Purple Dream [Complete]

အမှတ်တရသစ်ပင်ငယ်

Unicode

Naksan beach

အပြာရောင်လွှမ်းနေသော ကောင်းကင်ပြာပြာကြီးအောက် စိမ်းလဲ့နေသောရေပြင်ကျယ်ကသဘာဝဆန်စွာ လိုက်ဖက်လှပလွန်းနေခဲ့၏။ စိမ်းလဲ့ကြည်လင်နေသော ရေပြင်လွှာကို မငြိမ်မသက်ဖြစ်အောင်လူပ်ရှား လှုံ့ဆော်နေကြသော ရေလိူင်းလုံးများ။
သဲဖြူဖြူများရှိသော ကမ်းစပ်သို့လိူင်းလုံးများက လာရောက်ရိုက်ခပ်ကျီစယ်နေကလျှင် လိူင်းလုံးများ၏ရိုက်ခပ်မူကြောင့် ထိုသဲဖြူဖြူလေးများတစ်ချို့က ရေနဲ့အတူမျောပါသွားကြသည်။
ထိုသည်မှာလည်း ကမ်းခြေတို့၏အလှတရားတစ်ခုပင်ဖြစ်ခဲ့၏။

Naksanကမ်းခြေမှာ ကိုးရီးယား၏ နာမည်ကြီးကမ်းခြေတစ်ခုဖြစ်သည်။ စိမ်းလဲ့နေသောရေများ၊ အဖြူရောင်သဲနုများဖြင့်ဖွဲ့စည်းတည်ရှိနေသလို ထင်းရှူးပင်များလည်း ပေါများသောကမ်းခြေတစ်ခုဖြစ်၏။
လတ်ဆတ်ဆတ်ပင်လယ်စာများကိုလည်း အရသာရှိစွာစားသုံးနိုင်သည်။
ထို့ကြောင့် ကမ်းခြေသို့အလည်လာရောက်သော မိသားစုများ၊စုံတွဲများ လည်းများ၏။ အခုဆောင်းရာသီဖြစ်နေတာကြောင့် နွေရာသီမှာလောက်အလည်လာရောက်သူတွေရှိမနေပေမဲ့ အသင့်အတင့်တော့ရှိနေခဲ့သည်။