Purple Dream [Complete]

ကြေမွနေသောနှလုံးသားများ...

Unicode

"ထယ်...."

လှိုက်မော နာကျင်နေသောအသံက taehyungနှလုံးသားဖျစ်ညစ်လိုက်သည့်အတိုင်း။ ထိုအသံကြောင့်... taehyungမျက်လုံးများပိတ်ချကာ အံတင်းတင်းကြိတ်လိုက်မိ၏။
သူစကားသံတစ်ခွန်းမျှမထွက်နိုင်သေး။

"ငါရူးတော့မယ်ထယ်ရယ်.... ငါတစ်ကယ်ရူးတော့မှာကွာ... ငါ...ငါဘာလုပ်ရမယ်မှန်း မသိတော့ဘူးထယ်။ ဘာကဘယ်လိုစမှားပြီး... ဘယ်လိုတွေဖြစ်ကုန်လည်း....ငါမသိတော့ဘူး"

jiminစကားများကြောင့် taehyungကအမှန်ပင်အံသြသွားမိသည်။
သူကြားရမယ်ထင်ခဲ့တာ....jiminဆီကအခုလိုစကားမျိုးမဟုတ်။ Enn Hanaပြောခဲ့သည့်ကိစ္စများဟာ အမှန်ဖြစ်ကြောင်း jiminလည်းဝန်ခံပြောလာမည်ဟု ထင်ခဲ့တာဖြစ်သည်။ အခုလိုမျိုး စိတ်ရှုပ်ထွေးမွန်းကြပ်စွာပြောလာမည်ဟုမထင်ခဲ့။
ဒါဆို တစ်ခုတစ်ခုလွဲမှားနေခဲ့သည်လား။
သူမယုံနိုင်ဖြစ်ရသလို Enn Hanaပြောခဲ့သည်က တစ်ကယ်လည်းအမှန်တရားတွေမဟုတ်ဘူးလား.....။

Minie၏စကားများတွင် ယူကြုံးမရဖြစ်ခြင်းများနှင့်ရှိုက်သံရောနေသည်။
သူကိုယ်တိုင်လည်းminieကို ဘယ်လိုပြောပြီး ဘယ်လိုနှစ်သိမ့်ပေးရမည်မသိတော့။
မေးခွန်းတွေက တစ်စက္ကန့်အတွင်းမှာပင်အများအပြား....။ မည်သို့တွေးရမည်လည်းမသိတော့ပဲ ဉီးတည်ချက်ပျောက်နေခဲ့ပြီ။

" minie... "

"ထယ်... ငါဘာလုပ်လိုရမလဲကွာ...."

Minieကိုယ်တိုင်လည်း လမ်းပျောက်နေသည်ထင်ပါသည်။
Minieပြောသလို ဘယ်ကဘယ်လိုစမှားနေလဲ သူလည်းမတွေးတတ်တော့။
အရင်ဆုံး minieအားနှစ်သိမ့်ပေးဖို့ကြိုးစားရသည်။

"အဆင်ပြေသွားမှာminieရယ်.... အားတင်းထားနော်"

"ငါဘယ်လိုတွေးပြီး အားတင်းရမလဲထယ်ရာ.... ငါ့ကိုရုန်းမရအောင်အကုန်ချည်ထားကြတာ။ ငါ့အဖေတောင်ငါ့ဘက်မှာမရှိတော့ဘူး။ ငါဘာမှလုပ်လို့မရတော့ထယ်ရဲ့။ ငါမှာရွေးချယ်စရာဘာမှမရှိတော့ဘူး။
ငါအိမ်မပြန်ချင်တော့ဘူးထယ်....
ငါတစ်ကယ် ပျော့ညံ့မိတော့မယ်"

"Minie မင်းအခုဘယ်မှာလဲ"

"Barမှာ..."

Barဆိုသည့်စကားကြောင့် စိုးရိမ်သွားရသည်။ တစ်ယောက်တည်း Barမှာရှိနေသည်လား။ငါတစ်ကယ် ပျော့ညံမိတော့မယ်ဆိုတဲ့စကားကလည်း ဘာကိုရည်ရွယ်မှန်းမသိပေမဲ့
အခုလိုအခြေအနေမျိုးမှာ minieတစ်ခုခုလုပ်ပစ်လိုက်မှာကို စိုးရိမ်လာသည်။