بسم الله
يلا نبدا البارت التاسع
........................
راحت مريوم صعدت فوق وراحت غرفة عمها شافت الباب كان شوي مفتوح كانت مريوم بتفتح الباب وتدخل حطت ايدها على مقبض الباب بس قبل ماتفتحه سمعت يدتها تصيح وتقول اشياء خلت مريوم تنصدم من اللي سمعته وقفت مريوم مكانها وهي تسمع يدتها بستغراب تمت مريوم تسمع يدتها بهتمام لين شوي شوي سكتت يدتها لما يدتها سكتت مريوم دقت
الباب عند اليده اللي كانت تصيح سمعت صوت دق الباب وعلى طول مسحت دموعها
اليده : منوه
مريوم : اناا
اليده مسحت دموعها : دخلي حبيبتي
دخلت مريوم وشافت يدتها وكان واضح انها كانت تصيح : يدوتي يلا بنروح
اليده : يلا حبيبتي وقامت يدتها من الكرفايه رجعت الصوره على الطاوله وطلعت من الغرفه مسكت مريوم المفتاح وقفلت باب الغرفه نزلت يدتها تحت ومريوم راحت غرفة ذياب دخلتها وحطت المفتاح في اول درج وطلعت برع سكرت الباب وراها ونزلت تحت الصاله شافت الكل طالع برع في الحوش طلعت معاهم وماشافت ذياب راحت مريوم عند سيف
مريوم : سيف
سيف : هلا ؟
مريوم : وين ذياب ؟
سيف : والله مادري كان معاج
مريوم : ايوا بس انا رجعت دخلت ليش هو مارجع ؟
سيف : لا والله محد رجع بس انتي اللي رجعتي ورحتي فوق
مريوم استغربت : بروح اجوفه
سيف : صبر بتصل فيه
مريوم : لا ماله داعي عندي رقـ... سكتت مريوم فجاة لما شافت سيف شافها وعاقد حواجبه
سيف : عندج رقم ذياب ؟
مريوم : هههه لا وين من قال عندي رقمه ؟
سيف : انتي توه قلتي عندي رقمه
مريوم : حشى علي ماقلت شي
سيف : المهم بتصل فيه
اتصل سيف في ذياب عند ذياب اللي كان واقف يشوف الحصان سمع تلفونه يرن رفع يشوف الرقم (سيفوه) ورد عليه
ذياب : ها سيف
سيف : وينك
ذياب : والله ماشي في المزرعه
سيف : نزين يلا تعال
ذياب : ليش ؟
