#شغفها_حُبًا
ح 4
نوكوميس"فتاة القمر".
"نحدف ره في اللي مايتفاعلوش واللي يديرو في ملصقات وتم الانهم يستقزو فيا حتر اي كلمه عادي بليز" $قراءه ممتعه.
في واحد من مطارات أمريكا الكبيره والمعروف حط إلياس شنطته ع كتفه وهوا يشوف للركاب اللي بدوا يستعدوا للاقلاع الطايره،
طبطب مُراد على كتفه وقال بصوته الرجولي الخشن: انشاء الله مانخيبش ثقتك ..كون متهني
إلياس: اني لو ماكنتش ما أمن عليهم معاك كنت رجعت اني وياهم او قعدت معاهم .
مراد تنهد: قد المسؤوليه متخافش
إلياس: سامحني مراد الانه بوي صدق كلام الفيس والاشاعات
مراد ضيق عيونه : اني في حاجه مش فاهمها .
إلياس: شن هيا،؟
مراد: كيف بوك وعمامك خلى عمتك وبنت عمك معاي رغم انه مصدق الاشاعات؟
إلياس : كل راعي مسؤول عن راعيته بوي ولا همه بنت عمي ولا اخته مش بس بوي حتى عمامي ،
مراد سكت باستغراب ،واصل إلياس كلامه .
إلياس: بين فتره وفتره نحاول نوصل فيكم حتى بالخنبه، انت تعرف انه بوي ومانقدرش على زعله
مراد: اكيد اكيد .
حضن مُراد صاحبه وركب للطياره . بينما وقف مُراد يشوفله من بعيد وحاط يديه في جيوبه كان حاسس بحمل كبير على ضهره حاس بمسوؤليه لازم يشيلها ومايخيبش ثقة صاحبه .
*************************************
ساجده: كيف امشي ؟ كيف خلانا مع شخص مانعرفوشي؟ عمامي كيف رضوا نقعدوا معاه!؟ .
فاديه: اني بروحي مش فاهمه شيء .
ساجده بنبره مهزوزه: توا قصدك عمامي تخلوا علينا!؟
فاديه طلعت هاتفها :خلي نتصل ونفهم منهم
ساجده ضحكت: اني ولا مره حسيت بشعور اني عندي عمام ح نقدر نتكأ عليهم
فاديه: شن قصدك؟
ساجده قوست شاربها: عندي شك في انكم عيلتي .
فاديه قرنت حواجبها بشك!
فكملت ساجده: لولا بابا وماما وخواتي وانتي ماكنتش ح نصدق انكم عيله
فاديه: انتي شكله ركبتلك الحراره .
ساجده: ع فكره اني مليت من قعدت المستشفى هاذي
فاديه: مش مزال هلبا وتكملي علاجك وبعدين ندورو حوش نقعدوا فيه ونعتمدو على نفسنا قداش بيقعد الراجل حاصل فينا!
ساجده: حقه ماقلتليش شن اسمه!؟
فاديه: مراد تقريبا؟
سكتت ساجده والاسم يتردد في عقلها ذكرت ملامحها وللحظه ذكرت .
فاديه: مايردوش عليا .
ساجده: عرفته عرفته ..
فاديه شفتلها بعدم فهم
ف كملت ساجده بدورها: هذا اللي يحكوا عليه في نت ديما كنت نشوف فيه ع فكره، كانو يصورو فيه بس ملامحها مش واضحه وديما يكتبو عليه ويقولو تحسبوا عليه كان يبيع في مخدرات ليه علاقه بشيء زي هكي .
نفتح الباب ف قال مراد: اي وقاتل ناس بريئه واني الضالم في الروايه
سكتت ساجده لما حطت نفسها في موقف بايخ جداً ؛شافتلها فاديه بنضره ضمي فمك
مراد شاف لي فاديه: الدكتور قال لو تبي توقع على ورقة الخروج عادي.
فاديه: والكروس
مراد: هوا كله مرتين في الاسبوع اكيده مش ح تقعد في المستشفى ع خاطر يومين في الاسبوع.
ساجده: اي صح كلامه.
فاديه: مش عارفه .
مراد خش للغرفه ومد الورقه والبيرو لي ساجده ف قال بنبرة امر وهوا يشوفلها: توقيعك .
شافتله ساجده للحظات من نبرته الحاده والقاء كلماته بأمر مش استشارة .فخدت ساجده البيرو بغيض ووقعت ومدتله الورقه ومحاولتش عيونها من عينه. ف خدي بدوره الورقه
مراد: جهزو رواحكم شويه وطالعين ؛طلع من غير مايعطي مجال لي اي حد يتكلم
فاديه: جاي في خاطري نوض نعجنك توا .فوق ما راجل يساعد فينا
ساجده: من قاله يساعدنا؟بعدين خيره يتكلم من راس خشمه هالبياع الحشيش السكار.
فاديه فنصت فيها: ضمي فمك يابنت
قلبت ساجده عيونها وسكتت .
