حن الدنيا ♥

12

رواية : حن الدنيا ❤️✨.
للكاتبة : Nona Alsebhawy

البـارت الثاني عشر .....
انا : في خاطري : ايييه بدينا فالنفخ
ولاء: هااي
انا : صباح النور
دينا : حن وينك مدوريش غير وقت المصلحه ولا شنو
انا : شبحتلها : حبيبتي المصلحه يدورو فيها انتي واشكالك انا مانيش متاع مصلحه لا قطاف زايد هوينا قطعتي عنا النفس
دينا : درتي لسانات الباين تردي
انا : ضحكت بهزوه : لالالا حبي من زمان فيا لسانات ومن انتي اللي بنخاف منك متلا حولي من قدام وجهي ولا حق ربي يصير شي مايعجبك
دينا : خالي مدير المدرسه راه
انا : خالك ولا جدك شن دخلني في فيتك
ولاء: اششش بنات خلاص
هبه : خيركن
انا : شبحتلهن و طلعت قابلتني المشرفه
المشرفه : ليش طالعه من الحصه
انا : نبي الحمام والباين الحصه فاضيه مافيش ابلات
المشرفه : سنه كم انتي
انا : تاني تانوي
المشرفه : اهااا معندكمش حصص الابلات ماجوش بري للحمام ونا حنقعد معاكم فالحصه
وانا مشيت للحمام عدلت شعري ولبست وشاحي وطلعت للفصل وقعمزت وحصه ورا حصه والمشرفه تهدرز مع الطلبه والطالبات ونا راسي بيتفجر نبي نروح والمدير ميبيش حد يروح لنهاية الدوام لين جي وقت الاستراحه رنيت ع سامر ميردش عاودت مرتين فالاخير رد
انا: سامر وينك بنروح حصص كلهم فاضيه
امير : انا امير راقدين كلنا باتي ف المدرسه
انا : ضحكت : وين بابا
امير : مشعارف
انا : يابارد نوضهم
امير يوعي ف سامر وناض
سامر : فيه النوم : ايواا
انا : سامر بنروح
سامر : باهي تو يجيك سراج
انا : لااه فكني منه سراج
فراس : خش ع الاولاد : هيا من يمشي معاي للكوشه بنجيبو خبزه لفطور
سامر : انا باش بالمره انروحو بالنفخ
فراس: مش كأنه مزال المرواح
انا فصلت الخط وقعدت نرجا فيهم وبدت الحصه
انس(طالب يقرا معاي) : حن وين تسكني انتي
انا : شن هالسؤال الغريب هدا
ادم : ضحك
انس : انا حولت لحوش جديد واول امس شفتك مع واحد يبان خوك داخلين لفيلا ودايرين حفل تخرج
انا : اااهه اي هدا خوي متخرج
افنان : شهقت : عندك خووت اكبر منك قصدك
انا : اي
بتحكي ولاء دخل المدير
المدير : حن ولي امرك برا بتروحي
انا رفعت الشنطه وطلعت نجري لين وصلت قدام الباب
فراس : خيرك تجري العفو
انا : التووبه وبعد اسبوع هدا وين نجي للمدرسه غير نفخ ودراه كبد
سامر : اركبي اركبي.
ركبت واتكيت وهما ينزلو يشرو فالخبزه والفطور وانا رقدت ماحسيت بشي لين
فراس : حن حن وصلنا
سامر : نزل الكياس والخبزه : مابتنوضش را ومشي
فراس : يضرب فيا ع خدي : اوووي ياهمي نوضي
انا : خيرك
فراس : وصلنا
انا : رقدت
فراس :ينادي ع الكلب امتاعهم : كاسكو
الكلب جي ينبح
انا : فتحت عيوني بالقوه فنصت : نعن فيتك يافراس وووك
فراس : انزلي ولا نطلقه عليك
انا : خايفه : باهي نازله وفتحت الباب التاني ونزلت نجري خشيت
ع . امنه : ماتقوليلي ليش حياتك كلها عياط وجري
انا : فراس يخوف فيا
ع. امينه : توا يشوف
ماما : خليه بنت خاله وهو ولد عمتها ماهم غريبين يزعلو ويرضو
ع .امنه : صح عندك الحق
انا : مالا توا يشوف بنردهاله غير اصبرو عليا شوييه
اريج : تضحك : يستر الله يامرت خالي كان ماتقتله
حور : عادي انجي معاك
ماما : ريحن روحكن واشقن بعقابات عمركن
نور : خيرك اتنقصي ف عمرنا ياخالتي هدى
ماما : شن بنديرلكن ياشومات
انا : نضحك : ماما مش هكي عاد كبرنا راه
ماما : اي ماشاءلله تو بنعرسوكن وبنفرحو بيكن ولا كيف وشافت العماتي
ع. امينه : اي ولله
ع.امنه : يستر الله فاللي بياخدوهن بلا عقل هبلنا وراهن
انا : نور وحور واريج ماشاءالله عرسوهن انا مزال صغيره واصلا مزال نقرا
ماما : اي صح
ع. امينه : من توا حن نبيها لولدي فراس
انا : انصدمت عيوني طلعو: عمتييي احني توا ومزال نتعاركو مزال تبونا نقعدو ف حوش واحد
ماما : ضربتني : تحشمي يافرخه
نور : ضحكت : خيرك معاها ياخويله ع راحتها منزعلوش احني راه
ماما : مالا اسمعن بما انه فتحنا الموضوع
انا شبحت فالبنات وهزيت راسي بمعنا هيا نطلعو وطلعت لقيتهن ورايا
حور : خيرك شن فيه
اريج : كان خليتينا نسمعوهن شن بيهدرزن
انا : تو تسمعن وبديت انعد للخمسه وسمعنه صوت زغاريتهن
نور : فنصت فيا : خيرهن
انا : قعدت نضحك : شن بنقوللكن
اريج : قولي ولا نفصل راسك من جسمك
انا : بنعرسو لخوتي الـ4 مع بعض وقريب انشالله
اريج : اخساره كنت بنطيح سراج الكلب
حور : مالا حت انا بنعرس جيبولي حت بنقلا
نور : شبحت فيا : حت سامر
انا : شي اكيد
نور : كييفف
ع .امنه: تكلم فينا : بناات تعالن
خشينا نجرو ونور عيونها يدمعو
انا : نعم اعميمه
ماما : احممم
ع. امينه : شبحت لبناتها: مرت خالكن تبيكن لسيف وسامر موافقات كالا انا منلقاش خير منهم
ع. امنه : واريج تبيك مرت خالك لسراج
نور : ضحكت ودموعها نزلو
انا : نور واضح موافقه
ماما: فرحت : هااا نبي نسمعها منك
نور : هزت راسها : اكيد موافقه
انا : مالا ياماما نعطوها لسيف
نور فنصت فيا تفنيصه وقالت : لا
انا : ضحكت : اهاا تبي ساامر
ع. امينه : خزي بنات اخر زمن
قعدنا نضحكو
حور : انا لنقني موافقه نبي نعرس علشان التلاجه مليانه شوكلاطات
اريج : نوافقك الرأي حت نا بنوافق لكن وقت انتهابكو انا وسراج محد يجي ينفجع ويحز
انا : فرحت وقعدت انقز : هيي هي عرسس عرسسس
ماما وعماتي يضحكن وفرحانات
انا : رد بالكن اتقولن للاولاد تواا
ماما : ليش
انا : خليها بعد انروحو لانه توا وقت يعرفو بنتقيدو نقعدو حت الطلوع نتحشمو
ع. امنه : اي صح فالحوش احلا
انا: وقفت : تو نستأدنكم نبي سيف ف موضوع وطلعت
فراس : خيرك زي المجنونه ديما تجري
انا نتجاهل فيه وخلاص وهو مشكلته يحب المنابشه
انا : اوسيفه
سيف : نعم تعالي
انا : تعال نبيك بروحك
امير : يسترالله شكلها مؤامره علينا
انور: ضحك : لالا مديرهاش
انا : اصلا انور صاحبي
فراس : صاحب عينك
انا متجاهلته : هيا سيفوو
وقف ومشينا بجنب النخله
سيف : ها حنو
انا : شنجوو مستاحشه خويا ولا كيف
سيف : ضحك وحضني: حت انا مستاحشك يابقره
انا : تعررفف الهدرزه حلوه مع عماتي وبناتهن
سيف: صحووو
انا : اييي
سيف : باهي
انا : سييف شن رايك في حور
سيف : استغرب وضحك ف نفس الوقت: خيرها المجنونه
انا : لا شي غير قول بصدق
سيف : اممم من ناحيه الجمال جميله وذوقها حلو ف كل شي وتعرف اطيب و جوها حلو بس مشكلتها الوحيده انها متتحشمش يعني تحب المشاكل ودوشتها واجده
انا : لا وللهي معاكم بس راه بنت اسلوبها قنين وهدي اسمها معزه ياتور
سيف : مش عارف بس بيني وبينك عاجبتني
انا : ضحكت : شن رايك ناخدوهالك
سيف : شبح فيا: هكي قولتك
انا : حطيت يدي ع قلبه وطبطبت : جرب اهوا وين يدلك ووقفت
سيف : مش عاديه انتي بكل
انا : ابتسمت وبسته ع راسه : هي نتلاقو وشوف انت قلبك شن يقولك وقرر بعدها خبرني فالحوش ومشيت لقيت سراج بجنب الحوض مكسد بروحه
انا : فجعته : بخخخخ
سراج : انفجع : عنشكلك
انا : ضحكت : انقعمز
سراج : حت كان قتلك لا بتقعمزي
انا : ضربته وقعمزت : اهم شي حافظني
سراج : شنجوو
انا : مكسده كنت نتعارك مع البنات
سراج : اممم
انا : خيرك مالا
سراج : ولا حاجه هكي نحس فيها غامه وفتح الدخان ..عادي اندخن
انا : خود راحتك ....خيرك من شني مضايق
سراج : يدخن : منيش عارف
انا : شبحت ف عيونه : لا انت تعرف ومتبيش اتقولي
سراج : ضحك
انا : هياا احكيي
سراج : عندي صاحبي اسراري كلها عنده واللي ديما نطلعو مع بعض وانهيجو مع بعض طعني ف ظهري اللي درته خوي وصاحبي غشني ضحك عليا ف فلوسي وهرب فلووسسي اللي داسهم بندير بيهم مشروعي دسيتهم عنده عدا هرب بيهم الـ........
انا : اشش حبيبي وقتنا هدا مافيش اصحاب راهو ديما انقول فيها نا والفلوس يتعوضو مافيش حد يموت ع حد وكل واحد بقدره ياسيرجو صحح فالاول حتكون واعره وتحسها بسس صدقني مع الوقت تعرف اللي باعك واللي شاريك وتعرف من اللي يبي يصاحبك ومن اللي يغدر بيك والدنيا مش واقفه ع حد واتعلمك وانت تخادهم ادروس وربي مش ناسي حد حينتقملك منه وحترد ع صحته وانت مادام ربي معاك مش حتنكسر وقعدت انطبطب ع قلبه ..انت قوي ومافي شي يكسرك وانت ماخسرت شي صاحبك هوا اللي خسرك لانه درتله قدر وشان ودرته راجل وهوا حيدكر ويعرف غلطه ويقول ياريت مادرتش هكي احني بأفعالنا نتعلمو ونعرفو الصح من الغلط وبسته ع خده .. متزعلش وخديت منه الدخان لوحته
سراج : مسح دمعته وضحك : مفيش منك ياوخيتي وربي انتي بـ مية راجل اقسم بالله انتي السند ليا انا نعتبر فيك مش بس اخت صديقه وزياده وربي وعاني وعطاك ليا هديه ونحمد ربي عليها كل يوم
انا : قعدت نبكي ونمسح ف دموعي : ربي يخليك ليا انشالله ديما فووق عالي ياخوي مايهزك شي ياعزوتي وحطيت راسي ع كتفه
سراج : ابتسم : انشالله ياقلبي
انا :ضحكت : توا بنعرسك ع ذوقي
سراج : ضحك : يلا مالا ورينا ذوقك
انا : امممم اريج
سراج : قعد يضحك لين دهش
انا : خييرك
سراج : ارييج ناخدها انا
انا : التفتت فيه بس جت عيني في عين اريج انا : ارييج
سراج : ايي نقصد اريج مافي غيرها
انا : ياحمار وراك اريج
سراج : اختفت الابتسامه والتف : شن اديري هنا
اريج : مسحت دمعتها ومشت تجرس
انا : ارييججج

....

رايكمم ...........?!