بسم الله
يلا نبدا البارت
..........................................
عند ذياب الي كان قاعد صوب البحر وسمع صوت ياهل استغرب ذياب ولف ويهه وشاف ياهل يشوفه من بعيد استغرب ذياب من الياهل الي يشوفه وقام عشان يروح له وشاف الياهل يمشي مشى ذياب وراه بستغراب وقال ذياب في نفسه ها بلاه وين رايح ها الياهل مشى ذياب وراه لين شاف الياهل شوي شوي رايح صوب الغابه راح ذياب ركض عنده وشافه يدش الغابه راح ذياب وراه ودش الغابه وشافه يمشي يدام وذياب كان يمشي وراه ويصرخ عليه
ذياب : ههوووييي ايه انت يا الياهل وين رايح
كمل ذياب يمشي ورا الياهل داخل الغابه وكانت الغابه ضلمه دخل الياهل بين الشير وذياب دخل وراه بس فجاة ماشافه اختفى الياهل فجاة انصدم ذياب وصار يتلفت ويصرخ ينادي
ذياب : يا اليااههلللل ووييينكككك
شوي الا وذياب يحس بيد من وراه تمسك كتفه نقز ذياب ورجع ورا ولف وراه يشوف الشخص وشاف ميود وميود كان يشوف ذياب بستغراب
ذياب : الله ياخذك انت شو تسوي
مايد : انا شو اسوي ولا انت الي تخبلت ؟
ذياب : تخبلت في شو انت الحمار الي خوفتني !
مايد : شو انا الحمار الي خوفتك انت الحمار الي ليش داش الغابه ها الوقت
ذياب : ميود ماشفت الياهل الي يدخل الغابه ؟
مايد : له ولا شفت حد شفتك انت الخبل تركض ورايح الغابه
ذياب : كيف ماشفت حد كان شي ياهل يدامي وانا كنت امشي وراه
مايد : والله عيل ماشفت ياهل واصلا ماكان شي ياهل بس شفتك انت تدخل الغابه
ذياب : وانت من متى كنت تشوفني ؟
مايد : كنت ياي عندك ازقرك لما يت عندك شفتك قاعد صوب البحر لما كنت بناديك انصدمت لما شفتك قمت وكان واضح انك تشوف حد قمت انت ورحت انا ييت الحقك عقب فجاة شفتك تدخل الغابه وانصدمت اكثر لما كنت اسمعك تصرخ تزقر الياهل ! قلت ها اي ياهل يناديه وتميت الحق وراك لين فجاة شفتك وقفت هني وييت مسكتك من ورا وكنت شوي وتزق الغافيه
ذياب : كلزق بالله
مايد : لا صدق كنت تمشي ورا منوه
ذياب : ياخي ميود كان شي ياهل يمشي رايح صوب الغابه وانا كنت امشي وراه
مايد : اي ياهل ذياب انت كنت تمشي وماكان شي حد يمشي معاك
