بسم الله
يلا نبدا
..................
ونبدا يوم يديد
وبتحديد في خيمة البنات
الصبح الساعه 7:15
دق منبه زينب وكان صوت المنبه عالي
ريم بصوت كله رقاد : ويعهه مريوم سكري منبهج
مريوم كانت راقده وماتسمع ريم
ميره قامت تصحصح : الله ياخذه من منبه ولفت الصوب الثاني تحاول ترقد
روضه الي صحصحت : سسكككرووووو المنبببههههه
ميثا من الصوت العالي الي بط اذنها قامت من الارقاد وتربعت : مرريييومممم ياطقعهههه !!
مريوم لفت الصوب الثاني : همممم
ميثا قامت ومسكت المخده وضربت مريوم في راسها وراحت دشت تتغسل
روضه : ميثثثااا جان سكرتي المنبه قبل ماتدخلييننن !
مريوم مسكت المخده الي كان فوقها وحضنتها وكملت رقادها والمنبه بعده يدق
قامت ميره من الارقاد وتربعت : منبه من ها الخرا
ريم وهي راقده ترمس : مريوم
ميره قامت وراحت عند مريوم وشافت فونها كان مسكر مافيه منبه وشافت وضع مريوم وهي راقده
ميره : هاي شوفيها حاضنه المخده وراقده ليكون ناقصه حنان
ريم : سسكررريييي المنبببهههه
ميره : ويعه انتي بعد لاتصارخين المنبه مب من فون مريوم
روضه خلاص راسها انبط من المنبه وقامت تربعت
ميره كانت تدور الفون بس ماحصلته
روضه : ها فون منوه !
ميره : شدراني مادري وين يرن
ريم الي خلاص لاعت جبدها وهي تحاول ترقد بس ماشي فايده طار عنها الرقاد من المنبه وقامت تربعت وهي تحك عيونها
مريوم يالله فتحت عيونها وشافت ميره عافسه الدنيا قامت مريوم وتربعت شوي الا وتطلع ميثا وتدخل روضه عقبها
ميثا : شو بعدكم ماعرفتو منبه منوه ها ؟
مريوم سمعت صوت المنبه وعرفته على طول : شوفيكم يعني قلنا ان زينب سحبت علينا شهر بس عاد ماتوصل انكم تنسون صوت منبها
ريم الي تذكرت ان صدق منبه زينب يدق جي كلهم لفو وشافو زينب الي راقده في سابع نومه ولا حاسه بدنيا حتى
