#شغفها_حُبًا .
ح 3 .
نكوميس"فتاة القمر" .
فاديه مسحت دموعها : حبيبتي ساجده، ألف الحمد لله ع سلامتك ماتشوفي شر يارب.
ساجده بصوت تاعب: عمتي، مش حاسه برجليا مش قادره نحركهم
فاديه تتجنب فيها: خلي نادي إلياس ،
بينما حطت ساجده راسها ع مخدتها ونزلو دموعها بألم،وللحظه خُبطتها الذكريات من راسها بقوه..لحظه الحادث! وبوها اللي توفى فتحت عيونها بدهشه وتجمعوا دموع في عيونها ..وبدت تبكي بصوت عالي؛ كل مُحاولاتها بأنها تنوض من مكانها او تقدر تتحرك كانت فاشله ،حتى زادت من حالتها سوء لما لقت نفسها مش قادره تمشي.
بينما مراد كان واقف يتكلم بتليفون ، أنهى مكالمته لما سمع صوت فاديه
فاديه: ماشفتش مُراد وين!؟
مراد عقد حواجبه: مش عارف طلع ممكن، خير فيه حاجه!؟
فاديه:اني هربت من ساجده الانه ...
سكتو هما اتنين لما سمعو صوت عياط وتخبيط جاي من غرفتها
فاديه حطت يدها على فمها: ساجده!؟
وامشت تجري؛ ووراها مُراد وبعد ماخشو كانت الغرفه محطمه مكسر كل شيء وساجده طايحه ع الارض ومش قادره توقف
فاديه مشتلها تجري ونزلت لي مستواها : ساجده بنتي
ساجده تلهث في أنفاسها:بابا مات عمتي قوليلي ردي عليا مات ولا شنو؟
فاديه هزت براسها بمعنى اي ،ودموعها ينزلوا في حين ساجده انهارت للمره ثالته تقريبًا،
ساجده تخض في عمتها بقوه: تكذبي عليا صح؟مستحيل بابا يمشي ويخليني هوا قالي انه راجع هوا قالي هكي وعمره ماخلف بوعده قوليلي تبصري عليا هيا قولي ماتقعديش ساكته"عيطت بالكلام في نهاية الجمله".
بينما مراد كان واقف ويشوف من بعيد لا قادر يقرب ولا قادر يقعد في مكانه ، كان يشوف لي ملامحها الحاده والجذابه في الوقت نفسه.
استنجدت فاديه بمراد حتى يجي يساعدها باش ترفعها ع سرير وتنادي الممرضات ، قرب مراد بخطوات ثابته منهم وساعد فاديه وقامها من معصم يدها وحطوها ع السرير وسرعان ما مشت فاديه حتى تكلم الممرضات.
ساجده بتعب واضح:علاش هكي؟ ووين اني أصلا!؟وانت منو!؟ليش وجهي ملفوف هكي
مراد ساوى المخده ف حطلها راسها بهدوء ع المخده وشداته الملامح الجميله للمره تانيه لما كان قريب منها وماتفصلش بينهم غير شعره، للحظه حس بشعور ؟
يفصل في ملامحها بعيونه وفي باله يقول"هاذي ومحروق نص وجها وهكي ؟كيف ما تتعالج ،سندريلا؟؟"
بينما غمضت سااجده عيونها بتعب لما حست نفسها بدوخ وهيا تمتم باسم إلياس، وما أن سمع اسم الياس يطلع من بين شفاتيها؛ بعد عليها وذكر خوه وصاحبه.
ف فتح الباب وطلع وماهيا الا ثواني حتى تخش فاديه وخلفها دكتور وزوز ممرضات.
أما مراد اللي خلى عقله في الغرفه وطلع والامر ماهو بهين ،حس روحه مسؤول ، مسألة ثقه مش مسأله ساهله لما صاحبه وخوه خلى معاه بنت عمه يعني هوا واتق اشد ثقه ومستحيل مراد يخيب ثقة الياس.
-إلياس: شن قصتك انت ديما سارح من فيه في بالك!؟
مراد: لالا غر موضوع اماليا شاغل بالي هالفتره
إلياس: انشاء الله خير، شن ساجده ناضت؟
مراد: اي ناضت ، .. وقبل مايكمل كلامه خش إلياس لي غرفة ساجده.. استفزاته حركة الياس ف خدي هاتفه وطلع .
تنفس مراد الصعداء حتى يطلع البخار من فمه إثر الهواء البارد اللي صفع مسح بيده شعر رأسه وركب سيارته وإختفي عن الأنضار.
