هااييي السموحه طولت لين انزل البارت الخامس بس لانه كان عندي ظروف والحين نزلته ان شاء لله يعجبكم 🤍
بسم الله نبدا
الصبح
نشت ميثا من الارقاد وشافت حالتهم والعفسا الي مخدتها على صوب والي لحافها على الصوب ثاني
ميثا : مول مايعرفون يرقدون طع مريوم وين حاطه ريلها على بطن روضه استغفرالله
راحت خذت لها شور وبدلت وربطت شعرها ذيل حصان وحطت شوي من العطر وطلعت من الغرفه شافت بدر كان طالع من الغرفه بعد
ميثا : صباح الخير
بدر : صباح النور
ميثا : متى راقد امس
بدر : 1 وانتي؟
ميثا : ما اذكر بس يمكن ١٢ ونص
نزلو تحت ودخلو الصاله وشافو كل الكبار قاعدين كلعاده + ذياب
ميثا وبدر : السلام عليكم
الكل : وعليكم السلام
راحت ميثا قعدت صوب عمها عبدالله : عمي
ابو بدر : هلا
ميثا : اليوم وين بنروح ؟
اليد : اوهو بعد بتطلعون وبتسون ازعاج في الباص
ميثا : هههه يدي والله حلو الازعاج
اليد : في عينج حلو
ميثا : هه المهم عمي وين بنروح
ذياب : شرايكم نروح الملاهي؟
ميثا : يمه ذياب انت من متى هني اول مره تنش بسرعه
ذياب في نفسه ليش انا قدرت ارقد من الاحلام الي اتيني وقال : مدري شبعت رقاد
ابو بدر : المهم الملاهي حلو؟
ميثا : عمي شو الملاهي حلو ؟ اكيد حلو !!
ابو بدر : عيل ماينفع امي وابوي اييون معانا
اليد : تطردني ياعبدالله تطرد ابوك
ابو بدر : يبه شدخل
اليد : ما ادري اسوي دراما
بدر : هاه هههههههههههههه
بعد عشر دقايق الكل نش ماعدا مريوم
ابو بدر : دام الكل قاعد اليوم بنروح الملاهي
ريم : حمااسسسس
