Unicode
"ဘယ်ချိန်အဲ့ အရက်တွေကို ထိုင်သောက်နေမှာလဲ ရှောင်းကျန်ရယ်"
အရံဟင်းတွေ လတိုင်းလာပို့ပေးပေမယ့် လတိုင်းသိုးကုန်လို့ သွန်ပြစ်ရစမြဲ။
တစ်ချိန်ချိန်ကျ ပြန်လာမှာပါ ဆိုတဲ့ မျှော်လင့်ချက်ကလေးနဲ့၊ သူ့ကိုအဆုံးထိထားမသွားလောက်ပါဘူး ဆိုတဲ့ စိတ်ကလေးနဲ့ ရှောင်းကျန်အသက်ရှင်နေမှန်း ကျိရန်သိသည်။ ကျိရန်မှမဟုတ် ရှောင်းကျန်ဘေးကလူတွေအားလုံး ထိုအဖြစ်မှန်ကို သိကြသည်ပဲ။
"ဘေဘီက ငါ့အနားမနေချင်တော့ဘူးတဲ့ ကျိရန်"
"ဟင်း...."
အရင်က ၂ယောက်သား အတူတူနေတဲ့ တိုက်ခန်းလေးမှာပဲ ရှောင်းကျန်ဟာ သူ့ကိုယ်သူပိတ်လှောင်ပြီး ဒဏ်ခတ်ထားတယ်။
"ငါ မင်းအကြောင်းကို သွားပြောပြလိုက်ရင်ရော ရှောင်းကျန်? သူကနားလည်ပေးမှာပါ...."
"ဘာပြောမှာလဲ စုတ်ပြတ်နှုံချာခဲ့တဲ့ ငါ့အတိတ်အကြောင့်ကိုလား။ အဲ့အကြောင်းတွေပြောပြပြီး ငါ့ကိုသနားချစ်ပြန်ချစ်လာအောင်လို့လား"
"မဟုတ်ဘူးလေ ရှောင်းကျန် မင်းနဲ့ရိပေါ်နဲ့ ကွဲရတာလည်း...."
"ငါ့အမှားတွေပါ ကျိရန်...အကုန်လုံးကို ငါပဲရွေးချယ်ခဲ့တာ...ဘေဘီကို သူ့ဘာသူ နေပါစေတော့"
အရက်ပုလင်းကိုကိုင်လို့ အိမ်ထဲဝင်သွားပြီဖြစ်တဲ့ ရှောင်းကျန့်ခြေလှမ်းတွေ လေးပင်စွာ...။
▫️▫️▫️▫️▫️▫️▫️▫️▫️▫️▫️▫️▫️▫️▫️
"ပြန်မယ်???"
"အင်း ပါးနဲ့မားကို သွားနိုင်လာနိုင်တုန်းလေးkorea ကိုလည်း ခေါ်ချင်လို့"
"Honeymoon Trip ကိုတော့လိုက်ခဲ့ပေးလေကွာ ရိပေါ် မင်းကလည်း"
"ဟုတ်သားပဲ သားငယ်ရယ် ခွင့်က ၁လတောင်..."
"မား!"
ရိပေါ်ဟောက်ရွှမ်းတို့ကို ခွင့်ရက်သိပ်မရဘူးလို့ လိမ်ထားတာဖြစ်သည်။ မားကတည့်တည့်ကြီး ဖော်လိုက်တော့ ရိပေါ်မျက်နှာက ပျက်ခနဲ!
