بارت٩
ﺭﺍﺟﻊ ﻟﻠﺒﻴﺖ ﻭﺩﺍﺣﺠﻲ ﺑﺎﻟﺘﻠﻔﻮﻥ ﻭﻣﺨﺒﻮﺹ ﺍﺗﻌﺎﺭﻙ
ﻭﺩﺧﻠﺖ ﻣﻔﻮﺭ ﺍﻋﺼﺎﺏ ﻟﻠﺒﻴﺖ ..
ﻋﻔﺘﻬﻢ ﻭﺩﺧﻠﺖ ﺍﻟﻐﺮﻓﻪ ﻧﺰﻋﺖ ﻣﻼﺑﺴﻲ ﺷﻤﺮﺗﻬﻦ ﺑﺎﻟﻜﺎﻉ
ﻭﺭﺣﺖ ﻟﻠﺤﻤﺎﻡ ﻓﺘﺤﺖ ﺍﻟﻤﻲ ﺍﻟﺤﺎﺭ ﻭﺩﺧﻠﺖ ﺟﻮﺍﻩ
ﺍﺳﺘﺮﺧﻰ ﺟﺴﻤﻲ ﻭﺍﺟﺘﻲ ﺑﺎﻟﻲ ﻫﺬﻳﺞ ﺍﻟﻨﻈﺮﻩ ﻭﺭﺟﻌﺖ
ﺍﻟﺮﺟﻔﻪ ﺳﺮﺕ ﻣﻦ ﺻﺪﺭﻱ ﻟﺒﻄﻨﻲ ﻭﻇﻬﺮﻱ ﻓﺘﺤﺖ ﺍﻟﻤﻲ
ﺍﻗﻮﻯ ﻭﺧﻠﻴﺘﻪ ﺣﺎﺭ ﺍﻛﺜﺮ ... ﻭﺿﻠﻴﺖ ﺻﺎﻓﻦ ﺑﺤﻴﺎﺗﻲ
ﺍﻧﻲ ﺷﻠﻮﻥ ﺩﺍﺍﻋﻴﺶ ﺑﻤﻜﺎﻥ ﺍﻋﺮﻑ ﺍﻧﻪ ﻛﻞ ﻳﻮﻡ ﺩﻳﺎﻛﻞ
ﺟﺰﺀ ﻣﻨﻲ !!! ؟؟؟؟؟
ﺳﺪﻳﺖ ﺍﻟﻤﻲ ﻭﻃﻠﻌﺖ ﺭﺣﺖ ﻛﻌﺪﺕ ﻳﻢ ﺍﻟﺠﻬﺎﻝ
ﺍﺟﺘﻲ ﺭﻧﺎ ﻳﻤﻲ ﺗﺘﻠﻤﺲ ﺑﺠﺘﻔﻲ ﻭﺭﻛﺒﺘﻲ ﺑﺎﻃﺮﺍﻑ
ﺍﺻﺎﺑﻌﻬﻪ .. ﻃﺒﻄﺒﺖ ﻋﻠﻰ ﺍﻳﺪﻫﻪ ﻭﺻﺤﺖ ﻋﻠﻰ
ﻣﺮﺗﻀﻰ ﻭﺷﻠﺘﻪ ﻟﺤﻀﻨﻲ ﻭﺿﻠﻴﺖ ﺍﻋﺾ ﺑﺨﺪﻭﺩﻩ
ﻭﺍﻛﻠﺐ ﺑﺎﻟﻘﻨﻮﺍﺕ ﻭﻛﻔﺘﻬﻪ ﻋﻠﻰ ﺍﻻﺧﺒﺎﺭ ﻭﺿﻠﻴﺖ
ﺍﻗﺮﺍ ﺑﺎﻟﺘﺎﻳﺘﻞ .. ﺭﻧﺎ ﺣﻀﺮﺕ ﺍﻟﻌﺸﻪ ﻭﻛﻌﺪﻧﺎ ﻧﺎﻛﻞ
ﻛﻌﺪﺕ ﺗﺤﺠﻴﻠﻲ ﻋﻦ ﺍﻟﺠﻬﺎﻝ ﻭﺷﻴﺨﺒﺜﻮﻥ ﻭﻳﺎﻫﻪ ﻭﺷﻠﻮﻥ
ﻣﺘﻌﺒﻴﻬﻪ ﻭﺑﻌﺪﻳﻦ ﻛﺎﻟﺖ ..
- ﺣﺒﻴﺒﻲ ﺍﺭﻳﺪ ﺍﺳﻮﻱ ﺷﻌﺮﻱ ﺷﻮﻑ ﺷﻠﻮﻥ ﺗﻌﺒﺎﻥ
- ﻟﻴﺶ ﺗﻌﺒﺎﻥ ﻣﺎﺗﻬﺘﻤﻴﻦ ﺑﻨﻔﺴﺞ
- ﻣﻨﻴﻠﻲ ﻭﻛﺖ ﻳﺎ ﺣﺼﺮﻩ ﺍﺭﻛﺾ ﻭﺭﻩ ﺍﻟﺠﻬﺎﻝ ﻭﺍﻟﺒﻴﺖ
ﻭﻳﻦ ﺍﻟﺤﻚ ﺍﺳﻮﻳﻠﻪ ﻋﻨﺎﻳﻪ ﻛﻠﺖ ﺍﺭﻭﺡ ﻟﻠﺼﺎﻟﻮﻥ ﻭﺍﻋﺪﻟﻪ
- ﺍﻱ ﺭﻭﺣﻲ
- ﺍﻭﻭﻱ ﺣﺒﻴﺒﻲ ﻓﺪﻭﺍ ﻟﻜﻠﺒﻚ ﻫﻮ ﺣﺘﻰ ﻣﻴﻜﻠﻒ ﻫﻮﺍﻱ
ﻭﺑﺴﺮﻋﻪ ﻣﻴﺎﺧﺬ ﻭﻛﺖ
- ﻳﻌﻨﻲ ﺷﻜﺪ
- ﻓﺪ ٢٥٠ ﺍﻟﻒ ﺍﺫﺍ ﻣﻮ ٣٠٠
- ﺍﻧﻲ ﻣﻜﺘﻠﺞ ﻓﻠﻮﺱ ﺍﻟﻮﻛﺖ ﺷﻜﺪ ﺍﻟﻮﻛﺖ
- ﻫﺎ ﻋﺒﺎﻟﻲ ﺍﻟﻮﻛﺖ ﻫﺎ ﻳﺎﺧﺬﻟﻪ ﻓﺪ ﺳﺎﻋﺘﻴﻦ
- ﺍﻳﻲ ﺳﻬﻠﻪ ﺧﻠﻴﻬﻪ ﻉ ﺍﻟﺸﻬﺮ ﺍﻟﺠﺎﻱ
- ﻻ ﻟﻴﺶ ﺍﻟﺸﻬﺮ ﺍﻟﺠﺎﻱ ﺧﻠﻲ ﺍﺭﻭﺡ ﺑﺎﺟﺮ ﻣﺎﻋﻨﺪﻱ ﺷﻲ
- ﻋﻨﺪﺝ ﻓﻠﻮﺱ
- ﻻ ﻣﺎﻋﻨﺪﻱ
- ﻭﺍﻧﻲ ﻫﻢ ﻣﺎﻋﻨﺪﻱ ﺍﻧﺘﻈﺮﻱ ﻟﻠﺮﺍﺗﺐ
- ﻳﻌﻨﻲ ﺷﻨﻮﻭ ﻫﺴﻪ ﻫﻲ ﻫﺎﻟﻤﺮﻩ ﻃﻠﺒﺖ ﻣﻨﻚ ﺷﻲ ﻟﻨﻔﺴﻲ
- ﺭﻧﺎﺍﺍﺍ ﺑﻼ ﺣﺠﻲ ﺯﺍﻳﺪ ﺍﻧﻲ ﻣﺎﻣﻨﻌﺘﺞ ﻛﺘﻠﺞ ﻣﺎﻋﻨﺪﻱ ﻓﻠﻮﺱ
- ﺍﻓﻔﻔﻔﻔﻔﻒ
- ﺭﻧﺎﺍﺍﺍﺍﺍ ﻻ ﺗﺨﻠﻴﻨﻲ ﺍﻃﻠﻊ ﻗﻬﺮﻱ ﺑﻴﺞ ﺧﻠﻴﻨﻲ ﻣﺤﺘﺮﻣﺞ
ﻛﻮﻣﻲ ﺟﻴﺒﻠﻲ ﺟﺎﻱ
ﻛﺎﻣﺖ ﻣﺜﻞ ﺍﻟﻮﺭﺩ ﻭﺟﺎﺑﺖ ﺍﻟﺠﺎﻱ ﻭﺿﻠﺖ ﺗﺼﻔﻦ ﻭﺗﻬﺰ
ﺑﺮﺟﻠﻴﻬﻪ ﺍﺩﺭﻱ ﺑﺎﻓﻜﺎﺭﻫﻪ .. ﻭﺣﺎﻓﻈﻬﻪ ﻋﺪﻝ
ﻭﺍﻧﻲ ﻛﻠﺖ ﻫﺎﻟﻤﺮﻩ ﺍﺭﻳﺪ ﺍﺣﻄﻠﻬﻪ ﺣﺪ ﻭﺍﻃﻠﻌﻬﻪ ﻋﻦ ﻃﻮﺭﻫﻪ
ﺩﺍﺍﺷﻮﻑ ﺷﻨﻮ ﺍﻟﺸﻲ ﺍﻟﻲ ﺿﺎﻣﺘﻪ ؟؟
ﺍﻧﻲ ﻣﺨﻠﻲ ﺣﺮﺱ ﺍﺛﻨﻴﻦ ﺑﺎﺏ ﺍﻟﺒﻴﺖ ﻣﻦ ﻳﻮﻡ ﺍﻟﺼﺮﺕ ﻣﺄﻣﻮﻥ ﺍﻟﺴﺠﻦ ﻭﻳﻮﺻﻠﻮﻟﻲ ﻛﻞ ﺷﻲ ﻳﺼﻴﺮ ﻣﺎﺳﻤﻌﺖ
ﻓﺪﻣﺮﻩ ﻃﻠﻌﺖ ﻣﻦ ﺩﻭﻥ ﻋﻠﻤﻲ ﺍﻭ ﺍﺟﺎﻧﻪ ﺍﺣﺪ ﻏﺮﻳﺐ
ﻓﻬﺬﺍ ﻳﺰﻳﺪ ﻣﻦ ﺗﻔﻜﻴﺮﻱ .. ﻋﻔﺘﻬﻢ ﻭﺭﺣﺖ ﻧﻤﺖ ..
ﺑﺎﻟﺪﻭﺍﻡ ﻭﺍﻟﻜﻞ ﻣﺨﺒﻮﺻﻪ ﻭﺍﻟﻴﻮﻡ ﺍﻧﻲ ﺫﻫﻨﻲ ﺷﺎﺭﺩ
ﺑﺲ ﻣﺎﺑﻲ ﺷﻲ ﻣﻬﻢ ﻣﺠﺮﺩ ﺗﻌﺐ ﻭﻛﺄﻥ ﻭﺍﺣﺪ ﺧﻠﺼﺖ
ﻃﺎﻗﺘﻪ .. ﺍﺣﺲ ﻣﺜﻞ ﻛﺄﻧﻲ ﻭﺍﻛﻒ ﺑﻨﺺ ﺍﻟﻄﺮﻳﻖ ﻭﺍﻟﻜﻞ
ﺗﻤﺸﻲ ﻣﻦ ﻳﻤﻲ ﻭﺍﻧﻲ ﻣﺎﺳﻤﻊ ﺷﻲ ﺑﺲ ﺻﻮﺭ ﻭﺗﺘﺤﺮﻙ
ﻋﻔﺖ ﻛﻠﺸﻲ ﻭﻃﻠﻌﺖ ﺭﺣﺖ ﺍﺧﺬﺕ ﺳﻴﺎﺭﻩ ﻭﺩﺯﻳﺖ
ﺍﻟﻮﻟﺪ ﺟﺎﺑﻮ ﻣﻼﺑﺴﻲ ﻣﻦ ﺍﻟﺒﻴﺖ .. ﻣﻼﺑﺲ ﻋﺎﺩﻳﻪ
ﻭﻧﻈﺎﺭﺍﺕ ﻭﻃﻠﻌﺖ ﺑﺎﻟﺴﻴﺎﺭﻩ ﻭﺣﺪﻱ ...
ﻃﻠﻌﺖ ﺑﺲ ﻋﻤﺎﺩ ﻻ ﺍﻟﻤﺤﻘﻖ ﻭﻻ ﻣﺄﻣﻮﻥ ﺍﻟﺴﺠﻦ ﺍﻟﻤﺆﻗﺖ
ﻭﻻ ﺍﺑﻮ ﺟﻬﺎﺩ ﻭﻻ ﺍﻱ ﺷﺨﺺ ﺛﺎﻧﻲ ...
ﺭﺣﺖ ﺍﻓﺘﺮﻳﺖ ﻛﻞ ﺑﻐﺪﺍﺩ ﺑﺎﻟﺴﻴﺎﺭﻩ ﻭﻃﺒﻜﺖ ﺑﺎﻟﻜﺮﺥ
ﻛﺪﺍﻡ ﻣﺪﺭﺳﻪ ﺍﺑﺘﺪﺍﺋﻴﻪ ... ﺻﻌﺪﺕ ﺍﻟﺠﺎﻣﺎﺕ ﻭﺷﻐﻠﺖ
ﺍﻏﻨﻴﻪ ..
ﺳﻌﺪﻭﻥ ﺟﺎﺑﺮ .. ﺑﻴﺎﻉ ﻣﻦ ﻳﺸﺘﺮﻱ
ﻭﺭﺟﻌﺖ ﺍﻟﻜﺮﺳﻲ ﻭﻣﺨﻠﻲ ﺍﻳﺪﻱ ﺑﺠﻴﻮﺑﻲ ﻭﺍﺳﺘﻤﻌﻠﻬﻪ
ﺭﺟﻌﺖ ﻻﻳﺎﻡ ﺯﻣﺎﻥ ﻭﺫﻳﺞ ﺍﻻﺣﻼﻡ ﻭﺍﻟﺼﺤﺒﻪ ﺍﻟﺰﻳﻨﻪ
ﺭﺟﻌﺖ ﻻﻳﺎﻡ ﺍﻟﻮﺍﻟﺪ ﺍﻟﻠﻪ ﻳﺮﺣﻤﻪ .. ﺷﻜﺪ ﺟﺎﻥ ﺣﺮﻳﺺ
ﺣﺘﻰ ﺍﺻﻴﺮ ﻣﺜﻠﻪ ﺭﺟﺎﻝ ﻓﺨﺮ ﻟﻠﻮﻃﻦ ﻭﻓﺨﺮﻟﻠﻌﺸﻴﺮﻩ
ﻭﺗﺎﻟﻴﻬﻪ ﺻﺮﺕ ﺳﺠﺎﻥ ﻭﻗﺎﺗﻞ ﻭﺷﺮﺍﺏ ﻋﺮﻙ ..
ﺟﺎﻥ ﺣﻠﻤﻲ ﺍﺻﻴﺮ ﺿﺎﺑﻂ ﻭﺍﺩﺧﻞ ﺍﻟﺤﺮﺏ ﻭﺍﺿﻞ ﻫﻨﺎﻙ
ﺍﺣﺎﺭﺏ ﻭﺍﻗﻮﺩ ﻧﺎﺱ ﺩﺍﻓﻌﻬﻪ ﺩﻣﻬﻪ ﻓﺪﺍ ﻟﻌﻴﻮﻥ ﻫﺎﻟﻮﻃﻦ
ﻧﺎﺱ ﺑﻴﻬﻪ ﺍﻟﺮﺟﻮﻟﻪ ﻭﺍﻟﻐﻴﺮﻩ ﺷﺮﻳﺎﻥ ﺍﺑﻬﺮ ﺛﺎﻧﻲ ﺑﻬﺎﻟﺠﺴﻢ
ﻣﺎﻳﻮﻛﻒ ﺍﻻ ﺑﺎﻟﻤﻮﺕ ..
ﻭﺍﻟﺘﺎﻟﻲ .. ﺍﻟﺘﺎﻟﻲ ﺻﺎﺭ ﺍﺳﺨﻒ ﻣﻦ ﻛﻞ ﺍﻟﻲ ﺗﺨﻴﻠﺘﻪ
ﺗﺎﻟﻴﺘﻲ ﺍﺫﺍ ﺭﺩﺕ ﺍﻋﻴﺶ ﻳﻮﻡ ﺑﺎﺳﻤﻲ ﻭﺣﺪﻱ ﻣﺜﻞ ﻣﺎ
ﻧﺨﻠﻘﺖ ﺍﺗﻨﻜﺮ ﻭﺍﻃﻠﻊ ﻭﺍﻟﻒ ﺣﺴﺎﺏ ﺍﺣﺴﺐ ﻟﻠﺨﻄﻮﻩ
ﻭﺍﻟﻜﻠﻤﻪ ...
ﻋﻠﻰ ﻧﻔﺲ ﻛﻌﺪﺗﻲ ﻭﺻﺎﺭﺕ ﺣﻠﺖ ﺍﻟﻤﺪﺭﺳﻪ ﻭﺻﺎﺭﺕ
ﺍﻟﻬﻮﺳﻪ ﻭﺍﻟﺨﺒﺼﻪ ﺑﻄﻠﻌﺘﻬﻢ .. ﺻﻔﻨﺖ ﻫﻴﺞ ﻋﻠﻴﻬﻢ
ﻭﻫﻤﻪ ﺟﻬﺎﻝ ﻭﻳﻄﺎﻓﺮﻭﻥ ﻣﻨﺎ ﻭﻣﻨﺎ ﻭﻧﺎﺳﻴﻦ ﺍﻟﺪﻧﻴﺎ
ﺑﻜﺒﺮﻫﺎ .. ﻋﺪﻟﺖ ﻛﻌﺪﺗﻲ ﻭﻗﺪﻣﺖ ﺍﻟﻜﺮﺳﻲ ﻭﺿﺤﻜﺖ
ﺑﺎﺳﺘﻬﺰﺍﺀ ﻋﻠﻰ ﺩﻧﻴﺘﻲ ﻫﺎﻱ ﻭﻛﻠﺖ ..
- ﻫﺬﻭﻟﻪ ﻋﺎﻳﺸﻴﻦ ﺑﺴﻌﺎﺩﻩ ﻻﻧﻬﻢ ﻣﻮ ﺍﻧﻲ .. ﺣﺒﻴﻬﻢ ﺑﻌﺪ
ﻳﺎﺩﻧﻴﺎ ﺣﺒﻴﻬﻢ ﺍﻧﻲ ﺑﺎﻳﻌﺞ ﻭﺑﺎﻳﻊ ﺍﻟﻲ ﺑﻴﺞ
ﺣﺮﻛﺖ ﺍﻟﺴﻴﺎﺭﻩ ﻭﻣﺸﻴﺖ ﻭﻛﻀﻴﺘﻬﻪ ﺍﺯﺩﺣﺎﻣﺎﺕ ﻭﺭﺟﻌﺖ
ﺗﺎﻟﻲ ﺍﻟﻠﻴﻞ ﻟﻠﺒﻴﺖ .. ﻃﺒﻴﺖ ﺳﺒﺤﺖ ﻭﻧﻤﺖ ﺣﺘﻰ ﺍﻟﺠﻬﺎﻝ
ﻣﺸﻔﺘﻬﻢ ..
ﻣﺸﺖ ﺍﻻﻳﺎﻡ ﻋﻠﻰ ﻫﺎﻟﺤﺎﻝ ﺑﻴﻦ ﻣﺼﺎﻳﺐ ﻫﺬﻧﻲ ﻭﺑﻴﻦ
ﺍﻟﺒﻴﺖ .. ﻭﺻﺎﺭ ﻭﻛﺖ ﺭﺟﻌﻪ ﺍﻵﻣﺮ ..
ﺭﺟﻊ ﺑﺪﺍﻳﻪ ﺍﻟﺸﻬﺮ ﺍﻟﺜﺎﻟﺚ ﻭﻋﺰﻣﻨﻪ ﻋﻠﻰ ﺍﻟﻌﺸﻪ ﺑﻴﺘﻪ
ﺭﺣﺖ ﻭﻳﻪ ﺟﻤﺎﻋﻪ ﻣﻦ ﺍﻟﻀﺒﺎﻁ ﺍﻟﻜﺒﺎﺭﻳﻪ ﻭﺗﻌﺸﻴﻨﻪ
ﻭﺗﺤﻤﺪﻧﺎﻟﻪ ﺑﺎﻟﺴﻼﻣﻪ ﻭﻃﻠﻌﻨﻪ .. ﺑﺎﻟﻄﺮﻳﻖ ﺍﻟﺠﻤﺎﻋﻪ
ﺭﺍﺩﻭ ﻧﻜﻤﻞ ﺍﻟﺴﻬﺮﻩ ﺑﺨﺘﺎﻣﻴﻪ ﻣﺮﺗﺒﻪ .. ﺗﺮﺧﺼﺖ ﻭ
ﺭﺟﻌﺖ ﻟﻠﺒﻴﺖ ﻭﻋﻔﺘﻬﻢ .. ﻻﻥ ﺍﻟﻨﻔﺴﻴﻪ ﺯﻓﺖ ﻫﺎﻟﻔﺘﺮﻩ
ﻣﺎﺗﺘﺤﻤﻞ ﺑﻌﺪ ﺯﺑﺎﻳﻞ ﻛﺎﻓﻲ ﺍﻟﻲ ﻋﻨﺪﻱ ...
ﻫﺎﻻﺳﺒﻮﻉ ﺭﺟﻌﺖ ﺿﺎﺑﻂ ﺍﻟﺘﺤﻘﻴﻖ ﻭﺭﺟﻌﺖ ﻟﻤﻜﺘﺒﻲ
ﻭﺧﻠﺼﺖ ﻣﻦ ﻫﺬﻳﺞ ﺍﻟﻤﺴﺆﻭﻟﻴﻪ .. ﺑﺲ ﺍﻟﺴﺎﻟﻔﻪ ﺍﻟﺘﺒﺎﻧﻪ
ﺍﻟﻄﻠﻌﺘﻠﻲ .. ﺍﻻٓﻣﺮ ﻛﻞ ﺷﻮﻳﻪ ﻭﺩﺍﺯ ﻋﻠﻴﻪ ﻫﺬﺍ ﺷﻠﻮﻥ
ﻭﻫﺬﺍ ﻭﻳﻦ ﻭﻟﻴﺶ ﻫﻴﺞ ﻭﻳﻦ ﺫﺍﻙ .. ﻟﻮ ﺑﺎﻗﻲ ﺑﺪﺍﻟﻪ
ﺍﺷﺮﻓﻠﻲ ﻣﻦ ﺳﻄﺮﺕ ﺍﻟﺮﺍﺱ ﻫﺎﻱ ..
ﺭﺟﻌﺖ ﺍﺭﺍﺟﻊ ﻣﻠﻔﺎﺕ ﺍﻟﻘﻀﺎﻳﺎ ﻭﺷﺼﺎﺭ ﺑﻴﻬﻦ ﻭﺿﻠﻴﺖ
ﺍﺩﻗﻖ ﺑﺎﻟﺸﻐﻞ ﻭﻟﻔﺖ ﺍﻧﺘﺒﺎﻫﻲ ﻣﻠﻒ ﻗﻀﻴﻪ ﻫﺒﻪ ..قصص عراقيه حقيقيه من واقعنا.روعه الطائي
ﺷﻔﺖ ﺗﻔﺎﺻﻴﻠﻬﺎ .. ﻭﻣﻜﺘﻮﺏ ﻣﺪﻩ ﺍﻟﺤﻜﻢ ﺻﺎﺭﺕ ﺳﻨﻪ
ﻫﺬﺍ ﻳﻌﻨﻲ ﺛﺒﺘﺖ ﺑﺮﺍﺋﺘﻬﻪ ﻣﻦ ﻫﺬﻳﺞ ﺍﻟﺘﻬﻤﻪ ...
ﺑﺲ ﺷﺼﺎﺭ ﻭﺷﻠﻮﻥ ؟؟
ﺍﺭﻭﺣﻠﻬﻪ ﻟﻮ ﺍﺧﺎﺑﺮ ﺍﻟﻤﺤﺎﻣﻲ !!! ﺿﻠﻴﺖ ﻻﺯﻡ ﺍﻟﺘﻠﻔﻮﻥ
ﻭﺍﻓﺮ ﺑﻲ ﻭﺍﺧﺮﺷﻲ ﺿﺠﺖ ..
- ﺑﻠﻪ ﻫﺴﻪ ﺍﻧﻲ ﻣﺨﺒﻞ ﻋﺎﻗﻞ ﻛﺎﻋﺪ ﺍﺩﻭﺭ ﺑﺮﻩ ﻫﺎﻟﻤﺴﺠﻮﻧﻪ
ﻭﻳﻄﺒﻬﻪ ﻣﺮﺽ ﻫﺴﻪ ﺍﻥ ﺑﻘﺖ ﺳﻨﻪ ﻟﻮ ﺧﻤﺴﻴﻦ ﺍﻧﻲ
ﻳﺎﻫﻮ ﻣﺎﻟﺘﻲ
ﻭﺷﻤﺮﺕ ﺍﻟﺘﻠﻔﻮﻥ ﻭﻛﻤﺖ ﻃﻠﻌﺖ ﺍﺧﺬﺗﻠﻲ ﻓﺮﻩ ﻭﺭﺟﻌﺖ
ﻭﺍﻭﻝ ﻣﺎ ﺩﺧﻠﺖ ﺍﻟﻤﻜﺘﺐ ﻟﻜﻴﺖ ﻧﻔﺴﻲ ﻣﺘﺼﻞ ﺑﺎﻟﻤﺤﺎﻣﻲ
- ﻫﺎ ﻳﺎﺑﻪ ﺍﻟﺴﻼﻡ ﻋﻠﻴﻜﻢ
- ﻭﻋﻠﻴﻜﻢ ﺍﻟﺴﻼﻡ ﺍﻫﻼ ﻭﺳﻬﻼ ﺣﻀﺮﻩ ﺍﻟﻀﺎﺑﻂ ﺷﻠﻮﻥ
ﺍﻟﺼﺤﻪ
- ﺑﺨﻴﺮ ،، ﻛﻮﻟﻲ ﺷﺼﺎﺭ ﻋﻠﻰ ﺳﺎﻟﻔﺘﻨﻪ
- ﻳﻌﻨﻲ ﻣﺸﺖ ﺍﻻﻣﻮﺭ ﺑﺨﻴﺮ ﻭﻛﺪﺭﻧﺎ ﻧﺨﻠﻲ ﺍﻟﺤﻜﻢ ﺳﻨﻪ
- ﺍﻱ ﺑﻠﻪ ﺍﺣﺠﻴﻠﻲ ﺷﺼﺎﺭ ﺑﺎﻟﻤﺤﻜﻤﻪ ﺑﻮﻛﺘﻬﺎ
- ﻋﻤﻬﻪ ﺍﻟﺜﺎﻧﻲ ﺍﺩﺧﻞ ﻭﻫﻮ ﺷﺎﻝ ﺍﻟﺴﺎﻟﻔﻪ ﻭﺷﺎﻝ ﺍﻟﺘﻬﻤﻪ
ﻣﻦ ﺍﻟﺒﻨﻴﻪ ﻭﻧﻔﺎﻫﺎ ﻭﺭﺍﻳﺢ ﺣﺎﺟﻲ ﻭﻳﻪ ﺍﻫﻞ ﺍﻟﻮﻟﺪ ﻭﻣﻬﺪﺩﻫﻢ
ﺍﺫﺍ ﻣﺎ ﻳﺴﺪﻭﻥ ﻉ ﺍﻟﺴﺎﻟﻔﻪ ﻳﺎﺫﻳﻬﻢ ﻭﺻﺎﻳﺮ ﺑﻴﻨﻬﻢ ﻣﺸﺎﺩﺍﺕ
ﺑﺎﻟﻜﻼﻡ ﻭﺍﻟﻈﺎﻫﺮ ﻋﻤﻬﺎ ﻫﺬﺍ ﻇﻬﺮﻩ ﻗﻮﻱ ﻭﻣﺴﻜﺘﻬﻢ
ﻓﺼﺎﺭ ﺍﻟﺤﻜﻢ ﺑﺲ ﻋﻠﻰ ﺍﻟﺴﻼﺡ ﻭ٣ ﺷﻬﻮﺭ ﻟﻤﻮﺕ ﺍﻟﻮﻟﺪ
- ﻫﺎﺍﺍﺍ ﺯﻳﻦ ﺯﻳﻦ ،، ﻫﻢ ﺳﻤﻌﺖ ﺷﻲ ﻋﻠﻰ ﺍﺧﻮﻫﺎ
- ﺍﻱ ﻋﺎﻳﺶ ﻭﻳﻪ ﺟﺪﻩ ﻭﺻﺤﺘﻪ ﺩﺗﺘﺤﺴﻦ
- ﺯﻳﻦ ﻣﺸﻜﻮﺭ ،، ﺍﻭﺩﻋﻨﺎﻙ
ﺳﺪﻳﺖ ﺍﻟﺨﻂ ﻣﻨﻪ .. ﻭﺿﺤﻜﺖ ﻋﻠﻰ ﻧﻔﺴﻲ ﺑﻠﻪ ﻫﺴﻪ
ﺍﻧﻲ ﺷﻌﻠﻴﻪ ﻭﺍﻟﻠﻪ ﺣﺘﺨﺒﻞ ..
أنت تقرأ
في قعر السجون وجدتني (منقوله)
Short Storyمنقوله للكاتبه Adzzon zoka الناقله حكمت 𝙃𝙚𝙠𝙢𝙖𝙩_𝙈_𝙝🫀
