حن الدنيا ♥

5

رواية : حن الدنيا ❤️✨.
للكاتبة : Nona Alsebhawy

البـارت الخـامسس.......

انا : حيييييي خيرك
سامر : يضحك  : نوضي ياحن باتي يبيك
انا : قعمزت : انشالله خير شن فيه
سامر : الساعه 12 ياللا ..مش عارف هيا تعالي
غسلت وطلعنا فالدروج
انا : خيره الحوش مضلم
سامر : سبراايز وانفتح الضي المخفي بس
خلعني وبابا وماما وخوتي ولعو الشمع ويغنولي سنه حلوه ي جمييل
انا : مصدومه ودموعي ينزلو: حييي ونزلت
ماما : تعالي انفخي الشمعات
انا نفختهم ونا مصدومهه
بابا : كل عام وانتي بخير حبيبة بابا
انا : وانت بخير بابا حبيبي طول الله في عمرك يادنيتي
ماما : باستني : سنة حلوه حبيبتي العمر كله
انا : تسلمي ياعيوني وعمرك
وسكت الموس قصيت التورته
سراج : كل عام وانتي بخير حن سامحيني ياوخيتي حقك عليا
انا : طول بكيت وحضنته : مسامحتك دنيا واخره ونا مش زعلانه منك ربي يديمكم لي
سراج : باسني ع راسي : تسلمي عارف انه قلبك ابيض
انا : مسحت دمعته : حت انت قلبك ابيض وابتسمتله
سيف : حن
انا التفتت : نعم
سيف : اسف ع كل شي درته معاك وياريت نبدو صفحه اجديده وسنه طيبه عليك انشالله
انا : حضنته: اسفك مقبول ولله انشالله يارب تسلم اوسيفه
سيف : ضحك : منوره وخيتي
سند : واضح عليه التعب ومبتسم : كل عام وانتي بخير حن سامحينا
انا : حضنته : ولله مسامحتكم دنيا واخره ربي يديمكم ليا وكل عام وانتم معايا
ماما : حنونه هيا تعالي نحطو التورته فالتلاجه وانوتو العشي بعدها ناكلو الحلو
انا : هي تمام
سراج و سامر : تو انساعدوكم
وخشينا للمطبخ والمهم تعشينا وطلعنا الحلو ع السريع وبعدها غسلنا لمواعين وقعمزنا ف دار المعيشه
بابا : هادي هديتك وطلع وجاب القطوسه وخش
انا : قعدت انعيط ووقفت انصفق فرحانه : محلاها شششكراا حبيبي باباا اجعني مانفقدك
بابا : انشالله يابابا
ماما : وهادي هديتي نا وجابتلي بوكس فيه مجموعه زمالطوات و كريمات ومرطبات خاصات باليدين والكرعين
انا : يحلييلييي محلااهههه نحبكممم ربي يخليكم ليا وبست ماما وبابا
سامر: وهدي مني نا وعطاني صندوق متوسط مغلف فتحته فيه زوز عطور و مرايه ومشط شعر وورده
انا : يهبللل محلااهه وبسته ع خده وحضنته
سيف : اححم اء تفضلي عطاني بوكس كله شكلاطه وفيه دبدوب صغير وردي
انا : متفاجأه ضحكت : الله محلاه وقربت حضنته ونبكي
سيف : مسح ع ظهري اششش خيرك تو
انا : ضحكت ومسحت دموعي :شكراا
سراج : وهدي مني.. شنطه وشاح و اسبيدرو شفاف ف بوكس بسييط
انا : حضنته : شكرااا بجد تهبلووو
سراج : ابتسم
سند : حن هدي مني انشالله تعجبك عطاني صندوق صغيير
انا : كل شي منكم حلو وفتحتها لقيته سنسله دهب عليها اسمي بسييطه شكلها حلوووو
انا : بسته ع خده وحضنته : ولله ولله اليوم فرحتوني وجبرتو بخاطري مش حننسا اليوم هدا ف باقي عمري الله يطول بعمركم ويحفظكم ويرزقكم ب كل خير
كلهم : انشالله يارب
انا : مسكت القطوسه : بسبس قطوسهه
بابا : شن بتسميها
انا : نغني : لولو كاتي قطتي
ماما : تضحك : اسم كاتي حلو
انا : فرحت : اي اي كاتي
سراج : عندي صاحبي يخدم ف السناسل متاع اسم للحيوانات تو انقوله يديرلك وحده
انا : يااااريت الله يربحك
سراج : حاضر من عيوني
بابا : ايي خطرها باقي حوسه القطوس فالسياره تو انجيبها لك
انا : به
ماما : هييي الساعه 1 كل واحد على داره وكل عام وانتي بخير يابنيتي العمركله
وكلهم قعدو يعايدو فيا
انا : تسلمولي يارب يطول بعمركم وزهاكم ويخليكم ليا
وكل واحد ركب لداره ورقد الا انا مكسده ع القطوسه راقده امبدري شوي
انا : كاتي حبيبتي
كاتي : ميااووو
انا : اكيد عطشانه صح رفعتها ونزلت انا وياها للمطبخ عطيتها تشرب ونسمع ف صوت حد كأنه يبكي بالشويه
انا? ????????? وطلعت من الباب الخلفي متاع المطبخ
انا : متفاجأه : سنننندد خيركك
سند : عيونه حمر سكر تلفونه وشبح فيا : شن اديري لهالوقت
انا : كاتي اعطيتها تشرب وقف ع حيلك
سند : خليني ف حالي حن بري ارقدي
انا: مالا قطاف هوا مستحيل نخليك ونرقد احكيلي خيرك تبكي خوووفتنيي فييك شيي تحس بي شييي
سند : ساكت مسح دموعه
انا مسكته من يده وخشيت ورفعت كاتي
سند : وين ماشيا بيا
انا : مانرتاحش الا في داري بنركبو فوق وابتحكيلي تماام متقولش لا راه
سند : باهي وركبنا لداري وقعمزت متربعه ع السرير وقعمز مقابلني
انا : هيا فضفض نسمع فيك
سند : من زمان متعلق بي وحده وحبينا بعض بس هجرتني  ونا مازلت متعلق بيها ومش قادر ننساها قلبي ينبض بأسمها محروق عليها نبي نكلمها
انا : بتفهم وانسجام : باهي شن السبب اللي خلاها تبعد عنك ومن امتا الدوه صايره
سند : ياحن انا منعلمش شن اللي صارلها غير انها ف نص هدرزتنا قالتلي ربي يجمعك ببنت حلال وربي يفتحها في وجهك بعدين اختفت نهائي حت سبب مقنع مافيش اناا خايف صايرتلها حاجه لا قدر الله بلكي ميته مريضه مختفيه معادش نعلم وينها انا رااجل بكييت عليهاا واااعره لمااا تحبب شخصص ويختفي بدون مبررات والشاهد ربي اني عشقتها لليوم وامس نتخايل فيهاا نبي نكلمها بسس نبي نقوللها ليش اختفيتي وسيبتيني نبي السبب بيش نرتااحح ولو كان جاها حت نصيبها نبي نعرف بسس مضاايق نفسي نلقط فيه بالسيف راسي بيتفجر ومن التخميم والتفكير فيهااا تعبت انا ملييت نبي نرقد مرتاحح
انا : متأتره : ياحبيبي وحضنته : انا تفهمتك والشعور هدا حت لعدوك ماتتمناه واكييد بعد قعدت صريح معاي وفضفضتلي حنوقف معاك والبنت اهيا نوصلها نوصلها وميوقفناش حد انا وخيتك اي حاجه تبيها مره تانيه مستحيله نرفض تعال واحكيلي لما تضايق حنسمعك ومش حنمل ياروح اختك وبعدت عنه ومسحت ادموعه وابتسمت
انا : هكي تمام
سند : ردلي الابتسامه : تماام شكرا حن بجد انتي اسم على مسمى ربي يخليك
انا : مفيش حاجه حبيبي
سند : رقد ع كراعي : تعرفي ارتحت
انا : استندت عالمخده : انشالله دوم
وقعدت نلعب بشعره وهو بحكيلي ع شغله وقرايته
انا : سند نسألك سوأل جاوبني بصراحه
سند : حاضر
انا : خيرك تلبس فهالاسود اتقولي ميت بكريك
سند : ضحك : نحب اللون الاسود الصراحه يشبه لون حياتي
انا : لالا لازم تغير وحتشوف حياتك حتتغير معاه
سند : ان شاء الله مع الوقت
انا : تي بالله  اين وقت حييي خطرها
سند : خيرك
انا : شريتلك انت وسيف هدايه
سند : ترا انشوفها
انا : نوض انت انا معنديش جو
سند : ضحك : وين مكانها
انا : فالدولاب كيس اصفر
سند فتح الدولاب وطلع الكيس ورد رقد بجنبي ع المخده .. خديت منه الكيس وفتحته
انا : اهيا هديتك والسبيدرو متاع اوسيفه
سند : اووووه عندك دوق لالا
انا : مالا شن صقع عليك
سند : ولون سمائي زياده
انا : توته نضامها ولونها يمشو معاك
سند : شكرا حنونه تهبل
انا : ولووو ورقدت ع كتفه
سند : دارك معبيه ضي
انا : فتحت تلفوني ع الكاميرا : تعالا نصورو ......
سند : ترا انشوفها
انا : حلوهه
سند : اي بشفشوفتك وضحك
انا : خزيي
سند : يتتاوب : ع وجهك
انا : الله الساعه 3
سند : .......
انا : اووييي
سند : ......
انا التفتت لقيته راقد وقفت طفيت الضي و غطيته ورقدت حت نا

رايكم فحلقـةة اليووممم وارجوني ف حلقه جديده ويوووم اجديد
.........? !