#شغفها_حُبًا.
ح5
نوكوميس "فتاة القمر".
باستغراب كان واضح على ملامح وجه مُراد ،وهوا يشوف لي يديهم المتشابكات في بعض ،وللحظه حس بشعور غريب، بينما رفعت ساجده عيونها ف عيونه ف قالت بنبره كانت مُتزعزعه ، وعلى وشك الإنهيار.
ساجده: خودني لي أي مكان المُهم ماتخلينيش اهني .
وللمره تانيه كانت تستنجد بيه.
مُراد بصوت واطي: وين بنرفعك توا عقاب الليل ؟
ساجده شافتله بنضرات بريئه مترجيه وزادت ضغطت على يدها بقوه: عُمري ماترجيت حد وشديته من يده زي ماشديتك توا .
باعد مراد بنضراته وكأنه يتأكد من عمتها.
ساجده:عمتي راقده .
مراد: حاس روحي نخون في ثقة خوي.
ساجده حولت يدها: ماقتلكش دير حاجه عيب استنجدت بيك الاني لو قعدت اهني مش عارفه شن ح يصيرلي اني لازم نطلع ونشم هواء ونستريح اني اهني يحرق فيا " وأشرت على قلبها".
سكت لي ثواني معدوده وقال: لو عمتك ناضت ومالقاتكش؟
ساجده: عمتي مُمستحيل تتحرك من مكانها صدقني. ماتحسسنيش اني طلبت منك ترقد معاي ليله ؟
عقد مراد حواجبه: استغفري الله شن تخرفي.
ساجده: تخلي فيا نهزى على روحي بتصرفاتك هاذي طلعني مراد.
وللحظه اللي ذكرت فيها اسمه بهمس ؛انخلق شعور جديد ماحسش بيه من قبل شعور انه اول مره يحس انه لي اسمه معنى فعلاً وانه حلو وقنين .
مراد حط الاب توب ع الكنبه ودف الكرسي: شويه ومروحين
ساجده ابتمست: واخيرا يعني لكن راسك كاسح .
مراد يسكر في الباب بهدوء: اي هلبا؛حتى انتي القابك كان تعدليها خيرلك .
ساجده: ردة فعل قويه منك.
مراد: اسكتِ
سكتت ساجده لما ركبوا اتنين للاصنصير ف تعبى بعطر مراد القوي المختلط بريحة الدُخان ، حست انه وجها أحمر وارتفع مستوى الأدرينالين عندها .
وقف الاصنصير وطلع بيها مُراد اللي كان يمنع في نفسه من نضرة ليها لكن هذا ضلم عيونه لازم ترتوي بجمالها؛ جمال!؟ وهيا وجها ملفوف ومحروق!؟ ختم مراد بهاذي الجمله تاخد صراع كان بين قلبه وعقله ونفسه.
فتح مُراد باب السياره ف قالت ساجده ؛تو نركب بروحي. ركبت وخدي الكرسي المتحرك قرطسته وحطه في السياره؛ ف ركب بدوره لي جيهة السواق وامشي اما الوجها ف كانت غير معلومه .
**************************************
نورس تبكي على سرير: حرام عليك يا ماما انتِ افهمي عليا بس.
ساميه: شن هوا اللي بنفهمه راك حامل بالحرام يابنت بالحرام افهمي .
نورس خانقتها العبره: والله ياماما لا نعرفه ولا يعرفني تعدا عليا والله .
ساميه : من هوا تكلمي!؟
نورس تبكي وساكته وهيا تحاول تفكر وتستجمع ملامح الشخص
ساميه:كيف باهي وامتى .
فتحت صديقتها الباب : عمتي ساميه اهدي شويه وخلينا نفهموا منها باهي.
ساميه: انتِ كان عندك علم بالموضوع؟؟!
آيات: لا
ساميه: قولي الحق.
آيات: هيا حكتلي صح؛لكن ..
ساميه : لكن شنوا!؟
آيات: لكن مانعرفش من هوا هيا قالتلي انها شايفاته قبل بس مش عارفه وين ولا امتى.
شافت ساميه لي نورس اللي كانت تبكي وحذفت عليها المخده: الله لا تربحك لا دنيا لا آخره .
ساميه ماشيه جايه في دار: احمدي ربك مراد مسافر والا كان هذا ره عرف بالموضوع بروحه وقتلك هذا معتز يفوت عليه اي شيء.
ما أن نذكر اسم مراد في المجمع بينهم؛ إبتسمت آيات ابتسامه كلها حب ف قالت بصوت واطي: امتى يروح ونكحل عيني بشوفته .
