وبسم الله
يلا نبدا البارت
.......................................
ونبدا يوم يديد وصباح يديد
الساعه 8:00
في خيمة البنات رن منبه زينب والبنات كانو راقدات بس للاسف ماقدرو يكملون رقادهم من منبه زينب
ريم بصوت كله رقاد : الله ياخذ اليوم الي خليناها ترقد معانا
قامت ميره وراحت تتغسل
ريم بعصبيه : نززيييننن جان سكرتي المنبه معاجججج !!
ميره سحبت عليها وراحت
ميثا نشت من الارقاد وتربعت بس بعده عيونها كانت مسكره
ريم : حد يقوم يسكر المنبه
روضه كانت راقده وترمس : انتي قومي
ريم : انا اذا قمت بكسر الفون على راسها
روضه : كسريه
ميثا كانت تتلفت واستغربت انها مب موجوده
ميثا : بنات وين مريوم ؟
ريم : جهنم
ميثا بطلعت عيونها من الصدمه وطار الرقاد من عيونها وهي تشوف ريم
وريم رجعت ترقد بس المنبه بعده كان يرن قامت ميثا وراحت عند فراش زينب وصارت تدور على فونها بس ماحصلته
ميثا : وين يرن ها !
روضه : شوفي تحت مخدتها
ميثا حطت ايدها تحت المخده وكان صدق الفون تحته سحبته ميثا وسكرت المنبه وعقت الفون على كرشت زينب و زينب حست فيها بس لفت الصوب الثاني ورجعت ترقد
ميثا : خيبه هاي صدق بتموت طع كيف رقادها ثقيل !!
روضه قامت وتربعت : هاي لو فيل يدوسها مابتنش
ميثا : تحط منبه عشان تقعدنا مب عشان توعي عمرها
روضه : بتخبرج ميثا
ميثا : هلا ؟
روضه : وين مريوم ؟
ميثا : والله ماعرف لما نشيت ماشفتها
روضه : ميثا
ميثا : بعد هلا
روضه : كنتي تعرفين عن سالفة مريوم وانها خاشه ها الموضوع عن ذياب ؟
ميثا سكتت شوي وعقب قالت : هي كنت اعرف
روضه : يعني هي قالت لج ؟
