🔥 My boyfriend is so hot🔥
Ch - 3
1.
မနက်လေးနာရီတိတိတွင် ကိုး၏ဖုန်းအလန်းမ်က မြည်လာသဖြင့် နေရိပ် အိပ်ရာမှနိုးလာသည် ။ အလန်းမ်ကမြည်နေသော်လည်း ဖုန်းပိုင်ရှင်ကိုးက တုတ်တုတ်ပင်မလှုပ် ။ ထို့ကြောင့် အလန်းမ်ကိုပိတ်ပြီး ကိုးကိုကြည့်လိုက်သည် ။ ဖခင်ဖြစ်သူ၏လုပ်ငန်းများကို ကိုးကဤအသက်အရွယ်နှင့် ဦးစီးနေရသဖြင့် ပင်ပန်းကာအလုပ်ရှုပ်မည်ကိုသိသော်လည်း ဤမျှလောက် အိပ်ရာမှစောစောထကာ ကြိုးစားနေရမှန်းမသိခဲ့ ။ ယခု အလန်းမ်မြည်မှသိရခြင်းဖြစ်သည် ။ ထို့ကြောင့် စိတ်ထဲမှ
" ငါ့ကိုးလေးပင်ပန်းနေရောပေါ့ "
ဟု ရေရွတ်လိုက်သည် ။ ထိုစဉ်မှာပင် ကိုးက အင်းအဲနှင့် လူးလွန့်လှုပ်ရှားလာသည် ။ ထနေကျအချိန်ဖြစ်သောကြောင့် မျက်လုံးကအကျင့်ပါနေဟန်တူသည် ။ မှိတ်ထားသောမျက်လုံးများကို အတင်တွန်းကန်ဖွင့်ရန်ဟန်ပြင်နေသဖြင့် ကိုး၏ခေါင်းကို ဖွဖွပွတ်လိုက်ပြီး
" အစောကြီးရှိသေးတယ် ကိုး ..... ပြန်အိပ်လိုက်အုံး "
ဟု ပြောကာ ချော့သိပ်လိုက်သည် ။ ကိုးက နှစ်ခါပြန်မသိပ်ရပဲ
" အင်း "
ဟု ပြောကာ ပြန်အိပ်သွားသောကြောင့်
" ဒီနေ့တစ်ရက်တော့ အိပ်ရေးဝဝအိပ်လိုက် ကိုး "
ဟူ၍ တိုးတိုးပြောလိုက်သည် ။
2.
ကိုး အိပ်ရာမှနိုးလာသောအခါ အညိုက ဘေးတွင်ရှိမနေတော့ ။ ထို့ကြောင့် စားပွဲပေါ်တွင်တင်ထားသော ဖုန်းကိုယူကြည့်လိုက်သည် ။ မနက်ကိုးနာရီထိုးနေပြီဖြစ်သောကြောင့် မျက်လုံးပြူးသွားပြီး ဝုန်းကနဲထထိုင်လိုက်သည် ။ စိတ်ထဲမှလည်း
" ငါဘယ်လိုတောင်အိပ်ပျော်သွားလို့ မနက်လေးနာရီအလန်းမ်ပေးထားတာကို မနိုးတာလဲ "
ဟု ရေရွတ်လိုက်သည် ။ ထို့နောက် ကုတင်ပေါ်မှဆင်းကာ အောက်ထပ်သို့ပြေးဆင်းလာခဲ့လိုက်သည် ။ အောက်ထပ်သို့ရောက်သောအခါ ကေသီကပြုံး၍
ESTÁS LEYENDO
🔥 My boyfriend is so hot 🔥(21)
RomancePlz read " MUST RERD " before you start reading.