ﻫﻢ ﻋﻨﺪﻩ ﻣﻌﺎﺭﻑ ﻳﺠﻮﻥ ﻳﻤﻪ ﻛﻠﻬﻢ ﺳﻜﺎﺭﻯ ﺣﻴﻞ ﺟﻨﺖ ﺧﺎﻳﻔﻪ ﻣﻨﻬﻢ
ﻓﺎﺧﺬﺕ ﺍﻟﻔﻠﻮﺱ ﺍﻟﻲ ﺟﻤﻌﺘﻬﻪ ﻭﺛﺎﻧﻲ ﻳﻮﻡ ﻃﻠﻌﺖ ﺑﺪﻭﻥ ﻣﺎﻛﻠﻠﻬﻢ
ﺭﺣﺖ ﻟﻐﻴﺮ ﻣﻨﻄﻘﻪ ﺑﻌﻴﺪﻩ ﻋﻨﻬﻢ ﻭﺿﻠﻴﺖ ﻫﻨﺎﻙ ﻛﺎﻋﺪﻩ ﻫﻴﺞ ﺑﺎﻟﺸﺎﺭﻉ
ﻳﻢ ﻓﺮﻥ ﻣﺎﻝ ﺻﻤﻮﻥ ﻣﺎﺳﻮﻱ ﺷﻲ ﺑﺲ ﺍﺑﺎﻭﻉ ﻟﻠﻌﺎﻟﻢ ﻭﺍﻓﻜﺮ ﺷﺴﻮﻱ
ﻭﺍﺟﺎﻧﻲ ﺭﺟﺎﻝ ﺟﺒﻴﺮ ﺻﺎﺣﺐ ﺍﻟﻔﺮﻥ ﺳﺄﻟﻨﻲ ﺷﻌﻨﺪﻱ ﻛﺎﻋﺪﻩ ﻫﻨﺎ
ﻛﺘﻠﻪ ﻣﺎﻋﻨﺪﻱ ﻣﻜﺎﻥ ﺍﺭﻭﺣﻠﻪ ﻓﻬﻮ ﻛﻠﺶ ﺍﻧﻘﻬﺮ ﺧﻄﻴﻪ ﻭﺭﺍﺡ ﺟﺎﺑﻠﻲ
ﺍﻛﻞ ﻣﺎﻗﺒﻠﺖ ﺍﺧﺬﻩ ﻛﺘﻠﻪ ﺍﻧﻲ ﻣﻮ ﻣﺠﺪﻳﻪ ﻭﻻ ﺍﺭﺿﻰ ﺑﺎﻟﺼﺪﻗﻪ ﺗﺴﻠﻢ
ﻓﻜﻌﺪ ﻳﻤﻲ ﻭﺿﻞ ﻳﺴﻮﻟﻒ ﻭﻳﺎﻱ ﻋﻠﻰ ﺣﻴﺎﺗﻪ ﻭﺑﺪﺍﻳﻪ ﺷﻐﻠﻪ ﻭﻣﺪ ﺍﻳﺪﻩ
ﻳﺎﻛﻞ ﻭﻛﻠﻲ ﻣﺪﻱ ﺍﻳﺪﺝ ﻭﺍﻛﻠﻲ ﻫﺬﺍ ﺯﺍﺩ ﺭﺑﻨﻪ ﻣﻮ ﺻﺪﻗﻪ ﻓﻌﺎﺩ ﺍﻛﻠﺖ
ﻭﻳﺎﻩ ﺷﻮﻳﻪ ﻭﺿﻞ ﻳﺴﺎﻟﻨﻲ ﻋﻠﻰ ﺣﻴﺎﺗﻲ ﻛﻠﺘﻠﻪ ﺟﻨﺖ ﺍﺷﺘﻐﻞ ﺑﺎﻟﺸﺎﺭﻉ
ﺍﺑﻴﻊ ﻛﻠﻴﻨﺲ ﻭﻋﻠﺞ ﺑﺲ ﻋﻔﺘﻬﻢ ﺍﻟﻴﻮﻡ ﺧﺎﻳﻔﻪ ﻣﻨﻬﻢ ﻳﺎﺫﻭﻧﻲ ﻭﻣﺎﻋﻨﺪﻱ
ﻣﻜﺎﻥ ﻭﺗﻌﺒﺖ ﻭﻛﻌﺪﺕ ﻫﻨﺎ ﻳﻢ ﺍﻟﻔﺮﻥ .... ﻓﺎﺧﺬﻧﻲ ﻳﻢ ﻣﺮﻳﻪ ﺗﺒﻴﻊ
ﺳﻼﺕ ﻭﻣﻜﺎﻧﻴﺲ ﻭﺷﻐﻼﺕ ﻓﺎﻓﻮﻥ ﻭﻛﻌﺪﻧﻲ ﻳﻤﻬﻪ ﻭﻛﻠﻲ ﺿﻠﻲ ﻫﻨﺎ
ﻳﻤﻬﻪ ﺑﻴﻦ ﻣﺎﻧﺪﺑﺮ ﺍﻣﻮﺭﺝ .. ﺑﺲ ﻫﺎﻟﻤﺮﻩ ﺟﺎﻧﺖ ﻭﻛﺤﻪ ﺣﻴﻞ ﻭﻣﺎﺣﺒﺘﻨﻲ ﻣﻦ ﺍﻭﻝ ﻣﺎﻛﻌﺪﺕ ﻳﻤﻬﻪ .. ﺿﻠﺖ ﻛﻞ ﺷﻮﻳﻪ ﺗﺴﺎﻟﻨﻲ
ﺷﺴﻤﻲ ﻭﻳﻦ ﺍﻫﻠﻲ ﺷﻌﻨﺪﻱ ﻫﻨﺎ ﻭﺍﻧﻲ ﺍﺟﺎﻭﺑﻬﻪ ﻣﺜﻞ ﻣﺎﺟﺎﻭﺑﺖ ﺍﻟﺒﻘﻴﻪ
ﺑﻘﻴﺖ ﻳﻤﻬﻪ ﻟﻠﻴﻞ ﻭﻛﻠﺘﻠﻲ ﺗﻌﺎﻟﻲ ﻭﻳﺎﻱ ﻟﻠﺒﻴﺖ ﺍﻟﺮﺟﺎﻝ ﻭﺻﺎﻫﻪ ﻋﻠﻴﻪ
ﻭﺭﺣﺖ ﻭﻳﺎﻫﻪ ﺟﺎﻥ ﺑﻴﺘﻬﻪ ﺻﻐﻴﺮ ﻭﻋﺪﻫﺎ ٣ ﺑﻨﺎﺕ ﻛﺒﺎﺭ ﻓﻤﻦ ﺩﺧﻠﺖ
ﺍﻟﺒﻴﺖ ﻫﻨﻪ ﺟﺎﻧﻦ ﻳﺘﻌﺎﺭﻛﻦ ﻭﻟﺴﺎﻧﻬﻦ ﻃﻮﻳﻞ ﺑﺲ ﻳﻔﺸﺮﻥ ﻭﻳﻐﻠﻄﻦ
ﻓﻬﻲ ﺿﻠﺖ ﺗﺼﻴﺢ ﻋﻠﻴﻬﻦ ﺳﻜﺘﺘﻬﻦ ﻭﺩﺯﺗﻨﻲ ﻭﻳﻪ ﻭﺣﺪﻩ ﻣﻨﻬﻦ
ﺣﺘﻰ ﺍﺗﻌﻠﻤﻨﻲ ﺷﺴﻮﻱ ﻭﻫﺬﻳﺞ ﻛﻠﺘﻠﻲ .. ﺍﺳﻤﻌﻲ ﻋﻴﻨﻲ ﻛﻨﺲ ﻣﺴﺢ
ﺟﻠﻒ ﺣﻤﺎﻣﺎﺕ ﻛﺮﺍﺝ ﻛﻠﻪ ﻋﻠﻴﺞ ﻛﻌﺪﺗﺞ ﻣﻦ ﺍﻟﺴﺘﻪ ﺗﺼﻴﺮ ﻭﺍﻛﻠﺞ
ﻭﺭﻩ ﺍﻛﻠﻨﻪ ﻳﻌﺠﺒﺞ ﻫﻼ ﺑﻴﺞ ﻣﺎﻳﻌﺠﺒﺞ ﺩﻳﺮﻱ ﻇﻬﺮﺝ ﻭﺭﻭﺣﻲ
ﺍﻧﻲ ﻗﺒﻠﺖ ﻭﺿﻠﻴﺖ ﻛﻞ ﻳﻮﻣﻴﻪ ﻣﻦ ﺍﻟﺼﺒﺢ ﺍﻛﻌﺪ ﺍﻧﻈﻒ ﻭﺍﻏﺴﻞ
ﻣﻼﺑﺴﻬﻢ ﻭﺍﻋﺰﻝ ﻭﺍﻟﻤﻊ ﺍﻟﺒﻴﺖ ﻛﻠﻪ ﻭﻫﻨﻪ ﻳﺤﺠﻦ ﻭﻳﻐﻠﻄﻦ ﻭﻳﺨﺒﺜﻦ
ﺑﺲ ﺍﻧﻲ ﺳﺎﻛﺘﻪ ﻣﺎﺭﺩﻟﻬﻦ ﻭﻻ ﻛﻠﻤﻪ ﻭﺿﻠﻴﺖ ﻫﻴﺞ ﻟﺤﺪ ﺷﻬﺮ ٥
ﺑﻬﺎﻟﻔﺘﺮﻩ ﻛﻠﻬﺎ ﺍﻧﻲ ﻣﺎﻋﻨﺪﻱ ﺑﺲ ﻓﻠﻮﺱ ﺑﺲ ﺍﻟﻲ ﺟﻤﻌﺘﻬﻦ ﻣﻦ ﻫﺬﺍﻙ
ﺍﻟﺸﻐﻞ ﻭﺟﻨﺖ ﺣﺎﻳﺮﻩ ﺍﺫﺍ ﻃﻠﻌﺖ ﻭﻳﻦ ﺍﺭﻭﺡ ﻓﻤﺮﻩ ﻣﻦ ﺍﻟﻤﺮﺍﺕ
ﺍﺟﻪ ﻋﻠﻴﻬﻢ ﺍﺑﻦ ﻋﻤﻬﻢ ﻭﺍﺻﺪﻗﺎﺋﻪ ﺍﺛﻨﻴﻦ ﻭﺷﻜﻠﻬﻢ ﺿﻌﺎﻑ ﻭﻧﺎﻋﻤﻴﻦ
ﺑﻘﻮ ﻳﻤﻬﻢ ﺍﺳﺒﻮﻉ ﻓﺎﻧﻲ ﺟﻨﺖ ﺍﺭﻳﺪ ﺍﻃﻠﻊ ﻣﻨﺎ ﻻﻥ ﻫﻴﺞ ﻣﺎﺳﺘﻔﺎﺩﻳﺖ ﺷﻲ ﻭﻻ ﻣﺮﺗﺎﺣﻪ ﻫﻨﻪ ﻛﻠﺶ ﻭﻛﺤﺎﺕ ﻫﻮﺍﻱ ﻳﺄﺫﻧﻲ ﺑﺎﻟﺤﺠﻲ ﻭﺍﻟﺨﺒﺎﺛﻪ
ﻓﺎﻧﻲ ﺍﻏﺴﻞ ﻣﻼﺑﺴﻬﻢ ﻛﺪﺭﺕ ﺍﺧﻠﻲ ﺑﻠﻮﺯ ﻭﺑﺠﺎﻣﻪ ﻣﺎﻝ ﺍﻟﻮﻟﺪ ﺿﻤﻴﺘﻬﻦ ﻟﺤﺪ ﻣﺎﺭﺍﺣﻮ ﻛﻠﺘﻠﻬﻢ ﺍﻧﻲ ﺍﺭﻳﺪ ﺍﻃﻠﻊ ﻭﻫﻨﻪ ﻣﺎﺻﺪﻛﻦ
ﻓﺮﺣﺖ ﻟﺒﺴﺖ ﻣﻼﺑﺲ ﺍﻟﻮﻟﺪ ﻭﻟﺒﺴﺖ ﻓﻮﻛﺎﻫﻦ ﺍﻟﺠﺒﻪ ﻭﻃﻠﻌﺖ ﻭﻫﻨﺎ
ﻗﺮﺭﺕ ﺍﺷﺘﻐﻞ ﻛﻮﻟﺪ ﻻﻥ ﺍﻟﺒﻨﻴﻪ ﻣﺎﺗﻜﺪﺭ ﺗﺠﻤﻊ ﻓﻠﻮﺱ ﻣﻦ ﺍﻟﺸﺎﺭﻉ
ﺍﻻ ﺍﺫﺍ ﺩﻣﺮﺕ ﻧﻔﺴﻬﺎ ﻭﺍﻧﻲ ﺍﺭﻳﺪ ﺍﺻﻨﻊ ﻧﻔﺴﻲ ﻓﻤﺎ ﻛﺪﺭﺕ ﺍﺿﻞ ﻫﻴﺞ
- ﻭﺻﺮﺗﻲ ﻭﻟﺪ ﻋﻔﻴﻪ ﻋﻔﻴﻪ
- ﺍﻱ ﺻﺮﺕ ﻭﻟﺪ ﺍﻧﻲ ﺟﻨﺖ ﺿﻌﻔﺎﻧﻪ ﻓﻤﺎﻣﺒﻴﻦ ﺟﺴﻤﻲ ﺑﺎﻟﻤﻼﺑﺲ
ﻭﺭﺣﺖ ﺍﺷﺘﺮﻳﺖ ﻛﺒﻮﺱ ﻭﺟﻮﺍﺭﻳﺐ ﻭﺣﺬﺍﺀ ﺭﻳﺎﺿﻲ ﻣﺜﻠﻬﻢ ﻭﺭﺣﺖ
ﻟﻠﻤﺴﺠﺪ ﺍﻟﻲ ﺻﻠﻴﺖ ﺑﻲ ﻛﻞ ﺍﻟﻴﻮﻡ ﻣﻦ ﻃﻠﻌﺖ ﻣﻦ ﺑﻴﺖ ﺍﻟﺒﻨﺎﺕ
ﻭﻧﺰﻋﺖ ﺍﻟﺠﺒﻪ ﻭﻟﺒﺴﺖ ﺍﻟﻜﺒﻮﺱ ﺿﻤﻴﺖ ﺑﻲ ﺷﻌﺮﻱ ﻭﺍﻟﺒﻠﻮﺯ
ﺟﺎﻥ ﺑﻲ ﺳﺤﺎﺏ ﻭﺭﻛﺒﻪ ﻋﺎﻟﻴﻪ ﺭﻓﻌﺘﻬﻪ ﻛﻠﻬﻪ ﻏﻄﺖ ﺭﻛﺒﺘﻲ
ﻭﺭﺣﺖ ﺻﻠﻴﺖ ﺑﻤﻜﺎﻥ ﺍﻟﺰﻟﻢ ﻭﺩﻋﻴﺖ ﺍﺗﻮﻓﻖ ﺑﻬﺎﻟﻄﺮﻳﻖ ﻭﻣﺎﺍﻧﻜﺸﻒ
ﻭﺑﻌﺪﻫﺎ ﻟﺒﺴﺖ ﺍﻟﺤﺬﺍﺀ ﻭﺣﻄﻴﺖ ﺍﻟﻤﻼﺑﺲ ﻫﺎﻱ ﺑﻌﻼﻛﻪ ﻭﺭﺣﺖ
ﺯﻳﻦ ﻣﻦ ﻃﻠﻌﺘﻲ ﻫﻴﺞ ﺷﻨﻮ ﺷﻤﻔﻜﺮﻩ ﻭﻳﻦ ﺗﺮﻭﺣﻴﻦ ﻗﺎﺑﻞ ﺍﻟﻮﻟﺪ ﺷﻐﻠﻬﻢ ﻣﻜﻮﻡ ﻳﻌﻨﻲ ﻭﻛﺒﻞ ﺗﻠﻜﻴﻨﻪ
- ﻻ ﺍﺩﺭﻱ ﻣﺎﻛﻮ ﺑﺲ ﻛﻠﺖ ﺍﺣﺎﻭﻝ ﺍﺣﺴﻦ ﻣﻦ ﺍﻟﻜﻌﺪﻩ ﻓﻀﻠﻴﺖ
ﺍﻣﺸﻲ ﻭﺍﺳﺄﻝ ﻋﻠﻰ ﺷﻐﻞ ﻭﻛﻠﻬﻪ ﻣﺘﺮﻳﺪ ﻟﺤﺪ ﻣﺎﺧﻠﺺ ﺍﻟﻴﻮﻡ ﻭﺍﻧﻲ
ﺍﻓﺘﺮ ﺑﺎﻟﻤﺤﻼﺕ ﻭﺍﻟﺴﻮﻙ ﻭﻣﺤﺪ ﺭﺍﺩ ﺷﻐﻞ ﻓﺮﺣﺖ ﻳﻢ ﺗﻘﺎﻃﻊ ﺣﻄﻴﺖ
ﻋﻼﻛﺘﻲ ﻭﻧﻤﺖ ﻋﻠﻴﻬﻪ ﺭﺃﺳﺎً ﻏﻔﻴﺖ ﻣﻦ ﺍﻟﺘﻌﺐ ﻭﻣﻦ ﻃﻠﻌﺖ ﺍﻟﺸﻤﺲ
ﻛﻌﺪﺕ ﺍﺑﺎﻭﻉ ﻟﻠﺴﻴﺎﺭﺍﺕ ﻭﺍﻟﺸﺮﻃﻪ ﻭﺍﻟﻄﻼﺏ ﻭﻫﻨﺎ ﺯﺍﺩ ﺍﺻﺮﺍﺭﻱ
ﺑﺄﻥ ﺍﺿﻞ ﺍﺣﺎﻭﻝ ﺣﺘﻰ ﺍﺻﻴﺮ ﺣﺎﻟﻲ ﺣﺎﻝ ﻫﺎﻟﻨﺎﺱ ﻋﺪﻫﻢ ﺣﻴﺎﻩ
ﻭﺍﻟﻬﻢ ﺍﺳﻢ ﻭﻛﻴﺎﻥ ﻭﺍﺣﺘﺮﺍﻡ ... ﻭﻣﻦ ﺑﻌﺪﻫﻪ ﺭﺣﺖ ﺍﻛﻠﺖ ﻭﺿﻠﻴﺖ
ﺍﺩﻭﺭ ﻋﻠﻰ ﺷﻐﻞ ﻟﺤﺪ ﺍﻟﻌﺼﺮ ﺍﻧﻲ ﺑﺲ ﺍﻓﺘﺮ ﻭﻣﻦ ﻣﻜﺎﻥ ﻟﻤﻜﺎﻥ
ﺑﻌﺪﻳﻦ ﺭﺣﺖ ﻛﻌﺪﺕ ﻋﻠﻰ ﺍﻟﺮﺻﻴﻒ ﻭﺟﺎﻥ ﻳﻤﺸﻲ ﺍﻟﺴﻴﺮ ﻭﺍﺟﻪ
ﻛﻌﺪ ﻳﻤﻲ ﻭﻟﺪ ﺷﺎﻳﻞ ﺗﺮﻣﺰ ﻣﺎﻝ ﺟﺎﻱ ﻛﻌﺪ ﻭﻧﺰﻋﻪ ﻣﻦ ﺟﺘﻔﻪ ﻭﺿﻞ
ﻳﻔﺮﻙ ﺑﺎﻳﺪﻩ ﻭﻳﺤﺮﻙ ﺑﻴﻬﻪ ﻭﺍﻧﻲ ﺍﺑﺎﻭﻋﻠﻪ ﻓﻜﻠﻲ ﺷﺒﻴﻚ ﻣﻀﻴﻊ ﺷﻲ
ﺑﻮﺟﻬﻲ ﻛﺘﻠﻪ ﺑﻌﺪ ﻣﺎﺧﺸﻨﺖ ﺻﻮﺗﻲ ﻃﺒﻌﺎً
- ﻫﻬﻬﻬﻬﻬﻪ ﺍﻱ ﺑﻠﻪ ﻛﻤﻠﻲ
- ﻛﺘﻠﻪ ﻫﻴﺞ ﺑﺲ ﺍﺑﺎﻭﻉ ﻣﻴﺼﻴﺮ ﻛﻠﻲ ﺍﻱ ﻣﻴﺼﻴﺮ ﺷﻌﻨﺪﻙ ﻫﻨﺎ
ﻛﺘﻠﻪ ﻫﻴﺞ ﻛﺎﻋﺪ ﻛﻠﻲ ﺟﺪﻳﺪ ﺍﻧﺘﻪ ﻫﻨﺎ ﺷﻮ ﻣﺸﺎﻳﻔﻚ ﻛﺘﻠﻪ ﺍﻱ ﻣﻮ ﻣﻦ
ﺍﻟﻤﻨﻄﻘﻪ ﺍﺟﻴﺖ ﺍﺩﻭﺭ ﻋﻠﻰ ﺷﻐﻞ ﻛﻠﻲ ﻫﺎﺍﺍ ﻛﺎﻋﺪ ﻋﻄﺎﻝ ﺑﻄﺎﻝ
ﺷﺘﻌﺮﻑ ﺗﺸﺘﻐﻞ ﻳﺎ ﺷﺴﻤﻚ ﺍﻧﺘﻪ ﻛﺘﻠﻪ ﻋﻠﻲ ﻛﻠﻲ ﻳﺎﻋﻠﻲ ﺷﺘﻌﺮﻑ
ﺗﺸﺘﻐﻞ ﻛﺘﻠﻪ ﺍﻱ ﺷﻲ ﻛﻠﻲ ﻣﺘﺮﻭﺡ ﻟﻠﻤﺴﻄﺒﻪ ﻣﺎﻝ ﻋﻤﺎﻟﻪ ﻫﻨﺎ
ﻗﺮﻳﺒﻪ ﺧﻮﺵ ﺷﻐﻞ ﺑﻴﻬﻪ ﻛﺘﻠﻪ ﻻ ﻣﺎﻛﺪﺭ ﻫﻴﺞ ﺟﺎﻥ ﻳﻀﺤﻚ ﻛﻠﻲ
ﻣﺒﻴﻦ ﻧﻮﻳﻌﻢ ﻣﻮ ﻣﺎﻝ ﺩﻙ ﺑﻌﺪﻳﻦ ﻛﺎﻡ ﻟﺸﻐﻠﻪ ﻳﻔﺘﺮ ﺑﻴﻦ ﺍﻟﺴﻴﺎﺭﺍﺕ
ﻳﺒﻴﻊ ﺟﺎﻱ ﻭﻣﻦ ﻣﺸﻰ ﺍﻟﺴﻴﺮ ﺭﺟﻊ ﻛﻌﺪ ﻳﻤﻲ ﻛﻠﻲ ﻫﺴﻪ ﺷﻨﻮ
ﻛﺘﻠﻪ ﻣﺎﺩﺭﻱ ﻛﻠﻲ ﺍﻣﺸﻲ ﻭﻳﺎﻱ ﺩﺍﺷﻮﻑ ﺍﻟﺤﺠﻲ ﻳﺸﻐﻠﻚ ﻋﺪﻧﻪ
ﻛﺘﻠﻪ ﺷﻨﻮ ﺷﻐﻠﻜﻢ ﺑﺲ ﺍﻟﺠﺎﻱ ﻏﻴﺮ ﻛﻠﻲ ﻻ ﺑﻌﺪ ﺷﻐﻼﺕ ﺍﻣﺸﻲ
ﻭﺍﻓﻬﻤﻚ ﻭﺭﺣﺖ ﻭﻳﺎﻩ ﻫﻮ ﻳﻤﺸﻲ ﻛﺪﺍﻣﻲ ﻭﺍﻧﻲ ﺍﻗﻠﺪ ﻣﺸﻴﺘﻪ
- ﻫﻬﻬﻬﻬﻬﻬﻪ ﺗﺮﻳﺪﻳﻦ ﺗﺼﻴﺮﻳﻦ ﺷﻘﺎﻳﺠﻴﺠﻪ
- ﺍﻳﻲ ﻭﺭﺣﺖ ﻭﻳﺎﻩ ﻟﻠﺤﺠﻲ ﺷﺎﻓﻨﻲ ﻭﺳﺎﻟﻨﻲ ﻣﻨﻴﻦ ﻭﻳﻦ ﺍﺑﻮﻳﻪ
ﺷﻌﻨﺪﻱ ﻣﻦ ﺍﺧﻮﺍﻥ ﻛﻠﺘﻠﻬﻢ ﻣﺎﻋﻨﺪﻱ ﺍﺣﺪ ﻭﺍﻫﻠﻲ ﻣﻨﻔﺼﻠﻴﻦ
ﻓﻌﺎﺩ ﻛﻠﻲ ﺍﻟﺤﺠﻲ ﺍﺷﻐﻠﻚ ﻭﻳﺎﻧﻪ ﺑﺲ ﺑﺸﺮﻁ ﺗﻘﻨﻊ ﺑﻜﻠﺸﻲ
ﺍﻧﻄﻴﻚ ﻣﺎﺗﻜﻌﺪ ﺗﺤﺎﺳﺒﻨﻲ ﻫﻴﺞ ﺍﺧﺬﺕ ﻭﻫﻴﺞ ﺍﻧﻄﻴﺖ ﺷﻨﻄﻴﻚ
ﺗﻘﺒﻞ ﻛﺘﻠﻪ ﻣﻴﺨﺎﻟﻒ ﻭﺟﺎﻥ ﺍﺑﺪﺍ ﺍﺷﺘﻐﻞ ﻭﻳﺎﻫﻢ ﻋﺪﻫﻢ ﻛﺸﻚ ﻣﺎﻝ
ﺟﺎﻱ ﺻﻐﻴﺮ ﻳﻢ ﺍﻟﻨﻬﻀﻪ ﻭﺻﺮﺕ ﺍﻭﻛﻒ ﻫﻨﺎﻙ ﺍﺻﺐ ﺟﺎﻱ ﻭ
ﺍﻏﺴﻞ ﺍﻻﺳﺘﻜﺎﻧﺎﺕ ﻭﺗﻌﻠﻤﺖ ﻣﻨﻬﻢ ﺷﻠﻮﻥ ﻳﺨﺪﺭﻭﻥ ﺍﻟﺠﺎﻱ ﺑﻄﺮﻳﻘﺘﻬﻢ
ﺍﻟﻤﻬﻴﻠﻪ ﻭﻟﺤﺪ ﺍﻟﻠﻴﻞ ﻛﻠﻬﻢ ﺭﺍﺣﻮ ﻭﺍﻧﻲ ﺑﻌﺪﻧﻲ ﻣﺎﻣﺎﺧﺬﻩ ﻋﻠﻰ ﺍﻟﺤﺠﻲ
ﻭﻳﺎﻫﻢ ﻓﻤﺎﺩﺭﻱ ﻭﻳﻦ ﻳﺮﺣﻮﻥ ﺷﻴﺴﻮﻥ ﻟﻤﻮ ﻏﺮﺍﺿﻬﻢ ﻭﺭﺍﺣﻮ ﻭﺍﻧﻲ
ﺿﻠﻴﺖ ﻛﺎﻋﺪﻩ ﻭﺣﺪﻱ ﺑﺎﻟﺸﺎﺭﻉ ﻇﻠﻤﺖ ﻭﺑﺲ ﺻﻮﺕ ﺍﻟﺴﻴﺎﺭﺍﺕ
ﻭﺍﻟﺠﻼﺏ ﺑﺎﻟﺸﺎﺭﻉ ﻓﺮﺣﺖ ﺟﻮﻩ ﺍﻟﺠﺴﺮ ﺍﻛﻮ ﻣﺼﻄﺒﻪ ﻧﻤﺖ ﻋﻠﻴﻬﻪ
ﻭﻟﺤﺪ ﺍﻟﺼﺒﺢ ﺍﺟﻪ ﻋﻠﻴﻪ ﺍﺣﻤﺪ ﻫﺬﺍ ﺍﻟﻮﻟﺪ ﺍﻟﻲ ﺟﺎﺑﻨﻲ ﺍﻟﻬﻢ ﻭﻛﻌﺪﻧﻲ
ﺟﺎﻥ ﻳﻜﻠﻲ ﻟﻴﺶ ﻣﻜﻠﺖ ﻣﺎﻋﻨﺪﻙ ﺑﻴﺖ ﺟﺎﻥ ﺍﺧﺬﻧﺎﻙ ﻭﻳﺎﻧﻪ ﺗﻨﺎﻡ
ﻛﺘﻠﻪ ﺍﺳﺘﺤﻴﺖ ﻣﻨﻜﻢ ... ﻓﻜﻠﻲ ﻛﻤﻞ ﺷﻐﻠﻚ ﻭﺍﻟﻴﻮﻡ ﺗﺮﺟﻊ ﻭﻳﺎﻱ
ﻭﺭﺣﺖ ﻓﺘﺤﻨﻪ ﺍﻟﻜﺸﻚ ﻭﺑﺪﻳﻨﺎ ﺑﺎﻟﺸﻐﻞ ﻟﺤﺪ ﺍﻟﻠﻴﻞ ﻣﻦ ﻟﻤﻮ ﻏﺮﺍﺿﻬﻢ
ﻭﺍﻟﺤﺠﻲ ﻭﺯﻉ ﺍﻟﻔﻠﻮﺱ ﺍﻧﻄﺎﻧﻲ ﺑﻮﻛﺘﻬﻪ ٥ ﺍﻻﻑ ﻣﺎﻝ ﻳﻮﻣﻴﻦ ﺣﺴﺒﻬﻦ
ﻭﺑﻌﺪﻳﻦ ﺭﺣﺖ ﻭﻳﻪ ﺍﻟﻮﻟﺪ ﻭﻻﺯﻣﻪ ﻛﻠﺒﻲ ﺑﺎﻳﺪﻱ ﻻ ﻳﺼﻴﺮ ﺷﻲ
ﺟﺎﻧﺖ ﻛﻞ ﺧﻄﻮﻩ ﺍﺣﺴﻬﻪ ﺑﺴﻨﻪ ﻟﺤﺪ ﻣﺎﻭﺻﻠﻨﻪ ﻟﻠﻤﻜﺎﻥ ﺟﺎﻥ ﻣﺸﺘﻤﻞ
ﺑﻲ ﻏﺮﻓﺘﻴﻦ ﻭﻣﻄﺒﺦ ﻭﺣﻤﺎﻡ ﻛﻞ ﻏﺮﻓﻪ ﺑﻴﻬﻪ ﺧﻤﺲ ﻭﻟﺪ .. ﺍﻭﻝ
ﻣﺎﺩﺧﻠﺖ ﺟﻔﻠﺖ ﻣﻦ ﺻﻮﺕ ﺻﻴﺎﺣﻬﻢ ﻭﺿﺤﻜﻬﻢ ﺍﻟﻌﺎﻟﻲ ﺟﺎﻧﻮ
ﻳﺒﺎﻭﻋﻮﻥ ﻟﻌﺒﻪ ﻭﺧﺎﺑﺼﻴﻦ ﺍﻟﺪﻧﻴﺎ ﻣﻦ ﺩﺧﻠﺖ ﻛﻠﻬﻢ ﻛﺎﻣﻮ ﺳﻠﻤﻮ ﻋﻠﻴﻪ
ﻟﺰﻣﻮﺝ !!
- ﺍﻱ ﺳﻼﻡ ﺑﺎﻻﻳﺪ ﻛﻌﺪﺕ ﻭﻳﻪ ﺍﺣﻤﺪ ﻭﺣﺎﺭﺙ ﻭﻣﺎﺟﺪ ﻫﺬﻭﻟﻪ ﻫﻤﻪ
ﻭﻳﺎﻱ ﻳﺸﺘﻐﻠﻮﻥ ﺍﻧﻲ ﻭﺣﺎﺭﺙ ﻋﻠﻰ ﺍﻟﻜﺸﻚ ﻭﺍﺣﻤﺪ ﻳﺒﻴﻊ ﺑﺎﻟﺸﺎﺭﻉ
ﻭﺍﻟﺒﻘﻴﻪ ﻣﻨﻬﻢ ﻳﺸﺘﻐﻠﻮﻥ ﺑﺎﻟﻜﺮﺍﺝ ﻫﺬﻭﻟﻪ ﺍﻟﻜﺒﺎﺭ ﺍﻋﻤﺎﺭ ١٩،٢٠
ﺑﺲ ﺍﻋﻤﺎﺭ ١٦،١٧ ﻫﺬﻭﻟﻪ ﻳﺸﺘﻐﻠﻮﻥ ﺑﺎﻟﺸﺎﺭﻉ ﻳﺒﻴﻌﻮﻥ ﻣﻲ ﻭﺳﻤﺎﻋﺎﺕ ﻭﻛﺎﺭﺗﺎﺕ ... ﺑﻬﺎﻟﻠﻴﻠﻪ ﺿﻠﻮ ﻟﺤﺪ ﻣﺎﻛﻤﻠﺖ ﺍﻟﻠﻌﺒﻪ ﻳﻼ
ﺭﺍﺣﻮ ﻟﻐﺮﻓﺘﻬﻢ ﻭﺍﺣﻤﺪ ﺍﺟﻪ ﻛﻠﻲ ﺗﻌﺎﻝ ﻧﻄﻠﻊ ﺑﺮﻩ ﺷﻮﻳﻪ ،، ﻛﻤﺖ
ﻭﻳﺎﻩ ﻭﺍﻧﻲ ﺍﻗﻠﺪ ﺍﻱ ﺷﻲ ﻳﺴﻮﻱ ﺍﺫﺍ ﻣﺴﺢ ﺧﺸﻤﻪ ﺍﻣﺴﺢ ﺧﺸﻤﻲ
ﺍﺫﺍ ﻋﺪﻝ ﺑﺠﺎﻣﺘﻪ ﺍﻭ ﺑﻠﻮﺯﻩ ﺍﺳﻮﻱ ﻣﺜﻠﻪ ... ﻓﺎﺧﺬﻧﻲ ﻭﻛﻌﺪﻧﻪ ﺑﺮﻩ
ﻋﻠﻰ ﺍﻟﻌﻤﻮﺩ ﻭﺳﺄﻟﻨﻲ .. ﻟﻴﺶ ﺍﺣﺴﻚ ﻣﻮ ﻃﺒﻴﻌﻲ ﻛﺘﻠﻪ ﺷﻠﻮﻥ ﻳﻌﻨﻲ
ﻛﻠﻲ ﺣﻴﻞ ﺧﻮﺍﻑ ﻭﺭﺟﻴﺞ ﺷﻔﺘﻚ ﻣﻦ ﺻﻮﺕ ﺍﻟﻬﻮﺭﻧﺎﺕ ﺑﺎﻟﺸﺎﺭﻉ
ﺗﺠﻔﻞ ﻫﻨﺎ ﺑﺲ ﺳﻤﻌﺘﻬﻢ ﻳﻬﻮﺳﻮﻥ ﺟﻔﻠﺖ ﻭﻭﺟﻬﻚ ﺍﺻﻔﺮ ﺷﻨﻮ ﻓﻠﻤﻚ
ﻛﺘﻠﻪ ﻫﻴﺞ ﺍﻧﻲ ﺑﺴﺮﻋﻪ ﺍﺟﻔﻞ ﻣﻦ ﺍﻻﺻﻮﺍﺕ ﺍﻟﻌﺎﻟﻴﻪ ﻛﻠﻲ ﺯﻳﻦ ﺍﻧﺪﻣﺞ
ﻭﻳﻪ ﺍﻟﻮﻟﺪ ﻻﺗﻀﻞ ﻋﺎﺯﻝ ﺭﻭﺣﻚ ﻭﻣﺘﺠﺒﺐ ﻛﺘﻠﻪ ﺍﻧﻲ ﺑﻌﺪﻧﻲ ﻣﻤﺘﻌﻮﺩ
ﻋﻠﻰ ﻫﻴﺞ ﻭﺿﻊ ﻭﻣﺎﻣﺸﺘﻐﻞ ﻗﺒﻞ ﻭﺍﻟﻌﻴﺸﻪ ﻫﻴﺞ ﺻﻌﺒﻪ ﻋﻠﻴﻪ ﻓﺠﺄﻩ
ﻛﻠﻲ ﺣﻘﻚ ﻭﺍﻟﻠﻪ ﺍﻧﻲ ﻫﻢ ﻣﻦ ﺍﻭﻝ ﻣﺎﺑﺪﻳﺖ ﺍﺷﺘﻐﻞ ﺑﺎﻟﺒﺴﻄﻴﺎﺕ ﺟﻨﺖ
ﻫﻴﺞ ﻋﺎﺯﻝ ﻧﻔﺴﻲ ﻭﻛﺎﺭﻩ ﺍﻟﺪﻧﻴﺎ ﺑﺲ ﺑﻌﺪﻳﻦ ﺷﻔﺖ ﻣﺎﺗﺴﻮﻩ ﻻﺯﻡ ﻧﻌﻴﺶ
ﻭﻣﻦ ﺑﻌﺪﻫﺎ ﺭﺟﻌﻨﺎ ﻟﻠﻐﺮﻓﻪ ﻭﻫﻤﻪ ﻛﻞ ﻭﺍﺣﺪ ﻣﻨﻬﻢ ﻧﺰﻉ ﺑﺠﺎﻣﺘﻪ ﻭﺑﻠﻮﺯﻩ ﻭﺿﻠﻮ ﺑﺎﻟﺸﻮﺭﺗﺎﺕ ﺍﻧﻲ ﻣﻦ ﺷﻔﺖ ﻫﻴﺞ ﺍﻟﺴﺎﻟﻔﻪ ﺻﺮﺕ
ﺍﺭﺟﻒ ﻣﻦ ﺍﻟﺨﺠﻞ ﻭﺍﻟﺨﻮﻑ ﺑﺲ ﻣﺎﺑﻴﺪﻱ ﺷﻲ ﺍﺳﻮﻱ ﺭﺣﺖ ﻟﻔﺮﺍﺷﻲ
ﺗﻠﻔﻠﻔﺖ ﻭﺿﻠﻴﺖ ﻣﻐﻤﻀﻪ ﻭﻫﻤﻪ ﻳﺸﺎﻗﻮﻥ ﻭﻳﻀﺤﻜﻮﻥ ﻭﻛﻞ ﺷﻮﻳﻪ
ﻭﺍﺣﺪ ﻳﻜﻮﻡ ﻳﺘﺮﺱ ﺍﻟﻤﺒﺮﺩﻩ ﻭﺍﻧﻲ ﺿﺎﻟﻪ ﺍﺭﺟﻒ ﻣﻦ ﺍﻟﺨﻮﻑ ﺟﻮﻩ
ﺍﻟﺒﻄﺎﻧﻴﻪ ﻭﻛﻞ ﺷﻮﻳﻪ ﺍﻏﻔﻰ ﻭﺍﻓﺰ ﻟﺤﺪ ﻣﺎﻃﻠﻊ ﺍﻟﻔﺠﺮ ﺍﻧﻲ ﻣﺎﺑﻘﺖ ﺍﻳﻪ
ﻣﺎﻗﺮﻳﺘﻬﻪ ﻭﻻ ﻛﻠﻤﻪ ﻣﺎﺩﻋﻴﺖ ﺑﻴﻬﻪ ﺗﻌﺪﻱ ﻫﺎﻟﻠﻴﻠﻪ ﺑﺨﻴﺮ ﻭﺍﻟﺤﻤﺪﻟﻠﻪ
ﻋﺪﺕ ﺑﺴﻼﻣﻪ
- ﺻﺪﺩﺩﻙ ﺗﺤﺠﻴﻦ ﻳﻌﻨﻲ ﻧﺎﻳﻤﻪ ﺑﻨﺺ ﻭﻟﺪ ﻣﺼﺎﻟﻴﺦ ﻫﺒﻪ !!!
- ﻋﻤﺎﺩ ﺷﻤﺪﺭﻳﻨﻲ ﺑﻴﻬﻢ ﻫﻴﺞ ﻳﺴﻮﻥ
- ﺷﻨﻮ ﺷﻤﺪﺭﻳﺞ ﻟﻴﺶ ﻣﺘﻌﺮﻓﻴﻦ ﻛﻞ ﺍﻟﻮﻟﺪ ﻫﻴﺞ ﻣﻮ ﺟﻨﺘﻲ ﺗﺸﻮﻓﻴﻨﻲ
ﻣﺎﻧﺎﻡ ﺑﻤﻼﺑﺴﻲ ﻟﻮ ﻻ ﺑﻌﺪ ﺷﻨﻮ ﻫﺎﻟﺤﺠﻲ
- ﻣﻬﻤﺎ ﻳﻜﻮﻥ ﺍﺣﺴﻦ ﺍﻟﻒ ﻣﺮﻩ ﻣﻦ ﻧﺎﻳﻤﻪ ﺟﻮﻩ ﺍﻟﺠﺴﺮ ﻭﺍﻟﺠﻼﺏ
ﻭﺍﻟﺒﺰﺍﺯﻳﻦ ﺗﺘﺮﺍﻛﺾ ﻳﻢ ﺭﺟﻠﻲ ﻭﺍﻓﺰ ﻛﻞ ﺷﻮﻳﻪ ﻋﻠﻴﻬﻦ ﻭﺍﻋﻴﻂ
ﻋﻠﻰ ﺍﻻﻗﻞ ﻫﺬﻭﻟﻪ ﻛﻠﻤﻦ ﺣﺎﻳﺮ ﺑﺮﻭﺣﻪ ﻭﺍﻧﻲ ﻛﺘﻠﻚ ﺗﻐﻄﻴﺖ ﻭﻣﺎﺷﻔﺖ ﺷﻲ ﻣﻨﻬﻢ ﺑﻌﺪ ﻟﺤﺪ ﺍﻟﺼﺒﺢ ﺍﻟﻪ ﺣﺴﻴﺖ ﻋﻠﻴﻬﻢ ﻳﺒﺪﻟﻮﻥ ﻳﻼ ﻛﻤﺖ
- ﺍﺳﺘﻐﻔﺮ ﺍﻟﻠﻪ ﻭﺑﻌﺪﻳﻦ ﺷﺼﺎﺭ
- ﺑﻌﺪﻳﻦ ﻛﺎﻡ ﺍﺣﻤﺪ ﻳﺤﺠﻲ ﻋﻠﻴﻪ ﻋﻠﻤﻮﺩ ﺍﻟﻜﺒﻮﺱ ﺍﻟﻲ ﻻﺑﺴﺘﻪ
ﻳﻜﻠﻲ ﺷﻠﻮﻥ ﺗﻨﺎﻡ ﺑﻲ ﻣﺘﺤﺘﺮ ﻛﺘﻠﻪ ﻋﻨﺪﻱ ﺩﺍﺀ ﺍﻟﺜﻌﻠﺒﻪ ﺑﺸﻌﺮﻱ
ﻭﻣﺎﺭﻳﺪ ﺍﺣﺪ ﻳﺸﻮﻓﻨﻲ ﻫﻴﺞ ﻓﻬﻮ ﺗﻌﺬﺭ ﻣﻨﻲ ﻭﺳﺪ ﺍﻟﻤﻮﺿﻮﻉ
ﻭﻧﺒﻪ ﻋﻠﻴﻬﻢ ﻣﺤﺪ ﻳﻀﺎﻳﻘﻨﻲ ﺑﺸﻲ ﻭﻋﺎﻓﻮﻧﻲ ﻋﻠﻰ ﺭﺍﺣﺘﻲ ﻭﻣﻦ
ﺭﺩﺕ ﺍﺳﺒﺢ ﺍﺣﻤﺪ ﺍﻧﻄﺎﻧﻲ ﻣﻦ ﻣﻼﺑﺴﻪ ﺭﺣﺖ ﻟﺒﺴﺘﻬﻦ ﻭﺑﻌﺪﻫﻪ
ﺍﺻﻠﻲ ﻭﻧﻄﻠﻊ ﻭﻣﺎﺍﻣﺸﻲ ﺍﻻ ﻳﻢ ﺣﺎﺭﺙ ﻭﺍﺣﻤﺪ ﻭﺑﻘﻴﺖ ﻣﻘﻠﺪﺗﻬﻢ
ﺑﻜﻞ ﺷﻲ ﻳﺴﻮﻩ ﻭﺑﺎﻻﻳﺎﻡ ﻗﻮﺕ ﻋﻼﻗﺘﻲ ﺑﻴﻬﻢ ﻭﺻﺎﺭﻭ ﻳﺘﺸﺎﻗﻮﻥ
ﻭﻳﺎﻳﻪ ﻭﻳﺴﻮﻟﻔﻮﻟﻲ ﻋﻠﻰ ﺍﻫﻠﻬﻢ ﻭﺣﺒﻴﺒﺎﺗﻬﻢ ﻭﺟﻨﺖ ﺍﻧﺼﺤﻬﻢ ﻣﻦ
ﻳﺘﻌﺎﺭﻛﻮﻥ ﻭﻳﺎﻫﻦ ﻭﺷﻠﻮﻥ ﻳﻌﺎﻣﻠﻮﻫﻦ ﻓﻜﻞ ﻭﺍﺣﺪ ﻋﻨﺪﻩ ﻣﺸﻜﻠﻪ
ﻭﻳﻪ ﺣﺒﻴﺒﺘﻪ ﻳﺠﻲ ﻋﻠﻴﻪ ﺣﺘﻰ ﻣﻦ ﻳﺸﺘﺮﻭﻥ ﻫﺪﺍﻳﺎ ﻧﻄﻠﻊ ﺳﻮﻩ ﻧﺨﺘﺎﺭ
ﻛﻠﺶ ﺧﻮﺵ ﻭﻟﺪ ﻭﻭﻳﻪ ﺍﻻﻳﺎﻡ ﺻﺎﺭ ﺍﻟﺤﺠﻲ ﻳﺰﻳﺪ ﻣﻦ ﻓﻠﻮﺳﻲ
ﺻﺎﺭ ﻳﺤﺴﺒﻠﻲ ﺧﻤﺴﻪ ﻛﻞ ﻳﻮﻡ ﻭﺑﻌﺪﻳﻦ ﻛﻤﺖ ﺍﻧﺰﻝ ﻭﻳﻪ ﺍﺣﻤﺪ
ﻟﻠﺸﺎﺭﻉ ﻭﺣﺎﺭﺙ ﻣﺴﺘﻠﻢ ﺍﻟﻜﺸﻚ ﻭﻫﻮ ﻳﺨﺪﺭﻟﻨﻪ ﺍﻟﺠﺎﻱ ﻭﻳﺤﻀﺮ
ﺍﻟﺘﺮﺍﻣﺰ ﻭﺍﻧﻲ ﻭﺍﺣﻤﺪ ﻛﻞ ﻭﺍﺣﺪ ﻋﻠﻰ ﺳﺎﻳﺪ ﻭﻫﻨﺎ ﺯﺍﺩﺕ ﻣﻦ ﻓﻠﻮﺳﻲ
ﺻﺮﺕ ﺍﺧﺬ ﻋﺸﺮﻩ ﺑﺎﻟﻴﻮﻡ ﺑﺲ ﺷﺒﻌﺖ ﺣﺮ ﻭﺗﻌﺐ ﻻﻥ ﻣﻼﺑﺴﻲ ﻛﻠﻬﺎ
ﺭﺩﺍﻥ ﻭﺣﺘﻰ ﺟﻮﺍﺭﻳﺐ ﺍﻟﺒﺲ ﻭﺭﻛﺒﺘﻲ ﻣﻐﻄﻴﺘﻬﻪ ﻭﻭﺟﻬﻲ ﻫﻢ ﺍﻟﺒﺲ
ﻛﺎﺏ ﻳﻐﻄﻴﻬﻦ ﻭﺍﻟﻜﺒﻮﺱ ﻭﺷﻌﺮﻱ ﻳﺼﻴﺮ ﺣﺎﺭ ﻭﺍﻋﺮﻙ ﻓﺪ ﻣﺮﻩ
ﺑﺲ ﺍﺿﻞ ﻣﺘﺤﻤﻠﻪ ﻭﻣﺮﺍﺕ ﺍﺩﻭﺥ ﻣﺎﻛﺪﺭ ﻳﻠﺤﻜﻨﻲ ﺍﺣﻤﺪ ﻫﻮ ﻋﺮﻑ
ﻋﻨﺪﻱ ﺳﻜﺮ ﻓﻴﺸﻴﻞ ﻭﻳﺎﻩ ﺟﻜﻠﻴﺖ ﻟﻮ ﻋﻠﺞ ﻟﻮ ﻛﻜﻮ ﻭﻳﻨﻄﻴﻨﻲ ﻣﻦ ﺍﺗﻌﺐ
ﺍﻱ ﺯﻳﻦ ﺯﻳﻦ
- ﺑﺲ ﻣﻌﺎﻧﺎﺗﻲ ﺟﺎﻧﺖ ﺑﺎﻟﺒﻴﺖ ﻻﻥ ﺷﻘﺎﻫﻢ ﺛﻜﻴﻞ ﻭﺑﺲ ﻳﻀﺮﺑﻮﻥ
ﻭﺍﻧﻲ ﺍﺧﺎﻑ ﻻ ﺍﻧﺴﻰ ﻧﻔﺴﻲ ﻭﺍﻋﻴﻂ ﺑﻤﻴﺎﻋﻪ ﻣﺜﻞ ﻣﺎﻣﺘﻌﻮﺩﻩ ﻭﺍﻧﻔﻀﺢ
ﻭﺑﻨﻔﺲ ﺍﻟﻮﻛﺖ ﺟﺎﻧﻮ ﻭﻟﺪ ﺍﻟﻜﺮﺍﺝ ﻛﻠﺶ ﻟﺴﺎﻧﻬﻢ ﺯﻓﺮ ﻭﻳﺤﺠﻮﻥ ﺣﺠﻲ
ﺟﺎﻳﻒ ﺩﺍﺋﻤﺎً ﻭﺍﻧﻲ ﺍﺿﻮﺝ ﻣﻦ ﻫﺎﻟﺤﺠﻲ ﺍﻋﻮﻓﻬﻢ ﻭﺍﻛﻮﻡ ﺍﻟﻬﻲ ﻧﻔﺴﻲ
ﺑﺎﻟﻤﻄﺒﺦ ﺍﺳﻮﻳﻠﻬﻢ ﺍﻛﻞ ﺗﻌﻠﻮﻟﻪ ﻭﻳﺠﻲ ﻳﻤﻲ ﺣﺎﺭﺙ ﻳﺴﺎﻋﺪﻧﻲ ﻭﻫﻮ
ﻳﺪﺭﻱ ﺍﻧﻲ ﺍﺿﻮﺝ ﻣﻦ ﺣﺠﻴﻬﻢ ﻓﻜﺎﻡ ﻣﻦ ﻳﻜﻌﺪﻭﻥ ﻳﻤﻨﻪ ﻛﺒﻞ ﻳﻜﻠﻲ
ﻛﻮﻡ ﻋﻼﻭﻱ ﺧﻠﻲ ﻧﺠﻜﺠﻚ ﺑﺎﻟﻤﻄﺒﺦ ﺷﻮﻳﻪ ﻭﻫﺬﻭﻻﻙ ﻳﻜﻴﻔﻮﻥ
ﺟﺎﻥ ﻣﺎﺟﺪ ﻣﻜﻴﻒ ﻋﻠﻰ ﺟﻴﺘﻲ ﻳﻤﻬﻢ ﺩﺍﺋﻤﺎ ﺍﻟﺼﺒﺢ ﻗﺒﻞ ﻣﺎﻧﻄﻠﻊ
ﻳﻜﻠﻲ ﺭﺣﻢ ﺍﻟﻠﻪ ﻭﺍﻟﺪﻳﻚ ﻋﻠﻮ ﻋﻠﻰ ﻫﺎﻟﺠﻴﻪ ﻻﻥ ﻫﻮ ﻛﻠﺶ ﻳﺤﺐ ﺍﻟﻨﻈﺎﻓﻪ ﻭﺣﻴﻞ ﻣﺮﺗﺐ ﻭ ﻧﻈﺎﻣﻲ ﻭﻫﺬﻭﻟﻪ ﻳﻬﻮﺳﻮﻥ ﻭﻛﺎﻟﺒﻴﻦ ﺍﻟﺒﻴﺖ ﻛﻼﺏ
ﻓﺎﻧﻲ ﻣﺎﻃﻠﻊ ﺍﺫﺍ ﻣﺎﻧﻈﻒ ﻭﺍﺭﺗﺐ ﺍﻟﻔﺮﺍﺵ ﻭﺍﻣﺴﺢ ﺍﻟﻤﻄﺒﺦ ﻳﻼ
ﻓﻬﻮ ﻣﻜﻴﻒ ﻳﻜﻠﻲ ﺭﻳﺤﻪ ﺍﻟﺒﻴﺖ ﺗﻨﻌﺶ
- ﻣﺎﺗﺠﻮﺯﻳﻦ ﻣﻦ ﻫﺎﻟﺴﺎﻟﻔﻪ ﺍﻧﺘﻲ ﺣﺘﻰ ﻳﻤﻬﻢ ﺗﺨﻠﻴﻦ ﺭﻳﺤﻪ ﺍﻟﻨﻈﺎﻓﻪ
ﺗﻌﻂ ﺩﺗﻌﺎﻱ ﺷﻮﻓﻲ ﺍﻟﺸﻘﻪ ﻣﻠﻴﺎﻧﻪ ﺗﺮﺍﺏ
- ﻫﻬﻬﻬﻬﻬﻬﻪ ﺍﺗﻔﺮﻏﻠﻬﻪ ﺑﻌﺪﻳﻦ
- ﻭﺑﻘﻴﻪ ﺍﻟﻮﻟﺪ ﺷﻴﺴﻮﻥ
- ﺍﻟﺒﻘﻴﻪ ﻣﻠﺘﻬﻴﻦ ﺑﺼﺎﺣﺒﺎﺗﻬﻢ ﻭﻳﺠﻮﻥ ﺑﺲ ﻋﻠﻰ ﻛﺪ ﺍﻻﻛﻞ ﻻﻥ ﻣﻴﺼﺤﻠﻬﻢ ﻟﻮ ﻟﻠﺸﻐﻞ ﻟﻮ ﻳﺨﺎﺑﺮﻭﻥ ﻟﻮ ﻧﺎﻳﻤﻴﻦ ﺑﺲ ﺟﻤﺎﻋﺘﻲ ﻻ
ﻳﺤﺒﻮﻥ ﺍﻟﺸﻘﻪ ﻭﺍﻟﻜﻌﺪﻩ ﻭﺍﻻﻏﺎﻧﻲ ﻣﺸﻐﻠﻴﻬﻪ ﻛﻞ ﺷﻮﻳﻪ ﻭﺷﻘﺎﻫﻢ
ﺛﻜﻴﻞ ﺣﻴﻞ ﺛﻜﻴﻞ ﺑﺤﻴﺚ ﻣﺮﻩ ﻛﺎﻋﺪﻳﻦ ﻧﺎﻛﻞ ﻭﻭﺍﺣﺪ ﻣﻨﻬﻢ ﺿﺮﺑﻨﻲ
ﻋﻠﻰ ﻇﻬﺮﻱ ﺍﻧﻲ ﺷﻬﻜﺖ ﻭﺿﻠﻴﺖ ﺍﻛﺢ ﻭﺗﻼﺣﻜﻮﻟﻲ ﺍﺣﻤﺪ ﻭﺣﺎﺭﺙ
ﺑﺎﻟﻤﻲ ﻭﺿﻠﻮ ﻳﺮﺯﻟﻮﻥ ﺑﻲ ﻭﻫﻮ ﺗﻔﺎﺟﻰﺀ ﺿﻞ ﺻﺎﻓﻦ ﺟﺎﻥ ﻳﻜﻠﻲ
ﻋﻈﻤﻚ ﻟﻴﻦ ﺷﺒﻴﻚ ﺭﺩﺕ ﺗﻤﻮﺕ ﻫﻲ ﺿﺮﺑﻪ ﻣﺘﻜﻠﻲ ﺷﻤﺴﻮﻳﻠﻚ
ﻛﺘﻠﻪ ﻋﻮﻓﻨﻲ ﻣﻌﻠﻴﻚ ﺑﻴﻪ ﺟﺎﻥ ﺣﺎﺭﺙ ﺩﺍﺋﻤﺎً ﻳﺪﺍﻓﻌﻠﻲ ﻭﻳﺴﻮﻱ ﺳﺎﻟﻔﻪ
ﺣﺘﻰ ﻳﻐﻄﻲ ﻋﻠﻰ ﺍﻟﻤﻮﺿﻮﻉ ﺟﻨﺖ ﺍﺣﺲ ﺑﻲ ﻳﺪﺭﻱ ﺑﻴﻪ ﺑﻨﻴﻪ ﺑﺲ
ﺳﺎﻛﺖ ﻻﻥ ﻫﻮ ﺩﺍﺋﻤﺎً ﻣﺮﺍﻓﻘﻨﻲ ﻭﻳﻦ ﻣﺎﺭﻭﺡ ﻭﺣﺘﻰ ﺑﺎﻟﻨﻮﻡ ﻳﻔﺮﺷﻠﻲ
ﺑﺼﻒ ﺍﻟﺤﺎﻳﻂ ﻭﻫﻮ ﻳﻨﺎﻡ ﺑﺼﻔﻲ ﻣﻴﺨﻠﻲ ﺍﺣﺪ ﻳﺎﺧﺬ ﻫﺎﻟﻤﻜﺎﻧﻴﻦ
ﻭﻣﻦ ﻳﺠﻮﻥ ﻳﺘﻌﻠﻠﻮﻥ ﻳﻜﻌﺪ ﺑﻨﻬﺎﻳﻪ ﺍﻟﻐﺮﻓﻪ ﻭﻳﺼﻴﺤﻨﻲ ﻳﻤﻪ ﻛﻠﻬﻢ
ﺟﺎﻧﻮ ﻋﺪﻫﻢ ﻟﺤﻴﻪ ﻭﺷﻮﺍﺭﺏ ﻭﺷﻌﺮ ﺑﺎﻳﺪﻫﻢ ﻭﻳﻀﺤﻜﻮﻥ ﻋﻠﻴﻪ
ﻻﻥ ﺍﻳﺪﻱ ﻧﺎﻋﻤﻪ ﻭﺣﺘﻰ ﺷﻮﺍﺭﺑﻲ ﺧﻔﻴﻔﻪ ﻣﻮ ﻣﺜﻠﻬﻢ ﻓﻜﻠﺘﻠﻬﻢ ﻣﺮﻩ
ﻭﺟﻨﺖ ﺣﻴﻞ ﺿﺎﻳﺠﻪ ﻣﻦ ﺷﻘﺎﻫﻢ ﺍﻟﺜﻜﻴﻞ ﻭﻣﻨﺎ ﺗﻌﺒﺎﻧﻪ ﻧﻔﺴﻴﺘﻲ
ﺻﻴﺤﺖ ﻋﻠﻴﻬﻢ ﻭﻛﻠﺘﻠﻬﻢ ....
ﻳﻌﻨﻲ ﻣﺎﺗﻘﺪﺭﻭﻥ ﻭﺍﺣﺪ ﻣﺮﻳﺾ ﻟﻮ ﻛﻠﺸﻲ ﻋﺪﻛﻢ ﺿﺤﻚ
ﻭﻣﺴﻠﺘﻪ ﻭﻫﻮ ﻛﻞ ﻋﻤﺮﻱ ١٥ ﻻﺣﻜﻴﻨﻲ ﻋﻠﻰ ﺍﻟﺸﺎﺭﺏ ﻭﺍﻟﺸﻌﺮ
ﺗﻌﻴﺮﻭﻧﻲ ﺑﻴﻬﻦ ﻟﻮ ﺗﻀﻠﻮﻥ ﺗﺠﻔﺼﻮﻥ ﺑﺎﻟﺒﻄﻦ ﺍﻧﺘﻮ ﻋﻠﻴﻪ ﻓﻮﻙ
ﻫﺎﻟﺪﻧﻴﺎ .... ﻋﻔﺘﻬﻢ ﻭﻃﻠﻌﺖ ﺭﺃﺳﺎً ﻟﻠﺸﺎﺭﻉ ﺿﻠﻴﺖ ﺍﺭﻛﺾ ﻭﺍﺑﺠﻲ
ﺟﺎﻧﺖ ﺭﻭﺣﻲ ﻃﺎﻟﻌﻪ ﻭﻣﺎﺩﺭﻱ ﺷﺴﻮﻱ ﺑﻌﺪ ﺣﻴﻞ ﺟﻨﺖ ﺗﻌﺒﺎﻧﻪ
ﻳﻌﻨﻲ ﺍﻧﻲ ﻛﻞ ﻳﻮﻡ ﺍﻛﻌﺪ ﺍﺳﺘﻐﻔﺮ ﻣﻴﻪ ﻣﺮﻩ ﻋﻠﻰ ﺍﻟﻜﻌﺪﻩ ﺑﻨﺼﻬﻢ
ﻭﻫﻤﻪ ﻳﻄﺨﻄﺨﻮﻥ ﺑﻴﻪ ﻭﻓﻮﻛﺎﻫﻪ ﺣﺠﻴﻬﻢ ﻭﻗﻠﻪ ﺍﻋﺬﺍﺭﻱ ﻛﺪﺍﻣﻬﻢ
ﺟﻨﺖ ﻣﻨﻬﺎﺭﻩ ﻫﺬﻳﺞ ﺍﻟﻠﻴﻠﻪ ﻣﺎﺍﻧﺴﺎﻫﻪ ﺍﺑﺪ
- ﻭﻳﻦ ﺭﺣﺘﻲ ﺑﻌﺪ ﻫﺎﻟﺮﻛﺾ ﻛﻠﻪ
- ﺭﺣﺖ ﻋﻠﻰ ﺍﻟﺸﺎﺭﻉ ﺍﻟﻌﺎﻡ ﻭﻛﻌﺪﺕ ﺑﻨﺺ ﺍﻟﺠﺰﺭﻩ ﻭﺿﻠﻴﺖ ﻫﻨﺎﻙ
ﺍﺑﺠﻲ ﺑﺤﺮﻛﻪ ﻃﻠﻌﺖ ﻛﻞ ﻗﻬﺮﻱ ﻳﻌﻨﻲ ﺣﻴﻞ ﺑﻮﻛﺘﻬﻪ ﺍﻧﻬﺎﺭﻳﺖ
ﺟﺎﻥ ﻛﻠﺸﻲ ﻣﺘﺠﻤﻊ ﻓﻮﻙ ﺻﺪﺭﻱ ﻭﻣﻴﻨﺰﺍﺡ ﻭﺣﻤﻠﻪ ﺛﻜﻴﻞ ﺍﻟﺸﻐﻞ
ﻭﺍﻻﻫﺎﻧﻪ ﺍﻟﻲ ﺑﺎﻟﺸﺎﺭﻉ ﺍﻟﻨﺎﺱ ﺣﻴﻞ ﺗﺴﺘﺼﻐﺮ ﺍﻟﻔﻘﻴﺮ ﻭﺗﻌﺒﻲ ﺍﻻﻛﺒﺮ
ﺍﻟﻌﻴﺸﻪ ﺑﻨﺺ ﻫﺎﻟﻮﻟﺪ ﺍﻟﻌﺸﺮﻩ ﻛﻞ ﻳﻮﻡ ﺍﻟﺰﻡ ﻛﻠﺒﻲ ﺑﻲ ﻻ ﺍﻧﻜﺸﻒ
ﻭﻳﻦ ﺍﺭﻭﺡ ﺑﻌﺪ ﻭﺍﺫﺍ ﺍﺿﻞ ﺍﺧﺎﻑ ﻳﺘﺴﻐﻠﻮﻧﻲ ﻭﺍﻟﺤﻴﺮﻩ ﻛﺎﺗﻠﺘﻨﻲ
ﻫﺎﻱ ﺍﻛﺜﺮ ﻓﺘﺮﻩ ﺑﺤﻴﺎﺗﻲ ﺍﺫﺕ ﻧﻔﺴﻴﺘﻲ ﺟﻨﺖ ﺻﺢ ﻣﺘﻮﻧﺴﻪ ﻭﻳﺎﻫﻢ
ﺑﺲ ﺍﻟﺤﺮﺍﻡ ﻳﺎﻛﻞ ﻛﻠﺒﻲ ﺍﻛﻞ ﻭﺍﻟﺨﻮﻑ ﻣﻦ ﺍﻟﺸﺎﺭﻉ ﻭﺍﻧﻲ ﺑﻨﻴﻪ
ﻛﺎﺑﻮﺱ ﺳﻮﺍﻟﻲ ﻭﺍﻟﻠﻪ ﻓﻤﻀﻄﺮﻩ ﺍﺿﻞ ﻫﻴﺞ ﻭﺍﺣﻤﻞ ﻫﺎﻟﻤﺮ ﻋﺴﻰ
ﺍﻥ ﺭﺑﻲ ﻳﻌﺬﺭﻧﻲ ﻭﻳﺴﺎﻣﺤﻨﻲ ﻋﻠﻰ ﻫﺎﻟﻜﻌﺪﻩ ﻫﺎﻱ ،، ﻭﺑﻌﺪﻳﻦ
ﻛﻤﺖ ﻃﻠﻌﺖ ﻣﻦ ﺍﻟﺠﺰﺭﻩ ﻭﺍﺷﻮﻑ ﺣﺎﺭﺙ ﻭﺍﺣﻤﺪ ﻭﻣﺎﺟﺪ ﻭﺍﺑﺮﺍﻫﻴﻢ
ﻭﻣﺤﻤﺪ ﺍﻟﻲ ﺯﻋﻠﻨﻲ ﺑﺎﻟﺤﺠﻲ ﻛﻠﻬﻢ ﻭﺍﻛﻔﻴﻦ ﻳﺪﻭﺭﻭﻥ ﻋﻠﻴﻪ ﻣﻦ ﺷﺎﻓﻨﻲ
ﺍﺣﻤﺪ ﺭﺃﺳﺎً ﺻﻴﺢ ﻋﻠﻴﻪ .. ﻛﻠﻲ .. ﻟﻚ ﻋﻠﻴﻮﻭﻭﻭ ﺗﻌﺎﺍﺍﻝ ﻭﻳﻦ ﻭﻟﻴﺖ
ﺑﻬﺎﻟﻠﻴﻞ ﺻﺎﺭﻟﻨﻪ ﺳﺎﻋﻪ ﻭﺍﻛﻔﻴﻦ ﻧﺪﻭﺭ ﻋﻠﻴﻚ .. ﻛﺘﻠﻪ ... ﻭﺷﺒﻴﻪ ﺟﺎﻫﻞ
ﻭﺍﺿﻴﻊ ﻻﺗﺨﺎﻑ ﻫﻴﺎﺗﻨﻲ .. ﻓﺤﺎﺭﺙ ﺍﺟﻪ ﻟﺰﻣﻨﻲ ﻣﻦ ﺍﻳﺪﻱ ﻭﻛﻠﻲ
ﺍﺫﺍ ﺗﺴﻮﻳﻠﻚ ﻫﻴﺞ ﻃﻠﻌﻪ ﺑﻌﺪ ﺍﺩﻓﻨﻚ ﻓﻬﻤﺖ .. ﻛﺘﻠﻬﻢ .. ﺍﻳﻴﻴﻲ ﻓﻬﻤﺖ
ﺷﺨﺒﺼﺘﻮﻧﺎﺍﺍ ﻫﺴﻪ ﻋﺒﺎﻟﻚ ﺍﺩﻭﺭﻭﻟﻜﻢ ﻋﻠﻰ ﺟﺎﻫﻞ ﻣﻮ ﺑﻌﻴﻨﻜﻢ ﻳﻌﻨﻲ
ﺍﺟﻪ ﻋﻠﻴﻪ ﻣﺤﻤﺪ ﻭﺍﺗﻌﺬﺭ ﻣﻨﻲ ﻭﺭﺍﺩ ﻳﺤﻀﻨﻲ ﺍﻧﻲ ﺳﻮﻳﺖ ﻧﻔﺴﻲ
ﺍﻃﻚ ﻇﻬﺮﻱ ﻭﺗﺸﺎﻗﻴﺖ ﻭﻳﺎﻩ ﻭﺭﺟﻌﻨﻪ ﻟﻠﺒﻴﺖ ﻭﻛﻠﻬﻢ ﻫﻨﺎﻙ ﺗﻠﻜﻮﻧﻪ
ﺑﻬﻼﻫﻞ ﻭﺻﻠﻮﺍﺕ ﻋﺒﺎﻟﻚ ﺯﻓﻪ ﻭﺿﻠﻮ ﻳﺸﺎﻗﻮﻥ ﻭﻳﻀﺤﻜﻮﻧﻲ ﻭﻣﺤﻤﺪ
ﺭﺍﺡ ﺟﺎﺑﻠﻨﻪ ﺣﻠﻮﻳﺎﺕ ﻭﺑﻴﺒﺴﻲ ﻛﺎﻝ ﻫﺎﻱ ﻟﺨﺎﻃﺮ ﻋﻠﻴﻮ ﻋﺰﻣﺘﻜﻢ
- ﺍﻭﻭﻭﻑ ﻳﺎﻫﺒﻪ ﺍﻭﻭﻭﻑ ﻛﻤﻠﻲ ﻳﺎﺑﻪ ﻛﻤﻠﻲ
- ﻭﺿﻠﻴﺖ ﻋﻠﻰ ﻫﺎﻟﺤﺎﻝ ﻟﺤﺪ ﻣﺎﺑﻴﻮﻡ ﻣﻦ ﺍﻻﻳﺎﻡ ﻭﺍﻛﻔﻴﻦ ﻳﻢ ﺣﺎﺭﺙ
ﺍﻧﻲ ﻭﺍﺣﻤﺪ ﻭﺍﺑﺮﺍﻫﻴﻢ ﻭﻣﻨﻴﺮ ﻫﺬﺍ ﻣﻦ ﺍﻟﺨﻤﺴﻪ ﺍﻟﺒﻘﻴﻪ ﻳﺒﻴﻊ ﻛﺎﺭﺗﺎﺕ
ﻓﺎﺟﻪ ﻳﺘﺸﺎﻗﻪ ﻭﻳﺎﻱ ﻭﺍﻧﻲ ﻭﺍﻛﻔﻪ ﻳﻢ ﺍﻟﻘﻮﺭﻱ ﻭﻫﻮ ﻋﻠﻰ ﺍﻟﻔﺤﻢ ﺣﺎﻃﻲ
ﻫﻮ ﻋﺪﻧﺎ ﺍﺛﻨﻴﻦ ﻭﺍﺣﺪ ﻉ ﺍﻟﻐﺎﺯﻧﺨﺪﺭ ﺑﻲ ﻭﺍﺣﺪ ﻧﺨﻠﻲ ﺑﺲ ﻋﻠﻰ ﺍﻟﺤﺮﺍﺭﻩ ﻋﻠﻰ ﺍﻟﻔﺤﻢ ﻓﺤﺎﺭﺙ ﻭﺍﻛﻒ ﻳﺪﻳﺮ ﺑﺎﻟﻘﻮﺭﻱ ﻭﺍﻧﻲ ﻳﻤﻪ
ﻭﻫﺬﺍ ﻣﻨﻴﺮ ﻳﺘﺸﺎﻗﻪ ﻭﻳﻪ ﺍﺑﺮﺍﻫﻴﻢ ﻭﺍﺣﻤﺪ ﻓﺪﺍﺭﻭ ﺑﺸﻘﺎﻫﻢ ﻋﻠﻴﻪ ﻭﻫﻮ
ﻣﻨﻴﺮ ﻳﺪﺭﻱ ﺑﻴﻪ ﻣﺎﻧﺰﻉ ﺍﻟﻜﺒﻮﺱ ﺑﺲ ﻫﺎﻟﻤﺮﻩ ﻟﺢ ﻭﻳﺎﻱ ﺑﺎﻟﺸﻘﻪ
ﻭﺣﺎﺭﺙ ﻳﺴﻜﺘﻪ ﻭﻫﻮ ﻣﺎﻛﻮ ﻟﺢ ﻓﺪ ﻣﺮﻩ ﻟﺤﺪ ﻣﺎﺍﻧﻲ ﺩﺍﻫﻴﺞ ﺑﺎﻟﻔﺤﻢ
ﻭﻣﻨﻄﻴﺘﻪ ﻇﻬﺮﻱ ﻭﻫﻮ ﺍﺟﻪ ﺟﺮ ﺍﻟﻜﺒﻮﺱ ﻣﻦ ﺭﺍﺳﻲ ﻭﺑﺠﺮﺗﻪ
ﺟﺮ ﺷﻌﺮﻱ ﻭﻳﺎﻩ ﻓﺎﻧﻲ ﻣﻦ ﺟﻔﻠﺘﻲ ﺍﻧﺠﻮﻳﺖ ﺑﺎﻳﺪﻱ ﺑﺎﻟﻔﺤﻢ ﻭﻋﻄﺖ
ﻋﻴﻄﺘﻲ ﺻﺎﺭﺕ ﺑﻜﻞ ﺍﻧﻮﺛﻪ ﺍﻧﺪﺍﺭﻳﺖ ﻟﻜﻴﺘﻬﻢ ﺻﺎﻓﻨﻴﻦ ﻛﻠﻬﻢ ﻭﺷﻌﺮﻱ
ﻛﻠﻪ ﻣﻔﺘﻮﺡ ﻋﻠﻰ ﻃﻮﻟﻪ ﻭﺍﻧﻲ ﺩﻣﻌﺘﻲ ﻧﺎﺯﻟﻪ ﻋﻠﻰ ﺣﺮﻙ ﺍﻳﺪﻱ
ﺑﻘﻴﺖ ﺍﺑﺎﻭﻉ ﻋﻠﻴﻬﻢ ﻭﺩﻣﻮﻋﻲ ﺗﺼﺐ ﻭﻫﻤﻪ ﺑﺲ ﻓﺎﺗﺤﻴﻦ ﺣﻠﻮﻛﻬﻢ
ﺟﺎﻥ ﺣﺎﺭﺙ ﺭﺍﺡ ﻋﻠﻪ ﻣﻨﻴﺮ ﻭﺿﺮﺑﻪ ﺑﻮﻛﺲ ﻭﻛﻠﻪ ..
ﻳﺎﺯﻣﺎﺍﺍﻝ ﺟﻴﺐ ﻫﺎﻟﻜﺒﻮﺱ ﻭﺳﺪ ﻋﻴﻨﻚ .. ﺍﺟﻪ ﻋﻠﻴﻪ ﻭﺍﻧﻲ ﻣﺪﻧﻜﻪ
ﻭﻻﺯﻣﻪ ﺍﻳﺪﻱ ﺗﺤﺮﻛﻨﻲ ﻭﺍﺑﺠﻲ ﻭﻫﻮ ﺷﺎﻝ ﺷﻌﺮﻱ ﻭﺩﺧﻠﻪ ﺑﺎﻟﻜﺒﻮﺱ
ﻭﻟﺒﺴﻨﻲ ﺍﻳﺎﻩ ﻭﺍﺧﺬﻧﻲ ﻏﺴﻞ ﺍﻳﺪﻱ ﻭﺍﻧﻲ ﺍﺑﺠﻲ ﻭﺍﻋﻴﻂ ﻣﻦ ﺍﻟﺤﺮﻙ
ﻻﻥ ﺍﻟﻤﻲ ﻳﺰﻳﺪ ﺑﺎﻟﻮﺟﻊ ﻭﺑﻌﺪﻳﻦ ﺍﺟﻪ ﺍﺣﻤﺪ ﻃﻠﻊ ﻛﻠﻴﻨﺲ ﻭﺿﻞ
ﻳﻤﺴﺢ ﺩﻣﻮﻋﻲ ﻭﺍﻧﻲ ﻣﺎﺩﺭﻱ ﺍﺑﺠﻲ ﻣﻦ ﺍﻟﺤﺮﻙ ﻣﺪﺭﻱ ﻣﻦ ﺍﻟﺨﻮﻑ
ﻣﻨﻬﻢ ﻭﺍﻟﻔﺸﻠﻪ ﻛﺪﺍﻣﻬﻢ ﺑﺲ ﺑﻘﻴﺖ ﺍﺑﺠﻲ ﺑﻜﻞ ﺣﺮﻛﻪ ﻛﻠﺐ ﻭﻣﺎﺭﻓﻌﺖ
ﻋﻴﻨﻲ ﺑﻌﻴﻦ ﺍﺣﺪ ﻣﻨﻬﻢ ﻭﻫﻤﻪ ﺧﻨﺴﻮ ﺑﻌﺪ ﻣﺎﺣﺠﻮ ﻭﻻ ﺣﺮﻑ ﻟﺤﺪ
ﻣﺎﺍﺟﻪ ﺍﻟﺤﺠﻲ ﻭ .....
.
أنت تقرأ
في قعر السجون وجدتني (منقوله)
Short Storyمنقوله للكاتبه Adzzon zoka الناقله حكمت 𝙃𝙚𝙠𝙢𝙖𝙩_𝙈_𝙝🫀
