حن الدنيا ♥

2

رواية : حن الدنيا ❤️✨.
للكاتبة : Nona Alsebhawy

البـارت التانـي .....

ماما : اهم شي عجبك
انا : وحق ربي يماما فالخاطر وجي ف وقته نحبكممم انا ربي مايحرمني من وجودكم
بابا : انشالله حبيبتي
ماما : كان مادللناك من اندللو
انا : ربي يطول ف عمركم يا اغلا ماعندي
بابا وماما : انشالله يارب
الهديه كانت تليفون ايفون 13 يحليلي فرحت بيه قريب ماحدفته ع الحيط من فرحتي .. يعني جديات اخر تليفون درته ايفون 8 بلاس كمم سنهه عندي قعد ..
بابا : بكرا اشري كملياته باهي
انا : ان شاءلله
ماما : وهادو مرطبات اللي قلتي عليهم وباتك شاريلك زوز توت اهمي
انا : شكرا حبايبي
ووقفو بيطلعو
انا : وين ماشيين ولكياس شن فيهم
ماما : هدا لخوتك
انا : ترا انشوفهم 
بابا : تعالي معانا
انا : هي ورفعت تالفوناتي الزوز باش سند ينقل كل شي للتلفون لجديد
نزلنا للمربوعه مفيش حد وبعدها مشينا لدار الجلوس لقيناهم يهدرزو ويضحكو
اول ماخشو بابا وماما ونا وراهم يحسابو حكيتلهم انه سيف ضربني سكتو وشافو لبعضهم
بابا : خيركم سكتو
سيف : لا مفيش شي ولله استغربنا دخولكم المفاجئ
ماما : قعمزت ..ها شن الجو
سند : الحمدلله يمي
سيف : كويسين
سراج : ها يانبع الحنان شن هالكياس ولا كالعاده لـ حن المشكله حت الاسم يغث
بابا : احترم
انا : سكتت وقعمزت بجنب ماما
ماما : عيب سيرجو اختك هدي ..هادي ليك مني نا وبوك وعطاته طلع بلايستيشن 4 انا قريب بكيت خاطري نملك واحد
سراج : حيي حي علماا ولللهي الا بلايستيشن باهي ونط باس راس ماما وبابا
ماما : وهادي لـ سنودي وعطاته طلع لاب توب حلووو
سند : ابتسم : ناض باس ماما : شكرا يادنيتي وباس راس بابا : الله يديمكم لنا
كلنا : امين يارب
ماما : وهدي لي سيفو وعطاته باكو صغير
سيف : شكرا ياعيوني باسها ومشي باس بابا ع راسه شكرا حاج وقعمز
بابا : مالا مش ناوي تشوف شن فيها
كلنا نشوفوله وهو يفتح فيها لين فتحها وضحن عليه علامات الصدمه
سراج : خداها وشافها:  الله اكبر وضرب سيف ع كتفه طيير هي
سند : شنو هادي
سيف : ضحك فرحان
سراج : مفتاححح سياارهه ت سياااارههه جديده
بابا وماما يضحكو وفرحانين وانا نشوفلهم وانشوف لفرحتهم وف خاطري الله محلاهم ومحلاه جوهم مع بععض ياريت نشاركهم فرحتي شفت كل واحد وشن حلمه البسيط شفت عيونهم يضحكو و قعدت ندمع ونمسح ف دموعي بسرعه ونضحك
سيف : نوضو نشوفوها
كلهم : هي وناضو بيطلعو شافوني مقعمزه محدش كلمني الا بابا مسكني من يدي وطلعني وماما مبتسمه وطلعنا وسيف دخل السياره للكراج باش نشوفوها عن قريب
كلهم باركوله لما جيت انا سكتو يسمعو : مبروك السياره سيف تبيدها بالهني
سيف : سكت شويه وهو يشبحلي : انشالله يارب وفات يشكر ف بابا وماما ونا مشيت للسياره مبتسمه ونا موجوعه نتلمس فيها وفرحانتله
سند فتح باب السياره نا وخرت خفت : خيرك
انا : لالا شي نشوف فالسياره عجبتني
سند : شبح فيا وبيفوت قلتله : مبروك الاب توب
سند : شكرا
انا : سند نطلب منك طلب
سند : رافع حاجبه ويفنص : قولي خير انشالله
انا : ومطبسه راسي: طلعت تالفوناتي الزوز : ممكن تنقللي برامجي وصوري وتردلي ايميلاتي للتلفون اهوا
سند : منين جبتيه اهوا
انا : من بابا وماما
سند : بيمشي بيفوت بعدها قاللي بعد العشي جيبيهم وطلع
سراج : مصدوم: هدا تلفون من
انا : امتاعي
سراج : من وين جبتيه
انا : تي شني من وين جبته هدا هدوه ليا بابا وماما
سراج : تو انهفك بكف اقلبي وجهك
انا خشييت حطيت التلفونات ع الطاوله ومشيت للمطبخ ل ماما
انا : ماامييي
ماما : ياعيونها
انا : بستها : نحبك
ماما : حت انا نحبك يابنيتي العسل
انا : حبيبتي شن العشي
خش بابا : نطلبو من المطعم
انا : هييييييييييي خشيييييي
ماما : تضحك : باهي عادي
بابا اتصل بالمطعم قالوله نص ساعه ويوصل ديليفري
قعمزو هم فالصاله ونا قعدت فالمطبخ شارده نفككرر ونخمم فجأه نحس ب حاجه ادير ف صوت من باب المطبخ الخلفي التفتت لقيته كلب ونطلقها عيطه حسيته الحي كله بكبره سمعها عيطتي وطلعت طلقه والكلب ينبح ف حال ويخش يجري ف جرتي
كلهم انخلعو ومستغربين فالكلب الا سراج بسرعه بعد سمع عيطتي جي يجري وقفت ورا ظهره ونا نرجف ماسكه تيشرته بقوه ونبكي : وووهه علياا ياسرااج بياكلني الكللب ولد الكلب يايابا دونك لياا ووووك عليا الكلب في حوشنا
سراج يهدي فالكلب وميت بالضحك : انا بنشدك ولا بنشد الكلب اسكتي بلا عياط وحولي
انا : من الخوف مقدرتش نطلقه ونا مسكره عيوني بالقوه حاسه كان نفتحهن ينط عليا
سراج : تي اطلقيني والكلب زاد ينبح
انا : عيطت من الخوف وبرمت بي الدنيا دخت وماحسيت بشي الا لما قالو العشي وصل فنصت قعمزت لقيتهم يشبحو فيا
بابا : خيرك يابنت
ماما : فاصله تهزب ف سراج : ياحمار شن جيبه كلب صاحبك لعندنا وكان عضها يا وقح
انا : قعدت نبكي : اااا ماما خلعني قريب جتني سكته قلبيه. وماما زادت تهزب الصراحه مستحليتها فيه
بابا : توا تتصل ب صاحبك يرفع خراه
سراج : متعصب : باهي
سيف : خش ومعاه العشي : خيركم
سند : ضحك صباح الخير
كلهم ضحكو وانا زدت بكيت بالصوت
ماما : خلااص انتي ماصدقتي
بابا : اسسس خلاص
انا : جيعانه
حطو العشي وناكل وفيا العبره والدموع يسبحن .. قعدو يشبحو فيا ونا نفرم ونفرم ونفرم
شبحو ف سراج
سراج : خيركم
وانا زدت بكيت
ماما : اشرت بعيونها عليا : لا مخيرنا شي
سراج :فهم بمعنا تأسف:  انتي هي
انا درت روحي طرشه ونبكي
بابا : عندها اسم
سراج تعفلك حط اللي ف يده وناض ركب لدارهم
انا : سكتت وجعني سراج خشيت للمطبخ جبت صحن وسفره وحطيتله عشي
بابا : كان خليتيه يتأدب يقعد بلا عشي
سيف وسند ساكتين وقارنين حواجبهم مش عاجبهم
انا : الحمدلله شبعت
ماما : صحه
انا : سلمك حبيبتي سفره دايمه يارب وخشيت للحمام غسلت يدي ووجهي وطلعت لقيتهم كملو مشيت لسيف قتله هااك ارفعه لخوك
سيف : هاتيها تو نقلبها عليك
انا : شبحت فيه ومصدومه
سيف : شبح فيا سكت ورفعها وفات
خشيت لميت الحوسه ونا متحسره. بعدها رفعت التليفونات من الطاوله وركبت لداري دوشت من جديد وجففت شعري ودهنته ودهنت جسمي ولبست البجامه الجديده اللي من بابا و فتحت شعري ولبست شبشب الحوش ورفعت التليفونات ونا خايفه واندق ع دار خوتي
فتح سيف رفع حاجبه : شن تبي
انا : خفت اول مره اندق عليهم من بعد ماسافر سامر : اءء نبي سند
سيف التفت : سند تبيك اختك
سند طلعلي : ها
انا : الدموع ع الحافه: اشرت ع التلفونات
سند : اه نسيت
انا بنمشي قاللي خشي خش وخشيت وراه
سراج : يفنص خير فيتك فالدار شن عندك فيها
انا طلعت معادش متحمله حد خشيت لداري وقربعتها ورقدت ع السرير نبكي بعدها بشوي اغفيت
.........
سند: خيرك انت
سراج : شن تبي فيها الدار خاشتلها
سند : مش دارك بروحك بعدين انا كلمتها وجايتني ماهي جاياتك
سيف : انتم خيركم قعدتو بمشاكلكم
سند : شني ام الحركه اللي دارها ليها حت انا منرضاهاش لروحي النم
سيف : سكت
سراج : اي قعدت ادافع عنها الجيفه
سيف : ششش
سند : احترمني خيرلك هاا وطلع لابتوب وطربق الباب عليهم ودق الباب وخشلي وقرب مني لقاني راقده بعبرتي طبس شافلي بعدها رفع التليفونات وطلع وسكر الباب ورد لدارهم
سراج : بهزوه: لزاتك هه
سند : شبحله ع جنب رقدت
سيف : تي كأنه التلفون اللي عندك ايفون 13
سند : هه شفته
سيف : من وين جبته الهم محلاه وقرب منه
سراج : متاع حن الدنيا ع قولتهم
سيف : انصدم : تبصصصصصر من جابهولها
سند : هديه من الوالدين
سيف : شن تبي فيهن جايبهن انت
سند : بننقللها حاجاتها للتليفون اهوا
سيف : ترا افتح انشوف تلفونها لقديم
سند : فتحه لقاه بلا رمز سحبه
سيف : غريبه مش دايرتله رمز
سراج : عاجنها طريحه بش ما تحطش رموز ف التلفونات
سيف : انت شن دخلك ف عمها تحط ولا ماتحط
سراج : قطاف يقولوله
سيف : ماتخليني نشنقك اليوم تي معادش يهمك ف جد اصلها وكان دارت الغلط تشوف هيا ..امالا ناسي روحك انت ولا ماديرش
سراج : مينوتقش فالبنات ومفيش وحده مااهي دايره علاقه
سند : يشرينه كفف : وقاله : هدين حركاتك انت واللي تكلم فيهن واللي ادير فيه مطبقه ع اختك تحسابها فاسده يا حمار
سراج : انييي تضربنيي ع خاطرهااا الحيوانه ال يقطع عليه سيف
سيف : مهما كان ومهما صاير بيناتنا متقولش الكلام هدا عن اختك ياسرااج شاد روحي عنك بالسيف وتستاهله الكف بتحكي جمله تانيه نشرينك تاني منحسابش يطلع منك كلام هكي عن اختك مهما كاان اختك اختك حت كان اللي صاير بيناتنا ومنحبوهاش علشان بعد جابوها وسيبونا باتي وامي
سراج : ااايييي قلتها علشان يحبوها مش معبريننا علشان يهدولها ومقصرين معانا علشان يخافو عليها ومش حاسين بينا ت انييي اختكم منحبهاااااش نكرهها نتمناها توا اتموت نرجا ف غلطه بسيطه منها بنقتلها خلوووني نكرهها وعيط وفتح الباب بالقوه انصدم لقاني واقفه من البكي وجهي احمر وعرقانه و حاطه يديا ع فمي
سراج : ءا
انا : حطيت يدي ع قلبي يدق بسرعه خياليه ونفسي بدا يضيق
وانشوف ف سند وسيف مصدومين
انا : انا شن درتلكمم اناا..................

تابعونا فالبارت الـتالت.