بارت٢١
ﻓﻲ ﻗﻌﺮ ﺍﻟﺴﺠﻮﻥ ﻭﺟﺪﺗُﻨﻲ
.
.
ﻃﻮﻟﺖ ﻧﻮﻣﺘﻨﻪ ﻭﻣﻦ ﻛﻌﺪﺕ ﻓﺘﺤﺖ ﻋﻴﻨﻲ ﻟﻜﻴﺘﻬﻪ ﺗﺒﺎﻭﻋﻠﻲ ﻭﺻﺎﻓﻨﻪ
ﺣﺘﻰ ﻣﺎﺣﺴﺖ ﺍﻧﻲ ﻛﻌﺪﺕ ﺍﻻ ﺗﺤﺮﻛﺖ ﻭﻋﻜﺴﺖ ﺍﻳﺪﻱ ﻭﺳﻨﺪﺕ ﺭﺍﺳﻲ ﻭﺍﺑﺎﻭﻋﻠﻬﻪ ﻳﻼ ﺻﺤﺖ ﻣﻦ ﺻﻔﻨﺘﻬﻪ ..
- ﻫﺎﺍ ﻟﺞ ﺑﺰﻭﻧﻪ ﻭﻳﻦ ﺻﺎﻓﻨﻪ
- ﻫﻬﻬﻬﻬﻪ ﻣﺎ ﺻﺎﻓﻨﻪ ﺑﺲ ﻫﻴﺞ
- ﻋﻠﻴﻨﻪ ﻣﻮ ﺷﻔﺘﺞ ﺷﻠﻮﻥ ﻋﻴﻨﺞ ﻋﻠﻴﻪ ﻭﺩﻣﺎﻏﺞ ﻣﺪﺭﻱ ﻭﻳﻦ
ﺍﺣﺠﻴﻠﻲ ﺷﻜﻮ
- ﻫﻴﺞ ﻋﺎﺩﻱ ﻣﻴﺼﻴﺮ ﺍﺑﺎﻭﻋﻠﻚ ﻳﻌﻨﻲ ،، ﻛﻮﻟﻲ ﺷﺒﻌﺖ ﻧﻮﻡ
- ﺍﻳﻴﻴﻴﻴﻴﻲ ﺷﺒﻌﺎﻥ ﻧﻮﻡ ﻭﺍﻛﻞ ﻭﺭﺍﺣﻪ ﻛﻠﻪ ﻓﻮﻝ ﺍﻟﻴﻮﻡ
- ﻫﻬﻬﻬﻬﻪ ﻋﺴﺎﻫﺎ ﺩﺍﺋﻤﺎً
ﺭﻓﻌﺖ ﺭﺍﺳﻲ ﺷﻮﻳﻪ ﻋﺪﻟﺖ ﺷﻌﺮﻱ ﻭﺭﺟﻌﺘﻪ ﻻﻳﺪﻱ ﻭﻫﻲ ﺑﻌﺪﻫﻪ
ﺗﺒﺎﻭﻋﻠﻲ ﻭﺗﺒﺘﺴﻢ ،، ﺑﺎﺩﻟﺘﻬﻪ ﺍﻻﺑﺘﺴﺎﻣﻪ ﻭﺿﻠﻴﺖ ﺻﺎﻓﻦ ﺑﻮﺟﻬﻪ
ﺷﻜﺪ ﺍﺗﻤﻨﻰ ﻟﻮ ﺍﺷﻮﻑ ﺷﻌﺮﻫﻪ ﻟﻮ ﺣﺘﻰ ﺑﺲ ﺍﻋﺮﻑ ﺷﻠﻮﻥ ﻟﻮﻧﻪ
ﻭﺍﺧﻠﻲ ﺍﺻﺎﺑﻌﻲ ﺗﺘﻤﺸﻰ ﻋﻠﻰ ﻃﻮﻟﻪ ،،، ﺑﻄﻮﻝ ﻫﺎﻱ ﺍﻟﺼﻔﻨﻪ
ﻭﺍﻟﺴﻜﻮﺕ ﺩﻧﻜﺖ ﻭﻃﺒﻌﺖ ﺑﻮﺳﻪ ﺧﻔﻴﻔﻪ ﻋﻠﻰ ﺭﺍﺳﻬﻪ ﻭﻫﻲ
ﺟﻔﻠﺖ ﺑﺲ ﺑﻬﺪﻭﺀ ﻭﻋﻠﻰ ﺍﺛﺮ ﺟﻔﻠﺘﻬﻪ ﺟﻠﺒﺖ ﺑﻔﺎﻧﻴﻠﺘﻲ
ﺿﻠﻴﺖ ﻣﺨﻠﻲ ﺷﻔﺘﻲ ﻋﻠﻰ ﻛﺼﺘﻬﻪ ﻭﻣﺎﻭﺧﺮﺕ ﻭﺍﺣﺲ ﺑﻴﻬﻪ
ﻧﻔﺴﻬﺎ ﺻﺎﺭ ﺍﺳﺮﻉ ﺍﺑﺘﻌﺪﺕ ﻋﻨﻬﺎ ﺑﻬﺪﻭﺀ ﻭﻫﻲ ﻭﺧﺮﺕ ﻋﻴﻨﻬﺎ
ﻣﻨﻲ ﻭﻛﺎﻣﺖ ﻣﻦ ﺍﻟﻔﺮﺍﺵ ﺑﺪﻭﻥ ﻣﺎ ﺗﻠﺘﻔﺘﻠﻲ ،، ﺭﺍﺣﺖ ﻟﻠﺤﻤﺎﻡ
ﻭﻋﻴﻨﻲ ﺗﺮﺍﻗﺒﻬﻪ ،، ﺿﺤﻜﺖ ﻭﺭﺟﻌﺖ ﺭﺍﺳﻲ ﻟﻮﺭﻩ ،، ﺍﻧﻲ
ﺭﺩﺕ ﺍﻋﺒﺮﻟﻬﻪ ﻋﻦ ﺷﻜﺮﻱ ﻭﻓﺨﺮﻱ ﺑﻌﻘﻠﻴﺘﻬﺎ ﻭﺍﺩﺑﻬﺎ ﻭﻫﻲ
ﺳﻮﺗﻬﻪ ﺩﺭﺍﻣﺎ ،،، ﺑﺲ ﺍﻧﻲ ﻣﺎ ﺑﺎﻟﻲ ﺷﻲ ﻣﻮ ﺯﻳﻦ ﻭﻳﺎﻫﻪ
ﻛﻤﺖ ﻟﺒﺴﺖ ﻣﻼﺑﺴﻲ ﻭﺻﺤﺘﻬﻪ ..
- ﻫﺒﺒﺒﻪ ﺷﻨﻮ ﻣﻨﺎﻭﻳﻪ ﺗﻄﻠﻌﻴﻦ ﻣﻦ ﺍﻟﺤﻤﺎﻡ
- ﺍﻱ ﻳﻼ ﺭﺍﺡ ﺍﻃﻠﻊ
ﻃﻠﻌﺖ ﻭﺍﺟﺘﻲ ﻣﺸﺖ ﻣﻦ ﻳﻤﻲ ﻭﻣﺪﻧﻜﻪ ﺗﺘﺤﺎﺷﺎﻧﻲ ﻟﺰﻣﺘﻬﻪ ﻣﻦ ﺍﻳﺪﻫﻪ
ﻭﺟﺮﻳﺘﻬﻪ ﻛﺪﺍﻣﻲ ﺭﻓﻌﺖ ﻋﻴﻨﻬﻪ ﺑﻌﻴﻨﻲ ﻛﻠﺘﻠﻬﻪ ..
- ﻫﺒﺒﺒﻪ ﻟﺞ ﻫﺒﺒﺒﺒﻪ ﺷﻠﻮﻥ ﺑﻴﺞ ﺷﻜﻮ ﺗﺴﻮﻳﻦ ﻫﻴﺞ ﺍﻧﻲ ﻣﻮ ﻛﺘﻠﺞ
ﻣﻦ ﺍﻟﻠﻴﻞ ﺍﻧﻲ ﺍﺭﻳﺪ ﺍﺑﻮﺱ ﺭﺍﺳﺞ ﻋﻠﻰ ﻫﺎﻟﻌﻘﻞ ﻣﻮ ﻟﻮ ﻻ
- ﺍﻱ ﻛﻠﺖ
- ﺍﻱ ﺑﻌﺪ ﺷﻜﻮ ﻫﺬﺍ ﻛﻠﻪ ﺷﺒﻴﺞ ﺍﻧﺘﻲ ﻣﻦ ﺷﻨﻮ ﺗﺨﺎﻓﻴﻦ ﻫﺎﺍ ﻛﻠﻴﻠﻲ
ﺑﺼﺮﺍﺣﻪ ﺍﺣﺠﻲ ﻻ ﺗﻀﻤﻴﻦ ﺷﻲ
- ﺍﻧﻲ ﺑﺲ ﺍﺳﺘﺤﻴﺖ ﻭﺗﻔﺎﺟﺄﺕ ﻳﻌﻨﻲ ﻣﺎﻛﻮ ﺷﻲ ﺍﻧﻲ ﻣﺎﺍﺧﺎﻑ ﻣﻨﻚ
- ﻫﻬﻬﻬﻬﻪ ﻭﺍﻟﺜﻮﻝ ﻋﺒﺎﻟﻲ ﺷﻮ ﺷﻜﻮ ،، ﺩﺭﻭﺣﻲ ﻟﺒﺴﻲ ﺑﻴﻦ ﻣﺎﺍﻏﺴﻞ
ﻋﻔﺘﻬﻪ ﻭﺭﺣﺖ ﻟﻠﺤﻤﺎﻡ ،،، ﻃﻠﻌﺖ ﻟﻜﻴﺘﻬﻪ ﻻﺑﺴﻪ ﻭﻣﻜﻤﻠﻪ ﺣﺘﻰ
ﻋﺒﺎﻳﺘﻬﻪ ﻫﻢ ﻻﺑﺴﺘﻬﻪ ﻭﻛﺎﻋﺪﻩ ﺗﻨﺘﻈﺮﻧﻲ ﻭﺗﻜﻠﺐ ﺑﺘﻠﻔﻮﻧﻬﺎ
- ﻫﺎﺍ ﺟﺎﻫﺰﻩ
- ﺍﻱ ﺟﺎﻫﺰﻩ
- ﻳﻼ ﻧﻄﻠﻊ
ﻃﻠﻌﻨﻪ ﻭﺍﻣﺮﻳﻨﻪ ﻣﻦ ﻳﻢ ﻣﺤﻼﺕ ﻛﻠﺘﻠﻬﻪ ..
- ﻫﺒﻪ ﺩﺗﺸﻮﻓﻴﻦ ﻫﺎﻱ ﺍﻟﻤﺤﻼﺕ ﺷﻴﺨﻄﺮ ﺑﺎﻟﺞ ﻣﻨﻬﻦ ﺍﻃﻠﺒﻲ
- ﻻﺍ ﺗﺴﻠﻢ
- ﺑﺎﻋﻴﻠﻲ ﺍﻧﻲ ﺍﺭﻳﺪ ﺍﻛﺎﻓﺌﺞ ﻻﻥ ﺍﻧﻄﻴﺘﻴﻨﻲ ﺷﻲ ﻣﺎﻳﺘﺜﻤﻦ ﻓﺎﻃﻠﺒﻲ
ﺍﻱ ﺷﻲ ،، ﺍﻛﻞ ﺫﻫﺐ ﻓﻀﻪ ﻣﻼﺑﺲ ﺍﻱ ﺷﻲ ﺗﻮﻛﻊ ﻋﻠﻴﻪ ﻋﻴﻨﺞ
ﻫﻬﻬﻬﻬﻪ ﻣﺎﺷﻲ
ﻛﻤﻨﺎ ﻧﻤﺸﻲ ﺑﻄﻲﺀ ﻭﻫﻲ ﺗﺒﺎﻭﻉ ﻟﻠﻤﺤﻼﺕ ﻭﺑﻌﺪﻳﻦ ﻛﺎﻟﺖ ..
- ﺍﺭﻳﺪ ﺗﻤﺮ
- ﺗﻤﺮ !! ﻫﺒﻪ ﻛﺘﻠﺞ ﺍﺧﺬﻱ ﺍﻱ ﺷﻲ ﺗﻄﻠﺒﻴﻦ ﺗﻤﺮ !!!
- ﺍﻱ ﺍﻧﻲ ﺍﺣﺒﻪ ﻭﻣﺎﻋﻨﺪﻩ ﺑﺎﻟﺸﻘﻪ ﺗﻤﺮ ﺍﺭﻳﺪ ﻫﺬﻳﺞ ﺍﻟﻌﻠﺒﻪ
- ﻫﻬﻬﻬﻬﻪ ﻭﺍﻟﻠﻪ ﺗﺨﺒﻠﻴﻦ ﺍﻟﻤﺎ ﻳﺘﺨﺒﻞ ﻟﺞ ﺑﺎﺑﻪ ﻫﺎﻱ ﻓﺮﺻﺘﺞ ﺍﺧﺬﻳﻠﺞ
ﺷﻲ ﻳﺴﻮﻩ
- ﻫﺴﻪ ﺍﺷﺘﺮﻳﻠﻲ ﺗﻤﺮ ﻭﺑﻌﺪﻳﻦ ﻧﺸﻮﻑ ﻫﻢ ﺷﻐﻼﺕ
ﺭﺣﺖ ﻻﺑﻮ ﺍﻟﻤﺤﻞ ﻭﺍﺧﺬﺗﻠﻬﻪ ﻋﻠﺒﺘﻴﻦ ﺗﻤﺮ ،، ﻭﻛﻤﻠﻨﻪ ﻣﺸﻲ
ﻭﻛﻔﺘﻬﻪ ﻳﻢ ﺻﺎﻳﻎ ﻭﻛﻠﺘﻠﻬﻪ ..
- ﺷﻮﻓﻲ ﺷﻴﻌﺠﺒﺞ ﻣﻨﺎ ﺣﺘﻰ ﺍﺷﺘﺮﻳﻠﺞ
- ﻻ ﻻ ﻣﺎﺭﻳﺪ ﺫﻫﺐ
- ﻫﺒﻪ ﻫﺪﻳﻪ ﻣﻨﻲ ﺍﻟﺞ ﻣﻮ ﺍﺗﻔﻘﻨﻪ ﺍﺣﻨﻪ ﺑﻌﺪ ﺷﻜﻮ
- ﻻ ﻭﺍﻟﻠﻪ ﻣﺎﻋﺎﺭﺽ ﻋﻠﻰ ﺍﻟﻬﺪﻳﻪ ﺑﺲ ﻋﻮﻑ ﺍﻟﺬﻫﺐ ﻣﺎﺣﺒﻪ ﻭﺍﻟﻠﻪ
ﺧﻠﻲ ﻧﺮﻭﺡ ﻟﻐﻴﺮ ﺷﻲ ﺣﺒﺎﺏ
- ﻫﺒﻪ ﻣﺘﺄﻛﺪﻩ !!
- ﺍﻱ ﺍﻱ ﻭﺍﻟﻠﻪ ﻣﺘﺄﻛﺪﻩ
- ﺧﺒﻠﻪ ﺍﻧﺘﻲ ﺍﻛﻮ ﻭﺣﺪﻩ ﺗﻌﻮﻑ ﺍﻟﺬﻫﺐ ﻭﺗﺮﻭﺡ ﻣﺪﺭﻱ ﺷﺪﻭﺭ
- ﻣﺎﺣﺒﻪ ﻭﻣﺎﺍﺭﻳﺪﻩ ﻭﻣﺎ ﺭﺍﺡ ﺍﻟﺒﺴﻪ ﺷﺴﻮﻱ ﻣﺸﺘﺮﻳﺘﻪ
- ﻋﺠﻴﻴﻴﻴﺐ
- ﺻﺪﻳﻘﻲ ﺷﻮﻭﻭﻑ ﻫﺎﻱ ﺍﻟﺸﻐﻼﺕ ﺷﻜﺪ ﺣﻠﻮﻭﻭﻭﻩ ﺧﻠﻲ ﻧﺮﻭﻭﻭﺡ
- ﺍﻣﺸﻲ ﻳﻼ
ﺟﺎﻥ ﺍﺑﻮ ﻛﺸﻚ ﻭﻋﺎﺭﺽ ﺷﻐﻼﺕ ﻓﻀﻪ ﻛﻼﻳﺪ ﻋﻠﻰ ﻣﺪﺍﻟﻴﺎﺕ
ﻭﺍﺳﺎﻭﺭ ﻭﻣﺠﻤﻮﻋﻪ ﺣﻠﻘﺎﺕ ،، ﻭﻛﻔﻨﻪ ﻳﻤﻪ ﻭﻫﻲ ﺿﻠﺖ ﺗﺒﺎﻭﻋﻠﻬﻦ
ﻭﺟﺎﻥ ﺍﺷﺮﺕ ﻋﻠﻰ ﻣﺪﺍﻟﻴﻪ ﺻﺎﻳﺮﻩ ﺗﻨﻘﺴﻢ ﺍﺛﻨﻴﻦ .. ﺭﻓﻌﺖ ﺭﺍﺳﻬﻪ
ﺗﺮﻳﺪ ﺗﺤﺎﺟﻴﻨﻲ ﺩﻧﻜﺘﻠﻬﻪ ﻭﻛﺎﻟﺘﻠﻲ ..
- ﻫﺬﻧﻲ ﺍﺣﻠﻰ ﻣﻦ ﺍﻟﺬﻫﺐ ﺍﺭﻳﺪﻫﻪ
- ﺍﺩﻟﻠﻲ ﻧﺎﺧﺬﻫﻪ ﻭﺑﻌﺪ
- ﻻ ﻛﺎﻓﻲ ﺑﺲ ﻫﺎﻱ
ﺟﺮﻳﺘﻬﻪ ﺍﻟﻬﻪ ﻣﻦ ﺍﻟﺘﻌﻼﻛﻪ ﻭﻟﻤﺤﺖ ﻛﻼﺩﻩ ﻧﺎﻋﻤﻪ ﻭﺑﻴﻬﻪ ﻣﺜﻞ ﺣﺠﺮ
ﻭﺭﺩﻱ ﻳﻠﻤﻊ ﺑﻨﺺ ﺷﻲ ﻣﺸﺒﻚ ،، ﺍﺧﺬﺗﻪ ﻫﻢ ﻭﺩﻓﻌﺖ ﺍﻟﻔﻠﻮﺱ
ﻭﻣﺸﻴﻨﻪ ،، ﻛﻠﺘﻠﻬﻪ ..
- ﺗﻌﺎﻱ ﻧﺎﺧﺬ ﺩﻫﻴﻦ ﺻﺎﺭ ﻫﻮﺍﻱ ﻣﻤﺎﻛﻠﻬﻪ
ﻭﻛﻔﺖ ﻳﻢ ﺍﻟﻤﺤﻞ ﻭﺍﺧﺬﺕ ﻋﻠﺒﻪ ﺩﻫﻴﻨﻪ ﻭﺣﻼﻭﻩ ﺍﻟﺸﻜﺮﻳﻪ ﻭﻛﻤﻠﻨﻪ
ﻣﺸﻲ ﻟﻠﻜﺮﺍﺝ ،، ﻭﻛﻔﺘﻬﻪ ﻳﻢ ﺑﺎﺏ ﺍﻟﻜﺮﺍﺝ ..
- ﻫﺒﻪ ﺍﻧﺘﻈﺮﻱ ﻫﻨﺎ ﺑﻴﻦ ﻣﺎﺍﺟﻴﺐ ﺍﻟﺴﻴﺎﺭﻩ ﻭﺍﻧﺘﺒﻬﻲ ﻣﻦ ﺍﻟﻨﺎﺱ ﻣﺎﺷﻲ
- ﻣﺎﺷﻲ ﺍﻧﺘﻈﺮﻙ
ﺭﺣﺖ ﻣﺴﺘﻌﺠﻞ ﻭﺍﻟﺴﻴﺎﺭﻩ ﻣﺨﻠﻴﻬﻪ ﺑﺎﻻﺧﻴﺮ ﻃﻮﻟﺖ ﺷﻮﻳﻪ ﻳﻼ ﻛﺪﺭﺕ
ﺍﻃﻠﻌﻬﻪ ﻭﺑﻴﻦ ﻣﺎﻭﺻﻠﺘﻠﻬﻪ ﻟﻜﻴﺘﻬﻪ ﻭﺍﻛﻔﻪ ﻭﻣﺪﻧﻜﻪ ﺭﺍﺳﻬﻪ
ﺑﺎﻭﻋﺖ ﻣﻨﺎ ﻭﻣﻨﺎ ﻭﺷﻔﺖ ﺍﻟﺰﺑﺎﻳﻞ ﻋﻴﻨﻬﻢ ﺗﻔﺼﻠﻬﻪ ﻣﻦ ﻓﻮﻙ ﻟﺠﻮﻩ
ﻧﺰﻟﺖ ﻭﺳﺪﻳﺖ ﺍﻟﺒﺎﺏ ﺣﻴﻞ ﻫﻲ ﺭﻓﻌﺖ ﺭﺍﺳﻬﻪ ﻭﺑﺎﻭﻋﺘﻠﻲ ﻭﺍﺑﺘﺴﻤﺖ
ﻛﻠﺘﻠﻬﻪ ﺑﺼﻮﺕ ﻗﻮﻱ ..
- ﺗﻌﺎﻱ ﺻﻌﺪﻱ ﺑﺴﺮﻋﻪ ،، ﺧﻠﻲ ﺍﺷﻮﻑ ﺣﺴﺎﺑﻲ ﻭﻳﻪ ﺍﻟﺠﻤﺎﻋﻪ
ﻃﻜﻴﺖ ﺍﺻﺎﺑﻌﻲ ﻭﺗﻮﺟﻬﺘﻠﻬﻢ ﻭﻫﻤﻪ ﻉ ﺍﺳﺎﺱ ﻛﻠﺸﻲ ﻣﻤﺴﻮﻳﻦ
ﻣﺮﺗﺎﺟﻴﻦ ﻭﺑﻴﺪﻫﻢ ﺍﺳﺘﻜﺎﻥ ﺍﻟﺠﺎﻱ ،، ﻭﻛﻔﺖ ﻛﺪﺍﻡ ﺍﻟﺠﺎﻥ ﺣﺎﻁ ﻋﻴﻨﻪ
ﻋﻠﻴﻬﻪ ﻭﺣﻄﻴﺖ ﺍﻳﺪﻱ ﻋﻠﻰ ﺟﺘﻔﻪ
ﺍﻟﺴﻼﻡ ﻋﻠﻴﻜﻢ ﺧﻮﺍﻥ
- ﻭﻋﻠﻴﻴﻴﻴﻜﻢ ﺍﻟﺴﻼﺍﺍﻡ ﻭﺍﻟﺮﺣﻤﻪ
- ﺍﻛﻮﻝ ﻳﺎﺑﻪ ﻣﻦ ﻭﻟﺪﻛﻢ ﺣﺎﻁ ﻋﻴﻨﻪ ﻋﻠﻰ ﺣﺮﻣﺘﻲ ﺻﺎﺭﻟﻪ ﺳﺎﻋﻪ
ﻭﺍﻧﻲ ﻓﺎﻳﺖ ﺍﺟﻴﺐ ﺳﻴﺎﺭﺗﻲ ﻫﺎﻱ ﺷﺘﺴﻤﻮﻫﻪ ﻋﺪﻛﻢ ،، ﻫﻲ ﻫﺎﻱ
ﺍﻻﻣﺎﻧﻪ ﻫﺎ ﺧﻮﻳﻪ ﻣﻦ ﺗﺸﻮﻓﻮﻥ ﺍﻟﻮﻟﻴﺪ ﻋﻴﻨﻪ ﻋﻠﻴﻬﻪ ﻣﺎﺗﻌﺮﻓﻮﻥ
ﺗﺤﺠﻮﻥ ﺣﺠﺎﻳﻪ ﺗﻠﺰﻣﻪ ﺣﺪﻩ ،، ﻟﻤﺎﻛﻢ ﻛﺎﻋﺪﻳﻦ ﺑﻤﻜﺎﻥ ﺍﺻﺤﺎﺑﻪ
ﺑﺎﻟﻤﻮﺕ ﻭﻣﺤﺎﻓﻈﻴﻦ ﻋﻠﻰ ﺷﺮﻑ ﺣﺮﻣﻬﻢ
- ﺣﻜﻚ ﻋﻠﻴﻨﻪ ﻳﺎﺧﻮﻳﻪ ﻫﺬﺍ ﺟﺎﻫﻞ ﻭﻋﻴﻨﻪ ﺯﺍﻳﻐﻪ ﻣﺮﺍﻫﻖ ﻭﻋﻨﺪﻙ
ﺍﻟﺤﺴﺎﺏ ﺍﻣﺴﺤﻬﻪ ﺑﻮﺟﻬﻨﻪ ﺑﻮﻳﻪ
- ﺑﻜﻞ ﺍﻻﺣﻮﺍﻝ ﺍﻧﻲ ﺭﺍﻳﺢ ﻫﺴﻪ ﺑﺲ ﺍﻧﺘﻪ ﻳﻮﻟﻴﺪ ﺍﻋﺮﻑ ﺣﺪ ﻋﻴﻨﻚ
ﺑﻨﺎﺕ ﺍﻟﻌﺎﻟﻢ ﻣﻮ ﻟﻠﻔﺮﺟﻪ ﻓﻬﻤﺘﺘﺘﺖ ،، ﻫﺎﻙ ﻳﺎﺑﻪ ﻫﺎﻱ ﺍﻟﻜﺮﺍﺟﻴﻪ
- ﻻ ﻳﺎﺑﻪ ﺧﻠﻴﻬﻪ ﻣﺎﺍﺧﺬﻫﻦ ﺍﺑﺪ
- ﻻ ﺣﺠﻲ ﻫﺎﻱ ﻭﺣﺪ ﻋﻦ ﻫﺎﻱ ﺍﻟﺰﻡ ﺍﻟﺰﻡ ،، ﻳﻼ ﺍﻭﺩﻋﻨﺎﻛﻢ
ﺣﻄﻴﺖ ﺍﻟﻔﻠﻮﺱ ﺑﺎﻳﺪﻩ ﻭﺍﻧﺪﺍﺭﻳﺖ ﺭﺣﺖ ﻟﻠﺴﻴﺎﺭﻩ ﺻﻌﺪﺕ ﻭﺍﺑﺎﻭﻋﻠﻬﻢ
ﺷﻠﻮﻥ ﺍﻟﺘﻤﻮ ﻳﺮﺯﻟﻮﻩ ،،،
- ﻧﺎﺱ ﺑﺎﻳﻌﻪ ﻭﻣﺨﻠﺼﻪ ﻣﻦ ﺍﻟﻠﻪ ﻳﻔﻜﺲ ﻋﻴﻨﻚ ﻳﺎﻧﻜﺲ
- ﺷﺒﻴﻚ ﻟﻴﺶ ﻫﺎﻟﻌﺼﺒﻴﻪ
- ﻣﻦ ﻭﺭﻩ ﺣﻀﺮﺗﺞ .. ﻟﻴﺶ ﻣﺎﺗﺤﺮﻛﺘﻲ ﻣﻦ ﻣﻜﺎﻧﺞ ﻣﻦ ﺷﻔﺘﻲ
ﻳﺒﺎﻭﻋﻠﺞ
- ﻭﻳﻦ ﺍﺭﻭﺡ ﻫﻮ ﻛﻞ ﺍﻟﻤﻜﺎﻥ ﻛﺪﺍﻣﻪ ﻭﺍﻧﻲ ﺑﻘﻴﺖ ﺍﻧﺘﻈﺮﻙ ﻫﻨﺎ
ﻭﺩﻧﻜﺖ ﺭﺍﺳﻲ ﺣﺘﻰ ﻣﺎﻳﺒﺎﻭﻋﻠﻲ ﺷﺴﻮﻱ ﺑﻌﺪ
- ﺍﻓﻔﻔﻔﻔﻔﻔﻒ ﻳﺎﺭﺭﺭﺭﺑﻴﻲ ﺷﺒﻠﻴﺘﻨﻲ ﺑﻬﺎﻟﺴﺎﻟﻔﻪ ﺍﻧﻲ ﻭﻳﻦ ﻭﻫﻲ ﻭﻳﻦ
- ﺗﻘﺼﺪ ﻋﻠﻴﻪ
- ﻫﻬﺨﺨﺨﺨﺨﺨﺦ ﻟﺠﺠﺠﺞ ﺍﻭﻭﻭﻑ ﻳﺎﻫﺒﻪ ﻭﺩﻣﺎﻏﺞ ﺍﻟﻔﻄﻴﺮ
ﻣﻮ ﻳﻤﺞ ﺍﻟﺴﺎﻟﻔﻪ ﺑﻨﺘﻲ
- ﺍﻣﻤﻤﻢ ،، ﺗﺎﻛﻞ ﺗﻤﺮ ﻛﻠﺶ ﻃﻴﺐ
- ﺍﻧﻄﻴﻨﻲ ﺍﻧﻄﻴﻨﻲ
ﻃﻠﻌﺖ ﻛﻢ ﻭﺣﺪﻩ ﻭﺣﻄﺘﻬﻦ ﺑﺎﻳﺪﻱ ﻭﺿﻠﻴﻨﻪ ﻧﺎﻛﻞ ﻛﻞ ﺷﻮﻳﻪ
ﻣﻦ ﺷﻐﻠﻪ ﻭﺻﺎﺭﺕ ﺍﻟﻌﺼﺮﻳﻪ ﻭﺍﺯﺩﺣﺎﻡ ﺑﻐﺪﺍﺩ ﻳﺸﻞ ﺍﻟﺤﺎﻝ
ﻭﺻﻠﻨﻪ ﻣﻨﻄﻘﺘﻨﻪ ﻛﻠﺘﻠﻬﻪ ..
- ﻫﺒﻪ ﻋﺪﻧﺎ ﺻﻤﻮﻥ ؟؟ ﺍﻭ ﺷﻲ ﻧﺎﻛﻠﻪ ﻟﻮ ﻣﺨﻠﺼﻴﻦ
- ﺻﻤﻮﻥ ﻻ ﺑﺲ ﺍﻛﻮ ﻋﺪﻧﺎ ﻣﺴﻮﺍﻙ ﺧﻴﺮ ﻣﻦ ﺍﻟﻠﻪ
- ﺯﻳﻦ ﻟﻌﺪ ﺧﻠﻲ ﺍﻃﺒﻚ ﺍﺟﻴﺐ ﺻﻤﻮﻥ
ﻃﺒﻜﺖ ﻳﻢ ﺍﻟﻔﺮﻥ ﻭﺍﺧﺬﺕ ﺻﻤﻮﻥ ﻭﺭﺟﻌﺖ ﻭﺷﻮﻳﻪ ﻭﺻﻠﻨﻪ
ﺍﻟﺸﻘﻪ ،، ﺻﻌﺪﻧﺎ ﻭﺍﻭﻝ ﻣﺎﺻﻌﺪﻧﺎ ﺍﻟﺪﺭﺝ ﺍﺟﺎﻧﻲ ﺍﺗﺼﺎﻝ
ﻣﻦ ﺍﻵﻣﺮ ﺟﺎﻭﺑﺘﻪ ﻭﺍﻧﻲ ﺍﻓﺘﺢ ﺍﻟﺒﺎﺏ ..
- ﺍﻫﻼً ﺳﻴﺪﻱ ﺷﻠﻮﻧﻚ ﺷﻠﻮﻥ ﺍﻟﺼﺤﻪ
- ﻳﺎﻫﻼﺍﺍ ﺑﺎﻟﻀﺎﺑﻂ ﺍﻟﻤﺤﺘﺮﻡ ﺣﻀﺮﺗﻚ ﻭﻳﻦ ﻳﺎﺑﻪ ﺻﺎﺭﻟﻚ ﻳﻮﻣﻴﻦ
- ﻭﺍﻟﻠﻪ ﻃﺎﻟﻊ ﺑﺸﻐﻠﻪ ﺧﺎﺭﺝ ﺑﻐﺪﺍﺩ ﻭﻫﺎﻱ ﺭﺟﻌﺘﻲ
- ﺯﻳﻦ ﻣﺎﻓﻜﺮﺕ ﺑﺎﻟﺸﻐﻞ ﺷﻠﻮﻥ ﻣﻴﺼﻴﺮ ﻫﺎﻟﺸﻜﻞ ﻳﺎﺍﺑﻨﻲ ﻣﻴﺼﻴﺮ
- ﺍﻋﻮﺿﻚ ﺳﻴﺪﻱ ﺑﺎﺟﺮ ﻣﻦ ﺍﻟﺼﺒﺢ ﺗﻠﻜﺎﻧﻲ ﻳﻤﻚ ﺑﺲ ﻫﺴﻪ
ﻣﺎﻛﺪﺭ ﺻﺪﻛﻨﻲ ﺗﻌﺒﺎﻥ ﻣﻦ ﺍﻟﻄﺮﻳﻖ ﻭﺣﺘﻰ ﺍﻛﻞ ﻣﻤﺎﻛﻞ
- ﺩﻳﻼ ﺍﻧﺘﻈﺮﻙ ﺑﺎﺟﺮ ﻭﻣﺤﻀﺮﻟﻚ ﺷﻠﻮﻥ ﺷﻐﻠﻪ ﺗﺨﺒﺒﺒﻞ
- ﻫﻬﻬﻬﻬﻬﻬﻬﻬﻬﻬﻪ ﺑﺲ ﻻ ﻣﺜﻞ ﻛﻞ ﻣﺮﻩ
ﻻ ﻻ ﺻﺪﻛﻨﻲ ﻫﺎﻟﻤﺮﻩ ﺗﺼﺒﻚ ﺫﻫﺐ ﺑﺲ ﺑﻌﺪ ﺍﻧﺘﻪ ﻭﺷﻄﺎﺭﺗﻚ
- ﺩﺧﻠﻲ ﺍﺟﻲ ﻭﺑﺎﺟﺮ ﻭﻧﺘﻔﺎﻫﻢ
- ﻳﻼ ﻳﻼ ﻣﻊ ﺍﻟﺴﻼﻣﻪ
- ﻣﻊ ﺍﻟﺴﻼﻣﻪ
ﺳﺪﻳﺖ ﺍﻟﺨﻂ ﻭﺷﻤﺮﺕ ﺍﻟﺘﻠﻔﻮﻥ ﻋﻠﻰ ﺍﻟﻤﻴﺰ ﻭﻧﺰﻋﺖ ﺍﻟﻘﻤﺼﻠﻪ
ﻭﺗﻤﺪﺩﺕ ﻋﻠﻰ ﺑﻄﻨﻲ ﻭﺻﺤﺖ ..
- ﻫﺒﺒﺒﺒﻪ ﺗﻌﺎﻱ ﺣﻀﺮﻳﻠﻲ ﺍﻟﺤﻤﺎﺍﻡ
- ﻳﻼ ﺟﺎﻳﻪ
ﺍﺟﺘﻲ ﻭﻛﻔﺖ ﻳﻢ ﺍﻟﻜﻨﺘﻮﺭ ﻭﻛﺎﻟﺖ ..
- ﻳﺎ ﺗﺮﺍﻛﺴﻮﺩ ﺍﺣﻄﻠﻚ
- ﺑﻜﻴﻔﺞ ﺍﻱ ﺷﻲ ﺑﺲ ﺍﺭﻳﺪ ﺍﺳﺒﺢ ﻇﻬﺮﻱ ﻣﺘﻜﺴﺮ ﻭﻋﺮﻛﺎﻥ
- ﻣﺎﺷﻲ ﻫﺎﻱ ﺍﺧﺘﺎﺭﻳﺘﻠﻚ ﻧﻴﻠﻲ
ﺭﺍﺣﺖ ﻟﻠﺤﻤﺎﻡ ﻭﺍﻧﻲ ﻛﻤﺖ ﻭﺭﺍﻫﻪ ﺍﻭﻝ ﻣﺎ ﻃﻠﻌﺖ ﺍﻧﻲ ﺩﺧﻠﺖ
ﻓﺘﺤﺖ ﺍﻟﻤﻲ ﺍﻟﺤﺎﺭ ﻭﺧﻠﻴﺘﻪ ﻳﺼﻴﺮ ﻛﻠﻪ ﺑﺨﺎﺭ ﻭﻃﺒﻴﺖ ﺟﻮﻩ ﺍﻟﺪﻭﺵ
ﻓﻜﻴﺖ ﺟﺴﻤﻲ ﻣﻦ ﺗﻌﺐ ﺍﻟﻄﺮﻳﻖ ﻭﺗﻨﺸﻄﺖ ﻭﻃﻠﻌﺖ ﻟﻜﻴﺘﻬﻪ
ﻣﺸﻐﻠﻪ ﺍﻟﻤﺪﻓﺌﻪ ﻳﻢ ﺍﻟﻘﻨﻔﻪ ﺭﺣﺖ ﻛﻌﺪﺕ ﺍﺩﻓﻰﺀ ﻭﻫﻲ ﺑﺎﻟﻤﻄﺒﺦ
ﺗﺴﻮﻱ ﺍﻻﻛﻞ ،،، ﺷﻮﻳﻪ ﻭﺳﻤﻌﺖ ﺻﻮﺕ ﺍﺫﺍﻥ ﺍﻟﻤﻐﺮﺏ
ﺣﺴﻴﺘﻪ ﻫﺎﻟﻤﺮﻩ ﻳﺘﻐﻠﻐﻞ ﺑﺪﺍﺧﻞ ﺍﺫﺍﻧﻲ ﻫﻮ ﻭﻛﻠﻤﺎﺗﻪ ﻛﻤﺖ ﺗﻮﺿﻴﺖ
ﻭﺭﺣﺖ ﺻﻠﻴﺖ ﺑﺎﻟﻐﺮﻓﻪ ﻭﺣﺴﻴﺖ ﺑﻔﺨﺮ ﺑﻨﻔﺴﻲ ﺍﻧﻲ ﻛﺪﺭﺕ
ﺍﺗﻐﻴﺮ ﻭﺑﺪﻳﺖ ﺑﻄﺮﻳﻖ ﺟﺪﻳﺪ ﻭﺍﻥ ﺷﺎﺀ ﺍﻟﻠﻪ ﻣﺎﺍﺗﺮﻛﻪ ...
ﻃﻠﻌﺖ ﻟﻜﻴﺘﻬﻪ ﺣﺎﻃﻪ ﺍﻟﺼﻴﻨﻴﻪ ﻭﻛﺎﻟﺘﻠﻲ ..
- ﺗﻘﺒﻞ ﺍﻟﻠﻪ ﺻﻼﺗﻚ ﺻﺪﻳﻘﻲ
- ﺗﻘﺒﻞ ﺍﻟﻠﻪ ﺍﻋﻤﺎﻟﺞ ﺻﺪﻳﻘﺘﻲ ،، ﻳﻠﻪ ﺧﻠﻲ ﻧﺎﻛﻞ
- ﺍﻱ ﻳﻼ ﺟﻨﺖ ﺍﻧﺘﻈﺮﻙ
ﻛﻌﺪﻧﺎ ﺳﻮﻩ ﻋﻠﻰ ﺍﻟﺼﻴﻨﻴﻪ ﻭﻧﺴﻔﻨﺎﻫﻪ ﻭﻧﺴﻮﻟﻒ ﻭﻧﺘﺸﺎﻗﻪ
- ﻟﺞ ﻫﺒﻪ ﻋﺒﺎﻟﻚ ﺻﺎﺭﻟﻲ ﺳﻨﻪ ﻏﺎﻳﺐ ﻋﻦ ﺍﻟﺸﻘﻪ ﻣﻮ ﻳﻮﻣﻴﻦ
ﺷﻜﺪ ﺍﺷﺘﺎﻗﻴﺖ ﻟﻬﺎﻟﻜﻌﺪﻩ
- ﺍﻳﻴﻲ ﻛﻌﺪﻩ ﺍﻟﺒﻴﺖ ﻣﺎﻛﻮ ﺍﺣﻠﻰ ﻣﻨﻬﻪ ﻫﻨﺎ ﻭﺍﺣﺪ ﻳﺤﺲ ﺑﺎﻻﻣﺎﻥ
- ﻭﻫﺎﻻﻛﻞ ﺍﻟﻲ ﻳﻔﺘﺢ ﺍﻟﻨﻔﺲ ﻣﻮ ﻣﺜﻞ ﺍﻛﻞ ﺍﻟﺒﺮﻩ
- ﻃﺒﻌﺎً ﻣﻦ ﺍﻳﺪﻳﻪ ﺷﻠﻮﻥ ﻣﻴﻔﺘﺢ ﺍﻟﻨﻔﺲ ﻫﻬﻬﻬﻬﻪ
- ﻭﺍﻟﻠﻪ ﻭﺻﺪﻛﺘﻲ ،، ﺩﺟﻴﺒﻠﻲ ﺟﺎﺍﻱ ﺧﻠﻲ ﻣﺰﺍﺟﻲ ﻳﺘﻌﺪﻝ ﻓﺪ ﻣﺮﻩ
- ﺍﺩﻟﻞ
ﻛﺎﻣﺖ ﺗﺠﻴﺐ ﺍﻟﺠﺎﻱ ﻭﺍﻧﻲ ﺷﻐﻠﺖ ﺍﻟﺘﻠﻔﺰﻳﻮﻥ ﻭﺿﻠﻴﺖ ﺍﺗﺎﺑﻊ ﺍﻻﺧﺒﺎﺭ
ﻟﺤﺪ ﻣﺎﺍﺟﺘﻲ ﺍﻧﻄﺘﻨﻲ ﺍﻻﺳﺘﻜﺎﻥ ﻭﺭﺍﺣﺖ ،، ﺷﺮﺑﺘﻪ ﻭﺭﺩﺕ ﺑﻌﺪ
ﻭﺻﺤﺘﻠﻬﻪ ﻭﻣﺎﻛﻮ ﻣﺎﺗﺮﺩ ﺍﺳﺘﻐﺮﺑﺖ ﻛﻤﺖ ﺑﺎﻭﻋﺖ ﺑﺎﻟﻤﻄﺒﺦ ﻣﺎﻛﻮ
ﺭﺣﺖ ﻟﻠﻐﺮﻓﻪ ﻭﻟﻜﻴﺘﻬﻪ ﺗﺼﻠﻲ ﺭﺟﻌﺖ ﺳﺪﻳﺖ ﺍﻟﺒﺎﺏ ﻭﺭﺣﺖ ﺍﻧﻲ
ﺻﺒﻴﺖ ﻟﻨﻔﺴﻲ ﻭﺷﺮﺑﺖ ...
ﻭﺍﻛﻒ ﺑﺎﻟﻤﻄﺒﺦ ﻭﺑﻌﺪﻧﻲ ﺍﺷﺮﺏ ﺑﺎﻟﺠﺎﻱ ﻭﺍﺟﺘﻲ ..
- ﻫﺎﺻﺪﻳﻘﻲ ﺟﻨﺖ ﺍﺻﻠﻲ ﻣﺎﻛﺪﺭﺕ ﺍﺭﺩ ﻋﻠﻴﻚ
- ﺗﻘﺒﻞ ﺍﻟﻠﻪ ،، ﺟﻨﺖ ﺍﺭﻳﺪ ﺗﺼﺒﻴﻠﻲ ﺟﺎﻱ ﻭﺻﺒﻴﺖ ﻟﻨﻔﺴﻲ
- ﻳﺎ ﻋﻴﻨﻲ ﺟﺎﻥ ﺍﻧﺘﻈﺮﺗﻨﻲ ﺍﺻﺒﻠﻚ
- ﻻ ﻣﺎﺗﺴﻮﻩ ،، ﺍﺫﺍ ﻣﺎﻋﻨﺪﺝ ﺷﻲ ﺣﻀﺮﻳﻠﻲ ﺍﻟﺰﻱ ﺑﺎﺟﺮ ﺍﻃﻠﻊ
ﻣﻦ ﺍﻟﻔﺠﺮ ﻟﻠﺪﻭﺍﻡ
- ﺍﻱ ﻫﺴﻪ ﺍﺣﻀﺮﻩ
ﺭﺍﺣﺖ ﻟﻠﻐﺮﻓﻪ ﻭﺍﻧﻲ ﺗﻤﺪﺩﺕ ﻉ ﺍﻟﻘﻨﻔﻪ ﺍﻛﻠﺐ ﺑﺎﻟﻔﻴﺲ ﻭﺳﺄﻟﺘﻬﻪ
- ﻫﺒﻪ ﺷﻌﻨﺪﺝ ﺑﺮﺍﻣﺞ ﺑﺎﻟﺘﻠﻔﻮﻥ
- ﻣﺎﻋﻨﺪﻱ ﺍﻱ ﺑﺮﻧﺎﻣﺞ
- ﺻﺪﻙ ﺗﺤﺠﻴﻦ
- ﺍﻱ ﻭﺍﻟﻠﻪ ﺷﻮﻑ ﺑﻨﻔﺴﻚ
ﻛﻤﺖ ﺍﺧﺬﺕ ﻣﻮﺑﺎﻳﻠﻬﻪ ﻭﺭﺣﺖ ﻳﻤﻬﻪ ﻭﺍﻛﻒ ﻭﻫﻲ ﺗﻜﻮﻱ ﺑﺎﻟﻤﻼﺑﺲ
ﻛﻠﺒﺖ ﺑﻲ ﻣﺎﻋﺪﻫﻪ ﺷﻲ ﻏﻴﺮ ﺑﺮﺍﻣﺞ ﺍﻟﺘﻠﻔﻮﻥ ﺍﻟﻌﺎﺩﻳﻪ
- ﻟﻴﺶ ﻣﻨﺰﻟﺘﻲ ﺷﻲ
- ﻣﺎﻋﻨﺪﻱ ﻧﺖ ﻭﻣﺎﻋﺮﻑ ﺷﻨﺰﻝ
- ﻟﺞ ﻏﻴﺮ ﺗﻜﻠﻴﻠﻲ ﺍﻧﻲ ﻫﻢ ﻧﺎﺳﻲ ﻫﺎﻟﺴﺎﻟﻔﻪ ﺭﺍﺡ ﺍﻛﻨﻜﻠﺞ ﻋﻠﻴﻪ ﻭﺍﻧﺰﻟﺞ
ﺑﺮﺍﻣﺞ ﺍﻟﻲ ﺗﻌﺠﺒﻨﻲ
- ﻫﻬﻬﻪ ﻣﺎﺷﻲ ﺑﻜﻴﻔﻚ
ﺑﺜﻴﺘﻠﻬﻪ ﻧﺖ ﻭﻧﺰﻟﺘﻠﻬﻪ ﻭﺍﺗﺴﺎﺏ ﻭﺍﻧﺴﺘﺎ ﻭﺳﻮﻳﺘﻠﻬﻪ ﺍﻟﺤﺴﺎﺏ
ﺑﺎﺳﻤﻬﻪ ﺑﺎﻻﻧﻜﻠﻴﺰﻱ ﻭﻛﻠﺘﻠﻬﻪ ..
- ﺗﻌﺎﻱ ﻛﻌﺪﻱ ﺩﺍﺷﻮﻓﺞ
ﺍﺟﺘﻲ ﻛﻌﺪﺕ ﻳﻤﻲ ﻭﺿﻠﻴﺖ ﺍﻋﻠﻤﻬﻪ ﺷﻠﻮﻥ ﺗﺴﺘﺨﺪﻡ ﺍﻻﻧﺴﺘﺎ
ﻭﺷﻠﻮﻥ ﺗﺒﺤﺚ ﻭﻛﻠﺘﻠﻬﻪ ..
- ﻧﺰﻟﺘﻠﺞ ﻫﺎﻟﺒﺮﻧﺎﻣﺞ ﺣﺘﻰ ﺗﻜﻠﺒﻴﻦ ﺑﻲ ﻭﻛﺖ ﺍﻟﻲ ﺗﻀﻮﺟﻴﻦ
ﻫﻮﺍﻱ ﻳﻮﻧﺲ ﻭﺍﺫﺍ ﺷﻔﺘﻲ ﺍﺷﻴﺎﺀ ﺍﻭ ﻣﻼﺑﺲ ﻋﺠﺒﺘﺞ ﻛﻮﻟﻴﻠﻲ
ﻭﺍﺷﺘﺮﻳﻬﺎ ﺍﻟﺞ
- ﻣﺎﺷﻲ ﺻﺪﻳﻘﻲ ﺗﺴﻠﻤﻠﻲ
- ﻭﻫﺬﺍ ﺍﻟﻮﺍﺗﺴﺎﺏ ﺭﺍﺳﻠﻴﻨﻲ ﻣﻨﻪ ﺷﻮﻛﺖ ﻣﻴﻌﺠﺒﺞ ﻭﺭﺍﺡ ﺍﻛﻨﻜﻠﺞ
ﻉ ﺍﻟﺮﺻﻴﺪ ﺣﺘﻰ ﺧﺎﻑ ﻳﻌﺠﺒﺞ ﺗﺤﺎﺟﻴﻨﻲ ﺑﺎﻟﺪﻭﺍﻡ ﻋﻨﺪﺝ ﻧﺖ
- ﻣﻮ ﺧﺎﻑ ﺍﻟﻬﻴﻚ ﻋﻦ ﺷﻐﻠﻚ
- ﻻ ﺑﺎﻟﻌﻜﺲ ﺗﻔﺮﺣﻴﻨﻲ
- ﻣﺎﺷﻲ ﻟﻌﺪ
ﻛﺎﻣﺖ ﺗﻜﻤﻞ ﺷﻐﻠﻬﻪ ﻭﺍﻧﻲ ﺿﻠﻴﺖ ﺍﻛﻠﺐ ﺑﺘﻠﻔﻮﻧﻬﻪ ﺷﻮﻳﻪ ﻭﺿﻔﺘﻬﻪ
ﻉ ﺍﻻﻧﺴﺘﺎ ﻭﺭﺟﻌﺖ ﺗﻠﻔﻮﻧﻬﻪ ﻟﻠﺸﺤﻦ ﻭﺭﺟﻌﺖ ﻟﻠﻐﺮﻓﻪ ..
- ﺍﻛﻠﻚ ﺻﺪﻳﻘﻲ ﻫﺎﻱ ﺍﻟﻜﻼﺩﻩ ﺍﻟﻲ !
- ﺍﻱ ﺗﺬﻛﺮﺕ ﻫﺎﻱ ﺍﻟﺞ ﻋﺠﺒﺘﻨﻲ ﻭﺍﺷﺘﺮﻳﺘﻬﻪ ﺍﻟﺞ ﺗﺸﺒﻬﺞ ﻣﺜﻞ ﺍﻟﺠﻮﻫﺮﻩ ﺍﻟﻤﺤﺒﻮﺳﻪ
- ﻫﻬﻬﻬﻬﻬﻬﻪ ﺷﻜﺮﺍﺍﺍﺍً ﻛﻠﺶ ﺣﻠﻮﻩ ،، ﺭﺍﺡ ﺍﺿﻞ ﻻ ﺑﺴﺘﻬﻪ ﺩﺍﺋﻤﺎً
ﻭﻫﺎﻱ ﺍﻟﻤﺪﺍﻟﻴﻪ ﺷﻮﻑ ﺗﻨﻘﺴﻢ ﺍﺛﻨﻴﻦ ﺍﺧﺘﺎﺭ ﻧﺺ
- ﻟﻴﺶ
- ﺍﺧﺘﺎﺭ ﻫﺴﻪ
- ﻣﺎﺷﻲ ﻫﺎﻱ ﺍﺧﺘﺎﺭﻳﺖ ﻭﺑﻌﺪﻳﻦ
- ﻫﺎﻱ ﺧﻠﻴﻬﻪ ﻣﺪﻟﻴﻪ ﻟﻤﻔﺎﺗﻴﺤﻚ ﻭﺍﺣﺘﻔﻆ ﺑﻴﻬﻪ ﺣﺘﻰ ﺗﺒﻘﻰ ﺗﺬﻛﺎﺭ
ﻣﻨﻲ ﻭﻣﻦ ﻫﺬﺍ ﺍﻟﻴﻮﻡ ﻭﺍﻟﻨﺺ ﺍﻟﺜﺎﻧﻲ ﺭﺍﺡ ﺍﺣﺘﻔﻆ ﺑﻲ ﻫﻢ
- ﻫﻬﻬﻬﻬﻪ ﺣﻠﻮﻩ ﺍﻟﻔﻜﺮﻩ ﻫﺎﺝ ﻟﻌﺪ ﺧﻠﻴﻬﻪ ﺑﺎﻟﻤﻔﺎﺗﻴﺢ
ﺍﺧﺬﺗﻬﻪ ﻣﻦ ﺍﻳﺪﻱ ﻭﺭﺍﺣﺖ ﺷﻜﻠﺘﻬﻪ ﺑﺎﻟﻤﻔﺎﺗﻴﺢ ﻭﺍﺟﺘﻲ ﻭﺗﺤﺮﻙ
ﺑﻴﻬﻦ ﻭﺗﻀﺤﻚ ﻭﺧﻠﺘﻬﻦ ﻳﻤﻲ ﻉ ﺍﻟﻤﻴﺰ ،،، ﻛﻠﺶ ﻓﺮﺣﺖ ﺑﻬﺎﻟﻔﻜﺮﻩ
ﺣﺴﻴﺘﻬﻪ ﺭﺍﺡ ﺗﻀﻞ ﻭﻳﺎﻱ ﺩﺍﺋﻤﺎً
