وبسم الله
يلا نبدا البارت
....................................
راح حمد بسرعه ورا الشباب ووصل عندهم ميره كانت تركض يدام وباقي الشباب وراها
هزاع راح صوب حمد : حمدو
حمد : ها
هزاع : ها هو منصور ؟
حمد : ايوا
هزاع : يعني السموحه اعرف انه اربيعك وها بس اصراحه يستاهل الي ياه من ميره
حمد : شكلها ميره ماتتحمل البروده
هزاع : شرات اختها
حمد : اسكت انا روحي مصدوم صفعته ميره وهو تم ساكت
هزاع : اكيد بيسكت يعني تبغي يمد ايده بعد عليها ونحن موجودين
حمد : مب قصدي جيه قصدي ماكان فيه ردت فعل حتى
هزاع : ايوااا قلنا انه بارد بس مب جي عاد يعني اصراحه انا لو حد صفعني بعصب بس ماراح امد ايدي طبعا لانها بنت
حمد : قلت لك انه برودته وصلت لهاي المرحله
هزاع : في سبب ؟
حمد : اصراحه هي
هزاع : حسيت
نرجع للبيت المسكون وبتحديد عند ميثا و ريم الي شافو شخص قاعد على كرسي المكتب ومعطيهم ظهره
ريم : من ها الي قاعد على الكرسي
ميثا : يعني انا اعرف !
ريم : يارب مب ابو سيقان طوال
ميثا : اسكتي عـ...
سكتت ميثا وهي مصدومه لما الريال لف وشافو شكله ريم قمطة العافيه وهي تشوفه
ريم : ه ه ها مب جنه الريال الي شفناه في التلفزيون
ميثا تجمدت من الخوف : ايوا واحد من افراد عائلة ها البيت
ريم : كيف ! نحن شفنه في التلفزيون انه مات
ميثا : عيل منوه ها الي قاعد في الكرسي
ريم : المشكله مايتحرك بس قاعد يطالعنا
شوي الا و الريال يقوم من الكرسي وريم و ميثا لما شافوه يقوم من الكرسي على طول رجعو لورا
ميثا : خرا عليج ريم عطيتيه عين خليتيه يقوم
ريم : كلي تبن
