Why not Me

Part 4 U+Z

Unicode

မြင်မြင်ချင်း ချစ်တဲ့ အချစ်ကို ခင်များတို့ယုံကြလား...။ ကျွန်​တော်က​တော့ ကိုယ်တိုင် ခံစားခဲ့ရတာ​ကြောင့်ပဲ အကြွင်းမဲ့ကို ယုံကြည်ပါတယ်။

နှုတ်ခမ်း​အောက်က မှည့်နက်က​လေးနဲ့ အရယ်အပြုံးမဲ့တဲ့ ကိုကို့ကို မြင်မြင်ချင်းမှာပဲ တစ်ဒိတ်ဒိတ်နဲ့ ခုန်လာတဲ့ နှလုံးသားရယ်​လေ...။ ကျွန်​တော် မတားဆီးနိုင်ခဲ့ပါဘူး...။

ကိုကိုက အကြင်နာမဲ့တယ်။ သူ့ရဲ့ သူငယ်ချင်း ကျိရန်ဆိုတဲ့ ​ကော​ကောကလွဲရင် တစ်ခြားသူကိုဆို အ​ရေး​တောင်မလုပ်ခဲ့ဘူး။ လူချမ်းသာ​လေးလို့ နာမည်ကြီးတဲ့ကိုကို့ကို ရိ​ပေါ်သ​ဘောကျသလို ရှိန်လည်းရှိန်ခဲ့ရတယ်။

မထင်မှတ်ပဲ ကျိရန်​ကော​ကောနဲ့ ​ဟောက်ရွှမ်းနဲ့က ခင်သွားကြသတဲ့။ ကိုကိုက​လည်း ဒီလိုနဲ့ပဲ သူတို့နဲ့ တူတူ​ပေါင်းဖြစ်လာခဲ့ပါတယ်။ ကျွန်​တော် သိပ်​ပျော်ခဲ့တာ​ပေါ့...။

ကိုကို့​အနားရှိ​နေရင် ​ပခုံး​လေးမတ်ပြီး တုပ်တုပ်မှမလှုပ်ရဲခဲ့တာ ကိုကိုကလွဲရင် အားလုံးက သတိထားမိခဲ့ကြပါတယ်။ ခုမှ စဥ်းစားကြည့်​တော့ ကျွန်​တော့်ဘက်ကအရမ်းသိသာ​နေသ​လောက် ကိုကိုက ကျွန်​တော့်ကို စိတ်မှမဝင်စားခဲ့တာ ဘယ်သိခဲ့ပါ့မလဲ။

ကျိရန်နဲ့ ​ဟောက်ရွှမ်းနဲ့ တွဲကြပြီတဲ့ကိုကို။ ကျွန်​တော်သိပ်​ပျော်တာပဲ ကိုကိုက ကျွန်​တော်တို့နဲ့ အမြဲအတူတူရှိ​နေ​တော့မှာ...။ ဘာလို့လဲဆို​တော့ ကိုကို့မှာ သူငယ်ချင်းဆိုလို့ ကျိရန်ကောကလွဲရင် တစ်ခြားသူမရှိဘူး​လေ...။

ကိုကို့ကို ဖွင့်​​ပြောဖို့ဆိုတာ ရိ​ပေါ်အတွက် အလှမ်း​ဝေးလွန်းတဲ့ အိမ်မက်က​လေးပါပဲ။ ကိုကိုက ​မာ​ကျောတယ်၊ ​အေးစက်တယ် စူးစူးရဲရဲ မျက်ဝန်းတစ်စုံနဲ့ အမြဲစိုက်ကြည့်​နေတတ်ပြီး ထိုမျက်ဝန်း​တွေက ရိ​ပေါ်ကို အနားကို မကပ်လာဖို့ သတိ​ပေး​နေသလိုပဲ...။ ရိ​ပေါ်ရဲ့ ဆယ်​ကျော်သက်ဘဝ​လေးက ကိုကို့ကို သ​ဘောကျရင်း ကုန်ဆုံးသွားခဲ့ပါတယ်။

​အထက်တန်း​ကျောင်းပြီးလို့ တက္ကသိုလ်တက်တဲ့အခါ အရွယ်​ရောက်လာတဲ့ ​ကောင်​လေး​လေးရဲ့ စိတ်နဲ့နှလုံးသားမှာ ကျန့်​ကောက စွဲစွဲမြဲမြဲ​နေရာယူ​နေခဲ့ပါပြီ။ အချစ်ဆိုတာမျိုးက ထိန်းချုပ်လို့ရတဲ့ အရာမဟုတ်ဘူးဆိုတာ ကျွန်​တော်တို့အားလုံးနားလည်ထားတဲ့ အရာမလား...။