بسم الله
يلا نبدا البارت اليديد
...................................................
عند ريم الي دخلت خيمتها وشافت البنات كلهم منسدحين وواضح عليهم التعب
ريم : خييببههه
كل البنات شافو ريم
ريم : عيايز عيايز مسرع تعبتو !
مريوم : صدق تعبت
روضه : حرام عليج ريم انتي شايفه الغابه كيف عوده وكيف مشينا فيها
ميثا : لا وبعد ماخلصناها كلها باقي وايد
روضه : ها شكلنا لو انتم هني اسبوع ماراح نخلصها
مريوم قامت وتربعت : هي بنات
كلهم لفو وشافو مريوم
مريوم : شو رايكم في البيت الي شفناه ؟
روضه : شي وايد بيوت كانت داخل الغابه اي بيت بضبط ؟
مريوم : البيت العود الي كان مبين انه حلو
روضه : هههيييي
ميثا : ياخي كان ودي ادشه
مريوم : شو رايكم ان...
زينب قاطعتها : مرريييوممم !!
مريوم شافت زينب : اوهوووو نسيت انه هاي هني
زينب : مريوم ياويلج ان قربتي من البيت
مريوم : شدعوه من قال اني بقرب
زينب : عيل شو بتسوين !
مريوم : ماشي بس اسال اذا شافو البيت ولا
زينب : ماله داعي تسالين كلنا شفنه البيت
مريوم مدت بوزها : طيب طيب
ريم همست حق روضه : صدقيني في بالها شي
روضه بنفس الهمس : اعرف هاي ماتسأل الا اذا بتسوي شي
ريم : زينبوه خربت خطتها
روضه : ماعليج خلي زينب تطلع صديقني راح تتكلم
ريم : ها اذا زينب طلعت
ميثا : ببناتتتت
مريوم : لاتصارخين
ميثا : نزين بنات
