Unicode
ညနေပိုင်းရောက်တော့လည်း ရှောင်းကျန်က ပြန်မရောက်လာသေး။
ရိပေါ် ထိုနေ့ညက အပြင်းဖျားပြီး ဆေးခန်းမှာ drip ချိတ်ယူလိုက်ရတာကြောင့် ဟောက်ရွှမ်းရော ကျိရန်ရောက လိုက်စောင့်နေပေယရသည်။
ညဥ့်နက်လာတော့ ကျိရန်က သူအိမ်ကိုတစ်ခေါက်ပြန်ပြီး ညစာအတွက်ပြင်အုံးမယ်ဟုဆိုတာ ပြန်သွားသည်။
ဆေးခန်းမှာ ညမအိပ်ပေမယ့်လည်း dripကုန်အောင်စောင့်ဖို့ဆို ၁နာရီလောက်လိုသေးတာကြောင့် ကျိရန်က အရင်ပြန်သွားခြင်းပင်။
"အားနာလိုက်တာ ကော..ကျွန်တော့်ကြောင့် အလုပ်ရှုပ်သွားပီ"
"အားနာစရာမဟုတ်တာ ရိပေါ်ရယ် အိမ်မှာ ချက်စရာတစ်ခုခုရှိတယ်မလား"
"ဟုတ် ရေခဲသေတ္တာထဲမှာ နှပ်ထားတဲ့အသားနဲ့ အသီးအရွက်တစ်ချို့တော့ ရှိသေးတယ်"
"ဟုတ်ပြီဟုတ်ပြီ မင်းလည်းနေမကောင်းတော့ စွပ်ပြုတ်လေးလုပ်ထားပေးမယ် စိတ်ချလက်ချသာ ဆေးသွင်းနေ"
"ဟို ကျိရန်ကော..."
"ရှောင်းကျန်ပြန်ရောက်နေရင်လည်း ဖုန်းတက်လိုက်မယ် ဟုတ်ပြီလား"
ကျိရန်က ရိပေါ်မမေးခင် အလိုက်တသိပြောလိုက်တာကြောင့် အဖျားအရှိန်နဲ့ ပါးလေး၂ဖက်ရဲတက်လာသည်မှာ အရမ်းကိုချစ်ဖို့ကောင်းနေလေတော့သည်။
*ရှောင်းကျန်ဆိုတဲ့ကောင်ကတော့ တန်ဖိုးမထားတတ်လိုက်တာ တကယ်ပဲ*
ကျိနရန်လည်း စိတ်ထဲကနေသာ ရေရွတ်လို့ တိုက်ခန်းဆီ ပြန်လာခဲ့တယ်
အပြန်လမ်းမှာ ရိပေါ်အတွက် ကြက်သားစွပ်ပြုတ်ပြုတ်ဖို့ ကြက်တစ်ကောင်ကလည်း ဝင်ဝယ်ခဲ့သေးသည်။
ဟိုရောက်တော့ ခနနား ချက်ပြုတ်နေတာနဲ့ အချိန်တောင်မကြည့်မိ။
ဟင်းချက်နေရင်း ဖုန်းလာလို့ screen ကိုကြည့်လိုက်တော့ ဟောက်ရွှမ်း။
"အင်း အချစ်"
💌 : ကိုယ်တို့ နည်းနည်းနောက်ကျအုံးမယ်ထင်တယ် ဘေဘီ ရိပေါ်ဆေးနဲ့ ဓါတ်မတည့်လို့လားမသိဘူး အလာ့ဂျစ်တွေ ထလာလို့
