حن الدنيا ♥

7

رواية : حن الدنيا ❤️✨.
للكاتبة : Nona Alsebhawy

البـارت السابع .....

بدينا حوستنا الـ2:44 وماكملناش وقريب اتجي الـ 4:20 وماما اتوتي فالمواعين متاع التقديم للشباب بس اما النسوان مش حتعزم واجد
ماما : نوضي يابنتي طلبية الحلويات
انا : هيا هي بس انتي بروحك
ماما : اهو كملت وبنمشي حت نا للمحلات ع السريع بيش انلحقوا
انا : حاضر هي ومشيت نوضت سند يسخن السياره وخشيت غسلت وجهي ولبست عبايتي واسبيدروي ووشاحي ورفعت تلفوني ونزلت لماما عطتني لفلوس وطلعت ركبت فالسياره وطلعنا
سند : متورتر ويسوق : ها شن صاار
انا : مابيتش نقوله : لالا مردش حد ع الرقم اتصلت بي صاحبتي خالاتها يخدمن ف محل
سند : سكت وضح عليه الزعل ...
انا : اهوا الوصف متاع المحل بجنب الحوش يخدمن فيه
سند. : باهي
بعدها سكتنا عرفته مايبيش يحكي وانا ماقلتله شي لين وصلنا ونزلت وفتحت الباب مره تانيه
سند : خيرك
انا : تعال ارفع معاي الطلبيات ماهن شوي راه ورنيت ع الرقم
وداد: ايوا
انا : قاعده قدام المحل راه
وداد : اي تفضلي خشي انا انطلع الطلبيه من التلاجه وانمدهالك
انا : تمام وخشينا انا وسند نرجو
كاين المحل صغير وانيق باارد فيه انواع حلويات واشكال غريبه حلوه لين انفتح الباب الخلفي انا مسكت في يد سند
سند : خيرك
انا : اكتفيت بـ ابتسامه ودخلت وداد تبتسم بدون ماتشوف سند حطت الطلبيه ورفعت عيونها
سند : مصدوم وماسك يدي بلقوه
وداد : نفس الشي مصدومه واتشوفله وبعدها اتشوفلي
انا : شكرا وداد وابتسمت
وداد : شافتلي وبعدها شافت ليدي ويده كيف ماسكين بعض
انا : ضحكت : هدا سند خويا
سند : عيونه حمر وضحك
وداد : بدو عيونها يدمعو
انا : عطيني باقي طلبيتي واحكو ع راحتكم لانه مزال الوقت مايفتحوش توا المحلات بيش انردو للحوش ونردو نطلعو
وداد عطتهم ليا ومديت لفلوس وطلعتهم وكسدت فالسياره وخليتهم ع راحتهم ونا كسدت ع تيليفوني ربع ساعه وبعدها سند طلع وركب فالسياره
انا : ابتسمت : هاا شني مني
سند : حضني : مافيش كيفك وربي وباسني ع خدي
انا : شن صار
سند : تو نوصلو للحوش انزلو الحلويات انحطوهم فالتلاجه ونطلعو للمحلات مره وحده
انا : به وسند مره يضحك ومره يفكر ماعرفتش خيره والمهم وصلنا الحوش لقيت مافيه حد وكل شي واتي والمربوعه نضيفه حطينا اللي جبناه و ردينا طلعنا من جديد
سند : حن كيف وصلتي فيها شن هالخطه الخطيره اهيا
انا : لا خطه لا حاجه قعدت انرن قريب 10 مرات فالاخير ردت وقلت مانبيش انقولك لين اتشوفها بروحك
سند : فرحتيني وصدمتيني ولله
انا : شن صار فيكم
سند : خوها شك فيها اللي منحباش وهمي ازح كان نلقا نقتله ..المهم بياخد منها التلفون عرفت انه مش حيعطيه ليها خشت للحمام وكتبتلي اللي كتباته وطول هالسنتين بلا تلفون عندها البيله والايميل متاع الفيس مسكره ليها وتحسابك مرتي راهو
انا : حقييرر خوهاا ..وهيا دارت هكي بيش متسببلكش مشاكل وحركتها حلوه من الناحيه هدي وناحيه انها اختفت مش حلوه
سند : صح
انا : التفتت شفتله : قاعد تحبهاا
سند : ابتسم : واكتر من ماتتصوري
انا : ربي يجمعكم بالحلال يارب
سند : ان شالله حبيبتي ووقفنا ع محل خاص بالتورتات ونزلنا شرينا تورته بسيطه انيقه بيضه ع شكل بدله رسميه وباسطي شوكلاطه 70 طرف وطلعنا
سند : شني خلاص انروحو
انا : لالا نبي محل رجالي
سند : فنص : شن تبي فيه
انا : بنشري هديه ل سامر
سند : سكت شويه : انزلي به
ونزلنا وخشينا مسك في يدي
انا : زعما شن نهدوله
سند : مش عارف
انا : انت شن بتاخدله
سند : شن يحب
انا : ضحكت : يحب كل شي
سند : تو نشريله لبسه وخلاص
انا : اوكي
وشراله وطلعنا لمحل العطور خديت عطر ومجموعه نيفيا رجاليه ودارهم ليا ف بكس وقتي وروحنا ودسيت هديتي وبعدها روحو باقي العيله وبدينا انحوسو الاولاد ع اساس بيساعدونا لمو الجنان وسيقوه ونا وماما فالمطبخ كملنا التطييب لانه بنديروه عشي و بدينا ف هدايا اصحاب سامر اللي هوا مسواك وعطر وميداليه مفتاح ف صندوق شفاف عليه ربطه سوده وكملناهم وبعدها طلعت ستفتهم ع طاولة المربوعه ورتبتهم وبخرتها وطلعت لميت صاله الضيوف وبخرتها وركبت لداري غيرت حوايجي لبست بدله كامله مخططة اسود ف ابيض نظام سروالها واااسعع مفتوح من جنب الجيهتين للركبه و القميص متاعها وااسع اكمامها مفتوحات لنص مش طويل واجد ودرت شعري ديل حصان وبخرت ودرت عطر و مكيجت ع الخفيف ونزلت
ماما : ها كملتي
انا : اي
ماما : تعالي صوري التقديم عماتك قريب يجو ونساوين الجيران اي لحضه يخشو
انا : هي وصورت و طلعت للمربوعه صورت ونا طالعه لقيت سامر مقعمز يتكلم فالجنان
انا : نأشرله
سامر : سكر الخط : تعالي
انا : خييرك مبدلتش
سامر: اللي يسمع توا تخرجت
انا : مدخلنيش فيك البس حتا سروال اسود وقميص وقرواطه
سامر: عرييسس
انا : انشالله تقعد عريس غير هيا نوضض
سامر : باهي وخشينا ومع المغرب الناس بدو يجو وقبلها بشوي الموالح وصلو واصحاب سامر وخوتي رفعوه ومشو بيه انا خشيت بسرعا دخلت التورته والباسطي والحلويات والعصير والميه رتبتهم  .. جو عماتي واولادهم وبناتهم والجيران و امهات اصحاب خوي يعني النساوين مش واجد ..
عندي زوز عمات ومعنديش عمام  ومعنديش لا خاله لا خال ماما بنت وحده وبابا ولد واحد وبعدها جو خواته
...أمنه ، عندها بنت اسمها اريج م 99 وولدين امير م 2000 و انور 2002
...أمينه ، عندها زوز بنات توأم م 97 اسمهم نور وحور وولد واحد م 95 اسمه فراس
جو كلهم وانا مش مختلطه بيهم يعني منمشيش لحد واولادهم مايعرفوني لا نعرفهم غير بالاسم اما البنات معنديش عليهم واجد
المهم سلمت ع عماتي والبنات وخششتهم داخل شوي نسمع ف صوت عياط وضحك الشباب عرفتهم جو اشويه اتصل بيا سامر
انا : الوو
سامر : صوته فاصل : من فيه الداخل
انا : عماتي والجيران
سامر: نبي نركب لدار فيه مجال
انا : اي هي تو نفتحلك باب الحوش
سامر : اوكي
مشيت فتحتله الباب انصدمت وضحكت
انا : ووووه تخوف
سامر : نحي من طريقي
انا : معفن ريحتك
سامر : فنص فيا : تشوفي في منضري يعني شن تبي تفوح مني ريحه ورد
انا : نننننننن خش خش
خليت سامر يخش وبنسكر الباب يقابلني واحد يضحك ويتفرج
انا : !!!!!!!!؟؟؟؟؟؟؟ صرفقت الباب في وجهه لحقت سامر قلتله دوش وديرلي رنه انقابلك بش تنزل ومطولش راه بيباركلك نساوين عماتي والجيران
سامر : يصير خير
ونزلت قعمزت مع الضيوف
نور : شنجوك حن
انا : الحمدلله وانتي
نور : الحمدلله
انا : من انتي ..........
نور : 😂😂😂....

رايكمممم يهمنيييي ".........